Surah Al Balad Translation in Тоҷикӣ

سورة البلد

الترجمة الطاجيكية

1. (Аллоҳ савганд ёд мекунад:) Савганд ба ин шаҳр (ва он Макка аст).

2. Ва шаҳре, ки ту сокини он ҳастӣ

3. Ва савганд ба падар ва фарзанде, ки ба вуҷуд овард, (яъне, ба падари башарият, Одам алайҳиссалом ва фарзандони ӯ).

4. Ҳамоно, ки одамиро дар ранҷу меҳнат биёфаридаем.

5. Оё мепиндорад, бо он чӣ аз мол ҷамъ намуд, ки касе бар ӯ тавоно нагардад?

6. Фахр карда мегӯяд: «Моли фаровонеро харҷ кардам!»

7. Оё мепиндорад, ки касе ӯро надидааст?

8. Оё барои ӯ ду чашм наёфаридаем?

9. Ва забону ду лабро наёфаридаем?

10. Ва оё барои вай роҳи неку бадро баён накардаем?

11. Пас ин шахси худсито ҳоло ба гузаргоҳи душвор дарнаёмадааст?

12. Ва ту чӣ донӣ, ки гузаргоҳи сахт чист ва ба гузаштани он чӣ мадад мерасонад?

13. Озод кардани ғуломи мӯъмин аст,

14. ё таъом додан дар рӯзи гуруснагӣ,

15. ба ятиме, ки хешованд бошад, ки ҳам садақа мешавад ва силаи раҳм ба ҷо меояд,

16. ё ба мискини хокнишине, (яъне, бенавое, ки ҳеҷ чиз надорад).

17. Баъд, аз он бошад, аз гурӯҳи онҳое, ки имон овардаанд ба Аллоҳу Паёмбар ва васият карданд якдигарро ба сабр намудан бар тоъати Аллоҳ ва сабр аз нофармониҳои
Ӯ ва тавсия намуданд якдигарро ба шафқату меҳрубонӣ ба бандагони Аллоҳ.

18. Онон, ки чунин афъолро иҷро намуданд, инҳо аҳли саъодатанд.

19. Ва касоне, ки ба оёти Мо кофир шуданд, инҳо бадбахтонанд.

20. Насиби онҳост оташе, ки аз ҳар сӯ сараш пӯшидааст.

تقدم القراءة

ترجمة سورة البلد

سورة البلد

ترجمة معاني سورة البلد باللغة الطاجيكية من كتاب الترجمة الطاجيكية

الترجمة الطاجيكية

الترجمة الطاجيكية