Page 592
هَلۡ أَتَىٰكَ حَدِيثُ ٱلۡغَٰشِيَةِ ١
१) के तिमीलाई पनि त्यस घेरीहाल्ने कियामतको समाचार पुगेको छ ?
وُجُوهࣱ يَوۡمَئِذٍ خَٰشِعَةٌ ٢
२) त्यस दिन धेरै अनुहारहरू अपमानित हुनेछन् ।
عَامِلَةࣱ نَّاصِبَةࣱ ٣
३) कठिन परिश्रममा परेका, थाकिएका हुनेछन् ।
تَصۡلَىٰ نَارًا حَامِيَةࣰ ٤
४) उनी धपधपी बलेको आगोमा प्रवेश गर्नेछन् ।
تُسۡقَىٰ مِنۡ عَيۡنٍ ءَانِيَةࣲ ٥
५) उनीहरूलाई उम्लिराखेको स्रोतको तातो पानी पिलाइनेछ ।
لَّيۡسَ لَهُمۡ طَعَامٌ إِلَّا مِن ضَرِيعࣲ ٦
६) उनीहरूको लागि काँडावाला रुख बाहेक अरु केही खानेकुरा हुनेछैन ।
لَّا يُسۡمِنُ وَلَا يُغۡنِي مِن جُوعࣲ ٧
७) जसले न मोटो गर्नेछ न भोक मेटाउनेछ ।
وُجُوهࣱ يَوۡمَئِذࣲ نَّاعِمَةࣱ ٨
८) त्यसदिन कैयन् अनुहारहरू प्रफुल्लित र संतुष्ट हुनेछन् ।
لِّسَعۡيِهَا رَاضِيَةࣱ ٩
९) आफ्नो प्रयासमा प्रसन्न ।
فِي جَنَّةٍ عَالِيَةࣲ ١٠
१०) उच्च र शानदार स्वर्गमा हुनेछन् ।
لَّا تَسۡمَعُ فِيهَا لَٰغِيَةࣰ ١١
११) जसमा कुनै व्यर्थकुरा सुन्ने छैनन् ।
فِيهَا عَيۡنࣱ جَارِيَةࣱ ١٢
१२) त्यसमा झरनाहरू प्रवाहित हुनेछन् ।
فِيهَا سُرُرࣱ مَّرۡفُوعَةࣱ ١٣
१३) र अग्ला–अग्ला पलंगहरू हुनेछन् ।
وَأَكۡوَابࣱ مَّوۡضُوعَةࣱ ١٤
१४) प्यालाहरू राम्ररी सजाइएर राखिएका हुनेछन्) ।
وَنَمَارِقُ مَصۡفُوفَةࣱ ١٥
१५) र क्रमैसित मसनदहरू सजाइएका हुनेछन् ।
وَزَرَابِيُّ مَبۡثُوثَةٌ ١٦
१६) र मखमली ओच्छ्यानहरू ओछ्याइएका हुनेछन् ।
أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ ١٧
१७) के उनीहरूले ऊँटतिर देख्दैनन् कि तिनीहरू कुन तरिकाले पैदा गरिएका छन् ।
وَإِلَى ٱلسَّمَآءِ كَيۡفَ رُفِعَتۡ ١٨
१८) र आकाशतिर के कस्तो उच्च गरिएकोछ ?
وَإِلَى ٱلۡجِبَالِ كَيۡفَ نُصِبَتۡ ١٩
१९) र पहाडतिर के कुन प्रकारले खडा गरिएकोछ ?
وَإِلَى ٱلۡأَرۡضِ كَيۡفَ سُطِحَتۡ ٢٠
२०) र धरतीतिर कि कसरी बिछाइएको छ?
فَذَكِّرۡ إِنَّمَآ أَنتَ مُذَكِّرࣱ ٢١
२१) तसर्थ तपाईले उपदेश गर्ने गर्नुस् किनकि तपाई मात्र उपदेश गर्नेवाला हौ ।
لَّسۡتَ عَلَيۡهِم بِمُصَيۡطِرٍ ٢٢
२२) तपाई उनीहरूमाथि संरक्षक होइनौ ।
Page 593
إِلَّا مَن تَوَلَّىٰ وَكَفَرَ ٢٣
२३) हो, जो विमुख हुन्छ र कुफ्र गर्छ ।
فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ ٢٤
२४) त अल्लाहले त्यसलाई ठूलो सजाय दिने छ,
إِنَّ إِلَيۡنَآ إِيَابَهُمۡ ٢٥
२५) निःसन्देह उनीहरूलाई हाम्रो पासमा फर्केर आउनुपर्नेछ ।
ثُمَّ إِنَّ عَلَيۡنَا حِسَابَهُم ٢٦
२६) अनि हामीले नै उनको हिसाब लिनेछौं ।