Tafsir sa Sura يس sa ماراناو gikan sa Maranao - Maranao translation
Verse 1
ﭬ
ﭭ
Yaa Siin. (so Allah i Matao ko paka-aantapan Iyan on.)
Verse 2
ﭮﭯ
ﭰ
Ibt ko Qor´an, a hokoman (a pimbaibaitan); -
Verse 3
ﭱﭲﭳ
ﭴ
Mataan! a ska (hay Mohammad) na pd dn ko manga sogo (o Allah),
Verse 4
ﭵﭶﭷ
ﭸ
A sii ko okit a makaoontol (a so Islam).
Verse 5
ﭹﭺﭻ
ﭼ
Initoron o (Allah a) Mabagr, a Makalimoon.
Verse 6
Ka an ka mapakaiktiyar so pagtaw, a da mapakaiktiyar so manga loks iran, na siran na di khipakaiin´ngka.
Verse 7
Sabnsabnar a miyatangkd so katharo (a siksa) ko kadaklan kiran: Na siran na di siran mapaparatiyaya.
Verse 8
Mataan! a Skami na tiyagoan Ami so manga lig iran sa manga patong, na giyoto na taman ko manga baka, na ba siran dn makalilintangag;
Verse 9
Go tiyagoan Ami so kasasangoran iran sa rnding, go so katatalikhodan iran sa rnding, na pinilsan Ami siran: Na siran na di siran phakanono.
Verse 10
Na magizan kiran o ino piyakaiktiyar ka siran, antawaa dang ka siran pakaiktiyara: Ka di siran bo pharatiyaya.
Verse 11
Aya bo a maphakaiktiyar ka na so taw a miyonot ko Qor´an, go inikalk iyan so (Allah a) Masalinggagaw, a Migagaib: Na pphamanothol ang ka on so maap, go so balas a mapiya.
Verse 12
Mataan! a Skami na Skami i magoyag ko miyamatay, go ipzorat Ami so miniona iran, go so manga rarad iran; na langowan taman na maiitong Ami skaniyan ko kitab a mapayag (a so Lawkh Makhpod).
Verse 13
Na mbaaling ka kiran a ibarat: So manga taw ko ingd (a Intakiyah). Gowani na miyakaoma kiran so manga sogo.
Verse 14
Gowani a sogoan Ami siran sa dowa kataw, na piyakambokhag iran a dowa oto: Na biyagr Ami a ika tlo: Na pitharo iran a: "Mataan! a skami na sii rkano manga sogo."
Verse 15
Pitharo iran a: "Da ko skano inonta na manosiya a lagid ami; go da a initoron o (Allah a) Masalinggagaw a mayto bo (a wahy): Da’ ko skano inonta na pphamamokhag kano."
Verse 16
ﭶﭷﭸﭹﭺﭻ
ﭼ
Pitharo iran a: "So Kadnan tano na katawan Iyan a mataan! - a skami na sii rkano titho a manga sogo:
Verse 17
ﭽﭾﭿﮀﮁ
ﮂ
"Na da a paliyogat rkami a rowar ko kapamakasampay (ko sogoan o Allah) a mapayag."
Verse 18
Pitharo iran a: "Mataan! a skami na miyakazokna kami sa marata sa sabap rkano: Ibt odi kano gnk, na mataan a radiyamn ami skano dn, go mataan a masogat kano dn o phoon Rkami a siksa a malipds."
Verse 19
Pitharo iran a: "So sokna iyo a marata na sarta iyo: Ati amay ko piyakatadm kano (na pizoknaan kano sa marata)? Kna, ka skano na pagtaw a manga malawani!"
Verse 20
Na miyakaoma a phoon ko pikhilidan o bandara ingd a mama (a si Habibo Najar), a gii nggagaan, pitharo iyan: "Hay pagtaw akn, onoti niyo so manga sogo:
Verse 21
"Onoti niyo so taw a da a phangnin iyan rkano a sokay, ka siran i makaoontol.
Verse 22
"Na antonaa i bagian ko sa di akn ka zimbaa ko (Allah a) Skaniyan i miyadn rakn, go Rong kano phakandoda?
Verse 23
"Ati khowaan ko so salakaw Rkaniyan a manga katohanan? A o pakaantapi ako o (Allah a) Masalinggagaw sa morala, na da a khilinding rakn o pangongogopan iran a mayto bo, go di ako iran khasabt.
Verse 24
ﯪﯫﯬﯭﯮ
ﯯ
"Mataan! a sakn na samawto na miyatago ako dn ko kadadag a mapayag.
Verse 25
ﯰﯱﯲﯳ
ﯴ
"Mataan! a sakn na piyaratiyaya ko so Kadnan iyo na pakin´ga ko niyo: (na biyono iran)!"
Verse 26
Pitharo (rkaniyan): "Sold ka ko sorga. Pitharo iyan: Hay dingano mambo! O so pagtaw akn na katawan iran!
Verse 27
"So kiyapmaapi rakn o Kadnan ko, go so kiyabaloya niyan rakn a pd ko khipagaadatan!"
Verse 28
Na da a piyakatoron Ami ko pagtaw niyan, ko oriyan iyan, a tantara a phoon ko langit, go da Kami sogo.
Verse 29
Daa rowar ko lalis a isa, na samawto na siran na miyapadng siran.
Verse 30
Hay kasndit a phakatana ko manga oripn (o Allah)! a da a pphakatalingoma kiran a sogo a ba iran oto da pamagrgi!
Verse 31
Ba iran da katokawi a madakl a bininasa Mi a miyaonaan iran ko miyagapidapid a pagtaw? Mataan! a siran na di siran kiran phakandod:
Verse 32
ﮂﮃﮄﮅﮆﮇ
ﮈ
Na da ko oman i isa oba di langon sii ko hadapan Ami phamakadarpaa.
Verse 33
Na tanda kiran so lopa a miyatay a inoyag Ami skaniyan, go piyakagmawan Ami skaniyan sa pr, na so sabaad on na pkhakan iran.
Verse 34
Go tiyagoan Ami oto sa manga pamomolan a manga korma, go manga anggor, go piyamakambowat Ami ron so manga bowalan:
Verse 35
Kaan siran pphakakan ko onga niyan: Go so miyanggalbk skaniyan o manga lima iran: Ati di siran phanalamat?
Verse 36
Soti so (Allah a) miyadn ko nggaganapa sa kalangolangowan iyan, pd on so pphakathoon o lopa, go pd on so manga ginawa iran, go so nganin a di iran katawan.
Verse 37
Go tanda kiran so gagawii a pphokasn Ami ron so dawndaw, na samawto na siran na pkhalibotngan siran;
Verse 38
Go so alongan a pphalalagoy sii ko taks iyan: Giyoto na takdir o (Allah a) Mabagr, a Matao.
Verse 39
Go so olan, - a singgayan Ami skaniyan sa manga darpa taman sa makakasoy sa lagid o talintang a korma a miyathay.
Verse 40
Da ko alongan o bawn mapatot i karaota niyan ko olan, go da ko gagawii oba niyan kawnai so dawndaw: Na oman i isa na sii ko okit iyan pphamangdg.
Verse 41
Go tanda kiran a kiyarorana Mi ko manga mimoriyataw kiran ko kapal (o Noh) a mappno;
Verse 42
ﭚﭛﭜﭝﭞﭟ
ﭠ
Go inadn Ami kiran so lagid oto a kapphagdaan iran.
Verse 43
Na o kabaya Ami, a ldn Ami siran: Na da a makatabang kiran, go da a makasabt kiran,
Verse 44
ﭫﭬﭭﭮﭯﭰ
ﭱ
Inonta so limo a phoon Rkami, go so kapakasngka sa di mathay taman ko wakto (o kapatay).
Verse 45
Na igira a pitharo kiran a: "Kalkn iyo so miyaonaan iyo ago so khawriyan iyo, ka ang kano mipangalimo (na tomalikhod siran);"
Verse 46
Go da a phakatalingoma kiran a tanda a pd ko manga tanda o Kadnan iran, inonta na miyabaloy siran on a khitatalikhod.
Verse 47
Go igira a pitharo kiran: "Pphammgay kano ko inipagpr rkano o Allah", na tharoon o siran a miyamangongkir ko siran a miyamaratiyaya: "Ino Ami phakakana so taw a o kabaya o Allah, na phakakn Iyan skaniyan? Da’ ko inonta na matatago ko karibat a mapayag."
Verse 48
Go gi iran tharoon a: "Anda dn angkai a diyandi (a siksa), o skano na manga bnar?"
Verse 49
Daa pkhanayaw iran a rowar ko lalis a isa a phakadansal kiran ko gi iran kaphapawala!
Verse 50
Na di siran lomakay thanan, go di siran makandod ko manga tonganay ran!
Verse 51
Na iyopn so sanggakala. Na samawto na siran na makapoon ko manga kobor, a pphamagarabaya siran ko Kadnan iran!
Verse 52
Tharoon iran: "Hay dowandowaan tano! antawaa i miyokaw rktano ko pakatotorogan tano?" (ismbag kiran a:) "Giyaya so inidiyandi o (Allah a) Masalinggagaw; go miyatoman so (katharo o) manga sogo!"
Verse 53
Daa khaadn a rowar ko lalis a isa, na samawto na siran na langon sii ko hadapan Ami phamakadarpaa!
Verse 54
Na sa alongan aya, na da a khaaniyaya a baraniyawa a mayto bo, go da a imbalas rkano a rowar ko pinggolawla niyo.
Verse 55
Mataan! a so manga taw ko sorga sa alongan aya na matatago ko katmbangan a pkhababaya siran;
Verse 56
Siran ago so manga karoma iran, na sii ko khikasisirongan ko liyawaw o manga kantir, a gii siran zasandasandang;
Verse 57
ﭡﭢﭣﭤﭥﭦ
ﭧ
Adn a bagian iran roo a manga onga; go khakowa iran so nganin a phangnin iran;
Verse 58
ﭨﭩﭪﭫﭬ
ﭭ
"Kalilintad" a katharo a phoon ko Kadnan a Makalimoon!
Verse 59
ﭮﭯﭰﭱ
ﭲ
"Na sibay kano sa alongan aya! Hay manga baradosa!
Verse 60
"Ba Akn rkano da banayn hay manga moriyataw o Adam, a di niyo pzoasoata so shaytan; mataan! a skaniyan na ridoay niyo a mapayag? -
Verse 61
ﮃﮄﮅﮆﮇﮈ
ﮉ
"Na zoasoata Ko niyo; giyaya i okit a makaoontol.
Verse 62
"Na sabnsabnar a miyakadadag rkano so kaadn a madakl. Ba da a manga sabot iyo?
Verse 63
ﮔﮕﮖﮗﮘ
ﮙ
"Katii so naraka Jahannam a so skano na ididiyandi rkano!
Verse 64
ﮚﮛﮜﮝﮞ
ﮟ
"Pamanold kano ron sa alongan aya, sabap ko kiyaongkir iyo."
Verse 65
Sa alongan aya na parkatn Ami so manga ngari iran; go imbitiyarai Kami o manga lima iran, go zaksian o manga ai ran, so pinggalbk iran.
Verse 66
Na o kabaya Ami, na mataan a khabota Mi so manga mata iran; na makapagoradorad siran ko lalan, na andamanaya i kaphakanono iran?
Verse 67
Na o kabaya Ami, na mataan a khasalin Ami siran sii ko manga darpa iran; na di iran magaga lomipos, go di siran phakandod.
Verse 68
Na sa taw a pagmbowayn Ami skaniyan, na phatoon Ami skaniyan ko korang a kaadn: Ba iran di zabota?
Verse 69
Na da Ami ndaon (ko Nabi) so bayok, go di ron patot: Da’ ko skaniyan (a minitalingoma niyan) inonta na pananadm, go Qor´an a miyakapayag:
Verse 70
Kaan iyan mapakaiktiyar so taw a aya btad iyan na oyagoyag (i poso) go an matangkd so katharo (a siksa) ko miyamangongkir.
Verse 71
Ba iran da maylay a mataan! a Skami na miyadn Kami sa rk iran a pd ko pinggalbk o manga guus Ami a manga ayam, na siran i makapapaar on?
Verse 72
ﭞﭟﭠﭡﭢﭣ
ﭤ
Go piyakaphasiyonot Ami kiran oto, ka so sabaad on na gi iran kakhodaan, go so sabaad on na pkhakan iran:
Verse 73
Go adn a bagian iran on a manga gona, go manga inomn (a manga gatas). Ino siran di phanalamat?
Verse 74
Na kominowa siran sa salakaw ko Allah, sa manga katohanan, ka an siran katabangi!
Verse 75
Di ran khagaga so katabangi kiran: Go siran na manga tantara iran a phamakadarpaan (ko naraka).
Verse 76
Na oba ka mapakamboko o katharo iran. Mataan! a Skami na katawan Ami so isosoln iran, go so papayagn iran.
Verse 77
Ba di katawi o manosiya a mataan! a Skami na inadn Ami skaniyan a phoon sa notfa! Na samawto na skaniyan na lampawi, a mapayag!
Verse 78
Na mimbaal Rkami sa ibarat, go kiyalipatan iyan so kiyaadna on: Pitharo iyan a: "Antawaa i phakaoyag ko manga tolan a skaniyan na miyardak?"
Verse 79
Tharoang ka a: "Pagoyagn oto o miyadn on ko paganay a kiyawkitan. Ka Skaniyan i Matao ko oman i (okit a) kapangadn!
Verse 80
"So inadnan kano Niyan phoon ko kayo a maylaw sa apoy, na samawto na skano na mapphakakadg iyo (skaniyan)!
Verse 81
"Ba di so miyadn ko manga langit ago so lopa i Phakagaga sa ka adna Niyan ko lagid iran?" - Oway na, Ska so Pphangadn; a Matao -
Verse 82
Aya dn a btad Iyan, na igira a kabaya Iyan so apiya antonaa, na tharoon Iyan on so: "Kon", na maadn!
Verse 83
Na Soti so zisii sa tangan Iyan so kapaar ko langowan taman: Go Ron kano phamakandoda (ko kaphamagitonga ko manga amal)
تقدم القراءة