Surah Fatir in Tagalog

Ang Lumikha · سورة فاطر

Meccan Verses: 45 Juz 22 Page 434 Revelation order: 43
Translation:
Al-Mukhtasar fi Tafsir al-Quran

بِسۡمِ ٱللَّهِ ٱلرَّحۡمَٰنِ ٱلرَّحِيمِ

ٱلۡحَمۡدُ لِلَّهِ فَاطِرِ ٱلسَّمَٰوَٰتِ وَٱلۡأَرۡضِ جَاعِلِ ٱلۡمَلَٰٓئِكَةِ رُسُلًا أُوْلِيٓ أَجۡنِحَةࣲ مَّثۡنَىٰ وَثُلَٰثَ وَرُبَٰعَۚ يَزِيدُ فِي ٱلۡخَلۡقِ مَا يَشَآءُۚ إِنَّ ٱللَّهَ عَلَىٰ كُلِّ شَيۡءࣲ قَدِيرࣱ ١

Ang papuri ay ukol kay Allāh, ang Tagalikha ng mga langit at lupa ayon sa walang pagkakatulad na nauna, na gumawa mula sa mga anghel bilang mga sugong nagpapatupad sa mga utos Niya pang-itinakda Mayroon sa kanila na nagpapaabot sa mga propeta ng kasi at nagpalakas sa mga iyon sa pagganap sa ipinagkatiwala sa mga iyon. Mayroon sa kanilang may dalawang pakpak, may tatlo, at may apat, na lumilipad sila sa pamamagitan nito upang magpatupad sa ipinag-utos ni Allāh. Nagdaragdag si Allāh sa paglikha ng anumang niloloob Niya ng anumang bahagi ng katawan o kagandahan o tinig. Tunay na si Allāh sa bawat bagay ay May-kakayahan: walang nakapagpapawalang-kakayahan sa Kanya na anuman.

مَّا يَفۡتَحِ ٱللَّهُ لِلنَّاسِ مِن رَّحۡمَةࣲ فَلَا مُمۡسِكَ لَهَاۖ وَمَا يُمۡسِكۡ فَلَا مُرۡسِلَ لَهُۥ مِنۢ بَعۡدِهِۦۚ وَهُوَ ٱلۡعَزِيزُ ٱلۡحَكِيمُ ٢

Tunay na ang mga susi ng bawat bagay ay nasa kamay ni Allāh kaya ang anumang binubuksan ni Allāh para sa mga tao na panustos, kapatnubayan, at kaligayahan ay walang isang nakakakayang humadlang nito, at ang anumang pinipigil Niya mula roon ay walang isang nakakakayang magpakawala nito matapos ng pagpigil Niya rito. Siya ay ang Makapangyarihan na walang nakagagapi sa Kanya na isa man, ang Marunong sa paglikha Niya, pagtatakda Niya, at pangangasiwa Niya.

يَٰٓأَيُّهَا ٱلنَّاسُ ٱذۡكُرُواْ نِعۡمَتَ ٱللَّهِ عَلَيۡكُمۡۚ هَلۡ مِنۡ خَٰلِقٍ غَيۡرُ ٱللَّهِ يَرۡزُقُكُم مِّنَ ٱلسَّمَآءِ وَٱلۡأَرۡضِۚ لَآ إِلَٰهَ إِلَّا هُوَۖ فَأَنَّىٰ تُؤۡفَكُونَ ٣

O mga tao, umalaala kayo sa biyaya ni Allāh sa inyo sa pamamagitan ng mga puso ninyo, mga dila ninyo, at mga bahagi ng katawan ninyo sa pamamagitan ng paggawa. Mayroon ba kayong tagalikhang iba pa kay Allāh, na nagtutustos sa inyo mula sa langit ng pinabababa Niya sa inyo na ulan at nagtutustos sa inyo mula sa lupa ng pinatutubo Niya na mga bunga at mga pananim? Walang sinasamba ayon sa karapatan na iba pa sa Kanya. Kaya papaanong matapos nito ay nalilihis kayo sa katotohanang ito, at gumawa-gawa kayo ng kasinungalingan laban kay Allāh, at nag-aangkin kayo na kay Allāh ay may mga katambal samantalang Siya ang lumikha sa inyo at nagtustos sa inyo?

وَإِن يُكَذِّبُوكَ فَقَدۡ كُذِّبَتۡ رُسُلࣱ مِّن قَبۡلِكَۚ وَإِلَى ٱللَّهِ تُرۡجَعُ ٱلۡأُمُورُ ٤

Kung nagpapasinungaling sa iyo ang mga kalipi mo, O Sugo, ay magtiis ka sapagkat hindi ikaw ang unang sugong pinasinungalingan ng mga kalipi nito. May nagpasinungaling nga na mga kalipunan sa mga sugo sa kanila tulad ng `Ād at Thamūd at mga kababayan ni Lot. Sa kay Allāh - tanging sa Kanya - pinanunumbalik ang mga usapin sa kabuuan ng mga ito sapagkat nagpapasawi Siya sa mga tagapasinungaling at nag-aadya Siya sa mga sugo Niya at mga mananampalataya.

يَٰٓأَيُّهَا ٱلنَّاسُ إِنَّ وَعۡدَ ٱللَّهِ حَقࣱّۖ فَلَا تَغُرَّنَّكُمُ ٱلۡحَيَوٰةُ ٱلدُّنۡيَا وَلَا يَغُرَّنَّكُم بِٱللَّهِ ٱلۡغَرُورُ ٥

O mga tao, tunay na ang ipinangako ni Allāh - na pagkabuhay na muli at pagganti sa Araw ng Pagbangon - ay katotohanang walang duda hinggil dito kaya huwag ngang dumaya sa inyo ang mga sarap ng buhay na pangmundo at mga ninanasa rito palayo sa paghahanda para sa Araw na ito sa pamamagitan ng gawang maayos, at huwag ngang dumaya sa inyo ang demonyo sa pamamagitan ng pang-aakit niya sa kabulaanan at pagsandal sa buhay na pangmundo.

إِنَّ ٱلشَّيۡطَٰنَ لَكُمۡ عَدُوࣱّ فَٱتَّخِذُوهُ عَدُوًّاۚ إِنَّمَا يَدۡعُواْ حِزۡبَهُۥ لِيَكُونُواْ مِنۡ أَصۡحَٰبِ ٱلسَّعِيرِ ٦

Tunay na ang demonyo para sa inyo, O mga tao, ay isang kaaway na palagi sa pangangaway kaya gawin ninyo siyang isang kaaway sa pamamagitan ng pagpapanatili sa pakikidigma sa kanya. Nag-aanyaya lamang ang demonyo sa mga tagasunod niya tungo sa kawalang-pananampalataya kay Allāh upang ang kahihinatnan ninyo ay ang pagpasok sa Apoy na nagliliyab sa Araw ng Pagbangon.

ٱلَّذِينَ كَفَرُواْ لَهُمۡ عَذَابࣱ شَدِيدࣱۖ وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُم مَّغۡفِرَةࣱ وَأَجۡرࣱ كَبِيرٌ ٧

Ang mga tumangging sumampalataya kay Allāh bilang pagsunod sa demonyo, ukol sa kanila ay isang pagdurusang malakas. Ang mga sumampalataya kay Allāh at gumawa ng mga gawang maayos, ukol sa kanila ay kapatawaran mula kay Allāh para sa mga pagkakasala nila at pabuyang sukdulan mula sa Kanya, ang paraiso.

أَفَمَن زُيِّنَ لَهُۥ سُوٓءُ عَمَلِهِۦ فَرَءَاهُ حَسَنࣰاۖ فَإِنَّ ٱللَّهَ يُضِلُّ مَن يَشَآءُ وَيَهۡدِي مَن يَشَآءُۖ فَلَا تَذۡهَبۡ نَفۡسُكَ عَلَيۡهِمۡ حَسَرَٰتٍۚ إِنَّ ٱللَّهَ عَلِيمُۢ بِمَا يَصۡنَعُونَ ٨

Tunay na ang pinaganda para sa kanya ng demonyo ang gawain niyang masagwa at naniwala naman siya na ito ay maganda, ay hindi gaya ng ipinang-akit para sa kanya ni Allāh ang katotohanan at naniniwala naman siya na ito ay totoo sapagkat tunay na si Allāh ay nagpapaligaw sa sinumang niloloob Niya at nagpapatnubay sa sinumang niloloob Niya. Walang nakapipilit sa Kanya kaya huwag kang magpasawi, O Sugo, ng sarili mo dahil sa lungkot sa pagkaligaw ng mga naliligaw. Tunay na si Allāh - kaluwalhatian sa Kanya - ay Maalam sa anumang niyayari nila: walang naikukubli sa Kanya mula sa mga gawa nila na anuman.

وَٱللَّهُ ٱلَّذِيٓ أَرۡسَلَ ٱلرِّيَٰحَ فَتُثِيرُ سَحَابࣰا فَسُقۡنَٰهُ إِلَىٰ بَلَدࣲ مَّيِّتࣲ فَأَحۡيَيۡنَا بِهِ ٱلۡأَرۡضَ بَعۡدَ مَوۡتِهَاۚ كَذَٰلِكَ ٱلنُّشُورُ ٩

Si Allāh ang nagpadala ng mga hangin, at saka nagpagalaw ang mga hanging ito ng mga ulap, at saka umakay Siya sa mga ulap sa isang bayang walang halaman doon, at saka bumuhay Siya sa pamamagitan ng tubig ng mga ito sa lupa matapos ng pagkatuyo nito sa pamamagitan ng pinatubo Niya rito na halaman. Kaya kung paanong binuhay Niya ang lupang ito matapos ng kamatayan nito sa pamamagitan ng inilagak Niya rito na mga halaman, gayon magaganap ang pagkabuhay na muli ng mga patay sa Araw ng Pagbangon.

مَن كَانَ يُرِيدُ ٱلۡعِزَّةَ فَلِلَّهِ ٱلۡعِزَّةُ جَمِيعًاۚ إِلَيۡهِ يَصۡعَدُ ٱلۡكَلِمُ ٱلطَّيِّبُ وَٱلۡعَمَلُ ٱلصَّٰلِحُ يَرۡفَعُهُۥۚ وَٱلَّذِينَ يَمۡكُرُونَ ٱلسَّيِّـَٔاتِ لَهُمۡ عَذَابࣱ شَدِيدࣱۖ وَمَكۡرُ أُوْلَٰٓئِكَ هُوَ يَبُورُ ١٠

Ang sinumang nangyaring nagnanais ng karangalan sa Mundo o sa Kabilang-buhay ay huwag humiling nito maliban sa kay Allāh sapagkat kay Allāh - tanging sa Kanya - ang karangalan sa Mundo at Kabilang-buhay. Sa Kanya umaakyat ang pagbanggit sa Kanya na kaaya-aya, at ang gawang maayos ng mga lingkod Niya ay nag-aangat nito sa Kanya. Ang mga nagpapanukala ng mga pakanang masagwa gaya ng pagtatangka ng pagpatay sa Sugo - pagpalain siya ni Allāh at pangalagaan - ukol sa kanila ay isang pagdurusang matindi. Ang pakana ng mga tagatangging sumampalataya na iyon ay mawawalang-saysay, masisira, at hindi magsasakatuparan para sa kanila ng isang pakay.

وَٱللَّهُ خَلَقَكُم مِّن تُرَابࣲ ثُمَّ مِن نُّطۡفَةࣲ ثُمَّ جَعَلَكُمۡ أَزۡوَٰجࣰاۚ وَمَا تَحۡمِلُ مِنۡ أُنثَىٰ وَلَا تَضَعُ إِلَّا بِعِلۡمِهِۦۚ وَمَا يُعَمَّرُ مِن مُّعَمَّرࣲ وَلَا يُنقَصُ مِنۡ عُمُرِهِۦٓ إِلَّا فِي كِتَٰبٍۚ إِنَّ ذَٰلِكَ عَلَى ٱللَّهِ يَسِيرࣱ ١١

Si Allāh ay ang lumikha sa ama ninyong si Adan mula sa alabok, pagkatapos ay lumikha sa inyo mula sa patak ng punlay, pagkatapos ay gumawa sa inyo na mga lalaki at mga babaing nag-aasawahan kayo sa pagitan ninyo. Walang nagbubuntis na anumang babae ng isang sanggol at walang nagsisilang ng anak nito malibang nasa kaalaman Niya - kaluwalhatian sa Kanya. Walang nalilingid sa Kanya mula roon na anuman. Walang naidadagdag sa edad ng isa sa nilikha Niya at walang naibabawas mula roon malibang nangyaring iyon ay nakasulat sa Tablerong Pinangangalagaan. Tunay na ang nabanggit na iyon - na paglikha sa inyo mula sa alabok, paglikha sa inyo sa mga yugto, at pagsusulat ng mga edad ninyo sa Tablerong Pinangangalagaan - kay Allāh ay magaan.

وَمَا يَسۡتَوِي ٱلۡبَحۡرَانِ هَٰذَا عَذۡبࣱ فُرَاتࣱ سَآئِغࣱ شَرَابُهُۥ وَهَٰذَا مِلۡحٌ أُجَاجࣱۖ وَمِن كُلࣲّ تَأۡكُلُونَ لَحۡمࣰا طَرِيࣰّا وَتَسۡتَخۡرِجُونَ حِلۡيَةࣰ تَلۡبَسُونَهَاۖ وَتَرَى ٱلۡفُلۡكَ فِيهِ مَوَاخِرَ لِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ ١٢

Hindi nagkakapantay ang dalawang katubigan. Ang isa sa dalawa ay tabang na matindi sa katabangan, na madali ang pag-inom nito dahil sa katabangan nito. Ang ikalawa ay maalat na mapait, na hindi maaari ang pag-inom nito dahil sa tindi ng kaalatan nito. Mula sa bawat isa sa dalawang katubigang nabanggit ay kumakain kayo ng isang lamang sariwa, ang isda, at humango kayo mula sa dalawang ito ng perlas at koral, na isinusuot ninyo bilang gayak. Nakikita mo ang mga daong, o tagamasid, habang bumibiyak sa pamamagitan ng paglalayag ng mga ito sa dagat nang pasulong at paurong upang maghangad kayo ng kagandahang-loob ni Allāh at nang sa gayon kayo ay magpapasalamat kay Allāh sa ibiniyaya Niya sa inyo mula sa maraming biyaya Niya.

يُولِجُ ٱلَّيۡلَ فِي ٱلنَّهَارِ وَيُولِجُ ٱلنَّهَارَ فِي ٱلَّيۡلِ وَسَخَّرَ ٱلشَّمۡسَ وَٱلۡقَمَرَۖ كُلࣱّ يَجۡرِي لِأَجَلࣲ مُّسَمࣰّىۚ ذَٰلِكُمُ ٱللَّهُ رَبُّكُمۡ لَهُ ٱلۡمُلۡكُۚ وَٱلَّذِينَ تَدۡعُونَ مِن دُونِهِۦ مَا يَمۡلِكُونَ مِن قِطۡمِيرٍ ١٣

Nagpapapasok Siya ng gabi sa maghapon kaya nadaragdagan Niya ito ng haba at nagpapapasok Siya ng maghapon sa gabi kaya nadaragdagan Niya ito ng haba. Nagpalingkod Siya - kaluwalhatian sa Kanya - sa araw at nagpalingkod Siya sa buwan. Bawat isa ay tumatakbo para sa isang tipanang nakatakda, na nalalaman ni Allāh, ang Araw ng Pagbangon. Yaong nagtakda niyon sa kabuuan niyon at ang nagpapatakbo niyon ay si Allāh, ang Panginoon ninyo. Sa Kanya - tanging sa Kanya - ang paghahari, samantalang ang mga sinasamba ninyo bukod pa sa Kanya na mga anito ay hindi nagmamay-ari ng halaga ng balot ng buto ng datiles. Kaya papaanong sumasamba kayo sa sinuman bukod pa sa Akin?

إِن تَدۡعُوهُمۡ لَا يَسۡمَعُواْ دُعَآءَكُمۡ وَلَوۡ سَمِعُواْ مَا ٱسۡتَجَابُواْ لَكُمۡۖ وَيَوۡمَ ٱلۡقِيَٰمَةِ يَكۡفُرُونَ بِشِرۡكِكُمۡۚ وَلَا يُنَبِّئُكَ مِثۡلُ خَبِيرࣲ ١٤

Kung dadalangin kayo sa mga sinasamba ninyo ay hindi sila makaririnig sa panalangin ninyo sapagkat sila ay mga materyal na walang buhay para sa kanila at walang pandinig para sa kanila. Kung sakaling nakarinig sila sa panalangin ninyo - kung ipagpapalagay - ay talagang hindi sila tutugon sa inyo. Sa Araw ng Pagbangon ay magpapawalang-kaugnayan sila sa pagtatambal ninyo at pagsamba ninyo sa kanila. Walang isang nagpapabatid sa iyo, O Sugo, na higit na tapat kaysa kay Allāh - kaluwalhatian sa Kanya.

۞ يَٰٓأَيُّهَا ٱلنَّاسُ أَنتُمُ ٱلۡفُقَرَآءُ إِلَى ٱللَّهِۖ وَٱللَّهُ هُوَ ٱلۡغَنِيُّ ٱلۡحَمِيدُ ١٥

O mga tao, kayo ay ang mga nangangailangan kay Allāh sa lahat ng mga nauukol sa inyo at sa lahat ng mga kalagayan ninyo samantalang si Allāh ay ang Walang-pangangailangan, na hindi nangangailangan sa inyo ng anuman, ang pinapupurihan sa Mundo at Kabilang-buhay sa itinatakda Niya para sa mga lingkod Niya.

إِن يَشَأۡ يُذۡهِبۡكُمۡ وَيَأۡتِ بِخَلۡقࣲ جَدِيدࣲ ١٦

Kung loloobin Niya - kaluwalhatian sa Kanya - na mag-alis Siya sa inyo sa kasawiang magpapasawi Siya sa inyo sa pamamagitan nito ay makapag-aalis Siya sa inyo at makapagdadala Siya ng isang nilikhang bago kapalit sa inyo, na sasamba sa Kanya at hindi magtatambal sa Kanya ng anuman.

وَمَا ذَٰلِكَ عَلَى ٱللَّهِ بِعَزِيزࣲ ١٧

Ang pag-aalis sa inyo sa pamamagitan ng pagpapasawi sa inyo at ang pagdadala ng isang nilikhang bago kapalit sa inyo ay hindi imposible para kay Allāh - kaluwalhatian sa Kanya at pagkataas-taas Siya.

وَلَا تَزِرُ وَازِرَةࣱ وِزۡرَ أُخۡرَىٰۚ وَإِن تَدۡعُ مُثۡقَلَةٌ إِلَىٰ حِمۡلِهَا لَا يُحۡمَلۡ مِنۡهُ شَيۡءࣱ وَلَوۡ كَانَ ذَا قُرۡبَىٰٓۗ إِنَّمَا تُنذِرُ ٱلَّذِينَ يَخۡشَوۡنَ رَبَّهُم بِٱلۡغَيۡبِ وَأَقَامُواْ ٱلصَّلَوٰةَۚ وَمَن تَزَكَّىٰ فَإِنَّمَا يَتَزَكَّىٰ لِنَفۡسِهِۦۚ وَإِلَى ٱللَّهِ ٱلۡمَصِيرُ ١٨

Hindi bubuhatin ng isang kaluluwang nagkakasala ang pagkakasala ng isa pang kaluluwang nagkakasala, bagkus ang bawat kaluluwang nagkakasala ay magbubuhat ng pagkakasala niya. Kung mag-aanyaya ang isang kaluluwang nabibigatan sa pagbuhat ng mga pagkakasala niya ng isang magbubuhat para sa kanya ng anuman mula sa mga pagkakasala niya, hindi bubuhatin para sa kanya ang anuman mula sa mga pagkakasala niya, kahit pa man nangyaring ang inaanyayahan ay isang malapit sa kanya. Mapangangamba mo lamang, O Sugo, sa pagdurusang dulot ni Allāh ang mga nangangamba sa Panginoon nila nang lingid at gumaganap sa pagdarasal sa pinakalubos na mga paraan nito sapagkat sila ang mga makikinabang sa pagpapangamba mo. Ang sinumang nagpakadalisay sa mga pagsuway - na ang pinakamabigat sa mga ito ay ang shirk - ay nagpakadalisay lamang para sa sarili niya dahil ang pakinabang niyon ay bumabalik sa kanya sapagkat si Allāh ay walang pangangailangan sa pagtalima niya. Sa kay Allāh ang panunumbalikan sa Araw ng Pagbangon para sa pagtutuos at pagganti.

وَمَا يَسۡتَوِي ٱلۡأَعۡمَىٰ وَٱلۡبَصِيرُ ١٩

Hindi nagkakapantay ang tagatangging sumampalataya at ang mananampalataya sa antas kung paanong hindi nagkakapantay ang bulag at ang nakakikita.

وَلَا ٱلظُّلُمَٰتُ وَلَا ٱلنُّورُ ٢٠

Hindi nagkakapantay ang kawalang-pananampalataya at ang pananampalataya kung paanong hindi nagkakapantay ang mga dilim at ang liwanag.

وَلَا ٱلظِّلُّ وَلَا ٱلۡحَرُورُ ٢١

Hindi nagkakapantay ang Paraiso at ang Apoy sa mga epekto ng dalawang ito kung paanong hindi nagkakapantay ang lilim at ang hanging mainit.

وَمَا يَسۡتَوِي ٱلۡأَحۡيَآءُ وَلَا ٱلۡأَمۡوَٰتُۚ إِنَّ ٱللَّهَ يُسۡمِعُ مَن يَشَآءُۖ وَمَآ أَنتَ بِمُسۡمِعࣲ مَّن فِي ٱلۡقُبُورِ ٢٢

Hindi nagkakapantay ang mga mananampalataya at ang mga tagatangging sumampalataya kung paanong hindi nagkakapantay ang mga buhay at ang mga patay. Tunay na si Allāh ay nagpaparinig sa sinumang niloloob Niya ng kapatnubayan samantalang ikaw, O Sugo, ay hindi tagapagparinig sa mga tagatangging sumampalataya na tulad ng mga patay sa mga libingan.

إِنۡ أَنتَ إِلَّا نَذِيرٌ ٢٣

Walang iba ka kundi isang tagapagbabala para sa kanila laban sa pagdurusang dulot ni Allāh.

إِنَّآ أَرۡسَلۡنَٰكَ بِٱلۡحَقِّ بَشِيرࣰا وَنَذِيرࣰاۚ وَإِن مِّنۡ أُمَّةٍ إِلَّا خَلَا فِيهَا نَذِيرࣱ ٢٤

Tunay na Kami ay nagpadala sa iyo kalakip ang katotohanan na walang pag-aalinlangan hinggil dito, bilang isang tagapagbalita ng nakagagalak para sa mga mananampalataya hinggil sa inihanda ni Allāh para sa kanila na gantimpalang marangal at bilang isang tagapagbabala sa mga tagatangging sumampalataya laban sa inihanda Niya para sa kanila na pagdurusang masakit. Walang anumang kalipunan kabilang sa mga kalipunang nauna malibang may nagdaan doon na isang sugo mula sa ganang kay Allāh na nagbababala roon laban sa pagdurusang dulot Niya.

وَإِن يُكَذِّبُوكَ فَقَدۡ كَذَّبَ ٱلَّذِينَ مِن قَبۡلِهِمۡ جَآءَتۡهُمۡ رُسُلُهُم بِٱلۡبَيِّنَٰتِ وَبِٱلزُّبُرِ وَبِٱلۡكِتَٰبِ ٱلۡمُنِيرِ ٢٥

Kung nagpapasinungaling sa iyo ang mga kalipi mo, O Sugo, ay magtiis ka sapagkat hindi ikaw ang unang sugong pinasinungalingan ng mga kalipi nito. Nagpasinungaling nga ang mga kalipunang nauna sa mga sugo sa kanilang ito tulad ng `Ād at Thamūd at mga kababayan ni Lot. Dumating sa kanila ang sugo sa kanila mula sa ganang kay Allāh dala ang mga katwirang maliwanag na nagpapatunay sa katapatan nila. Dumating sa kanila ang mga sugo sa kanila dala ang mga kalatas at ang kasulatang nagbibigay-liwanag para sa sinumang nagbubulay-bulay rito at nagninilay-nilay rito.

ثُمَّ أَخَذۡتُ ٱلَّذِينَ كَفَرُواْۖ فَكَيۡفَ كَانَ نَكِيرِ ٢٦

Sa kabila niyon, tumanggi silang sumampalataya kay Allāh at sa mga sugo Niya at hindi sila nagpatotoo sa mga iyon sa dinala ng mga iyon mula sa ganang Kanya. Kaya nagpasawi Ako sa mga tumangging sumampalataya kaya magnilay-nilay ka, O Sugo, kung magiging papaano na ang pagtutol Ko sa kanila yayamang nagpasawi Ako sa kanila?

أَلَمۡ تَرَ أَنَّ ٱللَّهَ أَنزَلَ مِنَ ٱلسَّمَآءِ مَآءࣰ فَأَخۡرَجۡنَا بِهِۦ ثَمَرَٰتࣲ مُّخۡتَلِفًا أَلۡوَٰنُهَاۚ وَمِنَ ٱلۡجِبَالِ جُدَدُۢ بِيضࣱ وَحُمۡرࣱ مُّخۡتَلِفٌ أَلۡوَٰنُهَا وَغَرَابِيبُ سُودࣱ ٢٧

Hindi mo ba nakita, O Sugo, na si Allāh - kaluwalhatian sa Kanya - ay nagpababa mula sa langit ng tubig ng ulan, at nagpalabas sa pamamagitan ng tubig na iyon ng mga bungang magkakaiba ang mga kulay ng mga ito: nasa mga ito ang pula, ang luntian, ang dilaw, at iba pa sa mga ito matapos na pinainom ang mga puno ng mga ito mula roon. Mula sa mga bundok ay may mga daang puti, mga daang pula, at mga daang sagad sa kaitiman.

وَمِنَ ٱلنَّاسِ وَٱلدَّوَآبِّ وَٱلۡأَنۡعَٰمِ مُخۡتَلِفٌ أَلۡوَٰنُهُۥ كَذَٰلِكَۗ إِنَّمَا يَخۡشَى ٱللَّهَ مِنۡ عِبَادِهِ ٱلۡعُلَمَٰٓؤُاْۗ إِنَّ ٱللَّهَ عَزِيزٌ غَفُورٌ ٢٨

Mayroon sa mga tao, mayroon sa mga umuusad na hayop, at mayroon sa mga hayupan (mga kamelyo, mga baka, at mga tupa), na magkakaiba ang mga kulay ng mga ito, na tulad ng nabanggit na iyon. Dumadakila sa katayuan ni Allāh - pagkataas-taas Siya - at natatakot sa Kanya ang mga nakaaalam lamang sa Kanya - kaluwalhatian sa Kanya - dahil sila ay nakakilala sa mga katangian Niya, Batas Niya, at mga katunayan sa kakayahan Niya. Tunay na si Allāh ay Makapangyarihan: walang nakagagapi sa Kanya na isa man, Mapagpatawad sa mga pagkakasala ng sinumang nagbalik-loob kabilang sa mga lingkod Niya.

إِنَّ ٱلَّذِينَ يَتۡلُونَ كِتَٰبَ ٱللَّهِ وَأَقَامُواْ ٱلصَّلَوٰةَ وَأَنفَقُواْ مِمَّا رَزَقۡنَٰهُمۡ سِرࣰّا وَعَلَانِيَةࣰ يَرۡجُونَ تِجَٰرَةࣰ لَّن تَبُورَ ٢٩

Tunay na ang mga bumibigkas ng Aklat ni Allāh na ibinaba Niya sa Sugo Niya at nagsasagawa ayon sa nasaad dito, lumubos sa pagdarasal ayon sa pinakamagandang paraan, at gumugol mula sa itinustos Niya sa kanila ayon sa paraan ng zakāh at iba pa rito nang pakubli at lantaran, na nag-aasam dahil sa mga gawaing iyon ng isang pangangalakal sa ganang kay Allāh na hindi tutumal,

لِيُوَفِّيَهُمۡ أُجُورَهُمۡ وَيَزِيدَهُم مِّن فَضۡلِهِۦٓۚ إِنَّهُۥ غَفُورࣱ شَكُورࣱ ٣٠

upang tumumbas sa kanila si Allāh ng gantimpala sa mga gawa nila nang kumpleto at magdagdag Siya sa kanila mula sa kabutihang-loob Niya sapagkat Siya ay magaling para roon. Tunay na Siya - kaluwalhatian sa Kanya - ay Mapagpatawad sa mga pagkakasala ng mga nailarawan sa mga katangiang ito, Mapagpasalamat sa mga gawain nilang maganda.

وَٱلَّذِيٓ أَوۡحَيۡنَآ إِلَيۡكَ مِنَ ٱلۡكِتَٰبِ هُوَ ٱلۡحَقُّ مُصَدِّقࣰا لِّمَا بَيۡنَ يَدَيۡهِۗ إِنَّ ٱللَّهَ بِعِبَادِهِۦ لَخَبِيرُۢ بَصِيرࣱ ٣١

Ang ikinasi Namin sa iyo, O Sugo, na Aklat ay ang katotohanang walang duda hinggil dito, na ibinaba ni Allāh bilang pagpapatotoo sa mga kasulatang nauna. Tunay na si Allāh ay talagang Nakababatid sa mga lingkod Niya, Nakakikita sapagkat Siya ay nagkakasi sa sugo ng bawat kalipunang nangangailangan sa pagkasi sa panahon niyon.

ثُمَّ أَوۡرَثۡنَا ٱلۡكِتَٰبَ ٱلَّذِينَ ٱصۡطَفَيۡنَا مِنۡ عِبَادِنَاۖ فَمِنۡهُمۡ ظَالِمࣱ لِّنَفۡسِهِۦ وَمِنۡهُم مُّقۡتَصِدࣱ وَمِنۡهُمۡ سَابِقُۢ بِٱلۡخَيۡرَٰتِ بِإِذۡنِ ٱللَّهِۚ ذَٰلِكَ هُوَ ٱلۡفَضۡلُ ٱلۡكَبِيرُ ٣٢

Pagkatapos ay ibinigay Namin ang Qur'ān sa kalipunan ni Muḥammad - ang pagpapala at ang pangangalaga ay sumakanya - na pinili Namin higit sa mga kalipunan. Ngunit mayroon sa kanila na tagalabag sa katarungan sa sarili niya dahil sa paggawa sa mga ipinagbabawal at pag-iwan sa mga tungkulin. Mayroon sa kanila na katamtaman dahil sa paggawa sa mga tungkulin at pag-iwan sa mga ipinagbabawal kalakip ng pag-iwan sa ilan sa mga kaibig-ibig at paggawa ng ilan sa mga kinasusuklaman. Mayroon sa kanila na nangunguna sa mga kabutihan ayon sa pahintulot ni Allāh at iyon ay dahil sa paggawa ng mga tungkulin at mga kaibig-ibig at pag-iwan sa mga ipinagbabawal at mga kinasusuklaman. Ang nabanggit na iyon - na pagpili sa kalipunang ito at pagbibigay rito ng Qur'ān - ay ang kabutihang-loob na malaki, na walang nakatutumbas dito na isang kabutihang-loob.

جَنَّٰتُ عَدۡنࣲ يَدۡخُلُونَهَا يُحَلَّوۡنَ فِيهَا مِنۡ أَسَاوِرَ مِن ذَهَبࣲ وَلُؤۡلُؤࣰاۖ وَلِبَاسُهُمۡ فِيهَا حَرِيرࣱ ٣٣

Ang mga Hardin ng Pananatili ay papasukin ang mga iyon ng mga hinirang. Magsusuot sila sa mga iyon ng mga perlas at mga pulseras na ginto. Ang kasuutan nila sa mga iyon ay sutla.

وَقَالُواْ ٱلۡحَمۡدُ لِلَّهِ ٱلَّذِيٓ أَذۡهَبَ عَنَّا ٱلۡحَزَنَۖ إِنَّ رَبَّنَا لَغَفُورࣱ شَكُورٌ ٣٤

Magsasabi sila matapos ng pagpasok nila sa Hardin: "Ang papuri ay ukol kay Allāh na nag-alis sa amin ng lungkot dahilan sa dati naming pinangangambahan na pagpasok sa Apoy. Tunay na ang Panginoon namin ay talagang Mapagpatawad sa mga pagkakasala ng sinumang nagbalik-loob kabilang sa mga lingkod Niya, Mapagpasalamat sa kanila sa pagtalima nila."

ٱلَّذِيٓ أَحَلَّنَا دَارَ ٱلۡمُقَامَةِ مِن فَضۡلِهِۦ لَا يَمَسُّنَا فِيهَا نَصَبࣱ وَلَا يَمَسُّنَا فِيهَا لُغُوبࣱ ٣٥

[Siya] ang nagpatuloy sa amin sa tahanan ng pananatili - na walang mga lilipat matapos niyon - dahil sa kabutihang-loob Niya, hindi dahil sa kapangyarihan mula sa amin ni lakas. Walang tatama sa atin doon na pagod ni pahirap.

وَٱلَّذِينَ كَفَرُواْ لَهُمۡ نَارُ جَهَنَّمَ لَا يُقۡضَىٰ عَلَيۡهِمۡ فَيَمُوتُواْ وَلَا يُخَفَّفُ عَنۡهُم مِّنۡ عَذَابِهَاۚ كَذَٰلِكَ نَجۡزِي كُلَّ كَفُورࣲ ٣٦

Ang mga tumangging sumampalataya kay Allāh, ukol sa kanila ang Apoy ng Impiyerno bilang mga mananatili roon. Hindi huhusga sa kanila ng kamatayan para mamamatay sila at makapagpahinga sila mula sa pagdurusa, at hindi magpapagaan sa kanila ng anuman mula sa pagdurusa sa Impiyerno. Tulad ng ganting ito gaganti Kami sa Araw ng Pagbangon sa bawat palakaila sa mga biyaya ng Panginoon niya.

وَهُمۡ يَصۡطَرِخُونَ فِيهَا رَبَّنَآ أَخۡرِجۡنَا نَعۡمَلۡ صَٰلِحًا غَيۡرَ ٱلَّذِي كُنَّا نَعۡمَلُۚ أَوَلَمۡ نُعَمِّرۡكُم مَّا يَتَذَكَّرُ فِيهِ مَن تَذَكَّرَ وَجَآءَكُمُ ٱلنَّذِيرُۖ فَذُوقُواْ فَمَا لِلظَّٰلِمِينَ مِن نَّصِيرٍ ٣٧

Sila ay hihiyaw roon sa pinakamataas sa mga tinig nila, na nagpapasaklolo habang mga nagsasabi: "Panginoon namin, magpalabas Ka sa amin mula sa Apoy, gagawa kami ng gawang maayos na naiiba sa dati naming ginagawa sa Mundo upang magtamo kami ng kaluguran Mo at maligtas Kami mula sa pagdurusang dulot Mo." Kaya tutugon si Allāh sa kanila: "Hindi ba Kami gumawa sa inyo na mabuhay sa edad na nakapagsasaalaala rito ang sinumang nagnanais na makapagsaalaala para magbalik-loob kay Allāh at gumawa ng gawang maayos?" Dumating sa inyo ang sugo bilang isang tagapagbabala para sa inyo laban sa pagdurusang dulot ni Allāh kaya walang katwiran para sa inyo at walang dahi-dahilan matapos nito sa kalahatan nito. Kaya lumasap kayo ng pagdurusa sa Apoy sapagkat walang ukol sa mga tagalabag sa katarungan sa mga sarili nila - dahil sa kawalang-pananampalataya at mga pagsuway - na anumang tagapag-adya na sasagip sa kanila mula sa pagdurusang dulot ni Allāh o magpapagaan nito sa kanila.

إِنَّ ٱللَّهَ عَٰلِمُ غَيۡبِ ٱلسَّمَٰوَٰتِ وَٱلۡأَرۡضِۚ إِنَّهُۥ عَلِيمُۢ بِذَاتِ ٱلصُّدُورِ ٣٨

Tunay na si Allāh ay Nakaaalam sa nakalingid ng mga langit at lupa: walang nakalulusot sa Kanya na anuman mula roon. Tunay na Siya ay Maalam sa ikinukubli ng mga tao sa mga dibdib nila na kabutihan at kasamaan.

هُوَ ٱلَّذِي جَعَلَكُمۡ خَلَٰٓئِفَ فِي ٱلۡأَرۡضِۚ فَمَن كَفَرَ فَعَلَيۡهِ كُفۡرُهُۥۖ وَلَا يَزِيدُ ٱلۡكَٰفِرِينَ كُفۡرُهُمۡ عِندَ رَبِّهِمۡ إِلَّا مَقۡتࣰاۖ وَلَا يَزِيدُ ٱلۡكَٰفِرِينَ كُفۡرُهُمۡ إِلَّا خَسَارࣰا ٣٩

Siya ay ang gumawa sa ilan sa inyo, O mga tao, na hahalili sa lupa sa iba pa upang sumulit Siya sa inyo kung papaano kayong gagawa. Ang sinumang tumangging sumampalataya kay Allāh at sa dinala ng mga sugo, ang kasalanan ng kawalang-pananampalataya niya at parusa sa kanya ay babalik sa kanya. Hindi nakapipinsala sa Panginoon niya ang kawalang-pananampalataya niya. Walang naidaragdag sa mga tagatangging sumampalataya ang kawalang-pananampalataya nila sa ganang Panginoon nila - kaluwalhatian sa Kanya - kundi pagkasuklam na matindi. Walang naidaragdag sa mga tagatangging sumampalataya ang kawalang-pananampalataya nila kundi pagkalugi yayamang tunay na sila ay nagsasayang ng inihanda ni Allāh para sa kanila sa paraiso kung sakaling sumampalataya sila.

قُلۡ أَرَءَيۡتُمۡ شُرَكَآءَكُمُ ٱلَّذِينَ تَدۡعُونَ مِن دُونِ ٱللَّهِ أَرُونِي مَاذَا خَلَقُواْ مِنَ ٱلۡأَرۡضِ أَمۡ لَهُمۡ شِرۡكࣱ فِي ٱلسَّمَٰوَٰتِ أَمۡ ءَاتَيۡنَٰهُمۡ كِتَٰبࣰا فَهُمۡ عَلَىٰ بَيِّنَتࣲ مِّنۡهُۚ بَلۡ إِن يَعِدُ ٱلظَّٰلِمُونَ بَعۡضُهُم بَعۡضًا إِلَّا غُرُورًا ٤٠

Sabihin mo, O Sugo, sa mga tagatambal na ito: "Magpabatid kayo sa akin tungkol sa mga pantambal ninyo na sinasamba ninyo bukod pa kay Allāh. Ano ang nilikha nila mula sa lupa? Lumikha ba sila ng mga bundok nito? Lumikha ba sila ng mga ilog nito? Lumikha ba sila ng mga hayop nito? O na sila ay mga pantambal kasama kay Allāh sa paglikha sa mga langit? O nagbigay ba Siya ng isang aklat na may katwiran sa katumpakan ng pagsamba nila sa mga pantambal nila? Walang anuman mula roon na nangyayari. Bagkus walang ipinangangako sa isa't isa ang mga tagalabag sa katarungan sa mga sarili nila dahil sa kawalang-pananampalataya at mga pagsuway kundi pandaraya."

۞ إِنَّ ٱللَّهَ يُمۡسِكُ ٱلسَّمَٰوَٰتِ وَٱلۡأَرۡضَ أَن تَزُولَاۚ وَلَئِن زَالَتَآ إِنۡ أَمۡسَكَهُمَا مِنۡ أَحَدࣲ مِّنۢ بَعۡدِهِۦٓۚ إِنَّهُۥ كَانَ حَلِيمًا غَفُورࣰا ٤١

Tunay na si Allāh - kaluwalhatian sa Kanya - ay humahawak sa mga langit at lupa habang pumipigil sa dalawang ito sa pagkaalis. Talagang kung naalis ang dalawang ito - kung ipagpapalagay - ay walang isang hahawak sa dalawang ito sa pag-alis matapos Niya - kaluwalhatian sa Kanya. Tunay na Siya ay laging Matimpiin: hindi nagmamadali sa kaparusahan, Mapagpatawad sa mga pagkakasala ng sinumang nagbalik-loob kabilang sa mga lingkod Niya.

وَأَقۡسَمُواْ بِٱللَّهِ جَهۡدَ أَيۡمَٰنِهِمۡ لَئِن جَآءَهُمۡ نَذِيرࣱ لَّيَكُونُنَّ أَهۡدَىٰ مِنۡ إِحۡدَى ٱلۡأُمَمِۖ فَلَمَّا جَآءَهُمۡ نَذِيرࣱ مَّا زَادَهُمۡ إِلَّا نُفُورًا ٤٢

Sumumpa ang mga tagatangging sumampalataya na tagapasinungaling kay Allāh ng isang tiniyak na panunumpang binigyang-diin na talagang kung may pumunta sa kanila na isang sugo mula kay Allāh, na nagbababala laban sa pagdurusang dulot Niya, talagang sila nga ay magiging higit sa pananatili at pagsunod sa katotohanan kaysa sa mga Hudyo, mga Kristiyano, at iba pa sa kanila. Ngunit noong dumating sa kanila si Muḥammad - pagpalain siya ni Allāh at pangalagaan - bilang isang isinugo mula sa Panginoon niya, na nagpapangamba sa kanila sa pagdurusang dulot ni Allāh, walang naidagdag sa kanila ang pagdating niya kundi kalayuan sa katotohanan at pagkahumaling sa kabulaanan. Hindi sila tumupad sa sinumpaan nilang mga tiniyak na panunumpang sila ay maging higit na napatnubayan kaysa sa nauna sa kanila.

ٱسۡتِكۡبَارࣰا فِي ٱلۡأَرۡضِ وَمَكۡرَ ٱلسَّيِّيِٕۚ وَلَا يَحِيقُ ٱلۡمَكۡرُ ٱلسَّيِّئُ إِلَّا بِأَهۡلِهِۦۚ فَهَلۡ يَنظُرُونَ إِلَّا سُنَّتَ ٱلۡأَوَّلِينَۚ فَلَن تَجِدَ لِسُنَّتِ ٱللَّهِ تَبۡدِيلࣰاۖ وَلَن تَجِدَ لِسُنَّتِ ٱللَّهِ تَحۡوِيلًا ٤٣

Ang panunumpa nila kay Allāh ayon sa sinumpaan nila ay hindi dala ng kagandahan ng layunin at pakay na matino, bagkus dahil sa pagmamalaki sa lupain at pandaraya sa mga tao. Hindi sumasaklaw ang pakanang masagwa malibang sa mga alagad nitong tagapakana. Walang mahihintay ang mga tagapagmalaking tagapakanang ito maliban sa matatag na kalakaran ni Allāh. Ito ay ang pagpapasawi sa kanila gaya ng pagpapasawi sa mga tulad nila kabilang sa mga nauna sa kanila. Hindi ka makatatagpo para sa kalakaran ni Allāh sa pagpapasawi sa mga tagapagmalaki ng isang pagpapalit upang hindi ito maganap sa kanila, ni ng isang paglilipat upang maganap ito sa iba pa sa kanila dahil ito ay kalakarang pandiyos na matatag.

أَوَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡ وَكَانُوٓاْ أَشَدَّ مِنۡهُمۡ قُوَّةࣰۚ وَمَا كَانَ ٱللَّهُ لِيُعۡجِزَهُۥ مِن شَيۡءࣲ فِي ٱلسَّمَٰوَٰتِ وَلَا فِي ٱلۡأَرۡضِۚ إِنَّهُۥ كَانَ عَلِيمࣰا قَدِيرࣰا ٤٤

Hindi ba humayo ang mga tagapasinungaling sa iyo kabilang sa liping Quraysh sa lupain para magnilay-nilay sila kung naging papaano ang wakas ng mga nagpasinungaling kabilang sa mga kalipunan bago nila? Hindi ba nangyaring ang wakas ng mga iyon ay isang wakas ng kasagwaan yayamang nagpasawi sa mga iyon si Allāh samantalang ang mga iyon noon ay higit na matindi sa lakas kaysa sa liping Quraysh? Hindi nangyaring si Allāh ay ukol malusutan ng anuman sa mga langit ni sa lupa. Tunay na Siya ay laging Maalam sa mga gawain ng mga tagapasinungaling na ito: walang naililingid sa Kanya mula sa mga gawa nila na anuman at walang nakalulusot sa Kanya, May-kakayahan sa pagpapasawi sa kanila kapag niloob Niya.

وَلَوۡ يُؤَاخِذُ ٱللَّهُ ٱلنَّاسَ بِمَا كَسَبُواْ مَا تَرَكَ عَلَىٰ ظَهۡرِهَا مِن دَآبَّةࣲ وَلَٰكِن يُؤَخِّرُهُمۡ إِلَىٰٓ أَجَلࣲ مُّسَمࣰّىۖ فَإِذَا جَآءَ أَجَلُهُمۡ فَإِنَّ ٱللَّهَ كَانَ بِعِبَادِهِۦ بَصِيرَۢا ٤٥

Kung magmamadali si Allāh sa pagpaparusa sa mga tao dahil sa nagawa nilang mga pagsuway at nagawa nilang mga kasalanan ay talaga sanang nagpasawi Siya sa lahat ng mga naninirahan sa lupa kaagad at sa minamay-ari nilang mga hayop at mga yaman subalit Siya - kaluwalhatian sa Kanya - ay nagpapahuli sa kanila hanggang sa isang taning na tinakdaan sa kaalaman Niya, ang Araw ng Pagbangon. Kaya kapag dumating ang Araw ng Pagbangon, tunay na si Allāh sa mga lingkod Niya ay laging Nakakikita: walang naikukubli sa Kanya mula sa kanila na anuman, at gaganti sa kanila sa mga gawa nila: kung kabutihan ay kabutihan [ang ganti] at kung kasamaan ay kasamaan [ang ganti].

Other translations of this surah

Tafsir of this surah in Arabic Al-Mukhtasar fi Tafsir al-Quran

Surahs

1 Al-Fatihah Al-Fâtiha · 7 verses · Meccan Juz 1 · Revealed 5 الفاتحة 2 Al-Baqarah Ang Baka · 286 verses · Medinan Juz 1 · Revealed 87 البقرة 3 Al-Imran Ang Pamilya ni Imran · 200 verses · Medinan Juz 3 · Revealed 89 آل عمران 4 An-Nisa' Ang Kababaihan · 176 verses · Medinan Juz 4 · Revealed 92 النساء 5 Al-Ma'idah Ang Hapag na may Pagkain · 120 verses · Medinan Juz 6 · Revealed 112 المائدة 6 Al-An'am Ang mga Baka · 165 verses · Meccan Juz 7 · Revealed 55 الأنعام 7 Al-A'raf Ang mga Matatayog na Pader · 206 verses · Meccan Juz 8 · Revealed 39 الأعراف 8 Al-Anfal Ang mga Labi ng Digmaan · 75 verses · Medinan Juz 9 · Revealed 88 الأنفال 9 At-Taubah Ang Pagsisisi · 129 verses · Medinan Juz 10 · Revealed 113 التوبة 10 Yunus Si Propeta Jonah · 109 verses · Meccan Juz 11 · Revealed 51 يونس 11 Hood Si Propeta Hud · 123 verses · Meccan Juz 11 · Revealed 52 هود 12 Yusuf Si Propeta Jose · 111 verses · Meccan Juz 12 · Revealed 53 يوسف 13 Ar-Ra'd Ang Kidlat · 43 verses · Medinan Juz 13 · Revealed 96 الرعد 14 Ibrahim Si Propeta Ibrahim · 52 verses · Meccan Juz 13 · Revealed 72 إبراهيم 15 Al-Hijr Ang Mabatong Lupain · 99 verses · Meccan Juz 14 · Revealed 54 الحجر 16 An-Nahl Ang Bubuyog · 128 verses · Meccan Juz 14 · Revealed 70 النحل 17 Al-Isra Ang mga Angkan ni Israel · 111 verses · Meccan Juz 15 · Revealed 50 الإسراء 18 Al-Kahf Ang Yungib · 110 verses · Meccan Juz 15 · Revealed 69 الكهف 19 Maryam Si Maria · 98 verses · Meccan Juz 16 · Revealed 44 مريم 20 Ta­Ha Ta Ha · 135 verses · Meccan Juz 16 · Revealed 45 طه 21 Al-Anbiya' Ang mga Propeta · 112 verses · Meccan Juz 17 · Revealed 73 الأنبياء 22 Al-Hajj Ang Itinakdang Paglalakbay sa · 78 verses · Medinan Juz 17 · Revealed 103 الحج 23 Al-Mu'minun Ang mga Mananampalataya · 118 verses · Meccan Juz 18 · Revealed 74 المؤمنون 24 An-Nur Ang Liwanag · 64 verses · Medinan Juz 18 · Revealed 102 النور 25 Al-Furqan Ang Panuri · 77 verses · Meccan Juz 18 · Revealed 42 الفرقان 26 Ash-Shu'ara' Ang mga Makata · 227 verses · Meccan Juz 19 · Revealed 47 الشعراء 27 An-Naml Ang mga Langgam · 93 verses · Meccan Juz 19 · Revealed 48 النمل 28 Al-Qasas Ang Salaysay · 88 verses · Meccan Juz 20 · Revealed 49 القصص 29 Al-'Ankabut Ang Gagamba · 69 verses · Meccan Juz 20 · Revealed 85 العنكبوت 30 Ar­Room Ang mga Romano · 60 verses · Meccan Juz 21 · Revealed 84 الروم 31 Luqman Si Luqman · 34 verses · Meccan Juz 21 · Revealed 57 لقمان 32 As­Sajdah Ang Pagpapatirapa · 30 verses · Meccan Juz 21 · Revealed 75 السجدة 33 Al­Ahzab Ang mga Magkakaanib · 73 verses · Medinan Juz 21 · Revealed 90 الأحزاب 34 Saba' Ang Sheba · 54 verses · Meccan Juz 22 · Revealed 58 سبأ 35 Fatir Ang Lumikha · 45 verses · Meccan Juz 22 · Revealed 43 فاطر 36 Ya­Sin Ya Sin · 83 verses · Meccan Juz 22 · Revealed 41 يس 37 As-Saffat Ang mga Inihanay sa mga Antas · 182 verses · Meccan Juz 23 · Revealed 56 الصافات 38 Sad 88 verses · Meccan Juz 23 · Revealed 38 ص 39 Az-Zumar Ang mga Pangkat · 75 verses · Meccan Juz 23 · Revealed 59 الزمر 40 Ghafir Ang Mapagpatawad · 85 verses · Meccan Juz 24 · Revealed 60 غافر 41 Fussilat Ang Masusing Pagpapaliwanag · 54 verses · Meccan Juz 24 · Revealed 61 فصلت 42 Ash-Shura Ang Sanggunian · 53 verses · Meccan Juz 25 · Revealed 62 الشورى 43 Az-Zukhruf Ang mga Palamuting Ginto · 89 verses · Meccan Juz 25 · Revealed 63 الزخرف 44 Ad-Dukhan Ang Usok · 59 verses · Meccan Juz 25 · Revealed 64 الدخان 45 Al-Jathiya Ang Pagluhod · 37 verses · Meccan Juz 25 · Revealed 65 الجاثية 46 Al-Ahqaf Ang mga Nakalikong Bunton ng B · 35 verses · Meccan Juz 26 · Revealed 66 الأحقاف 47 Muhammad Ang Pakikipaglaban · 38 verses · Medinan Juz 26 · Revealed 96 محمد 48 Al-Fath Ang Tagumpay · 29 verses · Medinan Juz 26 · Revealed 111 الفتح 49 Al-Hujurat Ang mga Tirahan · 18 verses · Medinan Juz 26 · Revealed 106 الحجرات 50 Qaf 45 verses · Meccan Juz 26 · Revealed 34 ق 51 Az-Zariyat Ang mga Hanging Nagkakalat · 60 verses · Meccan Juz 26 · Revealed 67 الذاريات 52 At-Tur Ang Bundok · 49 verses · Meccan Juz 27 · Revealed 76 الطور 53 An-Najm Ang Bituin · 62 verses · Meccan Juz 27 · Revealed 23 النجم 54 Al-Qamar Ang Buwan · 55 verses · Meccan Juz 27 · Revealed 37 القمر 55 Ar-Rahman Ang Mapagpala · 78 verses · Medinan Juz 27 · Revealed 97 الرحمن 56 Al-Waqi'ah Ang Pangyayari · 96 verses · Meccan Juz 27 · Revealed 46 الواقعة 57 Al-Hadid Ang Bakal · 29 verses · Medinan Juz 27 · Revealed 94 الحديد 58 Al-Mujadilah Ang Nakikipagtalong Babae · 22 verses · Medinan Juz 28 · Revealed 105 المجادلة 59 Al-Hashr Ang Pagtitipun-tipon · 24 verses · Medinan Juz 28 · Revealed 101 الحشر 60 Al-Mumtahinah Ang Babaing Sisiyasatin · 13 verses · Medinan Juz 28 · Revealed 91 الممتحنة 61 As-Saff Ang Hanay · 14 verses · Medinan Juz 28 · Revealed 109 الصف 62 Al-Jumu'ah Ang Biyernes · 11 verses · Medinan Juz 28 · Revealed 110 الجمعة 63 Al-Munafiqun Ang mga Mapagkunwari · 11 verses · Medinan Juz 28 · Revealed 104 المنافقون 64 At-Taghabun Ang Kapwa Pagkatalo at Pagkapa · 18 verses · Medinan Juz 28 · Revealed 108 التغابن 65 At-Talaq Ang Diborsiyo · 12 verses · Medinan Juz 28 · Revealed 99 الطلاق 66 At-Tahrim Ang Ipinagbabawal · 12 verses · Medinan Juz 28 · Revealed 107 التحريم 67 Al-Mulk Ang Kaharian · 30 verses · Meccan Juz 29 · Revealed 77 الملك 68 Al-Qalam Ang Panulat · 52 verses · Meccan Juz 29 · Revealed 2 القلم 69 Al-Haqqah Ang Tiyak na Mangyayari · 52 verses · Meccan Juz 29 · Revealed 87 الحاقة 70 Al-Ma'arij Ang mga Landas ng Pag-akyat · 44 verses · Meccan Juz 29 · Revealed 79 المعارج 71 Nooh Si Propeta Noah · 28 verses · Meccan Juz 29 · Revealed 71 نوح 72 Al-Jinn Ang Jinn · 28 verses · Meccan Juz 29 · Revealed 40 الجن 73 Al-Muzzammil Ang Nakabalabal sa Damit · 20 verses · Meccan Juz 29 · Revealed 3 المزمل 74 Al-Muddaththir Ang Nakabalot · 56 verses · Meccan Juz 29 · Revealed 4 المدثر 75 Al-Qiyamah Ang Pagkabuhay-Muli · 40 verses · Meccan Juz 29 · Revealed 31 القيامة 76 Al-Insan Ang Tao · 31 verses · Medinan Juz 29 · Revealed 98 الإنسان 77 Al-Mursalat Ang mga Ipinadala · 50 verses · Meccan Juz 29 · Revealed 33 المرسلات 78 An-Naba' Ang mga Balita · 40 verses · Meccan Juz 30 · Revealed 80 النبأ 79 An-Nazi'at Ang mga Humuhugot · 46 verses · Meccan Juz 30 · Revealed 81 النازعات 80 'Abasa Siya'y Nangunot-Noo · 42 verses · Meccan Juz 30 · Revealed 24 عبس 81 At-Takwir Ang Pagtiklop · 29 verses · Meccan Juz 30 · Revealed 7 التكوير 82 Al-Infitar Ang Pagkabiyak · 19 verses · Meccan Juz 30 · Revealed 82 الإنفطار 83 Al-Mutaffifin Ang mga Mandaraya · 36 verses · Meccan Juz 30 · Revealed 86 المطففين 84 Al-Inshiqaq Ang Pagkalansag · 25 verses · Meccan Juz 30 · Revealed 83 الإنشقاق 85 Al-Buruj Ang Malalaking Buntala · 22 verses · Meccan Juz 30 · Revealed 27 البروج 86 At-Tariq Ang Panggabing Panauhin · 17 verses · Meccan Juz 30 · Revealed 36 الطارق 87 Al-A'la Ang Kataas-taasan · 19 verses · Meccan Juz 30 · Revealed 8 الأعلى 88 Al-Ghashiyah Ang Nakapananaig · 26 verses · Meccan Juz 30 · Revealed 68 الغاشية 89 Al-Fajr Ang Bukang-Liwayway · 30 verses · Meccan Juz 30 · Revealed 10 الفجر 90 Al-Balad Ang Lungsod · 20 verses · Meccan Juz 30 · Revealed 35 البلد 91 Ash-Shams Ang Araw · 15 verses · Meccan Juz 30 · Revealed 26 الشمس 92 Al-Lail Ang Gabi · 21 verses · Meccan Juz 30 · Revealed 9 الليل 93 Ad-Duha Ang Umaga · 11 verses · Meccan Juz 30 · Revealed 11 الضحى 94 Ash-Sharh Ang Pagpapalawak · 8 verses · Meccan Juz 30 · Revealed 12 الشرح 95 At-Tin Ang Igos · 8 verses · Meccan Juz 30 · Revealed 28 التين 96 Al-'Alaq Ang Namumuong Dugo · 19 verses · Meccan Juz 30 · Revealed 1 العلق 97 Al-Qadr Ang Gabi ng Kahatulan · 5 verses · Meccan Juz 30 · Revealed 25 القدر 98 Al-Baiyinah Ang Maliwanag na Katibayan · 8 verses · Medinan Juz 30 · Revealed 100 البينة 99 Az-Zalzalah Ang Lindol · 8 verses · Medinan Juz 30 · Revealed 93 الزلزلة 100 Al-'Adiyat Ang mga Rumaragasa · 11 verses · Meccan Juz 30 · Revealed 14 العاديات 101 Al-Qari'ah Ang Araw ng Malakas na Hiyawan · 11 verses · Meccan Juz 30 · Revealed 30 القارعة 102 At-Takathur Ang Paglikom · 8 verses · Meccan Juz 30 · Revealed 16 التكاثر 103 Al-'Asr Ang Panahon · 3 verses · Meccan Juz 30 · Revealed 13 العصر 104 Al-Humazah Ang Mapanirang-Puri · 9 verses · Meccan Juz 30 · Revealed 32 الهمزة 105 Al-Fil Ang Elepante · 5 verses · Meccan Juz 30 · Revealed 19 الفيل 106 Quraish Ang Tribo ng Quraish · 4 verses · Meccan Juz 30 · Revealed 29 قريش 107 Al-Ma'un Ang Pangangailangan ng Kapuwa · 7 verses · Meccan Juz 30 · Revealed 17 الماعون 108 Al-Kauthar Ang Kasaganaan · 3 verses · Meccan Juz 30 · Revealed 15 الكوثر 109 Al-Kafirun Ang mga Nagtatakwil ng Pananam · 6 verses · Meccan Juz 30 · Revealed 18 الكافرون 110 An-Nasr Ang Tagumpay · 3 verses · Medinan Juz 30 · Revealed 114 النصر 111 Al-Masad Ang Apoy / Ang Hibla · 5 verses · Meccan Juz 30 · Revealed 6 المسد 112 Al-Ikhlas Ang Kadalisayan ng Pananampala · 4 verses · Meccan Juz 30 · Revealed 22 الإخلاص 113 Al-Falaq Ang Madaling-araw · 5 verses · Meccan Juz 30 · Revealed 20 الفلق 114 An-Nas Ang Sangkatauhan · 6 verses · Meccan Juz 30 · Revealed 21 الناس

Reading settings

View
Compare with

Pick up to two more translations to show under each verse.

Arabic size
100%
Translation size
100%
Line spacing
Theme

Verse

Arabic tafsir
Highlight

Highlights stay in this browser and are listed on the bookmarks page. /bookmarks