سورة المدثر

Burhan Muhammad - Kurdish translation

وەرگێڕانی سورەتی المدّثر بە الكردية لە Burhan Muhammad - Kurdish translation

Burhan Muhammad - Kurdish translation

الذهاب لصفحة الكتاب
Verse 1
ﮪﮫ ﮬ ​


ئه‌ی ئه‌و که‌سه‌ی خۆت پێچاوه‌ته‌وه‌، ئه‌ی محمد صلی الله علیه وسلم
Verse 2
ﮭﮮ ﮯ ​

هه‌سته‌و خه‌ڵکی بێداربکه‌ره‌وه (ڕاستیه‌کان ڕوون بکه‌ره‌وه‌).
Verse 3
ﮰﮱ ﯓ ​

په‌روه‌ردگارت به گه‌وره ناوببه (الله اکبر، با دروشمت بێت، مه‌زنی ئه‌و زاته ڕوون بکه‌ره‌وه‌).
Verse 4
ﯔﯕ ﯖ ​

پۆشاکت (دڵ و ده‌روونت، ڕه‌فتارت، هه‌ر هه‌مووی) خاوێن بکه (خۆت و شوێنکه‌وتووانت).
Verse 5
ﯗﯘ ﯙ ​

به‌رده‌وام به له‌سه‌ر واز هێنان له گوناه.
Verse 6
ﯚﯛﯜ ﯝ ​

منه‌تیش مه‌که (به‌سه‌ر که‌سدا) چاکه‌و به‌خشینه‌کانت به‌زۆر مه‌زانه له کاتێکدا به‌ته‌مای زیاتر بیت.
Verse 7
ﯞﯟ ﯠ ​

هه‌وڵ بده له‌به‌ر خاترو ڕێزی په‌روه‌ردگارت خۆگرو ئارامگربه‌.
Verse 8
ﯡﯢﯣﯤ ﯥ ​

جا کاتێك فوو ده‌کرێت به (صور) داو ده‌زگای تایبه‌تی لێ ده‌درێت.
Verse 9
ﯦﯧﯨﯩ ﯪ ​

ئه‌و ڕۆژه ڕۆژێکی زۆر گران و سه‌خته (که به‌سه‌ر دانیشتوانی زه‌ویدا دێت).
Verse 10
ﯫﯬﯭﯮ ﯯ ​

له‌سه‌ر کافران هیچ ئاسان نی یه (به‌ڵکو زۆر سه‌غڵه‌تیان ده‌کات).
Verse 11
ﯰﯱﯲﯳ ﯴ ​

واز له من و ئه‌و که‌سه بهێنه که به‌ته‌نهایی (تاقانه‌) دروستم کردووه (هیچی نه‌بوو، که وه‌لیدی کوڕی موغه‌یره‌یه‌).
Verse 12
ﯵﯶﯷﯸ ﯹ ​

له‌وه‌ودوا ماڵ و سامانی زۆرو زه‌به‌نده‌م پێبه‌خشی.
Verse 13
ﯺﯻ ﯼ ​

چه‌نده‌ها کوڕو نه‌وه‌ش که هه‌میشه ئاماده‌ن له نزیکیدا.
Verse 14
ﯽﯾﯿ ﰀ ​

له هه‌موو که‌ل و په‌ل و نازو نیعمه‌تێك به‌هره‌وه‌رم کرد.
Verse 15
ﰁﰂﰃﰄ ﰅ ​

له پاش ئه‌وه‌ش به‌ته‌مایه بۆی زیاتر بکه‌م.
Verse 16
ﰆﰇﰈﰉﰊﰋ ﰌ ​

نه‌خێر، به‌ڕاستی ئه‌و به‌رامبه‌ر فه‌رمانه‌کانی ئێمه هه‌ر سه‌رکه‌ش و که‌لله ڕه‌ق و سه‌رسه‌خته‌.
Verse 17
ﰍﰎ ﰏ ​

ئه‌وسا سزای سه‌ختی پێ ئه‌چێژم.
Verse 18
ﰐﰑﰒ ﰓ ​

به‌ڕاستی ئه‌و بیری کرده‌وه‌و په‌یامه‌که‌ی هه‌ڵسه‌نگاند (به‌ڵام به‌هه‌ڵه‌).
Verse 19
ﭑﭒﭓ ﭔ ​

به‌کوشت چێ و سه‌ره‌و نگوون بێت، چۆن هه‌ڵسه‌نگاندنێکی کرد.
Verse 20
ﭕﭖﭗﭘ ﭙ ​

پاشان هه‌ر به‌کوشت بچێت بۆ خۆی و هه‌ڵسه‌نگاندنێك که کردی بۆ قورئان.
Verse 21
ﭚﭛ ﭜ ​

ئینجا بیری لێ کرده‌وه‌و ورد بۆوه‌و ته‌ماشای ده‌وروبه‌ری کرد.
Verse 22
ﭝﭞﭟ ﭠ ​

ئینجا ناوچاوی هێنایه‌وه یه‌ك (وه‌ك یه‌کێك به‌قووڵی بیربکاته‌وه‌) ڕه‌ش داگیرسا.
Verse 23
ﭡﭢﭣ ﭤ ​

پاشان ڕووی وه‌رگێڕاو خۆی به‌زلزانی.
Verse 24
ﭥﭦﭧﭨﭩﭪ ﭫ ​

به‌هه‌موو عه‌قڵیه‌وه وتی!! ئه‌م قورئانه جگه جادوو نه‌بێت که وه‌رده‌گیرێت هیچی تر نی یه‌!!...
Verse 25
ﭬﭭﭮﭯﭰ ﭱ ​

ئه‌مه هه‌ر قسه‌ی به‌شه‌ره و هیچی تر نی یه‌؟!
Verse 26
ﭲﭳ ﭴ ​

(ئه‌و بێ ویژدانه به‌سه‌ریه‌وه ناچێت) ده‌بێت بیگه‌یه‌نمه ناو دۆزه‌خ.
Verse 28
ﭺﭻﭼﭽ ﭾ ​

هیچ ئه‌ندامێك ناهێڵێته‌وه‌و ده‌ست هه‌ڵناگرێت...
Verse 29
ﭿﮀ ﮁ ​

پێستیان هه‌ڵده‌قرچێنێت و ڕه‌شی ده‌کات و ده‌ری ده‌خات.
Verse 30
ﮂﮃﮄ ﮅ ​

نۆزده فریشته سه‌رپه‌رشتی دۆزه‌خ ده‌که‌ن.
Verse 31
ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣ ﯤ ​

جا ئێمه وه‌نه‌بێت کار گوزارانی دۆزه‌خمان له که‌سانی تر جگه له فریشته به‌دی هێنابێت، ئه‌و ژماره‌یه‌شمان ته‌نها بۆ تاقیکردنه‌وه دیاری کردووه بۆ ئه‌وانه‌ی که بێ باوه‌ڕ بوون، هه‌روه‌ها بۆ ئه‌وه‌ی ئه‌وانه‌ی کتێبیان پێدراوه دڵنیابن له ڕاستی ئه‌م قورئانه (چونکه له ته‌ورات و ئینجیلدا ئه‌و باسه هه‌یه‌) و بۆ ئه‌وه‌ش که ئیمانداران زیاتر باوه‌ڕیان دامه‌زراو بێت و ئه‌وانه‌ش که کتێبیان پێدراوه ئیماندارانیش حه‌ق نیه تووشی دوو دڵی ببن، با ئه‌وانه‌ی دڵ و ده‌روونیان نه‌خۆشه له دووڕووه‌کان و بێ باوه‌ڕان هه‌ر بۆ خۆیان قسه بکه‌ن و بڵێن: نیازی خوا چی یه به‌م ژماره‌یه‌؟ به‌و شێوه‌یه باسکرا خوا هه‌ر که‌سێکی بوێت گومڕای ده‌کات، هه‌ر که‌سێکیشی بوێت ڕێنموویی ده‌کات، که‌س ژماره‌ی سه‌ربازانی په‌روه‌ردگارت نازانێت جگه له زاتی خۆی، ئه‌و ئایه‌ت و فه‌رموودانه ته‌نها په‌ندو ئامۆژگارین بۆ ئاده‌می.
Verse 32
ﯥﯦ ﯧ ​

نه‌خێر، سوێند به مانگ (ئه‌و خه‌ڵکه چاك هه‌ستی پێ ناکه‌ن).
Verse 33
ﯨﯩﯪ ﯫ ​

به شه‌ویش کاتێك که تێ په‌ڕی (زۆربه‌یان باوه‌ڕیان به قیامه‌ت نیه‌).
Verse 34
ﯬﯭﯮ ﯯ ​

به به‌ره‌به‌یان کاتێك که خۆی ده‌نوێنێت.. (زۆربه‌ی خه‌ڵکی غافڵه‌)
Verse 35
ﯰﯱﯲ ﯳ ​

به‌ڕاستی_سه‌قه‌ر_ یه‌کێکه له شته سامناك و گه‌وره‌کان.
Verse 36
ﯴﯵ ﯶ ​

بۆ ترساندنی سه‌رجه‌م خه‌ڵکانه‌.
Verse 37
ﯷﯸﯹﯺﯻﯼﯽ ﯾ ​

جا ئیتر ئه‌وه‌ی ده‌یه‌وێت با به‌ره‌و پێش بچێت (پێشبڕکێ بکات له چاکه‌کاریدا) یان خۆی دوا بخات (له‌و بواره‌دا).
Verse 38
ﯿﰀﰁﰂﰃ ﰄ ​

چونکه له قیامه‌تدا هه‌موو که‌س بارمته‌ی ده‌ستپێشکه‌ری خۆیه‌تی (کرده‌وه‌کانی دێنه‌وه ڕێی).
Verse 39
ﰅﰆﰇ ﰈ ​

جگه له ده‌سته‌ی ڕاستان و ئیماندارانی کرده‌وه چاك.
Verse 40
ﰉﰊﰋ ﰌ ​

له‌ناو به‌هه‌شته‌کاندان و پرسیار ده‌که‌ن له یه‌کتر...
Verse 41
ﰍﰎ ﰏ ​

له باره‌ی تاوانبارانه‌وه‌...
Verse 42
ﰐﰑﰒﰓ ﰔ ​

ئه‌وه چی بوو ئێوه‌ی ڕاپێچی دۆزه‌خ کرد؟!
Verse 43
ﰕﰖﰗﰘﰙ ﰚ ​

به که‌ساسیه‌وه ده‌ڵێن: ئێمه له نوێژگه‌ران نه‌بووین...
Verse 44
ﰛﰜﰝﰞ ﰟ ​

خۆراکمان به هه‌ژاران نه‌ده‌به‌خشی...
Verse 45
ﰠﰡﰢﰣ ﰤ ​

ئێمه له‌گه‌ڵ ده‌م درێژو بێ ئابڕووه‌کاندا قسه‌ی خۆمان ده‌کردو له بابه‌تی ئه‌وانمان ده‌گوت و ڕه‌خنه‌ی بێ جێمان ده‌گرت له گه‌ڵیان ڕۆده‌چووین.
Verse 46
ﰥﰦﰧﰨ ﰩ ​

ئێمه بڕوامان به ڕۆژی پاداشت نه‌بوو.
Verse 47
ﰪﰫﰬ ﰭ ​

هه‌تا مردن یه‌خه‌ی پێگرتن و ڕۆژگاری ته‌مه‌نمان کۆتایی هات.
Verse 48
ﭑﭒﭓﭔ ﭕ ​

که‌واته ئیتر تکای تکاکاران سوودیان پێ ناگه‌یه‌نێت.
Verse 49
ﭖﭗﭘﭙﭚ ﭛ ​

باشه‌، ئه‌وه بۆچی له یادخستنه‌وه پشت هه‌ڵده‌که‌ن و ڕوو وه‌رده‌گێڕن.
Verse 50
ﭜﭝﭞ ﭟ ​

ده‌ڵێی گه‌له گوێدرێژی کێوین و ده‌سڵه‌مێنه‌وه‌...
Verse 52
ﭤﭥﭦﭧﭨﭩﭪﭫﭬ ﭭ ​

به‌ڵکو هه‌ریه‌ك له‌وان ده‌یه‌وێت له ئاسمانه‌وه چه‌نده‌ها نامه‌ی کراوه‌ی بۆ بێت؟
Verse 53
ﭮﭯﭰﭱﭲﭳ ﭴ ​

نه‌خێر ئه‌وانه به‌هیچ شتێك داناچڵه‌کێن به‌ڵکو له دواڕۆژ ناترسن.
Verse 54
ﭵﭶﭷ ﭸ ​

نه‌خێر ئه‌وانه به‌سه‌ریانه‌وه ناچێت، چونکه ئه‌و قورئانه ئامۆژگاریه‌.
Verse 55
ﭹﭺﭻ ﭼ ​

جا ئه‌وه‌ی ده‌یه‌وێت با یادی بگرێت و شوێنی بکه‌وێت (چه‌ندی توانی له‌به‌ری بکات).
Verse 56
ﭽﭾﭿﮀﮁﮂﮃﮄﮅﮆﮇﮈ ﮉ ​

جا ئه‌و خه‌ڵکه یاداوه‌ری وه‌رناگرێت و بیر له‌م ڕاستیانه ناکاته‌وه مه‌گه‌ر ویستی خوای له‌سه‌ر بێت (که له‌گه‌ڵ ویستی ئینسانه به‌خته‌وه‌ره‌کاندا یه‌ك ده‌که‌وێت) جا هه‌ر ئه‌و زاته‌ش شایسته‌ی ئه‌وه‌یه که خه‌ڵکی حسابی بۆ بکه‌ن و له خه‌شمی بترسن و هه‌ر ئه‌ویش له خۆی گرتووه که لێخۆشبوو بێت (له ئیماندارانی گوناهبار، کاتێك ته‌وبه ده‌که‌ن).
تقدم القراءة