آية رقم 1

ﭑﭒ ﭓ ​

1. (Аллоҳ йўлида) саф тортиб турадиган,

آية رقم 2

ﭔﭕ ﭖ ​

2. (Аллоҳнинг бандаларини гуноҳ йўлларидан) мудом тўсадиган,

آية رقم 3

ﭗﭘ ﭙ ​

3. (Аллоҳнинг каломини) доимо тиловат қиладиган (инсонлар ва фаришталардан иборат барча) зотларга қасамки,

آية رقم 4

ﭚﭛﭜ ﭝ ​

4. Шак-шубҳасиз, сизларнинг илоҳингиз ягонадир.

آية رقم 5

ﭞﭟﭠﭡﭢﭣﭤ ﭥ ​

5. (У зот) осмонлар, Ер ва уларнинг ўртасидаги бор нарсаларнинг Парвардигоридир. (У зот) бор кунчиқар жойларнинг (ва бор кунботар жойларнинг) Парвардигоридир.

آية رقم 6

ﭦﭧﭨﭩﭪﭫ ﭬ ​

6. Дарҳақиқат, Биз энг яқин осмонни юлдузлар билан зийнатладик.

آية رقم 7

ﭭﭮﭯﭰﭱ ﭲ ​

7. Ва (уни) ҳар бир итоатсиз шайтондан — жиндан сақладик.

آية رقم 8

ﭳﭴﭵﭶﭷﭸﭹﭺﭻ ﭼ ​

8. У (жин)лар энг юксак мавжудотларни (яъни, фаришталарнинг сўзларини) ҳаргиз эшита олмаслар ва уларга ҳар томондан (юлдузлар) отилур.

آية رقم 9

ﭽﭾﭿﮀﮁ ﮂ ​

9. (Уларни) ҳайдаш учун. Улар учун (Охиратда) доимий азоб бордир.

آية رقم 10

ﮃﮄﮅﮆﮇﮈﮉ ﮊ ​

10. Магар бирон марта (бирон сўзни) илиб олган кимса (яъни, жин) бўлса, уни ҳам учар юлдуз қувиб етар (ва ҳалок этар).

آية رقم 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

11. Бас, (эй Муҳаммад алайҳис-салоту вас-салом, Макка кофирларидан) сўранг-чи, улар(ни) яратиш қийинроқмикан ёки Биз яратган зотларними?! (Яъни, фаришталар ва Еру осмондаги барча мавжудотни яратиш одамзотни яратишдан оғирроқ эмасми?!) Зотан, Биз (инсонларнинг асли-аввали бўлмиш Одам алайҳиссаломни) ёпишқоқ бир лойдан яратгандирмиз.

آية رقم 12

ﮙﮚﮛ ﮜ ​

12. Балки сиз (уларнинг қайта тирилишини инкор қилаётганларидан) таажжубдадирсиз, (аммо) улар (сизнинг Охират ҳаёти ҳақидаги сўзларингизни) масхара қилурлар.

آية رقم 13

ﮝﮞﮟﮠ ﮡ ​

13. Уларга (Қуръон билан) панд-насиҳат қилинса, панд-насиҳатни олмаслар.

آية رقم 14

ﮢﮣﮤﮥ ﮦ ​

14. (Сизнинг ҳақ пайғамбар эканлигингизга далолат қиладиган) бирон оят-мўъжизани кўрсалар, (дарҳол иймон келтириш ўрнига) янада зиёдароқ масхара қилурлар.

آية رقم 15

ﮧﮨﮩﮪﮫﮬ ﮭ ​

15. Ва дерлар: «Бу фақат очиқ-равшан сеҳрдир.

آية رقم 16

ﮮﮯﮰﮱﯓﯔﯕ ﯖ ​

16. Бизлар ўлиб тупроқ ва суякларга айланиб кетган чоғимизда ростдан ҳам яна қайта тирилгувчи эканмизми?!

آية رقم 17

ﯗﯘ ﯙ ​

17. Аввал ўтиб кетган ота-боболаримиз ҳам-а?! »

آية رقم 18

ﯚﯛﯜﯝ ﯞ ​

18. (Эй Муҳаммад алайҳис-салоту вас-салом, сиз уларга) айтинг: «Ҳа! Сизлар хор-зор бўлган ҳолингизда (албатта қайта тирилурсизлар)».

آية رقم 19

ﯟﯠﯡﯢﯣﯤﯥ ﯦ ​

19. У (яъни, қайта тирилиш) фақатгина фаришта Исрофилнинг сури билан чалинган бир қичқириқдир, холос, бас, баногоҳ улар (қайта тирилиб, «кунларини») кўрурлар.

آية رقم 20

ﯧﯨﯩﯪﯫ ﯬ ​

20. Ва «Эй, ўлим бўлсин бизларга! Бу жазо-Қиёмат Куни-ку!», деб қолурлар.

آية رقم 21

ﯭﯮﯯﯰﯱﯲﯳ ﯴ ​

21. Мана шу сизлар ёлғон деб ўтган (ҳақ билан ботил) ажратиладиган Кундир.

آية رقم 22

ﯵﯶﯷﯸﯹﯺﯻﯼ ﯽ ​

22. (Эй фаришталар, сизлар) золим-кофир бўлган кимсалар ва уларнинг ҳамтовоқларини ҳамда улар ибодат қилиб ўтган нарсаларини тўпланглар!

آية رقم 23

ﯾﯿﰀﰁﰂﰃﰄ ﰅ ​

23. Аллоҳни қўйиб (ибодат қилиб ўтган нарсаларини тўпланглар) ва дўзах йўлига бошланглар.

آية رقم 24

ﰆﰇﰈﰉ ﰊ ​

24. (Аммо то Менинг фармоним бўлмагунча) уларни тўхтатиб (дўзахга ташламай) туринглар! Чунки улар (аввал ҳаёти дунёда қилиб ўтган куфру исёнлари тўғрисида) сўралгувчидирлар.

آية رقم 25

ﭑﭒﭓﭔ ﭕ ​

25. (У Кунда кофирларга дейилар): «Нега бир-бирларингизга ёрдам бермаяпсизлар?!»

آية رقم 26

ﭖﭗﭘﭙ ﭚ ​

26. Йўқ, улар бу Кунда (ҳеч нарса қила олмаслар, (балки фақат Бизнинг ҳукмимизга) бўйинсунгувчидирлар.

آية رقم 27

ﭛﭜﭝﭞﭟ ﭠ ​

27. Уларнинг бировлари бировларига қараб савол-жавоб қилурлар:

آية رقم 28

ﭡﭢﭣﭤﭥﭦ ﭧ ​

28. (Эргашувчилар ўзларини йўлдан урган пешволарига): «Ҳақиқатан, сизлар бизларга ўнг томондан (яъни, бизлар ишониб яхшилик кутадиган томондан) келар эдинглар», деганларида.

آية رقم 29

ﭨﭩﭪﭫﭬ ﭭ ​

29. (Пешволар) айтурлар: «Йўқ, сизлар ўзларингиз мўмин бўлмаган эдинглар.

آية رقم 30

ﭮﭯﭰﭱﭲﭳﭴﭵﭶﭷﭸ ﭹ ​

30. Ахир бизлар учун сизларнинг устингизда бирон салтанат — ҳукмронлик йўқ эди-ку! Йўқ, сизлар ўзларингиз ҳаддан ошгувчи қавм эдинглар.

آية رقم 31

ﭺﭻﭼﭽﭾﭿﮀ ﮁ ​

31. Бас, энди (бизларга ҳам, сизларга ҳам) Парвардигоримизнинг Сўзи — азоби ҳақ бўлди. Шак-шубҳасиз, бизлар (уни) тотгувчидирмиз.

آية رقم 32

ﮂﮃﮄﮅ ﮆ ​

32. Чунки бизлар йўлдан озгувчи бўлганимиз сабабли сизларни ҳам йўлдан урдик».

آية رقم 33

ﮇﮈﮉﮊﮋ ﮌ ​

33. Бас, албатта улар (яъни, Аллоҳ йўлидан озган кимсалар ва уларни йўлдан урган пешволари) ўша Кунда азобда шерик бўлгувчидирлар.

آية رقم 34

ﮍﮎﮏﮐ ﮑ ​

34. Дарҳақиқат, Биз жиноятчи кимсаларни (мана шундай) азобга дучор қилурмиз.

آية رقم 35

ﮒﮓﮔﮕﮖﮗﮘﮙﮚﮛ ﮜ ​

35. Чунки улар ўзларича: «Ҳеч қандай илоҳ йўқ, магар ёлғиз Аллоҳгина бордир», дейилган вақтда кибр-ҳаво қилган эдилар.

آية رقم 36

ﮝﮞﮟﮠﮡﮢ ﮣ ​

36. Ва улар «Ҳали бизлар бир мажнун шоирни деб худоларимизни тарк қилар эканмизми?», дер эдилар.

آية رقم 37

ﮤﮥﮦﮧﮨ ﮩ ​

37. Йўқ, (Муҳаммад алайҳис-салоту вас-салом асло шоири мажнун эмасдир, балки) у Ҳақ (дин)ни олиб келди ва (ўзидан аввал ўтган) барча пайғамбарларни тасдиқ этди.

آية رقم 38

ﮪﮫﮬﮭ ﮮ ​

38. (Эй жиноятчи кимсалар), сизлар шак-шубҳасиз, аламли азобни тотгувчидирсизлар.

آية رقم 39

ﮯﮰﮱﯓﯔﯕ ﯖ ​

39. Сизлар фақат қилиб ўтган жиноятларингиз сабабли жазоланурсизлар.

آية رقم 40

ﯗﯘﯙﯚ ﯛ ​

40. Магар Аллоҳнинг покиза бандалари бордирки;

آية رقم 41

ﯜﯝﯞﯟ ﯠ ​

41. Ана ўшалар учун маълум ризқ (бўлур).

آية رقم 42

ﯡﯢﯣ ﯤ ​

42. (Ҳар турли) мевалар бўлур ва улар ҳурмат-иззат кўргувчидирлар.

آية رقم 43

ﯥﯦﯧ ﯨ ​

43. Ва улар ноз-неъмат боғларида,

آية رقم 44

ﯩﯪﯫ ﯬ ​

44. Сўрилар устида бир-бирларига рўбарў ўтирган ҳолларида (ҳурмат-иззат кўргувчидирлар).

آية رقم 45

ﯭﯮﯯﯰﯱ ﯲ ​

45. Уларга оқар чашмадан (шароб) косалари айлантириб турилур.

آية رقم 46

ﯳﯴﯵ ﯶ ​

46. Ичгувчилар учун лаззат бўлган оппоқ (шароб косалари айлантириб турилурки),

آية رقم 47

ﯷﯸﯹﯺﯻﯼﯽ ﯾ ​

47. У (шароб)да маст қилгувчи — ақлдан оздиргувчи нарса бўлмас ва улар ундан маст бўлмаслар.

آية رقم 48

ﯿﰀﰁﰂ ﰃ ​

48. Яна уларнинг олдиларида кўзларини (бегоналарга қарашдан) тийгувчи,

آية رقم 49

ﰄﰅﰆ ﰇ ​

49. Гўё яшириб қўйилган (оппоқ) тухумдек (заҳаланмаган) оҳу кўзлар бўлур.

آية رقم 50

ﰈﰉﰊﰋﰌ ﰍ ​

50. Бас, улар (яъни, аҳли жаннат) бир-бирларига қараб савол-жавоб қилурлар.

آية رقم 51

ﰎﰏﰐﰑﰒﰓﰔ ﰕ ​

51. (Шундай суҳбатларнинг бирида) улардан бири деди: «Менинг бир дўстим бор эди.

آية رقم 52

ﭑﭒﭓﭔ ﭕ ​

52. У (менга) «Ростдан ҳам сен (ўлганимиздан сўнг яна қайта тирилишимизни) тасдиқ этгувчиларданмисан?

آية رقم 53

ﭖﭗﭘﭙﭚﭛﭜ ﭝ ​

53. Бизлар ўлиб, тупроқ ва суякларга айланиб кетган вақтимизда ҳақиқатан ҳам (қайта тирилтирилиб) жазолангучимизми?», дер эди.

آية رقم 54

ﭞﭟﭠﭡ ﭢ ​

54. (Сўзлагувчи ҳаёти дунёда Охиратни инкор қилган дўсти ҳақидаги ҳикояни тугатгач, жаннатдаги биродарларига): Сизлар (ҳам мен билан бирга ўша дўстимнинг дўзахдаги ҳоли нима бўлганига) қарагувчимисизлар?», деди.

آية رقم 55

ﭣﭤﭥﭦﭧ ﭨ ​

55. Сўнг ўзи қараб уни дўзахнинг ўртасида кўргач;

آية رقم 56

ﭩﭪﭫﭬﭭ ﭮ ​

56. Деди: «Аллоҳ номига қасамки, дарҳақиқат, сен мени ҳам ҳалок қилаёзган эдинг.

آية رقم 57

ﭯﭰﭱﭲﭳﭴ ﭵ ​

57. Агар Парвардигоримнинг неъмати (яъни, ҳидояти) бўлмаса эди, албатта мен (сен билан бирга дўзахга) ҳозир қилингувчилардан бўлур эдим.

آية رقم 58

ﭶﭷﭸ ﭹ ​

58. (Қани сен менга айтгинчи), бизлар (яъни, жаннат аҳли худди ҳаёти дунёда бизга ваъда қилинганидек), ўлгувчи эмас эканмизми?!

آية رقم 59

ﭺﭻﭼﭽﭾﭿ ﮀ ​

59. Фақат биринчи ўлимимиздан бошқа (ўлгувчи эмаслигимиз рост эканми?). Бизлар (ростдан ҳам) азоблангувчи эмас эканмизми?

آية رقم 60

ﮁﮂﮃﮄﮅ ﮆ ​

60. Албатта мана шу (аҳли жаннат етадиган неъматлар) улуғ бахтнинг ўзидир.

آية رقم 61

ﮇﮈﮉﮊ ﮋ ​

61. Бас, амал қилгувчилар мана шундай (мангу бахт саодат) учун амал қилсинлар!

آية رقم 62

ﮌﮍﮎﮏﮐﮑ ﮒ ​

62. Мана шу яхшироқ зиёфатми ёки заққум дарахтими?

آية رقم 63

ﮓﮔﮕﮖ ﮗ ​

63. Ҳақиқатан, Биз уни (яъни, Заққум дарахтини) золим кимсалар учун фитна-алдов қилиб қўйдик.

И з о ҳ. Дўзахда Заққум дарахти бўлиши ҳақида сўзланганида кофирлар «Дўзахда қандай қилиб дарахт ўссин, ахир дўзахнинг ўти уни куйдириб юбормайдими?», деганлар. Шунинг учун юқоридаги оятда кофирлар Аллоҳ таолонинг қудратига шак келтирганлари учун у дарахт тўғрисида зикр қилинганида, ақллари бовар қилмай фитна-алдовга дучор бўлишлари уқтирилди.

آية رقم 64

ﮘﮙﮚﮛﮜﮝ ﮞ ​

64. Дарҳақиқат, у дўзах қаърида ўсадиган бир дарахтдир.

آية رقم 65

ﮟﮠﮡﮢ ﮣ ​

65. Унинг бутоқлари(даги мевалари хунукликда) худди шайтонларнинг бошларига ўхшар.

آية رقم 66

ﮤﮥﮦﮧﮨﮩ ﮪ ​

66. Бас, улар (яъни, дўзахилар) албатта ундан еб, қоринларини тўлдиргувчидирлар.

آية رقم 67

ﮫﮬﮭﮮﮯﮰﮱ ﯓ ​

67. Сўнгра албатта улар учун унинг (Заққум меваларининг) устига қайноқ сувдан аралаштирилур (яъни, уларга мажбуран қайнаётган сув ичирилур).

آية رقم 68

ﯔﯕﯖﯗﯘ ﯙ ​

68. Сўнгра уларнинг қайтадиган жойлари яна албатта дўзахда бўлур (яъни, қайноқ сув уларнинг бутун ички аъзоларини куйдириб битганидан сўнг, энди дўзах ўти уларнинг баданларини куйдирур).

آية رقم 69

ﯚﯛﯜﯝ ﯞ ​

69. Албатта улар (яъни, Макка мушриклари) ўзларининг ота-боболарини йўлдан озган ҳолда топдилар.

آية رقم 70

ﯟﯠﯡﯢ ﯣ ​

70. Энди ўзлари ҳам уларнинг изларидан чопмоқдалар.

آية رقم 71

ﯤﯥﯦﯧﯨ ﯩ ​

71. Аниқки, улардан аввал ўтганларнинг кўплари ҳам йўлдан озган эдилар.

آية رقم 72

ﯪﯫﯬﯭ ﯮ ​

72. Ҳолбуки, Биз уларнинг (яъни, аввал ўтганларнинг) орасига огоҳлантиргувчи (пайғамбар)ларни юборган эдик.

آية رقم 73

ﯯﯰﯱﯲﯳ ﯴ ​

73. Бас, (эй Муҳаммад алайҳис-салоту вас-салом), огоҳлантирилган кимсаларнинг оқибатлари қандай бўлганини кўринг!

И з о ҳ. Мазкур оятларда Макка мушрикларининг иймон-исломга келмаганидан бениҳоят ғамгин бўлиб келган Муҳаммад алайҳис-салоту вас-саломга таскин-тасалли бўлсин учун улардан илгари ҳам ўзларига юборилган пайғамбарларни ёлғончи қилиб ҳалокатга дучор бўлган қавмлар ўтгани ҳақида хабар берилди. Қуйидаги оятларда эса Аллоҳ таоло Ўзининг сўнгги пайғамбарига аввалги пайғамбарлардан етти кишининг қиссаларини мўъжаз (қисқача) баён қилади.

آية رقم 74

ﯵﯶﯷﯸ ﯹ ​

74. Магар Аллоҳнинг покиза бандаларигина (ҳалокатга дучор бўлмадилар).

آية رقم 75

ﯺﯻﯼﯽﯾ ﯿ ​

75. Қасамки, Нуҳ (қавми уни ёлғончи қилган вақтда) Бизга илтижо қилди. Бас, (Биз) нақадар яхши ижобат қилгувчидирмиз;

آية رقم 76

ﰀﰁﰂﰃﰄ ﰅ ​

76. Биз унга ва унинг аҳли-тобеъларига улуғ ғамдан (яъни, ғарқ бўлишдан) нажот бердик.

آية رقم 77

ﭑﭒﭓﭔ ﭕ ​

77. Ва унинг зурриётини (то Қиёмат) боқий қолгувчи кишилар қилиб қўйдик.

آية رقم 78

ﭖﭗﭘﭙ ﭚ ​

78. Ва кейинги (авлод)лар орасида (Нуҳ) ҳақида (гўзал мақтовлар-олқишлар) қолдирдик.

آية رقم 79

ﭛﭜﭝﭞﭟ ﭠ ​

79. Барча оламларда Нуҳга салом бўлгай.

آية رقم 80

ﭡﭢﭣﭤ ﭥ ​

80. Албатта Биз чиройли амал қилгувчиларни мана шундай мукофотлармиз.

آية رقم 81

ﭦﭧﭨﭩ ﭪ ​

81. Дарҳақиқат, у Бизнинг мўмин бандаларимиздандир.

آية رقم 82

ﭫﭬﭭ ﭮ ​

82. Сўнгра бошқаларни (яъни, Нуҳни ёлғончи қилган кимсаларни) ғарқ қилиб юбордик.

آية رقم 83

ﭯﭰﭱﭲﭳ ﭴ ​

83. Шак-шубҳасиз, Иброҳим ҳам (Нуҳ)нинг гуруҳидандир.

آية رقم 84

ﭵﭶﭷﭸﭹ ﭺ ​

84. Эсланг, у Парвардигорига тоза дил билан келди.

آية رقم 85

ﭻﭼﭽﭾﭿﮀ ﮁ ​

85. Ўшанда у отаси ва қавмига деган эди: «Нимага ибодат қилмоқдасизлар?!

آية رقم 86

ﮂﮃﮄﮅﮆ ﮇ ​

86. Аллоҳни қўйиб, сохта «худолар»га (сиғинишни) истайсизларми?!

آية رقم 87

ﮈﮉﮊﮋ ﮌ ​

87. У ҳолда барча оламларнинг Парвардигори ҳақида (яъни, У зот сизларнинг мушриклигингиз учун берадиган жазоси ҳақида) не гумонингиз бор?!»

آية رقم 88

ﮍﮎﮏﮐ ﮑ ​

88. Сўнг у юлдузларга тикилиб туриб:

آية رقم 89

ﮒﮓﮔ ﮕ ​

89. «Аниқки, мен касалман», деди.

И з о ҳ. Нақл қилинишича, ўша даврда кишилар ўртасида юлдузларга қараб фол очиш — мунажжимлик жуда кенг ёйилган экан. Шунинг учун Иброҳим алайҳиссалом мушрикларнинг байрамини нишонлаш учун ҳайитгоҳга чиқиб кетаётган қавмидан ажралиб қолиш мақсадида Иброҳим алайҳиссалом гўё юлдузларга қараб билиб олгандек, уларга «Мен вабога йўлиқар эканман», дедилар. Бу сўзни эшитгач вабо юқишидан қўрққан қавм:

آية رقم 90

ﮖﮗﮘ ﮙ ​

90. Дарҳол ундан юз ўгирган ҳолларида кетдилар.

آية رقم 91

ﮚﮛﮜﮝﮞﮟ ﮠ ​

91. Бас, (Иброҳим) аста уларнинг бутлари олдига келиб: «(Олдиларингиздаги) таомларни емайсизларми?

آية رقم 92

ﮡﮢﮣﮤ ﮥ ​

92. Нега сўзламаяпсизлар?!», деди.

آية رقم 93

ﮦﮧﮨﮩ ﮪ ​

93. Сўнг уларга яқин келиб, ўнг қўли(даги болта) билан урди.

آية رقم 94

ﮫﮬﮭ ﮮ ​

94. Бас, (қавми) унинг олдига шоша-пиша келишгач,

آية رقم 95

ﮯﮰﮱﯓ ﯔ ​

95. У деди: «Ўзларингиз йўниб-ясаб олган нарсаларга ибодат қилурмисизлар?!

آية رقم 96

ﯕﯖﯗﯘ ﯙ ​

96. Ҳолбуки, сизларни ҳам, қилиб олган бутларингизни ҳам Аллоҳ яратган-ку?!»

آية رقم 97

ﯚﯛﯜﯝﯞﯟﯠ ﯡ ​

97. Улар (бир-бирларига) дедилар: Иброҳим учун (олов ёқиладиган) бинолар қуриб уни ўша оловга ташланглар».

آية رقم 98

ﯢﯣﯤﯥﯦ ﯧ ​

98. Бас, улар (Иброҳимга) макр қилмоқчи бўлган эдилар. Биз уларни тубан-мағлуб қилдик.

آية رقم 99

ﯨﯩﯪﯫﯬﯭ ﯮ ​

99. (У ўт ичидан эсон-омон чиқди) ва деди: «Албатта мен Парвардигорим (буюрган тараф)га кетгувчидирман. Унинг Ўзи мени (Тўғри Йўлга) ҳидоят қилур.

آية رقم 100

ﯯﯰﯱﯲﯳ ﯴ ​

100. (Парвардигорим,) Ўзинг менга солиҳ (фарзанд)лардан ҳадя этгин».

آية رقم 101

ﯵﯶﯷ ﯸ ​

101. Бас, Биз унга бир ҳалим ўғилнинг хушхабарини бердик.

آية رقم 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

102. Энди қачонки у (бола Иброҳим) билан бирга юрадиган бўлгач, (Иброҳим): «Эй ўғилчам, мен (ҳадеб) тушимда сени (қурбонлик учун) сўяётганимни кўрмоқдаман. Энди сен ўзинг нима раъй-фикр қилишингни бир ўйлаб кўргин», деган эди. У айтди: «Эй отажон, сенга (тушингда Парвардигор томонидан) буюрилган ишни қилгин. Иншоаллоҳ мени сабр қилгувчилардан топурсан».

И з о ҳ. Саҳобалардан Абдуллоҳ ибн Аббос розияллоҳу анҳу айтишларича, Аллоҳ таолонинг барча пайғамбарларининг тушлари ваҳийдир. Шунинг учун ҳам Иброҳим алайҳиссалом тушларида берилган фармоннинг ўзи биланоқ ўғиллари Исмоил алайҳиссаломни қурбон қилишга чоғландилар ва ўғиллари ҳам (ўшанда у киши эндигина ўн уч ёшга қадам қўйган эканлар) тўла розилик билан Аллоҳнинг амрига бўйинсундилар.

آية رقم 103

ﭑﭒﭓﭔ ﭕ ​

103. Бас, қачонки иккиси ҳам (Аллоҳнинг ваҳийсига) бўйинсуниб, (энди Иброҳим ўз ўғли Исмоилни қурбон қилиш учун) пешонаси билан (ерга) ётқизган эдики,

آية رقم 104

ﭖﭗﭘ ﭙ ​

104. Биз унга нидо қилдик: «Эй Иброҳим,

آية رقم 105

ﭚﭛﭜﭝﭞﭟﭠﭡ ﭢ ​

105. Дарҳақиқат, сен (кўрган) тушингни рост-бажо қилдинг». Албатта Биз чиройли амал қилгувчиларни мана шундай мукофотлармиз.

آية رقم 106

ﭣﭤﭥﭦﭧ ﭨ ​

106. Албатта бу (яъни, Иброҳимнинг ўз ўғлини қурбон қилишга буюрилиши) очиқ-равшан имтиҳондир, холос.

آية رقم 107

ﭩﭪﭫ ﭬ ​

107. Биз (Исмоилнинг) ўрнига (Иброҳимга) катта бир (кўчқор) сўйишни — қурбонлиқни эваз қилиб бердик (яъни, катта бир қўчқорни жаннатдан туширдик).

آية رقم 108

ﭭﭮﭯﭰ ﭱ ​

108. Ва кейинги (авлод)лар орасида (Иброҳим) ҳақида (гўзал мақтовлар-олқишлар) қолдирдик.

آية رقم 109

ﭲﭳﭴ ﭵ ​

109. Иброҳимга салом бўлгай.

آية رقم 110

ﭶﭷﭸ ﭹ ​

110. Биз чиройли амал қилгувчиларни мана шундай мукофотлармиз.

آية رقم 111

ﭺﭻﭼﭽ ﭾ ​

111. Дарҳақиқат, у Бизнинг мўмин бандаларимиздандир.

آية رقم 112

ﭿﮀﮁﮂﮃ ﮄ ​

112. Яна Биз унга пайғамбар (ва) яхшилардан (бўлғуси) Исҳоқнинг хушхабарини бердик.

آية رقم 113

ﮅﮆﮇﮈﮉﮊﮋﮌﮍﮎﮏ ﮐ ​

113. Ва (Иброҳимга) ҳам, Исҳоққа ҳам (дину дунёларида) баракот бердик. Уларнинг зурриётидан чиройли амал қилгувчи ҳам, ўз жонига очиқ жабр қилгувчи ҳам бўлур.

آية رقم 114

ﮑﮒﮓﮔﮕ ﮖ ​

114. Дарҳақиқат, Биз Мусо ва Ҳорунга (пайғамбарлик) инъом қилдик.

آية رقم 115

ﮗﮘﮙﮚﮛ ﮜ ​

115. Биз иккисига ва уларнинг қавмига улуғ ғамдан нажот бердик.

آية رقم 116

ﮝﮞﮟﮠ ﮡ ​

116. Ва уларни Ўзимиз қўлладик, бас, улар (Фиръавн ва унинг одамлари устидан) ғолиб бўлдилар.

آية رقم 117

ﮢﮣﮤ ﮥ ​

117. Биз уларга равшан Китоб — Таврот ато этдик.

آية رقم 118

ﮦﮧﮨ ﮩ ​

118. Ҳамда уларни Тўғри Йўлга ҳидоят қилдик.

آية رقم 119

ﮪﮫﮬﮭ ﮮ ​

119. Ва кейинги (авлод)лар орасида (Мусо ва Ҳорун) ҳақида (гўзал мақтовлар — олқишлар) қолдирдик.

آية رقم 120

ﮯﮰﮱﯓ ﯔ ​

120. Мусо ва Ҳорунга салом бўлгай.

آية رقم 121

ﯕﯖﯗﯘ ﯙ ​

121. Албатта Биз чиройли амал қилгувчиларни мана шундай мукофотлармиз.

آية رقم 122

ﯚﯛﯜﯝ ﯞ ​

122. Дарҳақиқат, иккиси ҳам Бизнинг мўмин бандаларимиздандир.

آية رقم 123

ﯟﯠﯡﯢ ﯣ ​

123. Илёс ҳам шак-шубҳасиз, пайғамбарлардандир.

آية رقم 124

ﯤﯥﯦﯧﯨ ﯩ ​

124. Эсланг, у ўз қавмига деган эди: «(Аллоҳдан) қўрқмайсизларми?!»

آية رقم 125

ﯪﯫﯬﯭﯮ ﯯ ​

125. Сизлар Баъл (номли олтиндан ясалган бут)га сиғиниб, энг гўзал-афзал Яратгувчи Аллоҳни тарк қилурмисизлар?!

آية رقم 126

ﯰﯱﯲﯳﯴ ﯵ ​

126. Сизларнинг ҳам, аввалги ота-боболарингизнинг ҳам Парвардигорини (тарк қилурмисизлар?!)»

آية رقم 127

ﭑﭒﭓ ﭔ ​

127. Бас, (қавми Илёсни) ёлғончи қилдилар. Энди албатта улар (дўзах азобига) ҳозир қилингувчидирлар.

آية رقم 128

ﭕﭖﭗﭘ ﭙ ​

128. Магар Аллоҳнинг покиза бандаларигина (азобга дучор бўлмаслар).

آية رقم 129

ﭚﭛﭜﭝ ﭞ ​

129. Биз кейинги (авлод)лар орасида (Илёс) ҳақида (гўзал мақтовлар-олқишлар) қолдирдик.

آية رقم 130

ﭟﭠﭡﭢ ﭣ ​

130. Илёсга салом бўлгай.

آية رقم 131

ﭤﭥﭦﭧ ﭨ ​

131. Албатта, чиройли амал қилгувчиларни мана шундай мукофотлармиз.

آية رقم 132

ﭩﭪﭫﭬ ﭭ ​

132. Албатта, у Бизнинг мўмин бандаларимиздандир.

آية رقم 133

ﭮﭯﭰﭱ ﭲ ​

133. Лут ҳам, шак-шубҳасиз, пайғамбарлардандир.

آية رقم 134

ﭳﭴﭵﭶ ﭷ ​

134. Эсланг, Биз унга в унинг барча аҳли-тобеъларига нажот берган эдик.

آية رقم 135

ﭸﭹﭺﭻ ﭼ ​

135. Фақат (азобда) қолгувчилардан бўлган бир кампирга (яъни, Лутнинг хотинига нажот бермадик).

آية رقم 136

ﭽﭾﭿ ﮀ ​

136. Сўнгра бошқаларни (яъни, Лутни ёлғончи қилганларни) ҳалок қилдик.

آية رقم 137

ﮁﮂﮃﮄ ﮅ ​

137. (Эй Макка аҳли,) аниқки, сизлар эрта-ю кеч уларнинг устидан ўтиб турурсизлар.

آية رقم 138

ﮆﮇﮈﮉ ﮊ ​

138. Ахир ақл юргизмайсизларми (яъни, Лутнинг қавми бошига тушган ҳалокат сизларнинг ҳам бошингизга тушиб қолишидан қўрқмайсизларми)?!

آية رقم 139

ﮋﮌﮍﮎ ﮏ ​

139. Юнус ҳам, шак-шубҳасиз, пайғамбарлардандир.

آية رقم 140

ﮐﮑﮒﮓﮔ ﮕ ​

140. Эсланг, у (ўз қавмидан ғазабланиб, Парвардигорининг изнисиз қишлоғидан чиқиб, (одамлар билан) тўла бўлган кемага қараб қочган эди.

آية رقم 141

ﮖﮗﮘﮙ ﮚ ​

141. Бас, (кемадагилар билан) қуръа ташлашиб мағлуб бўлгач, (уни денгизга улоқтирдилар).

И з о ҳ. Ривоят қилинишича, Юнус алайҳиссалом ўзларини ёлғончи қилган қавмларидан ғазабланиб, уларнинг устига яқин орада қаттиқ бало тушиши ҳақида огоҳлантирадилар ва ўзлари Аллоҳ таолонинг изни-фармонисиз ўз қишлоқларидан чиқиб кетиб, бир денгиз соҳилига бориб қоладилар ва ўша вақтда жўнашга шай турган, одамлар билан тўла бир кемага миниб йўлга тушадилар. Аммо у кема денгизнинг ўртасида тўхтаб қолади. Шунда кемадагилар «Орамизда ўз хожасидан қочиб келаётган бир қул бор, агар уни кемадан тушириб юбормасак, ҳаммамиз ғарқ бўлишимиз тайин», дейишиб ўрталарида қуръа ташлаганларида, қуръа Юнус алайҳиссаломга чиқади ва кемадагилар уни денгизга улоқтирадилар.

آية رقم 142

ﮛﮜﮝﮞ ﮟ ​

142. Бас, уни (Парвардигорининг изнисиз ўз қавмини ташлаб чиқиб кетгани сабабли) маломатга лойиқ бўлган ҳолида бир наҳанг балиқ ютиб юборди.

آية رقم 143

ﮠﮡﮢﮣﮤ ﮥ ​

143. Энди агар у (Аллоҳга доимо) тасбеҳ айтгувчилардан бўлмаса эди,

آية رقم 144

ﮦﮧﮨﮩﮪﮫ ﮬ ​

144. Албатта у (балиқ) қорнида то қайта тириладиган кунларигача (яъни, Қиёматгача) қолиб кетган (яъни, ҳалок бўлган) бўлур эди.

آية رقم 145

ﮭﮮﮯﮰﮱ ﯓ ​

145. Бас, Биз уни хаста ҳолида қуруқликка отдик.

آية رقم 146

ﯔﯕﯖﯗﯘ ﯙ ​

146. Ва унинг устида (соя ташлаб туриши учун) қовоқ дарахтини ўстириб қўйдик.

آية رقم 147

ﯚﯛﯜﯝﯞﯟ ﯠ ​

147. Биз уни юз минг, балки ундан-да кўпроқ (одамга) пайғамбар қилдик.

آية رقم 148

ﯡﯢﯣﯤ ﯥ ​

148. Бас, улар (Юнусга) иймон келтирдилар. Сўнг Биз уларни (маълум) бир муддатгача (яъни, ажаллари битгунча ҳаёт неъматидан) баҳраманд этдик.

آية رقم 149

ﯦﯧﯨﯩﯪ ﯫ ​

149. Энди (эй Муҳаммад алайҳис-салоту вас-салом, Макка кофирларидан) сўранг-чи, қизлар Парвардигорингизники-ю, ўғиллар уларникимикан. (Яъни, уларнинг гумонича, фаришталар Аллоҳнинг қизлари эмиш).

آية رقم 150

ﯬﯭﯮﯯﯰﯱ ﯲ ​

150. Ёки Биз фаришталарни улар гувоҳ бўлган ҳолларида қиз қилиб яратдикмикан?!

آية رقم 151

ﯳﯴﯵﯶﯷ ﯸ ​

151. Огоҳ бўлингизким, улар ёлғончиликлари туфайли айтурларки,

آية رقم 152

ﯹﯺﯻﯼ ﯽ ​

152. «Аллоҳнинг боласи (яъни, қизлари) бор». Улар шак-шубҳасиз, ёлғончидирлар.

آية رقم 153

ﯾﯿﰀﰁ ﰂ ​

153. (Аллоҳ) ўғилларни қўйиб, қизларни танлаб олган эмишми?!

آية رقم 154

ﭑﭒﭓﭔ ﭕ ​

154. (Эй Макка аҳли), сизларга нима бўлди?! Қандай (ноҳақ-нораво) ҳукм чиқармоқдасизлар-а?!

آية رقم 155

ﭖﭗ ﭘ ​

155. Ахир эс-ҳушингизни йиғмайсизларми?!

آية رقم 156

ﭙﭚﭛﭜ ﭝ ​

156. Ёки сизлар учун (Аллоҳ бола кўргани ҳақида) бирон очиқ-равшан ҳужжат борми?!

آية رقم 157

ﭞﭟﭠﭡﭢ ﭣ ​

157. Бас, агар ростгўй бўлсангизлар (мана шу даъволарингизни қувватловчи) китобингизни келтиринглар-чи?!

آية رقم 158

ﭤﭥﭦﭧﭨﭩﭪﭫﭬﭭﭮ ﭯ ​

158. (Мушриклар, Аллоҳ) билан жинлар (яъни, фаришталар) ўртасида насаб (яъни, ота-болалик бор, деб гумон) қилдилар. Ҳолбуки, жинлар-фаришталар эса, (мушрикларнинг Аллоҳ азобига) ҳозир қилингувчи эканликларини аниқ билдилар.

آية رقم 159

ﭰﭱﭲﭳ ﭴ ​

159. Аллоҳ уларнинг («Аллоҳнинг боласи бор», деб) сифатлашларидан покдир.

آية رقم 160

ﭵﭶﭷﭸ ﭹ ​

160. Магар Аллоҳнинг покиза бандаларигина (мудом Аллоҳни У зотга нолойиқ бўлган сифатлардан пок тутарлар).

آية رقم 161

ﭺﭻﭼ ﭽ ​

161. (Эй Макка аҳли), шак-шубҳа йўқки, сизлар ҳам, сиғинаётган бутларингиз ҳам

آية رقم 162

ﭾﭿﮀﮁ ﮂ ​

162. (барчалари бирон кишини, Аллоҳ)га қарши фитнага солгувчи — алдай олгувчи эмасдирсизлар.

آية رقم 163

ﮃﮄﮅﮆﮇ ﮈ ​

163. Магар (Аллоҳнинг тақдири азалийсида) дўзахга киргувчи бўлган кимсаларнигина (алдай олурсизлар).

آية رقم 164

ﮉﮊﮋﮌﮍﮎ ﮏ ​

164. (Фаришталар дедилар): «Бизларнинг ҳар биримиз учун (осмонларда) аниқ маълум бир ўрин бордир(ки, бизлар ана ўша ўрнимизда Аллоҳнинг амрини адо этурмиз).

آية رقم 165

ﮐﮑﮒ ﮓ ​

165. Дарҳақиқат, бизлар (Аллоҳнинг йўлида) саф тортиб тургувчилардирмиз.

آية رقم 166

ﮔﮕﮖ ﮗ ​

166. Дарҳақиқат, бизлар (Аллоҳни ҳар қандай айбу нуқсондан поклаб) — тасбеҳ айтгувчилардирмиз».

آية رقم 167

ﮘﮙﮚ ﮛ ​

167. Дарвоқеъ (Макка аҳли Қуръон нозил бўлишидан илгари) айтар эдиларки:

آية رقم 168

ﮜﮝﮞﮟﮠﮡ ﮢ ​

168. «Агар бизнинг олдимизда ҳам аввалгилар(нинг китоблари)дан бирон эслатма — Китоб бўлса эди,

آية رقم 169

ﮣﮤﮥﮦ ﮧ ​

169. Албатта бизлар ҳам Аллоҳнинг покиза бандалари бўлур эдик».

آية رقم 170

ﮨﮩﮪﮫﮬ ﮭ ​

170. Энди (Қуръон нозил бўлгач), эса унга кофир бўлдилар. Бас, яқинда (бу куфрларининг оқибати нима бўлишини) билиб олурлар.

آية رقم 171

ﮮﮯﮰﮱﯓ ﯔ ​

171. Аниқки, Бизнинг пайғамбар бўлган бандаларимиз ҳақида Сўзимиз ўтган — собит бўлгандир:

آية رقم 172

ﯕﯖﯗ ﯘ ​

172. «Шак-шубҳасиз, улар қўллаб-қувватлангувчилардир,

آية رقم 173

ﯙﯚﯛﯜ ﯝ ​

173. Ва шак-шубҳасиз, Бизнинг қўшинимиз (яъни, пайғамбарлар ва уларга иймон келтирган кишилар) ғолиб бўлгувчидирлар».

آية رقم 174

ﯞﯟﯠﯡ ﯢ ​

174. Бас, (эй Муҳаммад алайҳис-салоту вас-салом), сиз улардан (яъни, Макка кофирларидан маълум) бир вақтгача юз ўгиринг!

آية رقم 175

ﯣﯤﯥ ﯦ ​

175. Ва уларни (яқинда мағлуб бўлганларида) кўринг! Бас, яқинда улар (куфрларининг оқибатини) кўражаклар!

آية رقم 176

ﯧﯨ ﯩ ​

176. Ҳали улар Бизнинг азобимизни шоширмоқдамилар?!

آية رقم 177

ﯪﯫﯬﯭﯮﯯ ﯰ ​

177. Бас, қачон (Бизнинг азобимиз) уларнинг ҳовлиларига (яъни, устларига) тушганида, ўша огоҳлантирилган кимсаларнинг кунлари жуда ёмон бўлур.

آية رقم 178

ﯱﯲﯳﯴ ﯵ ​

178. Сиз улардан (маълум) бир вақтгача юз ўгиринг!

آية رقم 179

ﯶﯷﯸ ﯹ ​

179. Ва уларни (яқинда мағлуб бўлганларида) кўринг! Бас, яқинда улар (куфрларининг оқибатини) кўражаклар!

آية رقم 180

ﯺﯻﯼﯽﯾﯿ ﰀ ​

180. Қудрат эгаси бўлмиш Парвардигорингиз уларнинг сифатларидан (яъни, ҳар қандай айбу нуқсондан) покдир.

آية رقم 181

ﰁﰂﰃ ﰄ ​

181. (Барча) пайғамбарларга Аллоҳ томонидан салом бўлгай!

آية رقم 182

ﰅﰆﰇﰈ ﰉ ​

182. Ҳамду сано барча оламларнинг Парвардигори — Аллоҳ учундир!