سورة عبس

Tatar - Tatar translation

Tatar - Tatar translation китабыннан تتاري телендә عبس сүрәсенең тәрҗемәсе

Tatar - Tatar translation

الذهاب لصفحة الكتاب
Verse 1
ﭑﭒ ﭓ ​


Йөзен чытты һәм төмсәләнеп борылды.
Verse 2
ﭔﭕﭖ ﭗ ​

Аңа сукыр ибнү өммү Мәктүм килгән вакытта. (Бер- вакыт Мухәммәд г-м, кураешларның олугълары вә байлары илә сөйләшеп аларны иманга өндәп утырганда ибнү өммү Мәктүм килеп Мухәммәд г-мнең мәшгуль икәнен белмичә, йә Мухәммәд миңа Коръән укысаңчы, диде. Мухәммәд г-м кураешларның иманга килүләрен өмет итеп утырганлыктан мәҗлесне бүләсе килмичә, ибнү өммү Мәктүмгә йөзен чытты һәм аңардан борылды. Соңра Аллаһ ошбу сүрәне иңдереп расүлне шелтә кылды. Шуннан соң Мухәммәд г-м ибнү өммү Мәктүмне һәрвакыт хөрмәтли торган булды.)
Verse 3
ﭘﭙﭚﭛ ﭜ ​

Сиңа нәрсә белдерде ягъни ул кураешлар илә сөйләшүме яки Коръән өйрәтүме яхшы икәнен кайдан белдең, шаять ибнү өммү Мәктум синнән Коръән укырга өйрәнеп гөнаһлардан яки батыл диннән пакьләнер.
Verse 4
ﭝﭞﭟﭠ ﭡ ​

Яисә Коръән белән вәгазъләнер дә, вәгазь аңа файда бирер.
Verse 5
ﭢﭣﭤ ﭥ ​

Әмма берәү байлыгына таянып хак динне кирәксенмәсә һәм Аллаһуга гыйбадәт кылудан баш тартса,
Verse 6
ﭦﭧﭨ ﭩ ​

син аңа таба борыласың һәм сүзенә колак саласың.
Verse 7
ﭪﭫﭬﭭ ﭮ ​

Сиңа нинди зарар бар ул кешенең мөшриклектән һәм гөнаһтан пакьләнмәвеннән?
Verse 9
ﭴﭵ ﭶ ​

Раббысыннан курыккан хәлдә,
Verse 10
ﭷﭸﭹ ﭺ ​

син аңардан борылып башкалар илә мәшгуль буласың.
Verse 11
ﭻﭼﭽ ﭾ ​

Юк, алай кирәкмәс, тәхкыйк ул Коръән кешегә файдалы вә зарарлы нәрсәләрнең һәммәсен сөйлидер.
Verse 12
ﭿﮀﮁ ﮂ ​

Теләгән кеше Коръәнне аңлап гыйбрәтләнсен, аның белән гамәл кылып төзәлсен һәм туры юлны тапсын! (Димәк, Коръән белән вәгазьләнүне, Коръәндәге Аллаһ хөкемнәре белән танышуны һәм аның белән гамәл кылуны һичнәрсәгә алыштырырга ярамый).
Verse 13
ﮃﮄﮅ ﮆ ​

Ул Коръән хөрмәтле сәхифәләрдәдер.
Verse 14
ﮇﮈ ﮉ ​

Хөрияте бик югары, хатадан бик пакь.
Verse 15
ﮊﮋ ﮌ ​

Язучы фәрештәләр кулындадыр.
Verse 16
ﮍﮎ ﮏ ​

Ул фәрештәләр Аллаһ хозурында хөрмәтлеләр вә бик итагатьлеләр.
Verse 17
ﮐﮑﮒﮓ ﮔ ​

Ләгънәт төшкән кеше ни гаҗәп көфран нигъмәттә ифрат кылучыдыр, ягъни бик каты көферлек кыладыр!
Verse 18
ﮕﮖﮗﮘ ﮙ ​

Аллаһ аны ни нәрсәдән яратты соң?
Verse 19
ﮚﮛﮜﮝ ﮞ ​

Мәни суыннан бит! Кешене яратты да, аның әгъзасын, гомерен һәм ризыкларын чикләде.
Verse 20
ﮟﮠﮡ ﮢ ​

Соңра хак юлны табарга мөмкинлек бирде ягъни гакыл, фикер бирде һәм китап иңдереп, пәйгамбәр күндереп туры юлны күрсәтте.
Verse 21
ﮣﮤﮥ ﮦ ​

Соңра аны үтерде дә кабергә куйды, ягъни хайваннар кеби җир өстенә ташламады.
Verse 22
ﮧﮨﮩﮪ ﮫ ​

Соңра теләгән вакытында тергезеп кубарыр аны.
Verse 23
ﮬﮭﮮﮯﮰ ﮱ ​

Юк, әле алай була торып та, Аллаһ әмерләрен җиренә җиткермәде.
Verse 25
ﯘﯙﯚﯛ ﯜ ​

Тәхкыйк Без аңа суны чын кою белән койдык.
Verse 26
ﯝﯞﯟﯠ ﯡ ​

Соңра җирне чын яру илә ярдык та,
Verse 27
ﯢﯣﯤ ﯥ ​

ул җирдә иген бөртекләрен үстердек.
Verse 28
ﯦﯧ ﯨ ​

Йөземне вә җыеп алган коры җимешләрне,
Verse 29
ﯩﯪ ﯫ ​

дәхи зәйтүн, хөрмә агачларын үстердек.
Verse 30
ﯬﯭ ﯮ ​

Дәхи күп агачлы бакчаларны,
Verse 31
ﯯﯰ ﯱ ​

дәхи төрле җимешләрне вә печәннәрне үстердек.
Verse 32
ﯲﯳﯴ ﯵ ​

Күп нәрсәләр үстердек үзегез һәм хайваннарыгыз файдалану өчен.
Verse 33
ﯶﯷﯸ ﯹ ​

Һәркайчан колакны тондыручы каты сур тавышы килсә.
Verse 35
ﰀﰁ ﰂ ​

Һәм анасыннан вә атасыннан.
Verse 36
ﰃﰄ ﰅ ​

Һәм хатыныннан вә балаларыннан качар.
Verse 37
ﰆﰇﰈﰉﰊﰋ ﰌ ​

Алардан һәм кеше өчен бардыр кыямәт көнендә аны мәшгуль итәрлек каты эшләр.
Verse 38
ﰍﰎﰏ ﰐ ​

Ул көндә кайбер йөзләр якты,
Verse 39
ﰑﰒ ﰓ ​

көлүче, шатланучыдыр.
Verse 40
ﰔﰕﰖﰗ ﰘ ​

Вә ул көндә кайбер йөзләрдә караңгылык тузан булыр.
Verse 41
ﭑﭒ ﭓ ​

Ул йөзләрне каралык вә караңгылык каплар.
Verse 42
ﭔﭕﭖﭗ ﭘ ​

Бу кара йөзле кешеләр көфран нигъмәт кылучы һәм Аллаһуга итагать итмәүче кешеләрдер.
تقدم القراءة