Surah سورة النازعات

Verse 1

ﮢﮣ ﮤ

Ibt ko dii nggagandr tomkaw (a manga malaikat),

Verse 2

ﮥﮦ ﮧ

Go so pphamanonggos sa mananay,

Verse 3

ﮨﮩ ﮪ

Go so pphamanoron sa magaan,

Verse 4

ﮫﮬ ﮭ

Go so pphamangonakona,

Verse 5

ﮮﮯ ﮰ

Go so gii thatandingan ko sogoan (ka pagoyagn kano dn);

Verse 6

ﮱﯓﯔ ﯕ

Sii ko alongan a thambtambg so phakatambg,

Verse 7

ﯖﯗ ﯘ

A matondog skaniyan o phakatondog.

Verse 8

ﯙﯚﯛ ﯜ

So manga poso sa alongan oto na maalk,

Verse 9

ﯝﯞ ﯟ

So manga kaylay ron na makassnong.

Verse 10

ﯠﯡﯢﯣﯤ ﯥ

Gi iran tharoon: "Ba mataan! a sktano na khikasoy tano dn ko asal a btad (a kawyagoyag)?"

Verse 11

ﯦﯧﯨﯩ ﯪ

"Ati apiya pn mabaloy tano a manga tolan a miyanga rorophod?"

Verse 12

ﯫﯬﯭﯮﯯ ﯰ

Pitharo iran a: "Giyoto man na samawto na kapakakasoy a kalogi!"

Verse 13

ﯱﯲﯳﯴ ﯵ

Na giyoto na satiman bo a lalis,

Verse 14

ﯶﯷﯸ ﯹ

Na samawto na siran na matago siran ko liyawaw o lopa (a manga oyagoyag).

Verse 15

ﯺﯻﯼﯽ ﯾ

Ino a miyakatalingoma rka so totholan ko Mosa?

Verse 16

ﯿﰀﰁﰂﰃﰄ ﰅ

Gowani a itawag rkaniyan o Kadnan iyan sii ko balintad a soti a giya Towa:

Verse 17

ﭑﭒﭓﭔﭕ ﭖ

"Song ka ko Pir´awn, mataan! a skaniyan na miyangakowala,"

Verse 18

ﭗﭘﭙﭚﭛﭜ ﭝ

"Na tharoang ka: ´Ino khabaya ka a masoti ka?´

Verse 19

ﭞﭟﭠﭡ ﭢ

"Go manggonanao akn ska ko Kadnan ka, na makapananggila ka."

Verse 20

ﭣﭤﭥ ﭦ

Na piyakiilay niyan on so tanda a mala.

Verse 21

ﭧﭨ ﭩ

Na piyakambokhag iyan go somiyangka,

Verse 22

ﭪﭫﭬ ﭭ

Oriyan iyan na tomiyalikhod a gii nggagaan,

Verse 23

ﭮﭯ ﭰ

Na tominimo sa taw go piyakalangkap iyan,

Verse 24

ﭱﭲﭳﭴ ﭵ

Sa pitharo iyan: "Sakn i tohan iyo a maporo."

Verse 25

ﭶﭷﭸﭹﭺ ﭻ

Na inidan´g on o Allah so siksa ko mori, ago so paganay.

Verse 26

ﭼﭽﭾﭿﮀﮁ ﮂ

Mataan! a adn a matatago saya a titho a thoma ko taw a maalkn (ko Allah).

Verse 27

ﮃﮄﮅﮆﮇﮈﮉ ﮊ

Ba skano i margn a adnn, antawaa so langit? Pimbalay Niyan skaniyan:

Verse 28

ﮋﮌﮍ ﮎ

Iniporo Iyan so kaporo Iyan go pithaong Iyan phiyapiya,

Verse 29

ﮏﮐﮑﮒ ﮓ

Go piyakalibotng Iyan so gagawii ron, go piyakaliwanag Iyan so dawndaw ron;

Verse 30

ﮔﮕﮖﮗ ﮘ

Go so lopa ko oriyan oto na kiyayat Iyan,

Verse 31

ﮙﮚﮛﮜ ﮝ

Piyakambowat Iyan on so ig rkaniyan, ago so manga pangn´ngkn on;

Verse 32

ﮞﮟ ﮠ

Go so manga palaw na piyamakabkn Iyan on,

Verse 33

ﮡﮢﮣ ﮤ

Pagpr rkano ago so manga ayam iyo.

Verse 34

ﮥﮦﮧﮨ ﮩ

Na amay ka makatalingoma so khawlawla a mala,

Verse 35

ﮪﮫﮬﮭﮮ ﮯ

Sii ko alongan a katadman o manosiya so pinggolawla niyan,

Verse 36

ﮰﮱﯓﯔ ﯕ

Go payagn so naraka Jahim ko phakaylay ron.

Verse 37

ﯖﯗﯘ ﯙ

Na so pman so taw a miyangakowala,

Verse 38

ﯚﯛﯜ ﯝ

Go miyatomo iyan so kawyagoyag sa doniya,

Verse 39

ﯞﯟﯠﯡ ﯢ

Na mataan! a so naraka Jahim na giyoto i darpa iyan.

Verse 40

ﯣﯤﯥﯦﯧﯨﯩﯪﯫ ﯬ

Na so pman so miyalk sa kakhaadapa niyan ko Kadnan iyan, go pininggn iyan a ginawa niyan ko kabaya a ribat.

Verse 41

ﯭﯮﯯﯰ ﯱ

Na mataan! a so sorga na giyoto i darpa iyan.

Verse 42

ﯲﯳﯴﯵﯶ ﯷ

Ipagiza iran rka so bangkit, o anday kaphakadongko iyan?

Verse 43

ﯸﯹﯺﯻ ﯼ

Na bang ka kiran oto kaphakisaboti?

Verse 44

ﯽﯾﯿ ﰀ

Sii bo ko Kadnan ka so khadansalan iyan.

Verse 45

ﰁﰂﰃﰄﰅ ﰆ

Mataan! a ska na matag ka phamakaiktiyar ko maalk Rkaniyan.

Verse 46

ﰇﰈﰉﰊﰋﰌﰍﰎﰏ ﰐ

Lagid oba mataan a siran ko alongan a kasandngi iran on na da a minitarg iran (ko doniya) a rowar ko kagabigabi odi na so kapitapita!

Tafsir ng سورة النازعات

سورة النازعات

Tafsir sa Sura النازعات sa ماراناو gikan sa Maranao - Maranao translation

Maranao - Maranao translation

Maranao - Maranao translation