Surah Maryam in Tagalog

Si Maria · سورة مريم

Meccan Verses: 98 Juz 16 Page 305 Revelation order: 44
Translation:
Al-Mukhtasar fi Tafsir al-Quran

بِسۡمِ ٱللَّهِ ٱلرَّحۡمَٰنِ ٱلرَّحِيمِ

كٓهيعٓصٓ ١

Kāf, Hā, Yā, `Ayn, Ṣād. Naunang napag-usapan ang mga katapat ng mga ito sa simula ng Kabanata Al-Baqarah.

ذِكۡرُ رَحۡمَتِ رَبِّكَ عَبۡدَهُۥ زَكَرِيَّآ ٢

Ito ay ang pagbanggit ng awa ng Panginoon mo sa lingkod Niyang si Zacarias - sumakanya ang pangangalaga. Magsasalaysay Kami nito sa iyo para sa pagsasaalang-alang dito.

إِذۡ نَادَىٰ رَبَّهُۥ نِدَآءً خَفِيࣰّا ٣

nang manalangin sa Panginoon niya - kaluwalhatian sa Kanya - ng isang pagtawag na kubli upang maging higit na malapit sa pagtugon.

قَالَ رَبِّ إِنِّي وَهَنَ ٱلۡعَظۡمُ مِنِّي وَٱشۡتَعَلَ ٱلرَّأۡسُ شَيۡبࣰا وَلَمۡ أَكُنۢ بِدُعَآئِكَ رَبِّ شَقِيࣰّا ٤

Nagsabi siya: "O Panginoon ko, tunay na humina ang mga buto ko, dumami ang uban ng ulo ko, at hindi ako nawalan ng-pag-asa sa pagdalangin ko sa Iyo, bagkus sa tuwing dumadalangin ako sa Iyo ay tumutugon Ka sa akin.

وَإِنِّي خِفۡتُ ٱلۡمَوَٰلِيَ مِن وَرَآءِي وَكَانَتِ ٱمۡرَأَتِي عَاقِرࣰا فَهَبۡ لِي مِن لَّدُنكَ وَلِيࣰّا ٥

Tunay na ako ay nangamba sa mga kamag-anak ko na hindi sila magsagawa matapos ng kamatayan ko ng karapatan ng relihiyon dahil sa pagkaka-abala nila sa kamunduhan. Ang maybahay ko naman ay baog, hindi nanganganak. Kaya magbigay ka sa akin mula sa ganang Iyo ng isang anak na tutulong,

يَرِثُنِي وَيَرِثُ مِنۡ ءَالِ يَعۡقُوبَۖ وَٱجۡعَلۡهُ رَبِّ رَضِيࣰّا ٦

na magmamana ng pagkapropeta buhat sa akin at magmamana nito mula sa angkan ni Jacob - sumakanya ang pangangalaga. Gawin Mo siya, O Panginoon ko, na maging isang kinalulugdan sa relihiyon niya, kaasalan niya, at kaalaman niya."

يَٰزَكَرِيَّآ إِنَّا نُبَشِّرُكَ بِغُلَٰمٍ ٱسۡمُهُۥ يَحۡيَىٰ لَمۡ نَجۡعَل لَّهُۥ مِن قَبۡلُ سَمِيࣰّا ٧

Kaya tumugon si Allāh sa panalangin niya at nanawagan sa kanya: "O Zacarias, tunay na Kami ay nagpapabatid sa iyo ng nakatutuwa sa iyo sapagkat tumugon Kami sa panalangin mo at nagbigay Kami sa iyo ng isang batang lalaking ang pangalan niya ay Juan. Hindi Kami nagtalaga para sa iba pa sa kanya noong wala pa siya ng pangalang ito."

قَالَ رَبِّ أَنَّىٰ يَكُونُ لِي غُلَٰمࣱ وَكَانَتِ ٱمۡرَأَتِي عَاقِرࣰا وَقَدۡ بَلَغۡتُ مِنَ ٱلۡكِبَرِ عِتِيࣰّا ٨

Nagsabi si Zacarias habang nagtataka sa kakayahan ni Allāh: "Papaanong ipanganganak para sa akin ang isang anak samantalang ang maybahay ko ay baog na hindi nanganganak at tumuntong na ako sa wakas ng edad dahil sa katandaan at kahinaan ng mga buto?"

قَالَ كَذَٰلِكَ قَالَ رَبُّكَ هُوَ عَلَيَّ هَيِّنࣱ وَقَدۡ خَلَقۡتُكَ مِن قَبۡلُ وَلَمۡ تَكُ شَيۡـࣰٔا ٩

Nagsabi ang anghel: "Ang mangyayari ay gaya ng sinabi mong ang maybahay mo ay hindi nanganganak at ikaw ay tumuntong na sa wakas ng edad dahil sa katandaan at kahinaan ng mga buto, subalit ang Panginoon mo ay nagsabing :ang paglikha ng Panginoon mo kay Juan mula sa isang inang baog at isang amang tumuntong sa wakas ng edad iyon sa Akin ay magaan, sapagkat lumikha Siya sa iyo, O Zacarias, noong bago pa niyon gayong hindi nangyaring ikaw ay anumang nababanggit dahil ikaw noon ay wala pa."

قَالَ رَبِّ ٱجۡعَل لِّيٓ ءَايَةࣰۖ قَالَ ءَايَتُكَ أَلَّا تُكَلِّمَ ٱلنَّاسَ ثَلَٰثَ لَيَالࣲ سَوِيࣰّا ١٠

Nagsabi si Zacarias - sumakanya ang pangangalaga: "O Panginoon ko, gumawa ka para sa akin ng isang palatandaang mapapanatag ako sa pamamagitan nito, na magpapatunay sa pagkaganap ng ibinalita sa akin ng mga anghel." Nagsabi siya: "Ang palatandaan mo sa pagkaganap ng ibinalita sa iyo ay na hindi mo makakayang magsalita sa mga tao nang tatlong gabi, nang walang karamdaman bagkus ikaw ay malusog na walang-sakit."

فَخَرَجَ عَلَىٰ قَوۡمِهِۦ مِنَ ٱلۡمِحۡرَابِ فَأَوۡحَىٰٓ إِلَيۡهِمۡ أَن سَبِّحُواْ بُكۡرَةࣰ وَعَشِيࣰّا ١١

Kaya lumabas si Zacarias sa mga kababayan niya mula sa pinagdarasalan at sumenyas sa kanila nang walang pagsasalita: na magluwalhati sila kay Allāh - kaluwalhatian sa Kanya - sa unang bahagi ng maghapon at sa huling bahagi nito.

يَٰيَحۡيَىٰ خُذِ ٱلۡكِتَٰبَ بِقُوَّةࣲۖ وَءَاتَيۡنَٰهُ ٱلۡحُكۡمَ صَبِيࣰّا ١٢

Ipinanganak sa kanya si Juan. Noong tumuntong siya sa gulang na makakausap siya ay nagsabi Kami sa kanya: "O Juan, kunin mo ang Torah nang may kasugiran at pagsisikap." Nagbigay Kami sa kanya ng pag-intindi, kasugiran, at pagtitika habang siya ay nasa gulang ng pagkapaslit.

وَحَنَانࣰا مِّن لَّدُنَّا وَزَكَوٰةࣰۖ وَكَانَ تَقِيࣰّا ١٣

Naawa Kami sa kanya sa isang pagkaawang mula sa ganang Amin. Nagdalisay Kami sa kanya mula sa mga pagkakasala. Siya noon ay mapangilag sa pagkakasala, na nagpapautos sa mga ipinag-uutos ni Allāh at umiiwas sa mga sinasaway Niya.

وَبَرَّۢا بِوَٰلِدَيۡهِ وَلَمۡ يَكُن جَبَّارًا عَصِيࣰّا ١٤

Siya noon ay nagpapakabuti sa mga magulang niya, mabait sa kanilang dalawa, tagapagmagandang-loob sa kanila, at hindi naging mapagmalaki laban sa pagtalima sa Panginoon niya ni sa pagtalima sa mga magulang niya ni sumusuway sa Panginoon niya o sa mga magulang niya.

وَسَلَٰمٌ عَلَيۡهِ يَوۡمَ وُلِدَ وَيَوۡمَ يَمُوتُ وَيَوۡمَ يُبۡعَثُ حَيࣰّا ١٥

Kapayapaan ay sumakanya mula kay Allāh at katiwasayan ay ukol sa kanya mula kay Allāh sa araw na ipinanganak siya, sa araw ng namatay siya at lumabas sa buhay na ito, at sa araw na ibabangon siya bilang buhay sa Araw ng Pagbangon. Ang tatlong yugtong ito ay ang pinakamapanglaw na pinagdadaanan ng tao kaya kapag natiwasay siya sa mga ito ay walang pangamba sa kanya sa anumang iba pa sa mga ito.

وَٱذۡكُرۡ فِي ٱلۡكِتَٰبِ مَرۡيَمَ إِذِ ٱنتَبَذَتۡ مِنۡ أَهۡلِهَا مَكَانࣰا شَرۡقِيࣰّا ١٦

Bumanggit ka, O Sugo, sa Qur'ān na ibinaba sa iyo ng ulat kay Maria - sumakanya ang pangangalaga - noong nagpakalayu-layo siya buhat sa mag-anak niya at bumukod siya sa isang pook sa dakong silangan mula sa kanila.

فَٱتَّخَذَتۡ مِن دُونِهِمۡ حِجَابࣰا فَأَرۡسَلۡنَآ إِلَيۡهَا رُوحَنَا فَتَمَثَّلَ لَهَا بَشَرࣰا سَوِيࣰّا ١٧

Gumawa siya para sa sarili niya, sa pagbukod sa kanila, ng isang panakip na tatakip sa kanya upang hindi sila makakita sa kanya sa sandali ng pagsamba niya sa Panginoon niya. Nagpadala Kami sa kanya kay Anghel Gabriel - sumakanya ang pangangalaga. Nag-anyo ito sa kanya sa larawan ng isang taong lubos ang pagkalikha kaya nangamba siya na magnais ito sa kanya ng isang kasagwaan.

قَالَتۡ إِنِّيٓ أَعُوذُ بِٱلرَّحۡمَٰنِ مِنكَ إِن كُنتَ تَقِيࣰّا ١٨

Kaya noong nakita niya ito sa larawan ng isang taong lubos ang pagkalikha habang dumadako sa kanya ay nagsabi siya: "Tunay na ako ay nagpapakalinga sa Napakamaawain laban sa iyo na sumapit sa akin mula sa iyo ang isang kasagwaan, O sino ka man, kung ikaw ay isang mapangilag sa pagkakasala."

قَالَ إِنَّمَآ أَنَا۠ رَسُولُ رَبِّكِ لِأَهَبَ لَكِ غُلَٰمࣰا زَكِيࣰّا ١٩

Nagsabi si Anghel Gabriel: "Ako ay hindi isang tao. Ako ay sugo lamang mula sa Panginoon mo, na nagsugo sa akin sa iyo upang maghandog ako sa iyo ng isang kaaya-ayang lalaking anak na dalisay."

قَالَتۡ أَنَّىٰ يَكُونُ لِي غُلَٰمࣱ وَلَمۡ يَمۡسَسۡنِي بَشَرࣱ وَلَمۡ أَكُ بَغِيࣰّا ٢٠

Nagsabi si Maria habang nagtataka: "Papaanong magkakaroon ako ng isang anak na lalaki samantalang hindi ako nalapitan ng isang asawa at iba pa sa kanya at hindi naman ako isang nangangalunya upang magkaroon ako ng isang anak?"

قَالَ كَذَٰلِكِ قَالَ رَبُّكِ هُوَ عَلَيَّ هَيِّنࣱۖ وَلِنَجۡعَلَهُۥٓ ءَايَةࣰ لِّلنَّاسِ وَرَحۡمَةࣰ مِّنَّاۚ وَكَانَ أَمۡرࣰا مَّقۡضِيࣰّا ٢١

Nagsabi sa kanya si Anghel Gabriel: "Ang nangyari ay gaya ng binanggit mo na ikaw ay hindi nasaling ng isang asawa ni ng iba pa at hindi nangyaring ikaw ay nangangalunya, subalit ang Panginoon mo ay nagsabi: Ang paglikha ng anak nang walang ama ay magaan sa Akin, at upang ang anak na ipagkakaloob sa iyo ay maging isang palatandaan para sa mga tao sa kakayahan ni Allāh at isang awa mula sa Kanya para sa iyo at para sa sinumang sumampalataya sa Kanya. Ang paglikha sa anak mong ito ay isang pagtatadhana mula kay Allāh na naitakda, na nakasulat sa Tablerong Pinag-iingatan."

۞ فَحَمَلَتۡهُ فَٱنتَبَذَتۡ بِهِۦ مَكَانࣰا قَصِيࣰّا ٢٢

Kaya ipinagbuntis niya ito matapos ng pag-ihip ng anghel at nagpakalayo siya kasama nito patungo sa isang pook na malayo sa mga tao.

فَأَجَآءَهَا ٱلۡمَخَاضُ إِلَىٰ جِذۡعِ ٱلنَّخۡلَةِ قَالَتۡ يَٰلَيۡتَنِي مِتُّ قَبۡلَ هَٰذَا وَكُنتُ نَسۡيࣰا مَّنسِيࣰّا ٢٣

Nasaktan ng sakit ng panganganak at pinapunta nito tungo sa katawan ng punong datiles, nagsabi si Maria - sumakanya ang pangangalaga: "O sana ako ay namatay bago ng araw na ito at naging isang bagay na hindi naaalaala upang hindi magpalagay sa akin ng kasagwaan."

فَنَادَىٰهَا مِن تَحۡتِهَآ أَلَّا تَحۡزَنِي قَدۡ جَعَلَ رَبُّكِ تَحۡتَكِ سَرِيࣰّا ٢٤

Kaya nanawagan sa kanya si Hesus mula sa ilalim niya: "Huwag kang malungkot; naglagay nga ang Panginoon mo sa ilalim mo ng isang sapa ng tubig na makaiinom ka mula rito.

وَهُزِّيٓ إِلَيۡكِ بِجِذۡعِ ٱلنَّخۡلَةِ تُسَٰقِطۡ عَلَيۡكِ رُطَبࣰا جَنِيࣰّا ٢٥

Humawak ka sa katawan ng punong datiles at yugyugin mo ito, may maglalaglagan sa iyo na mga sariwang datiles na nahinog sa oras ng mga ito.

فَكُلِي وَٱشۡرَبِي وَقَرِّي عَيۡنࣰاۖ فَإِمَّا تَرَيِنَّ مِنَ ٱلۡبَشَرِ أَحَدࣰا فَقُولِيٓ إِنِّي نَذَرۡتُ لِلرَّحۡمَٰنِ صَوۡمࣰا فَلَنۡ أُكَلِّمَ ٱلۡيَوۡمَ إِنسِيࣰّا ٢٦

Kaya kumain ka mula sa mga sariwang datiles, uminom ka mula sa tubig, at magalak ka sa ipinanganak mo at huwag kang malungkot. Kung makakikita ka kabilang sa mga tao ng isa man at nagtanong sa iyo tungkol sa lagay ng bata ay sabihin mo sa kanya: Tunay na Ako ay nagsatungkulin sa sarili ko para sa Panginoon ko ng isang pananahimik sa pagsasalita kaya hindi ako magsasalita ngayong araw sa isa man kabilang sa mga tao."

فَأَتَتۡ بِهِۦ قَوۡمَهَا تَحۡمِلُهُۥۖ قَالُواْ يَٰمَرۡيَمُ لَقَدۡ جِئۡتِ شَيۡـࣰٔا فَرِيࣰّا ٢٧

Pagkatapos ay dumating si Maria kasama ng anak niya sa mga kalipi niya habang binubuhat ito. Nagsabi sa kanya ang mga kalipi niya habang mga nagmamasama: "O Maria, talaga ngang nagdala ka ng isang bagay na sukdulang tagapanirang-puri yayamang nagdala ka ng isang anak na walang ama!

يَٰٓأُخۡتَ هَٰرُونَ مَا كَانَ أَبُوكِ ٱمۡرَأَ سَوۡءࣲ وَمَا كَانَتۡ أُمُّكِ بَغِيࣰّا ٢٨

O kawangis ni Aaron sa pagsamba (na isang lalaking maayos), ang ama mo ay hindi naging isang lalaking tagapangalunya at ang ina mo ay hindi naging isang babaing tagapangalunya at ikaw ay kabilang sa isang bahay na dalisay na kilala sa kaayusan. Kaya papaanong nagdala ka ng isang anak na walang ama?"

فَأَشَارَتۡ إِلَيۡهِۖ قَالُواْ كَيۡفَ نُكَلِّمُ مَن كَانَ فِي ٱلۡمَهۡدِ صَبِيࣰّا ٢٩

Kaya tumuro siya sa anak niyang si Hesus - sumakanya ang pangangalaga habang ito ay nasa lampin. Nagsabi sa kanya ang mga kalipi niya habang mga nagtataka: "Papaano kami makikipag-usap sa isang paslit habang ito ay nasa lampin?"

قَالَ إِنِّي عَبۡدُ ٱللَّهِ ءَاتَىٰنِيَ ٱلۡكِتَٰبَ وَجَعَلَنِي نَبِيࣰّا ٣٠

Nagsabi si Hesus - sumakanya ang pangangalaga: "Tunay na ako ay alipin ni Allāh. Nagbigay Siya sa akin ng Ebanghelyo at gumawa Siya sa akin bilang isang propeta kabilang sa mga propeta Niya.

وَجَعَلَنِي مُبَارَكًا أَيۡنَ مَا كُنتُ وَأَوۡصَٰنِي بِٱلصَّلَوٰةِ وَٱلزَّكَوٰةِ مَا دُمۡتُ حَيࣰّا ٣١

Gumawa Siya sa akin bilang maraming pakinabang sa mga tao saan man ako naroon at nag-utos Siya sa akin ng pagsasagawa ng dasal at pagbibigay ng kawanggawa sa buong buhay ko.

وَبَرَّۢا بِوَٰلِدَتِي وَلَمۡ يَجۡعَلۡنِي جَبَّارࣰا شَقِيࣰّا ٣٢

Gumawa Siya sa akin bilang isang nagpapakabuti sa ina ko. Hindi Siya gumawa sa akin bilang isang mapagmalaki laban sa pagtalima sa Kanya ni tagasuway sa Kanya.

وَٱلسَّلَٰمُ عَلَيَّ يَوۡمَ وُلِدتُّ وَيَوۡمَ أَمُوتُ وَيَوۡمَ أُبۡعَثُ حَيࣰّا ٣٣

Ang katiwasayan laban sa demonyo at mga katulong nito ay sumaakin sa araw ng panganganak sa akin, sa araw na kamatayan ko, at sa araw ng pagpabangon sa akin bilang buhay sa Araw ng Pagbangon sapagkat hindi nambulabog sa akin ang demonyo sa tatlong kalagayang nagpapapanglaw na ito.

ذَٰلِكَ عِيسَى ٱبۡنُ مَرۡيَمَۖ قَوۡلَ ٱلۡحَقِّ ٱلَّذِي فِيهِ يَمۡتَرُونَ ٣٤

Ang nailarawang iyon sa mga katangiang iyon ay si Hesus na anak ni Maria. Ang pananalitang ito ay pagsasabi ng katotohanan hinggil sa kanya, hindi ang sinasabi ng mga naliligaw na nagdududa sa lagay niya at nagkakaiba-iba.

مَا كَانَ لِلَّهِ أَن يَتَّخِذَ مِن وَلَدࣲۖ سُبۡحَٰنَهُۥٓۚ إِذَا قَضَىٰٓ أَمۡرࣰا فَإِنَّمَا يَقُولُ لَهُۥ كُن فَيَكُونُ ٣٥

Hindi nararapat para kay Allāh na magkaroon Siya ng alinmang anak; kabanal-banalan Siya para roon at nagpawalang-kaugnayan Siya. Kapag nagpasya Siya ng isang bagay ay makasasapat lamang sa Kanya - kaluwalhatian sa Kanya - na magsabi Siya sa bagay na iyon na mangyari at mangyayari iyon nang walang pasubali. Kaya ang sinumang ganyan, Siya ay napawawalang-kaugnayan sa anak.

وَإِنَّ ٱللَّهَ رَبِّي وَرَبُّكُمۡ فَٱعۡبُدُوهُۚ هَٰذَا صِرَٰطࣱ مُّسۡتَقِيمࣱ ٣٦

[Nagsabi si Hesus:] "Tunay na si Allāh - kaluwalhatian sa Kanya - ay Panginoon ko at Panginoon ninyo sa kalahatan kaya magpakawagas kayo sa Kanya sa pagsamba - tanging sa Kanya. Itong nabanggit ko sa inyo ay ang landasing tuwid nagpaparating sa kaluguran ni Allāh.

فَٱخۡتَلَفَ ٱلۡأَحۡزَابُ مِنۢ بَيۡنِهِمۡۖ فَوَيۡلࣱ لِّلَّذِينَ كَفَرُواْ مِن مَّشۡهَدِ يَوۡمٍ عَظِيمٍ ٣٧

Nagkaiba-iba ang mga nagkakaiba-iba hinggil sa pumapatungkol kay Hesus - sumakanya ang pangangalaga - kaya sila ay naging mga lapiang nagkahati-hati kabilang sa mga kababayan niya. Sumampalataya sa kanya ang iba sa kanila at nagsabi: "Siya ay isang sugo." Tumangging sumampalataya sa kanya ang mga iba pa gaya ng mga Hudyo. Nagpakalabis-labis naman kaugnay sa kanya ang mga pangkatin. Nagsabi pa ang iba sa kanila: "Siya ay si Allāh" samantalang nagsabi naman ang mga iba pa: "Siya ay anak ni Allāh." Pagkataas-taas si Allāh para roon. Kaya kapighatian ay ukol sa mga nagkakaiba-iba hinggil sa pumapatungkol sa kanya na mga saksi sa sukdulang Araw ng Pagbangon dahil sa mga masasaksihan, pagtutuos, at pagpaparusa roon.

أَسۡمِعۡ بِهِمۡ وَأَبۡصِرۡ يَوۡمَ يَأۡتُونَنَا لَٰكِنِ ٱلظَّٰلِمُونَ ٱلۡيَوۡمَ فِي ضَلَٰلࣲ مُّبِينࣲ ٣٨

Anong husay ng pagkarinig nila sa Araw na iyon at anong husay ng pagkakita nila. Nakarinig sila nang hindi nagpakinabang sa kanila ang pagdinig at nakakita sila nang hindi nagpakinabang sa kanila ang pagkakita. Subalit ang mga tagalabag sa katarungan sa buhay sa Mundo ay nasa isang pagkaligaw na maliwanag palayo sa landasing tuwid sapagkat hindi sila naghanda para sa Kabilang-buhay hanggang sa dumating ito sa kanila nang biglaan samantalang sila ay nasa paglabag nila sa katarungan.

وَأَنذِرۡهُمۡ يَوۡمَ ٱلۡحَسۡرَةِ إِذۡ قُضِيَ ٱلۡأَمۡرُ وَهُمۡ فِي غَفۡلَةࣲ وَهُمۡ لَا يُؤۡمِنُونَ ٣٩

Magbabala ka, O Sugo, sa mga tao ng araw ng pagsisisi kapag magsisisi ang tagagawa ng masagwa dahil sa paggawa niya ng masagwa at ang tagagawa ng maganda dahil sa hindi niya pagpaparami ng pagtalima, kapag natiklop na ang mga kalatas ng mga tao, nakatapos sa pagtutuos sa kanila, at pumunta ang bawat isa sa gawang ipinauna niya. Sila, sa buhay nilang makamundo, ay mga nalinlang dito, mga nalilibang sa pagwawalang-bahala sa Kabilang-buhay, habang sila ay hindi sumasampalataya sa Araw ng Pagbangon.

إِنَّا نَحۡنُ نَرِثُ ٱلۡأَرۡضَ وَمَنۡ عَلَيۡهَا وَإِلَيۡنَا يُرۡجَعُونَ ٤٠

Tunay na Kami ay ang mananatili matapos ng pagkalipol ng mga nilikha. Magmamana Kami ng lupa at magmamana Kami ng sinumang nasa ibabaw nito dahil sa pagkalipol nila at pananatili Namin matapos nila. Naghari Kami sa kanila at gumawa Kami sa kanila ng anumang niloloob Namin. Sa Amin - tanging sa Amin - sila ibabalik sa Araw ng Pagbangon para sa pagtutuos at pagganti.

وَٱذۡكُرۡ فِي ٱلۡكِتَٰبِ إِبۡرَٰهِيمَۚ إِنَّهُۥ كَانَ صِدِّيقࣰا نَّبِيًّا ٤١

Bumanggit ka, O Sugo, sa Qur'ān na ibinaba sa iyo, ng ulat kay Abraham - sumakanya ang pangangalaga. Tunay na siya noon ay lubusan sa katapatan at paniniwala sa mga tanda ni Allāh at isang propeta sa ganang kay Allāh.

إِذۡ قَالَ لِأَبِيهِ يَٰٓأَبَتِ لِمَ تَعۡبُدُ مَا لَا يَسۡمَعُ وَلَا يُبۡصِرُ وَلَا يُغۡنِي عَنكَ شَيۡـࣰٔا ٤٢

[Banggitin] noong nagsabi siya sa ama niyang si Āzar: "O ama ko, bakit ka sumasamba sa iba pa kay Allāh, sa isang diyus-diyusang hindi nakaririnig sa panalangin mo kung dumalangin ka roon, hindi nakakikita sa pagsamba mo kung sumamba ka roon, hindi nag-aalis sa iyo ng pinsala, at hindi nagdudulot sa iyo ng pakinabang?

يَٰٓأَبَتِ إِنِّي قَدۡ جَآءَنِي مِنَ ٱلۡعِلۡمِ مَا لَمۡ يَأۡتِكَ فَٱتَّبِعۡنِيٓ أَهۡدِكَ صِرَٰطࣰا سَوِيࣰّا ٤٣

O ama ko, tunay na dumating sa akin ang kaalaman sa pamamagitan ng pagkasi na hindi dumating sa iyo; kaya sumunod ka sa akin, gagabay ako sa iyo sa isang daang tuwid.

يَٰٓأَبَتِ لَا تَعۡبُدِ ٱلشَّيۡطَٰنَۖ إِنَّ ٱلشَّيۡطَٰنَ كَانَ لِلرَّحۡمَٰنِ عَصِيࣰّا ٤٤

O ama ko, huwag kang sumamba sa demonyo sa pamamagitan ng pagtalima mo sa kanya. Tunay na ang demonyo ay laging isang tagasuway sa Napakamaawain yayamang nag-utos Siya rito ng pagpapatirapa kay Adan ngunit hindi ito nagpatirapa.

يَٰٓأَبَتِ إِنِّيٓ أَخَافُ أَن يَمَسَّكَ عَذَابࣱ مِّنَ ٱلرَّحۡمَٰنِ فَتَكُونَ لِلشَّيۡطَٰنِ وَلِيࣰّا ٤٥

O ama ko, tunay na ako ay nangangamba na dapuan ka ng isang pagdurusa mula sa Napakamaawain kung namatay ka sa kawalang-pananampalataya mo kaya ikaw ay magiging isang kasama sa kanya sa pagdurusa dahil sa pagtangkilik mo sa kanya."

قَالَ أَرَاغِبٌ أَنتَ عَنۡ ءَالِهَتِي يَٰٓإِبۡرَٰهِيمُۖ لَئِن لَّمۡ تَنتَهِ لَأَرۡجُمَنَّكَۖ وَٱهۡجُرۡنِي مَلِيࣰّا ٤٦

Nagsabi si Āzar sa anak niyang si Abraham - sumakanya ang pangangalaga: "Umaayaw ka ba sa mga anito ko na sinasamba ko, O Abraham? Talagang kung hindi ka magpipigil sa pangungutya sa mga anito ko ay talagang pupukol nga ako sa iyo ng bato. Humiwalay ka sa akin sa mahabang panahon kaya huwag kang magsalita sa akin at huwag kang makipagtagpo sa akin!"

قَالَ سَلَٰمٌ عَلَيۡكَۖ سَأَسۡتَغۡفِرُ لَكَ رَبِّيٓۖ إِنَّهُۥ كَانَ بِي حَفِيࣰّا ٤٧

Nagsabi si Abraham - sumakanya ang pangangalaga - sa ama niya: "Kapayapaan ay sumaiyo mula sa akin! Hindi magdudulot sa iyo ang kinasusuklaman mo mula sa akin. Hihiling ako para sa iyo ng kapatawaran at kapatnubayan mula sa Panginoon ko. Tunay na Siya - kaluwalhatian sa Kanya - ay puspos ng kabaitan sa akin.

وَأَعۡتَزِلُكُمۡ وَمَا تَدۡعُونَ مِن دُونِ ٱللَّهِ وَأَدۡعُواْ رَبِّي عَسَىٰٓ أَلَّآ أَكُونَ بِدُعَآءِ رَبِّي شَقِيࣰّا ٤٨

Makikipaghiwalay ako sa inyo at makikipaghiwalay ako sa mga sinasamba ninyong sinasamba ninyo bukod pa kay Allāh. Dadalangin ako sa Panginoon ko - tanging sa Kanya - nang hindi ako nagtatambal sa Kanya ng anuman. Marahil hindi Siya magkakait sa akin kapag dumalangin ako sa Kanya para ako, sa pagdalangin sa Kanya, ay hindi maging isang malumbay."

فَلَمَّا ٱعۡتَزَلَهُمۡ وَمَا يَعۡبُدُونَ مِن دُونِ ٱللَّهِ وَهَبۡنَا لَهُۥٓ إِسۡحَٰقَ وَيَعۡقُوبَۖ وَكُلࣰّا جَعَلۡنَا نَبِيࣰّا ٤٩

Kaya noong iniwan niya sila at iniwan niya ang mga diyos nila na sinasamba nila bukod pa kay Allāh ay tinumbasan Namin siya sa pagkawala ng mag-anak niya. Ipinagkaloob Namin para sa kanya ang anak niyang si Isaac at ipinagkaloob Namin para sa kanya ang apo niyang si Jacob. Bawat isa sa dalawang ito ay ginawa Naming propeta.

وَوَهَبۡنَا لَهُم مِّن رَّحۡمَتِنَا وَجَعَلۡنَا لَهُمۡ لِسَانَ صِدۡقٍ عَلِيࣰّا ٥٠

Nagkaloob Kami sa kanila mula sa awa Namin kasama ng pagkapropeta ng kabutihang marami. Gumawa Kami para sa kanila ng isang magandang pagbubunying nagpapatuloy sa mga dila ng mga tao.

وَٱذۡكُرۡ فِي ٱلۡكِتَٰبِ مُوسَىٰٓۚ إِنَّهُۥ كَانَ مُخۡلَصࣰا وَكَانَ رَسُولࣰا نَّبِيࣰّا ٥١

Banggitin mo, O Sugo, sa Qur'ān na ibinaba sa iyo ang ulat kay Moises - sumakanya ang pangangalaga. Tunay na siya ay naging isang piniling itinangi at naging isang sugo na propeta.

وَنَٰدَيۡنَٰهُ مِن جَانِبِ ٱلطُّورِ ٱلۡأَيۡمَنِ وَقَرَّبۡنَٰهُ نَجِيࣰّا ٥٢

Tinawag si Moises ni Allāh mula sa gilid ng bundok sa kanan kaugnay sa kinaroroonan niya - sumakanya ang pangangalaga - at pinalapit siya upang makipagtapatan kung saan ipinarinig sa kanya ang salita ni Allāh.

وَوَهَبۡنَا لَهُۥ مِن رَّحۡمَتِنَآ أَخَاهُ هَٰرُونَ نَبِيࣰّا ٥٣

Nagkaloob Kami sa kanya - mula sa awa Namin at pagbibiyaya Namin sa kanya - ng kapatid niyang si Aaron - sumakanya ang pangangalaga - bilang isang propeta bilang pagtugon sa panalangin niya nang humiling siya sa Panginoon niya niyon.

وَٱذۡكُرۡ فِي ٱلۡكِتَٰبِ إِسۡمَٰعِيلَۚ إِنَّهُۥ كَانَ صَادِقَ ٱلۡوَعۡدِ وَكَانَ رَسُولࣰا نَّبِيࣰّا ٥٤

Banggitin mo, O Sugo, sa Qur'ān na ibinaba sa iyo ang ulat kay Ismael - sumakanya ang pangangalaga. Tunay na siya ay tapat sa pangako: hindi siya nangangako ng isang pangako malibang tinutupad niya ito, at naging isang sugo na propeta.

وَكَانَ يَأۡمُرُ أَهۡلَهُۥ بِٱلصَّلَوٰةِ وَٱلزَّكَوٰةِ وَكَانَ عِندَ رَبِّهِۦ مَرۡضِيࣰّا ٥٥

Siya noon ay nag-uutos sa mag-anak niya ng pagpapanatili sa pagdarasal at pagbibigay ng kawanggawa at siya noon sa ganang Panginoon niya ay isang kinalulugdan.

وَٱذۡكُرۡ فِي ٱلۡكِتَٰبِ إِدۡرِيسَۚ إِنَّهُۥ كَانَ صِدِّيقࣰا نَّبِيࣰّا ٥٦

Bumanggit ka, O Sugo, sa Qur'ān na ibinaba sa iyo ng ulat kay Enoc - sumakanya ang pangangalaga. Tunay na siya noon ay lubusan sa katapatan at paniniwala sa mga tanda ni Allāh at siya noon ay isang propeta kabilang sa mga propeta ni Allāh.

وَرَفَعۡنَٰهُ مَكَانًا عَلِيًّا ٥٧

Nag-angat Kami sa reputasyon niya dahil sa ibinigay Namin sa kanya na pagkapropeta kaya siya noon ay mataas ang kalagayan.

أُوْلَٰٓئِكَ ٱلَّذِينَ أَنۡعَمَ ٱللَّهُ عَلَيۡهِم مِّنَ ٱلنَّبِيِّـۧنَ مِن ذُرِّيَّةِ ءَادَمَ وَمِمَّنۡ حَمَلۡنَا مَعَ نُوحࣲ وَمِن ذُرِّيَّةِ إِبۡرَٰهِيمَ وَإِسۡرَٰٓءِيلَ وَمِمَّنۡ هَدَيۡنَا وَٱجۡتَبَيۡنَآۚ إِذَا تُتۡلَىٰ عَلَيۡهِمۡ ءَايَٰتُ ٱلرَّحۡمَٰنِ خَرُّواْۤ سُجَّدࣰاۤ وَبُكِيࣰّا۩ ٥٨

Ang mga nabanggit na iyon sa kabanatang ito sa pagsisimula kay Zacarias at pagwawakas kay Enoc - sumakanilang dalawa ang pangangalaga - ay ang mga nagbibiyaya si Allāh sa kanila ng pagkapropeta kabilang sa mga anak ni Adan - sumakanya ang pangangalaga - kabilang sa mga anak ng mga dinala Namin sa daong kasama ni Noe - sumakanya ang pangangalaga - kabilang sa mga anak ni Abraham at mga anak ni Jacob - sumakanilang dalawa ang pangangalaga, at kabilang sa itinuon Namin sa kapatnubayan tungo sa Islām, pinili Namin, at hinirang Namin bilang mga propeta. Sila noon, kapag nakarinig sa mga tanda ni Allāh, ay nagpapatirapa kay Allāh habang mga umiiyak dala ng takot sa Kanya.

۞ فَخَلَفَ مِنۢ بَعۡدِهِمۡ خَلۡفٌ أَضَاعُواْ ٱلصَّلَوٰةَ وَٱتَّبَعُواْ ٱلشَّهَوَٰتِۖ فَسَوۡفَ يَلۡقَوۡنَ غَيًّا ٥٩

Ngunit may dumating, noong matapos ng mga propetang hinirang na ito, na mga tagasunod ng kasagwaan at pagkaligaw. Sinayang nila ang pagdarasal sapagkat hindi sila nagsagawa nito ayon sa hinihiling na paraan at nagsagawa sila ng mga ninanasa ng mga sarili nila na mga pagsuway gaya ng pangangalunya kaya mahaharap sila sa isang kasamaan sa Impiyerno at isang kabiguan,

إِلَّا مَن تَابَ وَءَامَنَ وَعَمِلَ صَٰلِحࣰا فَأُوْلَٰٓئِكَ يَدۡخُلُونَ ٱلۡجَنَّةَ وَلَا يُظۡلَمُونَ شَيۡـࣰٔا ٦٠

maliban sa sinumang nagbalik-loob mula sa pagkukulang niya at pagpapabaya niya, sumampalataya kay Allāh, at gumawa ng gawang maayos sapagkat ang mga nailarawang iyon sa mga katangiang ito ay papasok sa Paraiso at hindi sila babawasan ng anuman mula sa mga pabuya sa mga gawa nila kahit kaunti man.

جَنَّٰتِ عَدۡنٍ ٱلَّتِي وَعَدَ ٱلرَّحۡمَٰنُ عِبَادَهُۥ بِٱلۡغَيۡبِۚ إِنَّهُۥ كَانَ وَعۡدُهُۥ مَأۡتِيࣰّا ٦١

[Iyon] ang mga hardin ng pananatili at pagtigil na ipinangako ng Napakamaawain sa mga lingkod Niyang mga maayos sa Lingid, na magpapasok Siya sa kanila sa mga iyon, gayong sila ay hindi nakakita sa mga iyon ngunit sumampalataya sila sa mga iyon sapagkat ang pangako ni Allāh ng paraiso - kahit pa man lingid sa pandama - ay darating nang walang pasubali.

لَّا يَسۡمَعُونَ فِيهَا لَغۡوًا إِلَّا سَلَٰمࣰاۖ وَلَهُمۡ رِزۡقُهُمۡ فِيهَا بُكۡرَةࣰ وَعَشِيࣰّا ٦٢

Hindi sila makaririnig doon ng pag-uusisa ni pananalitang mahalay, bagkus makaririnig sila ng pagbati ng iba sa kanila sa iba pa at ng pagbati ng mga anghel sa kanila. Pupunta sa kanila ang ninanasa nilang pagkain doon sa umaga at hapon.

تِلۡكَ ٱلۡجَنَّةُ ٱلَّتِي نُورِثُ مِنۡ عِبَادِنَا مَن كَانَ تَقِيࣰّا ٦٣

Itong Paraisong nailarawan sa mga katangiang ito ay ang ipamamana Namin sa kabilang sa mga lingkod Namin na naging tagasunod sa mga ipinag-uutos at tagaiwas sa mga sinasaway.

وَمَا نَتَنَزَّلُ إِلَّا بِأَمۡرِ رَبِّكَۖ لَهُۥ مَا بَيۡنَ أَيۡدِينَا وَمَا خَلۡفَنَا وَمَا بَيۡنَ ذَٰلِكَۚ وَمَا كَانَ رَبُّكَ نَسِيࣰّا ٦٤

Sabihin mo, O Gabriel, kay Muḥammad - ang pagpapala at ang pangangalaga ay sumakanya: "Tunay na ang mga anghel ay hindi nagbababaan ayon sa pagkukusa ng mga sarili nila; nagbababaan lamang sila ayon sa utos ni Allāh. Kay Allāh ang kahaharapin natin na nauukol sa Kabilang-buhay, ang maiiwan natin na nauukol sa Mundo, at ang anumang nasa pagitan ng Mundo at Kabilang-buhay. Laging ang Panginoon mo, O Sugo, ay hindi lumilimot kahit sa maliit na bagay

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا فَٱعۡبُدۡهُ وَٱصۡطَبِرۡ لِعِبَٰدَتِهِۦۚ هَلۡ تَعۡلَمُ لَهُۥ سَمِيࣰّا ٦٥

Ang Tagapaglikha ng mga langit, ang Tagapaglikha ng lupa, ang May-ari ng mga ito, ang Tagapangasiwa ng mga ito, ang Tagapalikha ng anumang nasa pagitan ng mga ito, ang Tagapagmay-ari ng mga ito, at ang Tagapangasiwa ng mga ito, kaya sumamba ka sa Kanya - tanging sa Kanya - sapagkat Siya ang karapat-dapat sa pagsamba at magpakatatag ka sa pagsamba sa Kanya sapagkat wala Siyang katulad ni katapat na nakikihati sa Kanya sa pagsamba.

وَيَقُولُ ٱلۡإِنسَٰنُ أَءِذَا مَا مِتُّ لَسَوۡفَ أُخۡرَجُ حَيًّا ٦٦

Magsasabi ang tagatangging sumampalatayang nagkakaila sa pagkabuhay bilang pangungutya: "Kapag namatay ba ako, tunay na ako ay ilalabas na buhay mula sa libingan ko sa ikalawang buhay? Tunay na ito ay talagang imposible."

أَوَلَا يَذۡكُرُ ٱلۡإِنسَٰنُ أَنَّا خَلَقۡنَٰهُ مِن قَبۡلُ وَلَمۡ يَكُ شَيۡـࣰٔا ٦٧

Hindi ba inaalaala ng tagapagkailang ito sa pagkabuhay na Kami ay lumikha sa kanya noong una samantalang siya noon ay hindi isang bagay? Nagpapatnubay sa pamamagitan ng unang paglikha sa ikalawang paglikha gayong ang ikalawang paglikha ay higit na madali at higit na magaan.

فَوَرَبِّكَ لَنَحۡشُرَنَّهُمۡ وَٱلشَّيَٰطِينَ ثُمَّ لَنُحۡضِرَنَّهُمۡ حَوۡلَ جَهَنَّمَ جِثِيࣰّا ٦٨

Kaya sumpa man sa Panginoon mo, O Sugo, talagang magpapalabas nga Kami sa kanila mula sa mga libingan nila patungo sa Tipunan, na mga sasamahan ng mga demonyo nilang nagpaligaw sa kanila. Pagkatapos ay talagang magdadala nga Kami sa kanila sa mga pintuan ng Impiyerno bilang mga aba na mga nakaluhod sa mga tuhod nila.

ثُمَّ لَنَنزِعَنَّ مِن كُلِّ شِيعَةٍ أَيُّهُمۡ أَشَدُّ عَلَى ٱلرَّحۡمَٰنِ عِتِيࣰّا ٦٩

Pagkatapos ay talagang hahatak nga Kami nang may lakas at karahasan mula sa bawat pangkatin kabilang sa mga pangkatin ng pagkaligaw sa pinakamatindi sa kanila sa pagsuway. Sila ay ang mga pinuno nila.

ثُمَّ لَنَحۡنُ أَعۡلَمُ بِٱلَّذِينَ هُمۡ أَوۡلَىٰ بِهَا صِلِيࣰّا ٧٠

Pagkatapos ay talagang Kami ay higit na nakaaalam sa mga higit na karapat-dapat doon sa pagpasok sa Apoy at pagdanas sa init niyon at pasakit doon.

وَإِن مِّنكُمۡ إِلَّا وَارِدُهَاۚ كَانَ عَلَىٰ رَبِّكَ حَتۡمࣰا مَّقۡضِيࣰّا ٧١

Walang kabilang sa inyo, O mga tao, na isa man malibang tatawid sa ibabaw ng landasing itinukod sa ibabaw ng Impiyerno. Ang pagtawid na ito ay isang pagtatadhanang pinagtibay na itinadhana ni Allāh kaya walang makapagtutulak sa itinadhana Niya.

ثُمَّ نُنَجِّي ٱلَّذِينَ ٱتَّقَواْ وَّنَذَرُ ٱلظَّٰلِمِينَ فِيهَا جِثِيࣰّا ٧٢

Pagkatapos matapos ng pagtawid na ito sa landasin ay magliligtas Kami sa mga nangilag magkasala sa Panginoon nila dahil sa pagsunod nila sa mga ipinag-utos Niya at pag-iwas sa mga sinaway Niya, at mag-iiwan Kami sa mga tagalabag sa katarungan na mga nakaluhod sa mga tuhod nila, na hindi nakakakaya ang pagtakas mula roon.

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتࣲ قَالَ ٱلَّذِينَ كَفَرُواْ لِلَّذِينَ ءَامَنُوٓاْ أَيُّ ٱلۡفَرِيقَيۡنِ خَيۡرࣱ مَّقَامࣰا وَأَحۡسَنُ نَدِيࣰّا ٧٣

Kapag binibigkas sa mga tao ang mga tanda Naming ibinaba sa Sugo Namin nang maliliwanag ay nagsasabi ang mga tagatangging sumampalataya sa mga mananampalataya: "Alin sa dalawang pangkat natin ang higit na mabuti sa paninirahan at tahanan at higit na maganda sa pagtitipon at tagpuan: ang pangkat namin o ang pangkat ninyo?"

وَكَمۡ أَهۡلَكۡنَا قَبۡلَهُم مِّن قَرۡنٍ هُمۡ أَحۡسَنُ أَثَٰثࣰا وَرِءۡيࣰا ٧٤

Anong dami ang mga kalipunang ipinahamak Namin bago nitong mga tagatangging sumampalataya na nagmamayabang ng taglay nilang kahigitang materyal. [Ang kalipunang] iyon ay higit na mahusay kaysa sa kanila sa mga yaman at higit na mahusay sa panlabas na anyo dahil sa kamahalan ng mga kasuutan nila at pagtatamasa ng karangyaan ng mga katawan nila.

قُلۡ مَن كَانَ فِي ٱلضَّلَٰلَةِ فَلۡيَمۡدُدۡ لَهُ ٱلرَّحۡمَٰنُ مَدًّاۚ حَتَّىٰٓ إِذَا رَأَوۡاْ مَا يُوعَدُونَ إِمَّا ٱلۡعَذَابَ وَإِمَّا ٱلسَّاعَةَ فَسَيَعۡلَمُونَ مَنۡ هُوَ شَرࣱّ مَّكَانࣰا وَأَضۡعَفُ جُندࣰا ٧٥

Sabihin mo, O Sugo: "Ang mga nabubulabog sa pagkaligaw nila ay magpapalugit sa kanila ang Napakamaawain hanggang sa madagdagan sila ng pagkaligaw hanggang sa kapag napagmasdan na nila ang ipinangangako sa kanila noon na pagdurusang minadali sa Mundo o ipinagpaliban sa Araw ng Pagbangon ay malalaman nila sa sandaling iyon kung sino ang higit na masama sa katayuan at ang higit na kaunti sa tagapag-adya: kung ito ba ay ang pangkat nila o ang pangkat ng mga mananampalataya?"

وَيَزِيدُ ٱللَّهُ ٱلَّذِينَ ٱهۡتَدَوۡاْ هُدࣰىۗ وَٱلۡبَٰقِيَٰتُ ٱلصَّٰلِحَٰتُ خَيۡرٌ عِندَ رَبِّكَ ثَوَابࣰا وَخَيۡرࣱ مَّرَدًّا ٧٦

Katapat ng pagpapalugit para sa mga iyon upang madagdagan sila ng pagkaligaw, nagdaragdag si Allāh sa mga napatnubayan ng pananampalataya at pagtalima. Ang mga gawang maayos na nagpapahantong sa kaligayahang mananatili ay higit na kapaki-pakinabang sa ganang Panginoon mo, O Sugo, sa ganti at higit na mabuti sa kahihinatnan.

أَفَرَءَيۡتَ ٱلَّذِي كَفَرَ بِـَٔايَٰتِنَا وَقَالَ لَأُوتَيَنَّ مَالࣰا وَوَلَدًا ٧٧

Nakita mo ba, O Sugo, ang tumangging sumampalataya sa mga katwiran Namin, nagkaila sa banta Namin, at nagsabi: "Kung mamamatay ako at bubuhayin ako ay talagang bibigyan nga ako ng maraming yaman at mga anak."

أَطَّلَعَ ٱلۡغَيۡبَ أَمِ ٱتَّخَذَ عِندَ ٱلرَّحۡمَٰنِ عَهۡدࣰا ٧٨

Nalaman ba niya ang Lingid kaya nagsabi siya ng sinabi niya ayon sa patunay? O gumawa siya sa Panginoon niya ng isang tipan na talagang papapasukin nga siya sa Paraiso at bibigyan nga siya ng yaman at mga anak?

كَلَّاۚ سَنَكۡتُبُ مَا يَقُولُ وَنَمُدُّ لَهُۥ مِنَ ٱلۡعَذَابِ مَدࣰّا ٧٩

Ang usapin ay hindi gaya ng inaakala niya! Magsusulat Kami sa sinasabi niya at ginagawa niya, at magdaragdag Kami sa kanya ng pagdurusa sa ibabaw ng pagdurusa niya dahil sa pag-aangkin niya ng kabulaanan.

وَنَرِثُهُۥ مَا يَقُولُ وَيَأۡتِينَا فَرۡدࣰا ٨٠

Magmamana Kami sa kanya ng naiwan niyang yaman at anak matapos ng pagpahamak Namin sa kanya. Pupunta siya sa Amin sa Araw ng Pagbangon nang bukod-tangi, na inalis sa kanya ang anumang dating tinatamasa niyang yaman at reputasyon.

وَٱتَّخَذُواْ مِن دُونِ ٱللَّهِ ءَالِهَةࣰ لِّيَكُونُواْ لَهُمۡ عِزࣰّا ٨١

Gumawa ang mga tagapagtambal para sa kanila ng mga sinasamba bukod pa kay Allāh upang mangyaring mayroon silang tagapagtaguyod at tagatulong na mag-aadya sa kanila.

كَلَّاۚ سَيَكۡفُرُونَ بِعِبَادَتِهِمۡ وَيَكُونُونَ عَلَيۡهِمۡ ضِدًّا ٨٢

Ang usapin ay hindi gaya ng inaakala nila sapagkat ang mga sinasambang ito na sinasamba nila bukod pa kay Allāh ay magtatatwa sa pagsamba ng mga tagapagtambal sa mga ito sa Araw ng Pagkabuhay, magpapawalang-kaugnayan sa kanila, at magiging mga kaaway sa kanila.

أَلَمۡ تَرَ أَنَّآ أَرۡسَلۡنَا ٱلشَّيَٰطِينَ عَلَى ٱلۡكَٰفِرِينَ تَؤُزُّهُمۡ أَزࣰّا ٨٣

Hindi mo ba nakita, O Sugo, na Kami ay nagpadala sa mga demonyo at nagpangibabaw sa mga tagatangging sumampalataya, na nagbubuyo sa kanila sa paggawa ng mga pagsuway at pagbalakid sa Islām sa isang pagbubuyo?

فَلَا تَعۡجَلۡ عَلَيۡهِمۡۖ إِنَّمَا نَعُدُّ لَهُمۡ عَدࣰّا ٨٤

Kaya huwag kang magmabilis, O Sugo, sa paghiling kay Allāh na madaliin Niya ang kapahamakan nila. Binibilang lamang ang mga buhay nila sa isang pagbilang hanggang sa kapag nagwakas ang oras ng pagpapalugit sa kanila ay magpaparusa sa kanila ng naging karapat-dapat sa kanila.

يَوۡمَ نَحۡشُرُ ٱلۡمُتَّقِينَ إِلَى ٱلرَّحۡمَٰنِ وَفۡدࣰا ٨٥

Banggitin mo, O Sugo, ang Araw na titipunin ang mga tagapangilag sa pagkakasala sa Panginoon nila sa pamamagitan ng pagsunod sa mga ipinag-uutos Niya at pag-iwas sa mga sinasaway Niya patungo sa Panginoon nila sa isang delegasyon bilang mga pinararangalan at mga iginagalang.

وَنَسُوقُ ٱلۡمُجۡرِمِينَ إِلَىٰ جَهَنَّمَ وِرۡدࣰا ٨٦

Maghahatid Kami sa mga salarin sa Impiyerno bilang mga uhaw.

لَّا يَمۡلِكُونَ ٱلشَّفَٰعَةَ إِلَّا مَنِ ٱتَّخَذَ عِندَ ٱلرَّحۡمَٰنِ عَهۡدࣰا ٨٧

Hindi makapagdudulot itong mga tagatangging sumampalataya ng Pamamagitan sa iba sa kanila maliban sa sinumang gumawa kay Allāh sa Mundo ng isang tipan ng pagsampalataya sa Kanya at sa mga sugo Niya.

وَقَالُواْ ٱتَّخَذَ ٱلرَّحۡمَٰنُ وَلَدࣰا ٨٨

Nagsabi ang mga Hudyo, ang mga Kristiyano, at ang iba sa mga tagapagtambal: "Gumawa ang Napakamaawain ng anak."

لَّقَدۡ جِئۡتُمۡ شَيۡـًٔا إِدࣰّا ٨٩

Talaga ngang nakagawa kayo, O mga tagapagsabi nito, ng isang bagay na mabigat.

تَكَادُ ٱلسَّمَٰوَٰتُ يَتَفَطَّرۡنَ مِنۡهُ وَتَنشَقُّ ٱلۡأَرۡضُ وَتَخِرُّ ٱلۡجِبَالُ هَدًّا ٩٠

Halos ang mga langit ay nagkakabiyak-biyak dahil sa nakasasamang sabing ito, halos ang lupa ay nagkalamat-lamat, at halos ang mga bundok ay bumagsak na naguho.

أَن دَعَوۡاْ لِلرَّحۡمَٰنِ وَلَدࣰا ٩١

Lahat ng iyon ay dahil nag-ugnay sila para sa Napakamaawain ng anak. Pagkataas-taas Siya para roon ayon sa kataasang malaki.

وَمَا يَنۢبَغِي لِلرَّحۡمَٰنِ أَن يَتَّخِذَ وَلَدًا ٩٢

Hindi nagiging matuwid na gumawa ang Napakamaawain ng anak dahil sa pagkakawalang-kaugnayan Niya roon.

إِن كُلُّ مَن فِي ٱلسَّمَٰوَٰتِ وَٱلۡأَرۡضِ إِلَّآ ءَاتِي ٱلرَّحۡمَٰنِ عَبۡدࣰا ٩٣

Walang [magagawa] ang bawat sinumang nasa mga langit kabilang sa mga anghel at [nasa lupa] kabilang sa tao at jinn kundi pupunta sa Panginoon niya sa Araw ng Pagbangon bilang isang tagapagpasakop.

لَّقَدۡ أَحۡصَىٰهُمۡ وَعَدَّهُمۡ عَدࣰّا ٩٤

Talaga ngang nakasaklaw Siya sa kanila sa kaalaman at bumilang Siya sa kanila sa isang pagbilang kaya walang naikukubli sa Kanya mula sa kanila na anuman.

وَكُلُّهُمۡ ءَاتِيهِ يَوۡمَ ٱلۡقِيَٰمَةِ فَرۡدًا ٩٥

Bawat isa sa kanila ay pupunta sa Kanya sa Araw ng Pagbangon nang namumukod-tangi na walang tagapag-adya ni yaman.

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ سَيَجۡعَلُ لَهُمُ ٱلرَّحۡمَٰنُ وُدࣰّا ٩٦

Tunay na ang mga sumampalataya kay Allāh at gumawa ng mga gawang maayos na kinalulugdan sa ganang kay Allāh ay magtatalaga Siya para sa kanila ng pag-ibig sa pamamagitan ng pagkaibig Niya sa kanila at pagpapaibig sa kanila sa mga lingkod Niya.

فَإِنَّمَا يَسَّرۡنَٰهُ بِلِسَانِكَ لِتُبَشِّرَ بِهِ ٱلۡمُتَّقِينَ وَتُنذِرَ بِهِۦ قَوۡمࣰا لُّدࣰّا ٩٧

Kaya nagpadali lamang Kami ng Qur'ān na ito sa pamamagitan ng pagpababa nito sa wika mo, O Sugo, upang magbalita ka nito ng nakatutuwa sa mga tagapangilag sa pagkakasala na sumusunod sa mga ipinag-uutos Ko at umiiwas sa mga sinasaway Ko, at magpangamba ka nito sa mga taong matitindi sa alitan at pagmamalaki laban sa pagpapasailalim sa katotohanan.

وَكَمۡ أَهۡلَكۡنَا قَبۡلَهُم مِّن قَرۡنٍ هَلۡ تُحِسُّ مِنۡهُم مِّنۡ أَحَدٍ أَوۡ تَسۡمَعُ لَهُمۡ رِكۡزَۢا ٩٨

Anong dami ang mga kalipunang ipinahamak Namin noong bago pa ng mga kababayan mo! Nakadarama ka ba ngayong araw sa isa sa mga kalipunang iyon? Nakaririnig ka ba sa kanila ng isang tinig na kubli? Ang dumapo sa kanila ay maaaring dumapo sa iba pa sa kanila kapag nagpahintulot si Allāh.

Other translations of this surah

Tafsir of this surah in Arabic Al-Mukhtasar fi Tafsir al-Quran

Surahs

1 Al-Fatihah Al-Fâtiha · 7 verses · Meccan Juz 1 · Revealed 5 الفاتحة 2 Al-Baqarah Ang Baka · 286 verses · Medinan Juz 1 · Revealed 87 البقرة 3 Al-Imran Ang Pamilya ni Imran · 200 verses · Medinan Juz 3 · Revealed 89 آل عمران 4 An-Nisa' Ang Kababaihan · 176 verses · Medinan Juz 4 · Revealed 92 النساء 5 Al-Ma'idah Ang Hapag na may Pagkain · 120 verses · Medinan Juz 6 · Revealed 112 المائدة 6 Al-An'am Ang mga Baka · 165 verses · Meccan Juz 7 · Revealed 55 الأنعام 7 Al-A'raf Ang mga Matatayog na Pader · 206 verses · Meccan Juz 8 · Revealed 39 الأعراف 8 Al-Anfal Ang mga Labi ng Digmaan · 75 verses · Medinan Juz 9 · Revealed 88 الأنفال 9 At-Taubah Ang Pagsisisi · 129 verses · Medinan Juz 10 · Revealed 113 التوبة 10 Yunus Si Propeta Jonah · 109 verses · Meccan Juz 11 · Revealed 51 يونس 11 Hood Si Propeta Hud · 123 verses · Meccan Juz 11 · Revealed 52 هود 12 Yusuf Si Propeta Jose · 111 verses · Meccan Juz 12 · Revealed 53 يوسف 13 Ar-Ra'd Ang Kidlat · 43 verses · Medinan Juz 13 · Revealed 96 الرعد 14 Ibrahim Si Propeta Ibrahim · 52 verses · Meccan Juz 13 · Revealed 72 إبراهيم 15 Al-Hijr Ang Mabatong Lupain · 99 verses · Meccan Juz 14 · Revealed 54 الحجر 16 An-Nahl Ang Bubuyog · 128 verses · Meccan Juz 14 · Revealed 70 النحل 17 Al-Isra Ang mga Angkan ni Israel · 111 verses · Meccan Juz 15 · Revealed 50 الإسراء 18 Al-Kahf Ang Yungib · 110 verses · Meccan Juz 15 · Revealed 69 الكهف 19 Maryam Si Maria · 98 verses · Meccan Juz 16 · Revealed 44 مريم 20 Ta­Ha Ta Ha · 135 verses · Meccan Juz 16 · Revealed 45 طه 21 Al-Anbiya' Ang mga Propeta · 112 verses · Meccan Juz 17 · Revealed 73 الأنبياء 22 Al-Hajj Ang Itinakdang Paglalakbay sa · 78 verses · Medinan Juz 17 · Revealed 103 الحج 23 Al-Mu'minun Ang mga Mananampalataya · 118 verses · Meccan Juz 18 · Revealed 74 المؤمنون 24 An-Nur Ang Liwanag · 64 verses · Medinan Juz 18 · Revealed 102 النور 25 Al-Furqan Ang Panuri · 77 verses · Meccan Juz 18 · Revealed 42 الفرقان 26 Ash-Shu'ara' Ang mga Makata · 227 verses · Meccan Juz 19 · Revealed 47 الشعراء 27 An-Naml Ang mga Langgam · 93 verses · Meccan Juz 19 · Revealed 48 النمل 28 Al-Qasas Ang Salaysay · 88 verses · Meccan Juz 20 · Revealed 49 القصص 29 Al-'Ankabut Ang Gagamba · 69 verses · Meccan Juz 20 · Revealed 85 العنكبوت 30 Ar­Room Ang mga Romano · 60 verses · Meccan Juz 21 · Revealed 84 الروم 31 Luqman Si Luqman · 34 verses · Meccan Juz 21 · Revealed 57 لقمان 32 As­Sajdah Ang Pagpapatirapa · 30 verses · Meccan Juz 21 · Revealed 75 السجدة 33 Al­Ahzab Ang mga Magkakaanib · 73 verses · Medinan Juz 21 · Revealed 90 الأحزاب 34 Saba' Ang Sheba · 54 verses · Meccan Juz 22 · Revealed 58 سبأ 35 Fatir Ang Lumikha · 45 verses · Meccan Juz 22 · Revealed 43 فاطر 36 Ya­Sin Ya Sin · 83 verses · Meccan Juz 22 · Revealed 41 يس 37 As-Saffat Ang mga Inihanay sa mga Antas · 182 verses · Meccan Juz 23 · Revealed 56 الصافات 38 Sad 88 verses · Meccan Juz 23 · Revealed 38 ص 39 Az-Zumar Ang mga Pangkat · 75 verses · Meccan Juz 23 · Revealed 59 الزمر 40 Ghafir Ang Mapagpatawad · 85 verses · Meccan Juz 24 · Revealed 60 غافر 41 Fussilat Ang Masusing Pagpapaliwanag · 54 verses · Meccan Juz 24 · Revealed 61 فصلت 42 Ash-Shura Ang Sanggunian · 53 verses · Meccan Juz 25 · Revealed 62 الشورى 43 Az-Zukhruf Ang mga Palamuting Ginto · 89 verses · Meccan Juz 25 · Revealed 63 الزخرف 44 Ad-Dukhan Ang Usok · 59 verses · Meccan Juz 25 · Revealed 64 الدخان 45 Al-Jathiya Ang Pagluhod · 37 verses · Meccan Juz 25 · Revealed 65 الجاثية 46 Al-Ahqaf Ang mga Nakalikong Bunton ng B · 35 verses · Meccan Juz 26 · Revealed 66 الأحقاف 47 Muhammad Ang Pakikipaglaban · 38 verses · Medinan Juz 26 · Revealed 96 محمد 48 Al-Fath Ang Tagumpay · 29 verses · Medinan Juz 26 · Revealed 111 الفتح 49 Al-Hujurat Ang mga Tirahan · 18 verses · Medinan Juz 26 · Revealed 106 الحجرات 50 Qaf 45 verses · Meccan Juz 26 · Revealed 34 ق 51 Az-Zariyat Ang mga Hanging Nagkakalat · 60 verses · Meccan Juz 26 · Revealed 67 الذاريات 52 At-Tur Ang Bundok · 49 verses · Meccan Juz 27 · Revealed 76 الطور 53 An-Najm Ang Bituin · 62 verses · Meccan Juz 27 · Revealed 23 النجم 54 Al-Qamar Ang Buwan · 55 verses · Meccan Juz 27 · Revealed 37 القمر 55 Ar-Rahman Ang Mapagpala · 78 verses · Medinan Juz 27 · Revealed 97 الرحمن 56 Al-Waqi'ah Ang Pangyayari · 96 verses · Meccan Juz 27 · Revealed 46 الواقعة 57 Al-Hadid Ang Bakal · 29 verses · Medinan Juz 27 · Revealed 94 الحديد 58 Al-Mujadilah Ang Nakikipagtalong Babae · 22 verses · Medinan Juz 28 · Revealed 105 المجادلة 59 Al-Hashr Ang Pagtitipun-tipon · 24 verses · Medinan Juz 28 · Revealed 101 الحشر 60 Al-Mumtahinah Ang Babaing Sisiyasatin · 13 verses · Medinan Juz 28 · Revealed 91 الممتحنة 61 As-Saff Ang Hanay · 14 verses · Medinan Juz 28 · Revealed 109 الصف 62 Al-Jumu'ah Ang Biyernes · 11 verses · Medinan Juz 28 · Revealed 110 الجمعة 63 Al-Munafiqun Ang mga Mapagkunwari · 11 verses · Medinan Juz 28 · Revealed 104 المنافقون 64 At-Taghabun Ang Kapwa Pagkatalo at Pagkapa · 18 verses · Medinan Juz 28 · Revealed 108 التغابن 65 At-Talaq Ang Diborsiyo · 12 verses · Medinan Juz 28 · Revealed 99 الطلاق 66 At-Tahrim Ang Ipinagbabawal · 12 verses · Medinan Juz 28 · Revealed 107 التحريم 67 Al-Mulk Ang Kaharian · 30 verses · Meccan Juz 29 · Revealed 77 الملك 68 Al-Qalam Ang Panulat · 52 verses · Meccan Juz 29 · Revealed 2 القلم 69 Al-Haqqah Ang Tiyak na Mangyayari · 52 verses · Meccan Juz 29 · Revealed 87 الحاقة 70 Al-Ma'arij Ang mga Landas ng Pag-akyat · 44 verses · Meccan Juz 29 · Revealed 79 المعارج 71 Nooh Si Propeta Noah · 28 verses · Meccan Juz 29 · Revealed 71 نوح 72 Al-Jinn Ang Jinn · 28 verses · Meccan Juz 29 · Revealed 40 الجن 73 Al-Muzzammil Ang Nakabalabal sa Damit · 20 verses · Meccan Juz 29 · Revealed 3 المزمل 74 Al-Muddaththir Ang Nakabalot · 56 verses · Meccan Juz 29 · Revealed 4 المدثر 75 Al-Qiyamah Ang Pagkabuhay-Muli · 40 verses · Meccan Juz 29 · Revealed 31 القيامة 76 Al-Insan Ang Tao · 31 verses · Medinan Juz 29 · Revealed 98 الإنسان 77 Al-Mursalat Ang mga Ipinadala · 50 verses · Meccan Juz 29 · Revealed 33 المرسلات 78 An-Naba' Ang mga Balita · 40 verses · Meccan Juz 30 · Revealed 80 النبأ 79 An-Nazi'at Ang mga Humuhugot · 46 verses · Meccan Juz 30 · Revealed 81 النازعات 80 'Abasa Siya'y Nangunot-Noo · 42 verses · Meccan Juz 30 · Revealed 24 عبس 81 At-Takwir Ang Pagtiklop · 29 verses · Meccan Juz 30 · Revealed 7 التكوير 82 Al-Infitar Ang Pagkabiyak · 19 verses · Meccan Juz 30 · Revealed 82 الإنفطار 83 Al-Mutaffifin Ang mga Mandaraya · 36 verses · Meccan Juz 30 · Revealed 86 المطففين 84 Al-Inshiqaq Ang Pagkalansag · 25 verses · Meccan Juz 30 · Revealed 83 الإنشقاق 85 Al-Buruj Ang Malalaking Buntala · 22 verses · Meccan Juz 30 · Revealed 27 البروج 86 At-Tariq Ang Panggabing Panauhin · 17 verses · Meccan Juz 30 · Revealed 36 الطارق 87 Al-A'la Ang Kataas-taasan · 19 verses · Meccan Juz 30 · Revealed 8 الأعلى 88 Al-Ghashiyah Ang Nakapananaig · 26 verses · Meccan Juz 30 · Revealed 68 الغاشية 89 Al-Fajr Ang Bukang-Liwayway · 30 verses · Meccan Juz 30 · Revealed 10 الفجر 90 Al-Balad Ang Lungsod · 20 verses · Meccan Juz 30 · Revealed 35 البلد 91 Ash-Shams Ang Araw · 15 verses · Meccan Juz 30 · Revealed 26 الشمس 92 Al-Lail Ang Gabi · 21 verses · Meccan Juz 30 · Revealed 9 الليل 93 Ad-Duha Ang Umaga · 11 verses · Meccan Juz 30 · Revealed 11 الضحى 94 Ash-Sharh Ang Pagpapalawak · 8 verses · Meccan Juz 30 · Revealed 12 الشرح 95 At-Tin Ang Igos · 8 verses · Meccan Juz 30 · Revealed 28 التين 96 Al-'Alaq Ang Namumuong Dugo · 19 verses · Meccan Juz 30 · Revealed 1 العلق 97 Al-Qadr Ang Gabi ng Kahatulan · 5 verses · Meccan Juz 30 · Revealed 25 القدر 98 Al-Baiyinah Ang Maliwanag na Katibayan · 8 verses · Medinan Juz 30 · Revealed 100 البينة 99 Az-Zalzalah Ang Lindol · 8 verses · Medinan Juz 30 · Revealed 93 الزلزلة 100 Al-'Adiyat Ang mga Rumaragasa · 11 verses · Meccan Juz 30 · Revealed 14 العاديات 101 Al-Qari'ah Ang Araw ng Malakas na Hiyawan · 11 verses · Meccan Juz 30 · Revealed 30 القارعة 102 At-Takathur Ang Paglikom · 8 verses · Meccan Juz 30 · Revealed 16 التكاثر 103 Al-'Asr Ang Panahon · 3 verses · Meccan Juz 30 · Revealed 13 العصر 104 Al-Humazah Ang Mapanirang-Puri · 9 verses · Meccan Juz 30 · Revealed 32 الهمزة 105 Al-Fil Ang Elepante · 5 verses · Meccan Juz 30 · Revealed 19 الفيل 106 Quraish Ang Tribo ng Quraish · 4 verses · Meccan Juz 30 · Revealed 29 قريش 107 Al-Ma'un Ang Pangangailangan ng Kapuwa · 7 verses · Meccan Juz 30 · Revealed 17 الماعون 108 Al-Kauthar Ang Kasaganaan · 3 verses · Meccan Juz 30 · Revealed 15 الكوثر 109 Al-Kafirun Ang mga Nagtatakwil ng Pananam · 6 verses · Meccan Juz 30 · Revealed 18 الكافرون 110 An-Nasr Ang Tagumpay · 3 verses · Medinan Juz 30 · Revealed 114 النصر 111 Al-Masad Ang Apoy / Ang Hibla · 5 verses · Meccan Juz 30 · Revealed 6 المسد 112 Al-Ikhlas Ang Kadalisayan ng Pananampala · 4 verses · Meccan Juz 30 · Revealed 22 الإخلاص 113 Al-Falaq Ang Madaling-araw · 5 verses · Meccan Juz 30 · Revealed 20 الفلق 114 An-Nas Ang Sangkatauhan · 6 verses · Meccan Juz 30 · Revealed 21 الناس

Reading settings

View
Compare with

Pick up to two more translations to show under each verse.

Arabic size
100%
Translation size
100%
Line spacing
Theme

Verse

Arabic tafsir
Highlight

Highlights stay in this browser and are listed on the bookmarks page. /bookmarks