Tafsir sa Sura الدّخان sa ماراناو gikan sa Maranao - Maranao translation
Verse 1
ﭑ
ﭒ
Ha. Mim. (So Allah i Matao ko paka-aantapan Iyan on)
Verse 2
ﭓﭔ
ﭕ
Ibt ko kitab a miyakapayag (ko ontol ago so ribat);
Verse 3
Mataan! a Skami na initoron Ami skaniyan (a Qor´an) ko gagawii a piyakandaklan sa mapiya: Mataan! a Skami na miyabaloy Kami a pphamakaiktiyar.
Verse 4
ﭠﭡﭢﭣﭤ
ﭥ
Ron gii pakazsnggayaa so langowan o sogoan a miyapasad a kokoman,
Verse 5
Sogoan a phoon ko hadapan Ami. Mataan! a Skami na miyabaloy Kami a pphanonogo,
Verse 6
Limo a phoon ko Kadnan ka: Mataan aya! a Skaniyan so Pphakan´g, a Matao;
Verse 7
A Kadnan o manga langit ago so lopa, go so nganin a pagltan a dowa nan, o skano na thotomangkd kano.
Verse 8
Daa tohan a inonta Skaniyan a Pphangoyag go Pphangimatay, - Kadnan iyo go Kadnan o manga loks iyo a miyangaoona.
Verse 9
ﮍﮎﮏﮐﮑ
ﮒ
Kna, ka siran na matatago ko kazasangka a sasablawn iran,
Verse 10
ﮓﮔﮕﮖﮗﮘ
ﮙ
Na nayawang ka so gawii a kitalingomaan o langit ko bl a mapayag.
Verse 11
ﮚﮛﮜﮝﮞﮟ
ﮠ
A mikolob ko manga manosiya: (na matharo iran a:) giyai na siksa a malipds.
Verse 12
ﮡﮢﮣﮤﮥﮦ
ﮧ
(Go matharo iran:) "Kadnan ami, pokasang Ka rkami so siksa, ka mataan! a skami na miyaratiyaya kami!"
Verse 13
Andamanaya i kakhaparoliya iran ko pananadm, a sabnar a miyakaoma kiran so sogo, a miyakapayag,
Verse 14
ﮰﮱﯓﯔﯕﯖ
ﯗ
Oriyan iyan na tiyalikhodan iran oto, go pitharo iran: "Piyangndao a pmbthangn!"
Verse 15
Mataan! a Skami na piyokas Ami so siksa sa da mathay, na mataan! a skano na mimbalingan kano (bo).
Verse 16
ﯠﯡﯢﯣﯤﯥ
ﯦ
Sii ko isa alongan na olangn Ami so bagr a mala: Mataan! a Skami i Pndadan´g!
Verse 17
Na sabnsabnar a tiniyoba Ami ko miyaonaan iran so pagtaw o Pir´awn: Go minitalingoma kiran o (Mosa a) sogo a sslaan, (a pitharo iyan:)
Verse 18
"Palada niyo rakn so manga oripn o Allah: Mataan! a sakn na sogo rkano a kasasanaan;"
Verse 19
"Go di niyo pagombawi so Allah: Mataan! a sakn na minitalingoma ko rkano so katantowan a mapayag."
Verse 20
ﭜﭝﭞﭟﭠﭡ
ﭢ
"Go mataan! a sakn na lominindong ako ko Kadnan ko go Kadnan iyo, ka oba ako niyo radiyama!"
Verse 21
ﭣﭤﭥﭦﭧ
ﭨ
"Na odi ako niyo pharatiyayaa na awata ko niyo."
Verse 22
ﭩﭪﭫﭬﭭﭮ
ﭯ
Na miyangangarapan ko Kadnan iyan: "Mataan! a siran aya na pagtaw a manga baradosa."
Verse 23
ﭰﭱﭲﭳﭴ
ﭵ
Na (pitharo o Allah a:) "Panglmn ka so manga oripn ko ko kagagawii: Mataan! a skano na thondogn kano (iran);"
Verse 24
"Go ganating ka so kalodan a massray: Mataan! a siran na tantara a phangldn."
Verse 25
ﭾﭿﮀﮁﮂ
ﮃ
Madakl a kiyaganatan iran a manga pamomolan ago manga bowalan,
Verse 26
ﮄﮅﮆ
ﮇ
Go manga pr go darpa a mapiya,
Verse 27
ﮈﮉﮊﮋ
ﮌ
Go limo a miyabaloy siran on a khikasosonor!
Verse 28
ﮍﮎﮏﮐﮑ
ﮒ
Giyoto man (i inikidia Mi kiran)! Go piyakipangowarisan Ami oto ko pagtaw a miyangaoori (a pagtaw o Mosa)!
Verse 29
Na da siran kasgadi o langit ago so lopa: Go da siran bgi sa taalik.
Verse 30
Na sabnsabnar a siyabt Ami so manga moriyataw o Israil phoon ko siksa a phakahina,
Verse 31
A phoon ko Pir´awn; mataan! a skaniyan na miyabaloy a miphaporo a pd ko manga malawani.
Verse 32
ﮭﮮﮯﮰﮱﯓ
ﯔ
Na sabnsabnar a pinili Ami siran sii ko katao ko manga kaadn (ko masa iran),
Verse 33
Go bigan Ami siran ko manga tanda a so katatagoan sa tpng, a mapayag.
Verse 34
ﯝﯞﯟ
ﯠ
Mataan! a siran aya na gi iran tharoon:
Verse 35
"Daa salakaw a rowar ko kapatay tano a paganay, go kna a ba tano phangaooyag ko oriyan o kapatay."
Verse 36
ﯪﯫﯬﯭﯮ
ﯯ
"Na pakambowata niyo so manga loks ami, o skano i manga bnar!"
Verse 37
Ba siran i tomo, antawaa so pagtaw o Tobba´, go so miyaonaan iran? Bininasa Mi siran, mataan! a siran na miyabaloy siran a manga sala.
Verse 38
Da ko kiyaadna Mi ko manga langit ago so lopa, go so nganin a pagltan a dowa nan, oba Kami khikabibimban:
Verse 39
Da ko kiyaadna Mi sa dowa nan inonta na sii ko bnar: Na ogaid na so kadaklan kiran na di iran katawan.
Verse 40
ﭑﭒﭓﭔﭕ
ﭖ
Mataan! a so alongan a kokoman na diyandi kiran langon,
Verse 41
Alongan a da a khilinding o tonganay ko tonganay niyan a mayto bo, go di siran phangatatabangan,
Verse 42
Inonta so inikalimo o Allah: Mataan! a Skaniyan na Skaniyan so Mabagr, a Makalimoon.
Verse 43
ﭫﭬﭭ
ﭮ
Mataan! a so kayo a Zaqqom,
Verse 44
ﭯﭰ
ﭱ
Na pangn´ngkn o baradosa,
Verse 45
ﭲﭳﭴﭵ
ﭶ
Lagid o totonagn a galang, a pndidi ko manga tiyan,
Verse 46
ﭷﭸ
ﭹ
Lagid o kapndidi o phlikabo a ig.
Verse 47
ﭺﭻﭼﭽﭾ
ﭿ
(Tharoon:) "Kowaa niyo skaniyan na goyoda niyo to ko lmbak o naraka Jahim!"
Verse 48
"Oriyan iyan na ododa niyo ko poro o olo niyan so siksa a phlikabo."
Verse 49
ﮈﮉﮊﮋﮌ
ﮍ
(Tharoon on:) "Taaming ka! mataan! a ska na ska so mabagr, a pagaadatan (sa doniya)!"
Verse 50
ﮎﮏﮐﮑﮒﮓ
ﮔ
"Mataan! a giyaya so skano na zasangka kano ron!"
Verse 51
ﮕﮖﮗﮘﮙ
ﮚ
Mataan! a so khipanananggila na sii ko darpa a sasarigan,
Verse 52
ﮛﮜﮝ
ﮞ
Sii ko manga pamomolan go manga bowalan;
Verse 53
ﮟﮠﮡﮢﮣ
ﮤ
Ndiditar siran sa sotra a manipis go sotra a makapal, a khipaga adapadapa;
Verse 54
ﮥﮦﮧﮨ
ﮩ
Giyoto dn man, go pakaphamangaromaan Ami siran sa manga tataid, a manga pipiya i kapmata.
Verse 55
ﮪﮫﮬﮭﮮ
ﮯ
Pphananawag siran roo sa pithibarang a onga, a khisasarig siran;
Verse 56
Daa khasagadan iran roo a kapatay, inonta so kapatay a paganay (sa doniya); go phakalidasn Iyan siran ko siksa ko naraka Jahim,
Verse 57
Kakayaan a phoon ko Kadnan ka. Giyoto man na skaniyan so daag, a mala!
Verse 58
ﯦﯧﯨﯩﯪ
ﯫ
Na aya dn a kiyalbod Ami ron, sii ko basang ka, na an iran sabota (a Qor´an aya).
Verse 59
ﯬﯭﯮ
ﯯ
Na nayaw ka; mataan! a siran na nomanayaw siran (mambo).
تقدم القراءة