Tafsir sa Sura طه sa ماراناو gikan sa Maranao - Maranao translation
Verse 1
ﭵ
ﭶ
Ta, Ha. (so Allah i Matao ko paka-aantapan Iyan on.)
Verse 2
ﭷﭸﭹﭺﭻ
ﭼ
Kna a ba aya kinitoronn Ami rka (ya Mohammad) ko Qor´an na angka makandamar,
Verse 3
ﭽﭾﭿﮀ
ﮁ
Ogaid na ndao ko taw a maalkn (ko Allah),
Verse 4
ﮂﮃﮄﮅﮆﮇ
ﮈ
Initoron a miyakapoon ko miyadn ko lopa ago so manga langit a manga poporo.
Verse 5
ﮉﮊﮋﮌ
ﮍ
So Masalinggagaw a sii ko aras mithakna.
Verse 6
Rk Iyan so matatago ko manga langit ago so matatago ko lopa, go so pagltan a dowa oto, go so didalm o lopa.
Verse 7
Na o pakatanogn ka so katharo, na mataan! a Skaniyan na katawan Iyan so masoln ago so lbi a mapag-uma.
Verse 8
So Allah! Da a tohan a salakaw Rkaniyan! Rk Iyan so manga ngaran a manga pipiya.
Verse 9
ﮭﮮﮯﮰ
ﮱ
Ino, miyakatalingoma rka so totholan ko Mosa?
Verse 10
Gowani a makaylay sa apoy: Na pitharo iyan ki karoma niyan a: "Apa kano; ka mataan! a sakn na miyakaylay ako sa apoy; kalokalo kawitan ko skano ron sa barabad, odi na makatoon ako sii ko apoy sa nanao."
Verse 11
ﯦﯧﯨﯩ
ﯪ
Na kagiya a makatalingoma on, na kiyatalowan: "Hay Mosa!"
Verse 12
"Mataan! a Sakn na Sakn so Kadnan ka! na ndaing ka so dowa a talompa aka: Mataan! a ska na matatago ko balintad a soti a giya Towa;"
Verse 13
ﭑﭒﭓﭔﭕ
ﭖ
"A Sakn na pinili Akn ska: Na pakin´gang ka so ipagilaham (rka)."
Verse 14
"Mataan! a Sakn na Sakn so Allah: Da a tohan a salakaw Rakn: Na simbaa Kong ka, go pamayandgn ka so sambayang sa pananadm Rakn."
Verse 15
"Mataan! a so bangkit na phakatalingoma marani a pag-umaan Ko skaniyan, ka an mibalas ko oman i isa a ginawa so galbk iyan."
Verse 16
"Na oba ka on kaalangi o taw a di ron mapaparatiyaya, go inonotan iyan so n´nga iyan, ka mabinasa ka!"
Verse 17
ﭹﭺﭻﭼ
ﭽ
"Na antonaa angkanan a zisii sa kawanan ka, hay Mosa?"
Verse 18
Pitharo iyan: "Giyaya na badas akn a ipphankn akn skaniyan, go ipphangawit akn oto (sa pkhn) o kambing akn, go adn a manga osba ko ron a pd."
Verse 19
ﮌﮍﮎ
ﮏ
Pitharo (o Allah): "Ithogn ka, hay Mosa!."
Verse 20
ﮐﮑﮒﮓﮔ
ﮕ
Na iniithog iyan, na samawto na skaniyan na nipay, a giindoladola sa magaan.
Verse 21
Pitharo (o Allah): "Kowaang ka skaniyan, go di ka khalk: Ka phakandodn Ami bo skaniyan ko btad iyan a paganay: "
Verse 22
"Go soldn ka a limang ka ko kilid ka: ka an makambowat a masindaw, a kna a ba panggal, - tanda pn a salakaw," -
Verse 23
ﮫﮬﮭﮮ
ﮯ
"Ka phakaylayn Ami ska ko manga tanda Ami a manga ala."
Verse 24
ﮰﮱﯓﯔﯕ
ﯖ
"Song ka ko Pir´awn, ka mataan! a skaniyan na miyangakowala."
Verse 25
ﯗﯘﯙﯚﯛ
ﯜ
Pitharo (o Mosa): "Kadnan ko, pakalowagang Ka rakn so rarb akn,"
Verse 26
ﯝﯞﯟ
ﯠ
"Go lbodang Ka rakn so zowaan akn,"
Verse 27
ﯡﯢﯣﯤ
ﯥ
"Go pakalowayang Ka so kabigr o dila akn,"
Verse 28
ﯦﯧ
ﯨ
"Ka an iran kasaboti so katharo akn:"
Verse 29
ﯩﯪﯫﯬﯭ
ﯮ
"Go snggay akong Ka sa wazir a pd ko tonganay akn,"
Verse 30
ﯯﯰ
ﯱ
"So Haron, a pagari ko,"
Verse 31
ﯲﯳﯴ
ﯵ
"Bkhzn Ka skaniyan ko bagr akn,"
Verse 32
ﯶﯷﯸ
ﯹ
"Go pakatompokang Ka skaniyan ko galbk akn:"
Verse 33
ﯺﯻﯼ
ﯽ
"Kaang kami Rka pphakatasbik sa madakl,"
Verse 34
ﯾﯿ
ﰀ
"Go an ami Ska katatadmi sa madakl: "
Verse 35
ﰁﰂﰃﰄ
ﰅ
"Mataan! a Ska i tatap a phagilay rkami."
Verse 36
ﰆﰇﰈﰉﰊ
ﰋ
Pitharo (o Allah) a: "Sabnar a inibgay rka so pangning ka, hay Mosa!"
Verse 37
ﰌﰍﰎﰏﰐ
ﰑ
"Na sabnsabnar a inipangalimo Ami ska ko kiyaokitan a salakaw."
Verse 38
ﭑﭒﭓﭔﭕﭖ
ﭗ
"Gowani a iilaham Ami ki ina aka so iphagilaham:"
Verse 39
(Sa pitharoon:) "Tagoang ka skaniyan (a Mosa) ko kaban, na anodang ka ko lawasayg (a Nayl): Na pimpirn skaniyan o lawasayg (a Nayl) ko thbaan, ka an makowa o ridoay Akn go ridoay niyan: Na tiyagoang Ko ska sa kakasi a phoon Rakn: Go angka mapagoyagoyag sii ko palihara Akn."
Verse 40
"Gowani a pphlalakaw si babaing ka na gii niyan tharoon: ´O toroi ko skano sa taw a makambaromitan on?´ Na piyakandod Ami ska ki ina aka, ka an makapiya ginawa niyan go an di makamboboko. Na miyamono ka sa taw, na siyabt Ami ska phoon ko rata a ginawa, go piyanpngan Ami ska a manga tpng. Na miyakatarg ka sa miyakapira ragon ko manga taw sa Madiyan; oriyan iyan na miyakaoma ka sa takdir Akn, hay Mosa!"
Verse 41
ﮖﮗ
ﮘ
"Go pinili Akn ska (a siyanaan) o ginawa Ko:"
Verse 42
"Lalakaw ka, ska, go si pagaring ka, rakhs o manga tanda Akn, go di niyo paparina so tadm Rakn."
Verse 43
ﮢﮣﮤﮥﮦ
ﮧ
"Songkano a dowa ko Pir´awn, mataan! a skaniyan na miyangakowala;"
Verse 44
"Na mbitiyarain iyo skanyan, sa lalag a malinank, ka kalokalo o skaniyan na makapagin´ng ka, odi na malk."
Verse 45
Pitharo iran a dowa: "Kadnan ami, mataan! a skami na ipkhalk ami i ba kami niyan sakotikaa, odi na magoman a kapphangakowala niyan."
Verse 46
Pitharo (o Allah): "Di kano khalk: Mataan! a Sakn na babid iyo: Pkhan´g Akn go pkhaylay Akn (so khasowa iyo)."
Verse 47
"Na song kano ron, na tharoa niyo a: ´Mataan! a skami a dowa na sogo o Kadnan ka: Na bokaing ka rkami so manga moriyataw o Israil, go ding ka siran pziksaa: Sabnar a adn a minioma mi rka a tanda, a phoon ko Kadnan ka. Na so kalilintad na sii ko taw a komidg ko toroan´!"
Verse 48
"Mataan! a skami na sabnar a iniilaham rkami a mataan! a so siksa na sii ko taw a tomiyaplis go tomiyalikhod."
Verse 49
ﰉﰊﰋﰌ
ﰍ
Pitharo (o Pir´awn): "Antawaa i Kadnan iyo hay Mosa?"
Verse 50
Pitharo (o Mosa): "Aya Kadnan ami na so inibgay Niyan ko oman i isa shay´ so iniyadn on, oriyan iyan na pinggonanao Niyan."
Verse 51
ﰘﰙﰚﰛﰜ
ﰝ
Pitharo (o Pir´awn): "Antonaay miyasowa o manga pagtaw a miyangaoona?"
Verse 52
Pitharo (o Mosa): "So katawi ron na sii ko Kadnan ko, ka matatago ko kitab: Di kharibat so Kadnan ko, go di khalipat,"
Verse 53
"So inisnggay Niyan rkano so lopa a miyakayat, go tiyagoan kano Niyan on sa manga lalan; go piyakatoron Iyan a phoon ko kawang so ig"; na adn a pphakambowatn Ami sa sabap on a pizoson a mangngto a mbidabida.
Verse 54
Kang kano (ron) go pagpra niyo (ron) so manga ayam iyo: Mataan! a adn a matatago roo man a titho a manga tanda ko adn a manga gdagda iyan:
Verse 55
Inadn Ami skano a phoon ko lopa, go ron Ami skano phakakasoya, go ron Ami skano phakagmawa so khaokitan a salakaw.
Verse 56
ﮇﮈﮉﮊﮋﮌ
ﮍ
Na sabnsabnar a piyakiilay Ami (ko Pir´awn) so manga tanda Ami sa kalangolangowan iyan, na tomiyaplis go somiyang ka.
Verse 57
Pitharo (o Pir´awn): "Ba aya kiyasong ka rkami na ang kaming ka mapakaawa ko lopa Ami sabap ko balik matang ka, hay Mosa?"
Verse 58
"Na mataan! a khawitan Ami ska dn sa balik mata a lagid iyan. Na tndo ka ko lt ami go so lt ka sa kapthalabok, di kami ron ndorat skami go ska (sii ko) darpa a kasosokodan (rktano)."
Verse 59
Pitharo (o Mosa): "Aya kathalabok iyo na so alongan a kalilang, go malimod so manga manosiya ko kiporo o alongan."
Verse 60
ﮮﮯﮰﮱﯓﯔ
ﯕ
Na tomiyalikhod so Pir´awn: Na tinimo iyan so antangan iyan, oriyan iyan na miyakatalingoma.
Verse 61
Pitharo kiran o Mosa: "Dowan dowaan kano! Di niyo pagangkoba so Allah sa kabokhag, ka ibinasa Niyan rkano so siksa: Na sabnar a kiyawiswisan so taw a inangkob iyan (so Allah)!"
Verse 62
ﯧﯨﯩﯪﯫ
ﯬ
Na piyamagodasaan iran i zowaan iran, ko ndolondolonan iran, go piyagns iran so bitiyara (iran).
Verse 63
Pitharo iran a: "Mataan! a giya dowaya na titho a manga balik mata a kabaya iran a mapakaawa kano iran ko lopa iyo sa misabap ko balik mata iran, go maylang iran so okit iyo a makallbi."
Verse 64
"Na timoa niyo so antangan iyo, oriyan iyan na talingoma kano a khizisinnday: Na sabnar a miyakadaag sa alongan nai so taw a miyakaombaw."
Verse 65
Pitharo iran: "Hay Mosa, na ithog ka odi na mabaloy kami a paganay a taw a minithog?"
Verse 66
Pitharo iyan: "Kna, ka ithog kano!" Na samawto na so manga tali ran go so manga badas iran na aya kaggdaa niyan on phoon ko balik mata iran na mataan! oto a pphamanola!
Verse 67
ﭫﭬﭭﭮﭯ
ﭰ
Na kiyagdian sa sii bo ko ginawa niyan sa kalk so Mosa.
Verse 68
ﭱﭲﭳﭴﭵﭶ
ﭷ
Pitharo Ami: "Di ka pkhalk, mataan! a ska na ska i maporo: "
Verse 69
"Na ithogn ka so zisii ko kawanan ka: ka an iyan malolok so biyaloy ran; mataan! a so biyaloy iran na limpangan o balik mata: Na di phakadaag so balik mata, apiya anda lomiyabo."
Verse 70
Na miyamangi omng so manga balik mata sa khipakasosodiod: Pitharo iran: "Piyaratiyaya mi so Kadnan o Haron ago so Mosa."
Verse 71
Pitharo (o Pir´awn): "Ino niyo pharatiyayaa skaniyan a da akn skano pn kaydini? Mataan! a skaniyan i titho a goro niyo, a so miyangndao rkano ko balik mata! Na mataan! a pamotolan ko dn so manga lima niyo go so manga ai niyo sa di magonod, go mataan! a solaan ko skano dn ko manga kayo a korma: Go mataan! a katokawan iyo dn, o antawaa rkami i lbi a sangat i siksa, go lbi a kakal!"
Verse 72
Pitharo iran: "Di ami ska dn iplawan ko miyakaoma rkami a manga rarayag a karina, ago so miyadn rkami. Na nggolalann ka i ipnggolalan ka: Siing ka bo mipngolalan sangkai a kawyagoyag ko doniya."
Verse 73
"Mataan! a skami, na piyaratiyaya mi so Kadnan ami: Ka oba Niyan rkami napiya so manga kasalaan ami, go so initgl ka rkami skaniyan a balik mata: Na so Allah i lbi a mapiya, go lbi a tatap."
Verse 74
Mataan aya! a sadn sa taw a makatalingoma ko Kadnan iyan a baradosa, - na mataan! a bagian iyan so naraka Jahannam: Di roo phatay go di khaoyag (sa kawyag a mapiya).
Verse 75
Na sadn sa makatalingoma Rkaniyan a mapaparatiyaya a sabnar a pinggalbk iyan so manga pipiya, - na siran man i khibagian ko manga daradat a manga poporo,
Verse 76
Manga sorga a tatap, a phamangondas ko kababaan iyan, so manga lawasayg: Makakakal siran roo: Na giyoto man i balas ko taw a mizoti.
Verse 77
Na sabnsabnar a iniilaham Ami ko Mosa a: "Panglmn ka so manga oripn Ko, na mbaaln ka siran sa lalan ko kalodan a mamara, di ka khawan i ba kano raota, go di ka khalk."
Verse 78
Na tiyondog siran o Pir´awn rakhs o manga tantara iyan, na minitanggob kiran so kalodan so nganin a minitanggob kiran.
Verse 79
ﭭﭮﭯﭰﭱ
ﭲ
Na miyadadag o Pir´awn so pagtaw niyan, go da niyan matoro.
Verse 80
Hay manga moriyataw o Israil, sabnar a siyabt Ami skano ko ridoay niyo, go iniphasada Ami skano ko kilid o palaw sakawanan, go initoron Ami rkano so Manna, go so (papanok a) Salwa:
Verse 81
(Pitharo Ami:) "Kang kano ko manga pipiya ko nganin a inipagpr Ami rkano, go di kano ron phmalawani, ka matangkd rkano so rarangit Akn: Na sadn sa matangkd on so rarangit Akn na sabnar a mabinasa!"
Verse 82
"Na mataan! a Sakn na titho a Manapi ko taw a mithawbat, go miyamaratiyaya, go minggalbk sa mapiya, - oriyan iyan na komidg ko ontol."
Verse 83
ﮟﮠﮡﮢﮣﮤ
ﮥ
"Na antonaa i minipagalokalok ka (sa kiya onaing ka) ko pagtawng ka, hay Mosa?"
Verse 84
Pitharo iyan: "Siran na kataya siran sii ko talikhodan ko (a matotondog ako iran): Na miyagalokalok ako rka Kadnan ko, ka obang Ka kasoatn."
Verse 85
Pitharo (o Allah): "Na mataan! a Skami na tiniyoba Ami so pagtawng ka ko oriyan ka (ko kiyablagang ka kiran): Ka diyadag siran o Samiri."
Verse 86
Na mimbalingan so Mosa ko pagtaw niyan a pkhararangitan a makamboboko. Pitharo iyan: "Hay pagtaw akn, ba kano da diyandii o Kadnan iyo sa diyandi a mapiya? Ba rkano miyathay so masa? Antawaa ba niyo kabaya a matangkd rkano so rarangit a phoon ko Kadnan iyo, sa kiyandorat iyo ko diyandi akn?"
Verse 87
Pitharo iran: "Kna a ba kami mindorat ko diyandii ka, sa ba sabap ko kapaar ami: Na ogaid na piyakaawid kami sa manga ppnd phoon ko imbolawan o pagtaw, na inipangithog ami oto (ko apoy), ka lagid oto a kiyaithog o Samiri."
Verse 88
"A inigmaw niyan kiran a mayto a sapi a lawas iyan, a phag-nga na pitharo iran a: Katii so tohan iyo, go tohan o Mosa, na miyalipat!"
Verse 89
Ba iran di khaylay a da a khismbag iyan kiran a katharo, go da a mipapaar iyan kiran a morala odi na ompiya?
Verse 90
Na sabnsabnar a pitharo kiran o Haron gowani a: "Hay pagtaw akn! giyabo a kinitpngn rkano ron: Ka mataan! a aya Kadnan iyo na so (Allah a) Masalinggagaw: Na onoti ako niyo go onoti niyo so sogoan ko."
Verse 91
Pitharo iran: "Di ami dn itharg a karrtki ami ron somimba, taman sa di makabaling rkami so Mosa."
Verse 92
Pitharo (o Mosa): "Hay Haron! antonaa i miyakarn rka, gowani a maylaing ka siran a miyadadag siran."
Verse 93
ﮏﮐﮑﮒﮓ
ﮔ
"Sa dang ka rakn kawnoti? Inong ka zoranga so sogoan ko?"
Verse 94
Pitharo Haron: "Hay wata i ina, ding ka nggandra so sompa akn go giya olo akn. Mataan! a sakn na inikalk akn o bang ka matharo a: Inomparik ka so manga moriyataw o Israil, go dang ka kanayawi so lalag akn!"
Verse 95
ﮩﮪﮫﮬ
ﮭ
Pitharo (o Mosa): "Antonaa i siyowa aka, hay Samiri?"
Verse 96
Pitharo iyan a: "Miyailay akn so da iran maylay skaniyan: Na komims ako sa sakms ko lakaw o sogo, na iniithog akn on: Na giyoto i inibarayat rakn o ginawa ko."
Verse 97
Pitharo (o Mosa): "Na awa ka. Na mataan! a rk ka ko kawyagoyag so giing ka katharoa sa: ´Da a kazkhoay´; go mataan! a adn a rk ka a diyandi a di ka on dn makandorat: Na ilayang ka so tohan ka, a so tiyatap ka a kapzimba angka on: Mataan! a thotongn Ami dn skaniyan oriyan iyan na mataan! a ikayambr Ami dn skaniyan ko kalodan sa titho a kakayambr!"
Verse 98
Aya bo a tohan iyo na so Allah: So da a tohan a salakaw Rkaniyan: Rangkom Iyan a katao so langowan taman.
Verse 99
Lagid aya a kapphanothola Mi rka ko sabaad ko manga thotholan ko andang a miyaona a: Sabnar a bigan Ami ska phoon ko hadapan Ami sa pananadm.
Verse 100
Sadn sa tomalikhod on, na mataan! a skaniyan na phakaawid ko alongan a qiyamah sa mapnd;
Verse 101
Makakakal siran on: Na miyakaratarata a bagian iran ko alongan a qiyamah a awid,
Verse 102
Sii ko alongan a iyopn so sanggakala: Na limodn Ami so manga baradosa, sa alongan oto a khikabobota.
Verse 103
ﭼﭽﭾﭿﮀﮁ
ﮂ
Na mipphamagtonga iran ko ndolondolonan iran a: "Da a minitarg iyo a rowar ko sopolo (gawii);"
Verse 104
Skami i Matao ko gi iran tharoon: ko masa a gii tharoon o makaoontol kiran i pamikiran a: "Da a kiyapakatarg iyo a rawar ko salongan!"
Verse 105
Na ipagiza iran rka so manga palaw: Na tharoang ka a: "Ikhayontong skaniyan o Kadnan ko sa samporna a ka kayontong;"
Verse 106
ﮘﮙﮚ
ﮛ
"Na ibagak Iyan (so lopa) a pantar a mammnas;"
Verse 107
ﮜﮝﮞﮟﮠﮡ
ﮢ
"A da a khaylaing ka on a mallna, go da a mibobobong."
Verse 108
Sa alongan oto na khaonotan iran so pphananawag: Sa da a kakhorikori on: Na mapnt so manga sowara ko (Allah a) Masalinggagaw: Na da a khan´g ka a rowar sa dalpk.
Verse 109
Sa alongan oto na di phakanggay a gona so kapangongogopan inonta so taw a inidinan skaniyan o (Allah a) Masalinggagaw, go miyasoat on sa katharo.
Verse 110
Katawan Iyan so kasasangoran iran go so katatalikhodan iran: Go di iran khaszb Skaniyan a katao.
Verse 111
Na makapangalimbabaan so manga paras ko (Allah a) oyagoyag, a thatandingan: Na sabnar a kiyawiswisan so taw a miyakaawid sa kandarowaka.
Verse 112
Na sadn sa taw a nggalbk ko manga pipiya, a skaniyan na mapaparatiyaya, na di mawan sa ba kasalimboti go ba kakorangi (so amal iyan a mapiya).
Verse 113
Na lagid aya a kinitoronn Ami rkaniyan a Qor´an a basa Arab, go phisalinsalin Ami magosay ko sold iyan so pangangalk, ka an siran makapananggila, odi na makabago kiran sa ndao.
Verse 114
Na Maporo so Allah, a Phapaar, a Bnar! Na ding ka pnggagaani (ya Mohammad) so Qor´an ko dapn kapopos o kipzampayn rka on, na tharoang ka: "Kadnan ko, omani akong Ka sa katao."
Verse 115
Na sabnsabnar a diniyandian Ami so Adam, gowani, na miyalipat: Go da a miyatoon Ami ron a kattkhs.
Verse 116
Na gowani na pitharo Ami ko manga malaikat: "Pangalimbabaang kano ko Adam", na miyangalimbabaan siran, inonta so iblis: Ka somiyangka.
Verse 117
Na pitharo Ami: "Hay Adam, mataan! a giyaya na ridowaing ka, go si karomang ka: Na oba kano niyan mapakaawa ko sorga, ka marasay ka."
Verse 118
"Mataan! a rk ka a ding ka roo ka khaor go di ka khatalandiyang,"
Verse 119
ﮐﮑﮒﮓﮔﮕ
ﮖ
"Go mataan! a ska na di ka roo mawaw, go di ka rantian a alongan."
Verse 120
Na piyangonsi skaniyan o shaytan: Pitharo iyan: "Hay Adam, ba ko rka thoroon so kayo a katatap, go kapaar a di khada?"
Verse 121
Na komiyan siran on, na miyapayag kiran so awrat iran: Go aya miyataad iran, na giya kapphanangkiri iran, ko raon sa sorga a minisapng iran ko awrat iran; na siyorang o Adam so Kadnan iyan, na miyaribat.
Verse 122
ﯗﯘﯙﯚﯛﯜ
ﯝ
Oriyan iyan na pinili skaniyan o Kadnan Iyan: Na piyakatawbat Iyan, go tiyoro Iyan.
Verse 123
Pitharo Iyan a: "Tpad kano, phoon rkaniyan (a sorga) langon, so sabaad rkano na ridoay o sabaad: Amay ka adn a makatalingoma rkano a phoon Rakn a toroan, na sadn sa monot ko toroan Ko, na di madadag, go di marasay."
Verse 124
"Na sadn sa tomalikhod ko tadm Rakn, na mataan! a adn a rk iyan a kawyagoyag a masimpit, go witn Ami skaniyan ko kalilimod ko alongan a qiyamah a bota."
Verse 125
Tharoon iyan: "Kadnan ko! antonaa i sabap a kiyawitang Ka rakn ko kalilimod a bota ko, a sabnar a miyabaloy ako a pphakaylay (sii sa doniya)?"
Verse 126
Tharoon (o Allah) a: "Lagid anan, a miyakatalingoma rka so manga ayat Ami, na piyakalipatan ka oto: Na lagid anan, a sa alongan nai, na plipatang ka."
Verse 127
Go lagid aya a kambalasi Ami ko taw a mimalawani go da niyan paratiyayaa so manga ayat o Kadnan iyan: Na mataan! a so siksa ko akhirat i lbi a sangat go kakal.
Verse 128
Ino kiran da makanggonanao so madakl a bininasa Ami ko miyaonaan iran a pd ko manga pagtaw (a miyangaoona), a pphakalalakaw siran ko piyamagingdan iran? Mataan! a adn a matatago roo man a titho a manga tanda ko adn a manga gdagda iyan.
Verse 129
Na o da so katharo a miyaona a phoon ko Kadnan ka, mataan! a khabaloy (so siksa) a tatap, go so taalik a miyapnto.
Verse 130
Na tigrang ka so gi iran katharo: Go pthasbikn ka so podi ko Kadnan ka, ko dapn so kasbang o alongan, go so dapn so kasdp iyan; go so sabaad ko manga oras ko gagawii, na pthasbik ka, go so manga kilid o kadawndaw: Ka angka masoat.
Verse 131
Na ding ka phakasagata so (kaylay o) dowa matang ka ko piyakisawitan Ami kiran oto a pizoson a parayasan ko kawyagoyag ko doniya, ka ipthpng Ami kiran oto: Na so riskhi o Kadnan ka (ko sorga) i mapiya, go tatap.
Verse 132
Na sogoon ka ko taalok rka so sambayang, go phantang ka sii Rkaniyan. Di Kami rka phangni sa pagpr: Skami i pphagpr rka. Na so khabolosan (a mapiya) na bagian o manananggila.
Verse 133
Na pitharo iran a: "Ino a da a khitalingoma niyan rktano a tanda a phoon ko Kadnan iyan. Badaa miyakatalingoma kiran a karina a so matatago ko manga kitab a paganay?"
Verse 134
Na opama ka mataan! a inibinasa Mi kiran so siksa ko onaan aya, na ptharoon iran dn: "Kadnan ami, ino kaming Ka da sogoi sa sogo, ka an ami kawnoti so manga ayat Ka ko da ami pn kapakayto ago kahina."
Verse 135
Tharoang ka a: "Oman i isa na nomanayaw: Na nayaw kano, ka katokawan iyo bo o antawaa i khimangark ko lalan a ontol, go sa miyakatoman."
تقدم القراءة