Tafsir sa Sura الحجر sa ماراناو gikan sa Maranao - Maranao translation
Verse 1
Alif, Lam, Ra. (so Allah i Matao ko paka-aantapan Iyan on.) Giyaya na manga ayat ko kitab, go Qor´an a miyakapayag (ko ontol).
Verse 2
Madakl a kapndingandingana o siran a da pamaratiyaya, sa oba siran bo miyabaloy a manga Moslim.
Verse 3
Botawaning ka siran, ka an siran pphakakan, go an iran pkhasawiti (so doniya): Go so kattmbanga kiran o inam: Ka katokawan iran bo.
Verse 4
Na da a bininasa Mi a phagingd a ba da a kitab iyan a mappnto.
Verse 5
Di kapngagaanan o pagtaw so adial iyan, go di iran khisndod.
Verse 6
Na pitharo iran: "Hay tiyoronan ko ndao, mataang ka a titho a pmbthangn!"
Verse 7
"Ino kaming ka di khawiti sa malaikat o ska na pd ko khipmamataan?"
Verse 8
(Pitharo o Allah:) A di Ami phakatoronn so malaikat inonta o rakhs o bnar: Na samawto na di siran dn makanggowamay!.
Verse 9
Mataan! a Skami na Skami i tomiyoron ko (Qor´an a) ndao; go mataan! a Skami i titho a somisiyap on.
Verse 10
Na sabnsabnar a siyogoan Ami so miyaonaan ka sii ko pithanggisa ka tindg ko miyangaoona:
Verse 11
Na da a miyakatalingoma kiran a sogo a ba iran da pamagrgi skaniyan.
Verse 12
ﮰﮱﯓﯔﯕ
ﯖ
Lagid aya man i kipzanipn Ami ron ko manga poso o manga baradosa,
Verse 13
A di siran on pharatiyaya; oba di sabnar a somiyagad so miyasowa o miyangaoona.
Verse 14
Na apiya pn lomka Kami kiran sa pinto ko langit, na mabaloy siran a makapanik siran on,
Verse 15
Na tharoon iran dn a: "Mataan! a birg so manga kaylay tano: Kna, ka sktano na pagtaw a miyangababalik a mata niyan."
Verse 16
Na sabnsabnar a tiyagoan Ami so langit sa manga darpa o manga bitoon, go inipharas Ami ron oto a rk o pphamakaylay ron;
Verse 17
ﭙﭚﭛﭜﭝ
ﭞ
Na siniyap Ami oto phoon ko langowan a shaytan a pradiyamn:
Verse 18
Ogaid na so miyamankhaw sa kan´g, na siyaloba skaniyan a kadg, a mapayag.
Verse 19
So lopa na kiyayat Ami oto; go piyamakatindgan Ami oto sa manga palaw; go piyamakathoan Ami oto sa mbarambarang a didiyangkaan.
Verse 20
Go singgayan Ami skano ron sa manga kawiyagan ago so kna a ba skano i pphamagpr on.
Verse 21
Na da a nganin a ba Ami di mipapaar so khitatagoan on; go da a phakatoronn Ami ron a ba di madidiyangka a mappnto.
Verse 22
Go pphakasambrn Ami so manga undo a pphamakatago sa ig ko gabon, na piyakatoron Ami a phoon ko kawang so ig, na piyakainom Ami skano ron, na kna a ba skano i makakhakapaar on.
Verse 23
ﮕﮖﮗﮘﮙﮚ
ﮛ
Go mataan! a titho a Skami i pphangoyag, go pphangimatay: Go Skami i manga waris (a phamaapaar).
Verse 24
Na sabnsabnar a katawan Ami so miyangaoona rkano, go sabnsabnar a katawan Ami so phangaoori rkano.
Verse 25
Mataan! ka so Kadnan ka na plimodn Iyan siran, Skaniyan na Mawngangn a Matao.
Verse 26
Na sabnsabnar a inadn Ami so manosiya a phoon ko lopa a gango, a phoon ko lipaw a miyarmbis;
Verse 27
Go so jinn na inadn Ami mona a phoon ko apoy a mararas.
Verse 28
Na gowani na pitharo o Kadnan ka ko manga malaikat a: "Mataan! a Sakn na magadn Ako sa manosiya, a phoon ko lopa a gango, a phoon ko lipaw a miyarmbis;"
Verse 29
"Na anda i kaymasada Ko ron go masokan Ko skaniyan sa niyawa, na sondong kano ron sa pangangalimbabaan kano."
Verse 30
ﯶﯷﯸﯹ
ﯺ
Na miyangalimbabaan on so manga malaikat, sa tanan siran, langon:
Verse 31
Inonta so iblis: Ka somiyangka oba mabaloy a pd ko miyamangalimbabaan.
Verse 32
Pitharo (o Allah): "Hay iblis! antonaa i miyakarn rka sa dang ka kapangpd ko miyamangalimbabaan?"
Verse 33
Pitharo iyan a: "Di rakn patot oba ako pangalimbabaan ko manosiya, a inadn Ka a phoon ko lopa a gango, a phoon ko lipaw a miyarmbis."
Verse 34
ﭦﭧﭨﭩﭪ
ﭫ
Pitharo (o Allah): "Na awa ka phoon ko langit; ka mataan! a ska na inibowang;"
Verse 35
ﭬﭭﭮﭯﭰﭱ
ﭲ
"Go mataan! a zisii rka so morka sa dayon ko alongan a kambabadala."
Verse 36
ﭳﭴﭵﭶﭷﭸ
ﭹ
Pitharo iyan: "Kadnan ko, na pakanayawa kong Ka sa dayon ko alongan a kaoyaga kiran."
Verse 37
ﭺﭻﭼﭽ
ﭾ
Pitharo (o Allah): "Na mataan! a ska na pd ko phamakanayawn"
Verse 38
ﭿﮀﮁﮂ
ﮃ
"Taman ko alongan a masa a mappnto."
Verse 39
Pitharo iyan: "Kadnan ko, ibt ko kiyabaloyang Ka rakn a dadag, na mataan! a barayatn ko siran dn (ko kandarowaka) ko lopa, go mataan! a dadagn ko siran dn langon,"
Verse 40
ﮏﮐﮑﮒ
ﮓ
"Inonta so manga oripn ka, a pd kiran a miyangatotolabos (Rka)."
Verse 41
ﮔﮕﮖﮗﮘ
ﮙ
Pitharo (o Allah) a: "Katii so lalan Rakn a makaoontol (a di Ko ipndaraynon)."
Verse 42
"Mataan! a so manga oripn Ko na da a mapkhapaar ka kiran, a rowar ko taw a inonotan ka niyan a pd ko miyangadadadag."
Verse 43
ﮦﮧﮨﮩ
ﮪ
Go mataan! a so naraka Jahannam na diyandi kiran dn langon!
Verse 44
Pito a pinto iyan: Oman i isa pinto na adn a bagian iyan kiran a sabaad a missnggay.
Verse 45
ﯕﯖﯗﯘﯙ
ﯚ
Mataan! a so miyamananggila na makaphagingd ko manga pamomolan go manga bowalan.
Verse 46
ﯛﯜﯝ
ﯞ
(Tharoon kiran a:) "Sold kano ron sa kalilintad a somasarig kano."
Verse 47
Na ilangn Ami so matatago ko manga rarb iran a siig a: Phapagariya siran, a zisii ko manga kantir a khipagaadapadapa.
Verse 48
Daa phakatalingoma kiran roo a dokaw, go di siran on dn maphamakaawa.
Verse 49
Pamanotholang ka ko manga oripn ko a: Mataan! a Sakn na Sakn so Manapi, a Makalimoon;
Verse 50
ﯻﯼﯽﯾﯿ
ﰀ
Go mataan! a so iphaniksa Akn na giyoto so siksa a malipds.
Verse 51
ﰁﰂﰃﰄ
ﰅ
Go pamanotholang ka kiran so manga banto o Ibrahim:
Verse 52
Gowani na somiyold siran on, na mitharo siran sa: "Salaam!" Pitharo o Ibrahim a: "Mataan! a Skami na ipkhalk ami skano!"
Verse 53
Pitharo iran a: "Di ka khalk! ka mataan! a skami na phanotholan ami ska sa (ipmbawata aka a) wata a matao."
Verse 54
Pitharo iyan: "Ino niyo rakn phanothola (a kapmbawata akn) a riyaot ako a kaloks? Na antonaa i sabap a kaphanothola niyo rakn (saya)?"
Verse 55
Pitharo iran a: "Piyanothol ami rka so bnar: Na di ka phangpd ko piyangaadaan sa panginam!"
Verse 56
Pitharo iyan: "Na ba adn a taw a khadaan sa panginam ko limo o Kadnan iyan, a rowar ko mithataridadag?"
Verse 57
ﭽﭾﭿﮀﮁ
ﮂ
Pitharo iyan: "Na antonaa i zowaan iyo, hay manga sogo (o Allah)?"
Verse 58
ﮃﮄﮅﮆﮇﮈ
ﮉ
Pitharo iran a: "Mataan! a skami na siyogo kami ko pagtaw a manga baradosa (a pagtaw o Lot),"
Verse 59
ﮊﮋﮌﮍﮎﮏ
ﮐ
"Inonta so taalok ko Lot: Mataan! a skami na zabtn ami siran dn langon,"
Verse 60
ﮑﮒﮓﮔﮕﮖ
ﮗ
"Inonta so karoma niyan, ka kiyokom ami a mataan! a skaniyan na pd dn ko phangakakal (ko siksa)."
Verse 61
ﮘﮙﮚﮛﮜ
ﮝ
Na kagiya a makawma ko Lot so manga sogo (a manga malaikat),
Verse 62
ﮞﮟﮠﮡ
ﮢ
Na pitharo iyan a: "Mataan! a skano na pagtaw a di makikilala."
Verse 63
Pitharo iran a: "Kna, ka inowit ami rka so (siksa a) siran na zasangka on so pamikiran iran;"
Verse 64
ﮫﮬﮭﮮ
ﮯ
"Go minitalingoma mi rka so bnar, go mataan! a skami na titho kami a mmamataan."
Verse 65
"Na panglmn ka so taalok rka, ko sabaad ko kagagawii, go tondogang ka siran sa talikhodan: Na oba adn a domingil rkano a isa bo, go taros kano sa sadn sa sogoan rkano."
Verse 66
Na piyakitokawan Ami ron angkoto a khasowa, a mataan! a khathiphad so siran aya ko kapitai kiran.
Verse 67
ﯪﯫﯬﯭ
ﯮ
Na miyakaoma so taw ko bandar a ingd a pkhababaya siran.
Verse 68
ﯯﯰﯱﯲﯳﯴ
ﯵ
Pitharo (o Lot) a: "Mataan! a siran nai na khibobolos rakn: Na di ako niyo ndiyamana: "
Verse 69
ﯶﯷﯸﯹ
ﯺ
"Go kalkn iyo so Allah, go di ako niyo phakaytoa."
Verse 70
ﯻﯼﯽﯾﯿ
ﰀ
Pitharo iran a: "Ba ami rka da saparn, so (kapakabolosa ko) khi pananangga?"
Verse 71
ﭑﭒﭓﭔﭕﭖ
ﭗ
Pitharo iyan: "Katii so manga wata akn a manga babay, (na pamangaroma kano ron) oba adn a pnggolawlaan iyo."
Verse 72
ﭘﭙﭚﭛﭜ
ﭝ
Ibt ko kawyagoyag ka (ya Mohammad), ka mataan! a siran na matatago siran dn ko kabbrg iran a pphromparompak siran,
Verse 73
ﭞﭟﭠ
ﭡ
Na miyadansal siran o lalis ko kiyasbangi kiran o alongan.
Verse 74
Na biyaloy Ami so liyawaw (o ingd iran) a didalm, go piyakawranan Ami siran sa ator a phoon ko lopa a kiyomba.
Verse 75
ﭫﭬﭭﭮﭯ
ﭰ
Mataan! a adn a matatago roo man a titho a manga tanda a bagian o pphamangilay sa piratas.
Verse 76
ﭱﭲﭳ
ﭴ
Go mataan aya! a titho a matatago ko lalan a da maawg.
Verse 77
ﭵﭶﭷﭸﭹ
ﭺ
Mataan! a adn a matatago roo man a titho a tanda a bagian o miyamaratiyaya!
Verse 78
ﭻﭼﭽﭾﭿ
ﮀ
Na mataan aya! a miyabaloy so manga taw sa Ayka (a pagtaw o Shoayb) a titho a manga darowaka;
Verse 79
ﮁﮂﮃﮄﮅ
ﮆ
Na siniksa Ami siran. Na mataan! a giya dowaya (a ingd) na sabnar a matatago ko mala a lalan, a mapapayag.
Verse 80
ﮇﮈﮉﮊﮋ
ﮌ
Na sabnsabnar a piyakambokhag o manga taw sa Hijr (a pagtaw o Salih) so manga sogo (o Allah):
Verse 81
ﮍﮎﮏﮐﮑ
ﮒ
Go inibgay Ami kiran so manga tanda Ami, na tiyalikhodan iran skaniyan.
Verse 82
ﮓﮔﮕﮖﮗﮘ
ﮙ
Go miyanonggirb siran ko manga palaw sa manga walay, a khisasarig siran.
Verse 83
ﮚﮛﮜ
ﮝ
Na miyadansal siran o lalis ko kiyapitai kiran,
Verse 84
ﮞﮟﮠﮡﮢﮣ
ﮤ
Na da kiran makalinding so pinggalbk iran!
Verse 85
Na da ko kiyaadna Mi ko manga langit, ago so lopa, go so nganin a pagltan a dowa nan, inonta na sii ko bnar. Na mataan! a so bangkit na phakatalingoma dn. Na dapayangka (kiran) sa kadapay a maliwanag.
Verse 86
ﯗﯘﯙﯚﯛ
ﯜ
Mataan! a so Kadnan ka na Skaniyan so Pphangadn, a Matao.
Verse 87
Na sabnsabnar a bigan Ami ska sa pito a manga ayat (a so Fatiha) a gii makhasokasoy, go so Qor´an a Sslaan.
Verse 88
Ding ka phakaotnga so (kaylay o) dowa matang ka ko nganin a piyakisawitan Ami oto a pizoson, ko sabaad kiran, go ding ka siran pmbokoon: Go pakainayang ka so gowagowaing ka ko miyamaratiyaya.
Verse 89
ﯵﯶﯷﯸﯹ
ﯺ
Go tharoang ka a: Mataan! a sakn so pphamakaiktiyar, a mapayag,
Verse 90
ﯻﯼﯽﯾ
ﯿ
Lagid o initoron Ami ko mimbabagibagi,
Verse 91
ﭑﭒﭓﭔ
ﭕ
Siran na biyaloy iran so Qor´an a di bo dn pira baad.
Verse 92
ﭖﭗﭘ
ﭙ
Na ibt ko Kadnan ka, ka mataan! a iiza Ami kiran dn langon,
Verse 93
ﭚﭛﭜ
ﭝ
So pinggolawla iran.
Verse 94
ﭞﭟﭠﭡﭢﭣ
ﭤ
Na payagang ka so sogoan rka, go talikhoding ka so manga pananakoto;
Verse 95
ﭥﭦﭧ
ﭨ
Mataan! a Skami na lininding Ami ska ko gii rka zosodi,
Verse 96
A siran so pphangmbaal sa rimbang o Allah a tohan a salakaw: Na katokawan iran bo
Verse 97
Na sabnsabnar a katawan Ami a mataan! a ska na ipnggagt a rarb ka so gi iran tharoon.
Verse 98
ﭻﭼﭽﭾﭿﮀ
ﮁ
Na pthasbikn ka so podi ko Kadnan ka, go pangpd ka ko pphamanojiod;
Verse 99
ﮂﮃﮄﮅﮆ
ﮇ
Go zoasoatang ka so Kadnan ka taman sa kapakatalingoma rka o kapatay.
تقدم القراءة