Verse 1

ﭑﭒ ﭓ ​

1.       Аллоҳ савганд ёд мекунад: Савганд ба он фармштагоне, ки барои ибодаташ саф бастаанд,

Verse 2

ﭔﭕ ﭖ ​

2.       пас савганд ба он фариштагон, ки абрҳоро ба амри Аллоҳ сахт меронанд.

Verse 3

ﭗﭘ ﭙ ​

3.       Ва савганд ба он фариштагоне, ки зикри Аллоҳро мехонанд.

Verse 4

ﭚﭛﭜ ﭝ ​

4.       Ҳароина, эй одамон, маъбуди шумо, Аллоҳи яктост, ки шарик надорад. Пас, Ӯро ибодат ва итоат кунед.(1)
____________________
1. Аллоҳ таоло ба чизе аз махлуқоташ хоҳад қасам мехӯрад. Аммо барои халқаш чоиз нест қасам хӯрдан, магар ба номи Аллоҳ, пас қасам хӯрдан ба номи ғайри Аллоҳ ширк аст.

Verse 5

ﭞﭟﭠﭡﭢﭣﭤ ﭥ ​

5.       Парвардигори осмонҳову замин аст ва ҳар чӣ дар миёни онҳост. Ва Парвардигори машриқҳост!

Verse 6

ﭦﭧﭨﭩﭪﭫ ﭬ ​

6.       Ҳароина, Мо осмони дунёро оростаем ба зиннати ситорагон.

Verse 7

ﭭﭮﭯﭰﭱ ﭲ ​

7.       Ва осмонро ба ситорагон аз ҳар шайтони саркаш нигаҳ доштем.

Verse 8

ﭳﭴﭵﭶﭷﭸﭹﭺﭻ ﭼ ​

8.       То натавонанд шайтонҳо, ки бирасанд ба "Малау-л-аъло" (яъне, ба осмонҳо ва ба фариштагоне, ки дар он ҷо мебошанд, то бишнаванд суханеро, ки Аллоҳ ба онҳо ваҳй мекунад). Ва аз ҳар сӯй андохта шаванд бо ситорае (шӯълае).

Verse 9

ﭽﭾﭿﮀﮁ ﮂ ​

9.       То шайтонҳо ронда шаванд аз осмон ва барои онҳост дар охират азоби доими аламовар.

Verse 10

ﮃﮄﮅﮆﮇﮈﮉ ﮊ ​

10.   Магар он шайтон, ки ногаҳон пораи хабареро бирабояд ва он сухане мебошад, ки мешунавад ӯро аз осмон, пас онро ба шайтони поёнӣ медиҳад ва он ба дигаре, ки аз ӯ поёнтар аст, медиҳад ва мумкин аст, ки шӯълае ӯро дарк кунад ва сӯзонад ва мумкин аст, ки ба қазову қадари Аллоҳ шӯъла онро дарк накунаду насӯзонад, пас он каломро шайтоне ба коҳине(1) мерасонад ва дар он сад дурӯғи дигар изофа мекунад.(2)
____________________
1. Касе, ки даъвои хабари ғайб кунад. 2. Тафсири Саъдӣ 1\700

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

11.   Пас, эй Паёмбар аз кофироне, ки аз нав зинда шуданро инкор мекунанд
бипурс, ки офариниши онҳо душвортар аст ё он чи Мо офаридаем. Ҳароина, Мо падарашон Одамро аз гили часпанда офаридаем.

Verse 12

ﮙﮚﮛ ﮜ ​

12.   Балки ту эй Паёмбар, тааҷҷуб мекунӣ аз дӯруғ бароварданашон ва мункир шуданашон баъсро(1) ва аҷибтар ин аст, ки онҳо туро истеҳзо ва суханҳоятро масхара мекунанд.
____________________
1. Аз нав зинда шудани баъд аз мурдан.

Verse 13

ﮝﮞﮟﮠ ﮡ ​

13.   Ба чун онҳоро хотиррасон карда панд дода шавад он чизеро, ки фаромӯш кардаанд ё ғофил мондаанд, пандро намепазиранд.

Verse 14

ﮢﮣﮤﮥ ﮦ ​

14.   Ва чун мӯъчизаеро бубинанд, ки далолат ба паёмбарии ту мекунад, онро ба масхара мегиранд.

Verse 15

ﮧﮨﮩﮪﮫﮬ ﮭ ​

15.   Ва гӯянд: «Ин чизе, ки ту овардаӣ ҷуз ҷодуи ошкоре нест,

Verse 16

ﮮﮯﮰﮱﯓﯔﯕ ﯖ ​

16.   оё вақте ки мо мурдем ва хоку устухони пӯсида шудем, боз аз нав зинда хоҳем шуд?

Verse 17

ﯗﯘ ﯙ ​

17.   Оё падарони гузаштаи мо
низ зинда хоҳанд шуд?

Verse 18

ﯚﯛﯜﯝ ﯞ ​

18.   Бигӯ барояшон эй Паёмбар: «Оре, ҳамаи шумо зинда мешавед, дар ҳоле ки хору бечора хоҳед буд!»

Verse 19

ﯟﯠﯡﯢﯣﯤﯥ ﯦ ​

19.   Пас албатта, аз нав зинда шудан ба як садои маргбор аст. Пас онҳо бармехезанд аз қабрҳояшон ва мебинанд аҳволи қиёматро.(1)
____________________
1. Тафсири Бағавӣ 7\37

Verse 20

ﯧﯨﯩﯪﯫ ﯬ ​

20.   Ва мегӯянд: «Ҳалокӣ бар мо, ин ҳамон рӯзи ҳисоб ва ҷазост!»

Verse 21

ﯭﯮﯯﯰﯱﯲﯳ ﯴ ​

21.   Гуфта шавад ба онҳо: Ин ҳамон рӯзи доварӣ аст, ки дар дунё дурӯғаш мепиндоштед.

Verse 22

ﯵﯶﯷﯸﯹﯺﯻﯼ ﯽ ​

22.   Гуфта шавад ба фариштагон: Ҷамъ кунед онҳоеро, ки ба Аллоҳ кофир шуданд ҳамроҳ бо ҳаммаслакони худ ва ҳамроҳ бо он чи мепарастиданд,

Verse 23

ﯾﯿﰀﰁﰂﰃﰄ ﰅ ​

23.   ба ҷои Аллоҳи якто, пас биронед онҳоро, рондане дурушт сӯйи ҷаҳаннам.

Verse 24

ﰆﰇﰈﰉ ﰊ ​

24.   Ва ононро пеш аз расидан сӯи ҷаҳаннам нигаҳ доред, ҳамоно бояд, ки пурсуҷӯ шаванд.(1)
____________________
1. Яъне, аз корҳо ва гуфторҳои ботиле, ки дар дунё мекарданд. Тафсири Саъдӣ 1/701

Verse 25

ﭑﭒﭓﭔ ﭕ ​

25.   Ба онҳо сахт гуфта шавад: «Шуморо чӣ шуд, ки ҳамдигарро ёрӣ намекунед?»

Verse 26

ﭖﭗﭘﭙ ﭚ ​

26.   Балки, имрӯз онҳо ба амри Аллоҳ таслимшавандагонанд ва дар қиёмат барои худ чорае андеша натавонанд.

Verse 27

ﭛﭜﭝﭞﭟ ﭠ ​

27.   Ва он гоҳ кофирон рӯй ба якдигар кунанд ва аз ҳамдигар маломаткунон бипурсанд.

Verse 28

ﭡﭢﭣﭤﭥﭦ ﭧ ​

28.   Пайравон ба пешвоёни худ гӯянд: «Албатта, шумо будед, ки моро гумроҳ мекардед ва аз ҷониби дину шариат пеши мо меомадед ва амрҳои динро ба мо нодуруст нишон медодед ва моро аз дин мегурезонидед ва ботилро барои мо зиннат медодед.(1)
____________________
1. Тафсири Бағавӣ 7\38

Verse 29

ﭨﭩﭪﭫﭬ ﭭ ​

29.   Пешвоён ба пайравон гӯянд: «На, чунин нест, балки камбудӣ аз худатон буд, дилҳоятон имонро инкор мекард ва куфру исёнро қабул мекард.(1)
____________________
1. Тафсири Ибни Касир 7\11

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

30.   Моро бар шумо ҳеҷ ғолибияте набуд, ки шуморо аз имон боздорем. Балки шумо эй мушрикон худ мардумоне нофармону таҷовузкор будед.

Verse 31

ﭺﭻﭼﭽﭾﭿﮀ ﮁ ​

31.    Пас, гуфтаи Парвардигорамон бар мо воҷиб шуд. Ҳамоно мову шумо бояд бичашем азобро ба сабаби гуноҳое, ки дар дунё кардаем.(1)
____________________
1. Тафсири Табарӣ 21\33

Verse 32

ﮂﮃﮄﮅ ﮆ ​

32.    Пас, мо шуморо аз роҳи Аллоҳ ва имони ба Ӯ гумроҳ кардем ҳамоно худ аз ин пеш гумроҳ будем, пас, ҳалокати мо ба сабаби куфрамон буд ва шуморо бо ҳамроҳамон ҳалок кардем.

Verse 33

ﮇﮈﮉﮊﮋ ﮌ ​

33.    Пас, ҳароина, дар рӯзи қиёмат ҳама дар азоб шариканд. Чунон ки дар дунё дар нофармонии Аллоҳ шарик буданд.(1)
____________________
1. Тафсири Саъдӣ 1\702

Verse 34

ﮍﮎﮏﮐ ﮑ ​

34.    Мо бо касоне, ки дар дунё тоати Аллоҳро ба ҷой наоварда, гуноҳ карданд, чунин рафтор мекунем.(1)
____________________
1. Яъне, онҳоро азоби дарднок мечашонем.

Verse 35

ﮒﮓﮔﮕﮖﮗﮘﮙﮚﮛ ﮜ ​

35.    Зеро онҳо буданд, ки чун калимаи «Ла илоҳа иллаллоҳ»(1) ба онҳо гуфта мешуд, такаббур мекарданд.
____________________
1. Яъне, даъват карда мешуданд ба маъбуди ягона, ки ба ҷуз Ӯ касе ва чизе сазовори парастиш шуда наметавонад, такаббур мекарданд.

Verse 36

ﮝﮞﮟﮠﮡﮢ ﮣ ​

36.   Ва мегуфтанд: «Оё ба хотири шоири девонае(1) маъбудонамонро тарк кунем?»
____________________
1. Яъне, Муҳаммад саллаллоҳу алайҳи ва саллам. Тафсири Бағавӣ 7/ 39

Verse 37

ﮤﮥﮦﮧﮨ ﮩ ​

37.   Дурӯғ гуфтанд. На, Муҳаммад чунин нест, чунон ки онҳо ӯро сифат карданд, балки ӯ Қуръон ва тавҳидро овард ва паёмбарони пешинро аз он чи аз шариати Аллоҳ хабар дода буданд, тасдиқ намуд.(1)
____________________
1. Тафсири Саъдӣ 1\702

Verse 38

ﮪﮫﮬﮭ ﮮ ​

38.   Ҳароина, шумо эй мушрикон ба сабаби куфратон азоби дардоварро, ҳатман, хоҳед чашид!

Verse 39

ﮯﮰﮱﯓﯔﯕ ﯖ ​

39.   Ва ҷазо дода намешавед дар охират, магар мувофиқи гуноҳоне, ки дар дунё кардаед.

Verse 40

ﯗﯘﯙﯚ ﯛ ​

40.   Магар бандагони мухлиси Аллоҳ,(1) ки ибодаташро барояш холис сохтаанд
____________________
1. Яъне, аҳли тавҳид. Онҳоеро, ки холис сохтааст ба раҳмати худаш, пас онҳо аз азоби дарднок наҷот ёфтагонанд. Тафсири Саъдӣ 1/ 702

Verse 41

ﯜﯝﯞﯟ ﯠ ​

41.   Барои онҳо дар ҷаннат ризқи муайяне аст, ки ҳамеша бардавом аст.

Verse 42

ﯡﯢﯣ ﯤ ​

42.   Ризқу рӯзиашон аз меваҳои ҳархела ва онҳо гиромӣ шудагонанд,

Verse 43

ﯥﯦﯧ ﯨ ​

43.    дар биҳиштҳои пур аз нозу неъмат,

Verse 44

ﯩﯪﯫ ﯬ ​

44.    бар тахтҳое(1) дар рӯ ба рӯи якдигар (нишастаанд).
____________________
1. Яъне, нишастгоҳҳои баланду зебо. Тафсири Саъдӣ 1\702

Verse 45

ﯭﯮﯯﯰﯱ ﯲ ​

45.    Ва барои онон ҷоме аз чашмаи гуворо миёнашон гардонида мешавад,

Verse 46

ﯳﯴﯵ ﯶ ​

46.    сафед асту нӯшандагонашро
лаззатбахш,

Verse 47

ﯷﯸﯹﯺﯻﯼﯽ ﯾ ​

47.    на дар он шароб ақл пӯшида шавад ва на онҳо аз он шароб маст шаванд.(1)
____________________
1. Ибни Касир мегӯяд: «Саҳеҳтарин қавл, қавли Муҷоҳид аст, ки мурод аз (ғавл) дарди шикам мебошад».

Verse 48

ﯿﰀﰁﰂ ﰃ ​

48.    Ва дар наздашон занони фаррохчашм ҳастанд, ки танҳо ба шавҳарони худ назар доранд ва ғайри онҳоро намехоҳанд.

Verse 49

ﰄﰅﰆ ﰇ ​

49.    Гӯё, ки ҳурони биҳишт, дар сафедӣ монанди тухмҳои пӯшидашудае ҳастанд. (Ин ба хотири зебоӣ ва сафои онҳост ва рангҳояшон зеботарин ва дурахшандатарин рангҳост)(1)
____________________
1. Тафсири Саъдӣ 1\702

Verse 50

ﰈﰉﰊﰋﰌ ﰍ ​

50. Дар ҷаннат рӯ ба якдигар кунанд ва аз ҳамдигар мепурсанд, ки дар дунё чӣ қадар машаққатҳо кашида буданд ва дар баробари он Аллоҳ ба онҳо ҷаннатро арзонӣ кардааст. Ва ин намоёнгари айшу ишрати комили онҳо дар биҳишт аст.(1)
____________________
1. Тафсири Ибни Касир 7\15

Verse 51

ﰎﰏﰐﰑﰒﰓﰔ ﰕ ​

51. Яке аз ҷаннатиҳо гӯяд: «Маро дар дунё ҳамнишини кофире буд,

Verse 52

ﭑﭒﭓﭔ ﭕ ​

52. ки ба ман мегуфт: «Оё ту аз гурӯҳи онҳое ҳастӣ, ки рӯзи баъсро тасдиқ мекунанд?

Verse 53

ﭖﭗﭘﭙﭚﭛﭜ ﭝ ​

53. Оё он гоҳ ки мурдему хоку устухон шудем, зинда мешавему ҷазоямон медиҳанд?»

Verse 54

ﭞﭟﭠﭡ ﭢ ​

54. Гӯяд ин мӯьмини ҷаннатӣ ба шариконаш: Оё шумо мебинед бошишгоҳи он ҳамнишини манро?

Verse 55

ﭣﭤﭥﭦﭧ ﭨ ​

55. Пас худаш аз боло бингарист ва ӯро(1) дар миёни оташи дӯзах дид.
____________________
1. Он ҳамнишини кофирро. Тафсири Бағавӣ 7/ 41

Verse 56

ﭩﭪﭫﭬﭭ ﭮ ​

56. Гӯяд мӯъмин ба он мункири баъс: «Ба Аллоҳ савганд, наздик буд, ки маро ба ҳалокат афканӣ.

Verse 57

ﭯﭰﭱﭲﭳﭴ ﭵ ​

57. Ва агар неъмати (роҳнамоии) Парвардигорам намебуд, ман низ ҳамроҳи ту дар азоб мебудам.

Verse 58

ﭶﭷﭸ ﭹ ​

58.   Оё мо баъд аз даромаданамон ба ҷаннат дар ҳақиқат ҷовидон мемонем, пас моро марге нест?

Verse 59

ﭺﭻﭼﭽﭾﭿ ﮀ ​

59.   Ҷуз он марги нахустин дар дунё? Ва баъди даромаданамон ба ҷаннат дигар моро азоб намекунанд!?

Verse 60

ﮁﮂﮃﮄﮅ ﮆ ​

60.   Ҳароина, ин аст комёбии бузург!(1)
____________________
1. Тафсири Табарӣ 21\51

Verse 61

ﮇﮈﮉﮊ ﮋ ​

61.   Барои чунин неъмат ва подоши бузург, бояд амалкунандагон дар дунё амал кунанд, то бирасанд ба он дар охират.

Verse 62

ﮌﮍﮎﮏﮐﮑ ﮒ ​

62.   Оё барои пазироии ин ҳама неъматҳои биҳишти ҷовидонӣ беҳтар аст, ё дарахти заққум (дарахтест бадбӯ ва талх дар ҷаҳаннам)?(1)
____________________
1. Тафсири Бағавӣ 7\42

Verse 63

ﮓﮔﮕﮖ ﮗ ​

63.   Ҳамоно Мо он дарахтро барои уқубати ситамкорон падид овардаем.(1)
____________________
1. Ё, мо онро танҳо озмуни ситамкорон қарор кардаем, ки вуҷуди онро дар дунё инкор мекунанд. Баъди нузули ин оят кофирон гуфтанд: Дар дӯзах чӣ тавр дарахт мерӯяд, оё оташ онро намесӯзонад.Тафсири Табарӣ 21/ 53

Verse 64

ﮘﮙﮚﮛﮜﮝ ﮞ ​

64.   Ҳамоно дарахтест, ки аз қаъри ҷаҳаннам мерӯяд

Verse 65

ﮟﮠﮡﮢ ﮣ ​

65.   мевааш зиштрӯй монанди сари шайётин аст,

Verse 66

ﮤﮥﮦﮧﮨﮩ ﮪ ​

66.   пас дӯзахиён аз он мехӯранд ва шикам пур месозанд.

Verse 67

ﮫﮬﮭﮮﮯﮰﮱ ﯓ ​

67.   Баъд аз болои он, ҳаройина, омезае аз оби сӯзон менӯшанд (яъне, баъди хӯрдани меваи Заққум аз болои он маҷбуран оби ифлосу сӯзоне нӯшонида мешаванд).(1)
____________________
1. Тафсири Табарӣ 21\55

Verse 68

ﯔﯕﯖﯗﯘ ﯙ ​

68.   Сипас бозгашташон, албатта ба ҷаҳаннам аст.

Verse 69

ﯚﯛﯜﯝ ﯞ ​

69.   Ҳароина, онҳо падарони худро пеш аз худ гумроҳ ва мушрик ёфтанд.

Verse 70

ﯟﯠﯡﯢ ﯣ ​

70.   Пас онҳо ба дунболи падаронашон шитобон ронда мешаванд.

Verse 71

ﯤﯥﯦﯧﯨ ﯩ ​

71.   Ва ба таҳқиқ, пеш аз қавмат эй Паёмбар, бештари пешиниён гумроҳ буданд.

Verse 72

ﯪﯫﯬﯭ ﯮ ​

72.   Ва ҳамоно Мо расулони бимдиҳандае дар миёнашон фиристодем, пас кофир шуданд.

Verse 73

ﯯﯰﯱﯲﯳ ﯴ ​

73.   Пас, бингар (тааммул кун), ки саранҷоми он бимёфтагон чӣ гуна буд? Ҳамоно ҳама кофир шуданд, пас азоб
карда шуданд ва барои мардум ибрате шуданд.(1)
____________________
1. Тафсири Табарӣ 21\57

Verse 74

ﯵﯶﯷﯸ ﯹ ​

74.   Ҷуз бандагони мухлиси Аллоҳ, ки онҳоро ба сӯи имон ва тавҳид барои худаш холис гардонидааст! Пас, онҳо наҷот ёфтагонанд.(1)
____________________
1. Тафсири Табарӣ 21\58

Verse 75

ﯺﯻﯼﯽﯾ ﯿ ​

75.   Ва ҳамоно паёмбарамон Нӯҳ моро нидо кард, то ӯро пирӯзӣ бар қавмаш диҳем, пас Мо хуб қабулкунандаи дуоем.

Verse 76

ﰀﰁﰂﰃﰄ ﰅ ​

76.   Ӯ ва мӯъминони ҳамроҳашро аз озори мушрикон ва аз ғарқ шудан ва тӯфони бузург наҷот додем.(1)
____________________
1. Яъне, аз ғарқ шудан. Тафсири Бағавӣ 7\43

Verse 77

ﭑﭒﭓﭔ ﭕ ​

77.   Ва танҳо фарзандони ӯро баъди ғарқшудани қавмаш боқӣ гузоштем.

Verse 78

ﭖﭗﭘﭙ ﭚ ​

78.   Ва барои ӯ дар миёни наслҳои баъдина номи неке боқӣ гузоштем.

Verse 79

ﭛﭜﭝﭞﭟ ﭠ ​

79.   Салом ва эминӣ бар Нӯҳ бод дар миёни ҷаҳониён.(1)
____________________
1. Яъне, ҳамеша бар ӯ санои нек мегӯянд ва барои ӯ дуо карда ва дуруду раҳмат мефиристанд ва аз бадӣ ёд кардан ҳамеша дур мебошанд. Тафсири Бағавӣ 7\44

Verse 80

ﭡﭢﭣﭤ ﭥ ​

80.   Ҳароина, Мо ин гуна некӯкоронро мисли подоши Нӯҳ подош медиҳем.

Verse 81

ﭦﭧﭨﭩ ﭪ ​

81.   Ҳароина, Нӯҳ аз бандагони содиқ ва амалкунанда ба амрҳои Аллоҳ буд.

Verse 82

ﭫﭬﭭ ﭮ ​

82.   Сипас дигаронро (дурӯғбаровардагонро) бо тӯфон ғарқ сохтем. Ҳеҷ касе аз онҳо боқӣ намонд.

Verse 83

ﭯﭰﭱﭲﭳ ﭴ ​

83.   Ҳароина, Иброҳим аз пайравон ва миллати Нӯҳ буд.

Verse 84

ﭵﭶﭷﭸﭹ ﭺ ​

84.   Он гоҳ ки бо дили холӣ аз эътиқодҳои ботил ва ахлоқи бад рӯй ба сӯи Парвардигораш овард.

Verse 85

ﭻﭼﭽﭾﭿﮀ ﮁ ​

85.   Чун ба падараш ва қавмаш гуфт: Чиро мепарастед?

Verse 86

ﮂﮃﮄﮅﮆ ﮇ ​

86.   Оё ба ҷои Аллоҳи якто маъбуди дурӯғинро мехоҳед ва парастиши Аллоҳи ягонаро тарк мекунед?

Verse 87

ﮈﮉﮊﮋ ﮌ ​

87.   Пас, ба Парвардигори ҷаҳониён чӣ гумон доред?»(1)
____________________
1. Яъне, гумони шумо барои ҷазо гирифтанатон аз Аллоҳ ба сабаби ширкатон чист? Тафсири Табарӣ 21/ 63

Verse 88

ﮍﮎﮏﮐ ﮑ ​

88.   Пас, Иброҳим нигоҳе ба ситорагон кард, то узре пазирад, ки ҳамроҳи қавмаш ба идгоҳашон наравад.

Verse 89

ﮒﮓﮔ ﮕ ​

89.   Пас, гуфт: «Ҳароина, ман беморам.

Verse 90

ﮖﮗﮘ ﮙ ​

90.   Пас, аз ӯ рӯй гардониданд ва бозгаштанд.

Verse 91

ﮚﮛﮜﮝﮞﮟ ﮠ ​

91.   Пас, шитобон ва пинҳон назди бутонашон омад ва (аз тариқи истеҳзо) гуфт: Чизе аз ин таомҳое, ки барои шумо пешкаш кардаанд, намехӯред?(1)
____________________
1. Тафсири Табарӣ 21\66

Verse 92

ﮡﮢﮣﮤ ﮥ ​

92.   Шуморо чӣ шудааст, ки сухан намегӯед ва ҷавоб намедиҳед?

Verse 93

ﮦﮧﮨﮩ ﮪ ​

93.   Пас, мутаваҷҷеҳ шуд бар бутҳо ва мезад онҳоро бо дасти рост: то исбот кунад хато будани ибодати онҳоро.

Verse 94

ﮫﮬﮭ ﮮ ​

94.   Қавмаш шитобону ғазабнок наздаш омаданд.

Verse 95

ﮯﮰﮱﯓ ﯔ ​

95.   Гуфт (Иброҳим ба қавмаш): «Оё бутҳоеро, ки худ метарошед бо дастонатон, мепарастед ва тарк мекунед ибодати Парвардигоре, ки шуморо халқ кардааст?

Verse 96

ﯕﯖﯗﯘ ﯙ ​

96.   Ва Аллоҳ офаридааст шуморо ва ҳар чизеро, ки шумо месозед.(1)
____________________
1. Тафсири Бағавӣ 7\45

Verse 97

ﯚﯛﯜﯝﯞﯟﯠ ﯡ ​

97.   Пас, вақте ки ҳуҷҷат бар зидди онҳо барпо шуд, роҳи зӯриро пеш гирифта гуфтанд: «Барои Иброҳим биное созед ва ӯро дар оташ андозед».

Verse 98

ﯢﯣﯤﯥﯦ ﯧ ​

98.   Пас, қавми Иброҳим хостанд, барои ӯ макру ҳилае кунанд. Пас, сохтем мушриконро поёнтару мағлубтар. Ва гардонид Аллоҳ ҳилаашонро бар зидди худашон ва оташро барои Иброҳим сард гардонид.(1)
____________________
1. Тафсири Табарӣ 21\71

Verse 99

ﯨﯩﯪﯫﯬﯭ ﯮ ​

99.   Ва гуфт Иброҳим: «Ҳароина, ман ба сӯи Парвардигорам аз сарзамини қавми худ баромада ба ҷое меравам, ки имконият меёбам ибодат кардани Парвардигорамро.
Ӯ маро ба сӯи хубиҳои динам ва дунёям роҳнамоӣ хоҳад кард.(1)
____________________
1. Тафсири Табарӣ 21\71

Verse 100

ﯯﯰﯱﯲﯳ ﯴ ​

100. Эй Парвардигори ман, маро фарзанди солеҳ ато кун!»

Verse 101

ﯵﯶﯷ ﯸ ​

101.Пас, ӯро ба писари бурдбор мужда додем.(1)
____________________
1. Яъне, Исмоид алайҳиссалом, ки дар калонсолиаш бурдбор мешавад. Тафсири Бағавӣ 7/ 46

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

102. Пас, чун фарзандаш Исмоил ба синне расид, ки бо падари худ кору кӯшиш тавонад кард, гуфт (падар ба писараш): «Эй писаракам, ҳароина, дар хоб дидаам, ки туро, бешубҳа, забҳ мекунам. Бингар, ки чӣ меандешӣ» Гуфт (Исмоил) «Эй падар, ба ҳар чӣ фармон шудаӣ дар мавриди забҳи ман амал кун, ки агар Аллоҳ бихоҳад, маро аз собирон хоҳӣ ёфт».

Verse 103

ﭑﭒﭓﭔ ﭕ ​

103. Чун ҳарду ба амри Аллоҳ таслим шуданд ва Иброҳим писарашро барои забҳ ба пешонӣ хобонид,

Verse 104

ﭖﭗﭘ ﭙ ​

104. Мо дар он ҳолати вазнин нидояш кардем: «Эй Иброҳим,

Verse 105

ﭚﭛﭜﭝﭞﭟﭠﭡ ﭢ ​

105. ҳамоно кардӣ он кореро, ки ба он амр шудӣ ва хобатро ба ҳақиқат пайвастӣ». Ва мо, ҳароина, некӯкоронро чунин подош медиҳем. Чунон ки туро подош додем, пас онҳоро аз сахтиҳои дунё ва охират мераҳонем.(1)
____________________
1. Тафсири Табарӣ 21\78

Verse 106

ﭣﭤﭥﭦﭧ ﭨ ​

106. Албатта, ин моҷаро (яъне, фармони Мо ба ту, ки қурбонӣ кунӣ писаратро) озмоиши вазнине буд, ки қуввати имонатро ошкор кард.(1)
____________________
1. Тафсири Саъдӣ 1\706

Verse 107

ﭩﭪﭫ ﭬ ​

107. Ва Исмоилро бо гӯсфанди(1) бузургҷусса бозхаридем.
____________________
1. Аллоҳ таоло аз осмон гӯсфанди фарбеҳ ва бузургҷуссаро барои Иброҳим алайҳиссалом фурӯ фиристод ва Иброҳим онро дар ивази фарзандаш Исмоил забҳ кард. Тафсири Саъдӣ 1/ 706

Verse 108

ﭭﭮﭯﭰ ﭱ ​

108. Ва номи неки Ибоҳимро барои наслҳои баъд боқӣ гузоштем.

Verse 109

ﭲﭳﭴ ﭵ ​

109.Салом(1) аз ҷониби Аллоҳ бар Иброҳим!
____________________
1. Мурод аз ин дуоест: Аз ҳама офатҳо саломат монад ва барояш сано ва ситоиши нек бод. Тафсири Табарӣ 21 \ 91

Verse 110

ﭶﭷﭸ ﭹ ​

110. Мо некӯкоронро инчунин подош медиҳем. Чунон ки Иброҳимро барои итоат ва ба ҷо овардани амрамон подош додем!

Verse 111

ﭺﭻﭼﭽ ﭾ ​

111. Ҳароина, ӯ аз бандагони мӯъмини Мо буд.

Verse 112

ﭿﮀﮁﮂﮃ ﮄ ​

112. Ва Иброҳимро ба таваллуди писараш Исҳоқ, ки паёмбар ва аз ҷумлаи солеҳон буд мужда додем.

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

113. Ва бар ӯ ва бар Исҳоқ баракат додем ва аз фарзандонашон баъзе некӯкор (фамонбардори Аллоҳ) ҳастанд ва баъзе ошкоро бар худ ситам кардаанд, (яъне кофир шудаанд).(1)
____________________
1. Тафсири Саъдӣ 1\706

Verse 114

ﮑﮒﮓﮔﮕ ﮖ ​

114. Ва ҳамоно Мо ба Мӯсо ва Ҳорун паёмбарӣ ва рисолатро инъом кардем.

Verse 115

ﮗﮘﮙﮚﮛ ﮜ ​

115. Он дуро ва мардумашонро аз ранҷи бузург(1) наҷот бахшидем.
____________________
1. Яъне, аз ғуломӣ ва ғарқ. Тафсири Табарӣ 21/ 93

Verse 116

ﮝﮞﮟﮠ ﮡ ​

116. Ва ононро ёри додем, пас бар Фиръавн пирӯз шуда ғалаба карданд.

Verse 117

ﮢﮣﮤ ﮥ ​

117. Ва ба ҳардуяшон Китоби равшангар (Таврот)(1) додем.
____________________
1. Тафсири Табар 21\93

Verse 118

ﮦﮧﮨ ﮩ ​

118. Ва ба ҳардуяшон роҳи ростро(1) ҳидоят кардем.
____________________
1. Яъне, дини Ислом, ки тамоми паёмбарон ба ин дин фиристонида шудаанд.

Verse 119

ﮪﮫﮬﮭ ﮮ ​

119. Ва номи некашонро дар наслҳои баъд боқӣ гузоштем.

Verse 120

ﮯﮰﮱﯓ ﯔ ​

120. Салом аз ҷониби Аллоҳ бар Мӯсо ва Ҳорун!

Verse 121

ﯕﯖﯗﯘ ﯙ ​

121. Ҳароина, Мо бандагони некӯкорамонро инчунин подош медиҳем, чунон ки Мӯсо ва Ҳорунро подоши некӯ додем!

Verse 122

ﯚﯛﯜﯝ ﯞ ​

122. Ҳароина, он ду аз бандагони мӯъмини Мо буданд.

Verse 123

ﯟﯠﯡﯢ ﯣ ​

123. Ва ҳароина, бандаамон Илёс аз зумраи паёмбарон буд.

Verse 124

ﯤﯥﯦﯧﯨ ﯩ ​

124. Ба мардуми худ ба банӣ Исроил гуфт: «Аз Аллоҳ битарсед ва ба Ӯ чизеро ширк наёред!

Verse 125

ﯪﯫﯬﯭﯮ ﯯ ​

125. Оё Баълро (номи бут) парастиш мекунед ва парастиши Аллоҳ, беҳтарини офаринандагонро тарк мекунед?

Verse 126

ﯰﯱﯲﯳﯴ ﯵ ​

126. Ва Аллоҳро, ки Парвардигори (офаридагори) шумо ва Парвардигори падарони пешинаи шумост».

Verse 127

ﭑﭒﭓ ﭔ ​

127. Пас, қавмаш Илёсро дурӯғ бароварданд, пас, албатта Аллоҳ онҳоро рӯзи қиёмат барои ҳисобу иқоб ҷамъ меоварад.

Verse 128

ﭕﭖﭗﭘ ﭙ ​

128. Магар бандагони мухлиси Аллоҳ, ки динашонро барои Аллоҳ холис сохтанд, пас ҳамоно онҳо наҷотёфтагонанд аз азобаш!(1)
____________________
1. Тафсири Саъдӣ 1\707

Verse 129

ﭚﭛﭜﭝ ﭞ ​

129. Ва номи неки ӯро дар наслҳои баъдӣ боқӣ гузоштем.

Verse 130

ﭟﭠﭡﭢ ﭣ ​

130. Салом аз ҷониби Аллоҳ бар Илёс!

Verse 131

ﭤﭥﭦﭧ ﭨ ​

131. Ҳароина, Мо бандагони некӯкорамонро инчунин подош (мукофот) медиҳем, чунон ки Илёсро бар итоаткориаш подоши нек додем!

Verse 132

ﭩﭪﭫﭬ ﭭ ​

132.  Ҳароина, ӯ аз бандагони
мӯъмини Мо буд.

Verse 133

ﭮﭯﭰﭱ ﭲ ​

133. Ва ҳароина, Лутро ихтиёр кардем, пас ӯро аз паёмбарон гардонидем.

Verse 134

ﭳﭴﭵﭶ ﭷ ​

134. Он ҳангом, ки ӯ ва тамоми аҳлашро аз азоб наҷот додем.

Verse 135

ﭸﭹﭺﭻ ﭼ ​

135. Магар пиразане, ки ҳамсари Лут буд ӯро бо ҳамроҳи қавмаш ҳалок кардем.(1)
____________________
1. Зеро, ки ҳамсари Лут кофира буд. Тафсири Саъдӣ 1/ 707

Verse 136

ﭽﭾﭿ ﮀ ​

136. Сипас қавми кофири боқимондаашро ҳалок кардем.

Verse 137

ﮁﮂﮃﮄ ﮅ ​

137. Ва шумо (эй аҳли Макка) гузар мекунед ба ҷою масканҳои қавми Лут дар вақти субҳ, ки осори азоб дар онҳо мавҷуд аст.

Verse 138

ﮆﮇﮈﮉ ﮊ ​

138. Ва низ шабона гузар мекунед ҳангоми рафту омаданатон ба сӯи Шом. Оё оқилона намеандешед? Пас, битарсед мабодо, ки мусибати онҳо ба сари шумо ҳам наояд.(2)
____________________
1. Тафсири Табарӣ 21\105

Verse 139

ﮋﮌﮍﮎ ﮏ ​

139.  Ва ҳароина, бандаамон Юнусро ихтиёр кардем ва гардонидем ӯро аз зумраи паёмбарон.

Verse 140

ﮐﮑﮒﮓﮔ ﮕ ​

140. Онгоҳ ки бар қавми худ ғазаб карда ба сӯи киштии пурбор гурехт.(1)
____________________
1. Юнус алайҳиссалом ба қавмаш ғазаб карда аз деҳааш хориҷ шуда ба сӯи киштие, ки пур аз одам ва матоъ буд, гурехт. Тафсири Саъдӣ 1 \ 707

Verse 141

ﮖﮗﮘﮙ ﮚ ​

141. Мавҷ аз ҳар тараф киштиро иҳота кард. Пас, қуръа заданд аҳли кишти то, ки бори
киштиро сабук кунанд ва киштӣ ғарқ нашавад. Ва Юнус дар қуръа мағлуб шуд. Ва ӯро ба баҳр партофтанд.(1)
____________________
1. Тафсири Саъдӣ 1\707

Verse 142

ﮛﮜﮝﮞ ﮟ ​

142. Пас моҳӣ ӯро фурӯ бурд ва ӯ дар ҳоле, ки лоиқи сарзаниш буд.(1)
____________________
1. Зеро, ки қавмашро партофта рафт. Тафсири Саъдӣ 1\707

Verse 143

ﮠﮡﮢﮣﮤ ﮥ ​

143. Пас, агар ибодатҳои пешинааш ва амалҳои шоистааш, ки пеш аз воқеъ шуданаш дар шиками моҳӣ ва тасбеҳаш намебуд,(1)
____________________
1. Тасбеҳи Юнус алайҳиссалом дар шиками моҳӣ ин буд "Ла илоҳа илло анта субҳонака инниӣ кунту мина-з-золимин" Тафсири Бағавӣ 6/ 70

Verse 144

ﮦﮧﮨﮩﮪﮫ ﮬ ​

144. албатта, то рӯзи қиёмат дар шиками моҳӣ боқӣ мемонд.

Verse 145

ﮭﮮﮯﮰﮱ ﯓ ​

145. Пас, дар ҳолати хастагиву бемориаш Мо ӯро аз даҳони моҳӣ ба замини хушку бе дарахт партофтем.

Verse 146

ﯔﯕﯖﯗﯘ ﯙ ​

146. Ва бар болои сараш ниҳоле аз навъи кадуе рӯёнидем, то дар сояи он баҳра барад.

Verse 147

ﯚﯛﯜﯝﯞﯟ ﯠ ​

147. Ва ӯро ба пайғамбарӣ ба ҷамъияти сад ҳазорнафара ва ё бештар фиристодем.

Verse 148

ﯡﯢﯣﯤ ﯥ ​

148. Пас, онҳо имон оварданд ва амал карданд ба он чизе, ки ӯ оварда буд, пас то аҷалашон расидан онҳоро ба ҳаёташон баҳраманд сохтем.

Verse 149

ﯦﯧﯨﯩﯪ ﯫ ​

149.  Пас, (эй Паёмбар) аз қавмат бипурс: Чӣ гуна барои Аллоҳ духтаронро ихтиёр карданд, ки худ духтарро барои худ раво намебинед ва барои худ писаронро раво мебинанд?(1)
____________________
1. Тафсири Саъдӣ 1\708

Verse 150

ﯬﯭﯮﯯﯰﯱ ﯲ ​

150.  Аз онҳо бипурс: Оё вақте ки Мо малоикаро зан меофаридем, онҳо ҳозир буданд?

Verse 151

ﯳﯴﯵﯶﯷ ﯸ ​

151.  Огоҳ бош, ки ҳароина,
аз дурӯғгӯияшон аст, ки мегӯянд:

Verse 152

ﯹﯺﯻﯼ ﯽ ​

152.  «Аллоҳ соҳиби фарзанд аст». Ва ҳароина, дурӯғ мегӯянд, зеро мегӯянд чизеро, ки намедонанд.

Verse 153

ﯾﯿﰀﰁ ﰂ ​

153.  Оё Аллоҳ духтаронро бар писарон ихтиёр кардааст?

Verse 154

ﭑﭒﭓﭔ ﭕ ​

154.  Шуморо чист? Чӣ гуна ҳукм мекунед, ки духтарон аз они Аллоҳ ва писарон аз они шумо бошанд. Ҳол он ки духтаронро шумо барои худ розӣ намешавед.(1)
____________________
1. Тафсири Табарӣ 21\119

Verse 155

ﭖﭗ ﭘ ​

155.  Оё намеандешед, ки ҷоиз нест ва ҳам лоиқ нест, ки Аллоҳро фарзанде бошад? Поку бузург аст Аллоҳ аз ин ҳама гуфтаҳо.

Verse 156

ﭙﭚﭛﭜ ﭝ ​

156.  Ё бар даъвои дуруғини худ далели равшане доред?

Verse 157

ﭞﭟﭠﭡﭢ ﭣ ​

157.  Агар шуморо ҳуҷҷате ҳаст дар китобе аз назди Аллоҳ, пас китобатонро биёваред. Агар шумо роспӯй бошед?(1)
____________________
1. Тафсири Табарӣ 21\120

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

158.  Мушрикон миёни Аллоҳу малоикаҳо хешовандиро муқаррар карданд ва мегуфтанд, ки фариштагон духтарони Аллоҳ ҳастанд ва ҳамоно малоикаҳо медонанд, ки албатта, мушрикон рӯзи қиёмат барои азоб ҳозиркардашудагонанд.(1)
____________________
1. Тафсири Табарӣ 21\122

Verse 159

ﭰﭱﭲﭳ ﭴ ​

159.  Аз он васф, ки кофирон мекунанд, Аллоҳ пок аст,

Verse 160

ﭵﭶﭷﭸ ﭹ ​

160.  вале бандагони мухлиси Аллоҳ, сифат намекунанд Ӯро, магар ба он сифатҳое, ки лоиқи бузургии Ӯст.

Verse 161

ﭺﭻﭼ ﭽ ​

161.  Пас албатта, шумо эй мушрикон ва бутоне, ки ба гайри Аллоҳ мепарастед,

Verse 162

ﭾﭿﮀﮁ ﮂ ​

162.  Ҳаргиз наметавонед касеро бо фитна гумроҳ кунед,

Verse 163

ﮃﮄﮅﮆﮇ ﮈ ​

163.  магар он касро, ки (ба сӯи куфру ситамаш) моил бошад ба оташи сӯзони ҷаҳаннам медарояд.(1)
____________________
1. Тафсири Саъдӣ 1\708

Verse 164

ﮉﮊﮋﮌﮍﮎ ﮏ ​

164..(Гуфтанд фариштаҳо):
«Ва албатта, ҳар касе аз мо ҷое муъайяне дорад дар осмон.(1)
____________________
1. Тафсири Бағавӣ 7\63

Verse 165

ﮐﮑﮒ ﮓ ​

165. Ва албатта, мо дар ибодати Алдоҳ сафкашандагонем.

Verse 166

ﮔﮕﮖ ﮗ ​

166. Ва албатта, мо тасбеҳгӯяндагонем.(1)
____________________
1. Яъне, Аллоҳро пок мешуморем аз ҳама чизҳое, ки лоиқи Ӯ нест.

Verse 167

ﮘﮙﮚ ﮛ ​

167. Ва кофирони Макка пеш аз паёмбарии ту пайваста) мегуфтанд:

Verse 168

ﮜﮝﮞﮟﮠﮡ ﮢ ​

168. Агар назди мо ҳам ба мисли умматони гузашта китоб(1) ва паёмбаре меомад.
____________________
1. Чун Таврот ва Инҷил фиристода мешуд.

Verse 169

ﮣﮤﮥﮦ ﮧ ​

169. Албатта, мо ҳам аз бандагони ихлосёфтаи Аллоҳ мешудем ва бешак парастишамонро барои Ӯ холис месохтем ва дар имонамон содиқ мебудем.(1)
____________________
1. Тафсири Саъдӣ 1/708

Verse 170

ﮨﮩﮪﮫﮬ ﮭ ​

170. Вале чун бузургтарини паёмбарон Муҳаммад (саллаллоҳу алайҳи ва саллам) ба онҳо китоби Қуръонро овард, ба он кофир шуданд. Пас, ба зудӣ хоҳанд донист чи азобе барои онҳост дар охират.(1)
____________________
1. Тафсири Табарӣ 21/130

Verse 171

ﮮﮯﮰﮱﯓ ﯔ ​

171.  Ва ба ростӣ калимаи Мо барои бандагони фиристодаи Мо(1) аз пеш дар Лавҳи Маҳфуз содир шудааст,
____________________
1. Мурод аз ин калима: комёбӣ ва пирӯзӣ аст, ки Аллоҳ таоло ба паёмбаронаш ваъда додааст.

Verse 172

ﯕﯖﯗ ﯘ ​

172.  ки албатта, онҳо дар дунёву охират нусрат дода мешаванд.

Verse 173

ﯙﯚﯛﯜ ﯝ ​

173.  Ва ҳароина, лашкарони Мо бар душманонашон бо ҳуҷҷату қувват ғолибанд.(1)
____________________
1. Тафсири Бағавӣ 7\64

Verse 174

ﯞﯟﯠﯡ ﯢ ​

174.  Пас (эй Расул), то муддате аз он саркашон рӯй гардон, ки онҳо ҳақро қабул накарданд ва барояшон мӯҳлат бидеҳ, ки ҷуз азоби Аллоҳ чизе боқӣ намондааст.

Verse 175

ﯣﯤﯥ ﯦ ​

175.  Ва бингар ва муроқиб бош чӣ азобе ба сарашон ояд. Пас, онҳо низ хоҳанд дид чӣ азоби Аллоҳ ба сарашон меояд.(1)
____________________
1. Тафсири Табарӣ 21\132

Verse 176

ﯧﯨ ﯩ ​

176.  Оё азоби Моро эй Паёмбар, ба шитоб металабанд?

Verse 177

ﯪﯫﯬﯭﯮﯯ ﯰ ​

177.  Пас чун фуруд ояд азоби Мо ба онҳо, пас чӣ бомдоди баде хоҳанд дошт.

Verse 178

ﯱﯲﯳﯴ ﯵ ​

178.  Ва аз онҳо то муддате, ки азоби Аллоҳ ба сарашон ояд рӯй бигардон.

Verse 179

ﯶﯷﯸ ﯹ ​

179.  Ва бингар, пас зуд аст, ки мебинанд чӣ азобу хорие ба сарашон меояд.(1)
____________________
1. Тафсири Табарӣ 21\133

Verse 180

ﯺﯻﯼﯽﯾﯿ ﰀ ​

180.  Муназзаҳу пок аст Парвардигори ту аз ҳар чӣ ба васфи Ӯ тӯҳматгарон мегӯянд!

Verse 181

ﰁﰂﰃ ﰄ ​

181.  Ва салом ва дуруду эминӣ бод ба тамоми паёмбарон.

Verse 182

ﰅﰆﰇﰈ ﰉ ​

182.  Ва сипосу ситоиш хос аз они Аллоҳе аст, ки Парвардигори ҷаҳониён аст.