Surah سورة الواقعة

Verse 1

ﮃﮄﮅ ﮆ

Amay ka makatana so phakatana (a so alongan a qiyamah), -

Verse 2

ﮇﮈﮉ ﮊ

Da ko kapakatana iyan i maka ongkir on, -

Verse 3

ﮋﮌ ﮍ

Phakarondann Iyan (so sabaad), phakaombawn Iyan (so sabaad);

Verse 4

ﮎﮏﮐﮑ ﮒ

Amay ka linogn so lopa sa linog a samporna,

Verse 5

ﮓﮔﮕ ﮖ

Go mazaropt so manga palaw sa samporna a kazaropt,

Verse 6

ﮗﮘﮙ ﮚ

Na mbaloy a lopapk, a mikakayambr,

Verse 7

ﮛﮜﮝ ﮞ

Go mbaloy kano a tlo ka dinis:

Verse 8

ﮟﮠﮡﮢﮣ ﮤ

Na so manga taw sa kawanan; - na antonaa i manga taw sa kawanan?

Verse 9

ﮥﮦﮧﮨﮩ ﮪ

Go so manga taw sa diwang, - na antonaa i manga taw sa diwang?

Verse 10

ﮫﮬ ﮭ

Go so miyangaoona (ko paratiyaya) na phangaoona (ko sorga):

Verse 11

ﮮﮯ ﮰ

Na siran man i manga rarani (ko Allah),

Verse 12

ﮱﯓﯔ ﯕ

A khatago ko manga sorga, a pakalma:

Verse 13

ﯖﯗﯘ ﯙ

Madakl a pd on ko miyangaoona,

Verse 14

ﯚﯛﯜ ﯝ

Na mayto a pd on ko miyanga oori;

Verse 15

ﯞﯟﯠ ﯡ

Khidadarpa ko manga kantir, a piyamarabowatan,

Verse 16

ﯢﯣﯤ ﯥ

Gii siran roo zasandasandang, a khipagaadapadapa.

Verse 17

ﭑﭒﭓﭔ ﭕ

Ipphagilid kiran o manga wata a tatap a manga kangodaan,

Verse 18

ﭖﭗﭘﭙﭚ ﭛ

So manga baso, go manga kndi, go so khitatagoan sa inomn a phoon ko bowalan,

Verse 19

ﭜﭝﭞﭟﭠ ﭡ

Di ron zakit a olo iran, go di siran on khabrg,

Verse 20

ﭢﭣﭤ ﭥ

Go manga onga, a pd ko matotomo iran,

Verse 21

ﭦﭧﭨﭩ ﭪ

Go sapo a manga papanok a pd ko pkhababayaan iran;

Verse 22

ﭫﭬ ﭭ

Go so (manga bai a) manga tataid, a manga pipiya i kapmata,

Verse 23

ﭮﭯﭰ ﭱ

Manga izan o manga montiya, a totongkopn;

Verse 24

ﭲﭳﭴﭵ ﭶ

Balas ko pinggolawla iran (a mapiya).

Verse 25

ﭷﭸﭹﭺﭻﭼ ﭽ

Daa khan´g iran roo a ilang, go da a kambaradosa,

Verse 26

ﭾﭿﮀﮁ ﮂ

Inonta so katharo a "salaam, kalilintad."

Verse 27

ﮃﮄﮅﮆﮇ ﮈ

Na so manga taw sa kawanan; - antonaa i manga taw sa kawanan?

Verse 28

ﮉﮊﮋ ﮌ

Khatago siran ko kayo a Sidr a disorokn,

Verse 29

ﮍﮎ ﮏ

Go manga saging, a manga titiyolig,

Verse 30

ﮐﮑ ﮒ

Go kasisirongan a tatap,

Verse 31

ﮓﮔ ﮕ

Go ig a mabobobos,

Verse 32

ﮖﮗ ﮘ

Go manga onga a madakl,

Verse 33

ﮙﮚﮛﮜ ﮝ

Dikharintas go da a rn iyan,

Verse 34

ﮞﮟ ﮠ

Go manga igaan a manga poporo.

Verse 35

ﮡﮢﮣ ﮤ

Mataan! a Skami na pagadnn Ami siran (a manga bai ko sorga) sa bago a kapangadn,

Verse 36

ﮥﮦ ﮧ

Na mbalowin Ami siran a manga raga,

Verse 37

ﮨﮩ ﮪ

A manga sasalinggagaw, a mrzarza,

Verse 38

ﮫﮬ ﮭ

A bagian o manga taw sa kawanan.

Verse 39

ﮮﮯﮰ ﮱ

Madakl a pd on ko miyangaoona,

Verse 40

ﯓﯔﯕ ﯖ

Go madakl a pd on ko miyangaoori.

Verse 41

ﯗﯘﯙﯚﯛ ﯜ

Na so manga taw sa diwang; - antonaa i manga taw sa diwang?

Verse 42

ﯝﯞﯟ ﯠ

Khatago ko mayaw, go phlikabo a ig,

Verse 43

ﯡﯢﯣ ﯤ

Go along, a bl a maytm,

Verse 44

ﯥﯦﯧﯨ ﯩ

Di pakarnggay, go di mapiya,

Verse 45

ﯪﯫﯬﯭﯮ ﯯ

Mataan a siran na aya btad iran ko onaan oto na khikasosonor,

Verse 46

ﯰﯱﯲﯳﯴ ﯵ

Go aya btad iran na lalalayonn iran so dosa a mala,

Verse 47

ﯶﯷﯸﯹﯺﯻﯼﯽﯾ ﯿ

Go aya btad iran na gi iran tharoon: "Ino amay ka matay kami, go mbaloy kami a botha, go manga tolan, ba mataan! a khawyag kami dn (zaroman)?"

Verse 48

ﰀﰁ ﰂ

"Go so manga loks ami a miyangaoona?"

Verse 49

ﰃﰄﰅﰆ ﰇ

Tharoang ka: "Mataan! a so miyangaoona, go so miyangaoori,"

Verse 50

ﰈﰉﰊﰋﰌ ﰍ

"Na plimodn siran dn ko kapthatalabokaan ko alongan a mappnto;"

Verse 51

ﭑﭒﭓﭔﭕ ﭖ

"Oriyan iyan na mataan! a skano hay mithataridadag! - a miyamanaplis, -

Verse 52

ﭗﭘﭙﭚﭛ ﭜ

"Na phakakan kano dn ko kayo a Zaqqom,"

Verse 53

ﭝﭞﭟ ﭠ

"Na mapnopno iyo ron so manga tiyan iyo;"

Verse 54

ﭡﭢﭣﭤ ﭥ

"Na misondok iyo ron so phlikabo a ig."

Verse 55

ﭦﭧﭨ ﭩ

"Na makainom kano sa kainom a manga onta a pkhawaw!"

Verse 56

ﭪﭫﭬﭭ ﭮ

Giyaya i talagad kiran ko gawii a kapamalas!

Verse 57

ﭯﭰﭱﭲ ﭳ

Skami i miyadn rkano; na ba kano di phangimbnar?

Verse 58

ﭴﭵﭶ ﭷ

Ay gda iyo ko pkhawdod iyo (ko manga rahim o manga babay)?

Verse 59

ﭸﭹﭺﭻﭼ ﭽ

Ba skano i phagadn on, antawaa Skami i Pphangadn?

Verse 60

ﭾﭿﮀﮁﮂﮃﮄ ﮅ

Skami i dominiyangka rkano ko kapatay, na di Kami niyo khapalagoyan,

Verse 61

ﮆﮇﮈﮉﮊﮋﮌﮍﮎ ﮏ

Ko kazambi Ami sa manga lagid iyo, go so kaphagadna Mi rkano ko nganin a di niyo katawan.

Verse 62

ﮐﮑﮒﮓﮔﮕ ﮖ

Na sabnsabnar a kiyatokawan iyo so kiyapangadn a paganay; na ba niyo di khatadmi?

Verse 63

ﮗﮘﮙ ﮚ

Ay gda iyo ko ipzawd iyo?

Verse 64

ﮛﮜﮝﮞﮟ ﮠ

Ba skano i pphamakalonaw ron, antawaa Skami i pphamakalonaw ron?

Verse 65

ﮡﮢﮣﮤﮥﮦ ﮧ

O kabaya Ami na mataan a khabaloy Ami skaniyan a pols, na mabaloy kano a pphammsa kano,

Verse 66

ﮨﮩ ﮪ

(Gii niyo matharo:) "Mataan! a skami na ba kami dn miyakambayadan!"

Verse 67

ﮫﮬﮭ ﮮ

"Kna, ka skami na piyapas rkami (so riskhi)."

Verse 68

ﮯﮰﮱﯓ ﯔ

Ay gda iyo ko ig a so phaginomn iyo?

Verse 69

ﯕﯖﯗﯘﯙﯚﯛ ﯜ

Ba skano i pphamakatoron on a phoon ko manga gabon, antawaa Skami i pphamakatoron on?

Verse 70

ﯝﯞﯟﯠﯡﯢ ﯣ

O kabaya Ami, na khabaloy Ami skaniyan a mapld; na ino kano di phanalamat?

Verse 71

ﯤﯥﯦﯧ ﯨ

Ay gda iyo ko apoy a so mapphakagmaw niyo?

Verse 72

ﯩﯪﯫﯬﯭﯮ ﯯ

Ba skano i miyakatho ko kayo niyan, antawaa Skami i miyamakatho on?

Verse 73

ﯰﯱﯲﯳﯴ ﯵ

Skami na biyaloy Ami skaniyan a pananadm, go kapnggonaan khitatanaw.

Verse 74

ﯶﯷﯸﯹ ﯺ

Na phoroporo on ka so ngaran o Kadnan ka a Mala!

Verse 75

ﯻﯼﯽﯾﯿ ﰀ

Na pzapa Ako dn sa ibt ko manga darpa o manga bitoon,

Verse 76

ﰁﰂﰃﰄﰅ ﰆ

Na mataan aya a titho a kazapa o katawi niyo a lbi a mala,

Verse 77

ﭑﭒﭓ ﭔ

Mataan! a skaniyan na titho a Qor´an, a pagaadatan,

Verse 78

ﭕﭖﭗ ﭘ

Zisii ko daptar a pagoongowan (a so Lawkh Mahfod).

Verse 79

ﭙﭚﭛﭜ ﭝ

Daa phakaskho on inonta so miyanga sosoti;

Verse 80

ﭞﭟﭠﭡ ﭢ

Initoron a phoon ko Kadnan o manga kaadn.

Verse 81

ﭣﭤﭥﭦ ﭧ

Antonaa i sabap a giya ungkai a tothol na skano na pakaiitoon iyo,

Verse 82

ﭨﭩﭪﭫ ﭬ

Go pmbalowin iyo so pagpr rkano a mataan! a skano na phagongkirn niyo?

Verse 83

ﭭﭮﭯﭰ ﭱ

Na ino igira a miyakasampay (so niyawa) ko bakrng,

Verse 84

ﭲﭳﭴ ﭵ

A skano sa masa oto na pkhailay niyo,

Verse 85

ﭶﭷﭸﭹﭺﭻﭼ ﭽ

Go Skami i lbi a marani ron a di skano, - na ogaid na di niyo khaylay,

Verse 86

ﭾﭿﮀﮁﮂ ﮃ

Na o skano na di kano khabalasan,

Verse 87

ﮄﮅﮆﮇ ﮈ

Na ino niyo to di maphakakasoy, o skano i manga bnar?

Verse 88

ﮉﮊﮋﮌﮍ ﮎ

Na amay ka aya btad iyan na pd ko phamakaranin (ko sorga),

Verse 89

ﮏﮐﮑﮒ ﮓ

Na (rk iyan) so kapakadkha, go pagpr, go sorga, a pakalma.

Verse 90

ﮔﮕﮖﮗﮘﮙ ﮚ

Na amay ka aya btad iyan na pd ko manga taw sa kawanan,

Verse 91

ﮛﮜﮝﮞﮟ ﮠ

Na (tharoon on:) "Salaam a bagian ka a pd ko manga taw sa kawanan."

Verse 92

ﮡﮢﮣﮤﮥﮦ ﮧ

Na amay ka aya btad iyan na sii pd ko miyamanaplis, a mithataridadag,

Verse 93

ﮨﮩﮪ ﮫ

Na talagad on so phlikabo a ig,

Verse 94

ﮬﮭ ﮮ

Go phagbong ko naraka Jahim.

Verse 95

ﮯﮰﮱﯓﯔ ﯕ

Mataan! a giyaya na titho a skaniyan so bnar a matatangkd.

Verse 96

ﯖﯗﯘﯙ ﯚ

Na phoroporo on ka so ngaran o Kadnan ka, a Lbi-a-mala.

Tafsir ng سورة الواقعة

سورة الواقعة

Tafsir sa Sura الواقعة sa ماراناو gikan sa Maranao - Maranao translation

Maranao - Maranao translation

Maranao - Maranao translation