Tafsir sa Sura نوح sa ماراناو gikan sa Maranao - Maranao translation
Verse 1
Mataan! a Skami na siyogo Ami so Noh ko pagtaw niyan: (sa pitharo on a) "Pakaiktiyarang ka so pagtawng ka ko da kiran pn katalingomai a siksa a malipds."
Verse 2
ﮇﮈﮉﮊﮋﮌ
ﮍ
Pitharo iyan: "Hay pagtaw akn, mataan! a sakn na phamakaiktiyar rkano a mapayag:"
Verse 3
ﮎﮏﮐﮑﮒ
ﮓ
"Zoasoata niyo so Allah, go kalkn iyo Skaniyan, go onoti ako niyo:"
Verse 4
"Ka napin Iyan rkano so manga dosa niyo go pakaplagidn kano Niyan sa taman ko taalik a miyapnto: Mataan! a so taalik o Allah na igira a miyakatalingoma na di khisndod; o skano na katawi niyo."
Verse 5
Pitharo iyan: "Kadnan ko, mataan! a sakn na diyolon akn so pagtaw akn ko kagagawii na goso kadawndaw:
Verse 6
ﮱﯓﯔﯕﯖ
ﯗ
"Na da a minipagoman kiran o panolon akn a rowar sa kapalagoy;
Verse 7
"Go mataan! a sakn na oman akn siran dolonn, ka an Ka siran kapmaapi, na iyoln iran so manga tindoro iran ko manga tangila iran, go izalikombong iran so manga nditarn iran, go idadayon iran (so kaongkir) go mmaratabat siran sa mala a kapmaratabat;
Verse 8
ﯧﯨﯩﯪ
ﯫ
"Oriyan iyan na mataan! a sakn na tiyawag akn siran sa matanog.
Verse 9
"Go mataan! a sakn na piyakalangkap akn kiran, go inipnanay akn kiran sa tanto a kapnanay,
Verse 10
ﯴﯵﯶﯷﯸﯹ
ﯺ
"Na pitharo akn a: ´Pangni kano sa maap ko Kadnan iyo´; mataan! a Skaniyan na tatap a Manapi,"
Verse 11
ﭑﭒﭓﭔ
ﭕ
"Ka botawanan Iyan rkano so oran a margs,
Verse 12
"Go pakadakln Iyan rkano so manga tamok ago so manga wata, go snggayan kano Niyan sa manga pamomolan, go snggayan kano Niyan sa manga lawasayg.
Verse 13
ﭠﭡﭢﭣﭤﭥ
ﭦ
"Ino kano wai a di niyo ikhalk so Allah sa slasla,
Verse 14
ﭧﭨﭩ
ﭪ
"A sabnar a inadn kano Niyan ko pizoson a btad?
Verse 15
"Ba niyo da manggdagda o andamanaya i kiyaadna o Allah ko pito a manga langit a miyakaphapangkata,
Verse 16
"Go biyaloy Niyan roo so olan a sindaw, go biyaloy Niyan so alongan a palitaan?
Verse 17
ﭼﭽﭾﭿﮀ
ﮁ
"Na so Allah na inadn kano Niyan a phoon ko lopa sa (lagid o) mangngto,
Verse 18
ﮂﮃﮄﮅﮆ
ﮇ
"Oriyan iyan na phakakasowing kano Niyan roo, go phakagmawn kano Niyan sa samporna a kapakagmaw.
Verse 19
ﮈﮉﮊﮋﮌ
ﮍ
"Na so Allah na biyaloy Niyan rkano so lopa a makakayat,
Verse 20
ﮎﮏﮐﮑ
ﮒ
"Ka ang kano pphakawkit ko manga lalan on a manga dadaya."
Verse 21
Pitharo o Noh: "Kadnan ko, mataan! a siran na siyangka ako iran, ka aya iran inonotan so taw a da a minioman on o tamok iyan, ago so wata iyan, a rowar sa kalogi;
Verse 22
ﮡﮢﮣ
ﮤ
"Go miyagikmat siran sa ikmat a mala;
Verse 23
Go pitharo iran a: "Di niyo ngganati so manga katohanan iyo: Go di niyo ngganati so (barahala a) Wadda, go so Sowaa, go so Yaghos, go so Yawqa, go so Nasra;
Verse 24
"Go sabnar a miyakadadag siran sa madakl; na da a pagomann Ka ko manga darowaka a rowar ko kadadag."
Verse 25
Phoon ko manga kasalaan iran na inld siran, go piyakasold siran ko apoy; na da a miyatoon iran a bagian iran a salakaw ko Allah a mamakatabang.
Verse 26
Na pitharo o Noh: "Kadnan ko, da a plambaang Ka ko lopa ko miyamangongkir a makapamagingd on!
Verse 27
"Mataan! a Ska na o adn a lambaan Ka kiran na madadag iran so manga oripn Ka, go da a imbawata iran a rowar sa baradosa a miyongkir,
Verse 28
"Kadnan ko, pmaapi akong Ka, ago so mbala a loks akn, go so taw a somiyold ko walay akn a mapaparatiyaya, ago so miyamaratiyaya a manga mama, go so miyamaratiyaya a manga babay, go da a pagomann Ka ko manga darowaka a rowar ko kabinasa!"
تقدم القراءة