ترجمة معاني سورة الإنفطار باللغة الأوزبكية من كتاب الترجمة الأوزبكية - علاء الدين منصور
علاء الدين منصور
آية رقم 1
ﭑﭒﭓ
ﭔ
1. Осмон ёрилганида;
آية رقم 2
ﭕﭖﭗ
ﭘ
2. Юлдузлар (ҳар томонга) сочилганида;
آية رقم 3
ﭙﭚﭛ
ﭜ
3. Дарё-денгизлар (ўртасидаги тўсиқ-тўғонлар) очилганида;
آية رقم 4
ﭝﭞﭟ
ﭠ
4. Қабрлар тўнкариб қўйилганида (яъни, уларнинг ичидаги инсонларга жон ато этилиб Ер юзига чиқарилганларида);
آية رقم 5
ﭡﭢﭣﭤﭥ
ﭦ
5. (Ана ўша Кунда ҳар бир) жон ўзи (ҳаёти дунёдалик чоғида) қилиб ўтган ва (ўзидан кейин) қолдирган (барча) нарсаларни (яъни, яхши-ёмон амалларини) билур!
آية رقم 6
ﭧﭨﭩﭪﭫﭬ
ﭭ
6. Эй инсон, нима сени улуғ Парвардигоринг ҳақида (Унга ибодат қилмасанг ҳам бўлаверади, деб) алдаб қўйди?!
آية رقم 7
ﭮﭯﭰﭱ
ﭲ
7. У сени яратиб, сўнг (барча аъзоларингни) тиклаб, сўнг (қоматингни ҳам) расо қилиб, қўйган Зот-ку!
آية رقم 8
ﭳﭴﭵﭶﭷﭸ
ﭹ
8. У сени Ўзи қай суратни хоҳлаган бўлса, (ўша сурат — шаклда) таркиб топтирди — ижод қилди-ку!
И з о ҳ. Ушбу оятларда Аллоҳ таоло инсонга ўзининг ким томонидан яратилиб, бундай ақл-ҳуш, мавзун қомат ва гўзал суратга эга бўлганини уқтирмоқда ва ундан ўзини бошқа барча махлуқотлардан ажратиб шундай азизу мукаррам қилиб яратган улуғ Парвардигорига нега қуллуқ — ибодат қилмаётганини сўраб танбеҳ бермоқда. Дарҳақиқат, инсон вужудидаги қай бир аъзога ибрат кўзи билан қаралса — ундаги мукаммалликни кўриб, Яратганнинг буюк қудратига, билим ва ҳикматига қуллуқ қилмасдан илож қолмайди. Энди қуйидаги оятларда динсиз кимсалар Аллоҳ таолонинг амрига итоат этмасликларининг сабаби нима эканлиги зикр қилинади.
آية رقم 9
ﭺﭻﭼﭽ
ﭾ
9. Йўқ, балки сизлар жазо (Қиёмат Кунини) ёлғон дерсизлар (шунинг учун ҳам Аллоҳ буюрган эзгу амалларни қилмайсизлар ва У зот қайтарган ёмон амаллардан қайтмайсизлар)!
آية رقم 10
ﭿﮀﮁ
ﮂ
10. Ҳолбуки, шак-шубҳасиз, сизларнинг устингизда (қилган ҳар бир амалингизни) ёд олиб,
آية رقم 11
ﮃﮄ
ﮅ
11. ёзиб тургувчи улуғ (фаришта)лар бордир.
آية رقم 12
ﮆﮇﮈ
ﮉ
12. Улар сизлар қилаётган ишларни билурлар.
آية رقم 13
ﮊﮋﮌﮍ
ﮎ
13. Шак-шубҳасиз, яхшилар (яъни, мўминлар) жаннат неъматларидадирлар.
آية رقم 14
ﮏﮐﮑﮒ
ﮓ
14. Шак-шубҳасиз, фисқ-фужур қилгувчи кимсалар (яъни, Қуръон ва пайғамбарни ёлғончи қилгувчи, жазо Куни ва қайта тирилишни инкор қилгувчи кимсалар) дўзахдадирлар!
آية رقم 15
ﮔﮕﮖ
ﮗ
15. Улар (дўзах)га жазо (Қиёмат) кунида кирурлар!
آية رقم 16
ﮘﮙﮚﮛ
ﮜ
16. Ва улар (дўзахдан) ғойиб бўлгувчи (яъни, халос бўлгувчи эмасдирлар!
آية رقم 17
ﮝﮞﮟﮠﮡ
ﮢ
17. (Эй инсон), сен жазо Куни нима эканини қаердан ҳам билурсан?!
آية رقم 18
ﮣﮤﮥﮦﮧﮨ
ﮩ
18. Сўнгра (яна такрор айтаманки), сен жазо Куни нима эканини қаердан ҳам билурсан?!
آية رقم 19
19. У Кунда ҳеч бир жон (бошқа) бир жонга бирон нарса қилишга (яъни, бирон фойда етказишга ёки ундан бирон зиённи кетказишга) эга бўлмас! У Кунда барча иш ёлғиз Аллоҳники бўлур!
تقدم القراءة