ترجمة سورة الماعون

الترجمة المليبارية
ترجمة معاني سورة الماعون باللغة المليبارية من كتاب الترجمة المليبارية .
من تأليف: عبد الحميد حيدر المدني وكونهي محمد .

മതത്തെ വ്യാജമാക്കുന്നവന്‍ ആരെന്ന് നീ കണ്ടുവോ?
അനാഥക്കുട്ടിയെ തള്ളിക്കളയുന്നവനത്രെ അത്‌.
പാവപ്പെട്ടവന്‍റെ ഭക്ഷണത്തിന്‍റെ കാര്യത്തില്‍ പ്രോത്സാഹനം നടത്താതിരിക്കുകയും ചെയ്യുന്നവന്‍.(1)
____________________
1) ഏതുകാലത്തും മതനിഷേധത്തിന്നും മതനിഷേധികള്‍ക്കും വളംവെച്ചുകൊടുക്കുന്നത് ദൈവവിശ്വാസം ഉള്ളില്‍ കടക്കാതെ മതത്തിന്റെ ബാഹ്യമായ ആചാരങ്ങള്‍ മാത്രം കൊണ്ടുനടക്കുന്ന ആളുകളാണ്. അനാഥകളുടെയും അഗതികളുടെയും രക്ഷയ്‌ക്കെത്താത്ത, അലക്ഷ്യമായി പ്രാര്‍ത്ഥന ഉരുവിടുന്ന, ചില്ലറ സേവനങ്ങള്‍ പോലും ചെയ്യാന്‍ കൂട്ടാക്കാത്ത ഭക്തിപ്രകടനക്കാര്‍ മതത്തെപ്പറ്റിയുള്ള വിശ്വാസം തന്നെ കെടുത്തിക്കളയുന്നു.
എന്നാല്‍ നമസ്കാരക്കാര്‍ക്കാകുന്നു നാശം.
തങ്ങളുടെ നമസ്കാരത്തെപ്പറ്റി ശ്രദ്ധയില്ലാത്തവരായ
ജനങ്ങളെ കാണിക്കാന്‍ വേണ്ടി പ്രവര്‍ത്തിക്കുന്നവരായ
പരോപകാര വസ്തുക്കള്‍(2) മുടക്കുന്നവരുമായ 
____________________
2) പരോപകാര മനസ്ഥിതിയുള്ള ആളുകള്‍ പരസ്പരം വായ്പ കൊടുക്കുന്ന വീട്ടുസാമാനങ്ങളും മറ്റും.
Icon