ترجمة معاني سورة السجدة باللغة الفلبينية من كتاب الترجمة الفلبينية (تجالوج)
مركز رواد الترجمة بالتعاون مع موقع دار الإسلام
آية رقم 1
ﭑ
ﭒ
Alif. Lām. Mīm.
آية رقم 2
Ang pagbababa ng Aklat ay walang alinlangan hinggil dito mula sa Panginoon ng mga nilalang.
آية رقم 3
O nagsasabi ba sila na ginawa-gawa niya ito? Bagkus ito ay ang katotohanan mula sa Panginoon mo upang magbabala ka sa mga taong hindi napuntahan ng anumang tagapagbabala noong wala ka pa nang sa gayon sila ay mapapatnubayan.
آية رقم 4
Si Allāh ay ang lumikha ng mga langit at lupa at anumang nasa pagitan ng mga ito sa anim na araw, pagkatapos ay lumuklok Siya sa Trono. Walang ukol sa inyo bukod pa sa Kanya na anumang katangkilik ni tagapamagitan. Kaya hindi pa ba kayo magsasaalaala?
آية رقم 5
Nangangasiwa Siya sa usapin mula sa langit patungo sa lupa, pagkatapos ay pumapanik iyon sa Kanya sa isang araw na ang sukat nito ay isang libong taon mula sa binibilang ninyo.
آية رقم 6
ﮝﮞﮟﮠﮡﮢ
ﮣ
Iyon ay ang Nakaaalam sa Lingid at Nasasaksihan, ang Makapangyarihan, ang Maawain,
آية رقم 7
na nagpaganda sa bawat bagay na nilikha Niya. Nagsimula Siya sa paglikha sa tao mula sa putik.
آية رقم 8
Pagkatapos ay gumawa Siya sa mga inapo nito mula sa isang hinango mula sa isang tubig na hamak.
آية رقم 9
Pagkatapos ay humubog Siya rito at umihip Siya rito mula sa espiritu Niya. Gumawa Siya para sa inyo ng pandinig, mga paningin, at mga puso. Anong kaunti ang ipinagpapasalamat ninyo!
آية رقم 10
Nagsabi sila: "Kapag ba naligaw kami sa lupa, tunay bang kami ay talagang nasa isang paglikhang bago?" Bagkus sila, sa pakikipagkita sa Panginoon nila, ay mga tagatangging sumampalataya.
آية رقم 11
Sabihin mo: "Kukunin kayo ng anghel ng kamatayan na itinalaga sa inyo, pagkatapos sa Panginoon ninyo panunumbalikin kayo."
آية رقم 12
Kung sakaling nakikita mo kapag ang mga salarin ay mga nakatungo ang mga ulo nila sa harap ng Panginoon nila, [na nagsasabi]: "Panginoon namin, nakakita kami at nakarinig kami. Kaya magpanumbalik Ka sa amin, gagawa kami ng maayos. Tunay na kami ay mga nakatitiyak."
آية رقم 13
Kung sakaling niloob Namin ay talaga sanang nagbigay Kami sa bawat tao ng patnubay niya, subalit magkakatotoo ang sabi mula sa Akin: "Talagang magpupuno nga Ako sa Impiyerno ng mga jinn at mga tao nang sama-sama.
آية رقم 14
Kaya lumasap kayo [ng pagdurusa] dahil lumimot kayo sa pakikipagkita sa Araw ninyong ito. Tunay na Kami ay lilimot sa inyo. Lumasap kayo ng pagdurusa ng kawalang-hanggan dahil sa dati ninyong ginagawa.
آية رقم 15
Sumasampalataya lamang sa mga talata Namin ang mga kapag pinaalalahanan sa mga ito ay sumusubsob na mga nakapatirapa at nagluluwalhati kalakip ng papuri sa Panginoon nila habang sila ay hindi nagmamalaki.
آية رقم 16
Humihiwalay ang mga tagiliran nila sa mga hinihigaan habang dumadalangin sila sa Panginoon nila dala ng pangamba at paghahangad. Mula sa itinustos Namin sa kanila ay gumugugol sila.
آية رقم 17
Kaya hindi nalalaman ng isang kaluluwa ang ikinubli para sa kanila na kasiyahan ng mga mata bilang ganti sa anumang dati nilang ginagawa.
آية رقم 18
Kaya ba ang sinumang naging isang mananampalataya ay gaya ng sinumang naging isang suwail? Hindi sila nagkakapantay?
آية رقم 19
Tungkol naman sa mga sumampalataya at gumawa ng mga maayos, ukol sa kanila ay mga hardin ng kanlungan bilang tuluyan dahil sa dati nilang ginagawa.
آية رقم 20
Tungkol naman sa mga nagpakasuwail, ang kanlungan nila ay ang Apoy. Sa tuwing nagnais sila na lumabas mula roon ay ibinabalik sila roon at sasabihin sa kanila: "Lasapin ninyo ang pagdurusa sa Apoy, na dati kayong nagpapasinungaling hinggil dito."
آية رقم 21
Talagang magpapalasap nga Kami sa kanila ng pinakamalapit na pagdurusa bukod pa sa pinakamalaking pagdurusa, nang sa gayon sila ay manunumbalik.
آية رقم 22
Sino ang higit na tagalabag sa katarungan kaysa sa sinumang pinaalalahanan ng mga tanda ng Panginoon niya, pagkatapos ay umaayaw sa mga ito? Tunay na Kami, sa mga salarin, ay maghihiganti.
آية رقم 23
Talaga ngang nagbigay Kami kay Moises ng Kasulatan kaya huwag kang maging nasa isang pag-aalangan sa pakikipagkita sa kanya. Gumawa Kami rito bilang isang patnubay para sa mga anak ni Israel.
آية رقم 24
Gumawa Kami mula sa kanila ng mga pinuno na nagpapatnubay ayon sa kautusan Namin noong nagtiis sila at sila noon sa mga tanda Namin ay nakatitiyak.
آية رقم 25
Tunay na ang Panginoon mo ay magpapasya sa pagitan nila sa Araw ng Pagbangon hinggil sa anumang dati silang nagkakaiba-iba.
آية رقم 26
Hindi ba nagpatnubay para sa mga ito kung ilan na ang pinasawi Namin, noong wala pa ang mga ito, kabilang sa mga salinlahi habang naglalakad sila sa mga tirahan nila. Tunay na sa gayon ay talagang may mga tanda, kaya hindi ba sila nakaririnig?
آية رقم 27
Hindi ba sila nakakita na Kami ay umaakay sa tubig patungo sa lupang tigang at nagpapalabas Kami sa pamamagitan nito ng pananim na kumakain mula rito ang mga hayupan ninyo at ang mga sarili ninyo? Kaya hindi ba sila tumitingin?
آية رقم 28
Nagsasabi sila: "Kailan ang pagsakop na ito kung kayo ay mga tapat?"
آية رقم 29
Sabihin mo: "Sa araw ng pagsakop, hindi magpapakinabang sa mga tumangging sumampalataya ang pagsampalataya nila at hindi sila palulugitan."
آية رقم 30
ﯯﯰﯱﯲﯳ
ﯴ
Kaya umayaw ka sa kanila at maghintay ka sa kanila. Tunay na sila ay mga naghihintay.
تقدم القراءة