Verse 1

ﭑ ﭒ ​

Ta, Sin, Mim. (So Allah i Matao ko paka-aantapan Iyan on.)

Verse 2

ﭓﭔﭕﭖ ﭗ ​

Giyaya na manga ayat ko kitab a miyakawsai.

Verse 3

ﭘﭙﭚﭛﭜﭝ ﭞ ​

Baandang ka mapakapaggt a ginawang ka (hay Mohammad) ko di iran kabaloy a khipaparatiyaya.

Verse 4

ﭟﭠﭡﭢﭣﭤﭥﭦﭧﭨﭩ ﭪ ​

O kabaya Ami, na pakatoronan Ami siran a phoon ko langit sa tanda, na matatap so manga lig iran sa kapakasosondong iran on.

Verse 5

ﭫﭬﭭﭮﭯﭰﭱﭲﭳﭴﭵ ﭶ ​

Na da a phakatalingoma kiran a pananadm a phoon ko (Allah a) Masalinggagaw, a bago, a ba siran da mabaloy a khitatalikhod Rkaniyan.

Verse 6

ﭷﭸﭹﭺﭻﭼﭽﭾ ﭿ ​

Na sabnar a piyakambokhag iran (so Rasol): Na phakatalingoma kiran dn so manga totholan ko miyabaloy siran on a gi iran zandagan!

Verse 7

ﮀﮁﮂﮃﮄﮅﮆﮇﮈﮉﮊ ﮋ ​

Ba iran da maylay so lopa, - ay kadakl a piyakatho Ami ron ko oman i sasoson a mapiya?

Verse 8

ﮌﮍﮎﮏﮐﮑﮒﮓﮔ ﮕ ​

Mataan! a adn a matatago roo man a titho a manga tanda: Na da mabaloy so kadaklan kiran a khipaparatiyaya.

Verse 9

ﮖﮗﮘﮙﮚ ﮛ ​

Na mataan! a so Kadnan ka, na titho a Skaniyan so Mabagr, a Makalimoon.

Verse 10

ﮜﮝﮞﮟﮠﮡﮢﮣ ﮤ ​

Na gowani na tiyawag o Kadnan ka so Mosa: "Song ka ko pagtaw a manga darowaka,"

Verse 11

ﮥﮦﮧﮨﮩ ﮪ ​

"Pagtaw o Pir´awn: Ino siran di phananggila?"

Verse 12

ﮫﮬﮭﮮﮯﮰ ﮱ ​

Pitharo iyan: "Kadnan ko, mataan! a sakn na ipkhalk akn o ba ako iran pakambokhaga: "

Verse 13

ﯓﯔﯕﯖﯗﯘﯙﯚ ﯛ ​

"Go gomagt a rarb akn, go di mapkas a dila akn: Na sogoing ka so Haron (sa mimbabid akn);"

Verse 14

ﯜﯝﯞﯟﯠﯡ ﯢ ​

"Go adn a kasalaan ko kiran, na ipkhalk akn oba ako iran bonoa."

Verse 15

ﯣﯤﯥﯦﯧﯨﯩﯪﯫ ﯬ ​

Pitharo (o Allah) a: "Kna pn nai! na lalakaw kano a dowa, rakhs o manga tanda Ami; Mataan! a Skami na babid iyo, a pphamamakin´g."

Verse 16

ﯭﯮﯯﯰﯱﯲﯳ ﯴ ​

"Na song kano ko Pir´awn, na tharoa niyo a: Mataan! a skami na sogo o Kadnan o manga kaadn;"

Verse 17

ﯵﯶﯷﯸﯹ ﯺ ​

"Botawaning ka rkami so manga moriyataw o Israil."

Verse 18

ﯻﯼﯽﯾﯿﰀﰁﰂﰃﰄ ﰅ ​

Pitharo (o Pir´awn): "Ba ami ska da pagoyagoyaga sii rkami, ko kawawatai rka, go miyakatarg ka rkami ko kawyagoyag ka sa miyakaphipira ragon?"

Verse 19

ﰆﰇﰈﰉﰊﰋﰌ ﰍ ​

"Go pinggolawlang ka so pinggolawlang ka, a so pinggolawlang ka (a kiyapamonoo ka), na ska na miyapd ko da a manga tadm iyan!"

Verse 20

ﭑﭒﭓﭔﭕﭖ ﭗ ​

Pitharo (o Mosa): "Miyanggolawla ko oto, na samawto na sakn na pd ko miyangariribat."

Verse 21

ﭘﭙﭚﭛﭜﭝﭞﭟﭠﭡﭢ ﭣ ​

"Na piyalagoyang ko skano, ka kagiya inikalk akn skano; na bigan ako o Kadnan ko sa ongangn, go biyaloy ako Niyan a pd ko manga sogo."

Verse 22

ﭤﭥﭦﭧﭨﭩﭪﭫ ﭬ ​

"Na giyoto man na limo a ipphangalimo o ka rakn oto, sa kiyapangongoripnang ka ko manga moriyataw o Israil!"

Verse 23

ﭭﭮﭯﭰﭱ ﭲ ​

Pitharo o Pir´awn: "Na antonaa so Kadnan o manga kaadn?"

Verse 24

ﭳﭴﭵﭶﭷﭸﭹﭺﭻﭼ ﭽ ​

Pitharo (o Mosa) a: "So Kadnan o manga langit ago so lopa, go so nganin a pagltan a dowanan, - o skano na khitotomangkd."

Verse 25

ﭾﭿﮀﮁﮂ ﮃ ​

Pitharo (o Pir´awn) ko makalilibt on: "Ba niyo da man´g?"

Verse 26

ﮄﮅﮆﮇﮈ ﮉ ​

Pitharo (o Mosa) a: "So Kadnan iyo go Kadnan o manga loks iyo a miyangaoona!"

Verse 27

ﮊﮋﮌﮍﮎﮏﮐ ﮑ ​

Pitharo (o Pir´awn) a: "Mataan! a so sogo rkano a so siyogo rkano na mataan a pmbthangn!"

Verse 28

ﮒﮓﮔﮕﮖﮗﮘﮙﮚﮛ ﮜ ​

Pitharo iyan a: "Kadnan o sbangan ago so sdpan, go so nganin a pagltan a dowa nan! o skano na zabota niyo!"

Verse 29

ﮝﮞﮟﮠﮡﮢﮣﮤ ﮥ ​

Pitharo (o Pir´awn) a: "Mataan a o kowa ka sa tohan a salakaw rakn, na sabnar a itapi ami ska dn ko manga kalaboso!"

Verse 30

ﮦﮧﮨﮩﮪ ﮫ ​

Pitharo iyan: "Ati apiya adn a minioma ko rka a tanda a mapayag?"

Verse 31

ﮬﮭﮮﮯﮰﮱﯓ ﯔ ​

Pitharo (o Pir´awn): "Na talingomaan ka skaniyan, o miyabaloy ka a pd ko manga bnar!"

Verse 32

ﯕﯖﯗﯘﯙﯚ ﯛ ​

Na iniithog iyan so badas iyan, na samawto na skaniyan na nipay a mala!

Verse 33

ﯜﯝﯞﯟﯠﯡ ﯢ ​

Go tiyonggos iyan a lima niyan, na samawto na skaniyan na sindaw (a miyailay o) khibabantay!

Verse 34

ﯣﯤﯥﯦﯧﯨﯩ ﯪ ​

Pitharo (o Pir´awn) ko manga nakoda a lomilibt on a: "Mataan aya! a titho a balik mata a lbi a matao: "

Verse 35

ﯫﯬﯭﯮﯯﯰﯱﯲ ﯳ ​

"Khabayaan iyan a mapakaawa kano niyan ko lopa iyo sabap ko balik mata niyan; na antonaa i pangoyaw niyo?."

Verse 36

ﯴﯵﯶﯷﯸﯹﯺ ﯻ ​

Pitharo iran a: "Pakalanatang ka skaniyan go so pagari niyan, na sogoing ka so manga ingd sa kalimod iran: "

Verse 37

ﯼﯽﯾﯿ ﰀ ​

"Kaan iran rka mawit so oman i balik mata a lbi a matao."

Verse 38

ﰁﰂﰃﰄﰅ ﰆ ​

Na miyatimo so manga balik mata ko diyandi a kapthatalabok, ko gawii a miyapnto,

Verse 39

ﰇﰈﰉﰊﰋ ﰌ ​

Na pitharo ko manga manosiya: "Ino skano miyatimo kano?"

Verse 40

ﭑﭒﭓﭔﭕﭖﭗ ﭘ ​

"Kaan tano kawnoti so manga balik mata, o mabaloy siran a siran i mamakadaag."

Verse 41

ﭙﭚﭛﭜﭝﭞﭟﭠﭡﭢﭣﭤ ﭥ ​

Na kagiya a makawma so manga balik mata, na pitharo iran ko Pir´awn: "Ino mataan! a adn a mapmbagian ami a titho a balas o mabaloy kami a skami i mamakadaag?"

Verse 42

ﭦﭧﭨﭩﭪﭫ ﭬ ​

Pitharo iyan: "Oway, go mataan! a skano samawto na pd dn ko manga dadasg (rakn)."

Verse 43

ﭭﭮﭯﭰﭱﭲﭳ ﭴ ​

Pitharo kiran o Mosa: "Ithogn iyo so skano na ipagithog iyo!"

Verse 44

ﭵﭶﭷﭸﭹﭺﭻﭼﭽ ﭾ ​

Na iniithog iran so manga tali ran go so manga badas iran, go pitharo iran: "Ibt ko mnang o Pir´awn, ka mataan! a sktano na sktano dn i phamakapgs!"

Verse 45

ﭿﮀﮁﮂﮃﮄﮅﮆ ﮇ ​

Na iniithog o Mosa so badas iyan, na samawto na skaniyan na pphlololokn iyan so ipphanaliba iran!

Verse 46

ﮈﮉﮊ ﮋ ​

Na miyakasondong so manga balik mata, sa khipakasosodiod,

Verse 47

ﮌﮍﮎﮏ ﮐ ​

Pitharo iran: "Piyaratiyaya mi so Kadnan o manga kaadn,"

Verse 48

ﮑﮒﮓ ﮔ ​

"A Kadnan o Mosa ago so Haron."

Verse 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

Pitharo (o Pir´awn) a: "Piyaratiyaya niyo to a da akn skano pn kaydini; Mataan! a skaniyan na titho a mala rkano a so miyangndao rkano ko balik mata. Na mataan a katokawan iyo dn. Mataan a pamotolan ko dn so manga lima niyo go so manga ai niyo sa di magonod, go mataan a solaan ko skano dn langon!"

Verse 50

ﮭﮮﮯﮰﮱﯓﯔﯕ ﯖ ​

Pitharo iran: "A di rkami phakamorala so pkitmo rkami a pd ko siksa sa donya. Mataan! a skami na sii bo ko Kadnan ami phamakandod!"

Verse 51

ﯗﯘﯙﯚﯛﯜﯝﯞﯟﯠﯡ ﯢ ​

"Mataan! a skami na maiinam ami a kanapiya rkami o Kadnan ami ko manga sala ami, sa kiyabaloy ami a paganay ko miyamaratiyaya!"

Verse 52

ﯣﯤﯥﯦﯧﯨﯩﯪﯫ ﯬ ​

Na iniilaham Ami ko Mosa a: "Panglmn ka so manga oripn ko; mataan! a skano na phanalokonan kano (iran)."

Verse 53

ﯭﯮﯯﯰﯱ ﯲ ​

Na siyogoan o Pir´awn so manga bandar a ingd sa kalimod iran,

Verse 54

ﯳﯴﯵﯶ ﯷ ​

(Sa gii niyan tharoon:) "Mataan! a siran aya na titho a pagtaw a manga iito,"

Verse 55

ﯸﯹﯺ ﯻ ​

"Go mataan! a siran na titho tano iran a piyakanggani;"

Verse 56

ﯼﯽﯾ ﯿ ​

"Go mataan! a sktano na langon tano dn makaiiktiyar."

Verse 57

ﰀﰁﰂﰃ ﰄ ​

Na piyakaawa Ami siran ko manga pamomolan, go so manga bowalan,

Verse 58

ﰅﰆﰇ ﰈ ​

Go so manga kakawasaan: Go so darpa a mapiya;

Verse 59

ﰉﰊﰋﰌﰍ ﰎ ​

Lagid oto, na piyakipangowarisan Ami oto ko manga moriyataw o Israil.

Verse 60

ﰏﰐ ﰑ ​

Na pithalokonan iran siran ko kiyasbangi kiran o alongan.

Verse 61

ﭑﭒﭓﭔﭕﭖﭗﭘ ﭙ ​

Na kagiya a makambantaya so dowa a madakl, na pitharo o manga pd o Mosa a: "Mataan! a sktano na praotn tano dn."

Verse 62

ﭚﭛﭜﭝﭞﭟﭠ ﭡ ​

Pitharo (o Mosa): "Kna pn nai, mataan! a babid akn so Kadnan ko! na thoroon ako Niyan!"

Verse 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Na iniilaham Ami ko Mosa a: "Bntoln ka so badas ka ko kalodan (na inibntol iyan on). Na miyasray, na mimbaloy so oman i sasray a lagid o palaw a mala."

Verse 64

ﭱﭲﭳ ﭴ ​

Na piyakasipg Ami roo so manga salakaw (kiran).

Verse 65

ﭵﭶﭷﭸﭹ ﭺ ​

Na siyabt Ami so Mosa ago so manga pd iyan, sa langon siran;

Verse 66

ﭻﭼﭽ ﭾ ​

Oriyan iyan na inld Ami so manga salakaw (kiran).

Verse 67

ﭿﮀﮁﮂﮃﮄﮅﮆﮇ ﮈ ​

Mataan! a adn a matatago roo man a titho a tanda: Na da mabaloy so kadaklan kiran a khipaparatiyaya.

Verse 68

ﮉﮊﮋﮌﮍ ﮎ ​

Na mataan! a so Kadnan ka na Skaniyan dn i Mabagr, a Makalimoon.

Verse 69

ﮏﮐﮑﮒ ﮓ ​

Na batiyaang ka kiran so totholan ko Ibrahim.

Verse 70

ﮔﮕﮖﮗﮘﮙ ﮚ ​

Gowani na pitharo iyan ki ama iyan go so pagtaw niyan: "Antonaa i pzimbaan niyo?"

Verse 71

ﮛﮜﮝﮞﮟﮠ ﮡ ​

Pitharo iran a: "Pzimba kami sa manga barahala, na gii ami mbabasaalongan an a kapzimba ami ron."

Verse 72

ﮢﮣﮤﮥﮦ ﮧ ​

Pitharo iyan a: "Ino pkhan´g kano iran ko masa a kapphanongganoya niyo (kiran),"

Verse 73

ﮨﮩﮪﮫ ﮬ ​

"O di na khapiyaan kano iran, odi na khabinasaan kano iran?"

Verse 74

ﮭﮮﮯﮰﮱﯓ ﯔ ​

Pitharo iran a: "Kna, ka miyatoon ami so manga loks ami a lagid oto a gi iran nggolawlaan."

Verse 75

ﯕﯖﯗﯘﯙ ﯚ ​

Pitharo iyan: "Ay gda iyo ko skano na pzimbaan iyo,"

Verse 76

ﯛﯜﯝ ﯞ ​

"Skano go so manga loks iyo a miyangaoona?"

Verse 77

ﯟﯠﯡﯢﯣﯤ ﯥ ​

"Na mataan! a siran na ridoay akn, inonta so Kadnan o manga kaadn;

Verse 78

ﯦﯧﯨﯩ ﯪ ​

"A so miyadn rakn, go Skaniyan i pnggonanao rakn;

Verse 79

ﯫﯬﯭﯮ ﯯ ​

"Go Skaniyan i pphakakan rakn, go pphakaynom rakn,

Verse 80

ﯰﯱﯲﯳ ﯴ ​

"Go igira a miyasakit ako, na Skaniyan i pphakapiya rakn;

Verse 81

ﯵﯶﯷﯸ ﯹ ​

"Go Skaniyan i phakapatay rakn, oriyan iyan na pagoyagn ako Niyan;

Verse 82

ﯺﯻﯼﯽﯾﯿﰀﰁ ﰂ ​

"Go Skaniyan i phangangarapanan ko, sa napi Niyan rakn so kasalaan ko ko gawii a kapamalas.

Verse 83

ﰃﰄﰅﰆﰇﰈ ﰉ ​

"Kadnan ko, bgi akong ka sa ongangn, go tapiin akong Ka ko manga bilangataw;

Verse 84

ﭑﭒﭓﭔﭕﭖ ﭗ ​

"Go snggay akong ka sa bantogan a mapiya sii ko phangaoori;

Verse 85

ﭘﭙﭚﭛﭜ ﭝ ​

"Go baloya kong ka a pd ko manga waris ko sorga a pakalma;

Verse 86

ﭞﭟﭠﭡﭢﭣ ﭤ ​

"Go napiing Ka si ama, mataan! a skaniyan na miyabaloy a pd ko miyangadadadag;

Verse 87

ﭥﭦﭧﭨ ﭩ ​

"Go di akong Ka phakarondana ko gawii a kawyag a kiran (ko alongan a qiyamah);

Verse 88

ﭪﭫﭬﭭﭮﭯ ﭰ ​

"Gawii a di phakanggay a gona so tamok, go so manga wata,

Verse 89

ﭱﭲﭳﭴﭵﭶ ﭷ ​

"Inonta so taw a minitalingoma niyan ko Allah so poso a linang;

Verse 90

ﭸﭹﭺ ﭻ ​

"Na ipakarani so sorga ko miyamananggila,

Verse 91

ﭼﭽﭾ ﭿ ​

"Go pakisandngan so naraka Jahim ko miyangadadadag;

Verse 92

ﮀﮁﮂﮃﮄﮅ ﮆ ​

"Go tharoon kiran: Anda so skano na pzimbaan iyo,

Verse 93

ﮇﮈﮉﮊﮋﮌﮍ ﮎ ​

"A salakaw ko Allah? Ino khatabangan kano iran, odi na khatabangan iran a ginawa iran?´

Verse 94

ﮏﮐﮑﮒ ﮓ ​

"Na panalimpatoon siran roo, - siran ago so miyangadadadag,

Verse 95

ﮔﮕﮖ ﮗ ​

"Go so pagtaw o iblis sa kasamasama iran.

Verse 96

ﮘﮙﮚﮛ ﮜ ​

"Tharoon iran a siran na gii siran roo zasawala:

Verse 97

ﮝﮞﮟﮠﮡﮢ ﮣ ​

"Ibt ko Allah, ka mataan a miyatago kami dn ko kadadag a mapayag,

Verse 98

ﮤﮥﮦﮧ ﮨ ​

"Gowani a irimbang ami skano ko Kadnan o manga kaadn;

Verse 99

ﮩﮪﮫﮬ ﮭ ​

"Na da a miyakadadag rkami a rowar ko manga rarata i ongar.

Verse 100

ﮮﮯﮰﮱ ﯓ ​

"Na da a bagian ami a phamakaogop,

Verse 101

ﯔﯕﯖ ﯗ ​

"Go da a bolayoka a gomagt sa ginawa (ko masosowa ami).

Verse 102

ﯘﯙﯚﯛﯜﯝﯞ ﯟ ​

"Na o mataan! a adn a kapakakasoy ami (sa doniya), na mabaloy kami a pd ko miyamaratiyaya!"

Verse 103

ﯠﯡﯢﯣﯤﯥﯦﯧﯨ ﯩ ​

Mataan! a adn a matatago roo man a titho a tanda, na da mabaloy so kadaklan kiran a khipaparatiyaya.

Verse 104

ﯪﯫﯬﯭﯮ ﯯ ​

Na mataan! a so Kadnan ka na Skaniyan dn so Mabagr, a Makalimoon.

Verse 105

ﯰﯱﯲﯳ ﯴ ​

Piyakambokhag o pagtaw o Noh so manga sogo.

Verse 106

ﯵﯶﯷﯸﯹﯺﯻ ﯼ ​

"Gowani na pitharo kiran o pagari ran a Noh: Ino kano di phananggila?

Verse 107

ﯽﯾﯿﰀ ﰁ ​

"Mataan! a sakn na sogo rkano a kasasanaan:

Verse 108

ﰂﰃﰄ ﰅ ​

"Na kalkn iyo so Allah, go onoti ako niyo.

Verse 109

ﰆﰇﰈﰉﰊﰋﰌﰍﰎﰏﰐﰑ ﰒ ​

"Na da a phangnin ko rkano saya a balas: da a balas rakn inonta sii ko Kadnan o manga kaadn:

Verse 110

ﰓﰔﰕ ﰖ ​

"Na kalkn iyo so Allah, go onoti ako niyo."

Verse 111

ﰗﰘﰙﰚﰛﰜ ﰝ ​

Pitharo iran: Ino ami ska pharatiyayaa, a aya phagonot rka na so tanto a manga bababa?

Verse 112

ﭑﭒﭓﭔﭕﭖ ﭗ ​

Pitharo iyan a: "Da ko katao akn so nganin a siran na gi iran nggolawlaan,"

Verse 113

ﭘﭙﭚﭛﭜﭝﭞﭟ ﭠ ​

"So itongan kiran na sii bo ko Kadnan ko, o katawi niyo.

Verse 114

ﭡﭢﭣﭤ ﭥ ​

"Na kna a ba rakn pakiphamogawn so miyamaratiyaya.

Verse 115

ﭦﭧﭨﭩﭪ ﭫ ​

"Sakn na matag ako pphamakaiktiyar a mapayag."

Verse 116

ﭬﭭﭮﭯﭰﭱﭲﭳ ﭴ ​

Pitharo iran a: "Mataan! a o ding ka gnki, hay Noh! na mataan a khabaloy ka dn a pd ko praradiyamn."

Verse 117

ﭵﭶﭷﭸﭹ ﭺ ​

Pitharo iyan: "Kadnan ko, mataan! a so pagtaw akn na piyakambokhag ako iran.

Verse 118

ﭻﭼﭽﭾﭿﮀﮁﮂﮃ ﮄ ​

"Na kokoma kong Ka ago siran sa kokoman (a ontol), go sabt akong Ka ago so manga pd akn a miyamaratiyaya."

Verse 119

ﮅﮆﮇﮈﮉﮊ ﮋ ​

Na siyabt Ami skaniyan ago so manga pd iyan, ko kapal a mappno.

Verse 120

ﮌﮍﮎﮏ ﮐ ​

Oriyan iyan na inld Ami ko kiyaipos oto so miyangalalamba.

Verse 121

ﮑﮒﮓﮔﮕﮖﮗﮘﮙ ﮚ ​

Mataan! a adn a matatago roo man a titho a tanda: Na da mabaloy so kadaklan kiran a khipaparatiyaya.

Verse 122

ﮛﮜﮝﮞﮟ ﮠ ​

Na mataan! a so Kadnan ka na Skaniyan dn so Mabagr, a Makalimoon.

Verse 123

ﮡﮢﮣ ﮤ ​

Piyakambokhag o (pagtaw a) Ad so manga sogo.

Verse 124

ﮥﮦﮧﮨﮩﮪﮫ ﮬ ​

Gowani na pitharo kiran o pagari ran a Hod: "Ino kano di phananggila?"

Verse 125

ﮭﮮﮯﮰ ﮱ ​

"Mataan! a sakn na sogo rkano a kasasarigan:

Verse 126

ﯓﯔﯕ ﯖ ​

"Na kalkn iyo so Allah go onoti ako niyo.

Verse 127

ﯗﯘﯙﯚﯛﯜﯝﯞﯟﯠﯡﯢ ﯣ ​

"Go da a phangning ko rkano saya a balas: da a balas rakn inonta so sii ko Kadnan o manga kaadn.

Verse 128

ﯤﯥﯦﯧﯨ ﯩ ​

"Ino kano gii mbabalay ko oman i darpa a maporo sa toos a karimbaran niyo?

Verse 129

ﯪﯫﯬﯭ ﯮ ​

"Go pphangmbaal kano sa manga torogan, ka ang kano makakal:

Verse 130

ﯯﯰﯱﯲ ﯳ ​

"Go igira a minggolima kano, na minggolima kano a khipammndg:

Verse 131

ﯴﯵﯶ ﯷ ​

"Na kalkn iyo so Allah, go onoti ako niyo.

Verse 132

ﯸﯹﯺﯻﯼ ﯽ ​

"Na kalkn iyo so (Allah a) migay rkano ko nganin a katawan iyo;

Verse 133

ﯾﯿﰀ ﰁ ​

"Migay rkano ko manga ayam go manga wata,

Verse 134

ﰂﰃ ﰄ ​

"Go manga pamomolan go manga bowalan.

Verse 135

ﰅﰆﰇﰈﰉﰊ ﰋ ​

"Mataan! a sakn na ikhawan akn skano ko siksa ko gawii a mala."

Verse 136

ﰌﰍﰎﰏﰐﰑﰒﰓﰔ ﰕ ​

Pitharo iran: "Magizan rkami o ino miyangthoma ka antawaa da ka mabaloy a pd ko manga pangngthoma!

Verse 137

ﭑﭒﭓﭔﭕ ﭖ ​

"Da ko ngkaya inonta na parangay o miyangaoona,

Verse 138

ﭗﭘﭙ ﭚ ​

"Na kna a ba kami phangasisiksa!"

Verse 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Na piyakambokhag iran skaniyan, na bininasa Mi siran. Mataan! a adn a matatago roo man a titho a tanda: Na da mabaloy so kadaklan kiran a khipaparatiyaya.

Verse 140

ﭨﭩﭪﭫﭬ ﭭ ​

Mataan! a so Kadnan ka na Skaniyan dn so Mabagr, a Makalimoon.

Verse 141

ﭮﭯﭰ ﭱ ​

Piyakambokhag o (pagtaw a) Samod so manga sogo.

Verse 142

ﭲﭳﭴﭵﭶﭷﭸ ﭹ ​

Gowani na pitharo kiran o pagari ran a Salih: "Ino kano di phananggila?"

Verse 143

ﭺﭻﭼﭽ ﭾ ​

"Mataan! a sakn na sogo rkano a kasasanaan.

Verse 144

ﭿﮀﮁ ﮂ ​

"Na kalkn iyo so Allah, go onoti ako niyo.

Verse 145

ﮃﮄﮅﮆﮇﮈﮉﮊﮋﮌﮍﮎ ﮏ ​

"Na da a phangnin ko rkano saya a balas: da a balas rakn inonta so sii ko Kadnan o manga kaadn.

Verse 146

ﮐﮑﮒﮓﮔ ﮕ ​

"Ba kano khibagak, sii ko nganin a matatago sii, a khisasarig kano?

Verse 147

ﮖﮗﮘ ﮙ ​

"Sii ko manga pamomolan go manga bowalan,

Verse 148

ﮚﮛﮜﮝ ﮞ ​

"Go manga prpran, go manga korma a so onga niyan na kiya lotoan?

Verse 149

ﮟﮠﮡﮢﮣ ﮤ ​

"Go pphamso kano ko manga palaw sa manga walay, a pkhababaya kano.

Verse 150

ﮥﮦﮧ ﮨ ​

"Na kalkn iyo so Allah, go onoti ako niyo;

Verse 151

ﮩﮪﮫﮬ ﮭ ​

"Na di niyo pagonoti so sogoan o manga malawani,

Verse 152

ﮮﮯﮰﮱﯓﯔ ﯕ ​

"A siran na pphaminasa siran ko lopa, go di siran phangompiya."

Verse 153

ﯖﯗﯘﯙﯚ ﯛ ​

Pitharo iran a: "Ska na pd dn ko khitataraponan!

Verse 154

ﯜﯝﯞﯟﯠﯡﯢﯣﯤﯥﯦ ﯧ ​

"Kna a ba ka di manosiya a lagid ami: Na bgay ka sa tanda, o ska na pd ko manga bnar!"

Verse 155

ﯨﯩﯪﯫﯬﯭﯮﯯﯰ ﯱ ​

Pitharo iyan a: "Katii so onta a adn a kipantag iyan ko kaynom, go adn a kipantag iyo ko kaynom, ko gawii a mappnto.

Verse 156

ﯲﯳﯴﯵﯶﯷﯸ ﯹ ​

"Na di niyo zogata skaniyan a marata, ka madansal kano a siksa ko gawii a mala."

Verse 157

ﯺﯻﯼ ﯽ ​

Na biyono iran oto: Na miyabaloy siran a miyamakazndit.

Verse 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Na miyadansal siran o siksa. Mataan! a adn a madadalm roo man a titho a tanda: Na da mabaloy so kadaklan kiran a khipaparatiyaya.

Verse 159

ﰋﰌﰍﰎﰏ ﰐ ​

Na mataan! a so Kadnan ka na Skaniyan dn so Mabagr, a Makalimoon.

Verse 160

ﭑﭒﭓﭔ ﭕ ​

Piyakambokhag o pagtaw o Lot so manga sogo.

Verse 161

ﭖﭗﭘﭙﭚﭛﭜ ﭝ ​

Gowani na pitharo kiran o pagari ran a Lot: "Ino kano di phananggila?"

Verse 162

ﭞﭟﭠﭡ ﭢ ​

"Mataan! a sakn na sogo rkano a kasasanaan.

Verse 163

ﭣﭤﭥ ﭦ ​

"Na kalkn iyo so Allah, go onoti ako niyo.

Verse 164

ﭧﭨﭩﭪﭫﭬﭭﭮﭯﭰﭱﭲ ﭳ ​

"Na da a phangnin ko rkano saya a balas: da a balas rakn inonta so sii ko Kadnan o manga kaadn.

Verse 165

ﭴﭵﭶﭷ ﭸ ​

"Ino niyo pphangabaya i so manga mama ko manga kaadn,

Verse 166

ﭹﭺﭻﭼﭽﭾﭿﮀﮁﮂﮃﮄ ﮅ ​

"Na pngganatan iyo so inadn rkano o Kadnan iyo a manga karoma niyo? Kna, ka skano na pagtaw a manga malawani!"

Verse 167

ﮆﮇﮈﮉﮊﮋﮌﮍ ﮎ ​

Pitharo iran a: "Mataan a o ding ka gnki, hay Lot! na mataan a khabaloy ka dn a pd ko piyamakaawa!."

Verse 168

ﮏﮐﮑﮒﮓ ﮔ ​

Pitharo iyan a: "Mataan! a sakn na pd ko pkhakararangit ko galbk iyo."

Verse 169

ﮕﮖﮗﮘﮙ ﮚ ​

"Kadnan ko, sabt akong Ka ago so taalok rakn, phoon ko gi iran nggolawlaan!"

Verse 170

ﮛﮜﮝ ﮞ ​

Na siyabt Ami skaniyan ago so taalok on a kasamasama iran,

Verse 171

ﮟﮠﮡﮢ ﮣ ​

Inonta so loks (a karoma niyan) ka minitapi ko miyangakakakal ko siksa.

Verse 172

ﮤﮥﮦ ﮧ ​

Oriyan iyan na piyolang Ami so manga salakaw (kiran).

Verse 173

ﮨﮩﮪﮫﮬﮭﮮ ﮯ ​

Go piyakaoranan Ami siran sa oran (a ator): Na miyakaratarata a inioran ko piyamakaiktiyar (a da dn paratiyaya)!

Verse 174

ﮰﮱﯓﯔﯕﯖﯗﯘﯙ ﯚ ​

Mataan! a adn a matatago roo man a titho a tanda: Na da mabaloy so kadaklan kiran a khipaparatiyaya.

Verse 175

ﯛﯜﯝﯞﯟ ﯠ ​

Na mataan! a so Kadnan ka na Skaniyan dn so Mabagr, a Makalimoon.

Verse 176

ﯡﯢﯣﯤ ﯥ ​

Piyakambokhag o manga taw sa Aykah so manga sogo.

Verse 177

ﯦﯧﯨﯩﯪﯫ ﯬ ​

Gowani na pitharo kiran o Shoayb: "Ino kano di phananggila?"

Verse 178

ﯭﯮﯯﯰ ﯱ ​

"Mataan! a sakn na sogo rkano a kasasanaan.

Verse 179

ﯲﯳﯴ ﯵ ​

"Na kalkn iyo so Allah, go onoti ako niyo.

Verse 180

ﯶﯷﯸﯹﯺﯻﯼﯽﯾﯿﰀﰁ ﰂ ​

"Na da a phangnin ko rkano saya a balas: da a balas rakn inonta so sii ko Kadnan o manga kaadn.

Verse 181

ﰃﰄﰅﰆﰇﰈﰉ ﰊ ​

"Tarotopa niyo so kapagasad, na oba kano mabaloy a pd ko pphamangorang.

Verse 182

ﰋﰌﰍ ﰎ ​

"Na thimbang kano ko timbangan a makaoontol;

Verse 183

ﰏﰐﰑﰒﰓﰔﰕﰖﰗ ﰘ ​

"Go da a khoranga niyo ko manga manosiya ko nganinganin iran, go di kano phangalandada ko lopa, a pphamaminasa kano;

Verse 184

ﭑﭒﭓﭔﭕ ﭖ ​

"Go kalkn iyo so (Allah a) miyadn rkano, go (miyadn ko) manga kaadn a miyangaoona."

Verse 185

ﭗﭘﭙﭚﭛ ﭜ ​

Pitharo iran a: "Ska na pd dn ko khitataraponan!

Verse 186

ﭝﭞﭟﭠﭡﭢﭣﭤﭥ ﭦ ​

"Na kna a ba ka di manosiya a lagid ami, na mataan! a arangan ami rka na pd dn ko manga bokhag!

Verse 187

ﭧﭨﭩﭪﭫﭬﭭﭮﭯ ﭰ ​

"Na ologi kaming ka sa pisagintasan ko siksa ko langit, o ska na pd ko manga bnar!"

Verse 188

ﭱﭲﭳﭴﭵ ﭶ ​

Pitharo iyan a: "So Kadnan ko i Matao ko gii niyo nggolawlaan."

Verse 189

ﭷﭸﭹﭺﭻﭼﭽﭾﭿﮀﮁ ﮂ ​

Na piyakambokhag iran skaniyan. Na miyadansal siran o siksa ko alongan a kinilalansay o gabon. Mataan aya! a miyabaloy a siksa ko alongan a mala.

Verse 190

ﮃﮄﮅﮆﮇﮈﮉﮊﮋ ﮌ ​

Mataan! a adn a matatago roo man a titho a tanda: Na da mabaloy so kadaklan kiran a khipaparatiyaya.

Verse 191

ﮍﮎﮏﮐﮑ ﮒ ​

Na mataan! a so Kadnan ka na skaniyan dn so Mabagr, a Makalimoon.

Verse 192

ﮓﮔﮕﮖ ﮗ ​

Na mataan a giya Qor´an aya! a titho a initoron o Kadnan o manga kaadn:

Verse 193

ﮘﮙﮚﮛ ﮜ ​

Initoron aya o Niyawa a Kasasarigan (a so Jibril),

Verse 194

ﮝﮞﮟﮠﮡ ﮢ ​

Sii ko poso o ka (hay Mohammad), ka ang ka mabaloy a pd ko miyamakaiktiyar,

Verse 195

ﮣﮤﮥ ﮦ ​

Sa basa Arab a mapayag.

Verse 196

ﮧﮨﮩﮪ ﮫ ​

Na mataan aya! a titho a madadalm ko manga kitab a miyangaoona.

Verse 197

ﮬﮭﮮﮯﮰﮱﯓﯔﯕ ﯖ ​

Ba da a miyaadn kiran a tanda a katawan skaniyan o manga olama ko manga moriyataw o Israil?

Verse 198

ﯗﯘﯙﯚﯛ ﯜ ​

Na o initoron Ami skaniyan ko sabaad ko kna a ba manga Arab,

Verse 199

ﯝﯞﯟﯠﯡﯢ ﯣ ​

Na go niyan kiran oto biyatiya, na di iran oto pharatiyayaan.

Verse 200

ﯤﯥﯦﯧﯨ ﯩ ​

Lagid aya a kiyapakasold Ami ron ko manga poso o manga rarata i ongar.

Verse 201

ﯪﯫﯬﯭﯮﯯﯰ ﯱ ​

Di iran oto pharatiyayaan taman sa di iran kasandngan so siksa a malipds;

Verse 202

ﯲﯳﯴﯵﯶ ﯷ ​

Na makatalingoma kiran (so siksa) sa mitalmba, a siran na di iran maiin´ngka;

Verse 203

ﯸﯹﯺﯻ ﯼ ​

Na matharo iran: "Ino sktano khataalik rktano?"

Verse 204

ﯽﯾ ﯿ ​

(Pitharo o Allah:) Ino a so siksa Ami na pphangnin iran a kagaan iyan?

Verse 205

ﰀﰁﰂﰃ ﰄ ​

Ay gdaa ka? Amay ka pakasawitn Ami siran ko kapipiya a ginawa sa phipira ragon,

Verse 206

ﰅﰆﰇﰈﰉ ﰊ ​

Oriyan iyan na makawma kiran so inidiyandi kiran (a siksa)!

Verse 207

ﭑﭒﭓﭔﭕﭖ ﭗ ​

Na di kiran makalinding so piyakisawitan kiran a kapipiya ginawa!

Verse 208

ﭘﭙﭚﭛﭜﭝﭞ ﭟ ​

Na da a bininasa Mi a phagingd, a ba da a miyamakaiktiyar on,

Verse 209

ﭠﭡﭢﭣ ﭤ ​

Pananadm; na kna a ba Kami manga salimbot.

Verse 210

ﭥﭦﭧﭨ ﭩ ​

Go kna a ba initoron skaniyan o manga shaytan:

Verse 211

ﭪﭫﭬﭭﭮ ﭯ ​

Go di kiran patot, go di iran khagaga.

Verse 212

ﭰﭱﭲﭳ ﭴ ​

Mataan! a siran na so kapamamakin´g (ko langit) na piyakignkan kiran dn.

Verse 213

ﭵﭶﭷﭸﭹﭺﭻﭼﭽ ﭾ ​

Na di ka phanongganoy sa pd o Allah, a tohan a salakaw ka mabaloy ka a pd ko phangasisiksa.

Verse 214

ﭿﮀﮁ ﮂ ​

Na pakaiktiyarang ka so manga tonganaing ka, a manga dadasg,

Verse 215

ﮃﮄﮅﮆﮇﮈ ﮉ ​

Go pakainayang ka so gowagowaing ka ko taw a miyonot rka, a pd ko miyamaratiyaya.

Verse 216

ﮊﮋﮌﮍﮎﮏﮐ ﮑ ​

Na amay ka sorangng ka iran, na tharoang ka a: "Mataan! a sakn na angiyas ako ko gii niyo nggolawlaan!"

Verse 217

ﮒﮓﮔﮕ ﮖ ​

Go panarig ka ko (Allah a) Mabagr, a Makalimoon,

Verse 218

ﮗﮘﮙﮚ ﮛ ​

A so Pphakaylay rka ko masa a kapthindg ka,

Verse 219

ﮜﮝﮞ ﮟ ​

Go so kapphagkaskas ka a rakhs o pphamanojiod.

Verse 220

ﮠﮡﮢﮣ ﮤ ​

Mataan aya! a Skaniyan so Pphakan´g, a Matao.

Verse 221

ﮥﮦﮧﮨﮩﮪ ﮫ ​

Ba ko rkano phanothola, so taw a pthpadan o manga shaytan?

Verse 222

ﮬﮭﮮﮯﮰ ﮱ ​

Pthpad ko oman i bokhag, a baradosa,

Verse 223

ﯓﯔﯕﯖ ﯗ ​

A tatandangan iran sa pamamakin´gan (so manga shaytan), na so kadaklan kiran na manga bokhag.

Verse 224

ﯘﯙﯚ ﯛ ​

Na so manga pababayok, na phagonotan siran o miyangadadadag:.

Verse 225

ﯜﯝﯞﯟﯠﯡﯢ ﯣ ​

Bang ka da maylay a mataan! a siran na pphromparompak siran ko oman i laboay?

Verse 226

ﯤﯥﯦﯧﯨ ﯩ ​

Go mataan a siran na gi iran tharoon so di iran pnggolawlaan,

Verse 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Tabiya on so miyamaratiyaya, go pinggalbk iran so manga pipiya, go tiyadman iran so Allah sa madakl, go siyabt iran a ginawa iran ko oriyan o kiyasalimboti kiran; na katokawan dn o siran a manga salimbot o antonaa darpa i khandodan iran!