ﰡ
بروج
برجوں والے آسمان کی قسم!
حاضر ہونے والے اور حاضر کئے گئے کی قسم!
﴿کہ﴾ خندقوں والے ہلاک کیے گئے
وه ایک آگ تھی ایندھن والی
جب کہ وه لوگ اس کے آس پاس بیٹھے تھے
اور مسلمانوں کے ساتھ جو کر رہے تھے اس کو اپنے سامنے دیکھ رہے تھے
یہ لوگ ان مسلمانوں (کے کسی اور گناه کا) بدلہ نہیں لے رہے تھے، سوائے اس کے کہ وه اللہ غالب ﻻئق حمد کی ذات پر ایمان ﻻئے تھے
جس کے لئے آسمان وزمین کا ملک ہے۔ اور اللہ تعالیٰ کے سامنے ہے ہر چیز
بیشک جن لوگوں نے مسلمان مردوں اور عورتوں کو ستایا پھر توبہ (بھی) نہ کی تو ان کے لئے جہنم کا عذاب ہے اور جلنے کا عذاب ہے
بیشک ایمان قبول کرنے والوں اور نیک کام کرنے والوں کے لئے وه باغات ہیں۔ جن کے نیچے نہریں بہہ رہی ہیں۔ یہی بڑی کامیابی ہے
یقیناً تیرے رب کی پکڑ بڑی سخت ہے
وہی پہلی مرتبہ پیدا کرتا ہے اور وہی دوباره پیدا کرے گا
وه بڑا بخشش کرنے واﻻ اور بہت محبت کرنے واﻻ ہے
جو چاہے اسے کر گزرنے واﻻ ہے
تجھے لشکروں کی خبر بھی ملی ہے؟
(کچھ نہیں) بلکہ کافر تو جھٹلانے میں پڑے ہوئے ہیں
اور اللہ تعالیٰ بھی انہیں ہر طرف سے گھیرے ہوئے ہے
بلکہ یہ قرآن ہے بڑی شان واﻻ