الترجمة التاميلية இலிருந்து التاميلية மொழியில் சூரா القيامة இன் மொழிபெயர்ப்பு
Verse 1
ﮊﮋﮌﮍ
ﮎ
1. மறுமை நாளின் மீது நான் சத்தியம் செய்கிறேன்.
Verse 2
ﮏﮐﮑﮒ
ﮓ
2. (குற்றம் செய்தவனை) நிந்திக்கும் அவனுடைய மனசாட்சியின் மீதும் நான் சத்தியம் செய்கிறேன்.
Verse 3
ﮔﮕﮖﮗﮘ
ﮙ
3. (இறந்து உக்கி மண்ணாய்ப் போன) அவனுடைய எலும்புகளை, நாம் ஒன்று சேர்க்கமாட்டோம் என்று மனிதன் எண்ணிக் கொண்டிருக்கிறானா?
Verse 4
ﮚﮛﮜﮝﮞﮟ
ﮠ
4. அவ்வாறல்ல! அவனுடைய (சரீர) அமைப்பை (இறந்த பின்னரும் முன்னிருந்தபடி) சரிப்படுத்த நாம் ஆற்றலுடையோம்.
Verse 5
ﮡﮢﮣﮤﮥ
ﮦ
5. எனினும், மனிதன் இறைவன் முன்பாகவே குற்றம் செய்யக் கருதுகிறான்.
Verse 6
ﮧﮨﮩﮪ
ﮫ
6. (பரிகாசமாக) ‘‘மறுமை நாள் எப்பொழுது வரும்'' என்று கேட்கிறான்.
Verse 7
ﮬﮭﮮ
ﮯ
7. அது (வரும்) சமயம் பார்வை தட்டழிந்து விடும்,
Verse 8
ﮰﮱ
ﯓ
8. சந்திரனின் பிரகாசம் மங்கி விடும்,
Verse 9
ﯔﯕﯖ
ﯗ
9. (அதுநாள் வரை பிரிந்திருந்த) சூரியனும் சந்திரனும் ஒன்று சேர்க்கப்பட்டு விடும்(போது),
Verse 10
ﯘﯙﯚﯛﯜ
ﯝ
10. அந்நாளில் (தப்பித்துக்கொள்ள) “எங்கு ஓடுவது'' என்று மனிதன் கேட்பான்.
Verse 11
ﯞﯟﯠ
ﯡ
11. ‘‘முடியவே முடியாது. தப்ப இடமில்லை'' (என்று கூறப்படும்).
Verse 12
ﯢﯣﯤﯥ
ﯦ
12. (நபியே!) அந்நாளில் உமது இறைவனிடமே (அனைவரும்) நிற்க வேண்டியதிருக்கிறது.
Verse 13
ﯧﯨﯩﯪﯫﯬ
ﯭ
13. மனிதன், முன் பின் செய்த பாவங்களைப் பற்றி அந்நாளில் அவனுக்கு அறிவுறுத்தப்படும்.
Verse 14
ﯮﯯﯰﯱﯲ
ﯳ
14. தவிர, ஒவ்வொரு மனிதனும் தன் நிலைமையைத் தானாகவும் அறிந்துகொள்வான்.
Verse 15
ﯴﯵﯶ
ﯷ
15. ஆகவே, அவன் (தன் குற்றங்களுக்கு) எவ்வளவு புகல்களைக் கூறிய போதிலும் (அது அங்கீகரிக்கப்படாது).
Verse 16
ﯸﯹﯺﯻﯼﯽ
ﯾ
16. (நபியே! வஹ்யி மூலம் ஜிப்ரயீல் ஓதிக்காண்பிக்கும் வசனங்கள் தவறி விடுமோ என்று பயந்து, அவர் ஓதி முடிப்பதற்கு முன்னர்) நீர் அவசரப்பட்டு அதை ஓத உமது நாவை அசைக்காதீர்.
Verse 17
ﯿﰀﰁﰂ
ﰃ
17. ஏனென்றால், அதை ஒன்று சேர்த்து (நீர்) ஓதும்படி செய்வது நிச்சயமாக நம்மீதுள்ள கடமையாகும்.
Verse 18
ﰄﰅﰆﰇ
ﰈ
18. ஆகவே, (ஜிப்ரயீல் மூலம்) அதை நாம் (உமக்கு) ஓதிக்காண்பித்தால், (அவர் ஓதி முடித்த பின்னர்) அவ்வாறே அதை நீர் பின்தொடர்ந்து ஓதுவீராக.
Verse 19
ﰉﰊﰋﰌ
ﰍ
19. பின்னர், அதை விவரித்துக் கூறுவதும் நம்மீதுள்ள கடமையாகும்.
Verse 20
ﭑﭒﭓﭔ
ﭕ
20. எனினும் (மனிதர்களே!) நீங்கள் (அவசரமான) உலக வாழ்க்கையைத்தான் விரும்புகிறீர்கள்.
Verse 21
ﭖﭗ
ﭘ
21. (ஆதலால்தான், இம்மையை விரும்பி) மறுமையை நீங்கள் விட்டு விடுகிறீர்கள்.
Verse 22
ﭙﭚﭛ
ﭜ
22. அந்நாளில் சில(ருடைய) முகங்கள் மிக்க ஒளிவுடன் மகிழ்ச்சியுடையவையாக இருக்கும்.
Verse 23
ﭝﭞﭟ
ﭠ
23. (அவை) தங்கள் இறைவனை நோக்கிய வண்ணமாக இருக்கும்.
Verse 24
ﭡﭢﭣ
ﭤ
24. வேறு சில(ருடைய) முகங்களோ அந்நாளில் (துக்கத்தால்) வாடியவையாக இருக்கும்.
Verse 25
ﭥﭦﭧﭨﭩ
ﭪ
25. (பாவச் சுமையின் காரணமாகத்) தங்கள் இடுப்பு முறிந்துவிடுமோ என்று எண்ணி(ப் பயந்து) கொண்டிருப்பார்கள்.
Verse 26
ﭫﭬﭭﭮ
ﭯ
26. எனினும், (எவனேனும் நோய்வாய்ப்பட்டு, அவனின்) உயிர் தொண்டைக் குழியை அடைந்துவிட்டால்,
Verse 27
ﭰﭱﭲﭳ
ﭴ
27. (அவனுக்குச் சமீபத்தில் இருப்பவர்கள் அவனைச் சுகமாக்க) மந்திரிப்பவன் யார்? (எங்கிருக்கிறான்?) என்று கேட்கின்றனர்.
Verse 28
ﭵﭶﭷ
ﭸ
28. எனினும், அவனோ நிச்சயமாக இதுதான் (தன்) பிரிவினை என்பதை (உறுதியாக) அறிந்துகொள்கிறான்.
Verse 29
ﭹﭺﭻ
ﭼ
29. (அவனுடைய) கெண்டைக்கால், கெண்டைக் காலோடு பின்னிக் கொள்ளும்.
Verse 30
ﭽﭾﭿﮀ
ﮁ
30. அச்சமயம், அவன் (காரியம் முடிவு பெற்று) உமது இறைவன் பக்கம் ஓட்டப்பட்டு விடுகிறான்.
Verse 31
ﮂﮃﮄﮅ
ﮆ
31. (அவனோ அல்லாஹ்வுடைய வசனங்களை) உண்மையாக்கவுமில்லை; தொழவுமில்லை.
Verse 32
ﮇﮈﮉ
ﮊ
32. ஆயினும் (அவன் அவற்றைப்) பொய்யாக்கி வைத்து(த் தொழாதும்) விலகிக்கொண்டான்.
Verse 33
ﮋﮌﮍﮎﮏ
ﮐ
33. பின்னர், கர்வம்கொண்டு தன் குடும்பத்துடன் (தன் வீட்டிற்குச்) சென்று விட்டான்.
Verse 34
ﮑﮒﮓ
ﮔ
34. (மனிதனே!) உனக்குக் கேடுதான்; மேலும் கேடுதான்!
Verse 35
ﮕﮖﮗﮘ
ﮙ
35. பின்னர், உனக்குக் கேடுதான்! மேலும் கேடுதான் (உனக்கு)!
Verse 36
ﮚﮛﮜﮝﮞ
ﮟ
36. (ஒரு கேள்வியும் தம்மிடம் கேட்காது) சும்மா விட்டு விடப்படுவோம் என்று மனிதன் எண்ணிக் கொண்டானா?
Verse 37
ﮠﮡﮢﮣﮤﮥ
ﮦ
37. அவன் (கர்ப்பத்தில்) செலுத்தப்பட்ட ஓர் இந்திரியத் துளியாக இருக்க வில்லையா?
Verse 38
ﮧﮨﮩﮪﮫ
ﮬ
38. (இந்திரியமாக இருந்த) பின்னர், அவன் கருவாக மாறினான் (அவனை) அல்லாஹ்தான் படைத்து முழுமையான மனிதனாக ஆக்கிவைத்தான்.
Verse 39
ﮭﮮﮯﮰﮱ
ﯓ
39. ஆண், பெண் ஜோடிகளையும் அதிலிருந்து உற்பத்தி செய்கிறான்.
Verse 40
40. (இவற்றையெல்லாம் செய்த) அவன் மரணித்தவர்களை உயிர்ப்பிக்க ஆற்றலுடையவனாக இல்லையா?
تقدم القراءة