Page 586
إِذَا ٱلشَّمۡسُ كُوِّرَتۡ ١
૧) જ્યારે સૂરજ લપેટી દેવામાં આવશે.
وَإِذَا ٱلنُّجُومُ ٱنكَدَرَتۡ ٢
૨) અને જ્યારે તારાઓ પ્રકાશહીન થઇ જશે.
وَإِذَا ٱلۡجِبَالُ سُيِّرَتۡ ٣
૩) અને જ્યારે પર્વતો ચલાવવામાં આવશે.
وَإِذَا ٱلۡعِشَارُ عُطِّلَتۡ ٤
૪) અને જ્યારે દસ મહિનાની ગર્ભવાળી ઉંટણીને છોડી દેવામાં આવશે.
وَإِذَا ٱلۡوُحُوشُ حُشِرَتۡ ٥
૫) અને જ્યારે જંગલી જાનવર ભેગા કરવામાં આવશે.
وَإِذَا ٱلۡبِحَارُ سُجِّرَتۡ ٦
૬) અને જ્યારે દરિયાઓ ભડકાવવામાં આવશે.
وَإِذَا ٱلنُّفُوسُ زُوِّجَتۡ ٧
૭) અને જ્યારે આત્માઓ (શરીરો સાથે) જોડી દેવામાં આવશે.
وَإِذَا ٱلۡمَوۡءُۥدَةُ سُئِلَتۡ ٨
૮) અને જ્યારે જીવતી દાટેલી બાળકીને સવાલ કરવામાં આવશે.
بِأَيِّ ذَنۢبࣲ قُتِلَتۡ ٩
૯) કે કયા અપરાધના કારણે મારી નાખવામાં આવી ?
وَإِذَا ٱلصُّحُفُ نُشِرَتۡ ١٠
૧૦) અને જ્યારે કર્મનોંધ ખોલી નાખવામાં આવશે.
وَإِذَا ٱلسَّمَآءُ كُشِطَتۡ ١١
૧૧) અને જ્યારે આકાશની ખાલ ખેંચી લેવામાં આવશે.
وَإِذَا ٱلۡجَحِيمُ سُعِّرَتۡ ١٢
૧૨) અને જ્યારે જહન્નમ ભડકાવવામાં આવશે.
وَإِذَا ٱلۡجَنَّةُ أُزۡلِفَتۡ ١٣
૧૩) અને જ્યારે જન્નત નજીક લાવવામાં આવશે.
عَلِمَتۡ نَفۡسࣱ مَّآ أَحۡضَرَتۡ ١٤
૧૪) પ્રત્યેક વ્યક્તિ જાણી લેશે જે તે લઇને આવ્યો છે.
فَلَآ أُقۡسِمُ بِٱلۡخُنَّسِ ١٥
૧૫) હું સોગંધ ખાઉ છું પાછળ હટવાવાળા,
ٱلۡجَوَارِ ٱلۡكُنَّسِ ١٦
૧૬) ચાલનાર અને સંતાઇ જનાર તારાઓ ની,
وَٱلَّيۡلِ إِذَا عَسۡعَسَ ١٧
૧૭) અને રાતની જ્યારે સમાપ્ત થવા લાગે છે.
وَٱلصُّبۡحِ إِذَا تَنَفَّسَ ١٨
૧૮) અને સવારની જ્યારે ચમકવા લાગે.
إِنَّهُۥ لَقَوۡلُ رَسُولࣲ كَرِيمࣲ ١٩
૧૯) નિ:શંક આ એક ઇઝઝતવાળા ફરિશ્તાઓ ની લાવેલી વાણી છે.
ذِي قُوَّةٍ عِندَ ذِي ٱلۡعَرۡشِ مَكِينࣲ ٢٠
૨૦) જે શક્તિશાળી છે. અર્શવાળા (અલ્લાહ) ને ત્યાં ઉચ્ચ સ્થાનવાળો છે.
مُّطَاعࣲ ثَمَّ أَمِينࣲ ٢١
૨૧) જેની વાત માનવામાં આવે છે. પ્રામાણિક છે.
وَمَا صَاحِبُكُم بِمَجۡنُونࣲ ٢٢
૨૨) અને તમારા સાથી પાગલ નથી.
وَلَقَدۡ رَءَاهُ بِٱلۡأُفُقِ ٱلۡمُبِينِ ٢٣
૨૩) તેણે તેને (જિબ્રઇલ) આકાશોના ખુલ્લા કિનારે જોયા પણ છે.
وَمَا هُوَ عَلَى ٱلۡغَيۡبِ بِضَنِينࣲ ٢٤
૨૪) અને તે છુપી વાતો બતાવવામાં કંજુસ પણ નથી.
وَمَا هُوَ بِقَوۡلِ شَيۡطَٰنࣲ رَّجِيمࣲ ٢٥
૨૫) અને આ કુરઆન ધિક્કારેલા શયતાનનું કથન નથી.
فَأَيۡنَ تَذۡهَبُونَ ٢٦
૨૬) પછી તમે ક્યાં જઇ રહ્યા છો.
إِنۡ هُوَ إِلَّا ذِكۡرࣱ لِّلۡعَٰلَمِينَ ٢٧
૨૭) આ જગત વાસીઓ માટે એક સ્મૃતિબોધ છે.
لِمَن شَآءَ مِنكُمۡ أَن يَسۡتَقِيمَ ٢٨
૨૮) (ખાસ કરીને) તેમના માટે જે સીધો માર્ગ અપનાવવા માગે છે.
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ ٢٩
૨૯) અને તમે નથી ઇચ્છી શકતા જ્યાં સુધી સમ્રગ સૃષ્ટિનો પાલનહાર નથી ઇચ્છતો.