Surah سورة عبس

Verse 1

ﭑﭒ ﭓ

Miyakarimng (so Nabi) go tomiyalikhod,

Verse 2

ﭔﭕﭖ ﭗ

Sa kiyapakatalingoma on o bota (a si Abdollah Ibno Ommi Maktoom).

Verse 3

ﭘﭙﭚﭛ ﭜ

Na antawaa i kaphakitokawan iyan rka sa masikn a skaniyan na pzoti,

Verse 4

ﭝﭞﭟﭠ ﭡ

O di na phakindao na makanggay ron a gona so ndao?

Verse 5

ﭢﭣﭤ ﭥ

Na so taw a mitharambisa,

Verse 6

ﭦﭧﭨ ﭩ

Na ska na ayang ka gii zasagipaan,

Verse 7

ﭪﭫﭬﭭ ﭮ

A kna a ba rka khisndit a di niyan kapzoti.

Verse 8

ﭯﭰﭱﭲ ﭳ

Na so pman so miyakaoma rka a mananamar,

Verse 9

ﭴﭵ ﭶ

A skaniyan na maalkn (ko Allah),

Verse 10

ﭷﭸﭹ ﭺ

Na ska na ikaririmorng ka.

Verse 11

ﭻﭼﭽ ﭾ

Ding ka oto ppharomani, mataan aya! a pananadm,

Verse 12

ﭿﮀﮁ ﮂ

Na sadn sa khabaya, na pananadmn iyan.

Verse 13

ﮃﮄﮅ ﮆ

Matatago ko manga kitab a sslaan,

Verse 14

ﮇﮈ ﮉ

A ipoporo, a sosotin,

Verse 15

ﮊﮋ ﮌ

A minggolalan ko manga lima o manga panonorat,

Verse 16

ﮍﮎ ﮏ

A khisslaan a pphamangongonotan.

Verse 17

ﮐﮑﮒﮓ ﮔ

Pimorkaan so manosiya (a miyongkir)! Sayana a da a tadm iyan!

Verse 18

ﮕﮖﮗﮘ ﮙ

Antonaa shay´ i pakapoon iyan, sa kiyaadna on o Allah.

Verse 19

ﮚﮛﮜﮝ ﮞ

Miyakapoon sa notfa, inadn Iyan go pindidiyangka Iyan,

Verse 20

ﮟﮠﮡ ﮢ

Oriyan iyan na so lalan na libod Iyan on,

Verse 21

ﮣﮤﮥ ﮦ

Oriyan iyan na inisabap Iyan a kiyapatay Niyan, na piyakikobor Iyan;

Verse 22

ﮧﮨﮩﮪ ﮫ

Oriyan iyan na amay ko kabaya Iyan na oyagn Iyan bo.

Verse 23

ﮬﮭﮮﮯﮰ ﮱ

Sabnar, a da Niyan nggolalann so inisogo on (o Allah).

Verse 24

ﯓﯔﯕﯖ ﯗ

Na pamimikirana o manosiya so pangn´ngkn iyan:

Verse 25

ﯘﯙﯚﯛ ﯜ

A mataan! a Skami na inodod Ami so ig sa samporna a kawdod,

Verse 26

ﯝﯞﯟﯠ ﯡ

Oriyan iyan na piyakambabatkad Ami so lopa sa maroni a kambabatkad,

Verse 27

ﯢﯣﯤ ﯥ

Na piyamakathoan Ami skaniyan sa prpran,

Verse 28

ﯦﯧ ﯨ

Go anggor, go llthaan,

Verse 29

ﯩﯪ ﯫ

Go zayton, go korma,

Verse 30

ﯬﯭ ﯮ

Go manga pamomolan a manga rarabong,

Verse 31

ﯯﯰ ﯱ

Go manga onga, go manga paotanotan:

Verse 32

ﯲﯳﯴ ﯵ

Ka an iyo kanggonai ago so manga ayam iyo.

Verse 33

ﯶﯷﯸ ﯹ

Na amay ko makatalingoma so lalis,

Verse 34

ﯺﯻﯼﯽﯾ ﯿ

Sii ko alongan a palagoyan o taw so pagari niyan,

Verse 35

ﰀﰁ ﰂ

Go so ina iyan, ago so ama iyan,

Verse 36

ﰃﰄ ﰅ

Go so karoma niyan, go so manga wata iyan.

Verse 37

ﰆﰇﰈﰉﰊﰋ ﰌ

Oman i isa kiran sa alongan oto, na adn a btad a makattmbang on.

Verse 38

ﰍﰎﰏ ﰐ

Adn a manga paras sa alongan oto a khisisigay,

Verse 39

ﰑﰒ ﰓ

Makakhakala, a mabababaya;

Verse 40

ﰔﰕﰖﰗ ﰘ

Go adn a manga paras sa alongan oto - a masasalapot a lopapk,

Verse 41

ﭑﭒ ﭓ

A kakokoloban sa malibotng:

Verse 42

ﭔﭕﭖﭗ ﭘ

Siran man na siran so miyamangongkir a manga baradosa.

Tafsir ng سورة عبس

سورة عبس

Tafsir sa Sura عبس sa ماراناو gikan sa Maranao - Maranao translation

Maranao - Maranao translation

Maranao - Maranao translation