ترجمة معاني سورة الذاريات باللغة اللوغندية من كتاب الترجمة اللوغندية - المؤسسة الإفريقية للتنمية
آية رقم 1
ﯤﯥ
ﯦ
1. Ndayidde empewo ezifumuula enfuufu olufumuula.
آية رقم 2
ﯧﯨ
ﯩ
2. Olwo nno nendayira ebire ebyetikka enkuba olwetikka.
آية رقم 3
ﯪﯫ
ﯬ
3. N'amaato agaseeyeeya mu mazzi mu bwangu.
آية رقم 4
ﯭﯮ
ﯯ
4. Era ndayidde Malayika ezigabanya Riziki okusinziira ku kiragiro ekiba kiziweereddwa.
آية رقم 5
ﯰﯱﯲ
ﯳ
5. Mazima bye mulaganyisibwa bya kutuukirira.
آية رقم 6
ﯴﯵﯶ
ﯷ
6. Era ddala olunaku lwo kusasula lwa kubaawo.
آية رقم 7
ﭑﭒﭓ
ﭔ
7. Ndayidde eggulu eryakolebwa mu ngeri ennungi.
آية رقم 8
ﭕﭖﭗﭘ
ﭙ
8. Mazima mmwe muli mu kigambo ekyawukamu (temussa kimu ku bikwata ku Kur’ani).
آية رقم 9
ﭚﭛﭜﭝ
ﭞ
9. Awugulwa ku kyo oyo eyabuzibwa (natakkiriza).
آية رقم 10
ﭟﭠ
ﭡ
10. Baakolimirwa abo abalimba (aboogera ebitali bituufu ku Nabbi).
آية رقم 11
ﭢﭣﭤﭥﭦ
ﭧ
11. Abo abali mu nnyanga ey’obukaafiiri nga babulubuuta.
آية رقم 12
ﭨﭩﭪﭫ
ﭬ
12. Nga babuuza nti olunaku lwo kusasula luliba lwaddi?.
آية رقم 13
ﭭﭮﭯﭰﭱ
ﭲ
13. Lwe lunaku bo lwe balyokebwa omuliro.
آية رقم 14
14. (Nga bwe bagambibwa nti) mukombe ebibonerezo bya mmwe, kino kyekyo kye mwagambanga nti kibatuusibweko mu bwangu.
آية رقم 15
ﭻﭼﭽﭾﭿ
ﮀ
15. Mazima abatya Katonda balibeera mu masamba nga mulimu n'ensulo za mazzi.
آية رقم 16
16. Nga beeyanza ebyo Mukama omulabirizi waabwe byalibawa (anti) mazima bo oluberyeberye lwekyo bali balongoosa.
آية رقم 17
ﮌﮍﮎﮏﮐﮑ
ﮒ
17. Bebakanga e kiseera kitono mu kiro.
آية رقم 18
ﮓﮔﮕ
ﮖ
18. Ate nga mu ttumbi babanga mu kwe gayirira.
آية رقم 19
ﮗﮘﮙﮚﮛ
ﮜ
19. Era nga mu maali yaabwe mulimu omugabo gwo musabi nooyo atafuna kimumala (naye nga tasaba).
آية رقم 20
ﮝﮞﮟﮠ
ﮡ
20. Era mu nsi mulimu obubonero (obulaga okubaayo kwa Katonda n’obuyinza bwe), eri abo abakkiriza obukkiriza obwa nnamaddala.
آية رقم 21
ﮢﮣﮤﮥﮦ
ﮧ
21. Ne mu mmwe mwennyini (mulimu obubonero) abaffe temulaba.
آية رقم 22
ﮨﮩﮪﮫﮬ
ﮭ
22. Ne muggulu y'eri riziki za mmwe na byonna bye mulagaanyisibwa.
آية رقم 23
23. Kale ndayidde Mukama omulabirizi we ggulu n'ensi, nti ekyo bwekityo bwekiri (era nga ekyo buli muntu yenna akimanyi) nga bwe mumanyi nti mwatula.
آية رقم 24
ﯙﯚﯛﯜﯝﯞ
ﯟ
24. Abaffe ebikwata ku bagenyi ba Ibrahim abekitiibwa bya kutuukako.
آية رقم 25
25. Bwe baayingira weyali ne bagamba nti mirembe, (naye) naagamba nti mirembe (wabula muli) bantu abatamanyiddwa.
آية رقم 26
ﯫﯬﯭﯮﯯﯰ
ﯱ
26. Olwo nno nadda eri abantu be naleeta ennyana y'ente ensava (enjokye).
آية رقم 27
ﯲﯳﯴﯵﯶ
ﯷ
27. Nagibasembereza naagamba nti abaffe nga temuulye!.
آية رقم 28
28. (Bwe bataalya) yawulira nga abatiddemu, ne bagamba nti totya era nebamuwa amawulire agessanyu ag'omwana omulenzi omumanyi ennyo.
آية رقم 29
29. (Awo wennyini) mukyala we naatuuka nga ayogerera waggulu nakuba ekyenyi kye, era naagamba nti (nze nga ndi) mukadde omugumba (nzaala ntya!).
آية رقم 30
30. (Ba Malayika) ne bagamba nti bwekityo Mukama omulabirizi wo bwagambye anti mazima yye bulijjo, ye mugoba nsonga omumanyi ennyo.
آية رقم 31
ﭑﭒﭓﭔﭕﭖ
ﭗ
31. Ibrahim naagamba nti, ate mmwe ababaka nsonga ki ebaleese?.
آية رقم 32
ﭘﭙﭚﭛﭜﭝ
ﭞ
32. Nebagamba nti mazima ffe tutumiddwa eri abantu abonoonyi.
آية رقم 33
ﭟﭠﭡﭢﭣ
ﭤ
33. Tube nga tubayiwako amayinja agomu bbumba ejjokye.
آية رقم 34
ﭥﭦﭧﭨ
ﭩ
34. Nga malambe okuva ewa Mukama omulabirizi wo, nga ga (kuzikiriza) abonoonyi abasukkiridde.
آية رقم 35
ﭪﭫﭬﭭﭮﭯ
ﭰ
35. (Katonda agamba) awo nno twagyamu oyo yenna eyakirimu (ekitundu ekyo) mu bakkiriza.
آية رقم 36
36. Naye tetwasangamu okugyako e nyumba emu eyabasiraamu.
آية رقم 37
37. Era twaleka mu kyo ekyo kuyiga eri abo abatya ebibonerezo ebiruma ennyo.
آية رقم 38
38. Era ne Musa (alimu ekyo kuyiga) bwe twamutuma ewa Firawo n’obujulizi obweyolefu.
آية رقم 39
ﮊﮋﮌﮍﮎﮏ
ﮐ
39. Yagaana (okugoberera Musa) olwokwesigula abali emabega we era nagamba nti (Musa) mulogo oba mulalu.
آية رقم 40
40. Olwo nno netumukwatako ne ggye rye netubakasuka mu nnyanja nga naye anenyezebwa.
آية رقم 41
41. Ne mu Bantu ba Aadi (mulimu ekyokuyiga) bwe twabasindikira empewo engumba (etaliimu mukisa tereeta nkuba wadde okuwasisa ebibala).
آية رقم 42
42. Nga tereka kintu kyonna kyeyitako okugyako nga ekifuula nga ensaano.
آية رقم 43
43. Ne mu bantu ba Thamud (mulimu ekyokuyiga) bwe bagambibwa nti mweyagale okumala akaseera katono.
آية رقم 44
44. Wabula bo basukka ekiragiro kya Mukama omulabiririzi waabwe, olwo nno okubwatuka okwamaanyi ne kubatuukako nga nabo balaba.
آية رقم 45
45. Tebaasobola kusituka (badduke) era tebaali ba kuwona.
آية رقم 46
46. N'abantu ba Nuhu nga bano tebannabaawo (nabo balimu ekyokuyiga anti nabo baazikirizibwa era nabo kya bagwanira) anti mazima bo baali bantu abonoonyi.
آية رقم 47
ﯰﯱﯲﯳﯴ
ﯵ
47. (N'ebirala ebirimu ekyokuyiga) ne ggulu twalizimba n'obuyinza (bwaffe) era mazima tukyaligaziya.
آية رقم 48
ﯶﯷﯸﯹ
ﯺ
48. N'ensi twagiseteeza, ddala nga ffe abatesiteesi abasinga.
آية رقم 49
49. Era twatonda mu buli kintu emitindo ebiri ebiri (ekisajja ne kikazi) oba olyawo ne mujjukira.
آية رقم 50
50. Kale mudduke mudde eri Katonda mazima nze ndi mutiisa owolwatu gye muli okuva gyali.
آية رقم 51
51. N’olwekyo temussanga ku Katonda ebisinzibwa ebirala, mazima nze ndi mutiisa owolwatu gye muli okuva gyali.
آية رقم 52
52. Bwekityo abo ababakulembera tewali mubaka yabajjira okugyako nga bagamba nti mulogo oba mulalu.
آية رقم 53
53. Abaffe bakyeramira (nedda ssi bwekiri) wabula bo bantu be wagguzi.
آية رقم 54
ﭧﭨﭩﭪﭫ
ﭬ
54. Kale baveeko toli ggwe anenyezebwa.
آية رقم 55
ﭭﭮﭯﭰﭱ
ﭲ
55. Wabula bulirira anti mazima okubulirira kugasa abakkiriza.
آية رقم 56
ﭳﭴﭵﭶﭷﭸ
ﭹ
56. Era ssaatonda amajinni n’abantu wabula lwakuba nti bansinze.
آية رقم 57
57. Sibaagalamu Riziki era ssaagala bandiise.
آية رقم 58
58. Mazima Katonda yye yaagaba Riziki nannyini maanyi omusobozi.
آية رقم 59
59. Mazima abo abeeyisa obubi balina ebyonoono nga ebyonoono bya bannaabwe n’olwekyo tebampapya (kubatuusaako bibonerezo mu bwangu).
آية رقم 60
60. Okubonabona kuli eri abo abawakanya olunaku lwabwe olwo lwe baalaganyisibwa (olunaku lw’enkomerero).
تقدم القراءة