سورة المؤمنون

Tatar - Tatar translation

Tatar - Tatar translation китабыннан تتاري телендә المؤمنون сүрәсенең тәрҗемәсе

Tatar - Tatar translation

الذهاب لصفحة الكتاب
Verse 1
ﭑﭒﭓ ﭔ ​


Тәхкыйк хак мөэминнәр ґәзабтан котылып мәңгелек сәгадәткә ирештеләр.
Verse 2
ﭕﭖﭗﭘﭙ ﭚ ​

Алар намазларын хошугъ белән укыйлар, Аллаһудан куркып, кечерәяләр.
Verse 3
ﭛﭜﭝﭞﭟ ﭠ ​

Янә алар буш сүзләрдән, файдасыз эшләрдән баш тарталар.
Verse 5
ﭦﭧﭨﭩ ﭪ ​

Вә алар гаурәт әгъзаларын күрсәтмәсләр һәм зинадан сакланырлар.
Verse 6
ﭫﭬﭭﭮﭯﭰﭱﭲﭳﭴ ﭵ ​

Мәгәр үз хатыннарыннан вә хуҗа булган җария хатыннан сакланмаслар моның өчен алар шелтә ителмәсләр.
Verse 7
ﭶﭷﭸﭹﭺﭻﭼ ﭽ ​

Берәү үз хатыныннан вә җариясеннән башканы эстәсә, ягъни зина кылса, ул кешеләр хәләлдән хәрамга үтүчеләрдер.
Verse 8
ﭾﭿﮀﮁﮂ ﮃ ​

Янә алар тапшырылган әманәтләргә вә биргән вәгъдәләргә хыянәт итмәсләр.
Verse 10
ﮊﮋﮌ ﮍ ​

Ошбу кешеләр хокукый җәннәт варисларыдыр.
Verse 11
ﮎﮏﮐﮑﮒﮓ ﮔ ​

Алар Фирдәүс җәннәтенә варис булырлар һәм алар анда мәңге калырлар.
Verse 13
ﮝﮞﮟﮠﮡﮢ ﮣ ​

Соңра Адәмнең нәселен ана карынында мәни кылдык.
Verse 14
ﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

Соңра мәнине каты кан итеп яраттык, соңра ул каты канны чәйнәлгән ит кеби кыйлдык, соңра ул итне сөяк иттек, соңра ул сөяккә ит кидердек, соңра аны икенче төрле халык иттек ягъни, аңа җан бирдек, яратучыларның күркәмрәге булган Аллаһ олугъ булды.
Verse 15
ﯜﯝﯞﯟﯠ ﯡ ​

Соңра бармагыз да әҗәлегез җитеп мәет булырсыз.
Verse 16
ﯢﯣﯤﯥﯦ ﯧ ​

Соңра кыямәт көнне терелеп кубарылырсыз.
Verse 17
ﯨﯩﯪﯫﯬﯭﯮﯯﯰﯱ ﯲ ​

Тәхкыйк өстегездә җиде күкне яраттык ул фәрештәләр юлыдыр, Без яраткан нәрсәләребездән гафил булмадык.
Verse 18
ﭑﭒﭓﭔﭕﭖﭗﭘﭙﭚﭛﭜﭝﭞ ﭟ ​

Янә Без кирәк хәтле итеп күктән су иңдердек, соңра ул суны җирнең чокырларында тотарбыз яңгыр яумаганда кешеләр файдалансын өчен, ул суны юк итәргә дә көчебез җитәдер.
Verse 19
ﭠﭡﭢﭣﭤﭥﭦﭧﭨﭩﭪﭫﭬ ﭭ ​

Ул су белән сезгә хөрмә, йөзем бакчаларын кылдык, сезнең өчен ул бакчаларда куп җимешләр бар, аларны сез ашыйсыз.
Verse 20
ﭮﭯﭰﭱﭲﭳﭴﭵﭶ ﭷ ​

Дәхи Синай тавында үсә торган зәйтүн агачын кылдык, ул агач ашаучылар өчен май һәм ризыкның төсен үзгәртә торган буяу чыгарадыр.
Verse 21
ﭸﭹﭺﭻﭼﭽﭾﭿﮀﮁﮂﮃﮄﮅﮆﮇ ﮈ ​

Дөреслектә дөя, сыер, куй, кәҗә хайваннарында сезнең өчен гыйбрәтләр бар, аларның корсакларындагы нәрсәдән сезне эчерәбез, аларның йон вә тиреләреннән дә сезгә күп файдалар бар вә аларның итләрен дә ашыйсыз.
Verse 22
ﮉﮊﮋﮌ ﮍ ​

Корыда дөяләргә суда корабларга йөкләнәсез.
Verse 23
ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞ ﮟ ​

Нухны кавеменә пәйгамбәр итеп җибәрдек, ул әйтте: "Ий кавемем Аллаһуга гыйбадәт кыйлыгыз Аңардан башка сезгә Илаһә юк мәгәр Аллаһ үзе генәдер, башкага гыйбадәт кыйлганыгыз өчен Аллаһудан курыкмыйсызмы?
Verse 24
ﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

Кавеменең имансыз олугълары әйттеләр: "Бу Нух сезнең кеби бер адәм генәдер, сездән артык булып баш булырга телидер, әгәр Аллаһ теләсә, әлбәттә сезгә фәрештәләрдән расүл җибәрер иде, бу Нух сөйләгән сүзләрне без аталарыбыздан, әүвәлгеләрдән ишетмәдек", – дип.
Verse 26
ﯧﯨﯩﯪﯫ ﯬ ​

Нух әйтте: "Ий Раббым! Кавемем мине ялганга тотканнары өчен аларга каршы миңа ярдәм бир".
Verse 27
ﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍ ﰎ ​

Нух г-мгә вәхий иттек Безнең әмер вә саклавыбыз илә бер көймә ясарга, аларны һәлак итү белән Безнең әмер килсә вә мичтә су кайнаса, ул көймәгә һәр җенестән бер ата, бер ана хайван алып кергел, вә өй әһелеңне һәм үзеңә ияргән мөселманнарны алып кергел, мәгәр шуны алып кермә – аның ґәзаблы булачагына Безнең сүзебез булган иде ки, хатыны вә бер угълыдыр, галимнәрне коткару хакында миңа сүз кушма, әлбәттә алар Туфанга батып һәлак булачаклар!
Verse 28
ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

Ий Нух син вә сиңа ияреп мөселман булган кешеләр каймага кереп утырсагыз: "Мактау безне залим кавемнәрдән коткаручы Аллаһугадыр", – дип әйт!
Verse 29
ﭡﭢﭣﭤﭥﭦﭧﭨ ﭩ ​

Көймәдән төшкәч әйт: "Йә Рабби, мине мөбарәк булган урынга хәерле иңдерү илә иңдер, Син – иңдерүчеләрнең иң хәерлесесең!
Verse 30
ﭪﭫﭬﭭﭮﭯﭰ ﭱ ​

Аллаһуга итагать итүче мөэминнәрнең әнә шулай котылуларында һәм залимнәрнең һәлак булуында гыйбрәтләр бар, Без аларны Нухны җибәреп имтихан кылдык.
Verse 31
ﭲﭳﭴﭵﭶﭷ ﭸ ​

Аларны батырганыбыздан соң Гад вә Сәмуд кавемен чыгардык.
Verse 32
ﭹﭺﭻﭼﭽﭾﭿﮀﮁﮂﮃﮄﮅﮆﮇ ﮈ ​

Аларның үзләреннән Һуд вә Салихны пәйгамбәр итеп җибәрдек, Аллаһуга гына гыйбадәт кылыгыз бит сезнең Аллаһудан башка Илаһәгыз юктыр, әйә Аның ґәзабыннан курыкмыйсызмы?
Verse 33
ﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡ ﮢ ​

Пәйгамбәрнең кавеменнән кәфер булып ахирәткә юлыгуны да инкяр итүче олугълары Без аларга дөньяда төрле нигъмәтләр бирдек, алар әйттеләр: "Бу пәйгамбәр түгел, мәгәр сезнең кеби бер кешедер, сезнең ашый юрганыгыздан ашар вә сезнең эчә торганыгыздан эчәр.
Verse 34
ﮣﮤﮥﮦﮧﮨﮩ ﮪ ​

Әгәр сез үзегез кеби кешенең әмеренә итагать итсәгез, ул вакытта, әлбәттә, сез хәсрәтләнүчеләрсез.
Verse 35
ﮫﮬﮭﮮﮯﮰﮱﯓﯔ ﯕ ​

Сез үлеп туфрак булып сөякләрегез дә итсез калгач, әйә ул терелеп кабердән чыгарсыз дип вәгъдә итәме.
Verse 36
ﯖﯗﯘﯙﯚ ﯛ ​

Вәгъдә ителмеш терелүегез бик ерак, бик ерак.
Verse 37
ﯜﯝﯞﯟﯠﯡﯢﯣﯤﯥ ﯦ ​

Тереклек юк, мәгәр ошбу дөньяда гына, кайберебез үләр, кайберебез яшәр, югыйсә, без үлгәннән соң кубарылачак түгелбез.
Verse 38
ﯧﯨﯩﯪﯫﯬﯭﯮﯯﯰﯱﯲ ﯳ ​

Ул расүл түгел, мәгәр үлгәннән соң кубарыласыз, дип Аллаһуга ялганны ифтира итүче бер ирдер. Без аңа ышаначак түгелбез", – дип.
Verse 39
ﯴﯵﯶﯷﯸ ﯹ ​

Рәсүлләре әйтте: "Йә Рабби, мине ялганчы дигәннәре өчен, мина ярдәм бир".
Verse 40
ﯺﯻﯼﯽﯾ ﯿ ​

Аллаһ әйтте: "Алар аз заман эчендә, әлбәттә, сине ялганчы дигәннәре өчен үкенүче булып әверелерләр".
Verse 41
ﰀﰁﰂﰃﰄﰅﰆﰇﰈ ﰉ ​

Аларны Җәбраилнең тавышы хак тоту илә тотты аларны кипкән үлән кеби кылдык, Аллаһуның рәхмәтеннән ераклык залим кавемнәргәдер.
Verse 42
ﰊﰋﰌﰍﰎﰏ ﰐ ​

Соңра алардан соң башка кавемнәрне чыгардык.
Verse 43
ﭑﭒﭓﭔﭕﭖﭗ ﭘ ​

Бер өммәткә дә әҗәле вакытыннан элек килмәс һәм вакытыннан кичекмәс.
Verse 44
ﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮ ﭯ ​

Соңра рәсүлләрне берсе артыннан берсен җибәрдек. Бер өммәткә расүле килсә, аны ялганга тоттылар. Без һәм аларны һәлак итүдә берсен икенчесенә иярттек, үзләрен һәлак итеп сөйләргә хикәяләрен генә калдырдык, Аллаһуның рәхмәтеннән ераклык ышанмаган кешеләргәдер.
Verse 45
ﭰﭱﭲﭳﭴﭵﭶﭷ ﭸ ​

Соңра ачык аятьләребез вә көчле могҗиза белән Мусаны вә кардәше Һарунны пәйгамбәр итеп җибәрдек.
Verse 46
ﭹﭺﭻﭼﭽﭾﭿ ﮀ ​

Фиргаун вә аның олугъларына тәкәбберләнделәр вә Ягъкуб балаларын җәберләүче залим кавем булдылар.
Verse 47
ﮁﮂﮃﮄﮅﮆﮇ ﮈ ​

Әйттеләр: "Үзебез кеби ике кешегә иман китерикме, вәхәлән ки аларның кавеме кол кеби безгә хезмәт итәләр".
Verse 48
ﮉﮊﮋﮌ ﮍ ​

Муса илә Һарунны ялганга тоттылар, шуның өчен һәлак булучылардан булдылар.
Verse 49
ﮎﮏﮐﮑﮒﮓ ﮔ ​

Тәхкыйк Мусага Тәүратны бирдек, Ягькуб балалары туры юлга керсен өчен.
Verse 50
ﮕﮖﮗﮘﮙﮚﮛﮜﮝﮞﮟ ﮠ ​

Гыйсаны вә аның анасын кодрәтебезгә дәлаләт итә торган галәмәт кылдык, вә аларны бөек тигез урынга иңдердек, ага торган елгалары да ерактан күренер иде.
Verse 51
ﮡﮢﮣﮤﮥﮦﮧﮨﮩﮪﮫﮬ ﮭ ​

Ий рәсүлләр, Без биргән ризыкларның хәләл пакь булганын ашагыз вә изге гамәлләр кылыгыз, Мин, әлбәттә, сезнең кылган гамәлләрегезне беләмен.
Verse 52
ﮮﮯﮰﮱﯓﯔﯕﯖ ﯗ ​

Ошбу Ислам милләте сезнең динегездер Аллаһу тәгаләне берләүдә вә Аңа итагать итүдә бер иттифакта булганыгыз хәлдә, вә Мин сезнең Раббыгызмын, Миңа гөнаһлы булудан сакланыгыз.
Verse 53
ﯘﯙﯚﯛﯜﯝﯞﯟﯠﯡ ﯢ ​

Күп кавемнәр Аллаһ хөкемнәрен бозып, үзара низагълашып төрле мәзһәбләргә бүленделәр, һәрбер адашкан фирка үзенең батыл дине белән мактанырлар вә аны хак дип белерләр.
Verse 54
ﯣﯤﯥﯦﯧ ﯨ ​

Син аларны ихтыярларына куй адашкан юлларында үлемнәренә чаклы.
Verse 56
ﯱﯲﯳﯴﯵﯶﯷﯸ ﯹ ​

аларга изгелек итәргә ашыгабыз дип, бәлки алар белмиләр ки өчен биргәнебезне.
Verse 57
ﯺﯻﯼﯽﯾﯿﰀ ﰁ ​

Хак мөэминнәр Аллаһудан куркып изге гамәлләр кыйлганнары өстенә янә ґәзабтан куркырлар.
Verse 58
ﰂﰃﰄﰅﰆ ﰇ ​

Алар Раббыларының һәммә аятьләренә ихлас иман китерерләр, ягъни кабул итеп гамәл кылырлар.
Verse 59
ﰈﰉﰊﰋﰌ ﰍ ​

Һәм алар Аллаһуга – шәрик тотмаслар ягъни һичкемне, һичнәрсәне Аллаһ урынына тотмаслар.
Verse 60
ﭑﭒﭓﭔﭕﭖﭗﭘﭙﭚ ﭛ ​

Вә алар бирә торган садакаларын күңелләре Аллаһудан курыккан хәлдә бирерләр.
Verse 61
ﭜﭝﭞﭟﭠﭡﭢ ﭣ ​

Әнә шул эшләрне эшләүче хак мөэминнәр һәрвакыт изгелеккә ашыгалар, вә алар изгелекләрне кыйлуда ихлассыз мөселманнарны узучылардыр.
Verse 62
ﭤﭥﭦﭧﭨﭩﭪﭫﭬﭭﭮﭯﭰ ﭱ ​

Бер кешене дә көче җитмәгән нәрсә белән көчләмибез, Безнең кулыбызда китаптыр – ул Ләүхүл-мәхфуздадыр, ул китап кылган гамәлләрне хаклык белән сөйләр, ә кешеләр хаксыз золым ителмәсләр.
Verse 63
ﭲﭳﭴﭵﭶﭷﭸﭹﭺﭻﭼﭽﭾﭿ ﮀ ​

Бәлки динсезләрнең күңелләре ошбу Коръәннән гафләттә вә наданлыктадыр, ул имансызлар өчен мөэминнәрнең гамәленнән башка гамәлләр бардыр ки, ул батыл гамәл нәҗес эшләрдер, алар ул эшләрне эшләүчеләрдер.
Verse 64
ﮁﮂﮃﮄﮅﮆﮇﮈ ﮉ ​

Аларның байларын ґәзаб белән тотсак, ярдәм сорап кычкырырлар.
Verse 65
ﮊﮋﮌﮍﮎﮏﮐﮑ ﮒ ​

Аларга әйтелде: "Сез бүген ярдәм сорап кычкырмагыз, чөнки сезгә Безнең тарафтан ярдәм ирешмәс.
Verse 66
ﮓﮔﮕﮖﮗﮘﮙﮚﮛ ﮜ ​

Тәхкыйк Минем аятьләрем сезгә укылды, ул вакытта сез аны ишетмәс өчен артыгызга борылып китә идегез.
Verse 67
ﮝﮞﮟﮠ ﮡ ​

Тәкәбберләнеп Коръәнне яманлап сөйләгәнегез хәлдә аңардан баш тарта идегез.
Verse 68
ﮢﮣﮤﮥﮦﮧﮨﮩﮪﮫ ﮬ ​

Әйә алар Коръәндәге файдалы булган хак сүзләрне уйлап фикерләп карамыйлармы, яки әүвәлдәге аталарына килмәгән иминлек Аллаһ ґәзабыннан котылу боларга килгәнме?
Verse 69
ﮭﮮﮯﮰﮱﯓﯔ ﯕ ​

Яки расүлләре булган Мухәммәд г-мнең хак сүзле вә күркәм холыклы икәнен белмәделәрме, белсәләр дә аны инкяр иттеләр.
Verse 70
ﯖﯗﯘﯙﯚﯛﯜﯝﯞﯟﯠ ﯡ ​

Яки алар расүлне җенле диләрме? Бәлки расүл аларга һәр гакыллы ышана торган хаклык белән килде, шулай да аларның күбрәге хакны яман күрәләр.
Verse 71
ﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲ ﯳ ​

Коръән яки пәйгамбәр аларның теләгенә, нәфесләренә иярә торган булса иде, әлбәттә, җир вә күкләр һәм җир, күкләрдә булган һәрнәрсә бозылыр, яраксыз булыр иде. Бәлки Без аларга һәрнәрсәдән хәбәр бирүче хакыйкый вәгазь китабы Коръәнне бирдек, алар исә Коръәннән баш тартучылар.
Verse 72
ﯴﯵﯶﯷﯸﯹﯺﯻﯼﯽ ﯾ ​

Яки пәйгамбәрлек бурычыңны үтәгән өчен алардан хак сорыйсыңмы, әмма Раббыңның бирәчәк нигъмәтләре хәерледер, Ул – Аллаһ ризыкландыручыларның хәерлесе.
Verse 73
ﯿﰀﰁﰂﰃ ﰄ ​

Син, әлбәттә, аларны туры юлга чакырасың.
Verse 74
ﰅﰆﰇﰈﰉﰊﰋﰌ ﰍ ​

Ахирәт көненә ышанмаучылар, тырышып туры юлдан читкә авышалар.
Verse 75
ﭑﭒﭓﭔﭕﭖﭗﭘﭙﭚﭛﭜ ﭝ ​

Әгәр аларга рәхмәт итсәк, вә алардан ачлык зарарын бетерсәк, алар исә имансызлыкта ифрат китәрләр вә мөселманнарга дошманлыкларын арттырырлар.
Verse 76
ﭞﭟﭠﭡﭢﭣﭤﭥ ﭦ ​

Тәхкыйк аларны ґәзаб белән тоттык, алар Раббыларына буйсынмадылар һәм тәүбә итеп ялвармадылар.
Verse 77
ﭧﭨﭩﭪﭫﭬﭭﭮﭯﭰﭱﭲ ﭳ ​

Хәтта аларга каты ачлык ґәзабы ишеген ачканыбызга чаклы, шул вакытта алар барча өметләрен кистеләр.
Verse 78
ﭴﭵﭶﭷﭸﭹﭺﭻﭼﭽﭾ ﭿ ​

Ул – Аллаһ колак, күзләр вә күңел бирде сезгә, ләкин сезнең шөкер иткәнегез бик аздыр.
Verse 79
ﮀﮁﮂﮃﮄﮅﮆ ﮇ ​

Вә Ул – Аллаһ сезне җир өстендә яратты, ахирәттә Аның хозурына кубарылырсыз.
Verse 80
ﮈﮉﮊﮋﮌﮍﮎﮏﮐﮑﮒ ﮓ ​

Вә Ул – Аллаһ тергезер һәм үтерер вә кичилә көндезнең аллы-артлы килүе Аңар хасдыр, ул эшкә һичкемнең көче җитмәс, әйә эшнең хакыйкатенә төшенү өчен гакыл фикерләрегезне эшләтмисезме!
Verse 81
ﮔﮕﮖﮗﮘﮙ ﮚ ​

Бәлки имансызлар әйттеләр Әүвәлге аталары хакны инкяр итеп әйткән кеби:
Verse 82
ﮛﮜﮝﮞﮟﮠﮡﮢ ﮣ ​

"Әгәр без үлеп туфрак булсак вә сөякләребез итсез калса, яңадан терелербезме.
Verse 83
ﮤﮥﮦﮧﮨﮩﮪﮫﮬﮭﮮﮯ ﮰ ​

Ошбу вәгъдә белән без вә аталарыбыз вәгъдә кылынмыш идек, ләкин бу вәгъдә түгел мәгәр әүвәлгеләрдән калган ялгандыр".
Verse 84
ﮱﯓﯔﯕﯖﯗﯘﯙ ﯚ ​

Әйт: "Җир һәм җирдәге кешеләр кемнеке, әйтегез, дөрес әйтүче булсагыз һәм белсәгез?"
Verse 85
ﯛﯜﯝﯞﯟﯠ ﯡ ​

Әлбәттә, алар Аллаһныкы диярләр. Син аларга Аллаһ эшеннән гыйбрәт алып вәгазьләнмисезме, башта юктан бар итүче Аллаһның барны тергезергә көче җитмәсме?
Verse 87
ﯫﯬﯭﯮﯯﯰ ﯱ ​

Әлбәттә, Аллаһуныкы диярләр. Шулай булгач Аның ґәзабыннан курыкмыйсызмы, диген!
Verse 88
ﯲﯳﯴﯵﯶﯷﯸﯹﯺﯻﯼﯽﯾﯿ ﰀ ​

Әйт: "Барча нәрсә өстеннән патшалык кем кулында вә Ул һәрнәрсәне саклар, әмма Аңардан башка саклау мөмкин булмас, әгәр белсәгез җавап бирегез".
Verse 89
ﰁﰂﰃﰄﰅﰆ ﰇ ​

Әлбәттә, һәр нәрсәгә патшалык Аллаһ кулыңда диярләр. Алай булгач, ничек шайтан вәсвәсәсенә алданасыз диген!
Verse 90
ﭑﭒﭓﭔﭕ ﭖ ​

Бәлки Без аларга хаклык илә килдек шулай булса да алар ялганга тоталар.
Verse 91
ﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰ ﭱ ​

Аллаһу тәгаләнең баласы һич булмады, янә Аллаһ янында тагын бер Аллаһ та булмады, әгәр тагын бер Аллаһ булса, һәрберсе үзе халык итәсе нәрсәсенә баш булырга теләп башкасын тыяр иде вә берсе икенчесеннән өстен булырга тырышыр иде. Аллаһ мөшрикләр сурәтләгән тиешсез сурәттән пакь булды.
Verse 92
ﭲﭳﭴﭵﭶﭷ ﭸ ​

Күренгәнне дә, күренмәгәнне дә белүчедер, Ул мөшрикләр әйткәннән бөек вә пакь булды.
Verse 93
ﭹﭺﭻﭼﭽﭾ ﭿ ​

Әйт: "Йә Рабби аларга вәгъдә иткән ґәзабыңны миңа күрсәтсәң.
Verse 94
ﮀﮁﮂﮃﮄﮅ ﮆ ​

Ий Раббым мине ґәзаб ителәчәк залим кавем эчендә кылмагыл!
Verse 95
ﮇﮈﮉﮊﮋﮌﮍ ﮎ ​

Әлбәттә, Без аларга вәгъдә иткән ґәзабны сиңа күрсәтергә кадирбыз.
Verse 96
ﮏﮐﮑﮒﮓﮔﮕﮖﮗﮘ ﮙ ​

Сиңа кылган явызлыкларыны сабыр итеп яхшылык илә кайтар, сине нәрсә белән сыйфатлаганнарын Без беләбез.
Verse 97
ﮚﮛﮜﮝﮞﮟﮠ ﮡ ​

Әйт: "Йә Рабби, шайтаннарның вәсвәсәсеннән Синең белән сакланырмын.
Verse 98
ﮢﮣﮤﮥﮦ ﮧ ​

Ий Раббым, янә эшләремдә вә намазда шайтаннарның миңа якын килүләреннән Сиңа сыенамын вә Синең беләк сакланамын".
Verse 99
ﮨﮩﮪﮫﮬﮭﮮﮯ ﮰ ​

Динсезләрнең берсенә үлем килсә, ий Раббым, мине дөньяга кире кайтар дияр.
Verse 100
ﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤ ﯥ ​

Шаять мин кылмый куйган изге гамәлләрне кылармын. Юк, син дөньяга кайтачак түгелсең! Әлбәттә, ул бер сүздер, әйтүчесе ифрат кайгысыннан әйтте ләкин, файдасы юк, бит аларның алларында пәрдә бар, аларны кайтудан тыяр кубарылачак көнгә чаклы.
Verse 101
ﯦﯧﯨﯩﯪﯫﯬﯭﯮﯯ ﯰ ​

Кыямәт җитеп сурга (труба) өрелсә, ул көндә кешеләр арасында файда итә торган нәсел-нәсәп булмас һәм бер-берсенең хәлләрен сорашмаслар.
Verse 102
ﯱﯲﯳﯴﯵﯶ ﯷ ​

Берәүнең, үлчәүдә изгелеге авыр килсә, андый кешеләр ґәзабтан котылып бөек дәрәҗәгә җитүчеләрдер.
Verse 103
ﯸﯹﯺﯻﯼﯽﯾﯿﰀﰁ ﰂ ​

Вә берәүнең үлчәүдә изгелеге җиңел килсә, ягъни савабына караганда гөнаһы күп булса, андый кешеләр үзләренә зарар итүчеләрдер, алар җәһәннәмдә мәңге калучылардыр.
Verse 104
ﰃﰄﰅﰆﰇﰈ ﰉ ​

Йөзләрен ут яндырыр, шуның өчен бик яман чырайлы булырлар.
Verse 105
ﭑﭒﭓﭔﭕﭖﭗﭘ ﭙ ​

Әйә сезгә Минем аятьләрем укылмадымы? Шуңа сез аны ялганга тотар булдыгыз.
Verse 106
ﭚﭛﭜﭝﭞﭟﭠﭡ ﭢ ​

Әйтерләр: "Ий Раббыбыз, безне явызлыгыгыз җиңде, вә без адашкан кавем булдык.
Verse 107
ﭣﭤﭥﭦﭧﭨﭩ ﭪ ​

Ий Раббыбыз, безне ошбу уттан чыгар, әгәр моннан соң да адашкан юлыбызга кайтсак, ул вакытта үзебезгә золым иткән булырбыз.
Verse 108
ﭫﭬﭭﭮﭯ ﭰ ​

Аллаһ әйтер: "Хур булганыгыз хәлдә рәхмәтемнән ерак булыгыз һәм Минем белән сөйләшмәгез".
Verse 109
ﭱﭲﭳﭴﭵﭶﭷﭸﭹﭺﭻﭼﭽﭾ ﭿ ​

Бит Минем бәндәләремнән бер җәмәгать әйтер булды: "Ий Раббыбыз без Сиңа иман китердек, безне ярлыкагыл һәм безгә рәхмәт ит, Син бит рәхмәт итүчеләрнең хәерлесесең.
Verse 110
ﮀﮁﮂﮃﮄﮅﮆﮇ ﮈ ​

Ий сез җәһәннәмгә кергән кешеләр, әнә шул хак мөэмин җәмәгатен мәсхәрә итеп тоттыгыз хәтта Минем зекеремне оныттыгыз, вә мөэминнәрдән көләр булдыгыз.
Verse 111
ﮉﮊﮋﮌﮍﮎﮏﮐ ﮑ ​

Сезнең золымнарыгызга сабыр итүләре өчен бүген аларны изге җәза белән җәзаладым, тәхкыйк алар изге теләкләренә ирештеләр.
Verse 112
ﮒﮓﮔﮕﮖﮗﮘ ﮙ ​

Аллаһ кыямәт көнне кешеләрдән: "Дөньяда күпме тордыгыз, ел саны белән?" – дип сорар.
Verse 113
ﮚﮛﮜﮝﮞﮟﮠﮡ ﮢ ​

Әйттеләр: "Бер көн тордык яки бер көннән азрак тордык, кешеләрнең гомерләрен вә гамәлләрен санаучы фәрештәләрдән сорагыл".
Verse 114
ﮣﮤﮥﮦﮧﮨﮩﮪﮫﮬ ﮭ ​

Аллаһ әйтер: "Дөньяда һәм кабердә бик аз тордыгыз, әгәр үзегезнең күпме торганыгызны белсәгез.
Verse 115
ﮮﮯﮰﮱﯓﯔﯕﯖ ﯗ ​

Әйә Без сезне хикмәтсез буш вә батыл итеп халык кылдык дип уйлаган идегезме, һәм Безгә кайтарылмабыз дип уйлаган идегезме?"
Verse 116
ﯘﯙﯚﯛﯜﯝﯞﯟﯠﯡﯢﯣ ﯤ ​

Хикмәтсез халык кыйлу кимчелегеннән Аллаһ бөек булды, Ул хакыйкый патша, юктыр Илаһә, мәгәр Ул гына, олугъ ґәрешнең Раббысы.
Verse 117
ﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷ ﯸ ​

Берәү Аллаһ белән бергә башка Аллаһуга гыйбадәт кылса, аның бу эшкә һич дәлиле юктыр, аның хөкем ителеше фәкать Раббысы хозурындадыр. Имансызлар Аллаһ ґәзабыннан котыла алмаслар бит!
Verse 118
ﯹﯺﯻﯼﯽﯾﯿ ﰀ ​

Әйткел: "Ий Раббым мине вә мөэминнәрне ярлыкагыл вә рәхмәт иткел! Син рәхмәт итүчеләрнең иң хәерлесесең!"
تقدم القراءة