Verse 1

ﭑﭒ ﭓ ​

Гыйбадәт кыла торган урыннарында саф-саф булып торган фәрештәләр белән

Verse 2

ﭔﭕ ﭖ ​

вә кешеләрне явызлыктан тыя торган намаз белән

Verse 3

ﭗﭘ ﭙ ​

вә Аллаһ зекере Коръән белән ант итеп әйтәмен.

Verse 4

ﭚﭛﭜ ﭝ ​

Әлбәттә, сезнең Илаһәгыз фәкать бер Аллаһтыр.

Verse 5

ﭞﭟﭠﭡﭢﭣﭤ ﭥ ​

Ул – Аллаһ җир, күкләр вә аларның арасында булган нәрсәләрнең һәм мәшрыйкъларның Раббысыдыр.

Verse 6

ﭦﭧﭨﭩﭪﭫ ﭬ ​

Без дөнья күген йолдызларның яктылыгы белән зиннәтләдек.

Verse 7

ﭭﭮﭯﭰﭱ ﭲ ​

Вә ул күкне атылучы йолдызлар белән исламга һөҗүм итүче шайтаннардан сакладык.

Verse 8

ﭳﭴﭵﭶﭷﭸﭹﭺﭻ ﭼ ​

Ул шайтаннар күккә менсәләр дә, фәрештәләрнең язган сүзләрен ишетә алмаслар, ул шайтаннар күкнең һәр тарафыннан ерак булсыннар өчен, йолдызлар белән атылырлар.

Verse 9

ﭽﭾﭿﮀﮁ ﮂ ​

Шулай булса да аларга ахирәттә каты ґәзаб булыр.

Verse 10

ﮃﮄﮅﮆﮇﮈﮉ ﮊ ​

Мәгәр бер шайтан фәрештәләрдән сүз урласа, ул шайтанны йолдызның бер якты очкыны һәлак итәр.

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

Кәферләрдән сора, алармы халык ителүдә куәтлерәк, яки Без халык иткән җир, күкләр вә фәрештәләрме куәтлерәк төзелештә? Без Адәмне кулга ябыша торган балчыктан халык кылдык, ничек Аллаһуга каршы сүз әйтә алалар?

Verse 12

ﮙﮚﮛ ﮜ ​

Бәлки син Аллаһуның кодрәтенә яки кәферләрнең терелеп кабердән кубарылуны инкяр итүләренә гаебләнәсеңдер? Бит алар синең "Җәза алыр өчен кыямәт көнне барча кеше тереләчәк", – дигән сүзеңне мәсхәрә итәләр.

Verse 13

ﮝﮞﮟﮠ ﮡ ​

Әгәр аларга вәгазь сөйләнсә – һич вәгазьләнмәсләр.

Verse 14

ﮢﮣﮤﮥ ﮦ ​

Әгәр бер могъҗиза күрсәләр, аны мәсхәрәлән көләләр.

Verse 15

ﮧﮨﮩﮪﮫﮬ ﮭ ​

Бу без күргән нәрсә могъҗиза түгел мәгәр ачык сихер, диләр.

Verse 16

ﮮﮯﮰﮱﯓﯔﯕ ﯖ ​

Янә кәферләр әйттеләр: "Әйә без үлеп сөякләребез дә череп туфрак булгач, яңадан терелеп кубарылырбызмы?

Verse 17

ﯗﯘ ﯙ ​

Яки безнең әүвәлдәге бабаларыбыз да терелеп кубарылырлармы?"

Verse 18

ﯚﯛﯜﯝ ﯞ ​

Син аларга әйт: "Әйе үзегез һәм бабаларыгыз да хур вә мескен хәлдә кубарылырсыз".

Verse 19

ﯟﯠﯡﯢﯣﯤﯥ ﯦ ​

Кешеләрнең терелеп каберләреннән чыгулары фәкать бер тавыш белән булыр, ул эшнең Аллаһуга һич авырлыгы юк, һәм Аллаһу хозурына җыелгач, безгә ни булыр инде, дип көтәрләр.

Verse 20

ﯧﯨﯩﯪﯫ ﯬ ​

Кәферләр әйтерләр: "Бу җәза көнедер бүген безгә хәсрәт вә һәлакәтлек, кылган явызлыгыбызның җәзасын бүген күрәбез".

Verse 21

ﯭﯮﯯﯰﯱﯲﯳ ﯴ ​

Фәрештәләр кәферләргә әйтерләр: "Менә бу көн сез ышанмаган хак җәза көнедер һәм җәһәннәмгә керәсе кешеләр җәннәткә керәсе кешеләрдән аерыласы көндер.

Verse 22

ﯵﯶﯷﯸﯹﯺﯻﯼ ﯽ ​

(дәвамы түбәндәрәк)

Verse 23

ﯾﯿﰀﰁﰂﰃﰄ ﰅ ​

Залимнәрне вә хатыннарын, вә дусларын һәм Аллаһудан башка гыйбадәт кылган сынымнарын кубарыгыз һәм аларны ут юлына куыгыз!

Verse 24

ﰆﰇﰈﰉ ﰊ ​

Вә аларны җәһәннәм алдында туктатыгыз, чөнки кылган эшләреннән, әлбәттә, алардан сорау булыр:

Verse 25

ﭑﭒﭓﭔ ﭕ ​

"Сезгә ни булды, дөньядагы кеби бер-берегезгә ярдәм итешмисез?"

Verse 26

ﭖﭗﭘﭙ ﭚ ​

Бәлки алар ул көндә ярдәм итешүдән гаҗиз булып, хур булганнары хәлдә Аллаһ әмеренә баш июче булырлар.

Verse 27

ﭛﭜﭝﭞﭟ ﭠ ​

Вә алар бер-берсен ґәепләп шелтә кылырлар.

Verse 28

ﭡﭢﭣﭤﭥﭦ ﭧ ​

Иярүчеләр олугъларына әйтерләр: "Без хаклыктабыз дип, ант итеп, безне алдадыгыз, без сезгә иярдек".

Verse 29

ﭨﭩﭪﭫﭬ ﭭ ​

Олугълары әйтерләр: "Сез үзегез хак мөэмин булмагансыз, әгәр Коръән сүзләренә ышанган булсагыз, безгә иярмәгән булыр идегез.

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

Ихтыярда безнең сездән артыклыгыбыз юк иде, без сезне көчләп үзебезгә ияртмәдек, бәлки сез үз ихтыярыгыз илә азган кавем булгансыз".

Verse 31

ﭺﭻﭼﭽﭾﭿﮀ ﮁ ​

Барчасы бердән әйтерләр: – "Раббыбызның сезне ґәзаб кылырмын дигән сүзе безгә лязем булды, инде без ул ґәзабны бүген татучыбыз.

Verse 32

ﮂﮃﮄﮅ ﮆ ​

Без, әлбәттә, сезне хак юлдан аздырдык, чөнки без үзебез азган идек, сез дә үз ихтыярыгыз белән безгә ияреп аздыгыз", – диярләр.

Verse 33

ﮇﮈﮉﮊﮋ ﮌ ​

Ул көндә олугълары да, иярүчеләре дә ґәзабта бергә булырлар, азгынлыкта бергә булганнары кеби.

Verse 34

ﮍﮎﮏﮐ ﮑ ​

Без, әлбәттә, кәферләрне вә азганнарны өнә шулай җәза кылачакбыз.

Verse 35

ﮒﮓﮔﮕﮖﮗﮘﮙﮚﮛ ﮜ ​

Аларга дөреслектә Аллаһудан башка Илаһә юк мәгәр Аллаһу тәгалә үзе генә дип әйтелсә, алар Аллаһны берләүдән тәкәбберләнәләр.

Verse 36

ﮝﮞﮟﮠﮡﮢ ﮣ ​

Вә әйтерләр: "Искедән бирле гыйбадәт итеп килгән Илаһәләребезне, бер җенләнгән шагыйрь сүзенә карап ташлыйкмы?"

Verse 37

ﮤﮥﮦﮧﮨ ﮩ ​

Ул Мухәммәд г-м хак булган Коръән белән килде, һәм үзеннән әүвәлге пәйгамбәрләргә ышанды.

Verse 38

ﮪﮫﮬﮭ ﮮ ​

Әмма сез кәферләр һәм мөшрикләр кыямәт көнне рәнҗеткүче ґәзабны татыячаксыз.

Verse 39

ﮯﮰﮱﯓﯔﯕ ﯖ ​

Сез җәзаланмассыз, мәгәр Аллаһуга каршы барып эшләгән гөнаһларыгыз өчен җәзаланырсыз.

Verse 40

ﯗﯘﯙﯚ ﯛ ​

Мәгәр Аллаһуның ихлас колларына ґәзаб булмас, җәннәт нигъмәтләре булыр.

Verse 41

ﯜﯝﯞﯟ ﯠ ​

Аларга җәннәттә теләгәннәре чаклы һәм алар теләгән вакытта төрле ризык булыр.

Verse 42

ﯡﯢﯣ ﯤ ​

Ул ризыклар төрле җимешләрдер һәм алар җәннәттә хөрмәтлеләрдер.

Verse 43

ﯥﯦﯧ ﯨ ​

Нигъмәтләр белән тулган җәннәтләрдә сыйланырлар.

Verse 44

ﯩﯪﯫ ﯬ ​

Яхшы диваннарга бер-берсенә каршы утырып рәхәтләнерләр.

Verse 45

ﯭﯮﯯﯰﯱ ﯲ ​

Хезмәтчеләр аларга савыт белән хәмер китерерләр, ул хәмер җәннәттә елга булып агар.

Verse 46

ﯳﯴﯵ ﯶ ​

Ул хәмер сөттән ак булып эчүчеләргә ләззәтледер.

Verse 47

ﯷﯸﯹﯺﯻﯼﯽ ﯾ ​

Ул җәннәт хәмерендә гакылны җибәрмәк вә башны авырттырмак юктыр, һәм аны эчеп дөньядагы кеби исермәсләр дә.

Verse 48

ﯿﰀﰁﰂ ﰃ ​

Вә яннарында хатыннары булыр, алар күзләрен үз ирләреннән алмаслар, башкага карамаслар, ул хатыннарның күзләре зур һәм матурдыр.

Verse 49

ﰄﰅﰆ ﰇ ​

Ул хатыннарның йөзләре аклыкта тәвә кошының йомыркасы кеби, анда аз гына сарылык булып иң матур төстер.

Verse 50

ﰈﰉﰊﰋﰌ ﰍ ​

Ул ләззәтле эчемлекләрне эчкәндә әйләнеп бер – берсеннән сорашырлар.

Verse 51

ﰎﰏﰐﰑﰒﰓﰔ ﰕ ​

Алардан бер сөйләүчесе әйтте: "Минем дөньяда кабердән терелеп чыгуны инкяр итүче бер иптәшем бар иде.

Verse 52

ﭑﭒﭓﭔ ﭕ ​

Ул миңа әйтәдер иде: "Әйә син кабердән терелеп чыгуга ышанасыңмы?

Verse 53

ﭖﭗﭘﭙﭚﭛﭜ ﭝ ​

Без үлеп сөякләребез череп туфрак булгач, терелеп хисаб вә җәза ителербезме?" – дип."

Verse 54

ﭞﭟﭠﭡ ﭢ ​

Җәннәттәге әлеге мөэмин әйтер: "Ул терелеп кубарылуны инкяр итүче иптәшемне җәһәннәмнән күрсәтимме?

Verse 55

ﭣﭤﭥﭦﭧ ﭨ ​

Һәм җәннәттә булганы хәлдә җәһәннәмгә карап, әлеге иптәшен ут уртасында күрер.

Verse 56

ﭩﭪﭫﭬﭭ ﭮ ​

Уттагы иптәшенә кычкырып әйтер: "Валлаһи син мине ышанмаска өндәп үзең кеби утка салырга якын булдың.

Verse 57

ﭯﭰﭱﭲﭳﭴ ﭵ ​

Әгәр Раббым миңа иманны ингам итмәсә, әлбәттә, сезнең белән бергә мәңгегә утка салынган булыр идем".

Verse 58

ﭶﭷﭸ ﭹ ​

Мөэминнәр җәннәттә бер-берсенә әйтешерләр: "Без җәннәттә тагын үлмәбезме?

Verse 59

ﭺﭻﭼﭽﭾﭿ ﮀ ​

Дөньядагы үлүебездән башка тагын үлмәбезме һәм утта ґәзаб та ителмәбезме?

Verse 60

ﮁﮂﮃﮄﮅ ﮆ ​

Әгәр җәннәттә үлмәсәк һәм ґәзаб кылынмасак, бу эш, әлбәттә, олугъ теләккә вә зур бәхеткә ирешмәстер."

Verse 61

ﮇﮈﮉﮊ ﮋ ​

Әнә шундый бәхеткә ирешү өчен, гамәл кылучылар, әлбәттә, җәннәткә алып керә торган хәерле эшләрне эшләсеннәр вә изге гамәлләрне кылсыннар!

Verse 62

ﮌﮍﮎﮏﮐﮑ ﮒ ​

Кеше өчен мәңге торачак урын йөзеннән, нигъмәтләр белән тулган җәннәтләр яхшымы? Яки заккум агачы үсә торган җәһәннәм яхшымы?

Verse 63

ﮓﮔﮕﮖ ﮗ ​

Ул заккум агачының җәһәннәм уты эчендә үскәнлегенә һәм җимеш биргәнлегенә ышанмыйлар, ышанмаулары аларга ґәзаб өстенә ґәзаб булачак. Ул җимеш энәле булып ашаганда тамакны ертыр, ачылыгы тамакны көйдерер. Ышанмаучыларга шул җимешне ашатырлар.

Verse 64

ﮘﮙﮚﮛﮜﮝ ﮞ ​

Дөреслектә ул агач җәһәннәмнең төбеннән чыгып үсәдер.

Verse 65

ﮟﮠﮡﮢ ﮣ ​

Аның җимешләре кабахәтлектә гүя шайтан башларыдыр.

Verse 66

ﮤﮥﮦﮧﮨﮩ ﮪ ​

Имансызлар, әлбәттә, ул агачның җимешен ашарлар, һәм шул ачы җимеш белән корсакларын тутырачаклар.

Verse 67

ﮫﮬﮭﮮﮯﮰﮱ ﯓ ​

Соңра аларга эрен кушылган кайнар су эчерелер.

Verse 68

ﯔﯕﯖﯗﯘ ﯙ ​

Соңра аларның кайтарылмаклары җәһәннәмгәдер.

Verse 69

ﯚﯛﯜﯝ ﯞ ​

Алар ата-бабаларының хак юлдан адашканлыкларын белделәр, ләкин белсәләр дә хак динне кабул итмәделәр.

Verse 70

ﯟﯠﯡﯢ ﯣ ​

Аларның адашканын белә торып аталарына ашыгып иярделәр һәм алар гыйбадәт кылган сынымнарга гыйбадәт кылдылар.

Verse 71

ﯤﯥﯦﯧﯨ ﯩ ​

Тәхкыйк әүвәлгеләрнең дә күбрәге адашкан иделәр.

Verse 72

ﯪﯫﯬﯭ ﯮ ​

Без аларга, әлбәттә, җәһәннәм ґәзабы белән куркытучы пәйгамбәрләр җибәрдек.

Verse 73

ﯯﯰﯱﯲﯳ ﯴ ​

Күр! Куркытылып та пәйгамбәрләрне ялганга тотучыларның ахыры ничек булды, әлбәттә, һәлак булдылар.

Verse 74

ﯵﯶﯷﯸ ﯹ ​

Мәгәр Аллаһуның ихласлы коллары ґәзабтан котылдылар.

Verse 75

ﯺﯻﯼﯽﯾ ﯿ ​

Нух г-м кавеменең иманга килүеннән өмет кисеп: "Йә Рабби, ярдәм бир", – дип, Безгә дога кылды, ни хуш доганы кабул итүчеләрдәнбез.

Verse 76

ﰀﰁﰂﰃﰄ ﰅ ​

Нухны вә аңа ияргән мөселман җәмәгатьне кәферләрнең золымыннан һәм Туфан суына батып һәлак булудан коткардык.

Verse 77

ﭑﭒﭓﭔ ﭕ ​

Вә Нухның балаларын кыямәткә чаклы калдырдык, дөньядагы барча кеше аның нәселеннәндер.

Verse 78

ﭖﭗﭘﭙ ﭚ ​

Без Нух өчен аңардан соң килгән пәйгамбәрләрдә яхшы исем калдырдык, һәр ышанучы аны мактап сөйләр.

Verse 79

ﭛﭜﭝﭞﭟ ﭠ ​

Барча гамәлдә ул Нухка кеше, җен, вә фәрештәләр сәлам әйтерләр.

Verse 80

ﭡﭢﭣﭤ ﭥ ​

Без, әлбәттә, яхшыларга әнә шулай изге җәза бирәбез.

Verse 81

ﭦﭧﭨﭩ ﭪ ​

Ул Нух Безнең хак мөэмин колларыбыздандыр.

Verse 82

ﭫﭬﭭ ﭮ ​

Соңра аның имансыз кавемен суга батырып һәлак иттек.

Verse 83

ﭯﭰﭱﭲﭳ ﭴ ​

Диннең асылында Нух г-мгә иярүчеләрнең берсе Ибраһим г-мдер, гәрчә аралары ике мең алты йөз кырык ел булса да.

Verse 84

ﭵﭶﭷﭸﭹ ﭺ ​

Ул Ибраһим Раббысына ширектән вә шиктән пакь күңел белән килде.

Verse 85

ﭻﭼﭽﭾﭿﮀ ﮁ ​

Атасына вә кавеменә әйтте: "Аллаһны ташлап нәрсәгә гыйбадәт кыласыз.

Verse 86

ﮂﮃﮄﮅﮆ ﮇ ​

Ялганнарның иң кабахәтен кылганыгыз хәлдә Аллаһудан башка нәрсәне Аллаһ дияргә телисез.

Verse 87

ﮈﮉﮊﮋ ﮌ ​

Һичнәрсәгә ярамаган нәрсәләргә гыйбадәт кыласыз да бит, барча галәмне тәрбия итүче Аллаһ хакында нәрсә уйлыйсыз? Ул – Аллаһ сезне хөкем итмәс һәм ґәзаб кылмас, дип уйлыйсызмы? Бу кавем йолдызларга табыныр иделәр, бәйрәм көннәрендә корбан чалып, корбаннарын сынымнары алдына куеп, үзләре кырга бәйрәм итәргә чыга торган булганнар, шул бәйрәм итә торган урыннарына Ибраһим г-мне дә чакырдылар.

Verse 88

ﮍﮎﮏﮐ ﮑ ​

Ибраһим башын күтәреп йолдызларга карады.

Verse 89

ﮒﮓﮔ ﮕ ​

Һәм әйтте: "Мин чирлим, миндә тагун чире булса кирәк, бара алмыйм".

Verse 90

ﮖﮗﮘ ﮙ ​

Һәм алар Ибраһимнең чире йокмасын дип, аны калдырып бар да кырга киттеләр.

Verse 91

ﮚﮛﮜﮝﮞﮟ ﮠ ​

Ибраһим яшеренеп сынымнар янына керде, алларындагы корбаннарны күргәч, сынымнарга ник ашамыйсыз диде.

Verse 92

ﮡﮢﮣﮤ ﮥ ​

Сезгә ни булды – сөйләмисез, миңа җавап бирмисез?

Verse 93

ﮦﮧﮨﮩ ﮪ ​

Соңра сынымнарын балта белән бик каты җимерергә тотынды, чөнки башта – сынымнарыгызны валлаһи ватачакмын, дигән иде.

Verse 94

ﮫﮬﮭ ﮮ ​

Ибраһимнең сынымнарын ватканын ишетеп мөшрикләр йөгереп килделәр, һәм без гыйбадәт кыла торган сынымнарыбызны ник җимердең диделәр.

Verse 95

ﮯﮰﮱﯓ ﯔ ​

Ибраһим әйтте: "Үзегез агачтан, таштан юнып ясаган нәрсәләргә гыйбадәт кыласызмы?

Verse 96

ﯕﯖﯗﯘ ﯙ ​

Бит үзегезне дә вә сез сыным ясаган агач, ташларны да Аллаһ юктан бар кылды."

Verse 97

ﯚﯛﯜﯝﯞﯟﯠ ﯡ ​

Хакка каршы ачулары килеп, Намрут патша вә аның олугълары әйттеләр: "Таштан зур бина ясагыз, аннары эченә утын тутырып яндырыгыз, кайчан ялкынланып янарга тотынса, ялкын эченә Ибраһимне атыгыз", – дип.

Verse 98

ﯢﯣﯤﯥﯦ ﯧ ​

Алар Ибраһимгә явызлыкны кылырга теләделәр, һәм Без аларның мәкерен буш кылып үзләрен хур иттек, утны Ибраһимгә салкын итеп, пәйгамбәрлегенә дәлил кылдык. Бабил шәһәреңдә Ибраһимгә эш калмады. Аллаһ хөкемнәрен ирештерде, могъҗизалар күрсәтте, инде аңа күчеп китү лязем булды.

Verse 99

ﯨﯩﯪﯫﯬﯭ ﯮ ​

Вә ул әйтте: "Раббым әмер иткән урынга күчеп китәмен, әлбәттә, Раббым мине барасы җиремә җиткерер. Ибраһим һәм хатыны картайганнар, балалары юк иде. Шул сәбәпле карт көннәрендә булса да Ибраһим Аллаһудан бала сорады.

Verse 100

ﯯﯰﯱﯲﯳ ﯴ ​

Ий Раббым миңа бер изге ир бала биргел, миңа ярдәмче булсын!

Verse 101

ﯵﯶﯷ ﯸ ​

Без Ибраһимгә бер ир бала белән шатлык хәбәрен бирдек, ул бала кечкенә чагында галим, олугъ хәлендә йомшак күңелледер.

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

Ул бала җиде яшенә җитеп атасы илә йөри башлагач, Ибраһим әйтте: "Ий угълым, мин төшемдә Аллаһ тарафыннан сине корбан итеп чалырга боерыламын, уйлап күр бу эшкә ничек карыйсың? Угълы Исмагыйл әйтте: "Ий атам, ни белән боерылган булсаң, шуны эшлә, мин Аллаһ хөкеменә ризамын, бу эштә мине, Аллаһ теләсә, сабыр итүчеләрдән табарсың", – дип.

Verse 103

ﭑﭒﭓﭔ ﭕ ​

Безнең әмерне икесе дә риза булып кабул иттеләр һәм Исмагыйлне яны белән яткызды.

Verse 104

ﭖﭗﭘ ﭙ ​

Кулына пычак алуга Без кычкырдык: "Ий Ибраһим,

Verse 105

ﭚﭛﭜﭝﭞﭟﭠﭡ ﭢ ​

төшеңдә күргән Безнең әмерне тәсъдыйк кылдың, үтәгән хөкемендә булдың". Әнә шулай үзебезгә итагать иткән яхшы мөэминнәрне изге җәзалар белән нигъмәтлибез.

Verse 106

ﭣﭤﭥﭦﭧ ﭨ ​

Аллаһуның изге балаңны корбан итеп чал дигән әмере, әлбәттә, зур һәм авыр сынаудыр.

Verse 107

ﭩﭪﭫ ﭬ ​

Без аңа Исмагыйл урынына корбан итеп бугазлар өчен җәннәтән бер зур тәкә бирдек.

Verse 108

ﭭﭮﭯﭰ ﭱ ​

Яхшылыгы белән искә алу өчен дөньяга соңыннан килгәннәргә Ибраһимнең яхшы әсәрләрен калдырдык.

Verse 109

ﭲﭳﭴ ﭵ ​

Ул Ибраһимгә барча галәм сәлам әйтер.

Verse 110

ﭶﭷﭸ ﭹ ​

Яхшы эшләрне кылучыга Без шулай изгелек итәбез.

Verse 111

ﭺﭻﭼﭽ ﭾ ​

Ибраһим Безнең хак мөэмин колларыбыздандыр.

Verse 112

ﭿﮀﮁﮂﮃ ﮄ ​

Дәхи Исхакны бирәчәгебез белән шатлыклы хәбәр бирдек, ул Исхак изгеләрдән вә пәйгамбәрләрдән булды.

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

Ибраһимгә вә Исхакка эшләрендә вә нәселләрендә бәрәкәт бирдек, вә аларның нәселеннән килгән кешеләрнең бәгъзеләре көферлек вә бозыклык белән үзләренә ачык золым итүчеләрдер.

Verse 114

ﮑﮒﮓﮔﮕ ﮖ ​

Тәхкыйк Муса илә Һарунга пәйгамбәрлек биреп нигъмәтләндердек.

Verse 115

ﮗﮘﮙﮚﮛ ﮜ ​

Аларны вә кавемнәрен зур бәладән коткардык, ягъни Фиргауннең золымыннан вә суга батудан коткардык.

Verse 116

ﮝﮞﮟﮠ ﮡ ​

Без аларга ярдәм бирдек һәм дошманнарын җиңделәр.

Verse 117

ﮢﮣﮤ ﮥ ​

Вә Без аларга һәрнәрсәне бәян кылып бетергән Тәүратны бирдек.

Verse 118

ﮦﮧﮨ ﮩ ​

Вә аларны туры юлга күндердек.

Verse 119

ﮪﮫﮬﮭ ﮮ ​

Вә соңыннан килгәннәргә Муса илә Һарунны яхшылык белән искә алуны калдырдык.

Verse 120

ﮯﮰﮱﯓ ﯔ ​

Яхшылык илә искә алулары Муса илә Һарунга сәлам булсын димәкләредер.

Verse 121

ﯕﯖﯗﯘ ﯙ ​

Тәхкыйк Без гөнаһтан сакланып яхшылык кылучыларга изгелек итәбез.

Verse 122

ﯚﯛﯜﯝ ﯞ ​

Дөреслектә алар Безнең хак мөэмин колларыбыздан иделәр.

Verse 123

ﯟﯠﯡﯢ ﯣ ​

Вә Ильяс та Аллаһ тарафыннан җибәрелгән пәйгамбәрләрдәндер.

Verse 124

ﯤﯥﯦﯧﯨ ﯩ ​

Кавеменә: "Аллаһудан курыкмыйсызмы, Аңа гыйбадәт кылмыйсыз" – диде.

Verse 125

ﯪﯫﯬﯭﯮ ﯯ ​

Сезне вә һәрнәрсәне күркәм сурәттә халык кылучы Аллаһуны куеп, бәгел исемле сынымга табынасызмы?

Verse 126

ﯰﯱﯲﯳﯴ ﯵ ​

Ул – Аллаһ сезнең Раббыгыз вә әүвәлге бабаларыгызның Раббысыдыр.

Verse 127

ﭑﭒﭓ ﭔ ​

Алар Ильясны ялганга тоттылар, үзләре вә сынымнары җыелып утта булырлар.

Verse 128

ﭕﭖﭗﭘ ﭙ ​

Мәгәр Аллаһуның ихласлы коллары утка кермәсләр.

Verse 129

ﭚﭛﭜﭝ ﭞ ​

Без Ильяска соңыннан килгәннәрнең телләрендә яхшы сүз калдырдык.

Verse 130

ﭟﭠﭡﭢ ﭣ ​

Ул сүз Ильяска сәлам булсын димәкләредер.

Verse 131

ﭤﭥﭦﭧ ﭨ ​

Гөнаһтан сакланып изге гамәлләр кылучыларга әнә шулай изгелек итәбез.

Verse 132

ﭩﭪﭫﭬ ﭭ ​

Дөреслектә Ильяс Безнең хак мөэмин колларыбыздан иде.

Verse 133

ﭮﭯﭰﭱ ﭲ ​

Вә Лут г-мдә Аллаһ тарафыннан җибәрелгән пәйгамбәрләрдәндер.

Verse 134

ﭳﭴﭵﭶ ﭷ ​

Без аны вә кавемен ґәзабтан коткардык.

Verse 135

ﭸﭹﭺﭻ ﭼ ​

Мәгәр аның хатынын ґәзабта кылучылардан кылдык.

Verse 136

ﭽﭾﭿ ﮀ ​

Соңра калганнарын барчасын һәлак иттек.

Verse 137

ﮁﮂﮃﮄ ﮅ ​

Ий кәферләр, көндез ул тарафтан үткәнегездә аларның һәлак булган урынын күрерсез.

Verse 138

ﮆﮇﮈﮉ ﮊ ​

Һәм кич белән үткәндә дә күрерсез! Аларның хәлен күргәч, уйлап фикерләп карамыйсызмы?

Verse 139

ﮋﮌﮍﮎ ﮏ ​

Вә Йунүс та Безнең җибәргән пәйгамбәләребездәндер.

Verse 140

ﮐﮑﮒﮓﮔ ﮕ ​

Йунүс иман китермәгән кавемен ташлап, кешеләр белән тулган зур көймәгә керде.

Verse 141

ﮖﮗﮘﮙ ﮚ ​

Көймә кузгалмады, шул сәбәпле көймәдәге кешеләр, арабызда качкан кеше бардыр, дип, шөбаґә салдылар, һәм шөбаґә Йунүска чыгып, аны диңгезгә ташладылар.

Verse 142

ﮛﮜﮝﮞ ﮟ ​

Аны дәрхәл бер зур балык йотты, вә ул Аллаһ рөхсәтеннән башка кавемен ташлап киткәне өчен үзен үзе шелтәлидер.

Verse 143

ﮠﮡﮢﮣﮤ ﮥ ​

Әгәр Йунүс "Һич юктыр Илаһә, мәгәр Син генә йә Рабби, мин Сине һәр кимчелектән пакьсең дип беләм, мин, әлбәттә, Синең рөхсәтеңнән башка китеп, үземә золым итүчеләрдән булдым", – дип әйтмәсә иде.

Verse 144

ﮦﮧﮨﮩﮪﮫ ﮬ ​

Әлбәттә, ул балык карынында кешеләр терелеп каберләреннән кубарылган көнгә чаклы торыр иде.

Verse 145

ﮭﮮﮯﮰﮱ ﯓ ​

Без аны берникадәр вакыт балык карнында торганнан соң сырхау булганы хәлдә корыга чыгарып ташладык, ягъни Аллаһ әмере белән балык Йунүсны су читенә, корыга чыгарып куйды.

Verse 146

ﯔﯕﯖﯗﯘ ﯙ ​

Вә аның янында киң яфраклы агач үстердек, ул агач аңа кояштан күләгә булды һәм ул агач янына чебен, черки, кигәвен кебиләр килмәделәр, чөнки аның тәне җәрәхәтләнгән иде. Ул шул урында берничә көн торып Аллаһның рәхмәте белән бик тиз сәламәтләнде.

Verse 147

ﯚﯛﯜﯝﯞﯟ ﯠ ​

Без аны йөз меңле яки йөз меңнән артыграк кешеле шәһәргә пәйгамбәр итеп җибәргән идек, балык карыныннан чыккач та шул шәһәргә җибәрдек.

Verse 148

ﯡﯢﯣﯤ ﯥ ​

Һәм бу юлы һәммәсе иман китерделәр, вә Без дә аларны билгеләнгән әҗәлләренә чаклы малларыннан файдаландырдык, тыныч яшәттек.

Verse 149

ﯦﯧﯨﯩﯪ ﯫ ​

Син алардан сорап кара: "Әйә кызлар Аллаһуның баласы булып, ирләр ул мөшрикләрнең балаларымы?"

Verse 150

ﯬﯭﯮﯯﯰﯱ ﯲ ​

Яки Без фәрештәләрне кызлар итеп халык кылганыбызны алар күреп тордылармы?

Verse 151

ﯳﯴﯵﯶﯷ ﯸ ​

Әгаһ булыгыз алар ялганчы булганлыкларыннан.

Verse 152

ﯹﯺﯻﯼ ﯽ ​

Аллаһуның баласы бар дип әйтәләр, тәхкыйк алар ул сүзләрендә ялганчылардыр.

Verse 153

ﯾﯿﰀﰁ ﰂ ​

Ий мөшрикләр, сез Аллаһ ир балаларны куеп кыз балаларны үзенә ихтыяр итте дисезме?

Verse 154

ﭑﭒﭓﭔ ﭕ ​

Сезгә ни булды, һич гакылга сыймый торган нәрсәне хөкем итәсез.

Verse 155

ﭖﭗ ﭘ ​

Аз гына булса да уйлап фикерләп карамыйсызмы?

Verse 156

ﭙﭚﭛﭜ ﭝ ​

Яки Аллаһуның баласы барлыгына сезнең ачык бер дәлилегез бармы?

Verse 157

ﭞﭟﭠﭡﭢ ﭣ ​

Китабыгызны китерегез, укып карыйк, әгәр Аллаһуның баласы бар дигән сүзегез дөрес булса.

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

Мөшрикләр Аллаһ белән фәрештәләр арасында нәсеп кылдылар. Аллаһуның кызлары дип әйтелгән фәрештәләр белделәр, ул сүзне әйткән мөшрикләрнең җәһәннәмгә кереп ґәзаб кылыначакларын.

Verse 159

ﭰﭱﭲﭳ ﭴ ​

Аллаһ мөшрикләр ифтира кылган баладан пакьтер.

Verse 160

ﭵﭶﭷﭸ ﭹ ​

Мәгәр Аллаһуның ихласлы коллары Аллаһуга ялганны ифтира кылмаслар, алар ґәзабдан ераклардыр.

Verse 161

ﭺﭻﭼ ﭽ ​

"Сез мөшрикләр вә гыйбадәт кылган сынымнарыгыз,

Verse 162

ﭾﭿﮀﮁ ﮂ ​

сез кешеләрне имансыз, динсез итә алмассыз,

Verse 163

ﮃﮄﮅﮆﮇ ﮈ ​

мәгәр җәһәннәмгә салыначак кешеләрне үзегезгә ияртеп аздырырсыз".

Verse 164

ﮉﮊﮋﮌﮍﮎ ﮏ ​

Җәбраил фәрештә әйтте: "Безнең арабызда фәрештәләрнең һәрберсенә билгеләнгән гыйбадәт урыны бардыр.

Verse 165

ﮐﮑﮒ ﮓ ​

Вә без гыйбадәттә, әлбәттә, саф-саф булып торабыз.

Verse 166

ﮔﮕﮖ ﮗ ​

Вә без Аллаһу тәгаләгә даим тәсбихләр әйтәбез.

Verse 167

ﮘﮙﮚ ﮛ ​

Гәрчә мөшрикләр әйтсәләр дә:

Verse 168

ﮜﮝﮞﮟﮠﮡ ﮢ ​

"Әгәр әүвәлге өммәтләргә иңгән китап кеби безгә дә бер китап иңгән булса,

Verse 169

ﮣﮤﮥﮦ ﮧ ​

Без, әлбәттә, Аллаһуның ихласлы колларыннан булыр идек", – дип.

Verse 170

ﮨﮩﮪﮫﮬ ﮭ ​

Алар әйткәнчә Коръән килгән иде, аны инкяр иттеләр, эшләренең ахыры ничек булачагын тиздән белерләр.

Verse 171

ﮮﮯﮰﮱﯓ ﯔ ​

Тәхкыйк пәйгамбәр булган колларыбызга ярдәм бирәчәкбез, дигән вәгъдәбез булып үтте.

Verse 172

ﯕﯖﯗ ﯘ ​

Алар, әлбәттә, ярдәм бирелмеш булырлар.

Verse 173

ﯙﯚﯛﯜ ﯝ ​

Дәхи мөэминнәр Безнең гаскәрләребездер, алар, әлбәттә, дошманнарын җиңәрләр.

Verse 174

ﯞﯟﯠﯡ ﯢ ​

Ий Мухәммәд г-м, син алардан вәгъдә иткән көнебез җиткәнче, алардан кисел!

Verse 175

ﯣﯤﯥ ﯦ ​

Аларга ирешәчәк мәшәкатьләрне үзләренә күрсәт! Тиздән күрерләр мөэминнәргә нигъмәт, кәферләргә ґәзаб хәзерләнгәнлеген.

Verse 176

ﯧﯨ ﯩ ​

Әйә алар ахмаклык белән Безнең ґәзабыбызның тиз килүен телиләрме?

Verse 177

ﯪﯫﯬﯭﯮﯯ ﯰ ​

Әгәр Безнең ґәзабыбыз ул кавемгә иңсә, куркытып та курыкмаган кавемнең таңы нинди яман таң булыр.

Verse 178

ﯱﯲﯳﯴ ﯵ ​

Вәгъдә көненә чаклы алардан кисел!

Verse 179

ﯶﯷﯸ ﯹ ​

Син аларга җәзаны күрсәт, хаклык кайда икәнен тиздән күрерләр!

Verse 180

ﯺﯻﯼﯽﯾﯿ ﰀ ​

Барча кимчелектән пакь булган синең Раббың, өстенлек һәм кодрәт Раббысыдыр, Ул мөшрикләр сыйфатлаган нәрсәләрдән пакьтер.

Verse 181

ﰁﰂﰃ ﰄ ​

Вә барча пәйгамбәрләргә Аллаһуның сәламе булсын!

Verse 182

ﰅﰆﰇﰈ ﰉ ​

Вә барча галәмне тәрбия итүче Аллаһуга мактау булсын!