Page 583
وَٱلنَّٰزِعَٰتِ غَرۡقࣰا ١
Allāhu búra pẹ̀lú àwọn mọlāika t’ó ń fi ọ̀nà èle gba ẹ̀mí àwọn aláìgbàgbọ́.
وَٱلنَّٰشِطَٰتِ نَشۡطࣰا ٢
Ó tún búra pẹ̀lú àwọn mọlāika t’ó ń fi ọ̀nà ẹ̀rọ̀ gba ẹ̀mí àwọn onígbàgbọ́ òdodo.
وَٱلسَّٰبِحَٰتِ سَبۡحࣰا ٣
Ó tún búra pẹ̀lú àwọn mọlāika t’ó ń yára gágá níbi àṣẹ Rẹ̀.
فَٱلسَّٰبِقَٰتِ سَبۡقࣰا ٤
Ó tún búra pẹ̀lú àwọn mọlāika t’ó máa ṣíwájú ẹ̀mí àwọn onígbàgbọ́ òdodo wọnú Ọgbà Ìdẹ̀ra tààrà.
فَٱلۡمُدَبِّرَٰتِ أَمۡرࣰا ٥
Ó tún búra pẹ̀lú àwọn mọlāika t’ó ń ṣètò ilé ayé.
يَوۡمَ تَرۡجُفُ ٱلرَّاجِفَةُ ٦
Ní ọjọ́ tí ìfọn àkọ́kọ́ fún òpin ayé máa mi gbogbo ayé tìtì pẹ̀lú ohùn igbe.
تَتۡبَعُهَا ٱلرَّادِفَةُ ٧
Ìfọn kejì fún Àjíǹde sì máa tèlé e.
قُلُوبࣱ يَوۡمَئِذࣲ وَاجِفَةٌ ٨
Àwọn ọkàn yóò máa gbọ̀n pẹ̀pẹ̀ ní ọjọ́ yẹn.
أَبۡصَٰرُهَا خَٰشِعَةࣱ ٩
Ojú wọn yó sì wálẹ̀ ní ti ìyẹpẹrẹ.
يَقُولُونَ أَءِنَّا لَمَرۡدُودُونَ فِي ٱلۡحَافِرَةِ ١٠
Wọn yóò wí pé: "Ṣé Wọ́n tún máa dá wa padà sí ìbẹ̀rẹ̀ ìṣẹ̀mí (bíi tayé ni)?
أَءِذَا كُنَّا عِظَٰمࣰا نَّخِرَةࣰ ١١
Ṣé nígbà tí a ti di eegun t’ó kẹfun tán?"
قَالُواْ تِلۡكَ إِذࣰا كَرَّةٌ خَاسِرَةࣱ ١٢
Wọ́n wí pé: "Ìdápadà òfò nìyẹn nígbà náà (fún ẹni t’ó pè é nírọ́.)"
فَإِنَّمَا هِيَ زَجۡرَةࣱ وَٰحِدَةࣱ ١٣
Nítorí náà, igbe ẹyọ kan sì ni.
فَإِذَا هُم بِٱلسَّاهِرَةِ ١٤
Nígbà náà ni wọn yóò bára wọn lórí ilẹ̀ gban̄sasa.
هَلۡ أَتَىٰكَ حَدِيثُ مُوسَىٰٓ ١٥
Ǹjẹ́ ọ̀rọ̀ (Ànábì) Mūsā ti dé ọ̀dọ̀ rẹ?
إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى ١٦
(Rántí) nígbà tí Olúwa rẹ̀ pè é ní àfonífojì mímọ́, Tuwā.
Page 584
ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ ١٧
Lọ bá Fir‘aon, dájúdájú ó ti tayọ ẹnu-àlà.
فَقُلۡ هَل لَّكَ إِلَىٰٓ أَن تَزَكَّىٰ ١٨
Kí o sì sọ pé: "Ǹjẹ o máa ṣàfọ̀mọ́ ara rẹ (kúrò nínú àìgbàgbọ́) bí?
وَأَهۡدِيَكَ إِلَىٰ رَبِّكَ فَتَخۡشَىٰ ١٩
Kí èmi sì fi ọ̀nà mọ̀ ọ́ dé ọ̀dọ̀ Olúwa rẹ. Nítorí náà, kí o páyà (Rẹ̀)."
فَأَرَىٰهُ ٱلۡأٓيَةَ ٱلۡكُبۡرَىٰ ٢٠
Ó sì fi àmì t’ó tóbi hàn án.
فَكَذَّبَ وَعَصَىٰ ٢١
(Àmọ́) ó pè é lópùrọ́. Ó sì yapa rẹ̀.
ثُمَّ أَدۡبَرَ يَسۡعَىٰ ٢٢
Lẹ́yìn náà, ó kẹ̀yìn sí i. Ó sì ń ṣiṣẹ́ (takò ó).
فَحَشَرَ فَنَادَىٰ ٢٣
Ó kó (àwọn ènìyàn) jọ, ó sì ké gbàjarì.
فَقَالَ أَنَا۠ رَبُّكُمُ ٱلۡأَعۡلَىٰ ٢٤
Ó sì wí pé: "Èmi ni olúwa yín, ẹni gíga jùlọ."
فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ ٢٥
Nítorí náà, Allāhu gbá a mú pẹ̀lú ìyà ìkẹ́yìn àti àkọ́kọ́ (nípa ọ̀rọ̀ ẹnu rẹ̀ ìkẹ́yìn yìí àti àkọ́kọ́).
إِنَّ فِي ذَٰلِكَ لَعِبۡرَةࣰ لِّمَن يَخۡشَىٰٓ ٢٦
Dájúdájú àríwòye wà nínú ìyẹn fún ẹni t’ó ń páyà (Allāhu).
ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا ٢٧
Ṣé ẹ̀yin lẹ lágbára jùlọ ní ìṣẹ̀dá ni tàbí sánmọ̀ tí Allāhu mọ?
رَفَعَ سَمۡكَهَا فَسَوَّىٰهَا ٢٨
Allāhu gbé àjà rẹ̀ ga sókè. Ó sì ṣe é ní pípé t’ó gún régé.
وَأَغۡطَشَ لَيۡلَهَا وَأَخۡرَجَ ضُحَىٰهَا ٢٩
Ó ṣe òru rẹ̀ ní dúdú. Ó sì fa ìyálẹ̀ta rẹ̀ yọ jáde.
وَٱلۡأَرۡضَ بَعۡدَ ذَٰلِكَ دَحَىٰهَآ ٣٠
Àti ilẹ̀, Ó tẹ́ ẹ pẹrẹsẹ lẹ́yìn ìyẹn.
أَخۡرَجَ مِنۡهَا مَآءَهَا وَمَرۡعَىٰهَا ٣١
Ó mú omi rẹ̀ àti irúgbìn rẹ̀ jáde láti inú rẹ̀.
وَٱلۡجِبَالَ أَرۡسَىٰهَا ٣٢
Àti àwọn àpáta, Ó fi ìdí wọn múlẹ̀ ṣinṣin.
مَتَٰعࣰا لَّكُمۡ وَلِأَنۡعَٰمِكُمۡ ٣٣
Ìgbádùn ni fun yín àti fún àwọn ẹran-ọ̀sìn yín.
فَإِذَا جَآءَتِ ٱلطَّآمَّةُ ٱلۡكُبۡرَىٰ ٣٤
Ṣùgbọ́n nígbà tí ìparun ńlá bá dé,
يَوۡمَ يَتَذَكَّرُ ٱلۡإِنسَٰنُ مَا سَعَىٰ ٣٥
ní ọjọ́ tí ènìyàn yóò rántí ohun t’ó ṣe níṣẹ́.
وَبُرِّزَتِ ٱلۡجَحِيمُ لِمَن يَرَىٰ ٣٦
Wọ́n sì máa fi Iná hàn kedere fún (gbogbo) ẹni t’ó ríran.
فَأَمَّا مَن طَغَىٰ ٣٧
Nítorí náà, ní ti ẹni t’ó bá tayọ ẹnu-àlà,
وَءَاثَرَ ٱلۡحَيَوٰةَ ٱلدُّنۡيَا ٣٨
tí ó tún gbé àjùlọ fún ìṣẹ̀mí ayé,
فَإِنَّ ٱلۡجَحِيمَ هِيَ ٱلۡمَأۡوَىٰ ٣٩
dájúdájú iná Jẹhīm, òhun ni ibùgbé (rẹ̀).
وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ ٤٠
Ní ti ẹni tí ó bá páyà ìdúró níwájú Olúwa rẹ̀, tí ó tún kọ ìfẹ́-inú fún ẹ̀mí (ara rẹ̀),
فَإِنَّ ٱلۡجَنَّةَ هِيَ ٱلۡمَأۡوَىٰ ٤١
dájúdájú Ọgbà Ìdẹ̀ra, òhun ni ibùgbé (rẹ̀).
يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا ٤٢
Wọ́n ń bi ọ́ léèrè nípa Àkókò náà pé: "Ìgbà wo l’ó máa ṣẹlẹ̀?"
فِيمَ أَنتَ مِن ذِكۡرَىٰهَآ ٤٣
Ọ̀nà wo ni ìwọ lè fi ní (ìmọ̀) ìrántí rẹ̀ ná?
إِلَىٰ رَبِّكَ مُنتَهَىٰهَآ ٤٤
Ọ̀dọ̀ Olúwa rẹ ni òpin ìmọ̀ nípa rẹ̀ wà.
إِنَّمَآ أَنتَ مُنذِرُ مَن يَخۡشَىٰهَا ٤٥
Ìwọ kúkú ni olùkìlọ̀ fún ẹni t’ó ń páyà rẹ̀.
كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا ٤٦
Ní ọjọ́ tí wọ́n máa rí i, wọn máa dà bí ẹni pé wọn kò lò tayọ ìrọ̀lẹ́ tàbí ìyálẹ̀ta (ọjọ́) kan lọ (nílé ayé).