Tafsir sa Sura القمر sa ماراناو gikan sa Maranao - Maranao translation
Verse 1
ﮬﮭﮮﮯ
ﮰ
Miyakarani so bangkit, go miyaopak so olan.
Verse 2
Na o makaylay siran sa tanda, na talikhodan iran, go tharoon iran a: "Balik mata a mabagr!"
Verse 3
Go piyakambokhag iran go inonotan iran so manga kabaya iran a ribat. Na oman i btad na adn a pthaknaan iyan.
Verse 4
Na sabnsabnar a adn a miyakaoma kiran a manga tothol a so kadadalman sa tapaos,
Verse 5
ﯪﯫﯬﯭﯮﯯ
ﯰ
Ongangn a somsndad; - na da makanggay a gona so miyamakaiktiyar;
Verse 6
Na talikhoding ka siran. Sii ko alongan a itawag o (Israfil a) phananawag so shay´ a pakalklk.
Verse 7
Makapangangalimbabaan so manga kaylay ran, a pphamakambowat siran phoon ko manga kobor, a lagid o ba siran manga tarapan a mipapayapat,
Verse 8
Madilapt a kapphakasong iran ko pphananawag. Gii matharo o miyamangongkir a: "Giyai na alongan a margn."
Verse 9
Tomiyaplis ko miyaonaan iran so pagtaw o Noh, ka tiyaplis iran so oripn Ami (a Noh), go pitharo iran a: "Tataraponan, go tiyapaosan."
Verse 10
ﭯﭰﭱﭲﭳ
ﭴ
Na miyangangarapan ko Kadnan iyan (sa pitharo iyan): "Mataan! a sakn na kiyarompisan, na tabangi akong Ka!"
Verse 11
ﭵﭶﭷﭸﭹ
ﭺ
Na likaan Ami so manga pinto o langit ko ig, a pkhabobos;
Verse 12
Go piyakambowatan Ami so lopa sa manga bowalan; na miyakambaratmowa so ig ko sogoan a sabnar a miyadiyangka;
Verse 13
ﮅﮆﮇﮈﮉ
ﮊ
Go riyoran Ami skaniyan ko pithapi a manga papan, go manga pansar,
Verse 14
ﮋﮌﮍﮎﮏﮐ
ﮑ
Phlatas sii ko kaylay Ami: Balas ko taw a aya btad iyan na inongkir!
Verse 15
ﮒﮓﮔﮕﮖﮗ
ﮘ
Na sabnsabnar a inibagak Ami aya a tanda; na ba adn a phananadm?
Verse 16
ﮙﮚﮛﮜ
ﮝ
Na antonaa i miyambtad o siksa Akn, go so pamakaiktiyar Akn!
Verse 17
Na sabnsabnar a libod Ami so Qor´an ko kapkhatanodi ron; na ba adn a phananadm?
Verse 18
ﮦﮧﮨﮩﮪﮫ
ﮬ
Tomiyaplis so pagtaw a Ad, na antonaa i miyambtad o siksa Akn, go so pamakaiktiyar Akn!
Verse 19
Mataan! a Skami na biyotawanan Ami siran sa ndo, a domadagoos sii ko gawii a naas (kiran) a lomalagaday,
Verse 20
ﯘﯙﯚﯛﯜﯝ
ﯞ
Dii niyan nggagansingn so manga manosiya lagid o ba siran manga itado a korma a miyangababadot.
Verse 21
ﯟﯠﯡﯢ
ﯣ
Na antonaa i miyambtad o siksa Akn go so pamakaiktiyar Akn!
Verse 22
Na sabnsabnar a libod Ami so Qor´an ko kapkhatanodi ron: Na ba adn a phananadm?
Verse 23
ﯬﯭﯮ
ﯯ
Tiyaplis o pagtaw a Samod so pphamakaiktiyar.
Verse 24
Na pitharo iran: "Ba so manosiya! a pd rktano a sakataw i pagonotan tano skaniyan? Mataan! a sktano amay ka ba giyoto na titho a miyatago ko karibat, go kapamthang!
Verse 25
"Ino skaniyan i mbgi ko pananadm ko ndolondolonan tano? Kna, ka skaniyan na bokhag, a takabor!
Verse 26
ﰅﰆﰇﰈﰉ
ﰊ
Katokawan iran bo sa akir iyan, o antawaa i bokhag, a takabor!
Verse 27
Mataan! a Skami na zogo Kami sa babay a onta a tiyoba kiran; na nayawang ka siran go thigr ka!
Verse 28
Na panotholang ka kiran a: Mataan! a so ig na pimbagi kiran: Oman i zagb na sii ko alongan iyan phakadarpa.
Verse 29
ﭛﭜﭝﭞ
ﭟ
Na tiyawag iran (si Qadar a) pd iran, na kinowa niyan, na biyono iyan.
Verse 30
ﭠﭡﭢﭣ
ﭤ
Ah na antonaa i miyambtad o siksa Akn, go so pamaka iktiyar Akn!
Verse 31
Mataan! a Skami na biyotawanan Ami siran sa lalis a isa, na miyabaloy siran a lagid o miyarophod ko kodal.
Verse 32
Na sabnsabnar a libod Ami so Qor´an ko kapkhatanodi ron: Na ba adn a phananadm?
Verse 33
ﭶﭷﭸﭹ
ﭺ
Tiyaplis o pagtaw o Lot so pphamakaiktiyar.
Verse 34
Mataan! a Skami na biyotawanan Ami siran sa ndo (a maka-aawid sa ator) inonta so taalok ko Lot: Ka siyabt Ami siran ko kakhalibabas iyan, -
Verse 35
Limo a phoon ko hadapan Ami: - lagid oto man a kambalasi Ami ko taw a miyanalamat.
Verse 36
ﮏﮐﮑﮒﮓ
ﮔ
Na sabnsabnar a piyakiiktiyaran Iyan kiran so siksa Ami, na piyamawal iran so miyamakaiktiyar.
Verse 37
Na sabnsabnar a inangay ran on so khikabobolos on (a manga malaikat); na biyota Mi so manga mata iran (na pitharo kiran) a: "Taami niyo so siksa Akn, go so pamakaiktiyar Akn."
Verse 38
ﮟﮠﮡﮢﮣ
ﮤ
Na sabnsabnar a kiyabalagaan siran ko kapitapita o siksa, a tatap:
Verse 39
ﮥﮦﮧ
ﮨ
"Na taami niyo so siksa Akn, go so pamakaiktiyar Akn."
Verse 40
Na sabnsabnar a libod Ami so Qor´an ko kapkhatanodi ron: Na ba adn a phananadm?
Verse 41
ﮱﯓﯔﯕﯖ
ﯗ
Na sabnsabnar a miyakaoma ko pagaw o Pir´awn so pphamakaiktiyar;
Verse 42
Na piyakambokhag iran so manga tanda Ami, sa kalangolangowan iyan; na inigandr Ami kiran so kagandr o Mabagr, a Phakagaga.
Verse 43
Ba so miyamangongkir rkano i tomo a di so miyaonaan iyo, odi na ba adn a kallpas iyo sii ko manga kitab?
Verse 44
ﯫﯬﯭﯮﯯ
ﯰ
Ino iran dii tharoa a: "Skami a madakl a matitimo i phakadaag?"
Verse 45
ﯱﯲﯳﯴ
ﯵ
Khasaropt so matitimo, go khitalikhod iran so manga likod (iran).
Verse 46
ﯶﯷﯸﯹﯺﯻ
ﯼ
Kna, ka so bangkit i diyandi kiran, ka so bangkit i lawan a margn, go lawan a mapait.
Verse 47
ﯽﯾﯿﰀﰁ
ﰂ
Mataan! a so manga sala i zisii ko karibat, go kadadag.
Verse 48
Sii ko alongan a panondaan siran ko naraka a mikakaras a manga paras iran (tharoon kiran): "Gdami niyo so kisombo ko naraka Sakar!"
Verse 49
ﰍﰎﰏﰐﰑ
ﰒ
Mataan! a Skami na so langowan taman na inadn Ami skaniyan a didiyangkaan.
Verse 50
ﭑﭒﭓﭔﭕﭖ
ﭗ
A da ko sogoan Ami inonta na isa a lagid o saprk mata.
Verse 51
ﭘﭙﭚﭛﭜﭝ
ﭞ
Na sabnsabnar a bininasa Mi so manga lagid iyo sa kpit: Na ba adn a phananadm?
Verse 52
ﭟﭠﭡﭢﭣ
ﭤ
Na so langowan taman a pinggolawla iran oto na zisii ko manga daptar (a pizoratan o manga malaikat):
Verse 53
ﭥﭦﭧﭨ
ﭩ
Go oman i mayto, ago mala, na misosorat (ko Lawkh Makfod).
Verse 54
ﭪﭫﭬﭭﭮ
ﭯ
Mataan! a so miyamananggila, na khatago ko manga sorga, go manga lawasayg,
Verse 55
ﭰﭱﭲﭳﭴﭵ
ﭶ
Sii ko darpa a bnar, obay o (Allah a) Dato a Phakagaga.
تقدم القراءة