Surah سورة الحجر

Verse 1

ﭑﭒﭓﭔﭕﭖﭗ ﭘ

1. Алиф, Лом, Ро.(1) Ин оёти китоби Илоҳӣ нозил шудааст бар Муҳаммад саллаллоҳу алайҳи ва саллам ва Қуръонест, ки оятҳояш равшан аст ва баёнкунандаи ҳақ аст.(2)
____________________
1. Тафсири ин ҳарфҳо дар аввали сураи Бақара гузашт. 2. Тафсири Саъдӣ 1\429

Verse 2

ﭙﭚﭛﭜﭝﭞﭟ ﭠ

2. Борҳо, кофирон орзу мекунанд дар дӯзах, ки эй кош дар дунё мусалмон мебуданд.(1)
____________________
1. Тафсири Бағавӣ 4\368

Verse 3

ﭡﭢﭣﭤﭥﭦﭧﭨ ﭩ

3. Эй Паёмбар, кофиронро бигузор, то бихӯранд дар дунё ва баҳравар шаванд ва орзуҳояшон онҳоро ғофил созад аз имону тоъат ба зудӣ натиҷаи аъмолашонро хоҳанд донист.(1)
____________________
1. Тафсири Бағавӣ 4\368

Verse 4

ﭪﭫﭬﭭﭮﭯﭰﭱ ﭲ

4. Эй Расул, аз барои тасдиқ накардани паёмбарии ту фуруд омадани азобро талаб карданд, вале Мо ҳеҷ шаҳреро ҳалок накардаем, магар он ки барои ҳалокиашон муддати муайяне доштааст.

Verse 5

ﭳﭴﭵﭶﭷﭸﭹ ﭺ

5. Ҳеҷ уммате аз аҷали хеш на пеш меафтад ва на пас мемонад.

Verse 6

ﭻﭼﭽﭾﭿﮀﮁﮂ ﮃ

6. Ва (ба Муҳаммад саллаллоҳу алайҳи ва саллам масхараомезона) гуфтанд: «Эй марде, ки Қуръон ба ту нозил шуда, ҳаққо, ки ту девонаи! (Ба муҷарради сухани ту мо аз пайравии падаронамон рӯй барнаметобем).(1)
____________________
1. Тафсири Саъдӣ 1\429

Verse 7

ﮄﮅﮆﮇﮈﮉﮊﮋ ﮌ

7. Агар рост мегӯӣ, чаро фариштагонро барои мо намеоварӣ, то гувоҳӣ диҳанд, ки Аллоҳ туро ба паёмбарӣ фиристодааст.

Verse 8

ﮍﮎﮏﮐﮑﮒﮓﮔﮕ ﮖ

8. (Ва Аллоҳ дар ҷавобашон мефармояд): Мо фариштагонро нозил намекунем, ҷуз ба ҳақ ва агар ба он имон наёваранд дар он ҳангом дигар мӯҳлаташон надиҳанд ва фавран азоби Илоҳӣ гиребонгирашон мегардад.(1)
____________________
1. Тафсири Бағавӣ 4\369

Verse 9

ﮗﮘﮙﮚﮛﮜﮝ ﮞ

9. Ҳамоно Мо Қуръонро (ба Муҳаммад саллаллоҳу алайҳи ва саллам) худ нозил кардаем ва қатъан худ нигаҳбонаш ҳастем, (ки дар он чизе на кам карда мешавад ва на зиёд).(1)
____________________
1. Тафсири Табарӣ 17\68

Verse 10

ﮟﮠﮡﮢﮣﮤﮥ ﮦ

10. Ва ба таҳқиқ Мо расулони худро пеш аз ту, - эй Муҳаммад, - ба миёни қавмҳои пешин фиристодаем.

Verse 11

ﮧﮨﮩﮪﮫﮬﮭﮮ ﮯ

11. Ҳеҷ паёмбаре бар онҳо фиристода нашуд, магар ки масхарааш мекарданд. (Пас, ҳаминчунин мушрикон бо ту карданд, он гуна ки бо паёмбарони пешина карда шуд).(1)
____________________
1. Тафсири Саъдӣ 1\429

Verse 12

ﮰﮱﯓﯔﯕ ﯖ

12. Ин гуна он истеҳзоро ба дилҳои гунаҳкорон дохил мегардонем.

Verse 13

ﯗﯘﯙﯚﯛﯜﯝ ﯞ

13. Ба он Қуръон имон намеоваранд ва шеваи қавмҳои пешина доимӣ чунин будааст.

Verse 14

ﯟﯠﯡﯢﯣﯤﯥﯦﯧ ﯨ

14. Агар барои кофирони Макка аз осмон даре бикушоем, ки аз он боло раванд, ҳатто мушоҳида кунанд он чи ки дар осмон мавҷуд ҳаст аз аҷоиботи мулки Аллоҳ, ҳароина имон наоварданд.(1)
____________________
1. Тафсири Ибни Касир 4\528

Verse 15

ﯩﯪﯫﯬﯭﯮﯯﯰ ﯱ

15. Албатта, гӯянд: «Мо чашмбандӣ шудаем, балки мо мардуме ҷодузада ҳастем!»

Verse 16

ﭑﭒﭓﭔﭕﭖﭗ ﭘ

16. Ва ҳароина, дар осмони дунё бурҷҳое офаридем барои ситорагон ва осмонро бо ситорагон барои бинандагонашон биёростем, то андеша кунанд ва панд бигиранд.(1)
____________________
1. Тафсири Саъдӣ 1\429

Verse 17

ﭙﭚﭛﭜﭝ ﭞ

17. Ва осмонро аз ҳар шайтони раҷиме ки аз раҳмати Аллоҳ маҳрум аст, ҳифз кардем.(1)
____________________
1. Тафсири Табарӣ 16\77

Verse 18

ﭟﭠﭡﭢﭣﭤﭥ ﭦ

18. Магар он шайтоне, ки дуздона гӯш медод ва шиҳобе (оташпорае) равшан дар пайи вай афтад.(1)
____________________
1. Ва гоҳо шайтон қабл аз расидани оташпора ба дӯстони худ хабарро мерасонад. Тафсири Саъдӣ 1/430

Verse 19

ﭧﭨﭩﭪﭫﭬﭭﭮﭯﭰﭱ ﭲ

19. Ва заминро васеъ кардем ва дар он кӯҳҳои азиме партофтем. Ва барои эҳтиёҷи бандагон аз ҳар чизе санҷида дар он рӯёнидем.(1)
____________________
1. Тафсири Бағавӣ 4\374

Verse 20

ﭳﭴﭵﭶﭷﭸﭹﭺ ﭻ

20. Ва дар он ҷо барои шумо асбоби зиндагӣ қарор додем ва низ касонеро, ки шумо рӯзидиҳандаи онҳо нестед, аз ходимону чорпоҳо.

Verse 21

ﭼﭽﭾﭿﮀﮁﮂﮃﮄﮅﮆ ﮇ

21. Ҳар чи ҳаст, хазинаҳои он назди Мост ва Мо ҷуз ба андозае муайян онро фурӯ намефиристем.

Verse 22

ﮈﮉﮊﮋﮌﮍﮎﮏﮐﮑﮒﮓ ﮔ

22. Ва бодҳои бордоркунанда абрҳоро фиристодем ва аз паси он аз осмон обе нозил кардем барои нӯшокии шумо ва заминатон ва чорпоёнатон ва шуморо бо он сероб сохтем ва шумо хазинадори он нестед.(1)
____________________
1. Тафсири Ибни Касир 4\531

Verse 23

ﮕﮖﮗﮘﮙﮚ ﮛ

23. Албатта, Мо ҳастем, ки зинда мекунем ва ҷамии халоиқро мемиронем ва баъд аз ҳама боқӣ мемонем.(1)
____________________
1. Тафсири Бағавӣ 4\376

Verse 24

ﮜﮝﮞﮟﮠﮡﮢ ﮣ

24. Ва ба таҳқиқ медонем ҳоли касонеро, ки аз шумо аз ин пеш рафтаанд аз мурдаҳо ва кушташудаҳо ва медонем ҳоли касоне, ки боқӣ мондаанд дар ҳаёт ё баъд ба дунё меоянд.(1)
____________________
1. Тафсири Бағавӣ 4\377

Verse 25

ﮤﮥﮦﮧﮨﮩﮪﮫ ﮬ

25. Ва ҳамоно Парвардигори ту ҳамаро аз аввал то охир барои ҳисобу ҷазо зинда карда, ҷамъ мегардонад, зеро Ӯст ҳакиму доно чизе аз Ӯ пинҳон намемонад!(1)
____________________
1. Тафсири Табарӣ 17\95

Verse 26

ﮭﮮﮯﮰﮱﯓﯔﯕ ﯖ

26. Мо одамиро аз гили хушк, аз лойи сиёҳи бӯйгирифта офаридем.

Verse 27

ﯗﯘﯙﯚﯛﯜﯝ ﯞ

27. Ва ҷинро пеш аз он аз оташи сӯзандаи бедуд офарида будем.

Verse 28

ﯟﯠﯡﯢﯣﯤﯥﯦﯧﯨﯩﯪ ﯫ

28. Ва ба ёд ор эй Паёмбар ҳангоме, ки Парвардигорат ба фариштагон гуфт: «Ҳамоно ман аз гили хушкида, аз гили сиёҳи бӯйнок инсонеро меофаринам.

Verse 29

ﯬﯭﯮﯯﯰﯱﯲﯳﯴ ﯵ

29. Пас, чун ӯро рост кунам ва аз рӯҳи Худ дар он бидамам, дар баробари ӯ ба саҷда бияфтед».(1)
____________________
1. Мурод аз саҷдаи таҳият ва эҳтиром аст, на саҷдаи ибодат.

Verse 30

ﯶﯷﯸﯹ ﯺ

30. Пас, фариштагон ҳамагӣ саҷда карданд,

Verse 31

ﯻﯼﯽﯾﯿﰀﰁ ﰂ

31. магар Иблис, ки саркашӣ кард, ки бо саҷдакунандагон бошад.

Verse 32

ﭑﭒﭓﭔﭕﭖﭗﭘ ﭙ

32. Аллоҳ ба Иблис гуфт:
«Эй Иблис, чаро ту аз саҷдакунандагон набудӣ?»

Verse 33

ﭚﭛﭜﭝﭞﭟﭠﭡﭢﭣﭤ ﭥ

33. Иблис кибр ва ҳасади худро зоҳир карда гуфт: «Ман барои башаре, ки аз гили хушк, аз лойи сиёҳи мутағайир офаридаӣ, саҷда намекунам».(1)
____________________
1. Тафсири Табарӣ 17\101

Verse 34

ﭦﭧﭨﭩﭪ ﭫ

34. Аллоҳ гуфт: «Аз он ҷаннат берун шав, ки ту рондашуда ҳастӣ.(1)
____________________
1. Тафсири Ибни Касир 4\534

Verse 35

ﭬﭭﭮﭯﭰﭱ ﭲ

35. Ба дурустӣ, то рӯзи қиёмат лаънати Аллоҳ бар туст!»

Verse 36

ﭳﭴﭵﭶﭷﭸ ﭹ

36. Иблис гуфт: "Эй Парвардигори ман, маро то рӯзе, ки дубора зинда мешаванд, мӯҳлат деҳ" (ва он рӯзи қиёмат аст).

Verse 37

ﭺﭻﭼﭽ ﭾ

37. Аллоҳ гуфт: «Ту ба яқин дар шумори мӯҳлатёфтагонӣ,

Verse 38

ﭿﮀﮁﮂ ﮃ

38. то он рӯзе, ки вақташ маълум(1) аст».
____________________
1. Ва он рӯзест, ки ҳамаи халқ баъди дамидани сури аввал мемиранд, на рӯзи аз нав зинда шудан.

Verse 39

ﮄﮅﮆﮇﮈﮉﮊﮋﮌﮍ ﮎ

39. Иблис гуфт: «Эй Парвардигори ман, чун маро ноумед ва гумроҳ кардӣ, дар рӯи замин барои фарзандони Одам бадиҳоро дар назарашон биёроям ва ҳамаро гумроҳ кунам,

Verse 40

ﮏﮐﮑﮒ ﮓ

40. магар онҳо, ки бандагони боихлоси Ту бошанд».

Verse 41

ﮔﮕﮖﮗﮘ ﮙ

41. Аллоҳ гуфт: «Роҳи ихлос, роҳи ростест, ки ба Ман мерасад.

Verse 42

ﮚﮛﮜﮝﮞﮟﮠﮡﮢﮣﮤ ﮥ

42. Туро бар бандагони Ман ғолибияте нест, магар ғалабаи ту бар он гумроҳоне,
ки туро пайравӣ кунанд ва ризоияти туро аз ризоияти Ман бартар донанд.

Verse 43

ﮦﮧﮨﮩ ﮪ

43. Ва ба дурустӣ, ҷаҳаннам миъоди Иблис ва ҳамаи пайравони вай аст.

Verse 44

ﮫﮬﮭﮮﮯﮰﮱﯓ ﯔ

44. Ҷаҳаннам ҳафт дар дорад ва ҳар дар аз дигаре поёнтар аст барои ҳар дар гурӯҳе аз онон муъайян шудаанд.(1)
____________________
1. Тафсири Саъдӣ 1\431

Verse 45

ﯕﯖﯗﯘﯙ ﯚ

45. Парҳезгорон(1) дар бустонҳову чашмаҳо бошанд.
____________________
1. Онон ки амри Аллоҳро ба ҷо оварданд ва аз манъкардашудаҳои Аллоҳ дур истоданд.

Verse 46

ﯛﯜﯝ ﯞ

46. Ба саломат ва хотирҷамъӣ ба он дохил шавед.

Verse 47

ﯟﯠﯡﯢﯣﯤﯥﯦﯧﯨ ﯩ

47. Ҳар кинаеро аз дилашон берун мекашем, ҳама бародарона, бар тахтҳо рӯ ба рӯи ҳам менишинанд.

Verse 48

ﯪﯫﯬﯭﯮﯯﯰﯱ ﯲ

48. Ҳеҷ ранҷе дар он ҷо ба онҳо намерасад ва аз он ҷо берун нагарданд ва ҷовидона дар онҷо бимонанд.

Verse 49

ﯳﯴﯵﯶﯷﯸﯹ ﯺ

49. Эй Паёмбар, ба бандагонам хабар деҳ, ки ман омурзандаву меҳрубонам барои мӯъминони тавбакор.

Verse 50

ﯻﯼﯽﯾﯿ ﰀ

50. Ва азоби Ман, азоби дардовар аст, барои касоне, ки аз гуноҳи худ тавба намекунанд.

Verse 51

ﰁﰂﰃﰄ ﰅ

51. Ва эй Паёмбар, онҳоро аз меҳмонони Иброҳим хабардор кун.(1)
____________________
1. Фариштагоне буданд, ки на танҳо барои башорат додан, - ба фарзанд, - ба назди Иброҳим омада, балки низ барои ҳалок кардани қавми Лут алайҳимуссалом низ омада буданд. Тафсири Бағавӣ 4\384

Verse 52

ﭑﭒﭓﭔﭕﭖﭗﭘﭙ ﭚ

52. Он гоҳ ки фариштагон бар ӯ дохил шуданд ва гуфтанд: «Салом!» (Иброҳим низ ҷавоби салом гуфт ва барояшон таом пешкаш намуд, вале онҳо нахӯрданд ва Иброҳим) гуфт: «Мо аз шумо метарсем!»(1)
____________________
1. Тафсири Ибни Касир 4\540

Verse 53

ﭛﭜﭝﭞﭟﭠﭡ ﭢ

53. Фариштагон гуфтанд: «Матарс, (эй Иброҳим) мо туро ба писари доное(1) мужда медиҳем».
____________________
1. Вай Исҳоқ аст.

Verse 54

ﭣﭤﭥﭦﭧﭨﭩﭪ ﭫ

54. (Иброҳим ба тааҷҷуб) гуфт: «Оё маро мужда медиҳед, бо он ки пир шудаам ва ҳамсарам низ пир аст. Ба чӣ чиз муждаам медиҳед?»(1)
____________________
1. Тафсири Саъдӣ 1\432

Verse 55

ﭬﭭﭮﭯﭰﭱﭲ ﭳ

55. Гуфтанд: «Мо туро ба ростӣ мужда додаем, пас аз ноумедон мабош!»(1)
____________________
1. Ҳеҷ шакке нест дар он, ки Аллоҳ бар ҳама чиз қодир аст. Тафсири Саъдӣ 1\432

Verse 56

ﭴﭵﭶﭷﭸﭹﭺﭻ ﭼ

56. (Иброҳим) гуфт: «Ба ҷуз гумроҳон кист, ки аз раҳмати Парвардигораш ноумед шавад?»

Verse 57

ﭽﭾﭿﮀﮁ ﮂ

57. Гуфт: «Эй фиристодагон, чӣ кори муҳиме доред?»

Verse 58

ﮃﮄﮅﮆﮇﮈ ﮉ

58. Фариштагон гуфтанд: «Мо ба сӯи қавми гунаҳкорон фиристода шудаем ва ҳамаро нобуд мекунем,

Verse 59

ﮊﮋﮌﮍﮎﮏ ﮐ

59. магар хонадони Лутро, ки ҳамаашонро наҷот медиҳем,

Verse 60

ﮑﮒﮓﮔﮕﮖ ﮗ

60. магар ҳамсарашро, ки муқаррар намудаем, ки аз боқимондагон дар азоб бошад».

Verse 61

ﮘﮙﮚﮛﮜ ﮝ

61. Чун фариштагон назди хонадони Лут омаданд,

Verse 62

ﮞﮟﮠﮡ ﮢ

62. Лут барояшон гуфт: «Шумо гурӯҳи ношиносед».

Verse 63

ﮣﮤﮥﮦﮧﮨﮩ ﮪ

63. (Фариштагон) гуфтанд матарс: «Балки, барои ту он чизеро (азоберо), ки дар он шак мекарданд, овардаем.

Verse 64

ﮫﮬﮭﮮ ﮯ

64. Мо туро хабари рост овардаем ва мо ростгӯёнем, ки Аллоҳ қавми туро ҳалоккунандааст.

Verse 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ

65. Чун қисме аз шаб бигзарад, хонадони худро ва мӯъминонро берун бибар ва худ аз пайи онҳо рав ва онҳо пеш-пеши ту ва набояд ҳеҷ як аз шумо ба ақиб бингарад.(1) Ва ҳар ҷо, ки Аллоҳ фармонатон дод, зуд биравед, то дар амон бимонед.(2)
____________________
1. Яъне, ақибнишинӣ накунад, то ба азоб дучор нагардад. 2. Тафсири Табарӣ 17\116

Verse 66

ﯠﯡﯢﯣﯤﯥﯦﯧﯨ ﯩ

66. Ва барои Лут ҳодисаро ҳикоят кардем, ки чун субҳ фаро расад, ҳамаи онҳо нобуд ва решакан хоҳанд шуд.

Verse 67

ﯪﯫﯬﯭ ﯮ

67. Ва Аҳли шаҳр аз дидани меҳмонон (фариштагон) шодикунон омаданд.

Verse 68

ﯯﯰﯱﯲﯳﯴ ﯵ

68. Лут барояшон гуфт: «Инҳо меҳмонони мананд, маро расво макунед.

Verse 69

ﯶﯷﯸﯹ ﯺ

69. Аз Аллоҳ битарсед ва маро шармсор масозед».

Verse 70

ﯻﯼﯽﯾﯿ ﰀ

70. Қавми Лут гуфтанд: «Магар туро аз меҳмондорӣ ва паноҳ додани мардум манъ накарда будем?»

Verse 71

ﭑﭒﭓﭔﭕﭖ ﭗ

71. Лут барояшон гуфт: «Агар қасде барои издивоҷ ва баровардани хоҳишоти шаҳвонӣ доред, инҳо, занҳоятон духтарони ман ҳастанд никоҳ кунед».(1)
____________________
1. Лут алайҳиссалом аз он сабаб занҳои онҳоро духтаронам номид, ки зеро паёмбари ҳар як уммат ба манзалаи падар барояшон ҳисобида мешавад.

Verse 72

ﭘﭙﭚﭛﭜ ﭝ

72. Эй Паёмбар, ба ҷони ту савганд, ки онҳо дар мастии шаҳват ва ҷаҳолати хеш саргашта буданд.
____________________
1. Ин қасам барои эҳтироми Паёмбар Муҳаммад саллаллоҳу алайҳи ва саллам аст. Барои Аллоҳ ҷоиз аст, ки ба чизе аз махлуқоташ хоҳад, қасам ёд мекунад. Аммо барои махлуқ ба ҷуз ба номи Аллоҳ савганд ёд кардан, ҳаром аст.

Verse 73

ﭞﭟﭠ ﭡ

73. Чун ба вақти тулӯи офтоб, ононро наъраи сахте (садои ваҳшатноке) фурӯ гирифт ва нобудашон кард.(1)
____________________
1. Тафсири Саъдӣ 1\423

Verse 74

ﭢﭣﭤﭥﭦﭧﭨﭩ ﭪ

74. Пас, он шаҳрро зеру забар кардем ва бо сангпораҳое аз санг ҳамаашонро сангборон кардем.

Verse 75

ﭫﭬﭭﭮﭯ ﭰ

75. Ба дурустӣ, дар ин ибратҳост барои ибратгирандагон.

Verse 76

ﭱﭲﭳ ﭴ

76. Ва он шаҳр акнун дар сари роҳи мусофирон аст, ки доим дар рафту омаданашон онро мебинанд.

Verse 77

ﭵﭶﭷﭸﭹ ﭺ

77. Ба дурустӣ, дар ин кор (дар ҳалок кардани Мо онҳоро) нишонаи бузурге барои мӯъминон аст.(1)
____________________
1. Тафсири Ибни Касир 4\544

Verse 78

ﭻﭼﭽﭾﭿ ﮀ

78. Ва мардуми Айка(1) низ ситамкор буданд.
____________________
1. Қавми Шуъайб алайҳиссалом, ки соҳибони он шаҳр соҳиби бустону дарахтони бисёр буданд.

Verse 79

ﮁﮂﮃﮄﮅ ﮆ

79. Пас аз онон интиқом гирифтем ва ҳар дуи онон (сарзамини қавми Лут ва Айка) дар сари роҳи намоён ҳастанд.(1)
____________________
1. Тафсири Саъдӣ 1\433

Verse 80

ﮇﮈﮉﮊﮋ ﮌ

80. Ба дурустӣ, мардуми Ҳиҷр(1) низ паёмбаронро ба дурӯғ нисбат доданд.(2)
____________________
1. Қавми Солеҳ алайҳиссалом ва онҳо Самудиён буданд. 2. Зеро касе як паёмбарро дурӯғ барорад, ҳамаи паёмбаронро дурӯғ баровардааст, чунки онон бар як динанд. Тафсири Саъдӣ 1\434

Verse 81

ﮍﮎﮏﮐﮑ ﮒ

81. Оёти Хешро бар онон (қавми Солеҳ) расонидем, вале аз он рӯй гардониданд.

Verse 82

ﮓﮔﮕﮖﮗﮘ ﮙ

82. Хонаҳои худро, аз кӯҳҳо метарошиданд ва хотирҷамъ буданд.

Verse 83

ﮚﮛﮜ ﮝ

83. Пас, субҳгоҳон фарёд ва садои маргборе эшонро фаро гирифт.(1)
____________________
1. Тафсири Ибни Касир 4\545

Verse 84

ﮞﮟﮠﮡﮢﮣ ﮤ

84. Чизе, ки касб карда буданд аз ҷамъоварии мол ва сохтани қасрҳо аз онон дафъи бало накард.(1)
____________________
1. Тафсири Саъдӣ 1\434

Verse 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ

85. Осмонҳову замин ва он чиро, ки миёни онҳост, ҷуз ба ҳақ наёфаридаем. Ва бешак, қиёмат, ҳатман, фаро мерасад. Пас, эй Паёмбар, аз беодобиҳои эшон гузашт кун, гузашти неке ва бузургворона ва ҳакимона ба даъвати худ идома бидеҳ ва дар баробари азият ва озори куффор, бурдбор бош.(1)
____________________
1. Тафсири Ибни Касир 4\545

Verse 86

ﯗﯘﯙﯚﯛ ﯜ

86. Ҳароина, Парвардигори ту офаринандаву доно аст чизе бар Ӯ пинҳон намемонад!

Verse 87

ﯝﯞﯟﯠﯡﯢﯣ ﯤ

87. Ва ба ростӣ, ки Мо сабъ-ул-масонӣ(1) ва Қуръони бузургро ба ту эй Паёмбар, додаем.
____________________
1. Сураи Фотиҳа, ки аз ҳафт оят иборат аст ва дар ҳар намоз такрор мешавад.

Verse 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ

88. Агар баъзе аз кофиронро ба чизе баҳравар сохтаем, ту ба он нигоҳ макун.
Ва ғами он кофиронро махӯр, ки чаро ба ту имон намеоваранд. Ва дар баробари мӯъминон хоксор бош.(1)
____________________
1. Тафсири Бағавӣ 4\392

Verse 89

ﯵﯶﯷﯸﯹ ﯺ

89. Ва ба кофирон бигӯ: «Ҳамоно ман бимдиҳандаи ошкорам».

Verse 90

ﯻﯼﯽﯾ ﯿ

90. Фуруд хоҳем овард азобро ҳамчуноне, ки бар тақсимкунандагон(1) нозил кардем:
____________________
1. Касоне, ки Қуръонро тақсим намуда ба баъзеаш имон оварданд ва ба баъзе дигараш куфр оварданд, аз яҳуду насоро ва дигарон. Тафсири Табарӣ 17\142

Verse 91

ﭑﭒﭓﭔ ﭕ

91. Касоне, ки Қуръонро ба қисмҳо(1) тақсим карда буданд.
____________________
1. Баъзе аз муфассирон мегӯянд, ки ин оят низ мушрикони Маккаро дарбар мегирад, ки онҳо қисматеро ҳақ ва қисматеро ботил медонистанд ва ё онро шеър, сеҳр, кизб ва асотир меномиданд, то ин ки мардумро аз роҳи ҳақ боздоранд. Тафсири Табарӣ 17\146

Verse 92

ﭖﭗﭘ ﭙ

92. Ба Парвардигорат савганд, ки ҳамаро, ҳатман дар рӯзи қиёмат аз он чи ки онҳо дар китоби Аллоҳ айбу нуқсон ва таҳрифу табдил додаанд, суол мекунем,

Verse 93

ﭚﭛﭜ ﭝ

93. ба хотири корҳое, ки
мекарданд!(1)
____________________
1. Тафсири Саъдӣ 1\435

Verse 94

ﭞﭟﭠﭡﭢﭣ ﭤ

94. Пас, ошкоро кун он чиро, ки ба он фармон дода мешавӣ ва аз мушрикон рӯй бигардон.

Verse 95

ﭥﭦﭧ ﭨ

95. Мо макру азият ва озори масхаракунандагонро аз ту бозмедорем,

Verse 96

ﭩﭪﭫﭬﭭﭮﭯﭰﭱ ﭲ

96. касоне, ки маъбуди дигарро ҳамроҳ ба Ӯ қарор медиҳанд, дар ояндаи наздик ҳақиқатро хоҳанд донист.(1)
____________________
1. Тафсири Саъдӣ 1\435

Verse 97

ﭳﭴﭵﭶﭷﭸﭹ ﭺ

97. Ва ба ростӣ, медонем, ки ту аз он чи ки мегӯянд, дилтанг мешавӣ ва аз истеҳзо, таҳқир ва лафзҳои ширколудашон дилат ба дард меояд.

Verse 98

ﭻﭼﭽﭾﭿﮀ ﮁ

98. Пас, ба покӣ ёд кун Парвардигоратро ҳангоми фарогирии ғаму андӯҳ ва аз зумраи саҷдакунандагон (намозгузорон) бош!

Verse 99

ﮂﮃﮄﮅﮆ ﮇ

99. Ва давомат кун дар парастиши Парвардигорат, то ҳангоме ки марг ба суроғат меояд.

Тарҷумаи سورة الحجر

سورة الحجر

Тарҷумаи сураи ҲИҶР ба الطاجيكية аз الترجمة الطاجيكية

الترجمة الطاجيكية

الترجمة الطاجيكية