Surah سورة القيامة

Verse 1

ﮊﮋﮌﮍ ﮎ

1. Аллоҳ таъоло савганд ёд мекунад: Қасам мехӯрам ба рӯзи қиёмат рӯзе, ки ҳисобу ҷазо аст.

Verse 2

ﮏﮐﮑﮒ ﮓ

2. Ва қасам мехӯрам ба нафси мӯъмини парҳезгор, ки соҳибашро бар тарки тоъатҳо ва муртакиб шудани гуноҳҳо маломатгар аст!

Verse 3

ﮔﮕﮖﮗﮘ ﮙ

3. Оё инсони кофир мепиндорад, ки Мо ҳаргиз устухонҳояшро гирд нахоҳем овард, баъд аз он ки пӯсид ва парокандагардид?

Verse 4

ﮚﮛﮜﮝﮞﮟ ﮠ

4. Оре, мо тамоми устухонҳои пӯсидаи инсонро гирд меоварем ва ҳатто аз ин ҳам фаротар қодир ҳастем, ки сарангуштҳояшро баробар кунем, чунонки пеш аз марг дар ҳаёти дунё буданд.(1)
____________________
1. Тафсири Табарӣ 24\51

Verse 5

ﮡﮢﮣﮤﮥ ﮦ

5. Балки, инсони мункир ба рӯзи баъс мехоҳад, ки дар оянда низ ба корҳои ношоиста пардозад.

Verse 6

ﮧﮨﮩﮪ ﮫ

6. Инсони кофир аз рӯи такаббур ва ришханд мепурсад: «Рӯзи қиёмат чӣ вақт хоҳад буд?»

Verse 7

ﮬﮭﮮ ﮯ

7. Рӯзе, ки чашмҳо аз шиддати сахтии рӯзи қиёмат хира шавад

Verse 8

ﮰﮱ ﯓ

8. ва моҳ тира шавад ва нураш аз байн равад

Verse 9

ﯔﯕﯖ ﯗ

9. ва офтобу моҳ бо рафтани нурашон дар як ҷой гирд оянд.

Verse 10

ﯘﯙﯚﯛﯜ ﯝ

10. Инсон дар он рӯз мегӯяд: «Роҳи гурез аз азоб куҷост?»(1)
____________________
1. Тафсири Бағавӣ 8\282

Verse 11

ﯞﯟﯠ ﯡ

11. Амр на чунон аст, ки эй инсон, ту таманно мекунӣ. Ҳаргиз (дар он рӯз паноҳгоҳе нест!

Verse 12

ﯢﯣﯤﯥ ﯦ

12. Қароргоҳи ҳама дар он рӯз назди Парвардигори туст! Пас ҳар якеро тибқи амалҳояш ҷазои муносиб хоҳад дод(1).
____________________
1. Тафсири Саъдӣ 1\899

Verse 13

ﯧﯨﯩﯪﯫﯬ ﯭ

13. Дар он рӯз одамиро аз тамоми амалҳои неку баде, ки он чӣ пешопеш дар ҳаёти худ фиристода ва он чӣ баъд аз хеш гузоштааст, хабар дода мешавад.(1)
____________________
1. Тафсири Ибни Касир 8\277

Verse 14

ﯮﯯﯰﯱﯲ ﯳ

14. Балки инсон бар нафси худ бино аст ва ҳақиқати коре, ки аз тоъат ё маъсият анҷом додааст, медонад.

Verse 15

ﯴﯵﯶ ﯷ

15. Ҳарчанд узрҳои худро дар миён оварад, ба ҳолаш ҳеҷ фоидае намекунад(1).
____________________
1. Тафсири Бағавӣ 8\283

Verse 16

ﯸﯹﯺﯻﯼﯽ ﯾ

16. Эй Паёмбар ҳангоми фуруд омадани ваҳй башитоб забон ба хондани Қуръон маҷунбон, ба хотири он ки ҳифзи он аз ёди ту наравад,

Verse 17

ﯿﰀﰁﰂ ﰃ

17. ки ҳароина, ҷамъ овардану хонданаш бар ӯҳдаи Мост, баъд аз он ҳар куҷо ки хоҳӣ бихон, аз хотират намеравад,

Verse 18

ﰄﰅﰆﰇ ﰈ

18. чун онро ба забони Ҷабраил алайҳиссалом бар ту бихондем, ба диққат гӯш фаро деҳ ва аз хондани он пайравӣ кун,

Verse 19

ﰉﰊﰋﰌ ﰍ

19. сипас баёни маъноҳо ва ҳукмҳои он бар ӯҳдаи Мост.(1)
____________________
1. Тафсири Саъдӣ 1\899

Verse 20

ﭑﭒﭓﭔ ﭕ

20. Ҳаргиз чунин нест, ки шумо мушрикон мепиндоред, ки дубора зинда шудан ва ҷазо нест, балки шумо ин ҷаҳони зудгузарро дӯст медоред

Verse 21

ﭖﭗ ﭘ

21. ва охиратро бо неъматҳояш тарк мекунед.(1)
____________________
1. Тафсири Табарӣ 24\70

Verse 22

ﭙﭚﭛ ﭜ

22. Дар он рӯз барои мӯъминони саъодатманд чеҳраҳое ҳаст зебову дурахшон,

Verse 23

ﭝﭞﭟ ﭠ

23. ки сӯи Парвардигорашон назар мекунанд.

Verse 24

ﭡﭢﭣ ﭤ

24. Ва дар он рӯз барои кофирони бадбахт чеҳраҳое ҳаст абусу турш, (пешонӣ дар ҳам кашида, зиштрӯй),

Verse 25

ﭥﭦﭧﭨﭩ ﭪ

25. ки медонад он азоби камаршикан бар ӯ фуруд ояд.

Verse 26

ﭫﭬﭭﭮ ﭯ

26. Оре, чун ҷон ба ҳалқум (ба гулӯ) расад

Verse 27

ﭰﭱﭲﭳ ﭴ

27. ва гуфта шавад, ки чӣ касест, ки афсун бихонад ва ӯро наҷот диҳад?

Verse 28

ﭵﭶﭷ ﭸ

28. Ва одами миранда яқин кунад, ки замони ҷудоӣ фаро расида

Verse 29

ﭹﭺﭻ ﭼ

29. ва соқҳои по дар ҳам печида шаванд,

Verse 30

ﭽﭾﭿﮀ ﮁ

30. он рӯз, рӯзи рондан ва бозгаштан ба сӯи Парвардигори туст. Ва оқибати кори бандагон ба ҷаннат аст ё ба дӯзах.

Verse 31

ﮂﮃﮄﮅ ﮆ

31. На тасдиқ кардааст ин инсони кофир ба паёмбар ва Қуръон ва рӯзи охират ва на барои Парвардигораш намоз гузоридааст.

Verse 32

ﮇﮈﮉ ﮊ

32. Вале Қуръонро дурӯғ бароварда ва аз имон рӯй гардонидааст.

Verse 33

ﮋﮌﮍﮎﮏ ﮐ

33. Он гоҳ ба рафтори хиромон ва сармаст назди аҳли худ рафтааст.

Verse 34

ﮑﮒﮓ ﮔ

34. Вой (ҳалок) бар ту, пас вой (ҳалок) бар ту!

Verse 35

ﮕﮖﮗﮘ ﮙ

35. Боз ҳам вой (ҳалок) бар ту, пас вой (ҳалок) бар ту!(1)
____________________
1. Тафсири Табарӣ 24\82

Verse 36

ﮚﮛﮜﮝﮞ ﮟ

36. Оё инсони мункир ба рӯзи баъс мепиндорад, ки ӯро ба ҳоли худ вогузоштаанд? Пас на мавриди амру наҳй ва на мавриди ҳисобу ҷазо қарор хоҳад гирифт?

Verse 37

ﮠﮡﮢﮣﮤﮥ ﮦ

37. Оё ӯ нутфае аз манӣ, ки дар бачадоне рехта мешуд, набуд?

Verse 38

ﮧﮨﮩﮪﮫ ﮬ

38. Сипас баъд аз нутфа ба сурати хуни баста даромад. Пас Аллоҳ ӯро офарид ва дуруст ва устувор сохт.

Verse 39

ﮭﮮﮯﮰﮱ ﯓ

39. Пас аз ӯ ду ҷуфт: нару мода падид овард.

Verse 40

ﯔﯕﯖﯗﯘﯙﯚ ﯛ

40. Оё чунин Офаридагор қодир нест, ки мурдагонро зинда созад? Оре бар ин кор тавоност, зеро бозгардонидани офариниш аз эҷоди нахустини он осонтар аст.(1)
____________________
1. Тафсири Табарӣ 24\82

Тарҷумаи سورة القيامة

سورة القيامة

Тарҷумаи сураи ҚИЁМАТ ба الطاجيكية аз الترجمة الطاجيكية

الترجمة الطاجيكية

الترجمة الطاجيكية