سورة الذاريات

Tatar - Tatar translation

Tatar - Tatar translation китабыннан تتاري телендә الذاريات сүрәсенең тәрҗемәсе

Tatar - Tatar translation

الذهاب لصفحة الكتاب
Verse 1
ﯤﯥ ﯦ ​


Таратучы каты җил белән ант итәм.
Verse 2
ﯧﯨ ﯩ ​

Дәхи авыр йөкне күтәрүче болытлар илә ант итәмен, болытлар күпме су күтәреп йөриләр.
Verse 3
ﯪﯫ ﯬ ​

Дәхи дәрьяләрдә вә диңгезләрдә җиңеллек илә йөрүче кораблар илә.
Verse 4
ﯭﯮ ﯯ ​

Дәхи Аллаһуның тәкъдирләрен бүлеп кешеләргә ирештерүче фәрештәләр илә ант итеп әйтәмен:
Verse 5
ﯰﯱﯲ ﯳ ​

"Ий кешеләр сезгә вәгъдә ителгән кыямәт, кубарылу вә җәннәт, җәһәннәм хактыр.
Verse 6
ﯴﯵﯶ ﯷ ​

Хисаб вә җәза, әлбәттә, була чакдыр.
Verse 7
ﭑﭒﭓ ﭔ ​

Дәхи йолдызлар юлы булучы күк белән ант итәмен.
Verse 8
ﭕﭖﭗﭘ ﭙ ​

Ий кешеләр, Коръән хакында төрле-төрле сүздәсез, кайберләрегез Коръән сүзләренә ышаныр вә кайберләрегез ышанмас, кайберләрегез Коръән белән гамәл кылыр вә кайберләрегез Коръән белән гамәл кылмас.
Verse 9
ﭚﭛﭜﭝ ﭞ ​

Ул Коръәннән кайтарылыр, ягъни качар Аллаһуның тәкъдирендә мәхрүм ителгән кеше.
Verse 10
ﭟﭠ ﭡ ​

Ләгънәт булсын ялган сөйләп Коръәннән качучы кешеләргә.
Verse 11
ﭢﭣﭤﭥﭦ ﭧ ​

Алар үзләренең наданлыклары вә гафиллекләре белән алданучылардыр.
Verse 12
ﭨﭩﭪﭫ ﭬ ​

Алар кыямәт көне кайчан була, дип, сорыйлар.
Verse 13
ﭭﭮﭯﭰﭱ ﭲ ​

Алар кыямәт көнне утта ґәзаб кылынырлар.
Verse 14
ﭳﭴﭵﭶﭷﭸﭹ ﭺ ​

Газабыгызны татыгыз, бу ґәзаб үзегез ашыктырган ґәзабтыр.
Verse 15
ﭻﭼﭽﭾﭿ ﮀ ​

Аллаһудан куркучы гөнаһтан вә хаталыклардан сакланучы тәкъва мөэминнәр, әлбәттә, җәннәтләрдә рәхәтлек елгасы янындалардыр.
Verse 16
ﮁﮂﮃﮄﮅﮆﮇﮈﮉﮊ ﮋ ​

Алар Раббылары биргән нигъмәтләрне алучылардыр, бит алар җәннәткә кермәс борын дөньяда яхшылыкны кылучы изге мөселман иделәр.
Verse 18
ﮓﮔﮕ ﮖ ​

Алар сәхәр вакытларыңда намаз, Коръән укып Аллаһудан гафу сорый иделәр.
Verse 19
ﮗﮘﮙﮚﮛ ﮜ ​

Алар сораучы вә сорамаучы мохтаҗларга малларыннан садакалар бирә иделәр.
Verse 20
ﮝﮞﮟﮠ ﮡ ​

Җирдә дә ышанучы гакыллы кешеләр өчен галәмәтләр бардыр.
Verse 21
ﮢﮣﮤﮥﮦ ﮧ ​

Дәхи үзегезнең төзелешегездә дә галәмәтләр бардыр, әйә шуларны күрмисезме?
Verse 22
ﮨﮩﮪﮫﮬ ﮭ ​

Сезнең ризыкларыгыз күктәдер, ягъни яңгыр яуса гына ризыкларыгыз буладыр һәм сезгә вәгъдә ителгән Аллаһуның рәхмәте вә ґәзабы да күктәдер.
Verse 23
ﮮﮯﮰﮱﯓﯔﯕﯖﯗ ﯘ ​

Җир вә күкләр Раббысы белән ант итеп әйтәмен ки, ошбу әйтелгән нәрсәләр, әлбәттә, хактыр сезнең сөйләшкәнегез кеби. Ягъни кешеләр сөйләшмиләр дия алмассыз, шуның кеби Коръәннең һәр сүзе хактыр, юкка чыгара алмассыз.
Verse 24
ﯙﯚﯛﯜﯝﯞ ﯟ ​

Сиңа ирештеме Ибраһим пәйгамбәрнең хөрмәтле кунакларының хәбәре?
Verse 25
ﯠﯡﯢﯣﯤﯥﯦﯧﯨﯩ ﯪ ​

Ул кунаклар Ибраһим хозурына кергәч, сәлам, бирделәр, Ибраһим дә аларга сәлам бирде һәм күңеленнән болар ят кунаклар, танымыймын диде.
Verse 26
ﯫﯬﯭﯮﯯﯰ ﯱ ​

Ибраһим кунакларга кайда барганын белдермичә, хатыны янына аш хәзерләргә китте, бераз вакыт үткәч, симез бозау итен китерде.
Verse 27
ﯲﯳﯴﯵﯶ ﯷ ​

Ул итне кунакларның алларына якын куйды, кунаклар исә ашамадылар, чөнки алар фәрештә иделәр, ләкин Ибраһим белми иде. Ибраһим кунакларга ашамыйсызмы диде.
Verse 28
ﯸﯹﯺﯻﯼﯽﯾﯿﰀﰁﰂ ﰃ ​

Кунаклар ашамагач Ибраһимнең күңеленә курку төште, ихтимал бу кешеләр начар ният белән килгәннәрдер, дип уйлады. Кунаклар үзләренең фәрештәләр икәнне белдереп, Ибраһимгә курыкма, диделәр, һәм зур галәм буларак бер ир бала белән Ибраһимгә сөенеч бирделәр.
Verse 29
ﰄﰅﰆﰇﰈﰉﰊﰋﰌ ﰍ ​

Кунакларның сүзен ишетеп Ибраһимнең хатыны Сара кунаклар алдына тавышланып чыкты, вә йөзенә сугып әйтте: "Мин бала тапмый торган карчыкмын миндә кайдан бала булсын", – дип.
Verse 30
ﰎﰏﰐﰑﰒﰓﰔﰕﰖ ﰗ ​

Фәрештәләр әйттеләр: "Без әйткәнчә Раббың Аллаһ әйтте, тәхкыйк Ул – Аллаһ эшне белеп эшләүче вә һәрнәрсәне белүче", – дип.
Verse 31
ﭑﭒﭓﭔﭕﭖ ﭗ ​

Ибраһим җибәрелгән илчеләрдән: "Ий илчеләр, сез нинди эш белән килдегез?" – дип сорады.
Verse 32
ﭘﭙﭚﭛﭜﭝ ﭞ ​

Фәрештәләр: "Без бозыклык кылучы кавемне һәлак итәр өчен җибәрелдек,
Verse 33
ﭟﭠﭡﭢﭣ ﭤ ​

алар өстенә балчыктан ясалган ташларны яудырмак өчен,
Verse 34
ﭥﭦﭧﭨ ﭩ ​

ул ташлар Раббың, хозурында чиктән чыгып азган кавемнәрне үтерү өчен хәзерләнгән", – диделәр.
Verse 35
ﭪﭫﭬﭭﭮﭯ ﭰ ​

Без чыгардык ул шәһәрдән Лут кавеме эченнән мөэмин булган кешеләрне.
Verse 36
ﭱﭲﭳﭴﭵﭶﭷ ﭸ ​

Лут пәйгамбәр кавеме шәһәрләрендә бер генә мөселман йортын таптык, ягъни Лут пәйгамбәр йорты гына мөселман йорты иде.
Verse 37
ﭹﭺﭻﭼﭽﭾﭿ ﮀ ​

Алар яшәгән шәһәрләрдә, аларның һәлак булганлыгын күрсәтүче галәмәтләр калдырдык, рәнҗешүче Аллаһ ґәзабынннан куркучылар өчен.
Verse 38
ﮁﮂﮃﮄﮅﮆﮇﮈ ﮉ ​

Дәхи Муса пәйгамбәрдә галәмәтләр кылдык, Без аны ачык аңлатучы аятьләр белән Фиргаунгә җибәргәч,
Verse 39
ﮊﮋﮌﮍﮎﮏ ﮐ ​

Фиргаун ґәскәре белән бергә Ислам динен кабул итүдән йөз чөерде, вә әйтте: "Ул Муса сихерче яки җенләнгәндер", – дип.
Verse 40
ﮑﮒﮓﮔﮕﮖﮗ ﮘ ​

Без Фиргаунне һәм гаскәрен тоттык вә һәммәсен суга батырдык, Фиргаун суга бата башлагач, Ислам динен кабул итмәгәне өчен үзен-үзе шелтә кылган хәлдә батып һәлак булды.
Verse 41
ﮙﮚﮛﮜﮝﮞﮟ ﮠ ​

Дәхи Гад кавеменең һәлак булуында гыйбрәтләр бардыр, алар өстенә җибәрдек Без җимерүче рәхимсез җилне.
Verse 42
ﮡﮢﮣﮤﮥﮦﮧﮨﮩ ﮪ ​

Ул җил нәрсә өстенә килсә дә аны җимереп черегән сөяк кеби ясап үтәр.
Verse 43
ﮫﮬﮭﮮﮯﮰﮱﯓ ﯔ ​

Дәхи Сәмуд кавеменең һәлак булуында гыйбрәтләр бардыр, Аллаһуга дошманлык кылганнарыннан соң аларга дөньяда билгеле вакыткача файдаланыгыз диелде. Ягъни алар могъҗиза өчен бирелгән Салих пәйгамбәрнең дөясен үтерделәр, шуннан соң сезгә өч көннән ґәзаб килә диелде.
Verse 44
ﯕﯖﯗﯘﯙﯚﯛﯜ ﯝ ​

Алар Раббыларының әмереннән баш тарттылар ягъни аятькә вә пәйгамбәргә иман китермәделәр шуның өстенә дөяне дә үтерделәр. Алар ґәзабның килгәнен карап торган вакытларында, аларны бер тавыш тотты һәм һәлак итте.
Verse 45
ﯞﯟﯠﯡﯢﯣﯤ ﯥ ​

Урыннарыннан торырга көчләре җитмәде һәм бер-берсенә ярдәм дә итә алмадылар.
Verse 46
ﯦﯧﯨﯩﯪﯫﯬﯭﯮ ﯯ ​

Бу һәлак булган кавемнәрдән элек Нух пәйгамбәр кавеменең Туфан суы белән һәлак булуында да зур гыйбрәт бардыр, тәхкыйк алар азган фәсыйк кавем булдылар.
Verse 47
ﯰﯱﯲﯳﯴ ﯵ ​

Без күкне куәт вә кодрәт илә бина кылдык, тәхкыйк Без барча мәхлукның ризыкларын киң кылучыбыз.
Verse 48
ﯶﯷﯸﯹ ﯺ ​

Җирне яшәргә һәр мәхлукка яраклы итеп түшәдек, ни хуш түшәүчеләрдәнбез.
Verse 49
ﯻﯼﯽﯾﯿﰀﰁ ﰂ ​

Барча нәрсәне парлы ирле-хатынлы итеп яраттык, шаять вәгазьләнеп гакыл фикерләрегезне эшләтеп яратучы Аллаһ Үзе генә икәнлеген, вә һәр мәхлук Аллаһ тарафыннан яратылганлыгын белерсез.
Verse 50
ﰃﰄﰅﰆﰇﰈﰉﰊﰋ ﰌ ​

Дөньяның алдавыннан Аллаһ юлына, Аллаһуга гыйбадәткә качыгыз, дөреслектә мин Аллаһудан, ий кешеләр, сезнең өчен җибәрелгән ачык куркытучымын.
Verse 51
ﰍﰎﰏﰐﰑﰒﰓﰔﰕﰖﰗﰘ ﰙ ​

Хак булган Аллаһуга икенче Илаһәне шәрик тиңдәш итмәгез, әлбәттә, мин Аллаһудан сезнең өчен җибәрелгән ачык куркытучымын.
Verse 52
ﭑﭒﭓﭔﭕﭖﭗﭘﭙﭚﭛﭜﭝ ﭞ ​

Ий Мухәммәд г-м, сине сихерче, мәҗнун дигәннәре кеби, синең кавемеңнән әүвәлге кавемнәргә килмәде һичбер расүл мәгәр килде исә, ул расүлгә әйттеләр: "Бу кеше сихерчедер яки җенләнгәндер", – дип.
Verse 53
ﭟﭠﭡﭢﭣﭤﭥ ﭦ ​

Әйә алар бу яраксыз батыл сүзләре белән бер-берсенә васыять кылып иттифак кылалармы? Бәлки алар байлык белән чиктән чыгып азган кавемнәрдер.
Verse 54
ﭧﭨﭩﭪﭫ ﭬ ​

Син алардан кисел, аларның шул хәлдә булулары өчен сиңа һич шелтә юктыр.
Verse 55
ﭭﭮﭯﭰﭱ ﭲ ​

Кешеләрне вәгазьлә, Аллаһ хөкемнәрен ирештер вә Коръән белән гамәл кылырга чакыр тәхкыйк Коръән вәгазе ышанучыларга файда бирәдер.
Verse 56
ﭳﭴﭵﭶﭷﭸ ﭹ ​

Кеше илә җенне халык кылмадым, мәгәр Миңа гыйбадәт кылсыннар өчен генә халык кылдым.
Verse 57
ﭺﭻﭼﭽﭾﭿﮀﮁﮂ ﮃ ​

Мин кешеләрдән һич ризык теләмим, ягъни сорамыйм, дәхи Мине ризыкландыруларын да сорамыйм.
Verse 58
ﮄﮅﮆﮇﮈﮉﮊ ﮋ ​

Шиксез, Ул – Аллаһ барча мәхлукатны бик ризыкландыручы вә бик олугъ куәт ияседер.
Verse 59
ﮌﮍﮎﮏﮐﮑﮒﮓﮔ ﮕ ​

Тәхкыйк төрле залимнәр өчен үзләре кеби бер юлда булган залим юлдашларының ґәзабыннан өлеш бардыр, ягъни бер юлда булган залимнәрнең әүвәлгеләренә нинди ґәзаб булса, ахыргыларына да шундый ґәзаб булыр, алар ашыкмасыннар әле ґәзабны күтәрергә, өлгерерләр.
Verse 60
ﮖﮗﮘﮙﮚﮛﮜ ﮝ ​

Коръән белән гамәл кылып мөселман булудан баш тартып кәфер булган кешеләргә ни үкенеч, ни хурлык, һәлакәтлектер аларга вәгъдә ителмеш кыямәт көнендә, ягъни тиешле булган ґәзабларына кыямәт көнендә ирешерләр.
تقدم القراءة