ترجمة معاني سورة العلق
باللغة اللوغندية من كتاب الترجمة اللوغندية - المؤسسة الإفريقية للتنمية
.
ﰡ
1. Soma ng'otandika ne linnya lya mukamawo oyo eyatonda (buli kintu).
2. Yatonda omuntu nga amuggya mu kisaayisaayi.
3. Soma, kuba Omulezi wo (Katonda) ye mugabi asinga.
4. Oyo eyayigiriza omuntu okuwandiika n'ekkalaamu.
5. Yayigiriza omuntu ebyo (omuntu) bye yali tamanyi.
6. Nedda, mazima omuntu agenda neyewaggula.
7. Olw’okweraba nti yeemalirira (olw’ebyo by’aba alina).
8. Ng’ate Mazima ddala eri Omuleziwo (Katonda) y’eri obuddo.
9. Olabye omuntu agaana.
10. (Agaana) omuddu wa Katonda bw’aba ng'asaala.
11. Tolaba nti gwebagaana ky'akola kya bulungamu!
12. Oba bwaba alagidde abantu okutya Katonda.
13. Olaba oyo (agaana asaala) bw'alimbisa n'akyuka okuva ku mazima.
14. Abaffe tamanyi (oyo alimbisa) nti Mazima Katonda alaba ebyo (by’akola).
15. Nedda bw’anaaba teyeekomyeko (ku bikolwa ebyo) tujja kumuwalula nga tumukutte ku kawompo.
16. Akawompo ako akajjudde obulimba n’obusobya.
ﭧﭨ
ﰐ
17. Kale ayitanga abali mu kinywi kye (eky’obujeemu bamutaase).
ﭪﭫ
ﰑ
18. Naffe tujja kukoowoola ba Malayika abakambwe abakuumi b’omuliro (abatuusa ebibonerezo ku bajeemu).
19. Nedda (Owange Nabbi Muhammad) togonderanga omuntu ng’oyo. Vunnama (ng'osinza) Katonda era weeyongere okusembera gy'ali.
