ﯟ

ترجمة معاني سورة ق باللغة الطاجيكية من كتاب Tajik - Tajik translation .

ﰡ

ﭑﭒﭓﭔ ﰀ​

ҚОФ


Қоф. Қасам ба ин Қуръони арҷманд!
ﭖﭗﭘﭙﭚﭛﭜﭝﭞﭟﭠ ﰁ​

Ки дар тааҷҷуб шуданд, аз ин ки аз миёни худашон бимдиҳандае сӯяшон омад, ва кофирон гуфтанд: «Ин чизе аҷиб аст.
ﭢﭣﭤﭥﭦﭧﭨﭩ ﰂ​

Оё замоне, ки мурдему хок шудем, дигар бор зинда мешавем? Ин бозгаште мухол (номумкин) аст!»
ﭫﭬﭭﭮﭯﭰﭱﭲﭳﭴ ﰃ​

Мо медонем, ки хок чӣ гуна аз (ҷасадҳои) онҳо кам мекунад. Ва китобе, ки ҳама чиз дар он нигаҳдорӣ шуда, назди Мост.
ﭶﭷﭸﭹﭺﭻﭼﭽﭾ ﰄ​

Оре, онҳо сухани ростеро, ки бар онҳо омада буд, дурӯғ шумурданд. Пас дар коре шӯрида афтоданд.
ﮀﮁﮂﮃﮄﮅﮆﮇﮈﮉﮊﮋ ﰅ​

Оё ба ин осмон бар болои сарашон назар намекунашд, ки чӣ гуна онро бино кардаем ва оростаем ва ҳеҷ шикофе дар он нест?
ﮍﮎﮏﮐﮑﮒﮓﮔﮕﮖﮗ ﰆ​

Ва заминро густурдем ва дар он кӯҳҳои баланд афкандем ва аз ҳар гуна набототи хушманзар дар он рӯёнидем.
ﮙﮚﮛﮜﮝ ﰇ​

Бинише ва пандест барои ҳар бандае, ки ба Худо бозгардад.
ﮟﮠﮡﮢﮣﮤﮥﮦﮧﮨ ﰈ​

Ва аз осмои обе пурбаракат фиристодем ва бо он боғҳову донаҳои даравшуданӣ рӯёнидем
ﮪﮫﮬﮭﮮ ﰉ​

ва нахлҳои баланд бо хушаҳои барҳам чида,
ﮰﮱﯓﯔﯕﯖﯗﯘﯙﯚ ﰊ​

то ризқи баидагон бошад ва бо он об сарзамини мурдаро зинда кардем. Баромадан аз гӯр низ чунин аст.
ﯜﯝﯞﯟﯠﯡﯢ ﰋ​

Пеш аз онҳо қавми Нӯҳ ва асҳоби Рас ва Самуд такзиб карда (дурӯғ бароварда) буданд
ﯤﯥﯦﯧ ﰌ​

ва қавми Оду Фиръавн ва қавми Лут
ﯩﯪﯫﯬﯭﯮﯯﯰﯱﯲ ﰍ​

ва асҳоби Айка ва қавми Туббаъ ҳама паёмбаронро дурӯғ шумурданд ва сазовори ваъдаи азоби Ман шуданд.
ﯴﯵﯶﯷﯸﯹﯺﯻﯼﯽﯾ ﰎ​

Оё аз офариниши нахустин оҷиз шуда будем? На онҳо дар офариниши тоза дар шакканд.
ﭑﭒﭓﭔﭕﭖﭗﭘﭙﭚﭛﭜﭝﭞﭟ ﰏ​

Мо одамиро офаридаем ва аз васвасаҳои нафси ӯ огоҳ ҳастем, зеро аз раги гарданаш ба ӯ наздиктарем.
ﭡﭢﭣﭤﭥﭦﭧﭨ ﰐ​

Ҳангоме ки он ду фариштаи фарогиранда дар ҷониби росту ҷониби чапи ӯ нишастаанд, ҳар чизро фаро мегиранд.
ﭪﭫﭬﭭﭮﭯﭰﭱ ﰑ​

Ҳар каломе ки мегӯяд, албатта дар канори ӯ нозиру нависандае ҳозир аст.
ﭳﭴﭵﭶﭷﭸﭹﭺﭻﭼ ﰒ​

Ба ростӣ, ки беҳушии марг фаро мерасад. Ин аст он чӣ аз он мегурехтӣ.
ﭾﭿﮀﮁﮂﮃﮄ ﰓ​

Ва дар сур дамида мешавад, Ин аст, рӯзи ваъдаҳои азоб!
ﮆﮇﮈﮉﮊﮋ ﰔ​

Ҳар касе меояд ва бо ӯ касест, ки меронадаш ва касест, ки барояш шоҳидӣ медиҳад.
ﮍﮎﮏﮐﮑﮒﮓﮔﮕﮖﮗﮘ ﰕ​

Ту аз ин ғофил будӣ. Мо парда аз баробарат бардоштем ва имрӯз чашмонат тезбин шудааст.
ﮚﮛﮜﮝﮞﮟ ﰖ​

Фариштаи (муваккали) ӯ гӯяд: «Ин аст он чӣ ман омода кардаам».
ﮡﮢﮣﮤﮥﮦ ﰗ​

Ҳар ношукри саркашро ба ҷаҳаннам бияндозед:
ﮨﮩﮪﮫ ﰘ​

он ки аз бахшиш бахилӣ кард ва таҷовузкор буд ва шак меовард,
ﮭﮮﮯﮰﮱﯓﯔﯕﯖﯗ ﰙ​

он ки бо Худои як то худои дигаре қарор дод. Пас ба азоби сахташ бипартоед!
ﯙﯚﯛﯜﯝﯞﯟﯠﯡﯢﯣ ﰚ​

Ҳамнишини ӯ гӯяд: «Эй Парвардигори мо, ман ӯро ба саркашӣ водор накардам, балки ӯ худ, сахт дар гумроҳӣ буд».
ﯥﯦﯧﯨﯩﯪﯫﯬ ﰛ​

Мегӯяд: «Назди Ман муҷодала накунед. Ман пеш аз ин бо шумо сухан аз азоб гуфта будам.
ﯮﯯﯰﯱﯲﯳﯴﯵ ﰜ​

Ваъдаи Ман дигаргун намешавад ва Ман ба бандагон зулм намекунам».
ﯷﯸﯹﯺﯻﯼﯽﯾﯿ ﰝ​

Рӯзе, ки ҷаҳаннамро мегӯем: «Оё пур шудаӣ?» Мегӯяд: «Оё ҳеҷ зиёдатӣ ҳаст?»
ﰁﰂﰃﰄﰅ ﰞ​

Ва биҳиштро барои парҳезгорон наздик биёваранд, то аз он дур набошанд.
ﰇﰈﰉﰊﰋﰌ ﰟ​

Ин ҳамон чизест, ки ба ҳар тавбакунащдаи парҳезгоре ваъдааш дода буданд.
ﰎﰏﰐﰑﰒﰓﰔ ﰠ​

Онҳоеро, ки дар ниҳон аз Худои раҳмон метарсанд ва бо диле тавбакор омадаанд.
ﰖﰗﰘﰙﰚﰛ ﰡ​

Гӯянд: «Дар амон аз ҳар азобе ба биҳишт дохил шавед. Ин рӯз рӯзи ҷовидонист».
ﰝﰞﰟﰠﰡﰢ ﰢ​

Дар он ҷо ҳар чӣ бихоҳанд, ҳаст ва бештар аз он назди Мо ҳаст.
ﭑﭒﭓﭔﭕﭖﭗﭘﭙﭚﭛﭜﭝﭞﭟ ﰣ​

Пеш аз онҳо чӣ бисёр мардумеро, ки боқувваттар буданд ва дар шаҳрҳо сайру ҷустуҷӯ мекарданд, ба ҳалокат овардаем. Оё роҳи гурезе ҳаст?
ﭡﭢﭣﭤﭥﭦﭧﭨﭩﭪﭫﭬﭭ ﰤ​

Дар ин сухан барои соҳибдилон ё онон, ки бо ҳузур гӯш меандозанд, андарзест (пандест).
ﭯﭰﭱﭲﭳﭴﭵﭶﭷﭸﭹﭺﭻ ﰥ​

Мо осмонҳову замин, ва он чиро миёни онҳост, дар шаш рӯз офаридем ва ҳеҷ хастагӣ ба Мо нарасид.
ﭽﭾﭿﮀﮁﮂﮃﮄﮅﮆﮇﮈ ﰦ​

Дар баробари он чӣ мегӯянд, пойдорӣ кун ва дар ситоиши Парвардигорат пеш аз баромадани офтоб ва пеш аз фаромадани он тасбеҳ гӯй.
ﮊﮋﮌﮍﮎ ﰧ​

Ва низ дар порае аз шаб ва баъд аз ҳар саҷда ӯро тасбеҳ гӯй.
ﮐﮑﮒﮓﮔﮕﮖ ﰨ​

Ва он гоҳ ки мунодӣ (нидокунанда, Исрофил) аз маконе наздик нидо медиҳад, гӯш фаро дор.
ﮘﮙﮚﮛﮜﮝﮞﮟ ﰩ​

Рӯзе, ки он овози сахтро ба ҳақ мешунаванд, он рӯз рӯзи берун шудан аз гӯр аст.
ﮡﮢﮣﮤﮥﮦ ﰪ​

Мо зинда мекунем ва мемиронем ва бозгашт назди Мост.
ﮨﮩﮪﮫﮬﮭﮮﮯﮰﮱ ﰫ​

Рӯзе, ки замин бишкофад ва онҳо ба шитоб берун оянд ва ин ҷамъоварӣ барои Мо осон аст.
ﯔﯕﯖﯗﯘﯙﯚﯛﯜﯝﯞﯟﯠﯡﯢ ﰬ​

Мо ба он чӣ мегӯянд, донотарем ва ту ба онҳо зӯр намегӯӣ. Пас ҳар киро аз ваъдаи азоби Ман метарсад, ба Қуръон панд деҳ!