ترجمة سورة العلق

الترجمة الإنكو بامبارا - ديان محمد
ترجمة معاني سورة العلق باللغة الإنكو بامبارا من كتاب الترجمة الإنكو بامبارا - ديان محمد .

ߌ ߡߊ߰ߙߌ ߕߐ߮ ߝߐ߫ ( ߘߊߡߌߣߊ ߟߊ߫ ) ߡߍ߲ ߞߊ߬ ߘߊ߲ߠߌ߲ ߞߍ߫
ߊ߬ ߞߊ߬ ߡߐ߱ ߘߊ߲߫ ߖߋ߬ߟߌ߬ ߛߌ߲ߓߌ ߟߋ߬ ߘߐ߫
ߊ߬ ( ߕߐ߮ ) ߝߐ߫ ߘߋ߬ ߸ ߓߊߏ߬ ߌ ߡߊ߰ߙߌ ߟߋ߫ ߞߊ߬ߡߙߊ߬ߒ߬ߞߋ߬ߓߊ ߘߌ߫
ߊ߬ߟߋ ߟߋ߫ ߞߊ߬ ߟߊ߬ߟߐ߲߬ߠߌ߲߬ߠߌ߲ ߞߍ߫ ߞߊ߬ߟߊ ߟߊ߫
ߊ߬ ߞߊ߬ ߡߐ߱ ߟߊߟߐ߲ߠߌ߲߫ ߞߏ߫ ߟߊ߫߸ ߊ߬ ߕߎ߲߬ ߡߊ߫ ߡߍ߲ ߟߐ߲߫
ߤߊ߲߫ ߸ ߡߐ߱ ߦߋ߫ ߘߊ߲߬ߠߕߊ߬ߡߌ߲߬ߓߊ߰ߕߐ ߟߋ߬ ߘߋ߬
ߣߴߊ߬ ߞߵߊ߬ ߦߋ߫ ߊ߬ ߓߘߊ߫ ߓߣߊ߬ߦߊ߫
ߞߐߛߊߦߌ߲ ߘߏ߲߬ ߞߍߕߐ߫ ߌ ߡߊ߰ߙߌ ߟߋ߫ ߡߊ߬ ߘߋ߬
ߌ ߞߵߊ߬ (ߟߋ߬ ߖߊ߲߬ߘߊ߬ߓߊ߮ ) ߦߋ߫ ߓߊ߬ ߡߍ߲ ߦߋ߫ ߜߍ߲ߠߌ߲ ߞߍ߫ ߟߊ߫؟
( ߊߟߊ߫ ߟߊ߫ ) ߖߐ߲߭ ߠߊ߫ ߏ߬ ߛߊߟߌ߫ ߕߎߡߊ
ߌ ߞߵߊ߬ ߦߋ߫ ߓߊ߬ ߣߴߊ߬ ߦߋ߫ ߞߊ߲ߘߦߊ ߟߋ߫ ߞߊ߲߬؟
ߥߟߴߊ߬ ߞߊ߬ ߟߐ߬ ߞߍ߫ ߝߊ߲ߕߊ߲ߞߊ ߟߋ߬ ߟߊ߫؟
ߌ ߞߵߊ߬ ߦߋ߫ ߓߊ߬ ߣߴߊ߬ ߞߊ߬ ߡߊ߬ߛߐ߬ߛߐ߬ߟߌ ߞߍ߫ ߞߵߊ߬ ߞߐߘߏ߲߬؟
ߦߊ߯ߟߴߊ߬ ߡߴߊ߬ ߟߐ߲߫ ߞߏ߫ ߊߟߊ߫ ߓߍ߫ ߦߋߟߌ ߞߍ߫ ߟߊ߫ ߘߍ߫؟
ߒ߬ߓߊ߬ ߣߴߊ߬ ߡߊ߫ ߕߏ߫ ߸ ߊ߲ ߘߴߊ߬ ߛߊ߬ߡߊ߲߬ ߊ߬ ߕߋ߲ߛߌ ߡߊ߬ ( ߕߊߦߌ߲߫ )
ߕߋ߲ߛߌ߫ ߥߎߦߊ߫ ߝߐߟߊ߫ ߝߎ߬ߕߎ߲߬ߕߌ߬ߟߊ ߞߊ߬ߣߌ߲߫
ߊ߬ ߦߴߊ߬ ߟߊ߫ ߞߍߙߍ߲ ߡߊߞߟߌ߫ ( ߊ߬ ߘߍ߬ߡߍ߲߬ ߞߊ߲ ߡߊ߬ ) ߝߛߊߦߌ߫
ߒ߬ ߝߣߊ߫ ߘߌ߫ ߕߐ߲ߓߟߏߡߊ ߟߎ߬ ߡߊߞߟߌ߫
ߞߏ߬ߣߌ߲߬ ߍ߲߬ߍ߲߫ ߸ ߌ ߞߴߊ߬ ߞߊ߲ ߡߌ߬ߘߊ߬ ߞߟߋ߫، ߌ ߦߴߌ ߕߌ߲ ߓߌߘߌ߲߫ ߠߋ߬ ߞߵߌ ߡߊߛߎ߬ߘߎ߲߬ߧߊ߫
Icon