ﮛ

surah.translation .

ﰡ

ﭑﭒﭓﭔﭕﭖﭗ ﰀ​


Alif, Lam, Ra. (so Allah i Matao ko paka-aantapan Iyan on.) Giyaya na manga ayat ko kitab, go Qor´an a miyakapayag (ko ontol).
ﭙﭚﭛﭜﭝﭞﭟ ﰁ​

Madakl a kapndingandingana o siran a da pamaratiyaya, sa oba siran bo miyabaloy a manga Moslim.
ﭡﭢﭣﭤﭥﭦﭧﭨ ﰂ​

Botawaning ka siran, ka an siran pphakakan, go an iran pkhasawiti (so doniya): Go so kattmbanga kiran o inam: Ka katokawan iran bo.
ﭪﭫﭬﭭﭮﭯﭰﭱ ﰃ​

Na da a bininasa Mi a phagingd a ba da a kitab iyan a mappnto.
ﭳﭴﭵﭶﭷﭸﭹ ﰄ​

Di kapngagaanan o pagtaw so adial iyan, go di iran khisndod.
ﭻﭼﭽﭾﭿﮀﮁﮂ ﰅ​

Na pitharo iran: "Hay tiyoronan ko ndao, mataang ka a titho a pmbthangn!"
ﮄﮅﮆﮇﮈﮉﮊﮋ ﰆ​

"Ino kaming ka di khawiti sa malaikat o ska na pd ko khipmamataan?"
ﮍﮎﮏﮐﮑﮒﮓﮔﮕ ﰇ​

(Pitharo o Allah:) A di Ami phakatoronn so malaikat inonta o rakhs o bnar: Na samawto na di siran dn makanggowamay!.
ﮗﮘﮙﮚﮛﮜﮝ ﰈ​

Mataan! a Skami na Skami i tomiyoron ko (Qor´an a) ndao; go mataan! a Skami i titho a somisiyap on.
ﮟﮠﮡﮢﮣﮤﮥ ﰉ​

Na sabnsabnar a siyogoan Ami so miyaonaan ka sii ko pithanggisa ka tindg ko miyangaoona:
ﮧﮨﮩﮪﮫﮬﮭﮮ ﰊ​

Na da a miyakatalingoma kiran a sogo a ba iran da pamagrgi skaniyan.
ﮰﮱﯓﯔﯕ ﰋ​

Lagid aya man i kipzanipn Ami ron ko manga poso o manga baradosa,
ﯗﯘﯙﯚﯛﯜﯝ ﰌ​

A di siran on pharatiyaya; oba di sabnar a somiyagad so miyasowa o miyangaoona.
ﯟﯠﯡﯢﯣﯤﯥﯦﯧ ﰍ​

Na apiya pn lomka Kami kiran sa pinto ko langit, na mabaloy siran a makapanik siran on,
ﯩﯪﯫﯬﯭﯮﯯﯰ ﰎ​

Na tharoon iran dn a: "Mataan! a birg so manga kaylay tano: Kna, ka sktano na pagtaw a miyangababalik a mata niyan."
ﭑﭒﭓﭔﭕﭖﭗ ﰏ​

Na sabnsabnar a tiyagoan Ami so langit sa manga darpa o manga bitoon, go inipharas Ami ron oto a rk o pphamakaylay ron;
ﭙﭚﭛﭜﭝ ﰐ​

Na siniyap Ami oto phoon ko langowan a shaytan a pradiyamn:
ﭟﭠﭡﭢﭣﭤﭥ ﰑ​

Ogaid na so miyamankhaw sa kan´g, na siyaloba skaniyan a kadg, a mapayag.
ﭧﭨﭩﭪﭫﭬﭭﭮﭯﭰﭱ ﰒ​

So lopa na kiyayat Ami oto; go piyamakatindgan Ami oto sa manga palaw; go piyamakathoan Ami oto sa mbarambarang a didiyangkaan.
ﭳﭴﭵﭶﭷﭸﭹﭺ ﰓ​

Go singgayan Ami skano ron sa manga kawiyagan ago so kna a ba skano i pphamagpr on.
ﭼﭽﭾﭿﮀﮁﮂﮃﮄﮅﮆ ﰔ​

Na da a nganin a ba Ami di mipapaar so khitatagoan on; go da a phakatoronn Ami ron a ba di madidiyangka a mappnto.
ﮈﮉﮊﮋﮌﮍﮎﮏﮐﮑﮒﮓ ﰕ​

Go pphakasambrn Ami so manga undo a pphamakatago sa ig ko gabon, na piyakatoron Ami a phoon ko kawang so ig, na piyakainom Ami skano ron, na kna a ba skano i makakhakapaar on.
ﮕﮖﮗﮘﮙﮚ ﰖ​

Go mataan! a titho a Skami i pphangoyag, go pphangimatay: Go Skami i manga waris (a phamaapaar).
ﮜﮝﮞﮟﮠﮡﮢ ﰗ​

Na sabnsabnar a katawan Ami so miyangaoona rkano, go sabnsabnar a katawan Ami so phangaoori rkano.
ﮤﮥﮦﮧﮨﮩﮪﮫ ﰘ​

Mataan! ka so Kadnan ka na plimodn Iyan siran, Skaniyan na Mawngangn a Matao.
ﮭﮮﮯﮰﮱﯓﯔﯕ ﰙ​

Na sabnsabnar a inadn Ami so manosiya a phoon ko lopa a gango, a phoon ko lipaw a miyarmbis;
ﯗﯘﯙﯚﯛﯜﯝ ﰚ​

Go so jinn na inadn Ami mona a phoon ko apoy a mararas.
ﯟﯠﯡﯢﯣﯤﯥﯦﯧﯨﯩﯪ ﰛ​

Na gowani na pitharo o Kadnan ka ko manga malaikat a: "Mataan! a Sakn na magadn Ako sa manosiya, a phoon ko lopa a gango, a phoon ko lipaw a miyarmbis;"
ﯬﯭﯮﯯﯰﯱﯲﯳﯴ ﰜ​

"Na anda i kaymasada Ko ron go masokan Ko skaniyan sa niyawa, na sondong kano ron sa pangangalimbabaan kano."
ﯶﯷﯸﯹ ﰝ​

Na miyangalimbabaan on so manga malaikat, sa tanan siran, langon:
ﯻﯼﯽﯾﯿﰀﰁ ﰞ​

Inonta so iblis: Ka somiyangka oba mabaloy a pd ko miyamangalimbabaan.
ﭑﭒﭓﭔﭕﭖﭗﭘ ﰟ​

Pitharo (o Allah): "Hay iblis! antonaa i miyakarn rka sa dang ka kapangpd ko miyamangalimbabaan?"
ﭚﭛﭜﭝﭞﭟﭠﭡﭢﭣﭤ ﰠ​

Pitharo iyan a: "Di rakn patot oba ako pangalimbabaan ko manosiya, a inadn Ka a phoon ko lopa a gango, a phoon ko lipaw a miyarmbis."
ﭦﭧﭨﭩﭪ ﰡ​

Pitharo (o Allah): "Na awa ka phoon ko langit; ka mataan! a ska na inibowang;"
ﭬﭭﭮﭯﭰﭱ ﰢ​

"Go mataan! a zisii rka so morka sa dayon ko alongan a kambabadala."
ﭳﭴﭵﭶﭷﭸ ﰣ​

Pitharo iyan: "Kadnan ko, na pakanayawa kong Ka sa dayon ko alongan a kaoyaga kiran."
ﭺﭻﭼﭽ ﰤ​

Pitharo (o Allah): "Na mataan! a ska na pd ko phamakanayawn"
ﭿﮀﮁﮂ ﰥ​

"Taman ko alongan a masa a mappnto."
ﮄﮅﮆﮇﮈﮉﮊﮋﮌﮍ ﰦ​

Pitharo iyan: "Kadnan ko, ibt ko kiyabaloyang Ka rakn a dadag, na mataan! a barayatn ko siran dn (ko kandarowaka) ko lopa, go mataan! a dadagn ko siran dn langon,"
ﮏﮐﮑﮒ ﰧ​

"Inonta so manga oripn ka, a pd kiran a miyangatotolabos (Rka)."
ﮔﮕﮖﮗﮘ ﰨ​

Pitharo (o Allah) a: "Katii so lalan Rakn a makaoontol (a di Ko ipndaraynon)."
ﮚﮛﮜﮝﮞﮟﮠﮡﮢﮣﮤ ﰩ​

"Mataan! a so manga oripn Ko na da a mapkhapaar ka kiran, a rowar ko taw a inonotan ka niyan a pd ko miyangadadadag."
ﮦﮧﮨﮩ ﰪ​

Go mataan! a so naraka Jahannam na diyandi kiran dn langon!
ﮫﮬﮭﮮﮯﮰﮱﯓ ﰫ​

Pito a pinto iyan: Oman i isa pinto na adn a bagian iyan kiran a sabaad a missnggay.
ﯕﯖﯗﯘﯙ ﰬ​

Mataan! a so miyamananggila na makaphagingd ko manga pamomolan go manga bowalan.
ﯛﯜﯝ ﰭ​

(Tharoon kiran a:) "Sold kano ron sa kalilintad a somasarig kano."
ﯟﯠﯡﯢﯣﯤﯥﯦﯧﯨ ﰮ​

Na ilangn Ami so matatago ko manga rarb iran a siig a: Phapagariya siran, a zisii ko manga kantir a khipagaadapadapa.
ﯪﯫﯬﯭﯮﯯﯰﯱ ﰯ​

Daa phakatalingoma kiran roo a dokaw, go di siran on dn maphamakaawa.
ﯳﯴﯵﯶﯷﯸﯹ ﰰ​

Pamanotholang ka ko manga oripn ko a: Mataan! a Sakn na Sakn so Manapi, a Makalimoon;
ﯻﯼﯽﯾﯿ ﰱ​

Go mataan! a so iphaniksa Akn na giyoto so siksa a malipds.
ﰁﰂﰃﰄ ﰲ​

Go pamanotholang ka kiran so manga banto o Ibrahim:
ﭑﭒﭓﭔﭕﭖﭗﭘﭙ ﰳ​

Gowani na somiyold siran on, na mitharo siran sa: "Salaam!" Pitharo o Ibrahim a: "Mataan! a Skami na ipkhalk ami skano!"
ﭛﭜﭝﭞﭟﭠﭡ ﰴ​

Pitharo iran a: "Di ka khalk! ka mataan! a skami na phanotholan ami ska sa (ipmbawata aka a) wata a matao."
ﭣﭤﭥﭦﭧﭨﭩﭪ ﰵ​

Pitharo iyan: "Ino niyo rakn phanothola (a kapmbawata akn) a riyaot ako a kaloks? Na antonaa i sabap a kaphanothola niyo rakn (saya)?"
ﭬﭭﭮﭯﭰﭱﭲ ﰶ​

Pitharo iran a: "Piyanothol ami rka so bnar: Na di ka phangpd ko piyangaadaan sa panginam!"
ﭴﭵﭶﭷﭸﭹﭺﭻ ﰷ​

Pitharo iyan: "Na ba adn a taw a khadaan sa panginam ko limo o Kadnan iyan, a rowar ko mithataridadag?"
ﭽﭾﭿﮀﮁ ﰸ​

Pitharo iyan: "Na antonaa i zowaan iyo, hay manga sogo (o Allah)?"
ﮃﮄﮅﮆﮇﮈ ﰹ​

Pitharo iran a: "Mataan! a skami na siyogo kami ko pagtaw a manga baradosa (a pagtaw o Lot),"
ﮊﮋﮌﮍﮎﮏ ﰺ​

"Inonta so taalok ko Lot: Mataan! a skami na zabtn ami siran dn langon,"
ﮑﮒﮓﮔﮕﮖ ﰻ​

"Inonta so karoma niyan, ka kiyokom ami a mataan! a skaniyan na pd dn ko phangakakal (ko siksa)."
ﮘﮙﮚﮛﮜ ﰼ​

Na kagiya a makawma ko Lot so manga sogo (a manga malaikat),
ﮞﮟﮠﮡ ﰽ​

Na pitharo iyan a: "Mataan! a skano na pagtaw a di makikilala."
ﮣﮤﮥﮦﮧﮨﮩ ﰾ​

Pitharo iran a: "Kna, ka inowit ami rka so (siksa a) siran na zasangka on so pamikiran iran;"
ﮫﮬﮭﮮ ﰿ​

"Go minitalingoma mi rka so bnar, go mataan! a skami na titho kami a mmamataan."
ﮰﮱﯓﯔﯕﯖﯗﯘﯙﯚﯛﯜﯝﯞ ﱀ​

"Na panglmn ka so taalok rka, ko sabaad ko kagagawii, go tondogang ka siran sa talikhodan: Na oba adn a domingil rkano a isa bo, go taros kano sa sadn sa sogoan rkano."
ﯠﯡﯢﯣﯤﯥﯦﯧﯨ ﱁ​

Na piyakitokawan Ami ron angkoto a khasowa, a mataan! a khathiphad so siran aya ko kapitai kiran.
ﯪﯫﯬﯭ ﱂ​

Na miyakaoma so taw ko bandar a ingd a pkhababaya siran.
ﯯﯰﯱﯲﯳﯴ ﱃ​

Pitharo (o Lot) a: "Mataan! a siran nai na khibobolos rakn: Na di ako niyo ndiyamana: "
ﯶﯷﯸﯹ ﱄ​

"Go kalkn iyo so Allah, go di ako niyo phakaytoa."
ﯻﯼﯽﯾﯿ ﱅ​

Pitharo iran a: "Ba ami rka da saparn, so (kapakabolosa ko) khi pananangga?"
ﭑﭒﭓﭔﭕﭖ ﱆ​

Pitharo iyan: "Katii so manga wata akn a manga babay, (na pamangaroma kano ron) oba adn a pnggolawlaan iyo."
ﭘﭙﭚﭛﭜ ﱇ​

Ibt ko kawyagoyag ka (ya Mohammad), ka mataan! a siran na matatago siran dn ko kabbrg iran a pphromparompak siran,
ﭞﭟﭠ ﱈ​

Na miyadansal siran o lalis ko kiyasbangi kiran o alongan.
ﭢﭣﭤﭥﭦﭧﭨﭩ ﱉ​

Na biyaloy Ami so liyawaw (o ingd iran) a didalm, go piyakawranan Ami siran sa ator a phoon ko lopa a kiyomba.
ﭫﭬﭭﭮﭯ ﱊ​

Mataan! a adn a matatago roo man a titho a manga tanda a bagian o pphamangilay sa piratas.
ﭱﭲﭳ ﱋ​

Go mataan aya! a titho a matatago ko lalan a da maawg.
ﭵﭶﭷﭸﭹ ﱌ​

Mataan! a adn a matatago roo man a titho a tanda a bagian o miyamaratiyaya!
ﭻﭼﭽﭾﭿ ﱍ​

Na mataan aya! a miyabaloy so manga taw sa Ayka (a pagtaw o Shoayb) a titho a manga darowaka;
ﮁﮂﮃﮄﮅ ﱎ​

Na siniksa Ami siran. Na mataan! a giya dowaya (a ingd) na sabnar a matatago ko mala a lalan, a mapapayag.
ﮇﮈﮉﮊﮋ ﱏ​

Na sabnsabnar a piyakambokhag o manga taw sa Hijr (a pagtaw o Salih) so manga sogo (o Allah):
ﮍﮎﮏﮐﮑ ﱐ​

Go inibgay Ami kiran so manga tanda Ami, na tiyalikhodan iran skaniyan.
ﮓﮔﮕﮖﮗﮘ ﱑ​

Go miyanonggirb siran ko manga palaw sa manga walay, a khisasarig siran.
ﮚﮛﮜ ﱒ​

Na miyadansal siran o lalis ko kiyapitai kiran,
ﮞﮟﮠﮡﮢﮣ ﱓ​

Na da kiran makalinding so pinggalbk iran!
ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﱔ​

Na da ko kiyaadna Mi ko manga langit, ago so lopa, go so nganin a pagltan a dowa nan, inonta na sii ko bnar. Na mataan! a so bangkit na phakatalingoma dn. Na dapayangka (kiran) sa kadapay a maliwanag.
ﯗﯘﯙﯚﯛ ﱕ​

Mataan! a so Kadnan ka na Skaniyan so Pphangadn, a Matao.
ﯝﯞﯟﯠﯡﯢﯣ ﱖ​

Na sabnsabnar a bigan Ami ska sa pito a manga ayat (a so Fatiha) a gii makhasokasoy, go so Qor´an a Sslaan.
ﯥﯦﯧﯨﯩﯪﯫﯬﯭﯮﯯﯰﯱﯲﯳ ﱗ​

Ding ka phakaotnga so (kaylay o) dowa matang ka ko nganin a piyakisawitan Ami oto a pizoson, ko sabaad kiran, go ding ka siran pmbokoon: Go pakainayang ka so gowagowaing ka ko miyamaratiyaya.
ﯵﯶﯷﯸﯹ ﱘ​

Go tharoang ka a: Mataan! a sakn so pphamakaiktiyar, a mapayag,
ﯻﯼﯽﯾ ﱙ​

Lagid o initoron Ami ko mimbabagibagi,
ﭑﭒﭓﭔ ﱚ​

Siran na biyaloy iran so Qor´an a di bo dn pira baad.
ﭖﭗﭘ ﱛ​

Na ibt ko Kadnan ka, ka mataan! a iiza Ami kiran dn langon,
ﭚﭛﭜ ﱜ​

So pinggolawla iran.
ﭞﭟﭠﭡﭢﭣ ﱝ​

Na payagang ka so sogoan rka, go talikhoding ka so manga pananakoto;
ﭥﭦﭧ ﱞ​

Mataan! a Skami na lininding Ami ska ko gii rka zosodi,
ﭩﭪﭫﭬﭭﭮﭯﭰﭱ ﱟ​

A siran so pphangmbaal sa rimbang o Allah a tohan a salakaw: Na katokawan iran bo
ﭳﭴﭵﭶﭷﭸﭹ ﱠ​

Na sabnsabnar a katawan Ami a mataan! a ska na ipnggagt a rarb ka so gi iran tharoon.
ﭻﭼﭽﭾﭿﮀ ﱡ​

Na pthasbikn ka so podi ko Kadnan ka, go pangpd ka ko pphamanojiod;
ﮂﮃﮄﮅﮆ ﱢ​

Go zoasoatang ka so Kadnan ka taman sa kapakatalingoma rka o kapatay.