ﯡ

ترجمة معاني سورة الطور باللغة ماراناو من كتاب Maranao - Maranao translation .

ﰡ

ﮞ ﰀ​


Ibt ko palaw a Tor (a giyoto so palaw a ron inimbitiyarai o Allah so Mosa ko liyawaw niyan).
ﮠﮡ ﰁ​

Go so kitab a misosorat (a giyo to so Qor´an)
ﮣﮤﮥ ﰂ​

Ko karatas a makakayat,
ﮧﮨ ﰃ​

Go so Baytil Maamor (a giyoto so walay a mbabalayn a dii tawapan mambo o manga malaikat sa langit).
ﮪﮫ ﰄ​

Go so atp a ipoporo (a giyoto so langit a matatampar sa donya)
ﮭﮮ ﰅ​

Go so kalodan a mappno,
ﮰﮱﯓﯔ ﰆ​

Ka mataan! a so siksa o Kadnan ka na phakatana dn, -
ﯖﯗﯘﯙ ﰇ​

Daa phakarnon,
ﯛﯜﯝﯞ ﰈ​

Sii ko alongan a mabirbir so langit sa titho a kabirbir,
ﯠﯡﯢ ﰉ​

Go mamangikayontong so manga palaw a mikayambr.
ﯤﯥﯦ ﰊ​

Na sangat a siksa sa alongan oto a bagian o miyamanaplis,
ﯨﯩﯪﯫﯬ ﰋ​

So siran na sii ko ribat khikabibimban;
ﯮﯯﯰﯱﯲﯳ ﰌ​

Sii ko alongan a ipanaromag siran ko naraka Jahanam, sa mabasng a kapanaromag.
ﯵﯶﯷﯸﯹﯺ ﰍ​

(Tharoon kiran:) Giyai so apoy, a so piyakambokhag iyo skaniyan!
ﭑﭒﭓﭔﭕﭖ ﰎ​

Ino balik mata ini, antawaa skano i di phamakanono? -
ﭘﭙﭚﭛﭜﭝﭞﭟﭠﭡﭢﭣﭤ ﰏ​

Sombowi niyo skaniyan: Na phantang kano, antawaa di kano pphantang, na mlagid rkano. Aya bo a imbalas rkano na so pinggolawla niyo.
ﭦﭧﭨﭩﭪ ﰐ​

Mataan! a so miyamananggila na sii ko manga sorga, go kadarandang,
ﭬﭭﭮﭯﭰﭱﭲﭳ ﰑ​

A mabababaya siran sabap ko inibgay kiran o Kadnan iran; go piyakalidas siran o Kadnan iran ko siksa ko naraka Jahim.
ﭵﭶﭷﭸﭹﭺ ﰒ​

(Tharoon kiran:) Kang kano, go inom kano sa kapipiya ginawa, sabap ko pinggolawla niyo;
ﭼﭽﭾﭿﮀﮁﮂﮃ ﰓ​

Gii siran zasandasandang ko manga kantir a khirarantarn; go pakaphamangaromaan Ami siran sa manga tataid, a manga pipiya i kapmata.
ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘ ﰔ​

Na so miyamaratiyaya, go tiyondog siran o manga moriyataw iran ko paratiyaya, - na pakiraot Ami siran ko manga moriyataw iran, go da a korangn Ami kiran ko galbk iran a mayto bo. Oman i isa a taw na sanda ko galbk iyan.
ﮚﮛﮜﮝﮞ ﰕ​

Na phagomanan Ami siran sa onga, ago sapo, a pkhababayaan iran.
ﮠﮡﮢﮣﮤﮥﮦﮧ ﰖ​

Gii siran roo ndadawaga sa inomn, a da a ilang on, go da a ikhadosa on;
ﮩﮪﮫﮬﮭﮮﮯﮰ ﰗ​

Go phlibtn siran o manga ngongoda iran, lagid o ba siran montiya a totongkopn;
ﯓﯔﯕﯖﯗ ﰘ​

Go pphagadapn o sabaad kiran so sabaad, a pphamagizai siran:
ﯙﯚﯛﯜﯝﯞﯟ ﰙ​

Tharoon iran a: Mataan! a sktano na miyabaloy tano gowani ko zisii tano ko manga tonganay tano a maalk tano.
ﯡﯢﯣﯤﯥﯦ ﰚ​

"Na inikalimo tano o Allah, go piyakalidas tano Niyan ko siksa, a phakarobrob.;"
ﯨﯩﯪﯫﯬﯭﯮﯯﯰﯱ ﰛ​

"Mataan! sktano na miyabaloy tano gowani a pphamangni tano Rkaniyan. Mataan! a Skaniyan na Skaniyan so Pphangompiya, a Makalimoon!"
ﯳﯴﯵﯶﯷﯸﯹﯺ ﰜ​

Na pphangthoma ka, ka sabap ko limo o Kadnan ka, na kna a ba ka paririmar, go di ka tataraponan.
ﯼﯽﯾﯿﰀﰁﰂ ﰝ​

Kna, ka gi iran tharoon a: "Pababayok! Na daraan tano rkaniyan so phangababago o masa!"
ﰄﰅﰆﰇﰈﰉ ﰞ​

Tharoang ka: "Dadara kano, ka mataan! a sakn na pd iyo a pd ko khidadara!."
ﭑﭒﭓﭔﭕﭖﭗﭘﭙ ﰟ​

Ba kiran aya sosogoon o manga gdagda iran; kna, ka siran na pagtaw a manga darowaka?
ﭛﭜﭝﭞﭟﭠﭡ ﰠ​

Ino iran gii tharoa a: "Piyangmbaalan iyan aya a katharo?" Kna, ka di siran mapaparatiyaya!
ﭣﭤﭥﭦﭧﭨ ﰡ​

Na bgay siran sa tothol a lagid iyan, o siran i manga bnar!
ﭪﭫﭬﭭﭮﭯﭰﭱ ﰢ​

Ba siran miyaadn sa da a miyangadn, antawaa ba siran i miyangadn?
ﭳﭴﭵﭶﭷﭸﭹﭺ ﰣ​

Ba iran inadn so manga langit ago so lopa? Kna, ka di iran tatangkdn.
ﭼﭽﭾﭿﮀﮁﮂ ﰤ​

Ba kiran zisii so manga kakawasaan o Kadnan ka, antawaa ba siran i phamakabaas?
ﮄﮅﮆﮇﮈﮉﮊﮋﮌﮍ ﰥ​

Ba adn a towak iran (ko langit) a makapphamakin´g siran on? Na talingomaan o miyamamakin´g kiran i katantowan, a mapayag!
ﮏﮐﮑﮒﮓ ﰦ​

Ba aya rk Iyan na so manga wata a babay, na rk iyo so manga wata a mama?
ﮕﮖﮗﮘﮙﮚﮛ ﰧ​

Na ba ka kiran pphangni sa sokay, na siran na phoon ko kapakambayadan na kappndan siran?
ﮝﮞﮟﮠﮡ ﰨ​

Ba kiran zisii so migagaib, na siran i pphamanorat on?
ﮣﮤﮥﮦﮧﮨﮩﮪ ﰩ​

Kna, ka aya antap iran na antangan a marata, na so miyamangongkir na siran i piyangakakaydan!
ﮬﮭﮮﮯﮰﮱﯓﯔﯕﯖ ﰪ​

Ba adn a tohan iran a salakaw ko Allah? Soti so Allah mawatan ko ipphanakoto iran!
ﯘﯙﯚﯛﯜﯝﯞﯟﯠ ﰫ​

Na o makaylay siran sa sagintas ko langit a pkhawlog, na ptharoon iran a: "Gabon a thotorogan!"
ﯢﯣﯤﯥﯦﯧﯨ ﰬ​

Na botawaning ka siran, taman sa mimbaratmowa iran so alongan iran, a so khadaan siran on sa tanod,
ﯪﯫﯬﯭﯮﯯﯰﯱﯲ ﰭ​

Alongan a di kiran makanggay a gona so ikmat iran sa mayto bo, go di siran pangatatabangan.
ﯴﯵﯶﯷﯸﯹﯺﯻﯼﯽ ﰮ​

Na mataan! a adn a bagian o siran a mindadarowaka, a siksa a salakaw roo, na ogaid na so kadaklan kiran na di iran katawan.
ﯿﰀﰁﰂﰃﰄﰅﰆﰇﰈﰉ ﰯ​

Na phantang ka ko kokoman o Kadnan ka; ka mataan! a ska na sii ko manga kaylay Ami: Go pthasbikn ka so podi o Kadnan ka, ko wakto a kangganat ka;
ﰋﰌﰍﰎﰏ ﰰ​

Go sii ko kagagawii na pthasbik ka Rkaniyan, go so kapamakasdp o manga bitoon!