ﯺ

surah.translation .

ﰡ

ﮑﮒ ﰀ​


Ibt ko pphamanogo on, a dii makathondotondog,
ﮔﮕ ﰁ​

Go so pphamanambr sa mabands,
ﮗﮘ ﰂ​

Go so pphamayapat (ko oran) sa samporna a kapamayapat,
ﮚﮛ ﰃ​

Go so gii makazsnggaya sa samporna a kasnggai,
ﮝﮞ ﰄ​

Go so pphamamgay sa pananadm (a manga malaikat).
ﮠﮡﮢ ﰅ​

Kapamokas sa kataksilan, odi na kapamakaiktiyar,
ﮤﮥﮦ ﰆ​

Mataan! a so diyandi rkano (a mapnggolawla ko alongan a qiyamah) na phakatana dn.
ﮨﮩﮪ ﰇ​

Na amay ka so manga bitoon na mapadng,
ﮬﮭﮮ ﰈ​

Go amay ka so langit na mabnsad,
ﮰﮱﯓ ﰉ​

Go amay ka so manga palaw na mamangikayambr.
ﯕﯖﯗ ﰊ​

Go amay ka so manga sogo na limodn ko wakto a mappnto,
ﯙﯚﯛ ﰋ​

Antonaa i alongan a tiyaalik?
ﯝﯞ ﰌ​

Sii ko alongan a kokoman.
ﯠﯡﯢﯣﯤ ﰍ​

Na antonaa i miyakandao rka o antonaa i alongan a kokoman?
ﯦﯧﯨ ﰎ​

Kabinasa sa alongan oto, a bagian o piyamakambokhag iran aya!
ﯪﯫﯬ ﰏ​

Ba Ami da binasaa so miyangaoona?
ﯮﯯﯰ ﰐ​

Oriyan iyan na ipthondog Ami kiran so miyangaoori
ﯲﯳﯴ ﰑ​

Lagid oto man a ikhidia Mi ko manga baradosa.
ﯶﯷﯸ ﰒ​

Kabinasa sa alongan oto, a bagian o miyamanaplis!
ﭑﭒﭓﭔﭕ ﰓ​

Ba Ami skano da adna a phoon sa ig a malmk?
ﭗﭘﭙﭚ ﰔ​

Na tiyago Ami oto ko darpa a mapapalihara,
ﭜﭝﭞ ﰕ​

Taman ko diyangka a katawan,
ﭠﭡﭢ ﰖ​

Na pindidiyangka Ami. Na sayana Kami a mapiya a mindidiyangka!
ﭤﭥﭦ ﰗ​

Kabinasa ko alongan oto, a bagian o miyamanaplis!
ﭨﭩﭪﭫ ﰘ​

Ba Ami da baloya so lopa a maka-aangkos,
ﭭﭮ ﰙ​

Ko manga oyagoyag ago so miyamatay,
ﭰﭱﭲﭳﭴﭵﭶ ﰚ​

Go piyakabknan Ami oto sa manga palaw a manga poporo, go piyakaynom Ami skano sa ig a tabang?
ﭸﭹﭺ ﰛ​

Kabinasa sa alongan oto, a bagian o miyamanaplis!
ﭼﭽﭾﭿﮀﮁ ﰜ​

(Ptharoon kiran:) "Song kano ko piyakambokhag iyo skaniyan!
ﮃﮄﮅﮆﮇﮈ ﰝ​

"Song kano ko along a tlo sai -
ﮊﮋﮌﮍﮎﮏ ﰞ​

"Di khasirongan, go di khirn ko kadg.
ﮑﮒﮓﮔ ﰟ​

"Mataan aya! a ipphllbad iyan so manga kotokoto a apoy a datar o manga torogan.
ﮖﮗﮘ ﰠ​

"Lagid oba oto manga onta a manga bibinaning."
ﮚﮛﮜ ﰡ​

Kabinasa sa alongan oto, a bagian o miyamanaplis!
ﮞﮟﮠﮡ ﰢ​

Giyaya so alongan a di siran makaptharo,
ﮣﮤﮥﮦ ﰣ​

Go di kiran iphangonot, ka oba siran makapamitowa.
ﮨﮩﮪ ﰤ​

Sangat a siksa sa alongan oto, a bagian o miyamanaplis!
ﮬﮭﮮﮯﮰﮱ ﰥ​

Giyaya so alongan a kokoman: Linimod Ami skano a rakhs o miyangaoona!
ﯔﯕﯖﯗﯘ ﰦ​

Na o adn a ikmat iyo, na ikmat Ako niyo!
ﯚﯛﯜ ﰧ​

Sangat a siksa sa alongan oto, a rk o miyamanaplis!
ﯞﯟﯠﯡﯢ ﰨ​

Mataan! a so miyamananggila, na sii ko khikasisirongan ago manga bowalan,
ﯤﯥﯦ ﰩ​

Ago manga onga, a pd ko pkhababayaan iran.
ﯨﯩﯪﯫﯬﯭ ﰪ​

(Ptharoon kiran:) "Kang kano, go inom kano sa kapipiya ginawa sabap ko pinggolawla niyo (a mapiya)."
ﯯﯰﯱﯲ ﰫ​

Mataan! a Skami na lagid oto man a kambalasi Ami ko miphipiyapiya.
ﯴﯵﯶ ﰬ​

Sangat a siksa sa alongan oto, a rk o miyamanaplis!
ﯸﯹﯺﯻﯼ ﰭ​

Kang kano go khariyala kano sa di mathay. Mataan! a skano na manga sala.
ﯾﯿﰀ ﰮ​

Sangat a siksa sa alongan oto, a rk o miyamanaplis!
ﰂﰃﰄﰅﰆﰇ ﰯ​

Na igira a pitharo kiran a: "(Zambayang kano sa) Pangalimbabaang kano! Na di siran phangalimbabaan."
ﰉﰊﰋ ﰰ​

Sangat a siksa sa alongan oto, a rk o piyakambokhag iran aya!
ﰍﰎﰏﰐ ﰱ​

Na antonaa i tothol, ko oriyan angkai a Qor´an, i pharatiyayaan iran?