Tatar - Tatar translation китабыннан تتاري телендә المدّثر сүрәсенең тәрҗемәсе
Verse 1
ﮪﮫ
ﮬ
Ий тышкы киеме илә бөркәнгән пәйгамбәр!
Verse 2
ﮭﮮ
ﮯ
Торгыл, кешеләрне Аллаһ ґәзабы белән куркыт! Мухәммәд г-м җир белән күк арасында тәхеткә утырган Җәбраил фәрештәне күреп курыкты, тиз генә өенә кайтып ятты һәм Хәдиҗәгә тышкы киемнәре белән капларга кушты. Шул вакыт Җәбраил ошбу сүрәнен, аятьләрен китерә башлады. Бу сүрә икенче иңгән сүрәдер.
Verse 3
ﮰﮱ
ﯓ
Раббыңны зурлап тәкбир әйт.
Verse 4
ﯔﯕ
ﯖ
Вә киемеңне нәҗәсәттән пакь кыл.
Verse 5
ﯗﯘ
ﯙ
Аллаһуның ачуына илтә торган эшләрне ташла.
Verse 6
ﯚﯛﯜ
ﯝ
Кешегә бернәрсә бирсәң аннан күбрәкне өмет итеп бирмә.
Verse 7
ﯞﯟ
ﯠ
Вә Раббың ризасы өчен кәферләрнең дошманлыгына сабыр ит, чыда!
Verse 8
ﯡﯢﯣﯤ
ﯥ
Әгәр кыямәт өчен сур өрелсә.
Verse 9
ﯦﯧﯨﯩ
ﯪ
Менә шул көн каты көндер.
Verse 10
ﯫﯬﯭﯮ
ﯯ
Кәферләргә җиңеллеге юк авыр көндер.
Verse 11
ﯰﯱﯲﯳ
ﯴ
Мин халык кылган бер кеше белән Мине ялгызымны гына куй.
Verse 12
ﯵﯶﯷﯸ
ﯹ
Мин аңа төрле-төрле күп мал бирдем.
Verse 13
ﯺﯻ
ﯼ
Вә үзе янында гына тора торган балалар бирдек, ягъни аталары бай булгач, балалары сәүдә белән китеп йөрмәделәр.
Verse 14
ﯽﯾﯿ
ﰀ
Вә аңа тормышны никадәр киң кылу белән киң кылдым.
Verse 15
ﰁﰂﰃﰄ
ﰅ
Моның соңында да Минем аңа мал арттырмагымны өмет итәдер.
Verse 16
ﰆﰇﰈﰉﰊﰋ
ﰌ
Юк инде, Бездән яхшылык көтмәсен, тәхкыйк ул Безнең аятьләребезгә карыша иде.
Verse 17
ﰍﰎ
ﰏ
Аны бик мәшәкатьле булган ґәзабка кертермен. Ул Вәлид исемле бер бай мөшриктер, Мәккә мөшрикләре аңа киңәшкә килделәр һәм Коръән вә Мухәммәд хакында аның фикерен сорадылар. Вәлид әйтте: "Сез Мухәммәдне дивана дисез, бу сүзегез һич дөрес түгел, аның гакыллы икәнлеге тирә-якка мәгълүмдер. Сез аны сихерче дисез, аның сихер белән шөгыльләнгәне һич заһир булганы юк. Сез аны ялганчы дисез, аның ялган сөйләгәнен бу көнгәчә һичкем ишеткәне юк, һәм аның сүзләре шагыйрь сүзенә дә охшамый", – дип. Мөшрикләр: син нинди киңәш бирәсең, аңа ни дип әйтик, диделәр. Вәлид аларның сорауларына җавап бире алмыйча уйга калды.
Verse 18
ﰐﰑﰒ
ﰓ
Тәхкыйк ул – Вәлид Коръән һәм пәйгамбәр хакында ничек мәкерлек кылырга дип фикерләде, үзенчә халыкларга сөйләргә ялган сүзләр дә хәзерләде.
Verse 19
ﭑﭒﭓ
ﭔ
Вәлидкә ләгънәт булсын башы ватылсын – ничек чамалый!
Verse 20
ﭕﭖﭗﭘ
ﭙ
Ул һәлак булсын, халыкны хактан адаштырырга янә ничек чамалый!
Verse 21
ﭚﭛ
ﭜ
Соңра Коръәнгә каршы ничек мәкерлек кылырга дип, янә уйлап фикерләп карады.
Verse 22
ﭝﭞﭟ
ﭠ
Соңра Коръән сүзен ишеткәндә ачуланып йөзен сытты, маңгаен җыерды.
Verse 23
ﭡﭢﭣ
ﭤ
Аннары артына әйләнде вә тәкәбберләнде.
Verse 24
ﭥﭦﭧﭨﭩﭪ
ﭫ
Башка сүз таба алмагач, бу Коръән Аллаһ сүзе түгел мәгәр әүвәлге сихерчеләрдән калган сихер диде.
Verse 25
ﭬﭭﭮﭯﭰ
ﭱ
Бу Коръән кеше сүзе генә, аны Мухәммәд әүвәлге сихерчеләрдән күчереп алган, диде.
Verse 26
ﭲﭳ
ﭴ
Тиздән аны сакар тәмугына салырмын.
Verse 27
ﭵﭶﭷﭸ
ﭹ
Сиңа ул сакарның ґәзабын кем белдерде?
Verse 28
ﭺﭻﭼﭽ
ﭾ
Ул сакар үзенә салынган нәрсәне калдырмас вә бетермичә куймас.
Verse 29
ﭿﮀ
ﮁ
Ул сакар кешеләрнең тиреләрен яндырыр.
Verse 30
ﮂﮃﮄ
ﮅ
Ул сакарда унтугыз ґәзаб фәрештәләре бардыр. "Мөшрикләр бу сүзне ишеткәч: "Ґәзаб фәрештәләре унтугыз гына булгач без аларга каршы тора алырбыз, алар безне ґәзаб кыла алмаслар", – диделәр.
Ут ияләрен, ягъни җәһәннәмгә ґәзаб кылучыларны башка заттан кылмадык фәкать фәрештәләрдән кылдык, вә аларның саннарын унтугыз дип әйттек, фәкать кәферләргә фетнә булсын өчен, вә Инҗил, Тәүрат әһелләре Мухәммәд г-мнең хак пәйгамбәр икәнлегенә ышансыннар өчен. (Чөнки Тәүратта, Инҗилдә дә унтугыз дип зекер ителмештер). Вә мөэминнәр иманнарын куәтләсеннәр өчен, вә китап әһелләре һәм мөэминнәр: аларның саны унтугыз, дигән сүздән шикләнмәсеннәр өчен, вә күңелләрендә авыру булган монафикълар һәм кәферләр: "Аллаһуның бу мисалны китерүдә максаты нәрсә", – дип әйтсеннәр, ягъни бу сүз Аллаһ сүзенә охшамый, аны Аллаһ әйтмәгән, дип фетнәләнсеннәр өчен. Әнә шулай Аллаһ Аның хак сүзенә ышанган мөэминнәрен туры юлга күндерде. Раббыңның гаскәрләрен Аллаһудан башка һичкем белмәс, ул сакара җәһәннәме һәм унтугыз фәрештә бушка сөйләнмәде, мәгәр кешеләргә вәгазь өчен сөйләнде.
Verse 32
ﯥﯦ
ﯧ
Юк, алай гына түгел, ай белән ант итәмен.
Verse 33
ﯨﯩﯪ
ﯫ
Вә көндездән соң килә торган төн белән.
Verse 34
ﯬﯭﯮ
ﯯ
Һәм саргаючы таң белән ант итәмен.
Verse 35
ﯰﯱﯲ
ﯳ
Тәхкыйк ул сакар җәһәннәме олугъ бәлаләрнең берседер.
Verse 36
ﯴﯵ
ﯶ
Ул кешеләрне куркытучыдыр.
Verse 37
Вә Сезләрдән яхшы эшләрне эшләүдә алга -чыгарга теләгән кешеләргә һәм бозык эшләр белән артта калуны теләгән кешеләргә куркытудыр. Ягъни яхшы кешеләрне дә һәм яман кешеләрне дә куркытыр өчен сөйләнәдер сакар җәһәннәме.
Verse 38
ﯿﰀﰁﰂﰃ
ﰄ
Аллаһуга итагать итмәгән һәрбер кеше үзенең кылган гөнаһы белән бәйләнгәндер.
Verse 39
ﰅﰆﰇ
ﰈ
Мәгәр гамәл дәфтәрләре уң кулларыннан бирелгән күп сәваблы мөселманнар бәйләнмәсләр.
Verse 40
ﰉﰊﰋ
ﰌ
Анар җәннәтләрдә булырлар, җәһәннәмгә кергән таныш кешеләрдән сорашырлар.
Verse 41
ﰍﰎ
ﰏ
Аллаһуга итагать итмәгән күп гөнаһлы кешеләрдән:
Verse 42
ﰐﰑﰒﰓ
ﰔ
"Сезне сакар җәһәннәменә нәрсә салды, нинди сәбәп белән анда кердегез?"
Verse 43
ﰕﰖﰗﰘﰙ
ﰚ
Сакардагы кешеләр әйтерләр: "Без намаз укучылардан түгел идек.
Verse 44
ﰛﰜﰝﰞ
ﰟ
Дәхи без фәкыйрьләрне ашатучылардан, аларга садака бирүчеләрдән булмадык.
Verse 45
ﰠﰡﰢﰣ
ﰤ
Дәхи хактан качып төрле бозык эшләргә чумган кешеләргә ияреп без дә бозыклыкка чумадыр идек.
Verse 46
ﰥﰦﰧﰨ
ﰩ
Һәм кыямәт көнен ялганга тотар идек.
Verse 47
ﰪﰫﰬ
ﰭ
Бу әйтелгәннәрне эшләдек, хәтта гомеребез бетеп үлем килгәнче", – дип.
Verse 48
ﭑﭒﭓﭔ
ﭕ
Аларга шәфкатьчеләрнең шәфәгате һич файда бирмәс.
Verse 49
ﭖﭗﭘﭙﭚ
ﭛ
Нәрсә булган аларга, ни сәбәпле батылдан хакны аеручы Коръәннән баш тарталар?
Verse 50
ﭜﭝﭞ
ﭟ
Алар Коръәннән вә аның вәгазьләреннән һәм хөкемнәреннән качалар, куркып өреккән ишәк кеби.
Verse 51
ﭠﭡﭢ
ﭣ
Ул ишәк арысланнан өркеп качар.
Verse 52
Бәлки алардан һәрбересе телидер Аллаһудан һәрберсенә ачык хат бирелмәкне. Ягъни мөшрикләр: "Аллаһ безгә һәрберебезгә кәгазь иңдерсә, ул кәгазьгә: Мухәммәд хак пәйгамбәр, Коръән Минем китабым, дип язылган булса, иман китерер идек", – диделәр.
Verse 53
ﭮﭯﭰﭱﭲﭳ
ﭴ
Юк әле, алар тиешсезне сорамасыннар, бәлки алар ахирәт ґәзабыннан курыкмыйлар. Әгәр курыксалар иде, әлбәттә, иман китереп Коръән белән гамәл кылыр иделәр һәм Коръәннән башка дәлил сорамас иделәр.
Verse 54
ﭵﭶﭷ
ﭸ
Юк, Коръән уенчык түгел, бәлки ул Коръән гакыллы кешеләр өчен хакыйкый көчле вәгазьдер.
Verse 55
ﭹﭺﭻ
ﭼ
Теләгән кеше ул Коръән белән вәгазьләнеп туры юлга керсен һәм иманлы динле булсын!
Verse 56
Юк ул Коръән белән һәммә кеше вәгазьләнмәс мәгәр Аллаһ теләгән кеше генә вәгазьләнер. Димәк Коръән белән вәгазьләнеп һәм гамәл кылып туры юлны табуны Аллаһудан сорарга кирәк! Ул – Аллаһ Аның ачуыннан вә ґәзабыннан сакланырга тиешле булган заттыр һәм гөнаһларның ярлыкануын Аңардан сорарга тиешле заттыр.
تقدم القراءة