Verse 1

ﭑ ﭒ ​

Та син мим.

Verse 2

ﭓﭔﭕﭖ ﭗ ​

Ошбу аятьләр хакның хаклыгын, батылның батыллыгын ачып бирүче Коръән аятьләредер.

Verse 3

ﭘﭙﭚﭛﭜﭝ ﭞ ​

Ий Мухәммәд г-м кавемең һәммәсе дә иман китермәгәне өчен каты кайгырып үзеңне һәлак итү ихтималындасың. Ягъни мөшрикләрнең иман китермәгәннәре өчен үзеңә зарар китерер дәрәҗәдә кайгырасың, борчылма, тыныч бул.

Verse 4

ﭟﭠﭡﭢﭣﭤﭥﭦﭧﭨﭩ ﭪ ​

Әгәр Без теләсәк, аларны дингә көчли торган галәмәтне күктән аларга иңдерер идек, иман китереп һәрвакыт ул галәмәткә баш ияр иделәр.

Verse 5

ﭫﭬﭭﭮﭯﭰﭱﭲﭳﭴﭵ ﭶ ​

Әгәр аларга Аллаһудан яңа вәгазь аятьләре килсә, алар һаман ул аятьләрдән баш тартыр булдылар.

Verse 6

ﭷﭸﭹﭺﭻﭼﭽﭾ ﭿ ​

Тәхкыйк алар Коръәнне ялганга тоттылар, әлбәттә, аларга килер Коръәнне кимсетүләренең хәбәре вә җәзасы, ул вакытта белерләр Коръәннең хаклыгын, ләкин соң булыр.

Verse 7

ﮀﮁﮂﮃﮄﮅﮆﮇﮈﮉﮊ ﮋ ​

Әйә алар җиргә карамыйлармы, ирле вә хатынлы итеп күпме яхшы нәрсәләр үстердек.

Verse 8

ﮌﮍﮎﮏﮐﮑﮒﮓﮔ ﮕ ​

Әлбәттә бу эштә Аллаһуның кодрәтенә иман китерү өчен ачык галәмәтләр бар, ләкин аларның күберәге ышанучы түгелләр.

Verse 9

ﮖﮗﮘﮙﮚ ﮛ ​

Әлбәттә синең Раббың өстенлек вә куәт иясе, имансызларга каты җәза бирер, мөэминнәр өчен рәхимледер.

Verse 10

ﮜﮝﮞﮟﮠﮡﮢﮣ ﮤ ​

Раббың Мусага нида кылып әйтте: "Залим булган кавемгә бар, аларны хак дингә өндә".

Verse 11

ﮥﮦﮧﮨﮩ ﮪ ​

Алар Фиргаун кавемедер, алар мәхлукка табыналар, Аллаһудан курыкмыйлармы?

Verse 12

ﮫﮬﮭﮮﮯﮰ ﮱ ​

Муса әйтте: "Йә Рабби, мине ялганга тотарлар дип куркамын".

Verse 13

ﯓﯔﯕﯖﯗﯘﯙﯚ ﯛ ​

Миңа ышанмаулары сәбәпле күңелемнең тараймаклыгыннан вә телемдә төен булу сәбәпле аңлата алмавымнан куркамын, миңа ярдәмче итеп кардәшем Һарунны җибәр!

Verse 14

ﯜﯝﯞﯟﯠﯡ ﯢ ​

Дәхи алар хозурында минем гөнаһым бар (Егет чагында бер кәфер кыбтыйны үтергән иде), үземне үтерерләр дип куркамын.

Verse 15

ﯣﯤﯥﯦﯧﯨﯩﯪﯫ ﯬ ​

Аллаһ әйтте: "Юк үтермәсләр, барыгыз икәү Минем аятьләрем белен, Без сезнең белән бергәбез, сүзегезне ишетәбез.

Verse 16

ﯭﯮﯯﯰﯱﯲﯳ ﯴ ​

Фиргаунгә барыгыз, вә без бетен галәмнәрне тәрбияләүче Аллаһуның рәсүлебез,

Verse 17

ﯵﯶﯷﯸﯹ ﯺ ​

безнең белән Ягькуб балаларын җибәрмәклегең өчен килдек" – диегез.

Verse 18

ﯻﯼﯽﯾﯿﰀﰁﰂﰃﰄ ﰅ ​

Фиргаун әйтте: "Ий Муса, син сабый чагында безлә тәрбияләндең түгелме, вә гомереңнән безлә утыз ел тордык.

Verse 19

ﰆﰇﰈﰉﰊﰋﰌ ﰍ ​

Һәм кыласы эшеңне кылдың ягъни бер кыбтыйны үтердек, син минем биртәя нигъмәтемне инкяр итүчесең".

Verse 20

ﭑﭒﭓﭔﭕﭖ ﭗ ​

Муса әйтте: "Ул эшне мин эшләдем, ләкин шәригатьне белмәвем сәбәпле мин адашкан идем.

Verse 21

ﭘﭙﭚﭛﭜﭝﭞﭟﭠﭡﭢ ﭣ ​

Сездән куркып качтым, вә Раббым миңа шәригать хөкемнәрең бирде, вә мине рәсүлләрдән кылды.

Verse 22

ﭤﭥﭦﭧﭨﭩﭪﭫ ﭬ ​

Син мина миннәт иткән нигъмәт, ул шундый нигъмәттер, Ягькуб балаларын үзеңә кол ясап, ир балаларны бугазлаудыр, үлемнән калу өчен мин синең тәрбияңә төшкәнмен".

Verse 23

ﭭﭮﭯﭰﭱ ﭲ ​

Фиргаун әйтте: "Галәмнәрне тәрбия итүче ул нинди зат?

Verse 24

ﭳﭴﭵﭶﭷﭸﭹﭺﭻﭼ ﭽ ​

Муса әйтте: "Ул җирне, күкләрне һәм алар арасында булган нәрсәләрне тәрбия итүче, әгәр бу хак сүзгә ышансагыз.

Verse 25

ﭾﭿﮀﮁﮂ ﮃ ​

Фиргаун Мусаның сүзенә ышанмаган хәлдә үзенең тирәсендәге дусларына әйтте: "Әйә ишетмисезме Мусаның сүзләрен, мин аңа Раббысы хакында сорау бирдем, ул җавап кайтарды", – дип.

Verse 26

ﮄﮅﮆﮇﮈ ﮉ ​

Муса әйтте: "Ул – Аллаһ сезнең Раббыгыз вә атагызның Раббысыдыр".

Verse 27

ﮊﮋﮌﮍﮎﮏﮐ ﮑ ​

Фиргаун әйтте: "Сезгә расүл итеп җибәрелгән Муса, әлбәттә, җенледер".

Verse 28

ﮒﮓﮔﮕﮖﮗﮘﮙﮚﮛ ﮜ ​

Муса әйтте: "Ул – Аллаһ мәшрикъның вә мәгърибнең һәм алар арасындагы нәрсәләрнең Раббысыдыр, әгәр аңласагыз.

Verse 29

ﮝﮞﮟﮠﮡﮢﮣﮤ ﮥ ​

Фиргаун әйтте: "Әгәр син миннән башканы Илаһә тотсаң, мин сине төрмәгә бикләүчеләрдән булырмын".

Verse 30

ﮦﮧﮨﮩﮪ ﮫ ​

Муса әйтте: "Әгәр пәйгамбәрлегемә ачык дәлилләр китерсәм дә ул эшне эшләрсеңме?"

Verse 31

ﮬﮭﮮﮯﮰﮱﯓ ﯔ ​

Фиргаун әйтте: "Әгәр дөрес пәйгамбәр булсаң дәлилеңне китер".

Verse 32

ﯕﯖﯗﯘﯙﯚ ﯛ ​

Муса таягын җиргә ташлады, шуннан соң ул йөрүче зур елан булды.

Verse 33

ﯜﯝﯞﯟﯠﯡ ﯢ ​

Вә кулын култыгына тыгып чыгарды, караучыларга күзне чагылдырырлык ак булып чыкты.

Verse 34

ﯣﯤﯥﯦﯧﯨﯩ ﯪ ​

Фиргаун әйтте: "Бу Муса барыгыздан да остарак сихерчедер.

Verse 35

ﯫﯬﯭﯮﯯﯰﯱﯲ ﯳ ​

Үзенең сихере белән сезне Мысыр җиреннән чыгарырга телидер "Үзенең олугъларына: "Миңа нинди әмер бирәсез шуны кыйлырмын", – диде.

Verse 36

ﯴﯵﯶﯷﯸﯹﯺ ﯻ ​

Олугълары әйтте: "Мусаны вә кардәше Һарунны бикләп куй, вә сихерчеләрне чакырырга кешеләр җибәр.

Verse 37

ﯼﯽﯾﯿ ﰀ ​

Алар сиңа Мусадан ла остарак сихерчеләрне алып килсеннәр".

Verse 38

ﰁﰂﰃﰄﰅ ﰆ ​

Һәм билгеләнгән вакытка сихерчеләр җыелдылар.

Verse 39

ﰇﰈﰉﰊﰋ ﰌ ​

Кешеләргә әйтелде: "Җыелдыгызмы ике якның кылган эшләрен карарга".

Verse 40

ﭑﭒﭓﭔﭕﭖﭗ ﭘ ​

Җыелган мөшрикләр әйттеләр: "Әгәр сихерчеләр Мусаны җиңсәләр шаять сихерчеләргә иярербез".

Verse 41

ﭙﭚﭛﭜﭝﭞﭟﭠﭡﭢﭣﭤ ﭥ ​

Сихерчеләр җыелып беткәч, Фиргаунгә әйттеләр: "Әгәр Мусаны җиңсәк безгә хак булырмы?"

Verse 42

ﭦﭧﭨﭩﭪﭫ ﭬ ​

Фиргаун әйтте: "Әлбәттә булыр, әгәр Мусаны җиңсәгез минем якыннарымнан булырсыз".

Verse 43

ﭭﭮﭯﭰﭱﭲﭳ ﭴ ​

Муса аларга әйтте: "Сез әүвәл ташлагыз ташларга дигән нәрсәләрегезне".

Verse 44

ﭵﭶﭷﭸﭹﭺﭻﭼﭽ ﭾ ​

Һәм сихерчеләр арканнарын вә таякларын ташладылар, вә әйттеләр: "Фиргаун олугълыгы белән ант итеп әйтәбез, әлбәттә, без Мусаны җиңәчәкбез", – дип.

Verse 45

ﭿﮀﮁﮂﮃﮄﮅﮆ ﮇ ​

Соңра Муса таягын җиргә ташлады, шулвакыт зур елан булды да тегеләрнең сихер белән елан итеп күрсәткән аркан вә таякларын чәйнәп ашап бетерде.

Verse 46

ﮈﮉﮊ ﮋ ​

Бу хәлне күргәч сихерчеләр, Аллаһуга сәҗдәгә егылдылар.

Verse 47

ﮌﮍﮎﮏ ﮐ ​

Әйттеләр: "Галәмнәрне тәрбия итүче Аллаһуга иман китердек.

Verse 48

ﮑﮒﮓ ﮔ ​

Ул – Аллаһ Мусаның вә Һарунның да Раббысыдыр".

Verse 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

Фиргаун әйтте: "Әйә сез мин рөхсәт бирүдән элек Мусага иман китерәсезме, ул сихер белемендә сезнең олугыгыздыр, сезгә аз гына өйрәткән шуның өчен ул сезне җиңде, бәс минем җәзамны тиз белерсез, әлбәттә, сезнең уң кулыгызны вә сул аякларыгызны кисәрмен һәм барчаларыгызны да асармын", – дип.

Verse 50

ﮭﮮﮯﮰﮱﯓﯔﯕ ﯖ ​

Иман китергән сихерчеләр әйттеләр: "Ий Фиргаун, син кыйлган эштән безнең иманыбызга зарар юк, үлгәч без Раббыбызга кайтабыз, Ул безгә әҗерен бирер.

Verse 51

ﯗﯘﯙﯚﯛﯜﯝﯞﯟﯠﯡ ﯢ ​

Ширек вә сихердән булган хаталарыбызны, әлбәттә, Раббыбыз ярлыкар дип өмет итәбез, Мусага беренче без иман китергәнебез өчен.

Verse 52

ﯣﯤﯥﯦﯧﯨﯩﯪﯫ ﯬ ​

Без Мусага вәхий кылдык кавемең белән Мысырдан чыгып кит, әлбәттә, Фиргавен гаскәре белән артыгыздан куа чыгачак", – дип.

Verse 53

ﯭﯮﯯﯰﯱ ﯲ ​

Фиргаун шәһәрләргә гаскәр җыючыларны җибәрде.

Verse 54

ﯳﯴﯵﯶ ﯷ ​

Фиргаун әйтте: "Мусаның гаскәре безнекенә караганда аз гаскәрдер.

Verse 55

ﯸﯹﯺ ﯻ ​

Алар безне ачуландыра торган эш кыйлдылар.

Verse 56

ﯼﯽﯾ ﯿ ​

Без, әлбәттә, аларны куарга хәзерләрбез", – дип.

Verse 57

ﰀﰁﰂﰃ ﰄ ​

Һәм Без Фиргаунне вә гаскәрне бакчалардан вә елгалардан чыгардык.

Verse 58

ﰅﰆﰇ ﰈ ​

Вә алтын-көмеш вә башка байлыктан һәм яхшы урыннан чыгардык.

Verse 59

ﰉﰊﰋﰌﰍ ﰎ ​

Әнә шулай Без аны кызык иттек, алар байлыгына һәм урыннарына Ягькуб балаларын хуҗа кылдык.

Verse 60

ﰏﰐ ﰑ ​

Һәм Фиргаун гаскәре белән Муса артыннан кояш чыккан вакытта куып киттеләр.

Verse 61

ﭑﭒﭓﭔﭕﭖﭗﭘ ﭙ ​

Фиргаун гаскәре белән Муса гаскәре бер-берсен күргәннәре заманда, Муса гаскәреннән берсе куркып: "Фиргаун артыбыздан җитте, тәхкыйк куылып тотылдык", – диде.

Verse 62

ﭚﭛﭜﭝﭞﭟﭠ ﭡ ​

Муса әйтте: "Юк, безгә ирешә алмаслар, чөнки Раббым минем иләдер, әлбәттә, котыла торган юлга күндерер", – дип.

Verse 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Таягың илә диңгезгә сук дип Мусага вәхий кылдык, бәс диңгездән 12 юл ачылды, һәр ике юл арасында зур тау кеби бөек су булды.

Verse 64

ﭱﭲﭳ ﭴ ​

Вә Фиргаун гаскәрен шул тау кеби сулар арасына якын китердек.

Verse 65

ﭵﭶﭷﭸﭹ ﭺ ​

Вә Мусаны һәм аның белән булганнарның барчасын коткардык.

Verse 66

ﭻﭼﭽ ﭾ ​

Соңра шул суга Фиргаунне гаскәре белән бергә батырып һәлак иттек.

Verse 67

ﭿﮀﮁﮂﮃﮄﮅﮆﮇ ﮈ ​

Мин Аллаһ дигән Фиргауннең гаскәре белән суга батып һәлак булуында, әлбәттә, гакыллы кешеләр өчен гыйбрәт бардыр. Мысыр халкының күбрәге аңар иман китермәс булдылар.

Verse 68

ﮉﮊﮋﮌﮍ ﮎ ​

Синең Раббың әнә шулай дошманнарыннан үч алучы вә дусларына рәхмәт итүчедер.

Verse 69

ﮏﮐﮑﮒ ﮓ ​

Вә кешеләргә гыйбрәт өчен Ибраһимның хәбәрен укыгыл.

Verse 70

ﮔﮕﮖﮗﮘﮙ ﮚ ​

Аның кавеме сөйләшкәнен игътибарга алыгыз, ул атасыннан вә кавеменнән нәрсәгә гыйбадәт кыласыз дип сорады.

Verse 71

ﮛﮜﮝﮞﮟﮠ ﮡ ​

Әйттеләр: "Сынымнарга гыйбадәт кылабыз, һәрвакыт аларга гыйбадәттә булабыз", – дип.

Verse 72

ﮢﮣﮤﮥﮦ ﮧ ​

Ибраһим әйтте: "Дога кыйлып хаҗәтләрегезне сораганда сынымнарыгыз сезнең сүзләрегезне ишетәләрме?

Verse 73

ﮨﮩﮪﮫ ﮬ ​

Яки сезгә файда итәргә көчләре җитәме, яки аларга гыйбадәт итмәгән кешеләргә зарар итәргә көчләре җитәме?"

Verse 74

ﮭﮮﮯﮰﮱﯓ ﯔ ​

Әйттеләр: "Юк, сынымнарыбыз ишетми дә, файда вә зарар итәргә дә көчләре җитми, бәлки аталарыбыз да шулай безнең кеби кыйлалар иде, без дә аларга ияреп шулай кыйлабыз", – дип.

Verse 75

ﯕﯖﯗﯘﯙ ﯚ ​

Ибраһим әйтте: "Әйә күрәсезме гыйбадәт кыйлган сынымнарыгызны.

Verse 76

ﯛﯜﯝ ﯞ ​

Үзегез вә әүвәлге бабаларыгыз гыйбадәт кыйлган сынымнарыгызның һич нәрсәгә ярамаганлыгын беләсезме?

Verse 77

ﯟﯠﯡﯢﯣﯤ ﯥ ​

Ул сынымнар минем дошманнарымдыр, аларга һич гыйбадәт кыйлмам, мәгәр галәмнәрнең Раббысы минем дошманым түгел, дустым. Мин Аңа гыйбадәт кыйламын.

Verse 78

ﯦﯧﯨﯩ ﯪ ​

Ул – Аллаһ мине халык кыйлды, вә Ул туры юлга күндерде мине.

Verse 79

ﯫﯬﯭﯮ ﯯ ​

Вә Ул мине ашата вә эчерә.

Verse 80

ﯰﯱﯲﯳ ﯴ ​

Әгәр авырсам Ул миңа сәламәтлек бирә.

Verse 81

ﯵﯶﯷﯸ ﯹ ​

Вә Ул мине үтерә, соңра тергезә.

Verse 82

ﯺﯻﯼﯽﯾﯿﰀﰁ ﰂ ​

Вә кыямәт көнне гөнаһларымны Ул ярлыкар дип өмет итәм.

Verse 83

ﰃﰄﰅﰆﰇﰈ ﰉ ​

Ий Раббым, миңа белем хикмәт биргел вә изгеләргә тоташтыр.

Verse 84

ﭑﭒﭓﭔﭕﭖ ﭗ ​

Йә Рабби, миннән соң килгән өммәтләр мине яхшылык белән зекер итсеннәр.

Verse 85

ﭘﭙﭚﭛﭜ ﭝ ​

Вә мине "нәгыйм" җәннәтенең варисларыннан кыйл.

Verse 86

ﭞﭟﭠﭡﭢﭣ ﭤ ​

Вә атамны ярлыка, чөнки ул хак юлдан адашканнардан булды.

Verse 87

ﭥﭦﭧﭨ ﭩ ​

Кешеләр кубарылган көндә мине хур кыйлма."

Verse 88

ﭪﭫﭬﭭﭮﭯ ﭰ ​

Ул көндә малы вә баласы һичкемгә файда бирмәс.

Verse 89

ﭱﭲﭳﭴﭵﭶ ﭷ ​

Мәгәр мөшриклек вә монафикълык керләреннән күңеле пакь хәлдә чын мөселман булып килсә, аңа файда булыр.

Verse 90

ﭸﭹﭺ ﭻ ​

Җәннәт тәкъва мөэминнәргә якын ителде.

Verse 91

ﭼﭽﭾ ﭿ ​

Вә гөнаһтан сакланмаганнарга җәһәннәм бик якын күрсәтелде.

Verse 92

ﮀﮁﮂﮃﮄﮅ ﮆ ​

Вә аларга әйтелде: "Кайда сезнең гыйбадәт кыйлган нәрсәләрегез.

Verse 93

ﮇﮈﮉﮊﮋﮌﮍ ﮎ ​

Аллаһудан башка сынымнарыгыз, әйә алар сезгә ярдәм итә алалармы, яки үзләрен ґәзабтан коткара алалармы?"

Verse 94

ﮏﮐﮑﮒ ﮓ ​

Ул сынымнар вә сынымнарга гыйбадәт кылучылар утка ташланырлар.

Verse 95

ﮔﮕﮖ ﮗ ​

Вә Иблискә ияргән кешеләр һәммәсе ташланыр.

Verse 96

ﮘﮙﮚﮛ ﮜ ​

Алар анда сынымнары белән әрепләшерләр һәм әйтерләр:

Verse 97

ﮝﮞﮟﮠﮡﮢ ﮣ ​

"Аллаһ исеме илә ант итеп әйтәбез, әлбәттә, без ачык адашуда булганбыз.

Verse 98

ﮤﮥﮦﮧ ﮨ ​

Ий сынымнар, без сезне бөтен галәмнәрне тәрбияләүче Аллаһ белән бертигезсез, дип белдек.

Verse 99

ﮩﮪﮫﮬ ﮭ ​

Безне адаштырмады һичнәрсә мәгәр азган кешеләр адаштырдылар.

Verse 100

ﮮﮯﮰﮱ ﯓ ​

Безгә бүген шәфәгать итүче юктыр мөэминнәргә булганы кеби.

Verse 101

ﯔﯕﯖ ﯗ ​

Вә мәрхәмәтле чын дустыбыз да юк.

Verse 102

ﯘﯙﯚﯛﯜﯝﯞ ﯟ ​

Ни булыр иде әгәр без дөньяга кире кайтарылсак, бәс Аллаһуга итагать итеп мөэминнәрдән булыр идек", – дип.

Verse 103

ﯠﯡﯢﯣﯤﯥﯦﯧﯨ ﯩ ​

Тәхкыйк ошбу Коръәндә зекер ителгән хәбәрләрдә гыйбрәтләр бардыр, шулай булса да кешеләрнең күбрәге мөэмин булмадылар.

Verse 104

ﯪﯫﯬﯭﯮ ﯯ ​

Дөреслектә синең Раббың Ул җиңүче вә рәхимледер.

Verse 105

ﯰﯱﯲﯳ ﯴ ​

Нух кавеме, пәйгамбәрләрне ялганга тоттылар.

Verse 106

ﯵﯶﯷﯸﯹﯺﯻ ﯼ ​

Кардәшләре Нух г-м аларга әйтте: "Әйә Аллаһудан курыкмыйсызмы?

Verse 107

ﯽﯾﯿﰀ ﰁ ​

Мин сезгә арагызда иминлек белән мәшһүр пәйгамбәрмен.

Verse 108

ﰂﰃﰄ ﰅ ​

Һәм Аллаһудан куркыгыз һәм минем әмерләремә итагать итегез.

Verse 109

ﰆﰇﰈﰉﰊﰋﰌﰍﰎﰏﰐﰑ ﰒ ​

Ислам шәригатен өйрәткәнем өчен мин сездән хак сорамыйм, бәлки минем әҗерем галәмнәр Раббысы Аллаһ бирәчәк җәннәт нигъмәтләредер.

Verse 110

ﰓﰔﰕ ﰖ ​

Аллаһудан куркыгыз, Аңа гөнаһлы булудан сакланыгыз, вә миңа итагать итегез!"

Verse 111

ﰗﰘﰙﰚﰛﰜ ﰝ ​

Кавеме аңа әйтте: "Әйә без синең сүзеңә ышаныйкмы, бит сиңа начар ярлы кешеләр ияргәннәр.

Verse 112

ﭑﭒﭓﭔﭕﭖ ﭗ ​

Нух әйтте: "Мин аларның кыйлган эшләрен белмим.

Verse 113

ﭘﭙﭚﭛﭜﭝﭞﭟ ﭠ ​

Аларның эшләренең хисабы Раббым – Аллаһуга хастыр, әгәр белсәгез.

Verse 114

ﭡﭢﭣﭤ ﭥ ​

Сез адашканнарга ияреп мин мөэминнәрне ташлаячагым юк.

Verse 115

ﭦﭧﭨﭩﭪ ﭫ ​

Мин сезне иманга көчләүче түгелмен, мәгәр Аллаһ ґәзабы илә ачык куркытучымын."

Verse 116

ﭬﭭﭮﭯﭰﭱﭲﭳ ﭴ ​

Кавеме әйтте: "Әгәр бу сүзләреңнән туктамасаң, әлбәттә, таш белән атылып үтерелмеш кешеләрдән булырсың".

Verse 117

ﭵﭶﭷﭸﭹ ﭺ ​

Нух әйтте: "Йә Рабби, кавемем миңа ышанмыйлар, ялган сөйлисең, диләр.

Verse 118

ﭻﭼﭽﭾﭿﮀﮁﮂﮃ ﮄ ​

Инде алар белән миңем арамны хөкем ит, вә мине һәм миңа ияргән мөэминнәрне ул залимнәрдән коткар".

Verse 119

ﮅﮆﮇﮈﮉﮊ ﮋ ​

Һәм Нухны вә аңа ияргән мөэминнәрне коткардык, кошлар вә хайваннар белән тулган көймәдә.

Verse 120

ﮌﮍﮎﮏ ﮐ ​

Соңра мөэмин булмаганнарын һәммәсен батырдык.

Verse 121

ﮑﮒﮓﮔﮕﮖﮗﮘﮙ ﮚ ​

Ошбу Аллаһуга карышып һәлак булган Нух кавеменең һәлак булуында гакыллы кешеләр өчен, әлбәттә, гыйбрәтләр бар, ул кавемнең күбрәге, ягъни һәлак булганнары берсе дә ышанучы түгел иде.

Verse 122

ﮛﮜﮝﮞﮟ ﮠ ​

Тәхкыйк синең Раббың Ул кәферләрдән үч алуда көчледер, мөэминнәргә рәхимледер.

Verse 123

ﮡﮢﮣ ﮤ ​

Гад кавеме пәйгамбәрләрне ялганга тоттылар.

Verse 124

ﮥﮦﮧﮨﮩﮪﮫ ﮬ ​

Кардәшләре Һуд әйтте: "Әйә сез Аллаһудан курыкмыйсызмы, Аллаһудан башка нәрсәләргә табынасыз.

Verse 125

ﮭﮮﮯﮰ ﮱ ​

Беләсез, мин арагызда имин булган хыянәтсез пәйгамбәрмен.

Verse 126

ﯓﯔﯕ ﯖ ​

Аллаһудан куркыгыз, мина итагать итегез.

Verse 127

ﯗﯘﯙﯚﯛﯜﯝﯞﯟﯠﯡﯢ ﯣ ​

Ислам шәригатен өйрәткәнем өчен мин сездән хак сорамыйм, миңа тиешле әҗер галәмнәр Раббысы Аллаһу" хозурындадыр.

Verse 128

ﯤﯥﯦﯧﯨ ﯩ ​

Әйә сез мөшрикләр һәр калку урынга тәкәбберләнеп файдасыз биналар төзисезме башкаларны кимсетер өчен.

Verse 129

ﯪﯫﯬﯭ ﯮ ​

Янә дөньяда мәңге яшәү өмете белән төрле бөек биналар ясыйсызмы?

Verse 130

ﯯﯰﯱﯲ ﯳ ​

Вә әгәр бер кешене җәза өчен тотсагыз, ерткычларча тоттыгыз тәкәбберләнеп.

Verse 131

ﯴﯵﯶ ﯷ ​

Аллаһудан куркыгыз, явыз эшләрегезне куегыз, вә дин эшләрендә миңа итагать итегез.

Verse 132

ﯸﯹﯺﯻﯼ ﯽ ​

Сезгә ярдәм бирүче Аллаһудан куркыгыз, үзегез дә беләсез Аның ярдәм биргәнен.

Verse 133

ﯾﯿﰀ ﰁ ​

Сезне балалар вә хайваннар белән нигъмәтләндерде.

Verse 134

ﰂﰃ ﰄ ​

Дәхи бакчалар вә елгалар илә нигъмәтләндерде.

Verse 135

ﰅﰆﰇﰈﰉﰊ ﰋ ​

Мин сезгә олуг көннең ґәзәбы ирешүдән куркамын.

Verse 136

ﰌﰍﰎﰏﰐﰑﰒﰓﰔ ﰕ ​

Кәферләр әйттеләр: "Безгә һич аермасы юк, кирәк – безне вәгазьдә, кирәк – безне вәгазь кыйлучыдан бул, без вәгазеңне кабул итмибез, куркыткан ґәзабыңнан курыкмыйбыз.

Verse 137

ﭑﭒﭓﭔﭕ ﭖ ​

Синең куркытуың һич нәрсә түгел, мәгәр әүвәлгеләрнең ялган сөйләү гадәтләредер.

Verse 138

ﭗﭘﭙ ﭚ ​

Без ислам динен кабул итмәсәк тә ґәзаб кыйлыначак түгелбез, дип тәкәбберләнделәр.

Verse 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Бәс алар Һуд пәйгамбәрне ялганга тоттылар, Без аларны дөньяда ук ґәзаб кыйлып һәлак иттек, боларның һәлак булуында да гыйбрәт бардыр, аларның күбрәге ышанучы булмадылар.

Verse 140

ﭨﭩﭪﭫﭬ ﭭ ​

Синең Раббың, әлбәттә, Ул кәферләргә ґәзаб бирүдә көчле, мөэминнәргә рәхимледер.

Verse 141

ﭮﭯﭰ ﭱ ​

Сәмуд кавеме пәйгамбәрләрне ялганга тоттылар.

Verse 142

ﭲﭳﭴﭵﭶﭷﭸ ﭹ ​

Кардәшләре Салих пәйгамбәр аларга әйтте: "Әйә сез Аллаһудан курыкмыйсызмы, Аны ташлап һичнәрсәгә ярамаган нәрсәләргә гыйбадәт кыласыз.

Verse 143

ﭺﭻﭼﭽ ﭾ ​

Әлбәттә, мин сезгә хак пәйгамбәрмен ки, миннән зарар күрүдән иминсез.

Verse 144

ﭿﮀﮁ ﮂ ​

Һәм Аллаһудан куркыгыз вә минем әмерләремә итагать итегез.

Verse 145

ﮃﮄﮅﮆﮇﮈﮉﮊﮋﮌﮍﮎ ﮏ ​

Мин сезгә ислам шәригатен өйрәткәнем өчен хак сорамыйм, минем җиһадымның әҗере галәмнәрне тәрбияләүче Аллаһ хозурындадыр.

Verse 146

ﮐﮑﮒﮓﮔ ﮕ ​

Әйә, сез мөшрикләр ошбу азгынлыкта булган халегездә бу дөньяда мәңге калырга уйлыйсызмы?

Verse 147

ﮖﮗﮘ ﮙ ​

Яхшы бакчаларда вә яхшы елгаларда.

Verse 148

ﮚﮛﮜﮝ ﮞ ​

Игеннәрдә вә өлгергән йомшак хөрмәләрдә.

Verse 149

ﮟﮠﮡﮢﮣ ﮤ ​

Вә шатланганыгыз хәлдә тауларны тишеп өйләр ясыйсыз, ошбу нигъмәтләр эчендә мәңге калырга уйлыйсызмы?

Verse 150

ﮥﮦﮧ ﮨ ​

Куркыгыз, Аллаһуга каршылык күрсәтүдән сакланыгыз вә минем әмеремә итагать итегез.

Verse 151

ﮩﮪﮫﮬ ﮭ ​

Юлдан чыккан мөшрикләргә итагать итмәгез.

Verse 152

ﮮﮯﮰﮱﯓﯔ ﯕ ​

Ул мөшрикләр динне, кешеләрне вә тормышны бозучылардыр, алар һич нәрсәне төзәтмиләр", – дип.

Verse 153

ﯖﯗﯘﯙﯚ ﯛ ​

Мөшрикләр әйттеләр: "Ий син Салих, ничә кат сихерләнеп гакыллары шашкан кешеләрдәнсең.

Verse 154

ﯜﯝﯞﯟﯠﯡﯢﯣﯤﯥﯦ ﯧ ​

Синең артык җирең юк, безнең кеби бер кешесең, әгәр дөрес пәйгамбәр булсаң, безгә бер галәмәт китер".

Verse 155

ﯨﯩﯪﯫﯬﯭﯮﯯﯰ ﯱ ​

Аллаһ мөшрикләргә могҗиза өчен таштан тере дөя чыгарды. Салих әйтте: "Ошбу таштан чыккан дөя Аллаһуның хөрмәтле дөяседер, нәүбәт белән коедан бер көн су эчмәк бу дөянең өлешедер, вә икенче көнне коедан су эчмәк сезнең дөяләрегезнең өлешедер.

Verse 156

ﯲﯳﯴﯵﯶﯷﯸ ﯹ ​

Ошбу дөяне сугып, кыйнап, явызлык белән тотмагыз. Югыйсә сезне олуг кыямәт көненең ґәзабы тотар.

Verse 157

ﯺﯻﯼ ﯽ ​

Ләкин алар Салихның сүзен тыңламадылар, явызлык белән дөяне бугазладылар, һәм ґәзабтан куркып үкенүчеләрдән булдылар.

Verse 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Һәм аларны ґәзаб тотты, боларның һәлак булуында да гыйбрәт бар. Аларның күбрәге ышанучы булмадылар.

Verse 159

ﰋﰌﰍﰎﰏ ﰐ ​

Раббың Аңа итагать итмәүчеләрдән үч алучы, вә итагать итүчеләргә рәхмәт итүчедер.

Verse 160

ﭑﭒﭓﭔ ﭕ ​

Лут кавеме пәйгамбәрләрне ялганга тотты.

Verse 161

ﭖﭗﭘﭙﭚﭛﭜ ﭝ ​

Кардәшләре Лут пәйгамбәр әйтте: "Әйә Аллаһудан курыкмыйсызмы, Аллаһуга гыйбадәт кылу урынына һич нәрсәгә ярамаган нәрсәгә гыйбадәт кыласыз.

Verse 162

ﭞﭟﭠﭡ ﭢ ​

Мин, әлбәттә, сезгә хак пәйгамбәрмен ки, миннән зарар күрүдән иминсез.

Verse 163

ﭣﭤﭥ ﭦ ​

Аллаһудан куркыгыз, Аңа каршы барудан сакланыгыз, һәм минем әмеремә итагать итегез!

Verse 164

ﭧﭨﭩﭪﭫﭬﭭﭮﭯﭰﭱﭲ ﭳ ​

Ислам шәригатен өйрәткәнем өчен сездән хак сорамыйм, минем җиһадымның әҗере галәмнәрне тәрбияләүче Аллаһ хозурындадыр.

Verse 165

ﭴﭵﭶﭷ ﭸ ​

Дөньяда кешеләр арасыннан сез ир балаларга якынлык кыласызмы.

Verse 166

ﭹﭺﭻﭼﭽﭾﭿﮀﮁﮂﮃﮄ ﮅ ​

Раббыгыз сезнең өчен халык кылган хатыннарны куярсыз, бәлки сез хәләлдән хәрамга үтүче кавемсез.

Verse 167

ﮆﮇﮈﮉﮊﮋﮌﮍ ﮎ ​

Мөшрикләр әйттеләр: "Ий Лут, әгәр ошбу сүзләреңнән туктамасаң, әлбәттә, шәһәребездән куып чыгарылганнардан булырсың."

Verse 168

ﮏﮐﮑﮒﮓ ﮔ ​

Лут әйтте: "Мин сезнең бу эшегез өчен бик каты ачуланучыларданмын.

Verse 169

ﮕﮖﮗﮘﮙ ﮚ ​

Ий Раббым, мине вә өй әһелемне боларның кыйлган кабахәт эшләреннән, һәм аларга килә торган ґәзабтан коткар!

Verse 170

ﮛﮜﮝ ﮞ ​

Һәм Без Лутны вә өй җәмәгатен һәммәсен коткардык.

Verse 171

ﮟﮠﮡﮢ ﮣ ​

Мәгәр Лутның хыянәтче хатыны газапта калучылардан булды.

Verse 172

ﮤﮥﮦ ﮧ ​

Соңра Лут җәмәгатеннән башкаларын һәммәсен һәлак иттек.

Verse 173

ﮨﮩﮪﮫﮬﮭﮮ ﮯ ​

Вә алар өстенә ташлар яудырдык, Аллаһ ґәзабы белән куркытылып та курыкмаган кешеләрнең яңгыры нинди яман яндыр булды.

Verse 174

ﮰﮱﯓﯔﯕﯖﯗﯘﯙ ﯚ ​

Боларның һәлак булуында да гыйбрәт бар, аларның күпләре ышанучылардан булмадылар.

Verse 175

ﯛﯜﯝﯞﯟ ﯠ ​

Әлбәттә, синең Раббың дошманнарыннан үч алучы вә дусларына рәхмәт итүчедер.

Verse 176

ﯡﯢﯣﯤ ﯥ ​

Әйкә кавеме пәйгамбәрләрне ялганга тоттылар.

Verse 177

ﯦﯧﯨﯩﯪﯫ ﯬ ​

Шөґәеб пәйгамбәр аларга әйтте: "Әйә Аллаһудан курыкмыйсызмы, Аңардан башкага гыйбадәт кыласыз.

Verse 178

ﯭﯮﯯﯰ ﯱ ​

Мин сезгә хак пәйгамбәрмен, миннән зарар хыянәт күрүдән иминсез.

Verse 179

ﯲﯳﯴ ﯵ ​

Аллаһудан куркыгыз, Аңа каршы барудан сакланыгыз вә минем әмерләремә итагать итегез!

Verse 180

ﯶﯷﯸﯹﯺﯻﯼﯽﯾﯿﰀﰁ ﰂ ​

Ислам шәригатен өйрәткәнем өчен сездән хак сорамыйм, минем җиһадымның әҗере галәмнәрне тәрбияләүче Аллаһу хозурындадыр.

Verse 181

ﰃﰄﰅﰆﰇﰈﰉ ﰊ ​

Алыш-биреш эшләрендә нәрсәгезне үлчәгәндә яхшылап үлчәп бетерегез, кеше зарарына ким үлчәүчеләрдән булмагыз.

Verse 182

ﰋﰌﰍ ﰎ ​

Үлчәгәндә тигез, дөрес үлчәүләр белән үлчәгез.

Verse 183

ﰏﰐﰑﰒﰓﰔﰕﰖﰗ ﰘ ​

Үлчәгәндә хыянәт итеп кеше хакына кермәгез, вә фәсәд, золым эшләрен кылмагыз, явызлыкны җир өстенә таратмагыз.

Verse 184

ﭑﭒﭓﭔﭕ ﭖ ​

Сезне вә сездән әүвәлгеләрне халык кылучы Аллаһудан куркыгыз!

Verse 185

ﭗﭘﭙﭚﭛ ﭜ ​

Мөшрикләр әйттеләр: "Син фәкать ничә кат сихерләнеп саташкан кешеләрдәнсең.

Verse 186

ﭝﭞﭟﭠﭡﭢﭣﭤﭥ ﭦ ​

Син һичкем түгел, безнең кеби бер кешесең, без сине ялганчылардансың дип уйлыйбыз

Verse 187

ﭧﭨﭩﭪﭫﭬﭭﭮﭯ ﭰ ​

әгәр син хак пәйгамбәр булсаң, безгә күктән ґәзаб иңдер!"

Verse 188

ﭱﭲﭳﭴﭵ ﭶ ​

Шөґәеб әйтте: "Аллаһ сезнең Аңа каршы эшләгән эшләрегезне беләдер, тиешле җәзасын бирер."

Verse 189

ﭷﭸﭹﭺﭻﭼﭽﭾﭿﮀﮁ ﮂ ​

Һәм алар пәйгамбәрне ялганга тоттылар, Аллаһ аларга бик каты эсселек җибәрде, соңра алар өстенә бер болыт җибәрде, алар эсселектән качып болыт астына җыелдылар, аннары шул болыттан ут явып һәммәсен һәлак итте. Бу ґәзаб олуг көннең ґәзабыдыр.

Verse 190

ﮃﮄﮅﮆﮇﮈﮉﮊﮋ ﮌ ​

Бу кавемнең һәлак булуында да гыйбрәт бар, аларның күбрәге ышанучы булмадылар.

Verse 191

ﮍﮎﮏﮐﮑ ﮒ ​

Дөреслектә синең Раббың дошманнарыннан газап белән үч алучы вә дусларына рәхмәт итүчедер.

Verse 192

ﮓﮔﮕﮖ ﮗ ​

Бу Коръән галәмнәрне тәрбия итүче Аллаһудан иңдерелгән китаптыр.

Verse 193

ﮘﮙﮚﮛ ﮜ ​

Аның белән имин булган Җәбраил фәрештә инде.

Verse 194

ﮝﮞﮟﮠﮡ ﮢ ​

Ул Җәбраил Коръәнне синең күңелеңә иңдерде, кешеләрне Аллаһ ґәзабы белән куркытучы булмаклыгың өчен.

Verse 195

ﮣﮤﮥ ﮦ ​

Коръән ачык итеп гарәб телендә иңдерелде.

Verse 196

ﮧﮨﮩﮪ ﮫ ​

Коръәндәге хәбәрләр, әлбәттә, әүвәлге китапларда да бар.

Verse 197

ﮬﮭﮮﮯﮰﮱﯓﯔﯕ ﯖ ​

Аларга Коръәнне дөресләүче дәлилләр булмадымы, Ягъкуб балаларының галимнәре Тәүратта укып Мухәммәд г-мнең сыйфатларын белгән кеби.

Verse 198

ﯗﯘﯙﯚﯛ ﯜ ​

Әгәр Коръәнне гарәб теленнән башка чит телдә иңдергән булсак,

Verse 199

ﯝﯞﯟﯠﯡﯢ ﯣ ​

аларга Коръән укылса, башка телдә булу сәбәпле, гарәбләр аңа ышанмас иделәр.

Verse 200

ﯤﯥﯦﯧﯨ ﯩ ​

Шуның кеби Коръәнне ялганга тотуны динсезләрнең күңеленә керттек.

Verse 201

ﯪﯫﯬﯭﯮﯯﯰ ﯱ ​

Инде алар иман китермәсәләр, хәтта рәнҗеткүче ґәзабны күргәнче.

Verse 202

ﯲﯳﯴﯵﯶ ﯷ ​

Аларга искәрмәстән ґәзаб килер ки, үзләре һич сизми калырлар.

Verse 203

ﯸﯹﯺﯻ ﯼ ​

Алар әйтерләр: "Ни яхшы булыр иде, безгә килгән ґәзабны туктатып, иман китереп изге гамәлләр кылырга безгә ирек бирелсә", – дип.

Verse 204

ﯽﯾ ﯿ ​

Әйә Безнең ґәзабның аларга килүен ашыктыралармы? (тәкәбберләнеп, өстебезгә таш яудыр дияләр иде.)

Verse 205

ﰀﰁﰂﰃ ﰄ ​

Күрдеңме, әгәр Без аларга күп еллар нигъмәт биреп файдаландырсак,

Verse 206

ﰅﰆﰇﰈﰉ ﰊ ​

соңра аларга вәгъдә ителмеш газап килсә,

Verse 207

ﭑﭒﭓﭔﭕﭖ ﭗ ​

алардан куып җибәрә алырмы ул ґәзабны әүвәлдә файдаланган нигъмәтләре?

Verse 208

ﭘﭙﭚﭛﭜﭝﭞ ﭟ ​

Башта хөкемнәребезне пәйгамбәр аркылы ирештермичә һичбер шәһәр кешеләрен һәлак итмәдек.

Verse 209

ﭠﭡﭢﭣ ﭤ ​

Бу аларга вәгазьдер, Без залимнәрдән булмадык ки, пәйгамбәр җибәрмичә һәлак итәр идек.

Verse 210

ﭥﭦﭧﭨ ﭩ ​

Мөшрикләр әйткәнчә, ул Коръән белән шайтаннар икмәде.

Verse 211

ﭪﭫﭬﭭﭮ ﭯ ​

Шайтаннарның Коръән белән иңмәкләре һич дөрес булмыйдыр, һәм аларның Коръән белән иңәргә ихтыярлары вә көчләре юктыр.

Verse 212

ﭰﭱﭲﭳ ﭴ ​

Тәхкыйк шайтаннар күктәге фәрештәләр сүзен ишетүдән пәрдәләнмешләрдер.

Verse 213

ﭵﭶﭷﭸﭹﭺﭻﭼﭽ ﭾ ​

Аллаһудан башканы Илаһә тота күрмәгел, югыйсә ґәзаб ителмеш кешеләрдән булырсың.

Verse 214

ﭿﮀﮁ ﮂ ​

Якыннарыңны Аллаһ ґәзабы белән куркыт.

Verse 215

ﮃﮄﮅﮆﮇﮈ ﮉ ​

Вә үзеңә ияргән мөэминнәргә рәхмәт канатыңны җай.

Verse 216

ﮊﮋﮌﮍﮎﮏﮐ ﮑ ​

Әгәр якыннарың сиңа карышып яман эштә булсалар, аларга әйт: "Мин сезнең Аллаһуга каршы булган эшләрегездән бизүчемен".

Verse 217

ﮒﮓﮔﮕ ﮖ ​

Карышканнарга ґәзаб бирергә вә итагать иткәннәргә рәхмәт кыйлырга кадир булган Аллаһуга тәвәккәл кыл.

Verse 218

ﮗﮘﮙﮚ ﮛ ​

Намазга торган вакытында Ул – Аллаһ сине күрәдер.

Verse 219

ﮜﮝﮞ ﮟ ​

Мөселманнарга имам булып сәҗдә кыйлучылар белән бергә сәҗдә кылганыңны да күрәдер.

Verse 220

ﮠﮡﮢﮣ ﮤ ​

Ул – Аллаһ сезнең сүзләрегезне ишетүче вә күңелләрегезне белүчедер.

Verse 221

ﮥﮦﮧﮨﮩﮪ ﮫ ​

Нинди юлда булган кешеләргә шайтаннарның иңгәнлеге белән хәбәр биримме?

Verse 222

ﮬﮭﮮﮯﮰ ﮱ ​

Күп ялган сөйләүчегә вә күп гөнаһлы азган кешегә иңәрләр. (Ул ялганчылар: сихерчеләр, багучылар, бидегәтчеләр, ишаннар кебиләр.)

Verse 223

ﯓﯔﯕﯖ ﯗ ​

Ул шайтаннар фәрештәләрнең сүзен урлап сихерченең, багучының, ишанның күңеленә салыр, кешеләр арасында яшерен нәрсәләрне белүчеләр булып саналсыннар өчен, шайтаннарга ияргән кешеләр ялганчылардыр.

Verse 224

ﯘﯙﯚ ﯛ ​

Хакка каршы булган шагыйрьләргә Коръән әһеле иярмәс, мәгәр ахмак вә азгын кешеләр генә иярерләр.

Verse 225

ﯜﯝﯞﯟﯠﯡﯢ ﯣ ​

Әйә аларны күрдеңме, әлбәттә, алар очраган бер бозык эшне кылырлар, пычырак күлгә чумган кеби фикердә, сүздә вә фигыльдә бозыкка чумып китәрләр.

Verse 226

ﯤﯥﯦﯧﯨ ﯩ ​

Вә алар яхшы эшне эшләмәсәләр дә, без яхшы эшне эшлибез дип, ялган сөйләрләр.

Verse 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Мәгәр иман китереп Коръән белән гамәл кылган кешеләр, ялганчы шагыйрьләргә вә кәферләргә һәм шайтанларга иярмәсләр, ул мөэминнәр Аллаһуны күп зекер итәләр, ул мөэминнәр, исламны яманлап шигырь әйтүче кәферләргә каршы исламны мактап, кәферләрне яманлап шигырьләр әйтәләр иде, алар кяферлардан золым курганнан соң Аллаһ ярдәме белән ярдәмләнделәр һәм өскә чыктылар, алга киттеләр. Ул золым итүче кәферләр тиздән белерләр, нинди урынга кайтарылачакларын!