سورة الحاقة

الترجمة الأردية

الترجمة الأردية سے الأردية میں سورۃ حاقہ کا ترجمہ

الترجمة الأردية

الناشر

مجمع الملك فهد

الذهاب لصفحة الكتاب
Verse 1
ﮯ ﮰ ​
ﺛابت ہونے والی.*
____________________
* یہ قیامت کے ناموں میں سے ایک نام ہے۔ اس میں امر الٰہی ثابت ہوگا اور خود یہ بھی بہر صورت وقوع پذیر ہونے والی ہے، اس لئے اسے الْحَاَقَّۃُ سے تعبیر فرمایا۔
Verse 2
ﮱﯓ ﯔ ​
ﺛابت ہونے والی کیا ہے؟*
____________________
* یہ لفظًا استفہام ہے لیکن اس کا مقصد قیامت کی عظمت اور شان بیان کی گئی ہے۔
Verse 3
ﯕﯖﯗﯘ ﯙ ​
اور تجھے کیا معلوم ہے کہ وه ﺛابت شده کیا ہے؟*
____________________
* یعنی کس ذریعے سے تجھے اس کی پوری حقیقت سے آگاہی حاصل ہو؟مطلب اس کے علم کی نفی ہے۔گویا کہ تجھے اس کا علم نہیں، کیونکہ تو نے ابھی اسے دیکھا ہے اور نہ اس کی ہولناکیوں کا مشاہدہ کیا ہے، گویا مخلوقات کے دائرہ علم سے باہر ہے (فتح القدیر)بعض کہتے ہیں کہ قرآن میں جس کی بابت بھی صیغہ ماضی ما ادراک استعمال کیا گیا ہے، اس کے بیان کر دیا گیا ہے اور جس کو مضارع کے صیغے وما یدریک کے ذریعے سے بیان کیا گیا اس کا علم لعگوں کو نہیں دیا گیاہے(فتح القدیر وایسر التفاسیر)
Verse 4
ﯚﯛﯜﯝ ﯞ ​
اس کھڑکا دینے والی کو ﺛمود اور عاد نے جھٹلا دیا تھا*
____________________
* اس میں قیامت کو کھڑکا دینے والی کہا ہے، اس لئے کہ یہ اپنی ہولناکیوں سے لوگوں کو بیدار کر دے گی۔
Verse 5
ﯟﯠﯡﯢ ﯣ ​
(جس کے نتیجہ میں) ﺛمود تو بے حد خوفناک (اور اونچی) آواز سے ہلاک کردیئے گئے.*
____________________
* طاغیۃ، ایسی آواز جو حد سے تجاوز کر جا نے والی ہو، یعنی نہایت خوف ناک اور اونچی آوز سے قوم ثمود کو ہلاک کیا گیا، جیسا کہ پہلے متعدد جگہ گزرا۔
Verse 6
ﯤﯥﯦﯧﯨﯩ ﯪ ​
اور عاد بیحد تیز وتند ہوا سے غارت کردیئے گئے.*
____________________
* صر صر پالے والی ہوا۔عاتیۃ 'سرکش'کسی کے قابو میں نہ آنے والی، یعنی نہایت تند و تیز، پالے والی اور بےقابو ہوا کے ذریعے اسے حضرت ہود (عليه السلام) کی قوم عاد کو ہلاک کیا گیا۔
Verse 7
ﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ ​
جسے ان پر لگاتار سات رات اور آٹھ دن تک (اللہ نے) مسلط رکھا* پس تم دیکھتے کہ یہ لوگ زمین پر اس طرح گر گئے جیسے کہ کھجور کے کھوکھلے تنے ہوں.**
____________________
* حَسمٌ کے معنی کاٹنے اور جدا جدا کرنے کے ہیں اور بعض نے حُسُومَا کے معنی پے درپے کیے ہیں۔
**- اس سے ان کی درازی کی طرف اشارہ ہے کھوکھلے بےروح جسم کو کھوکھلے تنے سے تشبیہ دی ہے۔
Verse 8
ﯼﯽﯾﯿﰀ ﰁ ​
کیا ان میں سے کوئی بھی تجھے باقی نظر آرہا ہے؟
Verse 9
ﭑﭒﭓﭔﭕﭖ ﭗ ​
فرعون اور اس سے پہلے کے لوگ اور جن کی بستیاں الٹ دی گئی*، انہوں نے بھی خطائیں کیں.
____________________
* اس سے قوم لوط مراد ہے۔
Verse 10
ﭘﭙﭚﭛﭜﭝ ﭞ ​
اور اپنے رب کے رسول کی نافرمانی کی (بالﺂخر) اللہ نے انہیں (بھی) زبردست گرفت میں لے لیا.*
____________________
* رَابِيَة، ربا یربو سے ہے جس کے معنی زائد کے ہیں، یعنی ان کی ایسی گرفت کی جو دوسری قوموں کی گرفت سے زائد یعنی سب میں سخت تر تھی۔گویا اخذۃ رابیۃ کا مفہوم ہوا نہایت سخت گرفت۔
Verse 11
ﭟﭠﭡﭢﭣﭤﭥ ﭦ ​
جب پانی میں طغیانی آگئی* تو اس وقت ہم نے تمہیں کشتی میں چڑھا لیا.**
____________________
* یعنی پانی بلندی میں تجاوز کر گیا، یعنی پانی خوب چڑھ گیا۔
**- کُم سے مخاطب عہد رسالت کے لوگ ہیں، مطلب ہے کہ تم جن آبا کی پشتوں سے ہو، ہم نے انہیں کشتی میں سوار کرکے بپھرے ہوئے پانی سے بچایا تھا۔ اَلْجَارِیَۃ سے مراد سفینہ نوح (عليه السلام) ہے۔
Verse 12
ﭧﭨﭩﭪﭫﭬ ﭭ ​
تاکہ اسے تمہارے لیے نصیحت اور یادگار بنادیں*، اور (تاکہ) یاد رکھنے والے کان اسے یاد رکھیں.**
____________________
* یعنی یہ فعل کہ کافروں کو پانی میں غرق کردیا اور مومنوں کو کشتی میں سوار کرا کے بچا لیا تمہارے لیے اس کو عبرت و نصیحت بنا دیں تاکہ تم اس سے نصیحت حاصل کرو اور اللہ کی نافرمانی سے بچو۔
**- عنی سننے والے اسے سن کر یاد رکھیں اور وہ بھی اس سے عبرت پکڑیں۔
Verse 13
ﭮﭯﭰﭱﭲﭳ ﭴ ​
پس جب کہ صور میں ایک پھونک پھونکی جائے گی.*
____________________
* یہ مکذبین کا انجام بیان کرنے کے بعد اب بتلایا جارہا ہے کہ یہ الحاقہ کس طرح واقع ہوگی اسرافیل کی ایک ہی پھونک سے یہ برپا ہو جائے گی۔
Verse 14
ﭵﭶﭷﭸﭹﭺ ﭻ ​
اور زمین اور پہاڑ اٹھا لیے جائیں* گے اور ایک ہی چوٹ میں ریزه ریزه کر دیے جائیں گے.
____________________
* یعنی اپنی جگہوں سے اٹھا لیے جائیں گے اور قدرت الہی سے اپنی قرار گاہوں سے ان کو اکھیڑ لیا جائے گا۔
Verse 15
ﭼﭽﭾ ﭿ ​
اس دن ہو پڑنے والی (قیامت) ہو پڑے گی.
Verse 16
ﮀﮁﮂﮃﮄ ﮅ ​
اور آسمان پھٹ جائے گا اور اس دن بالکل بودا ہوجائے گا.*
____________________
* یعنی اس میں کوئی قوت اور استحکام نہیں رہے گا جو چیز پھٹ کر ٹکڑے ٹکڑے ہو جائے۔ اس میں استحکام کس طرح رہ سکتا ہے۔
Verse 17
ﮆﮇﮈﮉﮊﮋﮌﮍﮎﮏ ﮐ ​
اس کے کناروں پر فرشتے ہوں گے*، اور تیرے پروردگار کا عرش اس دن آٹھ (فرشتے) اپنے اوپر اٹھائے ہوئے ہوں گے.**
____________________
* یعنی آسمان تو ٹکرے ٹکرے ہو جائے گا پھر فرشتے کہاں ہونگے فرمایا کہ وہ آسمان کے کناروں پر ہوں گے اس کا ایک مطلب یہ ہے کہ فرشتے آسمان پھٹنے سے پہلے ہی اللہ کے حکم سے زمین پر آجائیں گے تو گویا فرشتے دنیا کے کنارے پرہوں گے، یا یہ مطلب ہو سکتا ہے کہ آسمان ٹوٹ پھوٹ کا شکار ہو کر مختلف ٹکروں میں ہوگا تو ان ٹکڑوں پر جو زمین کے کناروں میں اور بجائے خود ثابت ہوں گے۔(فتح القدیر)
**- یعنی ان مخصوص فرشتوں نے عرش الٰہی کو اپنے سروں پر اٹھایا ہوا ہو گا، یہ بھی ممکن ہے اس عرش سے مراد وہ عرش ہو جو فیصلوں کے لئے زمین پر رکھا جائے گا، جس پر اللہ تعالٰی نزول اجلال فرمائے گا (ابن کثیر)
Verse 18
ﮑﮒﮓﮔﮕﮖ ﮗ ​
اس دن تم سب سامنے پیش کیے* جاؤ گے، تمہارا کوئی بھید پوشیده نہ رہے گا.
____________________
* یہ پیشی اس لیے نہیں ہوگی کہ جن کو اللہ نہیں جانتا ان کو جان لے گا وہ تو سب کو ہی جانتا ہے یہ پیشی خود انسانوں پر حجت قائم کرنے کے لیے ہوگی ورنہ اللہ سے تو کسی کی کوئی چیز پوشیدہ نہیں ہے۔
Verse 19
ﮘﮙﮚﮛﮜﮝﮞﮟﮠ ﮡ ​
سو جسے اس کا نامہٴ اعمال اس کے دائیں ہاتھ میں دیا جائے گا تو وه کہنے لگے گا* کہ لو میرا نامہٴ اعمال پڑھو.**
____________________
* جو اس کی سعادت، نجات اور کامیابی کی دلیل ہوگا۔
**- یعنی وہ مارے خوشی کے ہر ایک کو کہے گا کہ لو، میرا اعمال نامہ پڑھ لو میرا اعمال نامہ تو مجھے مل گیا، اس لئے کہ اسے پتہ ہوگا کہ اس میں اس کی نیکیاں ہی نیکیاں ہوں گی، کچھ برائیاں ہونگی تو اللہ نے معاف فرما دی ہونگی۔یا ان برائیوں کو بھی حسنات میں تبدیل کیا ہوگا۔جیسا کہ اللہ تعالیٰ اہل ایمان کے ساتھ فضل و کرم کی یہ مختلف صورتیں اختیان فرمائے گا۔
Verse 20
ﮢﮣﮤﮥﮦ ﮧ ​
مجھے تو کامل یقین تھا کہ مجھے اپنا حساب ملنا ہے.*
____________________
* یعنی آخرت کے حساب وکتاب پر میرا کامل یقین تھا۔
Verse 21
ﮨﮩﮪﮫ ﮬ ​
پس وه ایک دل پسند زندگی میں ہوگا.
Verse 22
ﮭﮮﮯ ﮰ ​
بلند وباﻻ جنت میں.*
____________________
* جنت میں مختلف درجات ہیں ہر درجے کے درمیان بہت فاصلہ ہے جیسے مجاہدین کے بارے میں نبی (صلى الله عليه وسلم) نے فرمایا جنت میں سو درجے ہیں جو اللہ نے مجاہدین کے تیار کیے ہیں ان کے دو درجوں کے درمیان کا فاصلہ زمین و آسمان جتنا ہے۔ (صحيح مسلم كتاب الإمارة، صحيح بخاري، كتاب الجهاد)
Verse 23
ﮱﯓ ﯔ ​
جس کے میوے جھکے پڑے ہوں گے.*
____________________
* یعنی بالکل قریب ہونگے کوئی لیٹے لیٹے بھی توڑنا چاہے گا تو ممکن ہوگا۔قطرف قفف کی جمع ہے، چنیے یا توڑے ہوئے 'مراد پھل ہیں۔ مَا يُقْطَفُ مِنَ الثِّمَارِ
Verse 24
ﯕﯖﯗﯘﯙﯚﯛﯜ ﯝ ​
(ان سے کہا جائے گا) کہ مزے سے کھاؤ، پیو اپنے ان اعمال کے بدلے جو تم نے گزشتہ زمانے میں کیے.*
____________________
* یعنی دنیا میں اعمال صالحہ کئے، یہ جنت ان کا صلہ ہے۔
Verse 25
ﯞﯟﯠﯡﯢﯣﯤﯥﯦﯧ ﯨ ​
لیکن جسے اس (کے اعمال) کی کتاب اس کے بائیں ہاتھ میں دی جائے گی، وه تو کہے گا کہ کاش کہ مجھے میری کتاب دی ہی نہ جاتی.*
____________________
* کیونکہ نامہ اعمال کا بائیں ہاتھ میں ملنا بدبختی کی علامت ہوگا۔
Verse 26
ﯩﯪﯫﯬ ﯭ ​
اور میں جانتا ہی نہ کہ حساب کیا ہے.*
____________________
* یعنی مجھے بتلایا ہی نہ جاتا کیونکہ سارا حساب ان کے خلاف ہوگا۔
Verse 27
ﯮﯯﯰ ﯱ ​
کاش! کہ موت (میرا) کام ہی تمام کر دیتی.*
____________________
* یعنی موت ہی فیصلہ کن ہوتی اور دوبارہ زندہ نہ کیا جاتا تاکہ یہ روز بد نہ دیکھنا پڑتا۔
Verse 29
ﯸﯹﯺ ﯻ ​
میرا غلبہ بھی مجھ سے جاتا رہا.*
____________________
* یعنی جس طرح مال میرے کام نہ آیا، جاہ و مرتبہ اور سلطنت و حکومت بھی میرے کام نہ آئی۔ آج میں اکیلا ہی سزا بھگت نے پر مجبور ہوں۔
Verse 30
ﯼﯽ ﯾ ​
(حکم ہوگا) اسے پکڑ لو پھر اسے طوق پہنادو.
Verse 31
ﯿﰀﰁ ﰂ ​
پھر اسے دوزخ میں ڈال دو.*
____________________
* اللہ ملائکہ جہنم کو حکم دے گا۔
Verse 32
ﰃﰄﰅﰆﰇﰈﰉ ﰊ ​
پھر اسے ایسی زنجیر میں جس کی پیمائش ستر ہاتھ کی ہے جکڑ دو.*
____________________
* یہ ذراع (ہاتھ) یہ کتنا ہوگا اس کی وضاحت ممکن نہیں تاہم اس سے اتنا معلوم ہوا کہ زنجیر کی لمبائی ستر ذراع ہوگی۔
Verse 33
ﰋﰌﰍﰎﰏﰐ ﰑ ​
بیشک یہ اللہ عظمت والے پرایمان نہ رکھتا تھا.*
____________________
- یہ مذکورہ سزا کی علت یا مجرم کے جرم کا بیان ہے۔
Verse 34
ﰒﰓﰔﰕﰖ ﰗ ​
اور مسکین کے کھلانے پر رغبت نہ دﻻتا تھا.*
____________________
* یعنی عبادت و اطاعت کے ذریعے سے اللہ کا حق ادا کرتا تھا اور نہ وہ حقوق ادا کرتا تھا جو بندوں کے بندوں پر ہیں۔ گویا اہل ایمان میں یہ جامعیت ہوتی ہے کہ وہ حقوق اللہ اور حقوق العباد دونوں کی ادائیگی کا اہتمام کرتے ہیں۔
Verse 36
ﭑﭒﭓﭔﭕ ﭖ ​
اور نہ سوائے پیﭗ کے اس کی کوئی غذا ہے.*
____________________
* بعض کہتے ہیں کہ یہ جہنم میں کوئی درخت ہے بعض کہتے ہیں کہ زقوم ہی کو غسلین کہا گیا ہے اور بعض کہتے ہیں کہ جہنمیوں کی پیپ یا ان کے جسموں سے نکلنے والا خون اور بدبودار ہوگا۔ اللہ ہمیں اس سے محفوظ فرمائے۔ آمین۔
Verse 37
ﭗﭘﭙﭚ ﭛ ​
جسے گناه گاروں کے سوا کوئی نہیں کھائے گا.*
____________________
* خاطئون سے مراد اہل جہنم ہیں جو کفر و شرک کی وجہ سے جہنم میں داخل ہوں گے اس لیے کہ یہ گناہ ایسے ہیں جو خلود فی النار کا سبب ہیں۔
Verse 38
ﭜﭝﭞﭟ ﭠ ​
پس مجھے قسم ہے ان چیزوں کی جنہیں تم دیکھتے ہو.
Verse 39
ﭡﭢﭣ ﭤ ​
اور ان چیزوں کی جنہیں تم نہیں دیکھتے.*
____________________
* یعنی اللہ کی پیدا کردہ وہ چیزیں، جو اللہ کی ذات اور اس کی قدرت و طاقت پر دلالت کرتی ہیں، جنہیں تم دیکھتے ہو یا نہیں دیکھتے، ان سب کی قسم ہے۔ آگے جواب قسم ہے۔
Verse 40
ﭥﭦﭧﭨ ﭩ ​
کہ بیشک یہ (قرآن) بزرگ رسول کا قول ہے.*
____________________
* بزرگ رسول سے مراد حضرت محمد (صلى الله عليه وسلم) ہیں۔ اور قول سے مراد تلاوت ہے یعنی رسول کریم سے مراد ایسا قول ہے جو یہ رسول کریم (صلى الله عليه وسلم) کی طرف سے تمہیں پہنچاتا ہے۔ کیونکہ قرآن، رسول یا جبرائیل (عليه السلام) کا قول نہیں ہے، بلکہ اللہ کا قول ہے جو اس نے فرشتے کے ذریعے سے پیغمبر پر نازل فرمایا ہے، پھر پیغمبر اسے لوگوں تک پہنچاتا ہے۔
Verse 41
ﭪﭫﭬﭭﭮﭯﭰﭱ ﭲ ​
یہ کسی شاعر کا قول نہیں* (افسوس) تمہیں بہت کم یقین ہے.
____________________
* جیسا کہ تم سمجھتے ہو اور کہتے ہو اس لیے کہ یہ اصناف شعر سے نہ اس کے مشابہ ہے پھر یہی کسی شاعر کا کلام کس طرح ہو سکتا ہے۔
Verse 42
ﭳﭴﭵﭶﭷﭸﭹ ﭺ ​
اور نہ کسی کاہن کا قول ہے*، (افسوس) بہت کم نصیحت لے رہے ہو.**
____________________
* جیسا کہ تم بعض دفعہ تم یہ دعوی کرتے ہو حالانکہ کہانت بھی ایک شئے ددیگر ہے۔
**- قلت دونوں جگہ نفی کے معنی میں ہے یعنی تم نہ قرآن پر ایمان لاتے ہو نہ اس سے نصیحت حاصل کرتے ہو۔
Verse 43
ﭻﭼﭽﭾ ﭿ ​
(یہ تو) رب العالمین کا اتارا ہوا ہے.*
____________________
* یعنی رسول کی زبان سے ادا ہونے والا یہ قول رب العالمین کا اتارا ہوا کلام ہے اسے تم کبھی شاعری اور کبھی کہانت کہہ کر اس کی تکذیب کرتے ہو۔
Verse 44
ﮀﮁﮂﮃﮄ ﮅ ​
اور اگر یہ ہم پر کوئی بھی بات بنا لیتا.*
____________________
* یعنی اپنی طرف سے گھڑ کر ہماری طرف منسوب کر دیتا، یا اس میں کمی بیشی کر دیتا، تو ہم فوراً اس کا مؤاخذہ کرتے اور اسے ڈھیل نہ دیتے جیسا کہ اگلی آیات میں فرمایا۔
Verse 45
ﮆﮇﮈ ﮉ ​
تو البتہ ہم اس کا داہنا ہاتھ پکڑ لیتے.*
____________________
* یا دائیں ہاتھ کے ساتھ اس کی گرفت کرتے، اس لئے کہ دائیں ہاتھ سے گرفت زیادہ سخت ہوتی ہے۔ اور اللہ کے دونوں ہاتھ ہی دائیں ہیں۔
Verse 46
ﮊﮋﮌﮍ ﮎ ​
پھر اس کی شہ رگ کاٹ دیتے.*
____________________
* خیال رہے یہ سزا، خاص نبی (صلى الله عليه وسلم) کے ضمن میں بیان کی گئی ہے جس سے مقصد آپ کی صداقت کا اظہار ہے۔ اس میں یہ اصول بیان نہیں کیا گیا ہے کہ جو بھی نبوت کا جھوٹا وعدہ کرے تو جھوٹے مدعی کو ہم فورا سزا سے دوچار کردیں گے لہذا اس سے کسی جھوٹے نبی کو اس لیے سچا باور نہیں کرایا جاسکتا کہ دنیا میں وہ مؤخذہ الہی سے بچا رہا۔واقعات بھی شاہد ہیں کہ متعدد لوگوں نے نبوت کے جھوٹے دعوے کیے اور اللہ نے انہیں ڈھیل دی اور دنیوی مواخذا سے وہ با لعموم محفوظہی رہے۔اس لئے اگر اسے اصول ناب لیا جائے تو پھر متعدد جھوٹے مدعیان نبوت کو "سچا نبی ماننا پڑے گا،
Verse 47
ﮏﮐﮑﮒﮓﮔ ﮕ ​
پھر تم میں سے کوئی بھی مجھے اس سے روکنے واﻻ نہ ہوتا.*
____________________
* اس سے معلوم ہوا کہ حضرت محمد (صلى الله عليه وسلم) سچے رسول تھے، جن کو اللہ نے سزا نہیں دی، بلکہ دلائل و معجزات اور اپنی خاص تائید و نصرت سے انہیں نوازا۔
Verse 48
ﮖﮗﮘ ﮙ ​
یقیناً یہ قرآن پرہیزگاروں کے لیے نصیحت ہے.*
____________________
* کیونکہ وہی اس سے فائدہ اٹھاتے ہیں ورنہ قرآن تو سارے ہی لوگوں کے لیے نصیحت لے کر آیا ہے۔
Verse 49
ﮚﮛﮜﮝﮞ ﮟ ​
ہمیں پوری طرح معلوم ہے کہ تم میں سے بعض اس کے جھٹلانے والے ہیں.
Verse 50
ﮠﮡﮢﮣ ﮤ ​
بیشک (یہ جھٹلانا) کافروں پر حسرت ہے.*
____________________
* یعنی قیامت والے دن اس پر حسرت کریں گے، کہ کاش ہم نے قرآن کی تکذیب نہ کی ہوتی۔ یا یہ قرآن بجائے خود ان کے لئے حسرت کا باعث ہوگا، جب وہ اہل ایمان کو قرآن کا اجر ملتے ہوئے دیکھیں گے۔
Verse 51
ﮥﮦﮧ ﮨ ​
اور بیشک (و شبہ) یہ یقینی حق ہے.*
____________________
* یعنی قرآن اللہ کی طرف سے ہونا بالکل یقینی ہے، اس میں قطعًا شک کی کوئی گنجائش نہیں۔ یا قیامت کی بابت جو خبر دی جا رہی ہے، وہ بالکل حق اور سچ ہے۔
Verse 52
ﮩﮪﮫﮬ ﮭ ​
پس تو اپنے رب عظیم کی پاکی بیان کر.*
____________________
* جس نے قرآن کریم جیسی عظیم کتاب نازل فرمائی۔
تقدم القراءة