ﯼ

ترجمة معاني سورة النازعات باللغة ماراناو من كتاب Maranao - Maranao translation .

ﰡ

ﮢﮣ ﰀ​


Ibt ko dii nggagandr tomkaw (a manga malaikat),
ﮥﮦ ﰁ​

Go so pphamanonggos sa mananay,
ﮨﮩ ﰂ​

Go so pphamanoron sa magaan,
ﮫﮬ ﰃ​

Go so pphamangonakona,
ﮮﮯ ﰄ​

Go so gii thatandingan ko sogoan (ka pagoyagn kano dn);
ﮱﯓﯔ ﰅ​

Sii ko alongan a thambtambg so phakatambg,
ﯖﯗ ﰆ​

A matondog skaniyan o phakatondog.
ﯙﯚﯛ ﰇ​

So manga poso sa alongan oto na maalk,
ﯝﯞ ﰈ​

So manga kaylay ron na makassnong.
ﯠﯡﯢﯣﯤ ﰉ​

Gi iran tharoon: "Ba mataan! a sktano na khikasoy tano dn ko asal a btad (a kawyagoyag)?"
ﯦﯧﯨﯩ ﰊ​

"Ati apiya pn mabaloy tano a manga tolan a miyanga rorophod?"
ﯫﯬﯭﯮﯯ ﰋ​

Pitharo iran a: "Giyoto man na samawto na kapakakasoy a kalogi!"
ﯱﯲﯳﯴ ﰌ​

Na giyoto na satiman bo a lalis,
ﯶﯷﯸ ﰍ​

Na samawto na siran na matago siran ko liyawaw o lopa (a manga oyagoyag).
ﯺﯻﯼﯽ ﰎ​

Ino a miyakatalingoma rka so totholan ko Mosa?
ﯿﰀﰁﰂﰃﰄ ﰏ​

Gowani a itawag rkaniyan o Kadnan iyan sii ko balintad a soti a giya Towa:
ﭑﭒﭓﭔﭕ ﰐ​

"Song ka ko Pir´awn, mataan! a skaniyan na miyangakowala,"
ﭗﭘﭙﭚﭛﭜ ﰑ​

"Na tharoang ka: ´Ino khabaya ka a masoti ka?´
ﭞﭟﭠﭡ ﰒ​

"Go manggonanao akn ska ko Kadnan ka, na makapananggila ka."
ﭣﭤﭥ ﰓ​

Na piyakiilay niyan on so tanda a mala.
ﭧﭨ ﰔ​

Na piyakambokhag iyan go somiyangka,
ﭪﭫﭬ ﰕ​

Oriyan iyan na tomiyalikhod a gii nggagaan,
ﭮﭯ ﰖ​

Na tominimo sa taw go piyakalangkap iyan,
ﭱﭲﭳﭴ ﰗ​

Sa pitharo iyan: "Sakn i tohan iyo a maporo."
ﭶﭷﭸﭹﭺ ﰘ​

Na inidan´g on o Allah so siksa ko mori, ago so paganay.
ﭼﭽﭾﭿﮀﮁ ﰙ​

Mataan! a adn a matatago saya a titho a thoma ko taw a maalkn (ko Allah).
ﮃﮄﮅﮆﮇﮈﮉ ﰚ​

Ba skano i margn a adnn, antawaa so langit? Pimbalay Niyan skaniyan:
ﮋﮌﮍ ﰛ​

Iniporo Iyan so kaporo Iyan go pithaong Iyan phiyapiya,
ﮏﮐﮑﮒ ﰜ​

Go piyakalibotng Iyan so gagawii ron, go piyakaliwanag Iyan so dawndaw ron;
ﮔﮕﮖﮗ ﰝ​

Go so lopa ko oriyan oto na kiyayat Iyan,
ﮙﮚﮛﮜ ﰞ​

Piyakambowat Iyan on so ig rkaniyan, ago so manga pangn´ngkn on;
ﮞﮟ ﰟ​

Go so manga palaw na piyamakabkn Iyan on,
ﮡﮢﮣ ﰠ​

Pagpr rkano ago so manga ayam iyo.
ﮥﮦﮧﮨ ﰡ​

Na amay ka makatalingoma so khawlawla a mala,
ﮪﮫﮬﮭﮮ ﰢ​

Sii ko alongan a katadman o manosiya so pinggolawla niyan,
ﮰﮱﯓﯔ ﰣ​

Go payagn so naraka Jahim ko phakaylay ron.
ﯖﯗﯘ ﰤ​

Na so pman so taw a miyangakowala,
ﯚﯛﯜ ﰥ​

Go miyatomo iyan so kawyagoyag sa doniya,
ﯞﯟﯠﯡ ﰦ​

Na mataan! a so naraka Jahim na giyoto i darpa iyan.
ﯣﯤﯥﯦﯧﯨﯩﯪﯫ ﰧ​

Na so pman so miyalk sa kakhaadapa niyan ko Kadnan iyan, go pininggn iyan a ginawa niyan ko kabaya a ribat.
ﯭﯮﯯﯰ ﰨ​

Na mataan! a so sorga na giyoto i darpa iyan.
ﯲﯳﯴﯵﯶ ﰩ​

Ipagiza iran rka so bangkit, o anday kaphakadongko iyan?
ﯸﯹﯺﯻ ﰪ​

Na bang ka kiran oto kaphakisaboti?
ﯽﯾﯿ ﰫ​

Sii bo ko Kadnan ka so khadansalan iyan.
ﰁﰂﰃﰄﰅ ﰬ​

Mataan! a ska na matag ka phamakaiktiyar ko maalk Rkaniyan.
ﰇﰈﰉﰊﰋﰌﰍﰎﰏ ﰭ​

Lagid oba mataan a siran ko alongan a kasandngi iran on na da a minitarg iran (ko doniya) a rowar ko kagabigabi odi na so kapitapita!