ترجمة معاني سورة الحجر باللغة الأذرية من كتاب الترجمة الأذرية
علي خان موساييف
آية رقم 1
1. Əlif. Ləm. Ra. Bunlar Kitabın və açıq-aydın Quranın ayələridir.
آية رقم 2
2. Kafirlər mütləq müsəlman olmalarını arzulayacaqlar.
آية رقم 3
3. Qoy onlar bir müddət yeyib-içsinlər, əylənsinlər və xam xəyallar onların başlarını qatsın. Tezliklə biləcəklər.
آية رقم 4
4. Məhv etdiyimiz hər bir diyarın məlum bir yazısı var idi (həlak olacaqları vaxt əvvəlcədən müəyyən edilmişdi).
آية رقم 5
5. Heç bir ümmət öz əcəlini nə qabaqlaya bilər, nə də yubada bilər.
آية رقم 6
6. Kafirlər dedilər: “Ey özünə Zikr nazil edilən kəs! Doğrudan da, sən dəlisən.
آية رقم 7
7. Əgər doğru danışanlardansansa, nəyə görə dediyinə şahidlik edə bilən mələkləri bizə gətirmirsən?”
آية رقم 8
8. Biz mələkləri ancaq haqqı bərqərar etmək üçün endiririk. O zaman kafirlərə möhlət verilməz.
آية رقم 9
9. Şübhəsiz ki, Zikri Biz nazil etdik, əlbəttə, Biz də onu qoruyacağıq.
آية رقم 10
10. Biz səndən öncə də əvvəlki millətlərə elçilər göndərmişdik.
آية رقم 11
11. Onlara elə bir elçi gəlməzdi ki, ona istehza etməsinlər.
آية رقم 12
ﮰﮱﯓﯔﯕ
ﯖ
12. Beləcə, Biz küfrü günahkarların qəlbinə yeridirik.
آية رقم 13
13. Onlar hələ də Qurana inanmırlar. Halbuki əvvəlkilərin başına gələnlər onlara bəllidir.
آية رقم 14
14. Əgər onlara göydən bir qapı açsaydıq və onlar dayanmadan oraya qalxsaydılar,
آية رقم 15
15. yenə də inanmayıb: “Gözlərimiz dumanlanmış, daha doğrusu biz sehrlənmişik”– deyərdilər.
آية رقم 16
16. Biz səmada bürclər yaratdıq və onu baxanlar üçün bəzədik.
آية رقم 17
ﭙﭚﭛﭜﭝ
ﭞ
17. Onları qovulmuş hər bir şeytandan qoruduq.
آية رقم 18
18. Ancaq şeytanlardan kim göy əhlinin danışıqlarına xəlvətcə qulaq assa, onu yandırıb yaxan alov təqib edər.
آية رقم 19
19. Biz yeri döşədik, orada möhkəm dağlar yerləşdirdik və orada hər şeydən lazım olduğu qədər yetişdirdik.
آية رقم 20
20. Orada həm sizin üçün, həm də sizin ruzi vermədikləriniz üçün dolanışıq vasitələri yaratdıq.
آية رقم 21
21. Elə bir şey yoxdur ki, onun xəzinələri Bizdə olmasın. Biz onu ancaq müəyyən ölçüdə endiririk.
آية رقم 22
22. Biz küləkləri dölləndirici – buludlarda su əmələ gətirən, bitkiləri tozlandıran bir vasitə kimi göndərdik, göydən yağmur yağdırıb onu sizə içirtdik. Belə olmasaydı, siz onu yığıb saxlaya bilməzdiniz.
آية رقم 23
ﮕﮖﮗﮘﮙﮚ
ﮛ
23. Şübhəsiz ki, Biz həm dirildir, həm də öldürürük və hər şeyə varis olan da Bizik.
آية رقم 24
24. Həqiqətən, sizdən əvvəl gəlib-gedənləri də bilirik, sonra kimlərin gələcəyini də bilirik.
آية رقم 25
25. Həqiqətən, Rəbbin onları bir yerə toplayacaq. Çünki O, hikmət sahibidir, hər şeyi biləndir.
آية رقم 26
26. Biz insanı başqa şəklə düşmüş qara palçıqdan, toxunduqda saxsı kimi səs çıxaran quru gildən yaratdıq.
آية رقم 27
27. Cinləri isə daha öncə qızmar alovdan yaratmışdıq.
آية رقم 28
28. Bir zaman Rəbbin mələklərə dedi: “Mən başqa şəklə düşmüş qara palçıqdan, toxunduqda saxsı kimi səs çıxaran quru gildən insan yaradacağam!
آية رقم 29
29. Mən ona biçim verib Öz ruhumdan üfürdüyüm zaman siz ona səcdə edin!”
آية رقم 30
ﯶﯷﯸﯹ
ﯺ
30. Mələklərin hamısı ona səcdə etdilər.
آية رقم 31
31. Yalnız İblisdən başqa. O, səcdə edənlər arasında olmaqdan imtina etdi.
آية رقم 32
32. Allah dedi: “Ey İblis! Nə üçün sən səcdə edənlər arasında deyilsən?”
آية رقم 33
33. İblis dedi: “Sənin, başqa şəklə düşmüş qara palçıqdan, toxunduqda saxsı kimi səs çıxaran quru gildən yaratdığın insana səcdə etmək mənə yaraşmaz!”
آية رقم 34
ﭦﭧﭨﭩﭪ
ﭫ
34. Allah dedi: “Oradan çıx! Artıq sən qovuldun.
آية رقم 35
ﭬﭭﭮﭯﭰﭱ
ﭲ
35. Haqq-hesab gününə qədər sənə lənət olacaqdır”.
آية رقم 36
ﭳﭴﭵﭶﭷﭸ
ﭹ
36. İblis dedi: “Ey Rəbbim! Onların dirildiləcəkləri günə qədər mənə möhlət ver”.
آية رقم 37
ﭺﭻﭼﭽ
ﭾ
37. Allah dedi: “Sən möhlət verilənlərdənsən.
آية رقم 38
ﭿﮀﮁﮂ
ﮃ
38. Ancaq məlum vaxtın gününə qədər”.
آية رقم 39
39. İblis dedi: “Ey Rəbbim! Sən məni yoldan çıxartdığına görə, mən də yer üzündə onlara pis işləri gözəl göstərib onların hamısını azdıracağam.
آية رقم 40
ﮏﮐﮑﮒ
ﮓ
40. Yalnız Sənin seçilmiş, ixlaslı qullarından başqa”.
آية رقم 41
ﮔﮕﮖﮗﮘ
ﮙ
41. Allah dedi: “Bu, Mənə tərəf gətirib çıxaran düz yoldur.
آية رقم 42
42. Şübhəsiz ki, qullarım üzərində sənin heç bir hökmün yoxdur. Yalnız sənə uyan azğınlardan başqa”.
آية رقم 43
ﮦﮧﮨﮩ
ﮪ
43. Həqiqətən, Cəhənnəm onların hamısına vəd olunmuş yerdir.
آية رقم 44
44. Onun yeddi qapısı var. Hər qapı üçün onlardan müəyyən bir dəstə təyin olunmuşdur.
آية رقم 45
ﯕﯖﯗﯘﯙ
ﯚ
45. Sözsüz ki, müttəqilər cənnətlərdə və çeşmələr başında olacaqlar.
آية رقم 46
ﯛﯜﯝ
ﯞ
46. Onlara deyiləcək: “Oraya sağ-salamat və xatircəmliklə daxil olun!”
آية رقم 47
47. Biz onların köksündəki kin-küdurəti çıxarıb kənar etdik. Onlar taxtlar üstündə qarşı-qarşıya oturan qardaşlar olacaqlar.
آية رقم 48
48. Onlara orada heç bir yorğunluq toxunmayacaq və onlar oradan çıxarılmayacaqlar.
آية رقم 49
49. Qullarıma xəbər ver ki, Mən Bağışlayanam, Rəhmliyəm.
آية رقم 50
ﯻﯼﯽﯾﯿ
ﰀ
50. Əzabım isə ağrılı-acılı əzabdır.
آية رقم 51
ﰁﰂﰃﰄ
ﰅ
51. Onlara İbrahimin qonaqları barəsində də xəbər ver.
آية رقم 52
52. O zaman onlar İbrahimin yanına daxil olub: “Salam!”– dedilər. İbrahim: “Biz sizdən ehtiyat edirik!”– dedi.
آية رقم 53
53. Mələklər: “Qorxma! Həqiqətən, biz səni bilikli bir oğulla müjdələyirik!”– dedilər.
آية رقم 54
54. İbrahim dedi: “Qocalıq məni haqladığı bir vaxtda mənə müjdə verirsiniz? Məni nə ilə müjdələyirsiniz?”
آية رقم 55
55. Onlar dedilər: “Biz sənə həqiqətlə müjdə veririk. Sən ümidini üzənlərdən olma!”
آية رقم 56
56. İbrahim dedi: “Doğru yoldan azanlardan başqa Rəbbinin mərhəmətindən kim ümidini üzər?”
آية رقم 57
ﭽﭾﭿﮀﮁ
ﮂ
57. İbrahim dedi: “Ey elçilər! Vəzifəniz nədir?”
آية رقم 58
ﮃﮄﮅﮆﮇﮈ
ﮉ
58. Onlar dedilər: “Biz günahkar adamları məhv etməyə göndərilmişik;
آية رقم 59
ﮊﮋﮌﮍﮎﮏ
ﮐ
59. yalniz Lutun ailəsindən başqa. Biz onların hamısını xilas edəcəyik.
آية رقم 60
ﮑﮒﮓﮔﮕﮖ
ﮗ
60. Lutun arvadından başqa. Biz onun geridə əzab içində qalanlardan olmasına qərar verdik”.
آية رقم 61
ﮘﮙﮚﮛﮜ
ﮝ
61. Elçilər Lut əhlinin yanına gəldikdə
آية رقم 62
ﮞﮟﮠﮡ
ﮢ
62. o dedi: “Siz yad adamlarsınız!”
آية رقم 63
63. Onlar dedilər: “Xeyr, biz sənin yanına onların şübhə etdiyi əzab ilə gəlmişik.
آية رقم 64
ﮫﮬﮭﮮ
ﮯ
64. Biz sənin yanına doğru xəbərlə gəlmişik. Həqiqətən də, biz doğru danışanlarıq.
آية رقم 65
65. Gecənin bir vaxtı ailəni yola çıxart və özün də onların arxasınca get. Sizdən heç kəs çevrilib arxaya baxmasın. Sizə əmr olunan yerə yollanın”.
آية رقم 66
66. Biz ona vəhy etdik ki, sübh çağı onların kökü kəsiləcək.
آية رقم 67
ﯪﯫﯬﯭ
ﯮ
67. Şəhər əhalisi bir-birini muştuluqlayaraq onun yanına gəldilər.
آية رقم 68
ﯯﯰﯱﯲﯳﯴ
ﯵ
68. Lut dedi: “Bunlar mənim qonaqlarımdır. Məni biabır etməyin!
آية رقم 69
ﯶﯷﯸﯹ
ﯺ
69. Allahdan qorxun və məni hörmətdən salmayın!”
آية رقم 70
ﯻﯼﯽﯾﯿ
ﰀ
70. Onlar dedilər: “Məgər biz sənə bura gələn adamları qonaq saxlamağı qadağan etməmişik?”
آية رقم 71
ﭑﭒﭓﭔﭕﭖ
ﭗ
71. O dedi: “Bunlar mənim qızlarımdır! Əgər istəyirsinizsə, onlarla evlənin!”
آية رقم 72
ﭘﭙﭚﭛﭜ
ﭝ
72. Ey Muhəmməd! Sənin canına and olsun ki, onlar sərxoşluqları içində veyl-veyl gəzirdilər.
آية رقم 73
ﭞﭟﭠ
ﭡ
73. Günəş doğanda qorxunc səs onları yaxaladı.
آية رقم 74
74. Oranın altını üstünə çevirdik və onların üzərinə odda bişmiş gil daşlar yağdırdıq.
آية رقم 75
ﭫﭬﭭﭮﭯ
ﭰ
75. Şübhəsiz ki, bunda başa düşənlər üçün dəlillər vardır.
آية رقم 76
ﭱﭲﭳ
ﭴ
76. Həqiqətən, onlar Məkkədən Şama gedən yolun üstündə yaşayırdılar.
آية رقم 77
ﭵﭶﭷﭸﭹ
ﭺ
77. Şübhəsiz ki, bunda möminlər üçün dəlillər vardır.
آية رقم 78
ﭻﭼﭽﭾﭿ
ﮀ
78. Əykə əhli də zalım idi.
آية رقم 79
ﮁﮂﮃﮄﮅ
ﮆ
79. Onlardan da intiqam aldıq. Hər iki kənd aydın görünən yol üzərində yerləşirdi.
آية رقم 80
ﮇﮈﮉﮊﮋ
ﮌ
80. Hicr əhli də elçiləri yalançı saydı.
آية رقم 81
ﮍﮎﮏﮐﮑ
ﮒ
81. Biz onlara ayələrimizi göndərdik, lakin onlar bu ayələrdən üz döndərdilər.
آية رقم 82
ﮓﮔﮕﮖﮗﮘ
ﮙ
82. Onlar təhlükəsizlikdə qalmaq üçün dağlarda evlər yonurdular.
آية رقم 83
ﮚﮛﮜ
ﮝ
83. Onları sübh çağı qorxunc səs yaxaladı.
آية رقم 84
ﮞﮟﮠﮡﮢﮣ
ﮤ
84. Qazandıqları dünya malı isə onlara heç bir fayda vermədi.
آية رقم 85
85. Biz göyləri, yeri və onların arasında olanları yalnız haqq olaraq yaratdıq. O Saat mütləq gələcəkdir. Odur ki, Sən onları gözəl tərzdə bağışla.
آية رقم 86
ﯗﯘﯙﯚﯛ
ﯜ
86. Həqiqətən, Rəbbin Yaradandır, Biləndir.
آية رقم 87
87. Biz sənə təkrarlanan yeddi ayəni və əzəmətli Quranı verdik.
آية رقم 88
88. Onların bəzi təbəqələrinə verdiyimiz fani dünya malına gözünü dikmə, onlara görə kədərlənmə, möminlərlə yumşaq davran
آية رقم 89
ﯵﯶﯷﯸﯹ
ﯺ
89. və de: “Şübhəsiz ki, mən açıq-aşkar bir xəbərdar edənəm!”
آية رقم 90
ﯻﯼﯽﯾ
ﯿ
90. Biz Quranı bölənlərə də beləcə əzab endirmişdik.
آية رقم 91
ﭑﭒﭓﭔ
ﭕ
91. Onlar Quranı hissələrə böldülər (bir qisminə inanıb, digər qismini inkar etdilər).
آية رقم 92
ﭖﭗﭘ
ﭙ
92. Rəbbinə and olsun ki, Biz onların hamısından soruşacağıq –
آية رقم 93
ﭚﭛﭜ
ﭝ
93. törətdikləri əməllər barəsində.
آية رقم 94
ﭞﭟﭠﭡﭢﭣ
ﭤ
94. Sənə buyurulanı açıq-aşkar bəyan et və müşriklərdən üz çevir.
آية رقم 95
ﭥﭦﭧ
ﭨ
95. Sözsüz ki, istehza edənlərə qarşı Biz sənə yetərik.
آية رقم 96
96. O kəslər ki, Allaha başqa məbudu şərik qoşurlar. Onlar tezliklə biləcəklər.
آية رقم 97
97. Biz onların dediklərindən sənin qəlbinin daraldığını bilirik.
آية رقم 98
ﭻﭼﭽﭾﭿﮀ
ﮁ
98. Sən həmd-səna ilə Rəbbini təriflə və səcdə edənlərdən ol!
آية رقم 99
ﮂﮃﮄﮅﮆ
ﮇ
99. Sənə ölüm gələnədək Rəbbinə ibadət et.
تقدم القراءة