ﯸ

surah.translation .

ﰡ

ﮊﮋﮌﮍ ﰀ​


Pzapa Ako sa ibt ko alongan a qiyamah;
ﮏﮐﮑﮒ ﰁ​

Go pzapa Ako sa ibt ko niyawa a pphanginsoya (ka pagoyagn kano dn).
ﮔﮕﮖﮗﮘ ﰂ​

Ba aya tarima on o manosiya na di Ami dn khatimo so manga tolan iyan?
ﮚﮛﮜﮝﮞﮟ ﰃ​

Oway, khagaga Mi a kathaong Ami pharoman ko manga kmr iyan!
ﮡﮢﮣﮤﮥ ﰄ​

Kna, ka kabaya o manosiya a kapmbaradosa niyan ko kasasangoran iyan;
ﮧﮨﮩﮪ ﰅ​

Iphagiza iyan o: "Anda i kaphakatalingoma o alongan a qiyamah?"
ﮬﮭﮮ ﰆ​

Na amay ka mabrg so kaylay,
ﮰﮱ ﰇ​

Go nggarahana so olan,
ﯔﯕﯖ ﰈ​

Go matimo so alongan ago so olan,
ﯘﯙﯚﯛﯜ ﰉ​

Matharo o manosiya sa alongan oto a: "Anda i khapalagoyan?"
ﯞﯟﯠ ﰊ​

Da dn oto! ka da a khalindongan!
ﯢﯣﯤﯥ ﰋ​

Sobo so Kadnan ka sa alongan oto i kapthaknaan.
ﯧﯨﯩﯪﯫﯬ ﰌ​

Panotholn ko manosiya sa alongan oto so miniona niyan ago so minipakawri niyan.
ﯮﯯﯰﯱﯲ ﰍ​

Kna, ka so manosiya i zaksi ko ginawa niyan,
ﯴﯵﯶ ﰎ​

Na apiya i inibgay niyan a manga dalina iyan.
ﯸﯹﯺﯻﯼﯽ ﰏ​

Ding ka pkhaoga sa sabap rkaniyan (a Qor´an) so dila aka makapantag sa kaphagalokaloking ka on.
ﯿﰀﰁﰂ ﰐ​

Mataan! a sii Rkami so katimo iyan, ago so kapphangadi iron:
ﰄﰅﰆﰇ ﰑ​

Na igira a piyangadian Ami skaniyan, na kdgang ka so kiyapangadi iron;
ﰉﰊﰋﰌ ﰒ​

Oriyan iyan na mataan! a sii Rkami so kapakarayaga on.
ﭑﭒﭓﭔ ﰓ​

Sabnar a kna, ka pkhababayaan iyo so (doniya a) matag sagad,
ﭖﭗ ﰔ​

Go ipmbagak iyo so akhirat.
ﭙﭚﭛ ﰕ​

Adn a manga paras sa alongan oto a mamakataid, -
ﭝﭞﭟ ﰖ​

A maylay ran so Kadnan iran;
ﭡﭢﭣ ﰗ​

Go adn a manga paras sa alongan oto a khipakaiibi,
ﭥﭦﭧﭨﭩ ﰘ​

Maggda iran a adn a pnggolawlaan kiran a margn.
ﭫﭬﭭﭮ ﰙ​

Sabnar a amay ka isampay (so niyawa) ko manga tolan ko bakrng;
ﭰﭱﭲﭳ ﰚ​

Na matharo a: "Antawaa i pamomotar?"
ﭵﭶﭷ ﰛ​

Na miyatangkd iyan a mataan! a skaniyan so kapakapngganata (o niyawa ago so badan);
ﭹﭺﭻ ﰜ​

Na milapis so margn ko isa a margn:
ﭽﭾﭿﮀ ﰝ​

Sii bo ko Kadnan ka sa alongan oto so khandodan!
ﮂﮃﮄﮅ ﰞ​

(Skaniyan) Na da pangimbnar, go da zambayang!
ﮇﮈﮉ ﰟ​

Na ogaid na tomiyaplis, go tomiyalikhod!
ﮋﮌﮍﮎﮏ ﰠ​

Oriyan iyan na somiyong ko pagtaw niyan a zasagola!
ﮑﮒﮓ ﰡ​

So kabinasa a rk ka; na miyakarani (hay miyongkir)!
ﮕﮖﮗﮘ ﰢ​

Oriyan iyan na so kabinasa a rk ka, na miyakarani!
ﮚﮛﮜﮝﮞ ﰣ​

Ba aya tarima on o manosiya na imbagak sa kandaraynon?
ﮠﮡﮢﮣﮤﮥ ﰤ​

Ba da mabaloy skaniyan a malmk a mani a pkhipantos?
ﮧﮨﮩﮪﮫ ﰥ​

Oriyan iyan na mimbaloy a rogo a mimbathik, na inadn o Allah go pithaong Iyan sa tarotop;
ﮭﮮﮯﮰﮱ ﰦ​

Na biyaloy Niyan skaniyan a ngganapa: mama ago babay.
ﯔﯕﯖﯗﯘﯙﯚ ﰧ​

Ba di giyoto i phakagaga sa kawyaga Niyan ko miyamatay?