Tafsir sa Sura ق sa ماراناو gikan sa Maranao - Maranao translation
Verse 1
ﭑﭒﭓﭔ
ﭕ
Qaf. (So Allah i Matao ko paka-aantapan Iyan on). Ibt ko Qor´an a sslaan; (ka so Mohammad na sogo o Allah).
Verse 2
Kna, ka miyammsa siran sa kiyapakawma kiran o miyamakaiktiyar a pd kiran. Na pitharo o miyamangongkir a: "Giyaya na shay´ a piyakammsa!"
Verse 3
"Ino amay ka matay tano go mbaloy tano a botha, (khawyag tano zaroman)? Giyoto na kapakandod a mawatan!"
Verse 4
Sabnar a katawan Ami so pkhorangn kiran o lopa; go zisii Rkami so daptar a sisiyapn.
Verse 5
Kna, ka piyakambokhag iran so bnar ko kiyapakawma niyan kiran: Na siran na matatago ko btad a di thatana.
Verse 6
Ba iran da pagilaylaya so langit ko kaporoan iran? O andamanaya i kiyambalaya Mi ron go so kiyapharasi Ami ron, a da a manga lbo niyan?
Verse 7
Go so lopa a kiyayat Ami skaniyan, go piyakabknan Ami oto sa manga palaw, go piyakatho Ami ron so pizoson a pakaranon,
Verse 8
ﮙﮚﮛﮜﮝ
ﮞ
In´ngka, ago pananadm o oman i oripn a pphangongonotan (ko Allah).
Verse 9
Na piyakatoron Ami a phoon ko kawang so ig a madakl i gona, na piyakatho Ami sa sabap rkaniyan so manga pamomolan go so pr a mapphragon;
Verse 10
ﮪﮫﮬﮭﮮ
ﮯ
Go so manga korma a manga poporo, a adn a onga niyan a miyakanggontogontor,
Verse 11
Pagpr ko manga oripn (o Allah;) go inioyag Ami oto ko ingd a maatay: Lagid man oto so kaphakagmaw (phoon ko manga kobor).
Verse 12
Tomiyaplis ko miyaonaan iran so pagtaw o Noh, go so khibabaling sa (ingd a) Rassi, go so pagtaw a Samod,
Verse 13
ﯤﯥﯦﯧ
ﯨ
Go so pagtaw a Ad, go so Pir´awn, go so manga pagari o Lot,
Verse 14
Go so khibabaling sa Aykah, go so pagtaw o Tobba´: Oman i isa kiran na piyakambokhag iyan so manga rasol, na miyatangkd (kiran) so siksa Akn.
Verse 15
Ba Kami minikopay ko kiyapangadn a paganay? Kna, ka siran na matatago ko kazasangka ko kaphangadn a bago.
Verse 16
Na sabnsabnar a inadn Ami so manosiya, go katawan Ami so pkhigdi skaniyan o ginawa niyan: Go Skami i lbi a marani ron a di so ogat ko bakrng;
Verse 17
Gowani a pphanorat so dowa a malaikat, sii sa kawanan go sa diwang khioontod;
Verse 18
Daa maptharo iyan a katharo a ba da a zisii rkaniyan, a tomotonggo a makadadarpa.
Verse 19
Na mitalingoma o Sakratol Mawt so bnar. "Giyoto man so ska na pphalagoyan ka skaniyan!"
Verse 20
Na iyopn so sanggakala:, giyoto man so alongan a diyandi.
Verse 21
ﮆﮇﮈﮉﮊﮋ
ﮌ
Na makawma so oman i isa a ginawa a: Adn a pd iyan a pndndg on go saksi.
Verse 22
(Tharoon on a:) "Sabnsabnar a miyatago ka ko kalilipati sangkai, na piyokas Ami rka so mirrnding rka, na so kaylaing ka sa alongan nai na malambt!"
Verse 23
ﮚﮛﮜﮝﮞﮟ
ﮠ
Na tharoon o (malaikat a) pd iyan a: "Giyaya so kadadarpaang ko."
Verse 24
ﮡﮢﮣﮤﮥﮦ
ﮧ
(Tharoon o Allah:) "Phozanga niyo a dowa ko naraka Jahannam so oman i miyongkir, a somiyangka,"
Verse 25
ﮨﮩﮪﮫ
ﮬ
"Phagrn ko mapiya, a mmamalawani, a pkhadowadowaan,"
Verse 26
"A so miyangmbaal sa rimbang o Allah a katohanan a salakaw: Na pozanga niyo skaniyan ko siksa a sangat."
Verse 27
Tharoon o (shaytan a) pd iyan: "Kadnan ami, da akn dadaga skaniyan, na ogaid na miyatago ko kadadag a mawatan."
Verse 28
Tharoon (o Allah) a: "Di kano gii phapawala ko hadapan Ko: Ka sabnar a miniona ko rkano so kapakaiktiyar."
Verse 29
"Di khasambian so katharo ko hadapan Ko, go di Akn zalimbotan so manga oripn (Ko)."
Verse 30
Sii ko alongan a tharoon Ami ko Jahannam: "Ba ka miyapno?" Na tharoon iyan: "Ba adn a khiyoman?"
Verse 31
ﰁﰂﰃﰄﰅ
ﰆ
Na ipakarani so sorga ko miyamananggila, a di mawatan:
Verse 32
ﰇﰈﰉﰊﰋﰌ
ﰍ
"Giyaya so ididiyandi rkano, a rk o oman i pphananangoran (ko Allah) a masiyapn,"
Verse 33
"A so maalkn ko Masalinggagaw, a migagaib, go miyakaoma rakhs o poso a thotolabos:
Verse 34
ﰖﰗﰘﰙﰚﰛ
ﰜ
"Pamanold kano ron sa kapipiya ginawa. Giyaya so alongan a kakal!"
Verse 35
ﰝﰞﰟﰠﰡﰢ
ﰣ
Khakowa iran so nganin a kabaya iran roo; go adn a zisii Rkami a lawan on.
Verse 36
Na madakl a bininasa Ami ko miyaonaan iran a pagtaw, siran i mala a di siran i guus, go miyanbnb iran so manga ingd! Na ba adn a kiyaapasan (iran)?
Verse 37
Mataan! a adn a matatago roo man a titho a ndao ko taw a adn a sabot iyan, maana tiyandang iyan so kapamamakin´g, a skaniyan na tomototoo.
Verse 38
Na sabnsabnar a inadn Ami so manga langit go so lopa, go so nganin a lt a dowa nan sii ko nm a alongan, na da Kami raota a dokaw.
Verse 39
Na phantanging ka so di iran tharoon, go pthasbikn ka so podi o Kadnan ka, ko di pn kapakasbang o alongan, go so di niyampn kasdp,
Verse 40
ﮊﮋﮌﮍﮎ
ﮏ
Go sii ko kagagawii, na pthasbik ka Rkaniyan, go so manga oriyan o sojiod.
Verse 41
Na pamakin´gang ka so alongan a mananawag so phananawag ko darpa a marani,
Verse 42
Sii ko alongan a man´g iran so lalis a rakhs o bnar: Giyoto man so alongan a kapakambowat (ko kobor).
Verse 43
ﮡﮢﮣﮤﮥﮦ
ﮧ
Mataan! a Skami na Skami i pphangoyag go pphangimatay; go sii Rkami so khabolosan,
Verse 44
Sii ko alongan a manga bbngkag kiran so lopa, a gii siran makanggagaan (lomiyo ko manga kobor): Giyoto man i kaplimod a malbod Rkami.
Verse 45
Skami i lbi a Matao ko gi iran tharoon; na kna a ba ka kiran pakaphamaasa. Na pakitadming ka so Qor´an ko taw a ikaalk iyan so pangangalk Akn!
تقدم القراءة