Verse 1

ﭑﭒ ﭓ ​

Савганд ба фариштагони саф ба саф [ки барои парастиши Парвардигор истодаанд]

Verse 2

ﭔﭕ ﭖ ​

Ва савганд ба фариштагоне, ки абрҳоро меронанд

Verse 3

ﭗﭘ ﭙ ​

Ва савганд ба фариштагоне, ки Қуръон тиловат мекунанд

Verse 4

ﭚﭛﭜ ﭝ ​

[ки] Бе тардид, маъбуди шумо яктост

Verse 5

ﭞﭟﭠﭡﭢﭣﭤ ﭥ ​

[Ҳамон] Парвардигори осмонҳову замин ва он чи миёни онҳост ва Парвардигори [хуршед дар ғурубгоҳҳо ва] тулуъгоҳҳо

Verse 6

ﭦﭧﭨﭩﭪﭫ ﭬ ​

Ба ростӣ, ки Мо осмони дунёро бо зевари ситорагон оростем

Verse 7

ﭭﭮﭯﭰﭱ ﭲ ​

Ва онро аз [дастрасии] ҳар шайтони саркаш ҳифз кардем

Verse 8

ﭳﭴﭵﭶﭷﭸﭹﭺﭻ ﭼ ​

[Он шаётин ҳаргиз] наметавонанд [суханони фариштагони] олами болоро бишунаванд ва аз ҳар сӯ [бо шаҳобҳои оташин] тирборон мешаванд

Verse 9

ﭽﭾﭿﮀﮁ ﮂ ​

[Аз вуруди онон ба олами фариштагон ҷилавгирӣ мешавад ва ҳамвора ба] ақиб ронда мешаванд ва азоби ҷовидон [дар пеш] доранд

Verse 10

ﮃﮄﮅﮆﮇﮈﮉ ﮊ ​

Магар касе, ки ногаҳон чизе [аз гуфтугӯи фариштагон]-ро дуздида гӯш диҳад, ки [дар ин сурат] шаҳоби дурахшон ӯро дунбол мекунад

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

Аз онон [кофирон] бипурс, ки оё офариниши [пайкарҳои] онон сахттар аст ё он чи ки Мо [аз замину осмонҳо ва ҷаҳони бекарон] офаридаем; [дар ҳоле ки] Мо онҳоро аз гили [беарзиш ва] часпида падид овардем

Verse 12

ﮙﮚﮛ ﮜ ​

Ту [аз инкори онон] дар шигифтӣ ва онҳо [низ суханонатро дар бораи қиёмат] масхара мекунанд

Verse 13

ﮝﮞﮟﮠ ﮡ ​

Ва чун панд дода шаванд, намепазиранд

Verse 14

ﮢﮣﮤﮥ ﮦ ​

Ва чун нишонаҳои [дар мавриди ростгӯии Паёмбар] мебинанд, [онро] ба тамасхур мегиранд

Verse 15

ﮧﮨﮩﮪﮫﮬ ﮭ ​

Ва мегӯянд: «Ин [Қуръон чизе] нест, магар ҷодуе ошкор

Verse 16

ﮮﮯﮰﮱﯓﯔﯕ ﯖ ​

Оё ҳангоме ки мурдем ва хок ва устухон шудем, барангехта хоҳем шуд?

Verse 17

ﯗﯘ ﯙ ​

Оё падарони мо [низ барангехта мешаванд]?»

Verse 18

ﯚﯛﯜﯝ ﯞ ​

Бигӯ: «Оре, шумо, дар ҳоле ки хор ҳастед [зинда мешавед]»

Verse 19

ﯟﯠﯡﯢﯣﯤﯥ ﯦ ​

Пас, [вуқуи қиёмат] танҳо бо як бонг [-и саҳмнок] аст ва ногаҳон [ҳама аз қабрҳо берун меоянд ва дар интизори дастури Парвардигор, ваҳшати қиёматро] назорат мекунанд

Verse 20

ﯧﯨﯩﯪﯫ ﯬ ​

Ва мегӯянд: «Вой бар мо! Ин [ҳамон] рӯзи ҷазост»

Verse 21

ﯭﯮﯯﯰﯱﯲﯳ ﯴ ​

[Гуфта мешавад: Оре] ин ҳамон рӯзи довариест, ки дурӯғаш меангоштед»

Verse 22

ﯵﯶﯷﯸﯹﯺﯻﯼ ﯽ ​

[Ба фариштагон гуфта мешавад] «Касонеро, ки [бо ширк ба хеш] ситам карданд,ё бо [ҳамфикрон ва] ҳаммонандҳояшон

Verse 23

ﯾﯿﰀﰁﰂﰃﰄ ﰅ ​

ва он чи ба ҷои Аллоҳ таоло мепарастиданд, гирд оваред ва ба роҳи дузах ҳидояташон кунед

Verse 24

ﰆﰇﰈﰉ ﰊ ​

Ва ононро нигаҳ доред, ки, ҳатман, [пеш аз рафтан ба дузах] бозхост хоҳанд шуд

Verse 25

ﭑﭒﭓﭔ ﭕ ​

[Аз дузахиён мепурсанд] «Чаро [монанди дунё] аз якдигар ҳимоят намекунед?»

Verse 26

ﭖﭗﭘﭙ ﭚ ​

Балки имрӯз [ҳамагӣ] таслим [-и амри Парвардигор] ҳастанд

Verse 27

ﭛﭜﭝﭞﭟ ﭠ ​

Ва сарзанишкунон ба якдигар рӯ меоранд

Verse 28

ﭡﭢﭣﭤﭥﭦ ﭧ ​

[Ва ба роҳбарон ва бузургони худ] мегӯянд: «Шумо [барои ба куфр кашонондани мо бо иддаои дини ростин ва] аз ҷониби ҳақ ба суроғамон меомадед»

Verse 29

ﭨﭩﭪﭫﭬ ﭭ ​

[Роҳбаронашон] Мегӯянд: «Мо муқассир нестем], балки шумо худ имон надоштед

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

Ва мо ҳеҷ тасаллуте бар шумо надоштем; балки шумо худ гурӯҳи саркаш будед

Verse 31

ﭺﭻﭼﭽﭾﭿﮀ ﮁ ​

Пас, [акнун] фармони муҷозоти Парвардигорамон бар мо муҳаққақ шуда ва ба ростӣ, мо [ҳамагӣ азоби дузахро] чашандаем

Verse 32

ﮂﮃﮄﮅ ﮆ ​

Пас, шуморо гумроҳ намудем [чаро ки] дар ҳақиқат, худ низ гумроҳ будем»

Verse 33

ﮇﮈﮉﮊﮋ ﮌ ​

Пас, яқинан он рӯз ҳамаи [онон] дар азоб шариканд

Verse 34

ﮍﮎﮏﮐ ﮑ ​

Бе тардид, Мо бо гунаҳкорон инчунин [рафтор] мекунем

Verse 35

ﮒﮓﮔﮕﮖﮗﮘﮙﮚﮛ ﮜ ​

Онон буданд, ки чун ба эшон гуфта мешуд: «Маъбуде [барҳақ] ҷуз Аллоҳ таоло нест» саркашӣ [ва такаббур] мекарданд

Verse 36

ﮝﮞﮟﮠﮡﮢ ﮣ ​

ва мегуфтанд: «Оё мо маъбудонамонро ба хотири [сухани] шоире девона раҳо кунем?»

Verse 37

ﮤﮥﮦﮧﮨ ﮩ ​

[Чунин нест] балки ӯ ҳақ [тавҳид]- ро оварда ва паёмбарони [пешин] – ро тасдиқ кардааст

Verse 38

ﮪﮫﮬﮭ ﮮ ​

Шумо [кофирон], ҳатман, азоби дардноки [дузах]-ро мечашед

Verse 39

ﮯﮰﮱﯓﯔﯕ ﯖ ​

Ва ҷуз [дар баробари] он чи мекардед, муҷозот намешавед

Verse 40

ﯗﯘﯙﯚ ﯛ ​

Ҳама азоб мебинанд, магар бандагони мухлиси Аллоҳ таоло

Verse 41

ﯜﯝﯞﯟ ﯠ ​

Онон [дар пешгоҳи Парвардигор ризқу] рӯзии мушаххасе доранд

Verse 42

ﯡﯢﯣ ﯤ ​

[Анвои] меваҳо [-ро дар ихтиёр хоҳанд дошт] ва гиромӣ дошта мешаванд

Verse 43

ﯥﯦﯧ ﯨ ​

Дар боғҳои пурнеъмати [биҳишт]

Verse 44

ﯩﯪﯫ ﯬ ​

Дар ҳоле ки муқобили якдигар бар тахтҳо [такя задаанд]

Verse 45

ﯭﯮﯯﯰﯱ ﯲ ​

ҷоме аз шароби ноб [ва зулол] перомунашон мегардонанд

Verse 46

ﯳﯴﯵ ﯶ ​

[Шаробе равшан ва] сафед, ки барои нӯшандагонашон лаззатбахш аст

Verse 47

ﯷﯸﯹﯺﯻﯼﯽ ﯾ ​

[Шаробе, ки хуморӣ ва] сардардӣ дар нӯшиданаш нест ва аз он маст намегарданд

Verse 48

ﯿﰀﰁﰂ ﰃ ​

Ва наздашон занони дуруштчашм аст, ки [ танҳо ба шавҳарони худ] назар доранд

Verse 49

ﰄﰅﰆ ﰇ ​

[Занон чунон сафедандоманд, ки] гӯё тухм [-и парандагон] ҳастанд [ва зери пар ва боли онҳо аз дастрасии ҳамагон] пинҳон мондаанд

Verse 50

ﰈﰉﰊﰋﰌ ﰍ ​

[Биҳиштиён дар бораи рӯйдодҳои дунё суҳбат мекунанд ва] бархе аз онон пурсишкунон рӯ ба бархе дигар мекунанд

Verse 51

ﰎﰏﰐﰑﰒﰓﰔ ﰕ ​

Яке аз онон мегӯяд: «Ман [дар дунё] ҳамнишине доштам

Verse 52

ﭑﭒﭓﭔ ﭕ ​

[Ӯ пайваста] Мегуфт: Оё ту воқеан [ба қиёмат] бовар дорӣ?

Verse 53

ﭖﭗﭘﭙﭚﭛﭜ ﭝ ​

Оё ҳангоме ки мурдем ва хок ва устухон шудем, оё ҳақиқатан [зинда мешавем ва ба хотири корҳоямон] ба мо кайфар медиҳанд?»

Verse 54

ﭞﭟﭠﭡ ﭢ ​

[Сипас, ба дӯстони биҳиштиаш] мегӯяд: «Оё [шумо низ ҳамроҳи ман] сар мекашед [то бидонем ӯ куҷост]?»

Verse 55

ﭣﭤﭥﭦﭧ ﭨ ​

Он гоҳ худи ӯ сар мекашад ва ӯро дар миёни дузах мебинад

Verse 56

ﭩﭪﭫﭬﭭ ﭮ ​

Ба ӯ мегӯяд: «Ба Аллоҳ таоло савганд, ки наздик буд маро [бо васвасаҳои куфромезат] нобуд созӣ

Verse 57

ﭯﭰﭱﭲﭳﭴ ﭵ ​

Агар неъмати [ҳидояти] Парвардигорам набуд, ман низ аз ҳозиршудагон [дар дузах] будам»

Verse 58

ﭶﭷﭸ ﭹ ​

[Он гоҳ ба биҳиштиён мегӯяд] «Оё мо дигар марге нахоҳем дошт

Verse 59

ﭺﭻﭼﭽﭾﭿ ﮀ ​

ҷуз марги нахустин, ва азоб намешавем?

Verse 60

ﮁﮂﮃﮄﮅ ﮆ ​

Ба ростӣ, ки ин ҳамон комёбии бузург аст

Verse 61

ﮇﮈﮉﮊ ﮋ ​

Аҳли амал бояд барои чунин [подош] бикӯшанд

Verse 62

ﮌﮍﮎﮏﮐﮑ ﮒ ​

Оё ин [неъмати биҳишт, каримонатар ва] барои пазироӣ беҳтар аст ё дарахти зақум [дар дузах]?

Verse 63

ﮓﮔﮕﮖ ﮗ ​

Бе тардид, Мо он дарахтро мояи озмоиши ситамгорони [мушрик] додаем [чаро ки мегӯянд: «Ҳеҷ дарахте дар оташ намерӯяд»]

Verse 64

ﮘﮙﮚﮛﮜﮝ ﮞ ​

Дар ҳақиқат, он [мояи азоб] дарахте аст, ки аз жарфои дузах мерӯяд

Verse 65

ﮟﮠﮡﮢ ﮣ ​

Меваҳояш [чунон бадманзар аст, ки] гӯё сарҳои шаётин аст

Verse 66

ﮤﮥﮦﮧﮨﮩ ﮪ ​

Онон [дузахиён] аз [меваҳои талхи] он мехӯранд ва шикамҳоро аз онҳо анбошта мекунанд

Verse 67

ﮫﮬﮭﮮﮯﮰﮱ ﯓ ​

Он гоҳ рӯи ин [ғизои нопок, ба ҷойи нӯшидани] омезаҳои аз оби ҷӯшон доранд

Verse 68

ﯔﯕﯖﯗﯘ ﯙ ​

Сипас, яқинан, бозгашташон ба дузах аст

Verse 69

ﯚﯛﯜﯝ ﯞ ​

Онон падарони худро гумроҳ ёфтанд

Verse 70

ﯟﯠﯡﯢ ﯣ ​

Ва [ҳамчунон] дар пайи онон мешитофтанд

Verse 71

ﯤﯥﯦﯧﯨ ﯩ ​

Ва, ҳатман, қабл аз онон низ бештари пешиниён гумроҳ шуданд

Verse 72

ﯪﯫﯬﯭ ﯮ ​

Ва бе тардид, Мо миёнашон ҳушдордиҳандагон [-и бисёр] фиристодем

Verse 73

ﯯﯰﯱﯲﯳ ﯴ ​

Пас, бингар, ки саранҷоми ҳушдорёфтагон чи гуна буд

Verse 74

ﯵﯶﯷﯸ ﯹ ​

[Ҳама гирифтори азоб шуданд] магар бандагони мухлиси Аллоҳ таоло

Verse 75

ﯺﯻﯼﯽﯾ ﯿ ​

Нуҳ ба даргоҳи Мо дуо кард ва [Мо] чи наку иҷобаткунанда будем!

Verse 76

ﰀﰁﰂﰃﰄ ﰅ ​

Ва ӯ ва хонаводаашро [бо ҳамроҳи муъминон] аз балои бузурги [тӯфон] наҷот додем

Verse 77

ﭑﭒﭓﭔ ﭕ ​

Ва [пас аз тӯфон, фақат пайравони муъмин ва] хонаводаи ӯро [дар замин] боқӣ гузоштем

Verse 78

ﭖﭗﭘﭙ ﭚ ​

Ва барояш дар миёни ояндагон [номи нек] бар ҷой ниҳодем

Verse 79

ﭛﭜﭝﭞﭟ ﭠ ​

Салом [ва ситоиши] ҷаҳониён бар Нуҳ бод

Verse 80

ﭡﭢﭣﭤ ﭥ ​

Ба ростӣ Мо накукоронро, инчунин, подош медиҳем

Verse 81

ﭦﭧﭨﭩ ﭪ ​

Бе тардид, ӯ аз бандагони муъмини Мо буд

Verse 82

ﭫﭬﭭ ﭮ ​

Он гоҳ дигаронро [ки дар тӯфон монда буданд] ғарқ кардем

Verse 83

ﭯﭰﭱﭲﭳ ﭴ ​

Ва, ҳатман, Иброҳим аз пайравони ӯ [Нуҳ] буд

Verse 84

ﭵﭶﭷﭸﭹ ﭺ ​

[Ёд кун аз] ҳангоме ки вай бо дили пок [ва холӣ аз ширк] ба [даргоҳи] Парвардигораш омад

Verse 85

ﭻﭼﭽﭾﭿﮀ ﮁ ​

Он гоҳ ки ба падар ва қавмаш гуфт: « Чи чизе мепарастед?

Verse 86

ﮂﮃﮄﮅﮆ ﮇ ​

Оё ба ҷойи Аллоҳ таоло ин маъбудони дурӯғинро мехоҳед?

Verse 87

ﮈﮉﮊﮋ ﮌ ​

Гумонатон дар бораи Парвардигори ҷаҳониён чист?»

Verse 88

ﮍﮎﮏﮐ ﮑ ​

Сипас нигоҳе ба ситорагон афканд [ва андешид]

Verse 89

ﮒﮓﮔ ﮕ ​

Ва гуфт: «Ман беморам [ва дар ҷашн ширкат намекунам]»

Verse 90

ﮖﮗﮘ ﮙ ​

Мардум ӯро тарк карданд ва рафтанд

Verse 91

ﮚﮛﮜﮝﮞﮟ ﮠ ​

Он гоҳ пинҳонӣ назди бутҳояшон рафт ва [бо тамасхур] гуфт: «Чизе намехӯред?

Verse 92

ﮡﮢﮣﮤ ﮥ ​

Шуморо чи шудааст, ки сухан намегӯед?»

Verse 93

ﮦﮧﮨﮩ ﮪ ​

Сипас бо дасти рости худ зарбаҳои [муҳкам] бар онҳо ворид овард [ва ҷуз бути бузург ҳамаро шикаст]

Verse 94

ﮫﮬﮭ ﮮ ​

Пас, қавмаш шитофтанд ва ба сӯйи ӯ омаданд

Verse 95

ﮯﮰﮱﯓ ﯔ ​

[Иброҳим] гуфт: «Оё чизеро, ки худ метарошед, мепарастед?

Verse 96

ﯕﯖﯗﯘ ﯙ ​

Ва ҳол он ки Аллоҳ таоло [ҳам] шумо ва [ ҳам] он чиро анҷом медиҳед офаридааст

Verse 97

ﯚﯛﯜﯝﯞﯟﯠ ﯡ ​

[Вақте бутпарастон аз посух дармонданд] Гуфтанд: «Барояш бинои [баланд] бисозед ва ӯро дар оташ биафканед»

Verse 98

ﯢﯣﯤﯥﯦ ﯧ ​

Пас, барои [нобудии] ӯ найранг хостанд, [вале] Мо ононро паст ва [мағлуб] сохтем [ва оташ бар Иброҳим сард ва беасар шуд]

Verse 99

ﯨﯩﯪﯫﯬﯭ ﯮ ​

Ва гуфт: «Ман ба сӯи [сарзамини дигаре барои ибодати] Парвардигорам меравам ва Ӯ ҳидоятам хоҳад кард

Verse 100

ﯯﯰﯱﯲﯳ ﯴ ​

Парвардигоро, ба ман [фарзанде] аз шоистагон ато кун»

Verse 101

ﯵﯶﯷ ﯸ ​

Мо [дуояшро мустаҷоб кардем ва] ӯро ба таваллуди писари бурдборе башорат додем

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

Ва чун [Исмоил] ба [синни навҷавонӣ ва] ҳадди талош [ва ҳамкорӣ] бо ӯ [Иброҳим] расид, ба вай гуфт: Писарам, дар хоб [ба ман ваҳй мешавад ва] мебинам, ки туро забҳ мекунам. Назарат дар ин бора чист?» [Исмоил] гуфт: «Падарҷон, он чиро ки ба ту амр шудааст анҷом бидеҳ. Иншоаллоҳ маро [дар баробари ин фармон] шикебо хоҳӣ ёфт»

Verse 103

ﭑﭒﭓﭔ ﭕ ​

Пас, чун ҳар ду таслими [фармони Парвардигор] шуданд ва [Иброҳим] ӯро бо гуна [бар хок] ниҳод

Verse 104

ﭖﭗﭘ ﭙ ​

Ба ӯ нидо додем, ки «Эй Иброҳим!

Verse 105

ﭚﭛﭜﭝﭞﭟﭠﭡ ﭢ ​

Яқинан хобатро таҳаққуқ бахшидӣ». Мо накукоронро чунин подош медиҳем

Verse 106

ﭣﭤﭥﭦﭧ ﭨ ​

Бе тардид, ин [хоб] озмоише ошкор буд [ва Иброҳим аз он сарбаланд берун омад]

Verse 107

ﭩﭪﭫ ﭬ ​

Ва [ҷони] ӯро дар баробари қурбонии бузурге бозхаридем

Verse 108

ﭭﭮﭯﭰ ﭱ ​

Ва барояш дар миёни ояндагон [номи нек] бар ҷой ниҳодем

Verse 109

ﭲﭳﭴ ﭵ ​

Салом бар Иброҳим

Verse 110

ﭶﭷﭸ ﭹ ​

Мо накукоронро чунин подош медиҳем

Verse 111

ﭺﭻﭼﭽ ﭾ ​

Бе тардид, ӯ аз бандагони муъмини Мо буд

Verse 112

ﭿﮀﮁﮂﮃ ﮄ ​

Ва ӯро ба [таваллуди] Исҳоқ, ки паёмбаре аз шоистагон буд, башорат додем

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

[Мо] Ба ӯ ва Исҳоқ баракат додем, ва [бархе] аз афроди дудмонашон накукор буданд ва [бархе дигар] ошкоро нисбат ба хештан ситамгор буданд

Verse 114

ﮑﮒﮓﮔﮕ ﮖ ​

Ва ба ростӣ, бар Мӯсо ва Ҳорун миннат ниҳодем

Verse 115

ﮗﮘﮙﮚﮛ ﮜ ​

Ва он дуро ҳамроҳи қавмашон аз андуҳи бузург [ситами Фиръавн ва хатари ғарқ шудан дар Нил] наҷот додем

Verse 116

ﮝﮞﮟﮠ ﮡ ​

Ва ёриашон кардем, то пирӯз шуданд

Verse 117

ﮢﮣﮤ ﮥ ​

Ва ба он ду китоби равшангар [Таврот] додем

Verse 118

ﮦﮧﮨ ﮩ ​

Ва ба роҳи рост ҳидояташон кардем

Verse 119

ﮪﮫﮬﮭ ﮮ ​

Ва барояшон дар миёни ояндагон [номи нек] бар ҷой ниҳодем

Verse 120

ﮯﮰﮱﯓ ﯔ ​

Салом бар Мӯсо ва Ҳорун

Verse 121

ﯕﯖﯗﯘ ﯙ ​

Мо накукоронро чунин подош медиҳем

Verse 122

ﯚﯛﯜﯝ ﯞ ​

Бе тардид, он ду бандагони муъмини Мо буданд

Verse 123

ﯟﯠﯡﯢ ﯣ ​

Ва, ҳатман, Илёс [низ] яке аз паёмбарони [Мо] буд

Verse 124

ﯤﯥﯦﯧﯨ ﯩ ​

[Ёд кун аз] Ҳангоме ки ӯ ба қавмаш гуфт: «Оё [аз Аллоҳ таоло] парво намекунед?

Verse 125

ﯪﯫﯬﯭﯮ ﯯ ​

Оё [бути] «Баъл»-ро [ба парастиш] мехонед ва беҳтарин офарандаро раҳо мекунед?

Verse 126

ﯰﯱﯲﯳﯴ ﯵ ​

Аллоҳ таоло [-ро тарк мекунед], ки Парвардигори шумо ва Парвардигори падаронатон аст»

Verse 127

ﭑﭒﭓ ﭔ ​

Аммо ӯро дурӯғгӯ ангоштанд ва мусалламан, [барои азоб] ҳозир карда мешаванд

Verse 128

ﭕﭖﭗﭘ ﭙ ​

Магар бандагони мухлиси Аллоҳ таоло

Verse 129

ﭚﭛﭜﭝ ﭞ ​

Мо барояш дар миёни ояндагон [номи нек] бар ҷой ниҳодем

Verse 130

ﭟﭠﭡﭢ ﭣ ​

Салом бар Илёс

Verse 131

ﭤﭥﭦﭧ ﭨ ​

Ба ростӣ, Мо накукоронро чунин подош медиҳем

Verse 132

ﭩﭪﭫﭬ ﭭ ​

Бе тардид, ӯ аз бандагони муъмини Мо буд

Verse 133

ﭮﭯﭰﭱ ﭲ ​

Ва ҳатман, Лут [низ] яке аз паёмбарони [Мо] буд

Verse 134

ﭳﭴﭵﭶ ﭷ ​

[Ёд кун аз] ҳангоме ки ӯ ва ҳамаи хонаводаашро наҷот додем

Verse 135

ﭸﭹﭺﭻ ﭼ ​

Магар пиразане, ки аз боқимондагон [дар азоб] буд

Verse 136

ﭽﭾﭿ ﮀ ​

Сипас дигаронро ҳалок кардем

Verse 137

ﮁﮂﮃﮄ ﮅ ​

Ва шумо [дар сафар ба сарзамини Шом] субҳгоҳон бар [вайронаҳои шаҳрҳои] онон мегузаред,

Verse 138

ﮆﮇﮈﮉ ﮊ ​

ва шабонгоҳ. Оё намеандешед [ва ибрат намегиред]?

Verse 139

ﮋﮌﮍﮎ ﮏ ​

Ва, ҳатман, Юнус [низ] яке аз паёмбарони [Мо] буд

Verse 140

ﮐﮑﮒﮓﮔ ﮕ ​

[Ёд кун аз] ҳангоме ки [ хашмгин аз куфри қавмаш, бидуни иҷозати Парвардигор] ба киштии анбошта [аз мусофир ва бор] гурехт

Verse 141

ﮖﮗﮘﮙ ﮚ ​

Пас, [чун киштӣ дар ҳоли ғарқ шудан буд, Юнус ҳамроҳи мусофирон барои берун андохтани бархе афрод] қуръа андохтанд ва бозанда шуд [ва ӯро ба дарё андохтанд]

Verse 142

ﮛﮜﮝﮞ ﮟ ​

Сипас моҳии [бузурге] ӯро балъид [фурӯ бурд], дар ҳоле ки [худро ба хотири тарки вазифа] сарзаниш мекард

Verse 143

ﮠﮡﮢﮣﮤ ﮥ ​

Пас, агар дар зумраи тасбеҳгӯёни [Парвардигор] набуд,

Verse 144

ﮦﮧﮨﮩﮪﮫ ﮬ ​

Яқинан, то рӯзе, ки [мардум] барангехта мешаванд, дар шиками он [моҳӣ] боқӣ мемонд

Verse 145

ﮭﮮﮯﮰﮱ ﯓ ​

Он гоҳ ӯро дар ҳоле ки [заъиф ва] бемор буд ба сарзамини хушк [ва бегиёҳ] афкандем

Verse 146

ﯔﯕﯖﯗﯘ ﯙ ​

Ва бар [сари] ӯ бутаи каду рӯёндем [то аз соя ва меваҳояш баҳра гирад]

Verse 147

ﯚﯛﯜﯝﯞﯟ ﯠ ​

Ва [дубора] ӯро ба сӯйи сад ҳазор нафар ё бештар [ба рисолат] фиристодем

Verse 148

ﯡﯢﯣﯤ ﯥ ​

Пас, онон имон оварданд ва Мо низ то муддате [аз неъматҳои зиндагӣ] баҳрамандашон сохтем

Verse 149

ﯦﯧﯨﯩﯪ ﯫ ​

Пас, аз эшон [мушрикон] бипурс, оё духтарҳо барои Парвардигори ту ва писарҳо барои онҳост?

Verse 150

ﯬﯭﯮﯯﯰﯱ ﯲ ​

Оё Мо фариштагонро духтар офаридем ва онҳо ҳузур доштанд?

Verse 151

ﯳﯴﯵﯶﯷ ﯸ ​

Огоҳ бош! Онон аз [рӯи туҳмат ва] дурӯғгӯӣ

Verse 152

ﯹﯺﯻﯼ ﯽ ​

мегӯянд: «Аллоҳ таоло фарзанд дорад» ва, яқинан, дурӯғ мегӯянд

Verse 153

ﯾﯿﰀﰁ ﰂ ​

Оё [Аллоҳ таоло] духтаронро бар писарон тарҷеҳ додааст?

Verse 154

ﭑﭒﭓﭔ ﭕ ​

Шуморо чи шудааст? Чи гуна ҳукм мекунед?

Verse 155

ﭖﭗ ﭘ ​

Оё [намеандешед ва] панд намегиред?

Verse 156

ﭙﭚﭛﭜ ﭝ ​

Оё [бар иддаои ботили хеш] далели равшане доред?

Verse 157

ﭞﭟﭠﭡﭢ ﭣ ​

Пас, агар ростгӯед, китобатонро биёваред

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

[Мушрикон] байни Ӯ [Аллоҳ таоло] ва фариштагон, хешовандӣ қоил шудаанд; дар ҳоле ки фариштагон ба яқин медонанд, ки [мушрикон рӯзи қиёмат барои ҳисобрасӣ] эҳзор мешаванд

Verse 159

ﭰﭱﭲﭳ ﭴ ​

Аллоҳ таоло аз он чи [мушрикон] тавсиф мекунанд, муназзаҳ аст

Verse 160

ﭵﭶﭷﭸ ﭹ ​

[Мардум дар тавсифи Парвардигор, сухани газоф мегӯянд] магар бандагони мухлиси Аллоҳ таоло

Verse 161

ﭺﭻﭼ ﭽ ​

Пас, шумо [мушрикон] ва он чи мепарастед,

Verse 162

ﭾﭿﮀﮁ ﮂ ​

[ҳаргиз] гумроҳгари [касе аз дини ҳақ] нестед

Verse 163

ﮃﮄﮅﮆﮇ ﮈ ​

Магар он ки [ба тақдири илоҳӣ] аҳли дузах бошад

Verse 164

ﮉﮊﮋﮌﮍﮎ ﮏ ​

Ва [фариштагон мегӯянд]: « Ҳеҷ як аз мо нест, магар он ки мақоми мушаххасе [дар пешгоҳи илоҳӣ] дорад

Verse 165

ﮐﮑﮒ ﮓ ​

Моем, ки [барои парастиш ва ниёиш ба даргоҳи Парвардигор] ба саф истодаем

Verse 166

ﮔﮕﮖ ﮗ ​

Ва бе тардид, моем, ки тасбеҳгӯи [Ӯ] ҳастем»

Verse 167

ﮘﮙﮚ ﮛ ​

Ва [кофирон, пеш аз биъсат] ҳамвора мегуфтанд:

Verse 168

ﮜﮝﮞﮟﮠﮡ ﮢ ​

«Агар китобе аз [китобҳои осмонии] пешиниён наздамон буд,

Verse 169

ﮣﮤﮥﮦ ﮧ ​

яқинан, аз бандагони мухлиси Аллоҳ таоло мешудем»

Verse 170

ﮨﮩﮪﮫﮬ ﮭ ​

Аммо [ҳангоме ки паёмбар бо Қуръон ба сӯяшон омад, ҳаққонияти] онро инкор карданд; пас, ба зудӣ [натиҷаи ин корашонро] хоҳанд донист

Verse 171

ﮮﮯﮰﮱﯓ ﯔ ​

Ва ҳатман суханони Мо дар бораи бандагони фиристодаамон аз пеш содир шудааст

Verse 172

ﯕﯖﯗ ﯘ ​

Онон, ҳатман, аз ҷониби Мо ёрӣ шудаанд

Verse 173

ﯙﯚﯛﯜ ﯝ ​

Ва бе тардид, лашкари Мо пирӯзанд

Verse 174

ﯞﯟﯠﯡ ﯢ ​

Пас, [эй Паёмбар] то муддате аз онон [мушрикон] рӯй бигардон

Verse 175

ﯣﯤﯥ ﯦ ​

Ва ононро [дар ҳангоми нузули азоб] бингар; пас, ба зудӣ худ [низ натиҷаи куфрашонро] хоҳанд дид

Verse 176

ﯧﯨ ﯩ ​

Оё онон азоби моро ба шитоб хосторанд?

Verse 177

ﯪﯫﯬﯭﯮﯯ ﯰ ​

Он гоҳ ки [азоби илоҳӣ] бар хонаҳояшон фуруд ояд, чи бад аст бомдоди ҳушдорёфтагон!

Verse 178

ﯱﯲﯳﯴ ﯵ ​

Ва то муддате аз онон рӯй бигардон

Verse 179

ﯶﯷﯸ ﯹ ​

Ва ононро [дар ҳангоми нузули азоб] бингар; пас, ба зудӣ худ [низ натиҷаи куфрашонро] хоҳанд дид

Verse 180

ﯺﯻﯼﯽﯾﯿ ﰀ ​

Пок ва муназзаҳ аст Парвардигорат - Парвардигори иззат ва қудрат-аз он чи [мушрикон ба дурӯғ] васф мекунанд

Verse 181

ﰁﰂﰃ ﰄ ​

Ва салом бар паёмбарон

Verse 182

ﰅﰆﰇﰈ ﰉ ​

Ва сипос [ва ситоиш] аз они Аллоҳ таоло- Парвардигори ҷаҳониён- аст