Tafsir sa Sura ص sa ماراناو gikan sa Maranao - Maranao translation
Verse 1
ﭑﭒﭓﭔﭕ
ﭖ
Saad. (so Allah i Matao ko paka-aantapan Iyan on). Ibt ko Qor´an, a ndodon so pananadm (ka mataan a so Mohammad na bnar):
Verse 2
ﭗﭘﭙﭚﭛﭜ
ﭝ
Kna, ka so miyamangongkir na matatago ko maratabat, go so kasosorang.
Verse 3
Madakl a bininasa Mi ko miyaonaan iran a pagtaw, na minithatawaga iran a: Da a masa a kapakapalagoy!
Verse 4
Na miyammsa siran ko kiyapakawma kiran o miyamakaiktiyar a pd kiran! Go pitharo o miyamangongkir a: "Giyai na balik mata a bokhag!"
Verse 5
"Ino niyan mbaloya so manga katohanan a tohan a Isaysa?" Mataan! a giyaya na titho a shay´ a pakammsa!
Verse 6
Na inilalakaw o manga nakoda iran a: "Dadayon kano, go thatakna kano ko manga katohanan niyo. Mataan! a giyai na titho a shay´ a paka-aantapn (rktano)!"
Verse 7
"Da tano aya man´g ko okit a miyawri": Da ko ungkaya inonta na piyangmbaalan (a kabokhag)!
Verse 8
"Ino skaniyan bo i thoroni ko pananadm ko ndolondolanan tano?" Kna ka siran na matatago ko kazasangka ko pananadm Akn. Kna, ka (kagiya) da iran pn kataami so siksa Akn!
Verse 9
Antawaa ba zisii kiran so khikatatagoan ko limo o Kadnan ka, - a Mabagr, a Pphammgay?
Verse 10
Antawaa ba iran rk so kapaar ko manga langit ago so lopa, go so nganin a pagltan a dowa nan? Na pamanik siran ko pphamangokitan!
Verse 11
ﯟﯠﯡﯢﯣﯤ
ﯥ
Tantara a so ndodoo a pgs, a pd ko mithampotampong.
Verse 12
Tomiyaplis ko miyaonaan iran so pagtaw o Noh, ago so pagtaw a Ad, go so Pir´awn a khirk ko manga lutakan,
Verse 13
Go so pagtaw a Samod, go so pagtaw o Lot, go so manga taw sa Aykah; - siran man so mithampotampong.
Verse 14
Da´ ko oman i isa kiran inonta na piyakambokhag iyan so manga sogo, na miyatangkd (kiran) so siksa Akn.
Verse 15
Na da a pnayawn o siran aya a rowar ko lalis a isa, a da a kaphakandod iyan.
Verse 16
Na pitharo iran a: "Kadnan ami, nggagaaning Ka rkami so kipantag ami ko dapn so alongan a kapamagitong!"
Verse 17
Phantang ka ko katharo iran, go aloyang ka so oripn Ami a Dawood, a adn a bagr iyan: Mataan! a skaniyan na pphananangoran (ko Allah).
Verse 18
Mataan! a Skami na piyakaphasiyonot Ami so manga palaw, a pd iyan a pthasbik siran, ko kagabigabi, ago so kapitapita,
Verse 19
ﭦﭧﭨﭩﭪﭫ
ﭬ
Go so manga papanok a matitimo: Na tanan sii ko Allah pphananangoran.
Verse 20
ﭭﭮﭯﭰﭱﭲ
ﭳ
Go piyakabagr Ami so kadato iyan, go inibgay Ami ron so ongangn, ago so katao ko kokoman.
Verse 21
Na ino a miyakatalingoma rka so totholan ko pkhakarido? Gowani a mangalakat siran ko Dawood sii ko darpa a diniyan zambayangan;
Verse 22
Gowani na somiyold siran ko Dawood, na inikalk iyan siran, pitharo iran: "A di ka khalk: Ka pkharido kami a dowa, ka inaniyaya o sabaad rkami so sabaad: Na kokoma kaming ka sa ontol, go di ka phramiramig; go nggonanaowa kaming ka ko ontol a lalan."
Verse 23
"Mataan! a giya ungkai a pagari ko: Na adn a siyaw polo ago siyaw a bilibili niyan, na adn a bilibili akn a satiman: Na pitharo iyan a: ´Pakitagikorn ka rakn oto´, na kiyadaoban ako niyan sa katharo."
Verse 24
Pitharo (o Dawood) a: "Sabnsabnar a kiyasalimbotang ka niyan sa kiyapangniya niyan ko bilibiling ka a kinitapi iyan ko manga bilibili niyan: Ka mataan! a madakl ko zasakotowa a sabnar a phaganiyayaan o sabaad kiran so sabaad: Inonta so siran a miyamaratiyaya, go pinggalbk iran so manga pipiya, na tanto a mayto siran?" Na miyaantang o Dawood a giyabo a kinitpngn Ami ron: Na miyakapangni sa maap ko Kadnan iyan, go somiyondong a mangangalimbabaan, go miyananangoran (ko Allah).
Verse 25
Na niyapi Ami ron oto:. Go mataan! a miyambagian iyan sii Rkami so titho a kapakarani, ago so mapiya a khandodan.
Verse 26
Hay Dawood, mataan! a Skami na biyaloy Ami ska a khalifah ko lopa: Na kokomang ka so manga manosiya sa ontol: Go ding ka pagonoti so kabaya a ribat, ka madadag ka niyan ko lalan o Allah: Mataan! a so phangadadadag ko lalan o Allah, na adn a bagian iran a siksa a sangat, sabap ko kiyapakalipati ran ko alongan a kapamagitong.
Verse 27
Na da ko kiyaadna Mi ko langit ago so lopa, go so nganin a lt a dowa nan i ba ilang! Giyoto man i arangan o siran a miyamangongkir! Na sangat a siksa a bagian o siran a miyamangongkir ko naraka!
Verse 28
Ba Ami babaloya so miyamaratiyaya, go pinggalbk iran so manga pipiya, a lagid o pphamaminasa ko lopa? Antawaa ba Ami babaloya so khipanananggila, a lagid o manga baradosa?
Verse 29
(Giyai na) Kitab a initoron Ami skaniyan sii rka, a piyakandaklan sa mapiya, ka an iran manggdagda so manga ayat rkaniyan, go an kasaboti o adn a manga sabot iyan.
Verse 30
Na inibgay Ami ko Dawood so (wata iyan a) Solayman, miyakapiyapiya a oripn. Mataan! a skaniyan na pphananangoran (ko Allah)!
Verse 31
ﮅﮆﮇﮈﮉﮊ
ﮋ
Gowani a pakimasaan ko Solayman ko kagabigabi so manga koda a manga gagaan;
Verse 32
Na miyatharo iyan a: "Mataan! a sakn na miyatomo akn so kabaya ko mapiya (sa doniya), a di so tadm ko Kadnan ko", - taman sa miyakadalong (so alongan) ko rnding:
Verse 33
(Pitharo o Solayman:) "Ndodn iyo siran rakn". Na phiphoonan iyan mamotol sa manga ai go manga lig.
Verse 34
Na sabnsabnar a tiniyoba Ami so Solayman: Ka piyakidarpaan Ami so korsi iyan sa isa a lawas: Oriyan iyan na mithawbat:
Verse 35
Pitharo iyan: "Kadnan ko, napii akong Ka, go bgi akong Ka sa kadato, a da a kapatotan on a isa bo ko oriyang ko: Mataan! a Ska na Ska so Pphammgay."
Verse 36
Na piyakaphasiyonot Ami ron so ndo, a pzambr sabap ko sogoan iyan, a malanat, a apiya anda niyan pphakaantapa,
Verse 37
ﯥﯦﯧﯨ
ﯩ
Go so manga shaytan, a tanan pababalay, go panininb, -
Verse 38
ﯪﯫﯬﯭ
ﯮ
Go so manga pd a khipapatongn ko manga sangkali.
Verse 39
(Pitharo Ami ron a) "Giyaya na pammgayan Ami: Na pammgay ka, odi na kakapting ka, sa da a kapamagitong."
Verse 40
ﯷﯸﯹﯺﯻﯼ
ﯽ
Na mataan! a adn a bagian iyan sii Rkami a titho a kapakarani, go mapiya a khandodan.
Verse 41
Na aloyang ka so oripn Ami a Ayyob. Gowani na inipangangarapan iyan ko Kadnan iyan a: "Mataan! a sakn na minisogat rakn o shaytan so dokaw ago so siksa!"
Verse 42
(Pitharo on:)
Verse 43
Na inibgay Ami ron (bo) so manga taalok on, ago so lagid iran a inibabid kiran, - a limo a phoon Rkami, go pananadm, o adn a manga sabot iyan.
Verse 44
Go (pitharoon:) "Kowaang ka so limang ka sa sakkhm a rasaas, na lphadn ka (ki karomang ka): Ka dika kasapaan". Mataan! a Skami na miyatoon Ami skaniyan a mapantang. Sayana a mapiya a oripn! Mataan! a skaniyan na pphangongonotan (ko Allah)!
Verse 45
Go aloyang ka so manga oripn Ami a so Ibrahim, go so Is´haq, go so Ya´qob, a manga babagr go manga ala i pandapat.
Verse 46
ﭶﭷﭸﭹﭺ
ﭻ
Mataan! a Skami na initolabos Ami kiran so tolabos a pananadm ko ingd (a akhirat).
Verse 47
ﭼﭽﭾﭿﮀ
ﮁ
Go mataan! a siran sii ko hadapan Ami, na pd dn ko miyangapipili a manga pipiya.
Verse 48
Go aloyang ka so Ismail, go so Al-Yasha´, go so Zolkifl: Na tanan pd ko manga pipiya.
Verse 49
Giyaya na pananadm: Na mataan! a rk o khipanananggila, so titho a mapiya a khandodan,
Verse 50
ﮔﮕﮖﮗﮘ
ﮙ
Manga sorga a tatap, a khillkaan kiran so manga pinto;
Verse 51
Gii siran roo zasandasandang; pphananawag siran roo sa manga onga a madakl, ago manga inomn;
Verse 52
ﮢﮣﮤﮥﮦ
ﮧ
Go manga ikapd iran so manga thatangka i kaylay (a manga bai), a mrzarza.
Verse 53
ﮨﮩﮪﮫﮬ
ﮭ
Giyaya so ididiyandi rkano ko alongan a kapamagitong!
Verse 54
Mataan! a giyaya na titho a pagpr Ami, a da a ikhada iyan; -
Verse 55
ﯗﯘﯙﯚﯛﯜ
ﯝ
Giyaya (i khasowa), - na mataan! a bagian o manga malawani so titho a marata a khandodan!
Verse 56
ﯞﯟﯠﯡ
ﯢ
Naraka Jahannam! - a phamakasold siran on, - na mikharatarata a dkhai! -
Verse 57
ﯣﯤﯥﯦ
ﯧ
Giyaya! - na taami ran skaniyan, - a phlikabo, go pakabnd a manga rrzik!
Verse 58
ﯨﯩﯪﯫ
ﯬ
Go adn a salakaw a lagid iyan, a mbarambarang (a siksa)!
Verse 59
Katii so salompok a pphamanold a pd iyo. Da a kapakadadaya iran. Mataan! a siran na phamakasold ko naraka!
Verse 60
Tharoon iran a: "Kna, ka skano na da a kapakadadaya iyo! Skano i tomiyoron rkami saya! Na miyakaratarata a darpa!"
Verse 61
Tharoon iran: "Kadnan ami, sadn sa tomiyoro rkami saya, - na omaning Ka on so siksa sa takp ko naraka!"
Verse 62
Go Tharoon iran a: "Ino tano wai a da a khaylay tano ko manga mama a sktano na so ibibilang tano siran ko manga rarata?"
Verse 63
ﭜﭝﭞﭟﭠﭡ
ﭢ
"Ino tano khakowa siran a pagrg, antawaa ba da katoliki siran o manga kaylay?"
Verse 64
ﭣﭤﭥﭦﭧﭨ
ﭩ
Mataan! a giyoto man na bnar dn, - a kapphapawala o taw ko naraka!
Verse 65
Tharoang ka (hay Mohammad) a: "Sakn na matag ako pphamakaiktiyar: Na da a tohan a inonta so Allah, a so Isaysa a phakabaas,"
Verse 66
"Kadnan o manga langit ago so lopa, go so nganin a pagltan a dowa nan, - a so Mabagr, a Manapi."
Verse 67
ﭿﮀﮁﮂ
ﮃ
Tharoang ka a: "Skaniya na tothol a mala," -
Verse 68
ﮄﮅﮆ
ﮇ
"Skano na tatalikhodan iyo to!"
Verse 69
"Da a katao akn ko pagtaw a maporo, gowani ko pphanmbag siran."
Verse 70
"Da a kaphagilahami rakn a rowar sa sakn na matag pphamakaiktiyar a mapayag."
Verse 71
Gowani na pitharo o Kadnan ka ko manga malaikat: "Mataan! a Sakn na magadn ako sa manosiya a phoon sa lipaw (a giyoto so Adam): "
Verse 72
"Na amay ka imasadn skaniyan, go masokan Ko skaniyan sa niyawa, na sondong kano rkaniyan, a pangangalimbabaan kano."
Verse 73
ﮯﮰﮱﯓ
ﯔ
Na miyangalimbabaan so manga malaikat, a tanan siran langon:
Verse 74
ﯕﯖﯗﯘﯙﯚ
ﯛ
Inonta so iblis: Ka mimaratabat, go miyabaloy a pd ko miyamangongkir.
Verse 75
Pitharo (o Allah): "Hay iblis antonaa i miyakarn rka ko kaphangalimbabaan ka ko inadn Ko a minggolalan ko bagr Akn? Ba ka mimaratabat? Antawaa ba ka miyabaloy a pd ko miphapaporo?"
Verse 76
Pitharo iyan a: "Sakn i mapiya a di skaniyan: Inadn akong Ka a phoon sa apoy, na inadn ka skaniyan a phoon sa lipaw."
Verse 77
ﯷﯸﯹﯺﯻ
ﯼ
Pitharo (o Allah): "Na awa ka (phoon ko sorga): Ka mataan! a ska na inibowang."
Verse 78
ﯽﯾﯿﰀﰁﰂ
ﰃ
"Go mataan a mikolob rka so morka Akn taman ko alongan a kapamalas."
Verse 79
ﰄﰅﰆﰇﰈﰉ
ﰊ
Pitharo iyan: "Kadnan ko! na pakinayawn Ka rakn taman ko alongan a kawyaga kiran."
Verse 80
ﰋﰌﰍﰎ
ﰏ
Pitharo (o Allah): "Na mataan! a ska na pd ko phamakanayaw -
Verse 81
ﰐﰑﰒﰓ
ﰔ
"Taman ko alongan o wakto a mappnto."
Verse 82
ﰕﰖﰗﰘ
ﰙ
Pitharo iyan: "Na ibt ko bagr Ka, ka mataan a dadagn ko siran dn langon,"
Verse 83
ﰚﰛﰜﰝ
ﰞ
"Inonta so manga oripn ka a pd kiran, a manga tolabos."
Verse 84
ﭑﭒﭓﭔ
ﭕ
Pitharo (o Allah): "Na so bnar (na Sakn), - go so bnar i ptharoon Ko -
Verse 85
"Mataan a ipno Akn dn ko naraka Jahannam so pd ka, ago so taw a miyonot rka a pd kiran, a mrakhrakhs kano."
Verse 86
Tharoang ka a: "Da a phangnin ko rkano sa makapantag saya a sokay, - go kna a ba ako pd ko pphamanangin."
Verse 87
ﭩﭪﭫﭬﭭ
ﭮ
"Da ko skaniyan (a Qor´an) inonta na pananadm o manga kaadn."
Verse 88
ﭯﭰﭱﭲ
ﭳ
"Na mataan a katokawan iyo dn so totholan rkaniyan ko oriyan o masa."
تقدم القراءة