Verse 1

ﭑ ﭒ ​

То, син, мим

Verse 2

ﭓﭔﭕﭖ ﭗ ​

Ин оёти китоби равшангар аст

Verse 3

ﭘﭙﭚﭛﭜﭝ ﭞ ​

Шояд мехоҳӣ аз [андуҳи] ин ки [мушрикон] имон намеоваранд, худро ҳалок кунӣ

Verse 4

ﭟﭠﭡﭢﭣﭤﭥﭦﭧﭨﭩ ﭪ ​

Агар бихоҳем, аз осмон нишонае бар онон нозил мекунем, ки дар баробараш бо фурӯтанӣ сар фуруд оваранд

Verse 5

ﭫﭬﭭﭮﭯﭰﭱﭲﭳﭴﭵ ﭶ ​

Ва ҳеҷ панди тозае аз сӯи [Аллоҳи] Раҳмон барои онон намеояд, магар ин ки аз он рӯй гардонанд

Verse 6

ﭷﭸﭹﭺﭻﭼﭽﭾ ﭿ ​

Ба ростӣ, онон [даъвати паёмбарон ва азоби қиёматро] дурӯғ ангоштанд, пас, ба зудӣ ахбори он чи масхара мекарданд, ба эшон хоҳад расид

Verse 7

ﮀﮁﮂﮃﮄﮅﮆﮇﮈﮉﮊ ﮋ ​

Оё ба замин наменигаранд, ки чи бисёр аз ҳар гуна [гиёҳи] судманде дар он рӯёнидаем?

Verse 8

ﮌﮍﮎﮏﮐﮑﮒﮓﮔ ﮕ ​

Бе тардид, дар ин [офариниш] нишонае [аз қудрати Аллоҳ таоло бар меод] аст, вале бештарашон имон намеоваранд

Verse 9

ﮖﮗﮘﮙﮚ ﮛ ​

Ва бе тардид, Парвардигорат шикастнопазири меҳрубон аст

Verse 10

ﮜﮝﮞﮟﮠﮡﮢﮣ ﮤ ​

Ва [ёд кун аз] ҳангоме ки Парвардигорат Мӯсоро нидо дод, ки: «Ба сӯйи қавми ситамгор бирав

Verse 11

ﮥﮦﮧﮨﮩ ﮪ ​

– қавми Фиръавн - [ва ба онон бигӯ] оё [аз куфру саркашӣ] намепарҳезанд?»

Verse 12

ﮫﮬﮭﮮﮯﮰ ﮱ ​

[Мӯсо] Гуфт: «Парвардигоро, бим дорам, ки маро дурӯғгӯ ангоранд

Verse 13

ﯓﯔﯕﯖﯗﯘﯙﯚ ﯛ ​

Ва [аз куфрашон ношикебо ва] ғамгин гардам. Пас, [Ҷабраилро] ба сӯйи Ҳорун бифрист [то барои ёриам раҳсипораш кунад]

Verse 14

ﯜﯝﯞﯟﯠﯡ ﯢ ​

Ва онон [ба гумони хеш қасоси] гуноҳе бар ман доранд, пас, метарсам, ки маро бикушанд»

Verse 15

ﯣﯤﯥﯦﯧﯨﯩﯪﯫ ﯬ ​

[Аллоҳ таоло] Фармуд: «Ҳаргиз! Пас бо оёт [ва муъҷизот]-и Мо биравед. Яқинан, [ҳама ҷо] бо шумоем ва [гуфтугӯятонро] мешунавем

Verse 16

ﯭﯮﯯﯰﯱﯲﯳ ﯴ ​

Пас, назди Фиръавн биравед ва бигӯед: «Мо фиристодаи Парвардигори ҷаҳониён ҳастем

Verse 17

ﯵﯶﯷﯸﯹ ﯺ ​

[Ӯ мефармояд] Ки Бани Исроилро ҳамроҳи мо бифирист»

Verse 18

ﯻﯼﯽﯾﯿﰀﰁﰂﰃﰄ ﰅ ​

[Фиръавн] гуфт: «Оё туро дар кӯдакӣ миёни хеш парвариш надодем ва солҳое аз умратро байни мо набудӣ?

Verse 19

ﰆﰇﰈﰉﰊﰋﰌ ﰍ ​

Ва кори худро – чунон ки хостӣ – кардӣ [ва он марди қибтиро куштӣ] ва ту [нисбат ба неъматҳои ман] носипосӣ?!»

Verse 20

ﭑﭒﭓﭔﭕﭖ ﭗ ​

[Мӯсо] гуфт: «Ман он [кор]-ро замоне анҷом додам, ки гумроҳ будам

Verse 21

ﭘﭙﭚﭛﭜﭝﭞﭟﭠﭡﭢ ﭣ ​

Пас, чун аз шумо тарсидам, фирор кардам. Он гоҳ Парвардигорам ба ман дониш бахшид ва маро аз паёмбарон қарор дод

Verse 22

ﭤﭥﭦﭧﭨﭩﭪﭫ ﭬ ​

Ва ин [чи] неъматест, ки ту бар ман миннат мегузорӣ, ки Бани Исроилро бардаи худ сохтаӣ?!»

Verse 23

ﭭﭮﭯﭰﭱ ﭲ ​

Фиръавн гуфт: «Парвардигори ҷаҳониён кист?»

Verse 24

ﭳﭴﭵﭶﭷﭸﭹﭺﭻﭼ ﭽ ​

[Мӯсо] Гуфт: «Парвардигори осмонҳо ва замин ва он чи миёни онҳост. Агар аҳли яқин ҳастед [танҳо ӯро бипарастед]»

Verse 25

ﭾﭿﮀﮁﮂ ﮃ ​

[Фиръавн] Ба касоне, ки дар атрофаш буданд [бо тамасхур] гуфт: «Оё мешунавед [чи мегӯяд]?»

Verse 26

ﮄﮅﮆﮇﮈ ﮉ ​

[Мӯсо] Гуфт: «[Аллоҳ таоло] Парвардигори шумо ва Парвардигори ниёгони шумост

Verse 27

ﮊﮋﮌﮍﮎﮏﮐ ﮑ ​

[Фиръавн] Гуфт: «Ин паёмбаратон, ки ба сӯйи шумо фиристода шудааст, яқинан девона аст»

Verse 28

ﮒﮓﮔﮕﮖﮗﮘﮙﮚﮛ ﮜ ​

[Мӯсо] Гуфт: «Агар биандешед, [хоҳед донист, ки Ӯ] Парвардигори машриқ ва мағриб аст ва ҳар он чи миёни он ду қарор дорад»

Verse 29

ﮝﮞﮟﮠﮡﮢﮣﮤ ﮥ ​

[Фиръавн] Гуфт: «Агар маъбуде ҷуз ман баргузинӣ, ҳатман, зиндонат мекунам»

Verse 30

ﮦﮧﮨﮩﮪ ﮫ ​

[Мӯсо] Гуфт: «Ҳатто агар нишонаи ошкоре [дар мавриди рисолатам] бароят оварда бошам?»

Verse 31

ﮬﮭﮮﮯﮰﮱﯓ ﯔ ​

[Фиръавн] Гуфт: «Агар рост мегӯӣ, онро биёвар»

Verse 32

ﯕﯖﯗﯘﯙﯚ ﯛ ​

Пас, [Мӯсо] асои худро андохт, ногаҳон [табдил ба] аждаҳое ошкор шуд

Verse 33

ﯜﯝﯞﯟﯠﯡ ﯢ ​

Ва дасташро [аз гиребон] берун овард ва ногоҳ дар назари бинандагон сапед [-у равшан] буд

Verse 34

ﯣﯤﯥﯦﯧﯨﯩ ﯪ ​

[Фиръавн] ба бузургони перомунаш гуфт: «Ҳаққо, ки ин [мард] ҷодугари доност

Verse 35

ﯫﯬﯭﯮﯯﯰﯱﯲ ﯳ ​

[Ӯ] Мехоҳад, бо ҷодуяш шуморо аз сарзаминатон берун кунад, пас, назаратон чист?»

Verse 36

ﯴﯵﯶﯷﯸﯹﯺ ﯻ ​

Онон гуфтанд: «[Тасмим дар бораи муҷозоти] ӯ ва бародарашро ба таъхир андоз ва маъмурони ҷамъоварӣ [ҷорзанандагон]-ро ба [ҳамаи] шаҳрҳо бифирист,

Verse 37

ﯼﯽﯾﯿ ﰀ ​

то ҳар ҷодугари моҳир [ва] доноеро наздат биёваранд»

Verse 38

ﰁﰂﰃﰄﰅ ﰆ ​

Пас, [чунин карданд ва саранҷом] ҷодугарон барои ваъдагоҳи рӯзи муайян гирд оварда шуданд

Verse 39

ﰇﰈﰉﰊﰋ ﰌ ​

Ва ба мардум гуфта шуд: «Оё шумо [низ] ҷамъ мешавед, то [бубинем баранда кист]?

Verse 40

ﭑﭒﭓﭔﭕﭖﭗ ﭘ ​

Агар ҷодугарон пирӯз шуданд, [ҳамагӣ] аз онон пайравӣ кунем»

Verse 41

ﭙﭚﭛﭜﭝﭞﭟﭠﭡﭢﭣﭤ ﭥ ​

Пас, вақте ҷодугарон омаданд, ба Фиръавн гуфтанд: «Агар мо пирӯз шавем, оё подоше хоҳем дошт»?

Verse 42

ﭦﭧﭨﭩﭪﭫ ﭬ ​

Ӯ гуфт: «Оре, дар он сурат, ҳатман, аз наздиконам хоҳед буд»

Verse 43

ﭭﭮﭯﭰﭱﭲﭳ ﭴ ​

Мӯсо ба онон гуфт: «Ҳар чи [мехоҳед] биафканед, [акнун] биафканед»

Verse 44

ﭵﭶﭷﭸﭹﭺﭻﭼﭽ ﭾ ​

Пас, онон ресмонҳо ва асоҳояшонро афканданд ва гуфтанд: «Ба иззати Фиръавн савганд, ки мо, ҳатман, пирӯзем»

Verse 45

ﭿﮀﮁﮂﮃﮄﮅﮆ ﮇ ​

Сипас Мӯсо асояшро афканд, ногаҳон [табдил ба аждаҳое шуд ва] он чиро, ки ба дурӯғ сохта буданд, балъид [фуру бурд]

Verse 46

ﮈﮉﮊ ﮋ ​

Пас, ҷодугарон ба саҷда дарафтоданд

Verse 47

ﮌﮍﮎﮏ ﮐ ​

[Ва] Гуфтанд: «Мо ба Парвардигори ҷаҳониён имон овардем

Verse 48

ﮑﮒﮓ ﮔ ​

Парвардигори Мӯсо ва Ҳорун»

Verse 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

[Фиръавн] Гуфт: «Оё пеш аз он ки ба шумо иҷозат диҳам, ба ӯ имон овардед? Бе тардид, ӯ ҳамон бузурги шумост, ки ба шумо ҷоду омӯхтааст. Пас, ба зудӣ хоҳед донист [ки муҷозотатон чист]. Яқинан, дастҳо ва пойҳоятонро баръакс [-и якдигар аз чапу рост] қатъ мекунам ва ҳамагиатонро ба дор меовезам»

Verse 50

ﮭﮮﮯﮰﮱﯓﯔﯕ ﯖ ​

Онон гуфтанд: «[Дар ин шиканҷа ва азоб] Ҳеҷ зиёне нест. Бе тардид, мо ба сӯйи Парвардигорамон бозмегардем

Verse 51

ﯗﯘﯙﯚﯛﯜﯝﯞﯟﯠﯡ ﯢ ​

Умед дорем, ки Парвардигорамон гуноҳони моро бубахшад, ки мо нахустин касоне ҳастем, ки [аз ин қавм ба Парвардигори Мӯсо] имон овардем»

Verse 52

ﯣﯤﯥﯦﯧﯨﯩﯪﯫ ﯬ ​

Ва ба Мӯсо ваҳй кардем, ки: «Бандагонамро шабона [аз Миср] берун бибар; [зеро сипоҳи Фиръавн] ҳатман, ба дунболатон хоҳад омад»

Verse 53

ﯭﯮﯯﯰﯱ ﯲ ​

Пас Фиръавн [чун аз моҷаро огоҳ гардид] маъмурони ҷамъоварӣ [неру]-ро ба шаҳрҳо фиристод

Verse 54

ﯳﯴﯵﯶ ﯷ ​

[Ва эълон кард] Инҳо [Бани Исроил] иддаи ночизанд

Verse 55

ﯸﯹﯺ ﯻ ​

Ва ҷиддан моро ба хашм овардаанд

Verse 56

ﯼﯽﯾ ﯿ ​

Ва мо ҳамагӣ комилан [ҳушёру] омодаи пайкорем»

Verse 57

ﰀﰁﰂﰃ ﰄ ​

Пас, ононро аз боғҳо ва чашмаҳо [-и сарзамини Миср] берун овардем

Verse 58

ﰅﰆﰇ ﰈ ​

Ва аз ганҷҳо ва хонаҳои муҷаллал [дур сохтем]

Verse 59

ﰉﰊﰋﰌﰍ ﰎ ​

Инчунин [кардем] ва Бани Исроилро вориси он [сарвату дороӣ] кардем

Verse 60

ﰏﰐ ﰑ ​

Пас, [сипоҳи Фиръавн] ҳангоми тулуи офтоб ба таъқиби онон пардохтанд

Verse 61

ﭑﭒﭓﭔﭕﭖﭗﭘ ﭙ ​

Ва чун ду гурӯҳ якдигарро диданд, ёрони Мӯсо гуфтанд: «Ҳатман, [дар чанголи фиръавниён] гирифторем»

Verse 62

ﭚﭛﭜﭝﭞﭟﭠ ﭡ ​

[Мӯсо] Гуфт: «Ҳаргиз! Бе тардид, Парвардигорам бо ман аст ва маро [ба роҳи наҷот] ҳидоят хоҳад кард»

Verse 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Пас, ба Мӯсо ваҳй кардем: «Асоятро ба дарё бизан», пас, [Нил] шикофта шуд ва ҳар бахше [аз он] ҳамчун кӯҳе бузург гашт

Verse 64

ﭱﭲﭳ ﭴ ​

Ва он гурӯҳи дигар [сипоҳи Фиръавн]-ро ба он ҷо кашондем

Verse 65

ﭵﭶﭷﭸﭹ ﭺ ​

Ва Мӯсо ва ҳамаи касонеро, ки ҳамроҳаш буданд, наҷот додем

Verse 66

ﭻﭼﭽ ﭾ ​

Ва дигаронро ғарқ намудем

Verse 67

ﭿﮀﮁﮂﮃﮄﮅﮆﮇ ﮈ ​

Ҳатман, дар ин [моҷаро] нишонае [барои ибрат гирифтан] аст, вале бештарашон муъмин набуданд

Verse 68

ﮉﮊﮋﮌﮍ ﮎ ​

Ва бе тардид, Парвардигорат ҳамон шикастнопазири меҳрубон аст

Verse 69

ﮏﮐﮑﮒ ﮓ ​

[Эй паёмбар] Достони Иброҳимро бар онон бозгӯ

Verse 70

ﮔﮕﮖﮗﮘﮙ ﮚ ​

Ҳангоме ки ба падар ва қавмаш гуфт: «Чи чизро мепарастед?»

Verse 71

ﮛﮜﮝﮞﮟﮠ ﮡ ​

Онон гуфтанд: «Бутҳоеро мепарастем ва пайваста сар бар остонашон дорем»

Verse 72

ﮢﮣﮤﮥﮦ ﮧ ​

[Иброҳим] Гуфт: «Оё вақте онҳоро мехонед, [садои] шуморо мешунаванд?

Verse 73

ﮨﮩﮪﮫ ﮬ ​

Ё ба шумо суду зиён мерасонанд?»

Verse 74

ﮭﮮﮯﮰﮱﯓ ﯔ ​

Онон гуфтанд: «[На] Вале падаронамонро ёфтем, ки чунин мекарданд»

Verse 75

ﯕﯖﯗﯘﯙ ﯚ ​

[Иброҳим] гуфт: «Оё дидед [ва донистед] чизҳоеро, ки ҳамвора мепарастидед

Verse 76

ﯛﯜﯝ ﯞ ​

- [ҳам] шумо ва [ҳам] падаронатон –

Verse 77

ﯟﯠﯡﯢﯣﯤ ﯥ ​

яқинан, [ҳамаи] онҳо душмани [ақидаи тавҳидии] ман ҳастанд. Магар Парвардигори ҷаҳониён

Verse 78

ﯦﯧﯨﯩ ﯪ ​

Он [маъбуде], ки маро офарида ва ҳидоятам мекунад

Verse 79

ﯫﯬﯭﯮ ﯯ ​

Ва ҳамоне, ки ба ман ғизо медиҳад ва серобам месозад

Verse 80

ﯰﯱﯲﯳ ﯴ ​

Ва ҳангоме ки бемор мешавам, Ӯст, ки шифоям медиҳад

Verse 81

ﯵﯶﯷﯸ ﯹ ​

Ва касе, ки маро мемиронад ва [дубора] зиндаам мекунад

Verse 82

ﯺﯻﯼﯽﯾﯿﰀﰁ ﰂ ​

Ва касе, ки умед дорам рӯзи ҷазо гуноҳонамро бубахшад

Verse 83

ﰃﰄﰅﰆﰇﰈ ﰉ ​

Парвардигоро, ба ман донише [дар дин] бубахш ва маро ба шоистагон мулҳақ кун

Verse 84

ﭑﭒﭓﭔﭕﭖ ﭗ ​

Ва бароям дар ояндагон овозаи нек қарор бидеҳ

Verse 85

ﭘﭙﭚﭛﭜ ﭝ ​

Ва маро аз ворисони биҳишти пурнеъмат бигардон

Verse 86

ﭞﭟﭠﭡﭢﭣ ﭤ ​

Ва падарамро биёмурз, [ки] бе тардид, дар зумраи гумроҳон буд

Verse 87

ﭥﭦﭧﭨ ﭩ ​

Ва рӯзе, ки [мардум] барангехта мешаванд, маро расво [ва шарманда] насоз

Verse 88

ﭪﭫﭬﭭﭮﭯ ﭰ ​

Ҳамон рӯзе, ки молу фарзандон суде намебахшанд

Verse 89

ﭱﭲﭳﭴﭵﭶ ﭷ ​

Магар касе, ки бо қалби пок [ва холӣ аз ширку нифоқ ва риё] ба пешгоҳи Аллоҳ таоло биёяд»

Verse 90

ﭸﭹﭺ ﭻ ​

Ва [он рӯз] биҳишт барои парҳезкорон наздик мегардад

Verse 91

ﭼﭽﭾ ﭿ ​

Ва дузах барои гумроҳон ошкор мешавад

Verse 92

ﮀﮁﮂﮃﮄﮅ ﮆ ​

Ва ба онон гуфта мешавад: «Он чи ба ҷои Аллоҳ таоло мепарастидед, [акнун] куҷо ҳастанд?

Verse 93

ﮇﮈﮉﮊﮋﮌﮍ ﮎ ​

Оё [онҳо дар баробари азоби илоҳӣ] ёриатон мекунанд ё [ҳатто худ]-ро ёрӣ медиҳанд?»

Verse 94

ﮏﮐﮑﮒ ﮓ ​

Пас, онҳо [бутҳо] ҳамроҳи гумроҳон дар он [оташи ҳавлангез] афканда мешаванд

Verse 95

ﮔﮕﮖ ﮗ ​

Ва [ҳамроҳи] тамоми лашкариёни Иблис

Verse 96

ﮘﮙﮚﮛ ﮜ ​

Дар он ҷо [мушрикон] дар ҳоли ситез [бо маъбудони ботил] мегӯянд:

Verse 97

ﮝﮞﮟﮠﮡﮢ ﮣ ​

«Ба Аллоҳ таоло савганд, ки мо дар гумроҳии ошкоре будем»

Verse 98

ﮤﮥﮦﮧ ﮨ ​

Он гоҳ ки шуморо бо Парвардигори ҷаҳониён баробар медонистем

Verse 99

ﮩﮪﮫﮬ ﮭ ​

Ва моро касе ҷуз муҷримон гумроҳ накард

Verse 100

ﮮﮯﮰﮱ ﯓ ​

Пас, [акнун] на ҳеҷ шафоатгаре дорем

Verse 101

ﯔﯕﯖ ﯗ ​

Ва на ҳеҷ дӯсти меҳрубоне

Verse 102

ﯘﯙﯚﯛﯜﯝﯞ ﯟ ​

Пас, кош бозгаште [ба дунё] доштем ва дар зумраи муъминон қарор мегирифтем»

Verse 103

ﯠﯡﯢﯣﯤﯥﯦﯧﯨ ﯩ ​

Ҳатман, дар ин [моҷаро] нишонае [барои ибрат гирифтан] аст, вале бештарашон муъмин набуданд

Verse 104

ﯪﯫﯬﯭﯮ ﯯ ​

Ва бе тардид, Парвардигорат ҳамон шикастнопазири меҳрубон аст

Verse 105

ﯰﯱﯲﯳ ﯴ ​

Қавми Нуҳ паёмбаронро дурӯғгӯ ангоштанд

Verse 106

ﯵﯶﯷﯸﯹﯺﯻ ﯼ ​

Он гоҳ ки бародарашон Нуҳ ба онон гуфт: «Оё [аз Аллоҳ таоло] парво намекунед?»

Verse 107

ﯽﯾﯿﰀ ﰁ ​

Ба ростӣ, ман барои шумо паёмбари амин ҳастам

Verse 108

ﰂﰃﰄ ﰅ ​

Пас, аз Аллоҳ таоло парво кунед ва мутеи [дастурҳои] ман бошед

Verse 109

ﰆﰇﰈﰉﰊﰋﰌﰍﰎﰏﰐﰑ ﰒ ​

Ва ман [дар баробари рисолатам] ҳеҷ подоше аз шумо намехоҳам. Подоши ман танҳо бар [уҳдаи] Парвардигори ҷаҳониён аст

Verse 110

ﰓﰔﰕ ﰖ ​

Пас, аз Аллоҳ таоло парво кунед ва мутеи [дастурҳои] ман бошед»

Verse 111

ﰗﰘﰙﰚﰛﰜ ﰝ ​

Онон гуфтанд: «Оё ба ту имон биёварем, дар ҳоле ки [фақат] фурӯмоягон] аз ту пайравӣ кардаанд?»

Verse 112

ﭑﭒﭓﭔﭕﭖ ﭗ ​

[Нуҳ] Гуфт: «Ман ба он чи онон [дар гузашта] мекарданд, чи донише дорам?

Verse 113

ﭘﭙﭚﭛﭜﭝﭞﭟ ﭠ ​

Ҳисоби онон танҳо бо Парвардигори ман аст. Агар мефаҳмед [чунин сухани газофе нагӯед]

Verse 114

ﭡﭢﭣﭤ ﭥ ​

Ва ман [ҳаргиз] муъминонро тард [дур] намекунам

Verse 115

ﭦﭧﭨﭩﭪ ﭫ ​

Ман ҷуз бимдиҳандаи ошкор нестам»

Verse 116

ﭬﭭﭮﭯﭰﭱﭲﭳ ﭴ ​

Онон гуфтанд: «Эй Нуҳ, агар [аз даъватат] даст барнадорӣ, ҳатман, сангсор мешавӣ»

Verse 117

ﭵﭶﭷﭸﭹ ﭺ ​

Ӯ гуфт: «Парвардигоро, қавмам маро дурӯғгӯ ангоштанд

Verse 118

ﭻﭼﭽﭾﭿﮀﮁﮂﮃ ﮄ ​

Пас, миёни ману эшон доварӣ кун ва маро ва муъминонеро, ки ҳамроҳам ҳастанд, наҷот бидеҳ»

Verse 119

ﮅﮆﮇﮈﮉﮊ ﮋ ​

Пас, ӯ ва афродеро, ки ҳамроҳаш буданд, дар [он] киштии оганда [ пур аз инсону ҳайвон] наҷот додем

Verse 120

ﮌﮍﮎﮏ ﮐ ​

Ва боқимондагонро ғарқ кардем

Verse 121

ﮑﮒﮓﮔﮕﮖﮗﮘﮙ ﮚ ​

Ҳатман, дар ин [моҷаро] нишонае [барои ибрат гирифтан] аст, вале бештарашон муъмин набуданд

Verse 122

ﮛﮜﮝﮞﮟ ﮠ ​

Ва бе тардид, Парвардигорат ҳамон шикастнопазири меҳрубон аст

Verse 123

ﮡﮢﮣ ﮤ ​

[Қавми] Од паёмбаронро дурӯғгӯ ангоштанд

Verse 124

ﮥﮦﮧﮨﮩﮪﮫ ﮬ ​

Он гоҳ ки бародарашон Ҳуд ба онон гуфт: «Оё [аз Аллоҳ таоло] парво намекунед?”

Verse 125

ﮭﮮﮯﮰ ﮱ ​

Ба ростӣ, ман барои шумо паёмбари амин ҳастам

Verse 126

ﯓﯔﯕ ﯖ ​

Пас, аз Аллоҳ таоло парво кунед ва мутеи [дастурҳои] ман бошед

Verse 127

ﯗﯘﯙﯚﯛﯜﯝﯞﯟﯠﯡﯢ ﯣ ​

Ва ман [дар баробари рисолатам] ҳеҷ подоше аз шумо намехоҳам. Подоши ман танҳо бар [уҳдаи] Парвардигори ҷаҳониён аст

Verse 128

ﯤﯥﯦﯧﯨ ﯩ ​

Оё бар ҳар макони баланде биное беҳуда месозед?

Verse 129

ﯪﯫﯬﯭ ﯮ ​

Ва қасрҳо ва қалъаҳои муҳкаму устувор бино мекунед, гӯиё [дар дунё] ҷовидонаед

Verse 130

ﯯﯰﯱﯲ ﯳ ​

Ва чун [ба касе] ҳамлавар мешавед, [бераҳм ва] золимона ҳамла мекунед

Verse 131

ﯴﯵﯶ ﯷ ​

Пас, аз Аллоҳ таоло парво кунед ва мутеи [дастурҳои] ман бошед

Verse 132

ﯸﯹﯺﯻﯼ ﯽ ​

Ва аз касе парво кунед, ки ба шумо [неъматҳое чунон фаровон] ато кардааст, ки худ [онҳоро беҳтар] медонед

Verse 133

ﯾﯿﰀ ﰁ ​

Ӯ ба шумо чаҳорпоёну фарзандон [-и бисёр] ато кардааст

Verse 134

ﰂﰃ ﰄ ​

Ва боғҳо ва чашмасорҳо

Verse 135

ﰅﰆﰇﰈﰉﰊ ﰋ ​

Ба ростӣ, ки ман аз азоби рӯзи бузург бар шумо метарсам”

Verse 136

ﰌﰍﰎﰏﰐﰑﰒﰓﰔ ﰕ ​

Онон гуфтанд: “Чи моро панд бидиҳӣ, ё надиҳӣ, бароямон яксон аст [ва аз ту тоат намекунем]

Verse 137

ﭑﭒﭓﭔﭕ ﭖ ​

Ин [оини мо ҳамон] равиши пешиниён аст

Verse 138

ﭗﭘﭙ ﭚ ​

ва мо [ҳаргиз] азоб нахоҳем шуд»

Verse 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Пас, онон Ҳудро дурӯғгӯ ангоштанд. Пас, Мо [низ] ҳалокашон кардем. Ҳатман, дар ин [моҷаро] нишонае [барои ибрат гирифтан] аст ва бештарашон муъмин набуданд

Verse 140

ﭨﭩﭪﭫﭬ ﭭ ​

Ва бе тардид, Парвардигорат шикастнопазири меҳрубон аст

Verse 141

ﭮﭯﭰ ﭱ ​

[Қавми] Самуд паёмбаронро дурӯғгӯ ангоштанд

Verse 142

ﭲﭳﭴﭵﭶﭷﭸ ﭹ ​

Он гоҳ ки бародарашон Солеҳ ба онон гуфт: «Оё [аз Аллоҳ таоло] парво намекунед?

Verse 143

ﭺﭻﭼﭽ ﭾ ​

Ба ростӣ, ман барои шумо паёмбари амин ҳастам

Verse 144

ﭿﮀﮁ ﮂ ​

Пас, аз Аллоҳ таоло парво кунед ва мутеи [дастурҳои] ман бошед

Verse 145

ﮃﮄﮅﮆﮇﮈﮉﮊﮋﮌﮍﮎ ﮏ ​

Ва ман [дар баробари рисолатам] ҳеҷ подоше аз шумо намехоҳам. Подоши ман танҳо бар [уҳдаи] Парвардигори ҷаҳониён аст

Verse 146

ﮐﮑﮒﮓﮔ ﮕ ​

Оё [мепиндоред, ки] шуморо дар неъматҳое, ки ин ҷост, осуда раҳо мекунанд?

Verse 147

ﮖﮗﮘ ﮙ ​

Дар [ин] боғҳо ва чашмасорҳо

Verse 148

ﮚﮛﮜﮝ ﮞ ​

Ва [дар канори ин] киштзорҳо ва нахлҳое, ки меваҳояш нарму расидааст?

Verse 149

ﮟﮠﮡﮢﮣ ﮤ ​

Ва моҳирона аз кӯҳҳо [барои худ] хонаҳое метарошед

Verse 150

ﮥﮦﮧ ﮨ ​

Пас, аз Аллоҳ таоло парво кунед ва мутеи [дастурҳои] ман бошед»

Verse 151

ﮩﮪﮫﮬ ﮭ ​

Ва аз исрофкорон [-и гунаҳгор] пайравӣ накунед

Verse 152

ﮮﮯﮰﮱﯓﯔ ﯕ ​

[Ҳамон] Касоне, ки дар замин ба фасод мепардозанд ва [хештанро] ислоҳ намекунанд”

Verse 153

ﯖﯗﯘﯙﯚ ﯛ ​

Онон гуфтанд: “[Эй Солеҳ] Ҷуз ин нест, ки ту ҷодушудаӣ

Verse 154

ﯜﯝﯞﯟﯠﯡﯢﯣﯤﯥﯦ ﯧ ​

Ту ҷуз башаре ҳаммонанди мо нестӣ, пас, агар рост мегӯӣ, нишонае [бар паёмбариат] биёвар”

Verse 155

ﯨﯩﯪﯫﯬﯭﯮﯯﯰ ﯱ ​

[Солеҳ] Гуфт: «Ин модашутурест, ки саҳме аз об [-и чашма] дорад ва [рӯзҳои муайяне низ] шумо саҳме аз об доред

Verse 156

ﯲﯳﯴﯵﯶﯷﯸ ﯹ ​

Пас, [камтарин] озоре ба он нарасонед, ки азоби рӯзи бузург шуморо фаро мегирад”

Verse 157

ﯺﯻﯼ ﯽ ​

Пас, онро [захмӣ карданд ва] куштанд ва [он гоҳ аз кардаи худ] пушаймон шуданд

Verse 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Пас, азоб [-и илоҳӣ] ононро фурӯ гирифт. Бе гумон, дар ин [моҷаро] нишонае [барои ибрат гирифтан] аст ва бештарашон муъмин набуданд

Verse 159

ﰋﰌﰍﰎﰏ ﰐ ​

Ва бе тардид, Парвардигорат ҳамон шикастнопазири меҳрубон аст

Verse 160

ﭑﭒﭓﭔ ﭕ ​

Қавми Лут [низ] паёмбаронро дурӯғгӯ ангоштанд

Verse 161

ﭖﭗﭘﭙﭚﭛﭜ ﭝ ​

Он гоҳ ки бародарашон Лут ба онон гуфт: «Оё [аз Аллоҳ таоло] парво намекунед?

Verse 162

ﭞﭟﭠﭡ ﭢ ​

Ба ростӣ, ман барои шумо паёмбаре амин ҳастам

Verse 163

ﭣﭤﭥ ﭦ ​

Пас, аз Аллоҳ таоло парво кунед ва мутеи [дастурҳои] ман бошед»

Verse 164

ﭧﭨﭩﭪﭫﭬﭭﭮﭯﭰﭱﭲ ﭳ ​

Ва ман [дар баробари рисолатам] ҳеҷ подоше аз шумо намехоҳам. Подоши ман танҳо бар [уҳдаи] Парвардигори ҷаҳониён аст

Verse 165

ﭴﭵﭶﭷ ﭸ ​

Аз мардуми ҷаҳон бо мардон меомезед

Verse 166

ﭹﭺﭻﭼﭽﭾﭿﮀﮁﮂﮃﮄ ﮅ ​

ва ҳамсаронеро, ки Аллоҳ таоло бароятон офаридааст, раҳо мекунед? Балки шумо гурӯҳи мутаҷовизед

Verse 167

ﮆﮇﮈﮉﮊﮋﮌﮍ ﮎ ​

Онон гуфтанд: «Эй Лут, агар [аз ин амру наҳй] даст барнадорӣ, ҳатман, [аз шаҳр] ихроҷ мешавӣ»

Verse 168

ﮏﮐﮑﮒﮓ ﮔ ​

[Лут] Гуфт: «Ман душмани [сарсахти] ин коратон ҳастам

Verse 169

ﮕﮖﮗﮘﮙ ﮚ ​

Парвардигоро, ман ва хонаводаамро аз [оқибати] он чи [инҳо] анҷом медиҳанд, наҷот деҳ»

Verse 170

ﮛﮜﮝ ﮞ ​

Пас, мо ӯ ва ҳамаи хонаводаашро наҷот додем

Verse 171

ﮟﮠﮡﮢ ﮣ ​

Магар пиразане, ки дар миёни бозмондагон [дар азоб] буд

Verse 172

ﮤﮥﮦ ﮧ ​

Сипас дигаронро нобуд кардем

Verse 173

ﮨﮩﮪﮫﮬﮭﮮ ﮯ ​

Ва бар онон бороне [аз санг] боронидем ва борони бимдодашудагон чи бад буд!

Verse 174

ﮰﮱﯓﯔﯕﯖﯗﯘﯙ ﯚ ​

Бе гумон, дар ин [моҷаро] нишонае [барои ибрат гирифтан] аст ва бештарашон муъмин набуданд

Verse 175

ﯛﯜﯝﯞﯟ ﯠ ​

Ва бе тардид, Парвардигорат ҳамон шикастнопазири меҳрубон аст

Verse 176

ﯡﯢﯣﯤ ﯥ ​

Асҳоби Айка [низ] паёмбаронро дурӯғгӯ ангоштанд

Verse 177

ﯦﯧﯨﯩﯪﯫ ﯬ ​

Он гоҳ ки Шуайб ба онон гуфт: «Оё [аз Аллоҳ таоло] парво намекунед?

Verse 178

ﯭﯮﯯﯰ ﯱ ​

Ба ростӣ, ман барои шумо паёмбаре амин ҳастам

Verse 179

ﯲﯳﯴ ﯵ ​

Пас, аз Аллоҳ таоло парво кунед [битарсед] ва мутеи [дастурҳои] ман бошед»

Verse 180

ﯶﯷﯸﯹﯺﯻﯼﯽﯾﯿﰀﰁ ﰂ ​

Ва ман [дар баробари рисолатам] ҳеҷ подоше аз шумо намехоҳам. Подоши ман танҳо бар [уҳдаи] Парвардигори ҷаҳониён аст

Verse 181

ﰃﰄﰅﰆﰇﰈﰉ ﰊ ​

Паймонаро тамом бидиҳед ва камфурӯшӣ накунед

Verse 182

ﰋﰌﰍ ﰎ ​

Ва бо тарозуи дуруст вазн кунед

Verse 183

ﰏﰐﰑﰒﰓﰔﰕﰖﰗ ﰘ ​

Ва колои мардумро кам надиҳед [ва ҳаққашонро зоеъ накунед] ва дар замин ба фасод [ва табоҳӣ] накӯшед

Verse 184

ﭑﭒﭓﭔﭕ ﭖ ​

Ва аз касе, ки шумо ва умматҳои пешинро офарид, парво кунед [битарсед]

Verse 185

ﭗﭘﭙﭚﭛ ﭜ ​

Онон гуфтанд: «[Эй Шуайб] Ҷуз ин нест, ки ту ҷодушудаӣ

Verse 186

ﭝﭞﭟﭠﭡﭢﭣﭤﭥ ﭦ ​

Ту ҷуз башаре ҳаммонанди мо нестӣ ва мо туро дурӯғгӯ мепиндорем

Verse 187

ﭧﭨﭩﭪﭫﭬﭭﭮﭯ ﭰ ​

Пас, агар рост мегӯӣ, порае аз осмонро бар [сари] мо биандоз»

Verse 188

ﭱﭲﭳﭴﭵ ﭶ ​

[Шуайб] Гуфт: «Парвардигорам ба он чи мекунед, донотар аст»

Verse 189

ﭷﭸﭹﭺﭻﭼﭽﭾﭿﮀﮁ ﮂ ​

Пас, ӯро дурӯғгӯ ангоштанд ва азоби рӯзи абр [-и оташбор] ононро фаро гирифт. Ба ростӣ, ки он [борони оташ] азоби рӯзи ҳавлноке буд

Verse 190

ﮃﮄﮅﮆﮇﮈﮉﮊﮋ ﮌ ​

Бе гумон, дар ин [моҷаро] нишонае [барои ибрат гирифтан] аст; ва бештарашон муъмин набуданд

Verse 191

ﮍﮎﮏﮐﮑ ﮒ ​

Ва бе тардид, Парвардигорат ҳамон шикастнопазири меҳрубон аст

Verse 192

ﮓﮔﮕﮖ ﮗ ​

Ва ба ростӣ, [ин] Қуръон фуруфиристодаи Парвардигори ҷаҳониён аст

Verse 193

ﮘﮙﮚﮛ ﮜ ​

Рӯҳу-л-амин [Ҷабраил] онро фуруд овардааст

Verse 194

ﮝﮞﮟﮠﮡ ﮢ ​

Бар қалби ту [нозил кардааст], то бимдиҳанда бошӣ

Verse 195

ﮣﮤﮥ ﮦ ​

[Қуръонро] Ба забони арабии равшан [нозил намуд]

Verse 196

ﮧﮨﮩﮪ ﮫ ​

Ва бе тардид, [башорати нузули] он дар китобҳои пешиниён [низ омада] аст

Verse 197

ﮬﮭﮮﮯﮰﮱﯓﯔﯕ ﯖ ​

Оё ҳамин нишона барояшон кофӣ нест, ки уламои Бани Исроил аз [ҳақиқати] Қуръон огоҳанд?

Verse 198

ﯗﯘﯙﯚﯛ ﯜ ​

Ва агар онро бар баъзе аз ғайриарабҳо нозил мекардем

Verse 199

ﯝﯞﯟﯠﯡﯢ ﯣ ​

Ва [паёмбар] онро барояшон мехонд, ба он имон намеоварданд

Verse 200

ﯤﯥﯦﯧﯨ ﯩ ​

[Оре] Ин гуна он [куфру такзиб]-ро дар дилҳои гунаҳгорон ҷой додем

Verse 201

ﯪﯫﯬﯭﯮﯯﯰ ﯱ ​

Аммо ба он имон намеоваранд, то он гоҳ ки азоби дарднокро бубинанд

Verse 202

ﯲﯳﯴﯵﯶ ﯷ ​

Пас, ногаҳон дар ҳоле ки бехабаранд, ба суроғашон меояд

Verse 203

ﯸﯹﯺﯻ ﯼ ​

Пас, [дар он ҳол] мегӯянд: “Оё муҳлате [барои тавба] хоҳем дошт?”

Verse 204

ﯽﯾ ﯿ ​

Оё онон азоби моро ба шитоб хосторанд?

Verse 205

ﰀﰁﰂﰃ ﰄ ​

Оё донистӣ, ки агар ононро солҳо [аз зиндагии дунё] баҳраманд созем

Verse 206

ﰅﰆﰇﰈﰉ ﰊ ​

Сипас он чи ки ба онон ваъда дода шудааст, ба суроғашонн биёяд

Verse 207

ﭑﭒﭓﭔﭕﭖ ﭗ ​

Ин баҳрамандиашон [аз дунё дар ҳангоми азоб] суде барояшон нахоҳад дошт?

Verse 208

ﭘﭙﭚﭛﭜﭝﭞ ﭟ ​

Ва Мо [сокинони] ҳеҷ шаҳреро ҳалок накардем, магар ин ки ҳушдордиҳандагоне [аз паёмбарон] доштанд

Verse 209

ﭠﭡﭢﭣ ﭤ ​

То ононро панд диҳанд ва Мо ҳаргиз ситамгор набудаем [ки итмоми ҳуҷҷат накунем]

Verse 210

ﭥﭦﭧﭨ ﭩ ​

Ва ин Қуръонро шаётин нозил накардаанд

Verse 211

ﭪﭫﭬﭭﭮ ﭯ ​

Онон на дархӯри ин коранд ва на тавонашро доранд

Verse 212

ﭰﭱﭲﭳ ﭴ ​

Бе тардид, онон аз шунидани [ваҳй] барканоранд

Verse 213

ﭵﭶﭷﭸﭹﭺﭻﭼﭽ ﭾ ​

Пас, [эй паёмбар] ҳеҷ маъбудеро бо Аллоҳ таоло махон, ки азоб хоҳӣ шуд

Verse 214

ﭿﮀﮁ ﮂ ​

Ва хешовандони наздикатро [аз азоби илоҳӣ] бим деҳ

Verse 215

ﮃﮄﮅﮆﮇﮈ ﮉ ​

Ва бо муъминоне, ки аз ту пайравӣ кардаанд, меҳрубон [-у фурӯтан] бош

Verse 216

ﮊﮋﮌﮍﮎﮏﮐ ﮑ ​

Пас, агар аз [фармони] ту сарпечӣ карданд, бигӯ: “Ба ростӣ, ман аз он чи мекунед, безорам”

Verse 217

ﮒﮓﮔﮕ ﮖ ​

Ва бар [Аллоҳи] шикастнопазири меҳрубон таваккал кун

Verse 218

ﮗﮘﮙﮚ ﮛ ​

Ҳамон ки чун [барои ибодат] бармехезӣ, туро мебинад

Verse 219

ﮜﮝﮞ ﮟ ​

Ва ҳаракат [ва нишасту бархости] туро миёни саҷдакунандагон [мебинад]

Verse 220

ﮠﮡﮢﮣ ﮤ ​

Бе тардид, Ӯ ҳамон шунавои доност

Verse 221

ﮥﮦﮧﮨﮩﮪ ﮫ ​

Оё ба шумо хабар диҳам, ки шаётин бар чи касе нозил мешаванд?

Verse 222

ﮬﮭﮮﮯﮰ ﮱ ​

Бар ҳар дурӯғгӯи гунаҳкор

Verse 223

ﯓﯔﯕﯖ ﯗ ​

Онон шунидаҳое [-ро, ки дуздона аз малакут гӯш додаанд, ба ҷодугарон ва фолгирон] илқо мекунанд ва бештарашон дурӯғгӯ ҳастанд

Verse 224

ﯘﯙﯚ ﯛ ​

Ва [Муҳаммад шоир нест, зеро] шоиронро гумроҳон пайравӣ мекунанд

Verse 225

ﯜﯝﯞﯟﯠﯡﯢ ﯣ ​

Оё надидӣ, ки онон дар ҳар лағву беҳудае [ҳайрону] саргаштаанд?

Verse 226

ﯤﯥﯦﯧﯨ ﯩ ​

Ва чизеро мегӯянд, ки [худ ба он эътиқод надоранд ва] амал намекунанд?

Verse 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Магар касоне, ки имон овардаанд ва корҳои шоиста анҷом додаанд ва Аллоҳро бисёр ёд кардаанд ва пас аз он ки ситам диданд, интиқом гирифтанд [ва бо шеъри худ аз ислому муслимин дифоъ намуданд] ва касоне, ки ситам карданд, ба зудӣ хоҳанд донист, ба чи бозгаштгоҳе бозмегарданд