آية رقم 1

ﭑﭒﭓ ﭔ ​

Ба ростӣ, ки муъминон растагор шуданд

آية رقم 2

ﭕﭖﭗﭘﭙ ﭚ ​

Ҳамон касоне, ки дар намозашон фурӯтан ҳастанд

آية رقم 3

ﭛﭜﭝﭞﭟ ﭠ ​

Ва онон, ки аз [гуфтору рафтори] беҳуда рӯйгардонанд

آية رقم 4

ﭡﭢﭣﭤ ﭥ ​

Ва онон, ки закот мепардозанд

آية رقم 5

ﭦﭧﭨﭩ ﭪ ​

Ва онон, ки шармгоҳашонро ҳифз мекунанд

آية رقم 6

ﭫﭬﭭﭮﭯﭰﭱﭲﭳﭴ ﭵ ​

Магар дар мавриди ҳамсарон ё канизонашон, ки [дар баҳрагирии ҷинсӣ аз онҳо] накуҳише бар онон нест

آية رقم 7

ﭶﭷﭸﭹﭺﭻﭼ ﭽ ​

Пас, ҳар ки фаротар аз ин бихоҳад, ононанд, ки аз ҳад даргузаштаанд

آية رقم 8

ﭾﭿﮀﮁﮂ ﮃ ​

Ва [дар зумраи муъминонанд] касоне, ки амонатҳо ва аҳди худро риоят мекунанд

آية رقم 9

ﮄﮅﮆﮇﮈ ﮉ ​

Ва касоне, ки бар [адои] намозҳояшон муроқибат мекунанд

آية رقم 10

ﮊﮋﮌ ﮍ ​

Инонанд, ки ворисон ҳастанд

آية رقم 11

ﮎﮏﮐﮑﮒﮓ ﮔ ​

[Ҳамон] Касоне, ки биҳишти баринро ба ирс мебаранд [ва] дар он ҷовидонанд

آية رقم 12

ﮕﮖﮗﮘﮙﮚﮛ ﮜ ​

Ва дар ҳақиқат, инсонро аз чакидае аз гил офаридем

آية رقم 13

ﮝﮞﮟﮠﮡﮢ ﮣ ​

Сипас ӯро ба шакли нутфае дар қароргоҳе устувор [раҳим] ниҳодем

آية رقم 14

ﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

Сипас нутфаро [Ба шакли] хуни баста сохтем ва он гоҳ хуни бастаро [ба сурати] порагӯште сохтем, сипас порагӯштро [ба шакли] устухон даровардем ва он гоҳ бар устухонҳо гӯшт пӯшонидем. Сипас он [ҷанин]-ро офаринише дигар бахшидем. Пас, [пурбаракату] бузургвор аст Аллоҳ таоло, ки накутарин офаринанда аст

آية رقم 15

ﯜﯝﯞﯟﯠ ﯡ ​

Сипас шумо [пас аз тайи мароҳили зиндагӣ] ҳатман, хоҳед мурд

آية رقم 16

ﯢﯣﯤﯥﯦ ﯧ ​

Он гоҳ бе тардид, дар рӯзи қиёмат барангехта мешавед

آية رقم 17

ﯨﯩﯪﯫﯬﯭﯮﯯﯰﯱ ﯲ ​

Ва ба яқин Мо бар фарозатон ҳафт осмон офаридем ва [ҳаргиз] аз офариниш ғофил набудаем

آية رقم 18

ﭑﭒﭓﭔﭕﭖﭗﭘﭙﭚﭛﭜﭝﭞ ﭟ ​

Ва аз осмон ба андозае муайян [барои ниёзи махлуқот] обе фиристодем ва онро дар замин ҷой додем ва ҳатман, барои аз байн бурданаш [низ] комилан тавоноем

آية رقم 19

ﭠﭡﭢﭣﭤﭥﭦﭧﭨﭩﭪﭫﭬ ﭭ ​

Сипас тавассути он [об] бароятон боғҳое аз дарахтони хурмо ва ангур падид овардем, ки дар он [боғҳо] барои шумо меваҳое бисёре аст ва аз он [маҳсулот] мехӯред

آية رقم 20

ﭮﭯﭰﭱﭲﭳﭴﭵﭶ ﭷ ​

Ва дарахте [офаридем], ки аз Тӯри Сино бармеояд ва равғани [зайтун] медиҳад ва хӯрише барои хӯрандагон аст

آية رقم 21

ﭸﭹﭺﭻﭼﭽﭾﭿﮀﮁﮂﮃﮄﮅﮆﮇ ﮈ ​

Ва бе тардид, барои шумо дар [вуҷуди] чаҳорпоён ибрате [аз қудрати Аллоҳ таоло] аст: аз он чи дар шиками онҳост ба шумо [шир] менӯшонем ва дар [вуҷуди] онҳо бароятон судҳои бисёре вуҷуд дорад ва аз [гӯшти] онҳо мехӯред

آية رقم 22

ﮉﮊﮋﮌ ﮍ ​

[Дар хушкӣ] Бар онҳо савор мешавед ва [дар об] бар киштиҳо

آية رقم 23

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞ ﮟ ​

Ва бе тардид, Мо Нуҳро ба сӯйи қавмаш фиристодем, пас, [ба онон] гуфт: «Эй қавми ман, Аллоҳро бипарастед [ки] ҷуз Ӯ маъбуде [ба ҳақ] надоред. Оё парво намекунед?»

آية رقم 24

ﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

Пас, ашроф ва бузургони қавмаш, ки куфр варзида буданд, гуфтанд: «Ин [мард касе] нест, магар башаре ҳамчун шумо, [ки] мехоҳад бар шумо бартарӣ ҷӯяд. Агар Аллоҳ таоло мехост, фариштагоне [ба сӯятон] нозил мекард. Мо инро [ки Нуҳ мегӯяд] дар миёни ниёгони худ нашнидаем

آية رقم 25

ﯜﯝﯞﯟﯠﯡﯢﯣﯤﯥ ﯦ ​

Ӯ марди девонае беш нест. Пас, то муддате мунтазир бошед [ки ё дурӯғаш ошкор гардад ва даст аз даъваташ бардорад ё маргаш фаро расад]

آية رقم 26

ﯧﯨﯩﯪﯫ ﯬ ​

[Нуҳ] Гуфт: «Парвардигоро, маро дар баробари такзиби онон ёрӣ кун»

آية رقم 27

ﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍ ﰎ ​

Пас, ба ӯ ваҳй кардем: «Киштиро таҳти назари Мо ва ба ваҳйи Мо бисоз ва ҳангоме ки фармони [азоби] Мо фаро расад ва [ба нишонаи расидани тӯфон об аз] танӯр ҷӯшад, аз ҳар навъи [ҳайвон] як ҷуфти [нару мода] дар киштӣ савор кун ва хонаводаатро [низ ҳамроҳи худ бубар], магар касоне, ки пештар ваъда [-и ҳалок] бар онон муқаррар шудааст ва дар бораи [наҷоти] касоне, ки ситам кардаанд, бо Ман сухан нагӯ, [чаро ки] онон ҳатман, ғарқ хоҳанд шуд

آية رقم 28

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

Пас, ҳангоме ки ту ва ҳамроҳонат бар киштӣ савор шудед, бигӯ: «Сипос махсуси Аллоҳ таоло аст, ки моро аз [чанги] гурӯҳи ситамгор наҷот дод»

آية رقم 29

ﭡﭢﭣﭤﭥﭦﭧﭨ ﭩ ​

Ва [низ] бигӯ: «Парвардигоро, моро дар манзилгоҳе пурбаракат фуруд овар, ки Ту беҳтарин фурудоварандаӣ»

آية رقم 30

ﭪﭫﭬﭭﭮﭯﭰ ﭱ ​

Бе тардид, дар ин [моҷаро] нишонаҳое [аз қудрати Аллоҳ таоло дар наҷоти муъминон ва азоби кофирон] аст ва яқинан, Мо озмоишгар [-и имон ва куфри мардум] будаем

آية رقم 31

ﭲﭳﭴﭵﭶﭷ ﭸ ​

Он гоҳ гурӯҳи дигареро пас аз онон падид овардем

آية رقم 32

ﭹﭺﭻﭼﭽﭾﭿﮀﮁﮂﮃﮄﮅﮆﮇ ﮈ ​

Ва аз худашон паёмбаре дар [миёни] онон фиристодем [то бигӯяд]: «Аллоҳро бипарастед, [ки] ҷуз Ӯ маъбуде [ба ҳақ] надоред. Оё парво намекунед?»

آية رقم 33

ﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡ ﮢ ​

Гурӯҳе аз ашроф ва бузургони қавмаш, ки куфр варзида буданд ва дидори охиратро дурӯғ меангоштанд ва дар зиндагии дунё ба онон неъмату осоиш дода будем, гуфтанд: «Ин [мард касе] нест, магар башаре ҳамчун шумо. Аз он чи [шумо] мехӯред, [ӯ низ] мехӯрад ва аз он чи ки шумо менӯшед, [ӯ низ] менӯшад [пас, бартарие надорад, ки паёмбар бошад]

آية رقم 34

ﮣﮤﮥﮦﮧﮨﮩ ﮪ ​

Ва агар аз башаре ҳамчун худ итоат кунед, дар он сурат яқинан, зиёнкоред

آية رقم 35

ﮫﮬﮭﮮﮯﮰﮱﯓﯔ ﯕ ​

Оё ӯ ба шумо ваъда медиҳад, ки вақте мурдед ва хоку устухон шудед, [дар қиёмат аз гӯр] берун оварда мешавед?

آية رقم 36

ﯖﯗﯘﯙﯚ ﯛ ​

Он чи ба шумо ваъда медиҳад, чи дур аст, чи дур!

آية رقم 37

ﯜﯝﯞﯟﯠﯡﯢﯣﯤﯥ ﯦ ​

[Зиндагонӣ] Ҷуз ҳамин зиндагии дунёии мо нест. [Гурӯҳе] Мемирем [ва гурӯҳе ба ҷойи онҳо] зинда мешавем ва ҳаргиз [пас аз марг] барангехта нахоҳем шуд

آية رقم 38

ﯧﯨﯩﯪﯫﯬﯭﯮﯯﯰﯱﯲ ﯳ ​

Ӯ [касе] нест, магар мардест, ки бар Аллоҳ таоло дурӯғ мебандад ва мо ба ӯ имон намеоварем»

آية رقم 39

ﯴﯵﯶﯷﯸ ﯹ ​

Паёмбарашон] Гуфт: «Парвардигоро, маро дар баробари такзиби онон ёрӣ кун»

آية رقم 40

ﯺﯻﯼﯽﯾ ﯿ ​

[Аллоҳ таоло] Фармуд: «Пас аз андак замоне, [аз кори худ] сахт пушаймон мешаванд»

آية رقم 41

ﰀﰁﰂﰃﰄﰅﰆﰇﰈ ﰉ ​

Пас, бонг [-и маргбор]-е ононро ба ҳақ фуру гирифт ва [ҳамчун] хору хошокашон намудем. Пас, қавми ситамгор [аз раҳмати Аллоҳ таоло] дур бод!

آية رقم 42

ﰊﰋﰌﰍﰎﰏ ﰐ ​

Сипас баъд аз онон наслҳое дигар падид овардем

آية رقم 43

ﭑﭒﭓﭔﭕﭖﭗ ﭘ ​

Ҳеҷ уммате на аз аҷали худ пешӣ мегирад ва на таъхир мекунад

آية رقم 44

ﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮ ﭯ ​

Сипас паёмбарони худро паёпай фиристодем. Ҳар гоҳ паёмбаре барои [ҳидояти] уммате меомад, ӯро дурӯғгӯ меангоштанд, пас, [Мо низ] ононро яке пас аз дигаре ҳалок кардем ва ононро достонҳо [-и ибратомӯзе барои ояндагон] қарор додем. Пас, нобуд бод, қавме, ки имон намеоваранд!

آية رقم 45

ﭰﭱﭲﭳﭴﭵﭶﭷ ﭸ ​

Сипас Мӯсо ва бародараш Ҳорунро бо оёти [нуҳгонаи] хеш ва далоили ошкор фиристодем

آية رقم 46

ﭹﭺﭻﭼﭽﭾﭿ ﮀ ​

Ба сӯйи Фиръавн ва ашрофи [қавми] ӯ, вале онон гарданкашӣ карданд ва гурӯҳе бартарихоҳ буданд

آية رقم 47

ﮁﮂﮃﮄﮅﮆﮇ ﮈ ​

Ва гуфтанд: «Оё ба ду инсони монанди худ имон биёварем, ҳол он ки қавмашон бардагони мо ҳастанд?»

آية رقم 48

ﮉﮊﮋﮌ ﮍ ​

Пас он дуро дурӯғгӯ ангоштанд, [ва] саранҷом ҳалок шуданд

آية رقم 49

ﮎﮏﮐﮑﮒﮓ ﮔ ​

Ва бе тардид, ба Мӯсо китоби [Таврот] додем, бошад, ки [Бани Исроил] ҳидоят шаванд

آية رقم 50

ﮕﮖﮗﮘﮙﮚﮛﮜﮝﮞﮟ ﮠ ​

Ва писари Марям ва модарашро нишонае [аз қудрати илоҳӣ] карор додем ва ононро дар маконе баланд ва ҳамворе, ки дорои амният ва обе [зулолу] ҷорӣ буд, ҷой додем

آية رقم 51

ﮡﮢﮣﮤﮥﮦﮧﮨﮩﮪﮫﮬ ﮭ ​

Эй паёмбарон, аз [ғизоҳои] покиза бихӯред ва кори шоиста анҷом диҳед. Яқинан, ман ба он чи мекунед, огоҳам

آية رقم 52

ﮮﮯﮰﮱﯓﯔﯕﯖ ﯗ ​

Ва дар ҳақиқат, ин дини шумо дини воҳид [ба номи ислом] аст ва ман Парвардигоратон ҳастам. Пас, аз ман парво кунед [битарсед]

آية رقم 53

ﯘﯙﯚﯛﯜﯝﯞﯟﯠﯡ ﯢ ​

Аммо [пайравонашон ихтилоф карданд ва] дар кори динашон миёни худ фирқа-фирқа ва пароканда гаштанд ва ҳар гурӯҳе ба он чи наздашон аст, дилхушанд [чаро ки худро бар ҳақ медонанд]

آية رقم 54

ﯣﯤﯥﯦﯧ ﯨ ​

Пас, [эй паёмбар] ононро то вақте [ки азоб фаро мерасад] дар ҷаҳлу нодонишон раҳо кун

آية رقم 55

ﯩﯪﯫﯬﯭﯮﯯ ﯰ ​

Оё гумон мекунанд, он чи аз сарвату фарзандон, ки ба онон медиҳем,

آية رقم 56

ﯱﯲﯳﯴﯵﯶﯷﯸ ﯹ ​

[барои ин аст, ки] шитобон некиҳоро ба эшон бирасонем? [На, ҳаргиз чунин нест] Балки онон [ҳақиқатро] дарнамеёбанд

آية رقم 57

ﯺﯻﯼﯽﯾﯿﰀ ﰁ ​

Касоне, ки аз бими Парвардигорашон тарсонанд

آية رقم 58

ﰂﰃﰄﰅﰆ ﰇ ​

Ва касоне, ки ба оёти Парвардигорашон имон меоваранд

آية رقم 59

ﰈﰉﰊﰋﰌ ﰍ ​

Ва касоне, ки ба Парвардигорашон ширк намеварзанд

آية رقم 60

ﭑﭒﭓﭔﭕﭖﭗﭘﭙﭚ ﭛ ​

Ва касоне, ки дар анҷоми корҳои хайр мекӯшанд ва аз ин ки ба сӯйи Парвардигори хеш бозмегарданд, [ва аз ин ки корҳои некашон мақбули даргоҳи ҳақ воқеъ нашавад] дилҳояшон ҳаросон аст

آية رقم 61

ﭜﭝﭞﭟﭠﭡﭢ ﭣ ​

Инон дар некиҳо шитоб мекунанд ва дар анҷоми он [аз якдигар] пешӣ мегиранд

آية رقم 62

ﭤﭥﭦﭧﭨﭩﭪﭫﭬﭭﭮﭯﭰ ﭱ ​

Ва [Мо] ба ҳеҷ кас ҷуз ба андозаи тавонаш таклиф намекунем ва назди Мо китобест, ки [дар бораи аъмоли бандагон] ба ҳақ сухан мегӯяд ва ба онон ситам намешавад

آية رقم 63

ﭲﭳﭴﭵﭶﭷﭸﭹﭺﭻﭼﭽﭾﭿ ﮀ ​

[На] Балки дилҳояшон аз ин [китоб] дар ғафлат аст ва онон ба ҷуз ин [гуноҳи куфр] корҳое [дигар низ] анҷом медиҳанд

آية رقم 64

ﮁﮂﮃﮄﮅﮆﮇﮈ ﮉ ​

То ҳангоме ки сарватмандонашонро ба азоб гирифтор кунем, ногаҳон фарёди зорӣ сар медиҳанд

آية رقم 65

ﮊﮋﮌﮍﮎﮏﮐﮑ ﮒ ​

[Ба онон гуфта мешавад] «Имрӯз нола ва зорӣ накунед, [ки] ҳаргиз аз сӯйи мо ёрӣ нахоҳед шуд

آية رقم 66

ﮓﮔﮕﮖﮗﮘﮙﮚﮛ ﮜ ​

Бе тардид, оёти Ман пайваста бар шумо хонда мешуд, вале [аз ҳақ] рӯй мегардонед

آية رقم 67

ﮝﮞﮟﮠ ﮡ ​

Дар ҳоле ки дар баробараш такаббур мекардед [ва дар маҷолиси шабонаи худ] ба бадгӯӣ мепардохтед

آية رقم 68

ﮢﮣﮤﮥﮦﮧﮨﮩﮪﮫ ﮬ ​

Оё онон дар ин гуфтор [Қуръон] наяндешидаанд ё [магар] чизе барояшон омада, ки барои ниёгонашон наёмадааст?

آية رقم 69

ﮭﮮﮯﮰﮱﯓﯔ ﯕ ​

Ё паёмбарашонро нашинохтаанд ва [аз ин рӯст, ки] инкораш мекунанд

آية رقم 70

ﯖﯗﯘﯙﯚﯛﯜﯝﯞﯟﯠ ﯡ ​

Ё мегӯянд, ӯ ҷунун дорад? [На, чунин нест] Балки [ӯ дини] ҳақро барояшон овардааст, вале бештарашон аз [пазириши] ҳақ нохушнуданд

آية رقم 71

ﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲ ﯳ ​

Агар Аллоҳ таоло аз ҳавасҳои онон пайравӣ кунад [ва умури ҳастӣ ба майли кофирон идора шавад], осмонҳо ва замин ва ҳар ки дар онҳост, табоҳ мегардад, балки барои онон пандашон [Қуръон]-ро овардаем [ки мояи иззату шарафашон аст], вале онон аз пандашон рӯйгардонанд

آية رقم 72

ﯴﯵﯶﯷﯸﯹﯺﯻﯼﯽ ﯾ ​

[Эй Паёмбар] Оё ту аз онон [барои таблиғи дин] подоше металабӣ? Ва ҳол он ки подоши Парвардигорат [басе] беҳтар аст ва Ӯ беҳтарин рӯзидиҳанда аст

آية رقم 73

ﯿﰀﰁﰂﰃ ﰄ ​

Ва бе тардид, ту ононро ба роҳе рост даъват мекунӣ

آية رقم 74

ﰅﰆﰇﰈﰉﰊﰋﰌ ﰍ ​

Касоне, ки ба охират имон надоранд, ҳатман аз ин роҳи [рост] мунҳариф шудаанд

آية رقم 75

ﭑﭒﭓﭔﭕﭖﭗﭘﭙﭚﭛﭜ ﭝ ​

Агар ба онон раҳм кунем ва балову ранҷеро, ки [аз қаҳтӣ ва гуруснагӣ] дидаанд, аз эшон бартараф созем, бар саркашӣ [ва гумроҳии] хеш пофишорӣ мекунанд [ва ҳамчунон] ба бероҳа мераванд

آية رقم 76

ﭞﭟﭠﭡﭢﭣﭤﭥ ﭦ ​

Дар ҳақиқат, [Мо] ононро ба азоб [-у бало] гирифтор сохтем [то бедор шаванд], аммо дар баробари Парвардигорашон фурӯтанӣ нанамуданд ва [ба даргоҳаш тазарруъ ва] зорӣ накарданд

آية رقم 77

ﭧﭨﭩﭪﭫﭬﭭﭮﭯﭰﭱﭲ ﭳ ​

[Онон пайваста чунин ҳастанд] То он гоҳ ки даре аз азоби сахт бар онон мекушоем [ва чунон гирифтор шаванд], ки [аз ҳама ҷо] маъюс гарданд

آية رقم 78

ﭴﭵﭶﭷﭸﭹﭺﭻﭼﭽﭾ ﭿ ​

[Эй мункирони қиёмат] Аллоҳ таоло аст, ки барои шумо гӯшу чашм ва дил падид овард. Чи андак сипос мегузоред!

آية رقم 79

ﮀﮁﮂﮃﮄﮅﮆ ﮇ ​

Ва Ӯст, ки шуморо дар замин [офарид ва] пароканда кард ва [рӯзи қиёмат] ба сӯйи Ӯ ҷамъ мешавед

آية رقم 80

ﮈﮉﮊﮋﮌﮍﮎﮏﮐﮑﮒ ﮓ ​

Ва Ӯст, ки зинда мекунад ва мемиронад ва ихтилофи шабу рӯз аз тадбири Ӯст. Оё намеандешед?

آية رقم 81

ﮔﮕﮖﮗﮘﮙ ﮚ ​

[Чунин накарданд] Балки онон низ ҳамон [суханонеро] гуфтанд, ки пешиниён мегуфтанд

آية رقم 82

ﮛﮜﮝﮞﮟﮠﮡﮢ ﮣ ​

Гуфтанд: «Оё ҳангоме ки мурдему хоку устухон шудем, барангехта хоҳем шуд?

آية رقم 83

ﮤﮥﮦﮧﮨﮩﮪﮫﮬﮭﮮﮯ ﮰ ​

Бе тардид, ин ваъдаро пеш аз ин низ ба мо ва ниёгонамон додаанд. Ин [сухан чизе] нест, магар [дурӯғҳо ва] афсонаҳои пешиниён»

آية رقم 84

ﮱﯓﯔﯕﯖﯗﯘﯙ ﯚ ​

[Эй паёмбар, ба мункирони меод] бигӯ: «Агар медонед, [бигӯед], замин ва ҳар ки дар он аст, аз они кист?»

آية رقم 85

ﯛﯜﯝﯞﯟﯠ ﯡ ​

Хоҳанд гуфт: «[Ҳама] Аз они Аллоҳ таоло аст». Бигӯ: «Пас, оё панд намегиред?»

آية رقم 86

ﯢﯣﯤﯥﯦﯧﯨﯩ ﯪ ​

Бигӯ: «Парвардигори ҳафт осмон ва Парвардигори Арши бузург кист?»

آية رقم 87

ﯫﯬﯭﯮﯯﯰ ﯱ ​

Хоҳанд гуфт: «[Ҳама] Аз они Аллоҳ таоло аст». Бигӯ: «Пас, оё [аз Аллоҳ таоло] парво намекунед?»

آية رقم 88

ﯲﯳﯴﯵﯶﯷﯸﯹﯺﯻﯼﯽﯾﯿ ﰀ ​

Бигӯ: «Агар медонед, [бигӯед] фармонравоии ҳама чиз ба дасти кист? Ва [кист, ки] паноҳ медиҳад ва касе дар баробари [азоби] ӯ паноҳ надорад?»

آية رقم 89

ﰁﰂﰃﰄﰅﰆ ﰇ ​

Хоҳанд гуфт: «[Фармонравоии ҳама чиз] Аз они Аллоҳ таоло аст». Бигӯ: «Пас, чи гуна афсун мешавед [ва намеандешед]?»

آية رقم 90

ﭑﭒﭓﭔﭕ ﭖ ​

[Чунин нест, ки кофирон гумон мекунанд] Балки Мо ҳақро барояшон овардем ва яқинан, онон дурӯғгӯ ҳастанд

آية رقم 91

ﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰ ﭱ ​

Аллоҳ таоло ҳаргиз фарзанде барнагузидааст ва ҳеҷ маъбуде бо Ӯ нест. [Агар чунин буд] Он гоҳ ҳар маъбуде он чиро офарида буд, [бо худ] мебурд ва мусалламан, бархе бар бархе дигар бартарӣ меҷустанд [ва низоми ҳастӣ табоҳ мегашт]. Аллоҳ таоло аз он чи [мушрикон] тавсиф мекунанд, муназзаҳ аст

آية رقم 92

ﭲﭳﭴﭵﭶﭷ ﭸ ​

Ӯ донои ниҳону ошкор аст ва аз он чи бо Вай шарик месозанд, бартар аст

آية رقم 93

ﭹﭺﭻﭼﭽﭾ ﭿ ​

Бигӯ: «Парвардигоро, агар он [азобе]-ро, ки ба онон ваъда дода мешавад, ба ман нишон медиҳӣ [ки шоҳидаш бошам],

آية رقم 94

ﮀﮁﮂﮃﮄﮅ ﮆ ​

пас, Парвардигоро маро дар [ҳангоми азоб дар канори ин] гурӯҳи ситамгор қарор мадеҳ»

آية رقم 95

ﮇﮈﮉﮊﮋﮌﮍ ﮎ ​

Ва ҳатман, Мо тавоноем, ки он чиро ба онон ваъда медиҳем, ба ту нишон диҳем

آية رقم 96

ﮏﮐﮑﮒﮓﮔﮕﮖﮗﮘ ﮙ ​

[Эй паёмбар] бадиро ба шевае, ки беҳтар аст, дафъ кун [ва бубахшу шикебо бош]. Мо ба он чи [мушрикон дар бораи ту] тавсиф мекунанд, донотарем

آية رقم 97

ﮚﮛﮜﮝﮞﮟﮠ ﮡ ​

Ва бигӯ: «Парвардигоро, ман аз васвасаҳои шаётин ба Ту паноҳ мебарам

آية رقم 98

ﮢﮣﮤﮥﮦ ﮧ ​

Ва Парвардигоро, аз ин ки онҳо назди ман ҳозир шаванд, [низ] ба Ту паноҳ мебарам»

آية رقم 99

ﮨﮩﮪﮫﮬﮭﮮﮯ ﮰ ​

[Кофирон пайваста бар ақидаи ботилашон ҳастанд] То ҳангоме ки марги яке аз онон фаро расад, [он гоҳ дар ҳоле ки] назди Парвардигори [худ нолаву зорӣ мекунад, ба фариштагон] мегӯяд: «Маро [ба дунё] бозгардонед

آية رقم 100

ﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤ ﯥ ​

Шояд дар он чи [кӯтоҳӣ намуда ва] тарк кардам, кори шоистае анҷом диҳам». Ҳаргиз чунин нест. Бе тардид, ин фақат сухане аст, ки ӯ ба забон мегӯяд [ва ҳаргиз рафтораш тағйир намекунад] ва рӯзе, ки барангехта шаванд, пушти сарашон барзахест

آية رقم 101

ﯦﯧﯨﯩﯪﯫﯬﯭﯮﯯ ﯰ ​

Рӯзе, ки дар сур дамида мешавад, ҳеҷ як аз [ ифтихороти хонаводагӣ ва] пайвандҳои хешовандӣ миёнашон [барқарор] нахоҳад буд ва [аз ваҳшати азоб] аз [ҳоли] якдигар намепурсанд

آية رقم 102

ﯱﯲﯳﯴﯵﯶ ﯷ ​

Ва ҳар ки вазнаи аъмолаш сангин бошад, ононанд, ки растагоранд

آية رقم 103

ﯸﯹﯺﯻﯼﯽﯾﯿﰀﰁ ﰂ ​

Ва ҳар ки вазнаи аъмолаш сабук бошад, ононанд, ки ба хеш зиён задаанд ва дар дузах ҷовидонанд

آية رقم 104

ﰃﰄﰅﰆﰇﰈ ﰉ ​

Оташ чеҳраҳояшонро месӯзонад ва дар он ҷо рӯйтурш ва зиштманзаранд

آية رقم 105

ﭑﭒﭓﭔﭕﭖﭗﭘ ﭙ ​

[Ба онон гуфта мешавад] «Магар на ин буд, ки оётам бар шумо хонда мешуд ва онҳоро дурӯғ меангоштед?»

آية رقم 106

ﭚﭛﭜﭝﭞﭟﭠﭡ ﭢ ​

[Дар посух] Мегӯянд: «Парвардигоро, бадбахтӣ бар мо чира шуд ва гурӯҳе гумроҳ будем

آية رقم 107

ﭣﭤﭥﭦﭧﭨﭩ ﭪ ​

Парвардигоро, моро аз ин [дузах] берун овар. Пас, агар [ба куфру нофармонӣ] бозгаштем, ҳатман, ситамгорем»

آية رقم 108

ﭫﭬﭭﭮﭯ ﭰ ​

[Аллоҳ таоло] Мефармояд: «Дар он [оташ] гум шавед ва бо Ман сухан нагӯед

آية رقم 109

ﭱﭲﭳﭴﭵﭶﭷﭸﭹﭺﭻﭼﭽﭾ ﭿ ​

Гурӯҳе аз бандагонам мегуфтанд: «Парвардигоро, имон овардем, пас, моро бибахшо ва бар мо раҳм кун, [ки] бе тардид, Ту беҳтарин бахшояндаӣ»

آية رقم 110

ﮀﮁﮂﮃﮄﮅﮆﮇ ﮈ ​

Вале шумо ононро масхара мекардед, то ҷойе, ки [саргарм шудан ба тамасхури эшон] зикр [-у ибодати] Маро аз ёдатон бурд ва ҳамчунон ба онон механдидед

آية رقم 111

ﮉﮊﮋﮌﮍﮎﮏﮐ ﮑ ​

Имрӯз Ман ононро аз он ҷиҳате, ки шикебоӣ карданд, подош медиҳам. Оре, эшонанд, ки растагоранд»

آية رقم 112

ﮒﮓﮔﮕﮖﮗﮘ ﮙ ​

[Аллоҳ таоло ба дузахиён] Мегӯяд: «Чанд сол дар замин ба сар бурдед»?

آية رقم 113

ﮚﮛﮜﮝﮞﮟﮠﮡ ﮢ ​

Мегӯянд: «Як рӯз ё бахше аз як рӯзро ба сар бурдем. Аз ҳисобгарон [ки ҳисоби рӯзу солро нигаҳ медоранд] бипурс»

آية رقم 114

ﮣﮤﮥﮦﮧﮨﮩﮪﮫﮬ ﮭ ​

Ӯ мегӯяд: «[Оре] Агар медонистед, ҷуз андаке [дар дунё] ба сар набурдед

آية رقم 115

ﮮﮯﮰﮱﯓﯔﯕﯖ ﯗ ​

Оё пиндоштаед, ки шуморо беҳуда офаридаем ва ба сӯйи Мо бозгардонида намешавед?

آية رقم 116

ﯘﯙﯚﯛﯜﯝﯞﯟﯠﯡﯢﯣ ﯤ ​

Пас, баландмартаба [ва бузург] аст Аллоҳ таоло [ки] фармонравои ҳақ аст. Ҳеҷ маъбуде [ба ҳақ] ҷуз Ӯ нест [ва] Парвардигори Арши гаронқадр аст

آية رقم 117

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷ ﯸ ​

Ва ҳар ки бо Аллоҳ таоло маъбуди дигареро бихонад, яқинан, ҳеҷ далеле бар [ҳаққонияти] он нахоҳад дошт ва ҳисоби ӯ бо Парвардигораш хоҳад буд. Бе тардид, кофирон растагор намешаванд

آية رقم 118

ﯹﯺﯻﯼﯽﯾﯿ ﰀ ​

Ва [эй Паёмбар] бигӯ: «Парвардигоро, [гуноҳонамро] бибахшой ва раҳм кун ва Ту беҳтарин бахшандаӣ»