Surah Fussilat in Tagalog

Ang Masusing Pagpapaliwanag · سورة فصلت

Meccan Verses: 54 Juz 24 Page 477 Revelation order: 61
Translation:
Al-Mukhtasar fi Tafsir al-Quran

بِسۡمِ ٱللَّهِ ٱلرَّحۡمَٰنِ ٱلرَّحِيمِ

حمٓ ١

Ha. Mīm. Nauna na ang pagtatalakay sa mga kahawig ng mga ito sa simula ng Kabanata Al-Baqarah.

تَنزِيلࣱ مِّنَ ٱلرَّحۡمَٰنِ ٱلرَّحِيمِ ٢

Ang Qur'ān na ito ay isang pagbababa mula kay Allāh, ang Makapangyarihan, ang Maalam,

كِتَٰبࣱ فُصِّلَتۡ ءَايَٰتُهُۥ قُرۡءَانًا عَرَبِيࣰّا لِّقَوۡمࣲ يَعۡلَمُونَ ٣

isang Aklat na nilinaw ang mga talata nito nang pinakalubos sa paglilinaw at pinakaganap dito at ginawang isang Qur’ān na Arabe para sa mga taong umaalam dahil sila ay ang mga makikinabang sa mga kahulugan nito at anumang narito na kapatnubayan tungo sa katotohanan,

بَشِيرࣰا وَنَذِيرࣰا فَأَعۡرَضَ أَكۡثَرُهُمۡ فَهُمۡ لَا يَسۡمَعُونَ ٤

bilang isang tagabalita ng nakagagalak sa mga mananampalataya hinggil sa inihanda ni Allāh para sa kanila na ganting masagana, at bilang isang tagapagpangamba sa mga tagatangging sumampalataya laban sa masakit na pagdurusang dulot ni Allāh; ngunit umayaw ang karamihan sa kanila roon, kaya sila ay hindi dumidinig sa anumang naritong patnubay ayon sa pagdinig ng pagtanggap.

وَقَالُواْ قُلُوبُنَا فِيٓ أَكِنَّةࣲ مِّمَّا تَدۡعُونَآ إِلَيۡهِ وَفِيٓ ءَاذَانِنَا وَقۡرࣱ وَمِنۢ بَيۡنِنَا وَبَيۡنِكَ حِجَابࣱ فَٱعۡمَلۡ إِنَّنَا عَٰمِلُونَ ٥

Nagsabi sila: "Ang mga puso namin ay natatakpan ng mga pambalot kaya hindi nakapag-uunawa ng ipinaaanyaya mo sa amin, sa mga tainga namin ay may pagkabingi kaya hindi nakaririnig, at sa pagitan namin at pagitan mo ay may isang takip kaya walang nakararating sa amin na anuman mula sa sinasabi mo. Kaya gumawa ka sa pamamaraan mo; tunay na kami ay mga tagagawa sa pamamaraan namin. Hindi kami susunod sa iyo."

قُلۡ إِنَّمَآ أَنَا۠ بَشَرࣱ مِّثۡلُكُمۡ يُوحَىٰٓ إِلَيَّ أَنَّمَآ إِلَٰهُكُمۡ إِلَٰهࣱ وَٰحِدࣱ فَٱسۡتَقِيمُوٓاْ إِلَيۡهِ وَٱسۡتَغۡفِرُوهُۗ وَوَيۡلࣱ لِّلۡمُشۡرِكِينَ ٦

Sabihin mo, O Sugo, sa mga nagmamatigas na ito: "Ako ay tao lamang tulad ninyo. Nagsiwalat sa akin si Allāh na ang sinasamba ninyo ayon sa karapatan ay nag-iisang sinasamba lamang, si Allāh, kaya tumahak kayo sa daang nagpaparating sa Kanya at humiling kayo mula sa Kanya ng kapatawaran sa mga pagkakasala ninyo." Kasawian at pagdurusa ay ukol sa mga tagatambal, na mga sumasamba sa iba pa kay Allāh o nagtatambal kasama sa Kanya ng isa man,

ٱلَّذِينَ لَا يُؤۡتُونَ ٱلزَّكَوٰةَ وَهُم بِٱلۡأٓخِرَةِ هُمۡ كَٰفِرُونَ ٧

na mga hindi nagbibigay ng zakāh ng mga yaman nila samantalang sila sa Kabilang-buhay - at anumang naroon na kaginhawahang mananatili at pagdurusang masakit - sila ay mga tagatangging sumampalataya.

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونࣲ ٨

Tunay na ang mga sumampalataya kay Allāh at sa mga sugo Niya, at gumawa ng mga gawang maayos, ukol sa kanila ay isang gantimpalang mamamalagi, hindi mapuputol, ang Paraiso.

۞ قُلۡ أَئِنَّكُمۡ لَتَكۡفُرُونَ بِٱلَّذِي خَلَقَ ٱلۡأَرۡضَ فِي يَوۡمَيۡنِ وَتَجۡعَلُونَ لَهُۥٓ أَندَادࣰاۚ ذَٰلِكَ رَبُّ ٱلۡعَٰلَمِينَ ٩

Sabihin mo, O Sugo, habang nanunumbat sa mga tagatangging sumampalataya: "Bakit kayo ay tumatangging sumampalataya kay Allāh na lumikha ng lupa sa dalawang araw: araw ng Linggo at araw ng Lunes, at gumagawa sa Kanya ng mga kaparis na sinasamba ninyo bukod pa sa Kanya? Iyon ay ang Panginoon ng mga nilikha sa kabuuan nila."

وَجَعَلَ فِيهَا رَوَٰسِيَ مِن فَوۡقِهَا وَبَٰرَكَ فِيهَا وَقَدَّرَ فِيهَآ أَقۡوَٰتَهَا فِيٓ أَرۡبَعَةِ أَيَّامࣲ سَوَآءࣰ لِّلسَّآئِلِينَ ١٠

Naglagay Siya rito ng mga bundok na matitibay mula sa ibabaw nito, na nagpapatag sa mga ito upang hindi yumanig ang mga ito. Nagtakda Siya rito ng mga makakain ng mga tao at mga hayop sa apat na araw bilang paglulubos sa dalawang araw na nauna: araw ng Martes at araw ng Miyerkules, nang magkapantay para sa sinumang nagnais na magtanong tungkol dito.

ثُمَّ ٱسۡتَوَىٰٓ إِلَى ٱلسَّمَآءِ وَهِيَ دُخَانࣱ فَقَالَ لَهَا وَلِلۡأَرۡضِ ٱئۡتِيَا طَوۡعًا أَوۡ كَرۡهࣰا قَالَتَآ أَتَيۡنَا طَآئِعِينَ ١١

Pagkatapos ay nagsadya Siya - kaluwalhatian sa Kanya - sa paglikha ng langit habang ito sa araw na iyon ay usok pa at nagsabi Siya rito at sa lupa: "Magpaakay kayo sa utos Ko bilang mga nagkukusang-loob o mga napipilitan: walang paglihis para sa inyong dalawa palayo roon." Nagsabi silang dalawa: "Pupunta kami na mga tumatalima sapagkat walang pagnanais para sa amin higit sa pagnanais Mo, O Panginoon namin."

فَقَضَىٰهُنَّ سَبۡعَ سَمَٰوَاتࣲ فِي يَوۡمَيۡنِ وَأَوۡحَىٰ فِي كُلِّ سَمَآءٍ أَمۡرَهَاۚ وَزَيَّنَّا ٱلسَّمَآءَ ٱلدُّنۡيَا بِمَصَٰبِيحَ وَحِفۡظࣰاۚ ذَٰلِكَ تَقۡدِيرُ ٱلۡعَزِيزِ ٱلۡعَلِيمِ ١٢

Pagkadaka ay lumubos si Allāh sa paglikha sa mga langit sa dalawang araw: araw ng Huwebes at araw ng Biyernes. Sa pamamagitan ng dalawang araw na ito nalubos ang paglikha sa mga langit at lupa sa anim na araw. Kumasi si Allāh sa bawat langit ng itinatakda Niya rito at ipinag-uutos Niya rito na pagtalima at pagsamba. Gumayak Siya sa langit na pinakamababa ng mga bituin at nangalaga Siya ng langit sa pamamagitan ng mga ito laban sa panakaw na pakikinig ng mga demonyo. Ang nabanggit na iyon sa kabuuan niyon ay ang pagtatakda [Niya], ang Makapangyarihan na walang nakagagapi na isa man, ang Maalam sa mga nilikha Niya.

فَإِنۡ أَعۡرَضُواْ فَقُلۡ أَنذَرۡتُكُمۡ صَٰعِقَةࣰ مِّثۡلَ صَٰعِقَةِ عَادࣲ وَثَمُودَ ١٣

Kaya kung umayaw ang mga ito sa pananampalataya sa dinala mo ay sabihin mo sa kanila, O Sugo: "Nagpangamba ako sa inyo ng isang pagdurusang babagsak sa inyo tulad ng pagdurusang bumagsak sa `Ād na mga kababayan ni Hūd, at sa Thamūd na mga kababayan ni Ṣāliḥ noong nagpasinungaling sila sa dalawang ito

إِذۡ جَآءَتۡهُمُ ٱلرُّسُلُ مِنۢ بَيۡنِ أَيۡدِيهِمۡ وَمِنۡ خَلۡفِهِمۡ أَلَّا تَعۡبُدُوٓاْ إِلَّا ٱللَّهَۖ قَالُواْ لَوۡ شَآءَ رَبُّنَا لَأَنزَلَ مَلَٰٓئِكَةࣰ فَإِنَّا بِمَآ أُرۡسِلۡتُم بِهِۦ كَٰفِرُونَ ١٤

nang dumating sa kanila ang mga sugo sa kanila, na sinusundan ang ilan sa mga iyon ng iba pa na may dalang nag-iisang paanyaya, na nag-uutos sa kanila na huwag silang sumamba maliban kay Allāh - tanging sa Kanya." Nagsabi ang mga tagatangging sumampalataya kabilang sa kanila: "Kung sakaling niloob ng Panginoon namin ang magpababa ng mga anghel sa amin ay talaga sanang nagpababa Siya sa kanila; kaya tunay na kami ay mga tagatangging sumampalataya sa ipinasugo sa inyo dahil kayo ay mga taong tulad namin."

فَأَمَّا عَادࣱ فَٱسۡتَكۡبَرُواْ فِي ٱلۡأَرۡضِ بِغَيۡرِ ٱلۡحَقِّ وَقَالُواْ مَنۡ أَشَدُّ مِنَّا قُوَّةًۖ أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَهُمۡ هُوَ أَشَدُّ مِنۡهُمۡ قُوَّةࣰۖ وَكَانُواْ بِـَٔايَٰتِنَا يَجۡحَدُونَ ١٥

Tungkol sa `Ād na mga kababayan ni Hūd, kalakip ng kawalang-pananampalataya nila kay Allāh ay nagpakamalaki sila sa lupain ayon sa hindi karapatan, lumabag sila sa katarungan sa nakapaligid sa kanila, at nagsabi sila habang sila ay nadadaya ng lakas nila: "Sino ang higit na matindi kaysa sa amin sa lakas?" Walang isang higit na matindi sa kanila sa lakas ayon sa pagkakahaka-haka nila kaya tumugon si Allāh sa kanila: "Kaya ba hindi nakaaalam ang mga ito at nakasasaksi na si Allāh na lumikha sa kanila at naglagak sa kanila ng lakas na ikinalabis-labis nila ay higit na matindi kaysa sa kanila sa lakas? Sila dati ay tumatangging sumampalataya sa mga tanda ni Allāh na dinala ni Hūd - sumakanya ang pangangalaga."

فَأَرۡسَلۡنَا عَلَيۡهِمۡ رِيحࣰا صَرۡصَرࣰا فِيٓ أَيَّامࣲ نَّحِسَاتࣲ لِّنُذِيقَهُمۡ عَذَابَ ٱلۡخِزۡيِ فِي ٱلۡحَيَوٰةِ ٱلدُّنۡيَاۖ وَلَعَذَابُ ٱلۡأٓخِرَةِ أَخۡزَىٰۖ وَهُمۡ لَا يُنصَرُونَ ١٦

Kaya nagpadala Kami sa kanila ng isang hanging may tunog na nakababagabag sa mga araw na malas sa kanila dahil sa dulot nitong pagdurusa upang magpalasap Kami sa kanila ng pagdurusang dulot ng pagkaaba at pagkahamak para sa kanila sa buhay na pangmundo. Talagang ang pagdurusa sa Kabilang-buhay na naghihintay sa kanila ay higit na matindi sa pang-aaba sa kanila habang sila ay hindi nakatatagpo ng mag-aadya sa kanila sa pamamagitan ng pagsagip sa kanila mula sa pagdurusa.

وَأَمَّا ثَمُودُ فَهَدَيۡنَٰهُمۡ فَٱسۡتَحَبُّواْ ٱلۡعَمَىٰ عَلَى ٱلۡهُدَىٰ فَأَخَذَتۡهُمۡ صَٰعِقَةُ ٱلۡعَذَابِ ٱلۡهُونِ بِمَا كَانُواْ يَكۡسِبُونَ ١٧

Tungkol sa Thamūd na mga kababayan ni Ṣāliḥ, nagpatnubay nga Kami sa kanila sa pamamagitan ng paglilinaw sa kanila ng daan ng katotohanan ngunit minagaling nila ang pagligaw higit sa kapatnubayan tungo sa katotohanan kaya dumaklot sa kanila ang pagdurusang mang-aaba dahilan sa dati nilang kinakamit na kawalang-pananampalataya at mga pagsuway.

وَنَجَّيۡنَا ٱلَّذِينَ ءَامَنُواْ وَكَانُواْ يَتَّقُونَ ١٨

Nagpaligtas Kami sa mga sumampalataya kay Allāh at sa mga sugo Niya habang sila noon ay nangingilag magkasala kay Allāh sa pamamagitan ng pagsunod sa mga ipinag-uutos Niya at pag-iwas sa mga sinasaway Niya. Nagpaligtas Kami sa kanila mula sa pagdurusang dumapo sa mga kababayan nila.

وَيَوۡمَ يُحۡشَرُ أَعۡدَآءُ ٱللَّهِ إِلَى ٱلنَّارِ فَهُمۡ يُوزَعُونَ ١٩

Sa Araw na magtitipon si Allāh sa mga kaaway Niya patungo sa Impiyerno, itutulak ng mga bantay ang una sa kanila sa huli sa kanila; hindi sila makakakaya ng pagtakas mula sa Apoy

حَتَّىٰٓ إِذَا مَا جَآءُوهَا شَهِدَ عَلَيۡهِمۡ سَمۡعُهُمۡ وَأَبۡصَٰرُهُمۡ وَجُلُودُهُم بِمَا كَانُواْ يَعۡمَلُونَ ٢٠

hanggang sa kapag dumating sila sa Apoy na pinag-akayan sa kanila at nagkaila sila sa dati nilang nalalaman sa Mundo, sasaksi laban sa kanila ang mga pandinig nila, ang mga paningin nila, at mga balat nila sa dati nilang ginagawa sa Mundo na kawalang-pananampalataya at mga pagsuway.

وَقَالُواْ لِجُلُودِهِمۡ لِمَ شَهِدتُّمۡ عَلَيۡنَاۖ قَالُوٓاْ أَنطَقَنَا ٱللَّهُ ٱلَّذِيٓ أَنطَقَ كُلَّ شَيۡءࣲۚ وَهُوَ خَلَقَكُمۡ أَوَّلَ مَرَّةࣲ وَإِلَيۡهِ تُرۡجَعُونَ ٢١

Magsasabi ang mga tagatangging sumampalataya sa mga balat nila: "Bakit kayo sumaksi laban sa amin sa dati naming ginagawa sa Mundo?" Magsasabi ang mga balat bilang sagot sa mga may-ari ng mga ito: "Nagpabigkas sa amin si Allāh na nagpabigkas sa bawat bagay. Siya ay lumikha sa inyo sa unang pagkakataon noong kayo dati ay nasa Mundo, at tungo sa Kanya - tanging sa Kanya - ay panunumbalikin kayo sa Kabilang-buhay para sa pagtutuos at pagganti.

وَمَا كُنتُمۡ تَسۡتَتِرُونَ أَن يَشۡهَدَ عَلَيۡكُمۡ سَمۡعُكُمۡ وَلَآ أَبۡصَٰرُكُمۡ وَلَا جُلُودُكُمۡ وَلَٰكِن ظَنَنتُمۡ أَنَّ ٱللَّهَ لَا يَعۡلَمُ كَثِيرࣰا مِّمَّا تَعۡمَلُونَ ٢٢

Hindi kayo noon nagkukubli nang gumagawa kayo ng mga pagsuway upang hindi sumaksi laban sa inyo ang mga pandinig ninyo, ni ang mga paningin ninyo, ni ang mga balat ninyo dahil kayo ay hindi naniniwala sa pagtutuos ni sa parusa ni sa gantimpala matapos ng kamatayan, subalit nagpalagay kayo na si Allāh - kaluwalhatian sa Kanya - ay hindi nakaaalam sa marami sa ginagawa ninyo bagkus naikukubli sa Kanya kaya nalinlang kayo.

وَذَٰلِكُمۡ ظَنُّكُمُ ٱلَّذِي ظَنَنتُم بِرَبِّكُمۡ أَرۡدَىٰكُمۡ فَأَصۡبَحۡتُم مِّنَ ٱلۡخَٰسِرِينَ ٢٣

Yaong pagpapalagay ninyong masagwa na ipinagpalagay ninyo sa Panginoon ninyo ay nagpasawi sa inyo kaya kayo dahilan doon ay naging kabilang sa mga lugi na nagpalugi sa Mundo at Kabilang-buhay."

فَإِن يَصۡبِرُواْ فَٱلنَّارُ مَثۡوࣰى لَّهُمۡۖ وَإِن يَسۡتَعۡتِبُواْ فَمَا هُم مِّنَ ٱلۡمُعۡتَبِينَ ٢٤

Kaya kung makatitiis itong mga sumaksi laban sa kanila ang pandinig nila, ang mga paningin nila, at ang mga balat nila, ang Apoy ay isang pananatilihan para sa kanila at isang kanlungang kakanlungan nila. Kung hihiling sila ng pag-aalis ng pagdurusa at ng kaluguran ni Allāh sa kanila, hindi sila mga magtatamo ng kaluguran Niya ni mga papasok sa Paraiso magpakailanman.

۞ وَقَيَّضۡنَا لَهُمۡ قُرَنَآءَ فَزَيَّنُواْ لَهُم مَّا بَيۡنَ أَيۡدِيهِمۡ وَمَا خَلۡفَهُمۡ وَحَقَّ عَلَيۡهِمُ ٱلۡقَوۡلُ فِيٓ أُمَمࣲ قَدۡ خَلَتۡ مِن قَبۡلِهِم مِّنَ ٱلۡجِنِّ وَٱلۡإِنسِۖ إِنَّهُمۡ كَانُواْ خَٰسِرِينَ ٢٥

Naglaan Kami para sa mga tagatangging sumampalataya na ito ng mga kapisan kabilang sa mga demonyo na didikit sa kanila. Magpapaganda ang mga ito para sa kanila ng mga gawain nila sa Mundo at magpapaganda ang mga ito para sa kanila ng nasa hinaharap nila kabilang sa nauukol sa Kabilang-buhay. Kaya naman magpapalimot ang mga ito sa kanila sa pagsasaalaala niyon at paggawa para roon. Kakailanganin sa kanila ang pagdurusa sa kabuuan ng mga kalipunang nagdaan na noong bago pa nila kabilang sa jinn at tao. Tunay na sila noon ay mga lugi yayamang nagpalugi sila sa mga sarili nila at mga mag-anak nila sa Araw ng Pagbangon dahil sa pagpasok nila sa Apoy.

وَقَالَ ٱلَّذِينَ كَفَرُواْ لَا تَسۡمَعُواْ لِهَٰذَا ٱلۡقُرۡءَانِ وَٱلۡغَوۡاْ فِيهِ لَعَلَّكُمۡ تَغۡلِبُونَ ٢٦

Nagsabi ang mga tagatangging sumampalataya habang mga nagtatagubilinan sa pagitan nila noong nawalang-kakayahan sila sa pagharap sa katwiran sa pamamagitan ng katwiran: "Huwag kayong makinig sa Qur’an na ito na binibigkas sa inyo ni Muḥammad at huwag kayong magpaakay sa nilalaman nito. Sumigaw kayo at magtaas kayo ng mga tinig ninyo sa sandali ng pagbigkas niya nito, nang sa gayon sa pamamagitan niyon ay manalo kayo sa kanya at itigil niya ang pagbigkas niyan at ang pag-aanyaya tungo riyan para makapagpahinga kayo riyan.

فَلَنُذِيقَنَّ ٱلَّذِينَ كَفَرُواْ عَذَابࣰا شَدِيدࣰا وَلَنَجۡزِيَنَّهُمۡ أَسۡوَأَ ٱلَّذِي كَانُواْ يَعۡمَلُونَ ٢٧

Kaya talagang magpapalasap nga Kami sa mga tumangging sumampalataya kay Allāh at nagpasinungaling sa mga sugo niya ng isang pagdurusang matindi sa Araw ng Pagbangon, at talagang gaganti nga Kami sa kanila ng pinakamasagwa sa dati nilang ginagawa na shirk at mga pagsuway bilang parusa sa kanila dahil doon.

ذَٰلِكَ جَزَآءُ أَعۡدَآءِ ٱللَّهِ ٱلنَّارُۖ لَهُمۡ فِيهَا دَارُ ٱلۡخُلۡدِ جَزَآءَۢ بِمَا كَانُواْ بِـَٔايَٰتِنَا يَجۡحَدُونَ ٢٨

Ang ganting nabanggit na iyon ay ang ganti sa mga kaaway ni Allāh na mga tumangging sumampalataya sa Kanya at nagpasinungaling sa mga sugo Niya – ang Apoy. Ukol sa kanila roon ay kawalang-hanggan na hindi mapuputol magpakailanman bilang ganti sa pagkakaila nila sa mga tanda ni Allāh at kawalan ng pananampalataya nila sa mga ito sa kabila ng kaliwanagan ng mga ito at lakas ng katwiran ng mga ito.

وَقَالَ ٱلَّذِينَ كَفَرُواْ رَبَّنَآ أَرِنَا ٱلَّذَيۡنِ أَضَلَّانَا مِنَ ٱلۡجِنِّ وَٱلۡإِنسِ نَجۡعَلۡهُمَا تَحۡتَ أَقۡدَامِنَا لِيَكُونَا مِنَ ٱلۡأَسۡفَلِينَ ٢٩

Nagsabi ang mga tumangging sumampalataya kay Allāh at nagpasinungaling sa mga sugo Niya: "Panginoon namin, magpakita Ka sa amin ng dalawang nagpaligaw sa amin kabilang sa jinn at tao - si Satanas na nagsakalakaran ng kawalang-pananampalataya at pag-aanyaya tungo rito at ang anak ni Adan na nagsakalakaran ng pagpapadanak ng mga dugo - maglalagay kami sa kanilang dalawa ng Apoy sa ilalim ng mga paa namin upang silang dalawa ay maging kabilang sa mga pinakamababa na sila ay ang pinakamatindi sa mga maninirahan sa Apoy sa pagdurusa."

إِنَّ ٱلَّذِينَ قَالُواْ رَبُّنَا ٱللَّهُ ثُمَّ ٱسۡتَقَٰمُواْ تَتَنَزَّلُ عَلَيۡهِمُ ٱلۡمَلَٰٓئِكَةُ أَلَّا تَخَافُواْ وَلَا تَحۡزَنُواْ وَأَبۡشِرُواْ بِٱلۡجَنَّةِ ٱلَّتِي كُنتُمۡ تُوعَدُونَ ٣٠

Tunay na ang mga nagsabi: "Ang Panginoon namin ay si Allāh; walang Panginoon para sa amin na iba pa sa Kanya," at nagpakatuwid sa pagsunod sa mga ipinag-uutos Niya at pag-iwas sa mga sinasaway Niya ay magsisibabaan sa kanila ang mga anghel sa sandali ng paghihingalo nila, na mga magsasabi sa kanila: "Huwag kayong mangamba sa kamatayan ni sa anuman matapos nito, huwag kayong malungkot sa anuman naiwanan ninyo sa Mundo, at magalak kayo sa Paraiso na sa inyo noon ay ipinangangako sa Mundo dahil sa pananampalataya ninyo kay Allāh at gawa ninyong maayos.

نَحۡنُ أَوۡلِيَآؤُكُمۡ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۖ وَلَكُمۡ فِيهَا مَا تَشۡتَهِيٓ أَنفُسُكُمۡ وَلَكُمۡ فِيهَا مَا تَدَّعُونَ ٣١

Kami ay mga katangkilik ninyo sa buhay sa Mundo sapagkat kami nga noon ay nagtatama sa inyo at nangangalaga sa inyo at kami ay mga katangkilik ninyo sa Kabilang-buhay sapagkat ang pagtangkilik namin sa inyo ay nagpapatuloy. Ukol sa inyo sa Paraiso ang ninanasa ng mga sarili ninyo kabilang sa mga masarap at mga ninanasa, at ukol sa inyo roon ang lahat ng hinihiling ninyo kabilang sa ninanasa ninyo,

نُزُلࣰا مِّنۡ غَفُورࣲ رَّحِيمࣲ ٣٢

bilang isang panustos na inilaan para sa pagpapanauhin sa inyo mula isang Panginoong Mapagpatawad sa mga pagkakasala ng sinumang nagbalik-loob sa Kanya kabilang sa mga lingkod Niya, Maawain sa kanila.

وَمَنۡ أَحۡسَنُ قَوۡلࣰا مِّمَّن دَعَآ إِلَى ٱللَّهِ وَعَمِلَ صَٰلِحࣰا وَقَالَ إِنَّنِي مِنَ ٱلۡمُسۡلِمِينَ ٣٣

Walang isang higit na maganda sa sinasabi kaysa sa sinumang nag-anyaya tungo sa paniniwala sa kaisahan ni Allāh at paggawa ayon sa batas Niya, gumawa ng gawang maayos na nagpapalugod sa Panginoon niya, at nagsabi: "Tunay na ako ay kabilang sa mga sumusuko na mga nagpapaakay kay Allāh." Ang sinumang gumawa niyon sa kabuuan niyon, siya ay pinakamaganda sa mga tao sa sinasabi.

وَلَا تَسۡتَوِي ٱلۡحَسَنَةُ وَلَا ٱلسَّيِّئَةُۚ ٱدۡفَعۡ بِٱلَّتِي هِيَ أَحۡسَنُ فَإِذَا ٱلَّذِي بَيۡنَكَ وَبَيۡنَهُۥ عَدَٰوَةࣱ كَأَنَّهُۥ وَلِيٌّ حَمِيمࣱ ٣٤

Hindi nagkakapantay ang paggawa ng mga magandang gawa at mga pagtalima na nagpapalugod kay Allāh, at ni ang paggawa ng mga masagwang gawa at mga pagsuway na nagpapainis sa Kanya. Itulak mo sa pamamagitan ng katangiang siyang higit na maganda ang paggawa ng masagwa ng gumawa ng masagwa sa iyo kabilang sa mga tao, at biglang [siya na] ang sa pagitan mo at sa pagitan niya ay may pagkamuhi - kapag nagtulak ka sa paggawa niya ng masagwa sa pamamagitan ng paggawa ng maganda - ay [magiging] para bang siya ay isang kamag-anak na magiliw.

وَمَا يُلَقَّىٰهَآ إِلَّا ٱلَّذِينَ صَبَرُواْ وَمَا يُلَقَّىٰهَآ إِلَّا ذُو حَظٍّ عَظِيمࣲ ٣٥

Walang itinutuon sa katangiang kapuri-puring ito kundi ang mga nagtiis sa pananakit at dinaranas nilang kasagwaan mula sa mga tao, at walang itinutuon doon kundi ang isang may kapalarang dakila dahil sa taglay niyon na maraming kabutihan at masaganang pakinabang.

وَإِمَّا يَنزَغَنَّكَ مِنَ ٱلشَّيۡطَٰنِ نَزۡغࣱ فَٱسۡتَعِذۡ بِٱللَّهِۖ إِنَّهُۥ هُوَ ٱلسَّمِيعُ ٱلۡعَلِيمُ ٣٦

Kung nanulsol sa iyo ang demonyo sa alinmang oras ng isang kasamaan ay magpasanggalang ka kay Allāh at dumulog ka sa Kanya. Tunay na Siya ay ang Madinigin sa anumang sinasabi mo, Maalam sa kalagayan mo.

وَمِنۡ ءَايَٰتِهِ ٱلَّيۡلُ وَٱلنَّهَارُ وَٱلشَّمۡسُ وَٱلۡقَمَرُۚ لَا تَسۡجُدُواْ لِلشَّمۡسِ وَلَا لِلۡقَمَرِ وَٱسۡجُدُواْۤ لِلَّهِۤ ٱلَّذِي خَلَقَهُنَّ إِن كُنتُمۡ إِيَّاهُ تَعۡبُدُونَ ٣٧

Kabilang sa mga tanda ni Allāh na nagpapatunay sa kadakilaan Niya at paniniwala sa kaisahan Niya ay ang gabi at ang maghapon, at ang araw at ang buwan. Huwag kayong magpatirapa, O mga tao, sa araw at huwag kayong magpatirapa sa buwan. Magpatirapa kayo kay Allāh - tanging sa Kanya - na lumikha sa mga ito, kung nangyaring kayo ay sumasamba sa Kanya nang totohanan.

فَإِنِ ٱسۡتَكۡبَرُواْ فَٱلَّذِينَ عِندَ رَبِّكَ يُسَبِّحُونَ لَهُۥ بِٱلَّيۡلِ وَٱلنَّهَارِ وَهُمۡ لَا يَسۡـَٔمُونَ۩ ٣٨

Ngunit kung nagmalaki sila, umayaw sila, at hindi sila nagpatirapa kay Allāh, ang Tagalikha, ang mga anghel naman na mga nasa malapit kay Allāh ay nagluluwalhati sa Kanya at nagpupuri sa Kanya - kaluwalhatian sa Kanya - sa gabi at maghapon nang magkakasama habang ang mga iyon ay hindi nagsasawa sa pagsamba sa Kanya.

وَمِنۡ ءَايَٰتِهِۦٓ أَنَّكَ تَرَى ٱلۡأَرۡضَ خَٰشِعَةࣰ فَإِذَآ أَنزَلۡنَا عَلَيۡهَا ٱلۡمَآءَ ٱهۡتَزَّتۡ وَرَبَتۡۚ إِنَّ ٱلَّذِيٓ أَحۡيَاهَا لَمُحۡيِ ٱلۡمَوۡتَىٰٓۚ إِنَّهُۥ عَلَىٰ كُلِّ شَيۡءࣲ قَدِيرٌ ٣٩

Kabilang sa mga tanda Niya na nagpapatunay sa kadakilaan Niya at paniniwala sa kaisahan Niya, at sa kakayahan Niya sa pagbubuhay na muli ay na ikaw ay nakakikita na ang lupa ay walang halaman ngunit kapag nagpababa sa ibabaw nito ng tubig ng ulan ay kumikilos ito dahilan sa paglago ng nakatago rito na mga binhi at umaangat. Tunay na ang nagbigay-buhay sa lupang patay sa pamamagitan ng halaman ay talagang tagabigay-buhay sa mga patay at tagabuhay sa kanila para sa pagtutuos at pagganti. Tunay na Siya sa bawat bagay ay May-kakayahan: hindi Siya nawawalang-kakayahan sa pagbibigay-buhay sa lupa matapos ng kamatayan nito ni sa pagbibigay-buhay sa mga patay at pagbubuhay sa kanila mula sa mga libingan nila.

إِنَّ ٱلَّذِينَ يُلۡحِدُونَ فِيٓ ءَايَٰتِنَا لَا يَخۡفَوۡنَ عَلَيۡنَآۗ أَفَمَن يُلۡقَىٰ فِي ٱلنَّارِ خَيۡرٌ أَم مَّن يَأۡتِيٓ ءَامِنࣰا يَوۡمَ ٱلۡقِيَٰمَةِۚ ٱعۡمَلُواْ مَا شِئۡتُمۡ إِنَّهُۥ بِمَا تَعۡمَلُونَ بَصِيرٌ ٤٠

Tunay na ang mga kumikiling kaugnay sa mga tanda ni Allāh palayo sa katumpakan sa pamamagitan ng pagkakaila sa mga ito, pagpapasinungaling sa mga ito, at paglihis ng kahulugan ng mga ito ay hindi naikukubli ang kalagayan nila sa Kanya sapagkat Siya ay nakaaalam sa kanila. Kaya ba ang sinumang itatapon sa Apoy ay higit na mainam o ang sinumang darating sa Araw ng Pagbangon nang ligtas mula sa pagdurusa? Gawin ninyo, O mga tao, ang niloob ninyo na kabutihan at kasamaan sapagkat nilinaw na sa inyo ang kabutihan at ang kasamaan. Tunay na si Allāh sa ginagawa ninyo kabilang sa dalawang ito ay Nakakikita: walang naikukubli sa Kanya na anuman kabilang sa mga gawa ninyo.

إِنَّ ٱلَّذِينَ كَفَرُواْ بِٱلذِّكۡرِ لَمَّا جَآءَهُمۡۖ وَإِنَّهُۥ لَكِتَٰبٌ عَزِيزࣱ ٤١

Tunay na ang mga tumangging sumampalataya sa Qur'ān noong dumating ito sa kanila mula sa ganang kay Allāh ay talagang mga pagdurusahin sa Araw ng Pagbangon. Tunay na ito ay talagang isang Aklat na makapangyarihan, matatag, na hindi nakakaya ng isang tagalihis ng kahulugan na maglihis ng kahulugan nito ni ng isang tagapalit na magpalit nito.

لَّا يَأۡتِيهِ ٱلۡبَٰطِلُ مِنۢ بَيۡنِ يَدَيۡهِ وَلَا مِنۡ خَلۡفِهِۦۖ تَنزِيلࣱ مِّنۡ حَكِيمٍ حَمِيدࣲ ٤٢

Hindi pumupunta rito ang kabulaanan mula sa harapan nito ni mula sa likuran nito sa pamamagitan ng pagbabawas o pagdaragdag o pagpapalit o paglilihis ng kahulugan. [Ito ay] isang pagbababa mula sa Marunong sa paglikha Niya, pagtatakda Niya, at pagbabatas Niya; Pinapupurihan sa bawat kalagayan.

مَّا يُقَالُ لَكَ إِلَّا مَا قَدۡ قِيلَ لِلرُّسُلِ مِن قَبۡلِكَۚ إِنَّ رَبَّكَ لَذُو مَغۡفِرَةࣲ وَذُو عِقَابٍ أَلِيمࣲ ٤٣

Walang sinasabi sa iyo, O Sugo, na pagpapasinungaling malibang sinabi na sa mga sugo noong wala ka pa kaya magtiis ka sapagkat tunay na ang Panginoon mo ay talagang may pagpapatawad sa sinumang nagbalik-loob sa Kanya kabilang sa mga lingkod Niya at may parusang nakasasakit para sa sinumang nagpumilit sa mga pagkakasala niya at hindi nagbalik-loob.

وَلَوۡ جَعَلۡنَٰهُ قُرۡءَانًا أَعۡجَمِيࣰّا لَّقَالُواْ لَوۡلَا فُصِّلَتۡ ءَايَٰتُهُۥٓۖ ءَا۬عۡجَمِيࣱّ وَعَرَبِيࣱّۗ قُلۡ هُوَ لِلَّذِينَ ءَامَنُواْ هُدࣰى وَشِفَآءࣱۚ وَٱلَّذِينَ لَا يُؤۡمِنُونَ فِيٓ ءَاذَانِهِمۡ وَقۡرࣱ وَهُوَ عَلَيۡهِمۡ عَمًىۚ أُوْلَٰٓئِكَ يُنَادَوۡنَ مِن مَّكَانِۭ بَعِيدࣲ ٤٤

Kung sakaling nagpababa Kami sa Qur'ān na ito sa hindi wika ng mga Arabe ay talaga sanang nagsabi ang mga tagatangging sumampalataya kabilang sa kanila: "Bakit kaya hindi nilinaw ang mga talata nito upang makaintindi tayo sa mga ito? Ang Qur'ān ba ay di-Arabe at ang nagdala nito ay isang Arabe?" Sabihin mo, o Sugo, sa mga ito: "Ang Qur'ān - para sa mga sumampalataya kay Allāh at nagpatotoo sa mga sugo Niya - ay isang kapatnubayan laban sa pagkaligaw at isang lunas sa nasa mga dibdib na kamangmangan at anumang sumusunod dito." Ang mga hindi sumasampalataya kay Allāh, sa mga tainga nila ay may pagkabingi, at ito sa kanila ay pagkabulag: hindi nila naiintindihan ito. Ang mga nailarawang iyon sa mga katangiang iyon ay gaya ng tinatawag mula sa isang pook na malayo, kaya paano para sa kanila na makarinig sa tinig ng tagatawag?

وَلَقَدۡ ءَاتَيۡنَا مُوسَى ٱلۡكِتَٰبَ فَٱخۡتُلِفَ فِيهِۚ وَلَوۡلَا كَلِمَةࣱ سَبَقَتۡ مِن رَّبِّكَ لَقُضِيَ بَيۡنَهُمۡۚ وَإِنَّهُمۡ لَفِي شَكࣲّ مِّنۡهُ مُرِيبࣲ ٤٥

Talaga ngang nagbigay Kami kay Moises ng kasulatan, ngunit nagkakaiba-iba hinggil doon sapagkat mayroon sa kanila na sumampalataya roon at mayroon sa kanila na tumangging sumampalataya roon. Kung hindi dahil sa isang pangako mula kay Allāh na magpapasya sa pagitan ng mga tao sa Araw ng Pagbangon hinggil sa ipinagkaiba-iba nila ay talaga sanang humatol sa pagitan ng mga nagkakaiba-iba hinggil sa Torah kaya nilinaw ang nagtototoo at ang nagbubulaan, at pinarangalan Niya ang nagtototoo at hinamak Niya ang nagbubulaan. Tunay na ang mga tagatangging sumampalataya ay talagang nasa isang pagdududa sa lagay ng Qur'ān, na nag-aalinlangan.

مَّنۡ عَمِلَ صَٰلِحࣰا فَلِنَفۡسِهِۦۖ وَمَنۡ أَسَآءَ فَعَلَيۡهَاۗ وَمَا رَبُّكَ بِظَلَّٰمࣲ لِّلۡعَبِيدِ ٤٦

Ang sinumang gumawa ng gawang maayos, ang pakinabang sa gawa niyang maayos ay mauuwi sa kanya sapagkat si Allāh ay hindi napakikinabang ng gawang maayos ng isa man. Ang sinumang gumawa ng gawang masagwa, ang pinsala niyon ay manunumbalik sa kanya sapagkat si Allāh ay hindi napipinsala ng isang pagsuway ng isa man kabilang sa mga nilikha Niya. Gaganti Siya sa bawat isa ng naging karapat-dapat dito. Ang Panginoon mo, O Sugo, ay hindi palalabag sa katarungan sa mga alipin Niya sapagkat hindi Siya magbabawas sa kanila ng isang magandang gawa at hindi Siya magdaragdag sa kanila ng isang masagwang gawa.

۞ إِلَيۡهِ يُرَدُّ عِلۡمُ ٱلسَّاعَةِۚ وَمَا تَخۡرُجُ مِن ثَمَرَٰتࣲ مِّنۡ أَكۡمَامِهَا وَمَا تَحۡمِلُ مِنۡ أُنثَىٰ وَلَا تَضَعُ إِلَّا بِعِلۡمِهِۦۚ وَيَوۡمَ يُنَادِيهِمۡ أَيۡنَ شُرَكَآءِي قَالُوٓاْ ءَاذَنَّٰكَ مَا مِنَّا مِن شَهِيدࣲ ٤٧

Sa kay Allāh - tanging sa Kanya - iniugnay ang kaalaman sa Huling Sandali sapagkat Siya - tanging Siya - ay nakaaalam kung kailan magaganap ito sapagkat walang nakaaalam niyon na iba pa sa Kanya. Walang lumalabas na anumang mga bunga mula sa mga sisidlan ng mga ito na nangangalaga sa mga ito at walang nagbubuntis na anumang babae ni nagsisilang malibang nasa kaalaman Niya. Walang nakalulusot mula roon na anuman. Sa Araw na mananawagan si Allāh sa mga tagatambal na dating sumasamba kasama sa Kanya sa mga diyus-diyusan, bilang panunumbat sa kanila sa pagsamba nila sa mga iyon: "Nasaan ang mga katambal sa Akin na dati ninyong hinahaka-haka na sila ay mga katambal?" Magsasabi ang mga tagatambal: "Umaamin kami sa harapan Mo na walang isa sa amin na sumasaksi sa ngayon na mayroon Kang katambal."

وَضَلَّ عَنۡهُم مَّا كَانُواْ يَدۡعُونَ مِن قَبۡلُۖ وَظَنُّواْ مَا لَهُم مِّن مَّحِيصࣲ ٤٨

Naglaho sa kanila ang dati nilang dinadalanginan na mga diyus-diyusan. Natiyak nila na walang matatakasan para sa kanila mula sa pagdurusang dulot ni Allāh at walang maiiwasan.

لَّا يَسۡـَٔمُ ٱلۡإِنسَٰنُ مِن دُعَآءِ ٱلۡخَيۡرِ وَإِن مَّسَّهُ ٱلشَّرُّ فَيَـُٔوسࣱ قَنُوطࣱ ٤٩

Hindi nagsasawa ang tao sa paghiling ng kalusugan, yaman, anak, at iba pa roon kabilang sa mga biyaya. Kung may tumama sa kanya na karalitaan o karamdaman o tulad niyon, siya ay madalas mawalan ng pag-asa at masiraan ng loob sa awa ni Allāh.

وَلَئِنۡ أَذَقۡنَٰهُ رَحۡمَةࣰ مِّنَّا مِنۢ بَعۡدِ ضَرَّآءَ مَسَّتۡهُ لَيَقُولَنَّ هَٰذَا لِي وَمَآ أَظُنُّ ٱلسَّاعَةَ قَآئِمَةࣰ وَلَئِن رُّجِعۡتُ إِلَىٰ رَبِّيٓ إِنَّ لِي عِندَهُۥ لَلۡحُسۡنَىٰۚ فَلَنُنَبِّئَنَّ ٱلَّذِينَ كَفَرُواْ بِمَا عَمِلُواْ وَلَنُذِيقَنَّهُم مِّنۡ عَذَابٍ غَلِيظࣲ ٥٠

Talagang kung nagpalasap Kami sa kanya mula sa Amin ng isang kalusugan, isang pagkayaman, at isang kagalingan matapos ng isang pagsubok at isang karamdaman ay talagang magsasabi nga siya: "Ito ay ukol sa akin dahil ako ay nababagay rito at karapat-dapat. Hindi ako nagpapalagay na ang Huling Sandali ay sasapit. Talagang kung ipagpapalagay man na ang Huling Sandali ay sasapit, tunay na ukol sa akin sa ganang kay Allāh ang pagkayaman at ang yaman sapagkat kung paanong nagbiyaya Siya sa akin sa Mundo dahil sa pagkakarapat-dapat ko roon magbibiyaya rin Siya sa akin sa Kabilang-buhay. Talagang magpapabatid nga Kami sa mga tumangging sumampalataya kay Allāh ng ginawa nilang kawalang-pananampalataya at mga pagsuway at talagang magpapalasap nga Kami sa kanila ng isang pagdurusang labis sa katindihan.

وَإِذَآ أَنۡعَمۡنَا عَلَى ٱلۡإِنسَٰنِ أَعۡرَضَ وَنَـَٔا بِجَانِبِهِۦ وَإِذَا مَسَّهُ ٱلشَّرُّ فَذُو دُعَآءٍ عَرِيضࣲ ٥١

Kapag nagbiyaya si Allāh sa tao ng biyaya ng kalusugan, kagalingan, at tulad nito ay nalilingat ito sa pag-alaala sa Kanya at pagtalima sa Kanya, at nagtatalikod ng sarili nito dala ng pagpapakamalaki. Kapag may sumaling dito na isang karamdaman, karalitaan, at tulad niyan, ito ay may panalanging marami kay Allāh, na nagrereklamo ito sa Kanya sa anumang sumaling dito upang alisin Niya rito. Ito ay hindi nagpapasalamat sa Panginoon nito kapag nagbiyaya Siya rito at hindi nagtitiis sa pagsubok kapag sinubok Niya ito.

قُلۡ أَرَءَيۡتُمۡ إِن كَانَ مِنۡ عِندِ ٱللَّهِ ثُمَّ كَفَرۡتُم بِهِۦ مَنۡ أَضَلُّ مِمَّنۡ هُوَ فِي شِقَاقِۭ بَعِيدࣲ ٥٢

Sabihin mo, O Sugo, sa mga tagatambal na tagapasinungaling na ito: "Magpabatid kayo sa akin kung nangyaring ang Qur’an na ito ay mula sa ganang kay Allāh, pagkatapos ay tumanggi kayong sumampalataya at nagpasinungaling kayo rito, magiging papaano ang kalagayan ninyo? Sino pa ang higit na ligaw kaysa sa sinumang siya na nasa isang pagmamatigas sa katotohanan sa kabila ng paglitaw nito at kaliwanagan ng katwiran nito at lakas nito?"

سَنُرِيهِمۡ ءَايَٰتِنَا فِي ٱلۡأٓفَاقِ وَفِيٓ أَنفُسِهِمۡ حَتَّىٰ يَتَبَيَّنَ لَهُمۡ أَنَّهُ ٱلۡحَقُّۗ أَوَلَمۡ يَكۡفِ بِرَبِّكَ أَنَّهُۥ عَلَىٰ كُلِّ شَيۡءࣲ شَهِيدٌ ٥٣

Magpapakita Kami sa mga tagatangging sumampalataya ng Quraysh ng mga tanda Namin sa mga abot-tanaw ng lupa na sasakupin para sa mga Muslim at magpapakita kami sa kanila ng mga tanda Namin sa mga sarili nila sa pamamagitan ng pagsakop sa Makkah hanggang sa lumiwanag para sa kanila sa pamamagitan ng nag-aalis ng pagdududa, na ang Qur'ān na ito ay ang katotohanang walang pag-aalangan hinggil dito. Hindi ba nakasapat sa mga tagatambal na ang Qur'ān ay totoo dahil sa pagsaksi ni Allāh na ito ay mula sa ganang Kanya? Sino pa ang pinakadakila sa pagsasaksi kaysa kay Allāh? Kung sakaling nangyaring nagnanais sila ng katotohanan ay talaga sanang nagkasya sila sa pagsasaksi ng Panginoon nila.

أَلَآ إِنَّهُمۡ فِي مِرۡيَةࣲ مِّن لِّقَآءِ رَبِّهِمۡۗ أَلَآ إِنَّهُۥ بِكُلِّ شَيۡءࣲ مُّحِيطُۢ ٥٤

Pansinin, tunay na ang mga tagatambal ay nasa isang pagdududa sa pakikipagkita sa Panginoon nila sa Araw ng Pagbangon dahil sa pagkakaila nila sa pagbubuhay na muli sapagkat sila ay hindi sumasampalataya sa Kabilang-buhay. Dahil doon, hindi sila naghahanda para roon sa pamamagitan ng gawang maayos. Pansinin, tunay na si Allāh sa bawat bagay ay nakasasaklaw sa kaalaman at kakayahan.

Other translations of this surah

Tafsir of this surah in Arabic Al-Mukhtasar fi Tafsir al-Quran

Surahs

1 Al-Fatihah Al-Fâtiha · 7 verses · Meccan Juz 1 · Revealed 5 الفاتحة 2 Al-Baqarah Ang Baka · 286 verses · Medinan Juz 1 · Revealed 87 البقرة 3 Al-Imran Ang Pamilya ni Imran · 200 verses · Medinan Juz 3 · Revealed 89 آل عمران 4 An-Nisa' Ang Kababaihan · 176 verses · Medinan Juz 4 · Revealed 92 النساء 5 Al-Ma'idah Ang Hapag na may Pagkain · 120 verses · Medinan Juz 6 · Revealed 112 المائدة 6 Al-An'am Ang mga Baka · 165 verses · Meccan Juz 7 · Revealed 55 الأنعام 7 Al-A'raf Ang mga Matatayog na Pader · 206 verses · Meccan Juz 8 · Revealed 39 الأعراف 8 Al-Anfal Ang mga Labi ng Digmaan · 75 verses · Medinan Juz 9 · Revealed 88 الأنفال 9 At-Taubah Ang Pagsisisi · 129 verses · Medinan Juz 10 · Revealed 113 التوبة 10 Yunus Si Propeta Jonah · 109 verses · Meccan Juz 11 · Revealed 51 يونس 11 Hood Si Propeta Hud · 123 verses · Meccan Juz 11 · Revealed 52 هود 12 Yusuf Si Propeta Jose · 111 verses · Meccan Juz 12 · Revealed 53 يوسف 13 Ar-Ra'd Ang Kidlat · 43 verses · Medinan Juz 13 · Revealed 96 الرعد 14 Ibrahim Si Propeta Ibrahim · 52 verses · Meccan Juz 13 · Revealed 72 إبراهيم 15 Al-Hijr Ang Mabatong Lupain · 99 verses · Meccan Juz 14 · Revealed 54 الحجر 16 An-Nahl Ang Bubuyog · 128 verses · Meccan Juz 14 · Revealed 70 النحل 17 Al-Isra Ang mga Angkan ni Israel · 111 verses · Meccan Juz 15 · Revealed 50 الإسراء 18 Al-Kahf Ang Yungib · 110 verses · Meccan Juz 15 · Revealed 69 الكهف 19 Maryam Si Maria · 98 verses · Meccan Juz 16 · Revealed 44 مريم 20 Ta­Ha Ta Ha · 135 verses · Meccan Juz 16 · Revealed 45 طه 21 Al-Anbiya' Ang mga Propeta · 112 verses · Meccan Juz 17 · Revealed 73 الأنبياء 22 Al-Hajj Ang Itinakdang Paglalakbay sa · 78 verses · Medinan Juz 17 · Revealed 103 الحج 23 Al-Mu'minun Ang mga Mananampalataya · 118 verses · Meccan Juz 18 · Revealed 74 المؤمنون 24 An-Nur Ang Liwanag · 64 verses · Medinan Juz 18 · Revealed 102 النور 25 Al-Furqan Ang Panuri · 77 verses · Meccan Juz 18 · Revealed 42 الفرقان 26 Ash-Shu'ara' Ang mga Makata · 227 verses · Meccan Juz 19 · Revealed 47 الشعراء 27 An-Naml Ang mga Langgam · 93 verses · Meccan Juz 19 · Revealed 48 النمل 28 Al-Qasas Ang Salaysay · 88 verses · Meccan Juz 20 · Revealed 49 القصص 29 Al-'Ankabut Ang Gagamba · 69 verses · Meccan Juz 20 · Revealed 85 العنكبوت 30 Ar­Room Ang mga Romano · 60 verses · Meccan Juz 21 · Revealed 84 الروم 31 Luqman Si Luqman · 34 verses · Meccan Juz 21 · Revealed 57 لقمان 32 As­Sajdah Ang Pagpapatirapa · 30 verses · Meccan Juz 21 · Revealed 75 السجدة 33 Al­Ahzab Ang mga Magkakaanib · 73 verses · Medinan Juz 21 · Revealed 90 الأحزاب 34 Saba' Ang Sheba · 54 verses · Meccan Juz 22 · Revealed 58 سبأ 35 Fatir Ang Lumikha · 45 verses · Meccan Juz 22 · Revealed 43 فاطر 36 Ya­Sin Ya Sin · 83 verses · Meccan Juz 22 · Revealed 41 يس 37 As-Saffat Ang mga Inihanay sa mga Antas · 182 verses · Meccan Juz 23 · Revealed 56 الصافات 38 Sad 88 verses · Meccan Juz 23 · Revealed 38 ص 39 Az-Zumar Ang mga Pangkat · 75 verses · Meccan Juz 23 · Revealed 59 الزمر 40 Ghafir Ang Mapagpatawad · 85 verses · Meccan Juz 24 · Revealed 60 غافر 41 Fussilat Ang Masusing Pagpapaliwanag · 54 verses · Meccan Juz 24 · Revealed 61 فصلت 42 Ash-Shura Ang Sanggunian · 53 verses · Meccan Juz 25 · Revealed 62 الشورى 43 Az-Zukhruf Ang mga Palamuting Ginto · 89 verses · Meccan Juz 25 · Revealed 63 الزخرف 44 Ad-Dukhan Ang Usok · 59 verses · Meccan Juz 25 · Revealed 64 الدخان 45 Al-Jathiya Ang Pagluhod · 37 verses · Meccan Juz 25 · Revealed 65 الجاثية 46 Al-Ahqaf Ang mga Nakalikong Bunton ng B · 35 verses · Meccan Juz 26 · Revealed 66 الأحقاف 47 Muhammad Ang Pakikipaglaban · 38 verses · Medinan Juz 26 · Revealed 96 محمد 48 Al-Fath Ang Tagumpay · 29 verses · Medinan Juz 26 · Revealed 111 الفتح 49 Al-Hujurat Ang mga Tirahan · 18 verses · Medinan Juz 26 · Revealed 106 الحجرات 50 Qaf 45 verses · Meccan Juz 26 · Revealed 34 ق 51 Az-Zariyat Ang mga Hanging Nagkakalat · 60 verses · Meccan Juz 26 · Revealed 67 الذاريات 52 At-Tur Ang Bundok · 49 verses · Meccan Juz 27 · Revealed 76 الطور 53 An-Najm Ang Bituin · 62 verses · Meccan Juz 27 · Revealed 23 النجم 54 Al-Qamar Ang Buwan · 55 verses · Meccan Juz 27 · Revealed 37 القمر 55 Ar-Rahman Ang Mapagpala · 78 verses · Medinan Juz 27 · Revealed 97 الرحمن 56 Al-Waqi'ah Ang Pangyayari · 96 verses · Meccan Juz 27 · Revealed 46 الواقعة 57 Al-Hadid Ang Bakal · 29 verses · Medinan Juz 27 · Revealed 94 الحديد 58 Al-Mujadilah Ang Nakikipagtalong Babae · 22 verses · Medinan Juz 28 · Revealed 105 المجادلة 59 Al-Hashr Ang Pagtitipun-tipon · 24 verses · Medinan Juz 28 · Revealed 101 الحشر 60 Al-Mumtahinah Ang Babaing Sisiyasatin · 13 verses · Medinan Juz 28 · Revealed 91 الممتحنة 61 As-Saff Ang Hanay · 14 verses · Medinan Juz 28 · Revealed 109 الصف 62 Al-Jumu'ah Ang Biyernes · 11 verses · Medinan Juz 28 · Revealed 110 الجمعة 63 Al-Munafiqun Ang mga Mapagkunwari · 11 verses · Medinan Juz 28 · Revealed 104 المنافقون 64 At-Taghabun Ang Kapwa Pagkatalo at Pagkapa · 18 verses · Medinan Juz 28 · Revealed 108 التغابن 65 At-Talaq Ang Diborsiyo · 12 verses · Medinan Juz 28 · Revealed 99 الطلاق 66 At-Tahrim Ang Ipinagbabawal · 12 verses · Medinan Juz 28 · Revealed 107 التحريم 67 Al-Mulk Ang Kaharian · 30 verses · Meccan Juz 29 · Revealed 77 الملك 68 Al-Qalam Ang Panulat · 52 verses · Meccan Juz 29 · Revealed 2 القلم 69 Al-Haqqah Ang Tiyak na Mangyayari · 52 verses · Meccan Juz 29 · Revealed 87 الحاقة 70 Al-Ma'arij Ang mga Landas ng Pag-akyat · 44 verses · Meccan Juz 29 · Revealed 79 المعارج 71 Nooh Si Propeta Noah · 28 verses · Meccan Juz 29 · Revealed 71 نوح 72 Al-Jinn Ang Jinn · 28 verses · Meccan Juz 29 · Revealed 40 الجن 73 Al-Muzzammil Ang Nakabalabal sa Damit · 20 verses · Meccan Juz 29 · Revealed 3 المزمل 74 Al-Muddaththir Ang Nakabalot · 56 verses · Meccan Juz 29 · Revealed 4 المدثر 75 Al-Qiyamah Ang Pagkabuhay-Muli · 40 verses · Meccan Juz 29 · Revealed 31 القيامة 76 Al-Insan Ang Tao · 31 verses · Medinan Juz 29 · Revealed 98 الإنسان 77 Al-Mursalat Ang mga Ipinadala · 50 verses · Meccan Juz 29 · Revealed 33 المرسلات 78 An-Naba' Ang mga Balita · 40 verses · Meccan Juz 30 · Revealed 80 النبأ 79 An-Nazi'at Ang mga Humuhugot · 46 verses · Meccan Juz 30 · Revealed 81 النازعات 80 'Abasa Siya'y Nangunot-Noo · 42 verses · Meccan Juz 30 · Revealed 24 عبس 81 At-Takwir Ang Pagtiklop · 29 verses · Meccan Juz 30 · Revealed 7 التكوير 82 Al-Infitar Ang Pagkabiyak · 19 verses · Meccan Juz 30 · Revealed 82 الإنفطار 83 Al-Mutaffifin Ang mga Mandaraya · 36 verses · Meccan Juz 30 · Revealed 86 المطففين 84 Al-Inshiqaq Ang Pagkalansag · 25 verses · Meccan Juz 30 · Revealed 83 الإنشقاق 85 Al-Buruj Ang Malalaking Buntala · 22 verses · Meccan Juz 30 · Revealed 27 البروج 86 At-Tariq Ang Panggabing Panauhin · 17 verses · Meccan Juz 30 · Revealed 36 الطارق 87 Al-A'la Ang Kataas-taasan · 19 verses · Meccan Juz 30 · Revealed 8 الأعلى 88 Al-Ghashiyah Ang Nakapananaig · 26 verses · Meccan Juz 30 · Revealed 68 الغاشية 89 Al-Fajr Ang Bukang-Liwayway · 30 verses · Meccan Juz 30 · Revealed 10 الفجر 90 Al-Balad Ang Lungsod · 20 verses · Meccan Juz 30 · Revealed 35 البلد 91 Ash-Shams Ang Araw · 15 verses · Meccan Juz 30 · Revealed 26 الشمس 92 Al-Lail Ang Gabi · 21 verses · Meccan Juz 30 · Revealed 9 الليل 93 Ad-Duha Ang Umaga · 11 verses · Meccan Juz 30 · Revealed 11 الضحى 94 Ash-Sharh Ang Pagpapalawak · 8 verses · Meccan Juz 30 · Revealed 12 الشرح 95 At-Tin Ang Igos · 8 verses · Meccan Juz 30 · Revealed 28 التين 96 Al-'Alaq Ang Namumuong Dugo · 19 verses · Meccan Juz 30 · Revealed 1 العلق 97 Al-Qadr Ang Gabi ng Kahatulan · 5 verses · Meccan Juz 30 · Revealed 25 القدر 98 Al-Baiyinah Ang Maliwanag na Katibayan · 8 verses · Medinan Juz 30 · Revealed 100 البينة 99 Az-Zalzalah Ang Lindol · 8 verses · Medinan Juz 30 · Revealed 93 الزلزلة 100 Al-'Adiyat Ang mga Rumaragasa · 11 verses · Meccan Juz 30 · Revealed 14 العاديات 101 Al-Qari'ah Ang Araw ng Malakas na Hiyawan · 11 verses · Meccan Juz 30 · Revealed 30 القارعة 102 At-Takathur Ang Paglikom · 8 verses · Meccan Juz 30 · Revealed 16 التكاثر 103 Al-'Asr Ang Panahon · 3 verses · Meccan Juz 30 · Revealed 13 العصر 104 Al-Humazah Ang Mapanirang-Puri · 9 verses · Meccan Juz 30 · Revealed 32 الهمزة 105 Al-Fil Ang Elepante · 5 verses · Meccan Juz 30 · Revealed 19 الفيل 106 Quraish Ang Tribo ng Quraish · 4 verses · Meccan Juz 30 · Revealed 29 قريش 107 Al-Ma'un Ang Pangangailangan ng Kapuwa · 7 verses · Meccan Juz 30 · Revealed 17 الماعون 108 Al-Kauthar Ang Kasaganaan · 3 verses · Meccan Juz 30 · Revealed 15 الكوثر 109 Al-Kafirun Ang mga Nagtatakwil ng Pananam · 6 verses · Meccan Juz 30 · Revealed 18 الكافرون 110 An-Nasr Ang Tagumpay · 3 verses · Medinan Juz 30 · Revealed 114 النصر 111 Al-Masad Ang Apoy / Ang Hibla · 5 verses · Meccan Juz 30 · Revealed 6 المسد 112 Al-Ikhlas Ang Kadalisayan ng Pananampala · 4 verses · Meccan Juz 30 · Revealed 22 الإخلاص 113 Al-Falaq Ang Madaling-araw · 5 verses · Meccan Juz 30 · Revealed 20 الفلق 114 An-Nas Ang Sangkatauhan · 6 verses · Meccan Juz 30 · Revealed 21 الناس

Reading settings

View
Compare with

Pick up to two more translations to show under each verse.

Arabic size
100%
Translation size
100%
Line spacing
Theme

Verse

Arabic tafsir
Highlight

Highlights stay in this browser and are listed on the bookmarks page. /bookmarks