Surah سورة النجم

Verse 1

ﭑﭒﭓ ﭔ

1. (Аллоҳ таъоло савганд ёд кардааст:) Савганд ба он ситора, ки чун дар охири шаб пинҳон шавад.

Verse 2

ﭕﭖﭗﭘﭙ ﭚ

2. Гумроҳ нашудааст Муҳаммад саллаллоҳу алайҳи ва саллам ва на ба роҳи каҷ рафтааст. Балки Ӯ хеле ҳам дар роҳи дуруст ва иътидол мебошад.

Verse 3

ﭛﭜﭝﭞ ﭟ

3. Ва сухан аз рӯи ҳавою ҳавас намегӯяд.

Verse 4

ﭠﭡﭢﭣﭤ ﭥ

4. Он чизе, ки бо худ оварда ва бо шумо дар миён ниҳодааст, ҷуз ваҳй чизи дигаре нест, ки бар ӯ фиристода мешавад.(1)
____________________
1. Тафсири Табарӣ 22/498

Verse 5

ﭦﭧﭨ ﭩ

5. Таълим додааст ин Қуръонро ба Муҳаммад саллаллоҳу алайҳи ва саллам фариштае, ки бисёр неруманд аст.

Verse 6

ﭪﭫﭬ ﭭ

6. Пас фариштаи неруманд дорои ахлоқи некӯ (Ҷабраил алайҳиссалом) рост ва дуруст истод.

Verse 7

ﭮﭯﭰ ﭱ

7. Ва ӯ худро нишон дод ба сурати аслиаш ба Паёмбар саллаллоҳу алайҳи ва саллам дар канори баландии осмон.(1)
____________________
1. Яъне, дар тарафи офтоббаро.

Verse 8

ﭲﭳﭴ ﭵ

8. Сипас Ҷабраил наздик шуд ба Паёмбар саллаллоҳу алайҳи ва саллам, онгоҳ фуруд омад ва наздиктар шуд,

Verse 9

ﭶﭷﭸﭹﭺ ﭻ

9. пас фосилаи ӯ ба Паёмбар ба қадри ду камон ё камтар буд.

Verse 10

ﭼﭽﭾﭿﮀ ﮁ

10. Ва Аллоҳ ба бандаи худ Муҳаммад салаллоҳу алайҳи ва саллам ҳар чӣ бояд ваҳй кунад, ба воситаи Ҷабраил, ваҳй кард.

Verse 11

ﮂﮃﮄﮅﮆ ﮇ

11. Дили Муҳаммад саллаллоҳу алайҳи ва саллам он чиро, ки чашмаш дида буд, дурӯғ нашумурд.

Verse 12

ﮈﮉﮊﮋ ﮌ

12. Оё бо ӯ дар бораи чизе ки аз оёти Парвардигораш дидааст ситеза мекунеду дуруғ мебароред?

Verse 13

ﮍﮎﮏﮐ ﮑ

13. Ва ба ростӣ Муҳаммад саллаллоҳу алайҳи ва саллам Ҷабраилро ба сурати ҳақиқиаш бори дигар дида буд,

Verse 14

ﮒﮓﮔ ﮕ

14. назди Сидрату-л- мунтаҳо(1),
____________________
1. Яъне, дарахти набқ дар болои осмони ҳафтум. Тафсири Саъдӣ 1/818

Verse 15

ﮖﮗﮘ ﮙ

15. ки Ҷаннату-л-маъвои барои парҳезгорон ваъда шуда назди он қарор дорад.

Verse 16

ﮚﮛﮜﮝﮞ ﮟ

16. Чун дарахти Сидраро он чӣ пӯшонда буд, фурӯ пӯшонд, он гоҳ, ки амри бузург аз сӯи Аллоҳ онро мепӯшонад, ки васф ва ҳолати онро ғайри Аллоҳи якто дигаре намедонад.

Verse 17

ﮠﮡﮢﮣﮤ ﮥ

17. Ҳаргиз чашмаш каҷравӣ накард на росту на чап ва аз он чи ба он амр карда шуда буд ба диданаш таҷовуз накард.(1)
____________________
1. Тафсири Саъдӣ 1/818

Verse 18

ﮦﮧﮨﮩﮪﮫ ﮬ

18. Ҳамоно дид Муҳаммад саллаллоҳу алайҳи ва саллам, шаби Меъроҷ, порае аз оёти бузург, (яъне, ҷаннат ва дӯзахро, ки далолат ба қудрати Аллоҳ мекунад)(1)
____________________
1. Тафсири Саъдӣ 1/818

Verse 19

ﮭﮮﮯ ﮰ

19. Оё эй мушрикон, он маъбудонеро, ки ибодаташон мекунед: Лот ва Узоро дидаед?

Verse 20

ﮱﯓﯔ ﯕ

20. Ва Манот, он бути саввуми дигарро? Оё фоида ё зараре овард, то шарики Аллоҳ гардад?

Verse 21

ﯖﯗﯘﯙ ﯚ

21. Оё шуморо писар бошад, ки ба он розиед ва Аллоҳро духтар, ки дар ин сурат онро барои худ розӣ нестед?

Verse 22

ﯛﯜﯝﯞ ﯟ

22. Ин тақсими ситамкорона аст.

Verse 23

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﯻ

23. Ин бутҳо чизе нестанд(1) ҷуз номҳое, ки худ ва падаронатон аз рӯи ҳавову ҳаваси ботилатон ба онҳо додаед. Ва Аллоҳ таъоло ҳеҷ далеле барои тасдиқи даъвои шумо нафиристодааст.
Танҳо он мушрикон аз паи гумону нафси хеш мераванд ва ҳол он ки аз ҷониби Аллоҳ бар забони Паёмбар саллаллоҳу алайҳи ва саллам роҳнамоияшон кардаанд, пас ба онҳо фоидае накард.(2)
____________________
1. Яъне, соҳиби сифатҳои камол нестанд. 2. Тафсири Табарӣ 22/528

Verse 24

ﯼﯽﯾﯿ ﰀ

24. Оё ҳар чиро, ки одамӣ орзу кунад, аз шафоъати ин маъбудон ё ғайраш барояш ҳосил аст? (Ҳаргиз не).

Verse 25

ﰁﰂﰃ ﰄ

25. Оре, ҳам охират ва ҳам дунё аз они Аллоҳ аст.

Verse 26

ﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕﰖﰗ ﰘ

26. Ва чӣ бисёр фариштагони олиҳиммат дар осмонанд, ки шафоъаташон ҳеҷ фоидае надиҳад, магар аз он пас, ки Аллоҳ барои ҳар касе, ки бихоҳад ва писандад иҷозат диҳад.

Verse 27

ﭑﭒﭓﭔﭕﭖﭗﭘﭙ ﭚ

27. Ҳароина, аз кофирони араб онон, ки ба охират имон надоранд ва барои он рӯз амал намекунанд, албатта, фариштагонро ба номҳои занона номгузорӣ мекунанд.(1)
____________________
1. Яъне, аз рӯи эътиқоди ботилашон, ки фариштагон духтарони Аллоҳанд.

Verse 28

ﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬ ﭭ

28. Ва онҳоро ба он чӣ мегӯянд, ҳеҷ донише нест. Танҳо аз гумони худ пайравӣ мекунанд ва ҳароина, гумон барои шинохти ҳақиқат кофӣ нест!

Verse 29

ﭮﭯﭰﭱﭲﭳﭴﭵﭶﭷﭸ ﭹ

29. Пас, ту низ рӯй гардон аз касе, ки аз сухани Мо (Қуръон) рӯй мегардонад ва ҷуз зиндагии дунявӣ чизи дигареро намеҷӯяд.

Verse 30

ﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊ ﮋ

30. Ниҳояти донишашон ҳамин аст. Ҳароина, Парвардигори ту ба он касе, ки аз роҳи Ӯ гумроҳ мешавад оё ба роҳи ҳидоят (Ислом) меравад, донотар аст.(1)
____________________
1. Ин оят ҳушдори сахт аст барои гунаҳгороне, ки саркашӣ мекунанд аз амал кардан ба Қуръону суннат ва насиби дунявиро аз насиби охират бартар медонанд.

Verse 31

ﮌﮍﮎﮏﮐﮑﮒﮓﮔﮕﮖﮗﮘﮙﮚﮛ ﮜ

31. Аз они Аллоҳ аст ҳар чӣ дар осмонҳову ҳар чӣ дар замин аст, то бадкоронро дар баробари аъмолашон ҷазо диҳад ва некӯкоронро ба кирдори некашон подош (ҷаннат) диҳад.

Verse 32

ﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠ ﯡ

32. Онҳо касонеанд, ки аз гуноҳони бузургу беҳаёгиҳо парҳез мекунанд, ҷуз
он ки гуноҳи хурде(1) аз онҳо сар занад, бидонанд, ки ҳароина, омурзиши Парвардигори ту васеъ аст ва Ӯ ба аҳволи шумо он гоҳ ки аз замин биёфарид падаратон Одамро ва он гоҳ ки дар шиками модаратон пинҳон будед, огоҳтар аст. Хештанро бегуноҳ надонед ва худро таъриф накунед ба парҳезгорӣ. Ӯ ба парҳезгорон донотар аст!(2)
____________________
1. Яъне, он гуноҳҳое, ки кунандааш бар ондавомат намекунад, ё бар он маломат карда мешавад. Пас касе, ки воҷиботро ба ҷой орад ва муҳаррамотро тарк кунад, Аллоҳ гуноҳҳои сағираашро мебахшад. 2. Тафсири Табарӣ 22/540

Verse 33

ﯢﯣﯤ ﯥ

33. Оё дидӣ эй Паёмбар ҳоли зишти касеро, ки аз тоъати Аллоҳ рӯй гардонидааст?

Verse 34

ﯦﯧﯨ ﯩ

34. Ва каме аз моли худ доду баъд аз он бозистод ва сангдил шуд.

Verse 35

ﯪﯫﯬﯭﯮ ﯯ

35. Оё касе, ки аз хайр кардани молаш боз истод, ӯ илми ғайбро медонад ва ҳама чизро мебинад?(1) (Ҳаргиз на, балки ин
ба сабаби мумсикӣ ва сахтдилии ӯст).
____________________
1. Яъне, агар молашро диҳад, кам мешавад, пас ӯ онро мебинад.

Verse 36

ﯰﯱﯲﯳﯴﯵﯶ ﯷ

36. Ё ба он чӣ дар саҳифаҳои (Тавроти) Мӯсо омада, хабар дода нашудааст.

Verse 37

ﯸﯹﯺ ﯻ

37. Ё аз саҳифаҳои Иброҳим, ки ба он чи амр карда шуда буд. Иброҳим ба ҳамааш, вафо кард ва расонид?

Verse 38

ﯼﯽﯾﯿﰀ ﰁ

38. Яке аз муҳимтарин аҳкоме, ки дар саҳифаҳои Мӯсо ва Иброҳим омадааст, ин аст, ки ҳеҷ кас бори гуноҳи дигареро бар дӯш намегирад.

Verse 39

ﰂﰃﰄﰅﰆﰇ ﰈ

39. Ва ин ки: барои мардум подоше ҷуз он чӣ худ касб кардаанд, чизи дигаре нест.

Verse 40

ﰉﰊﰋﰌ ﰍ

40. Ва тамоми саъю кӯшиши инсон дар рӯзи қиёмат дида мешавад. Ва ҷудо карда мешавад некиҳояш аз бадиҳояш.

Verse 41

ﰎﰏﰐﰑ ﰒ

41. Сипас инсон ҷазои пурра дода мешавад бар тамоми амалҳояш.

Verse 42

ﰓﰔﰕﰖ ﰗ

42. Ва ҳароина, эй Паёмбар поёни роҳи бозгашти ҳама ба сӯйи Парвардигори туст.

Verse 43

ﰘﰙﰚﰛ ﰜ

43. Ва ҳароина, Ӯ таъоло касеро, ки хоҳад дар дунё механдонаду хурсанд мекунад ва касеро, ки хоҳад мегирёнаду ғамгин месозад.

Verse 44

ﰝﰞﰟﰠ ﰡ

44.Ва ҳароина, Ӯ таъоло касеро, ки ирода кунад аз халқаш мемиронад ва касеро, ки ирода кунад зинда мекунад. (Пас Ӯ таъоло ягонааст дар зинда кардан ва миронидан).

Verse 45

ﭑﭒﭓﭔﭕ ﭖ

45.Ва ҳароина, Ӯ таъоло, ки ҷуфтҳои нар ва модаро аз инсон ва ҳайвонот офаридааст,

Verse 46

ﭗﭘﭙﭚ ﭛ

46. аз нутфа, он гоҳ ки дар бачадони зан рехта мешавад.

Verse 47

ﭜﭝﭞﭟ ﭠ

47. Ва ҳароина, бар ӯҳдаи Ӯст зинда гардонидани дубора. Ва он дар рӯзи қиёмат хоҳад шуд.(1)
____________________
1. Тафсири Саъдӣ 1/822

Verse 48

ﭡﭢﭣﭤ ﭥ

48. Ва ҳароина, Ӯ таъолост, ки касеро, ки хоҳад аз халқаш, ба мол сарватманд мегардонад ва онҳоро ба он розӣ мегардонад.

Verse 49

ﭦﭧﭨﭩ ﭪ

49. Ва ҳароина, Ӯст Парвардигори ситораи Шиъро(2).
____________________
1. Ситораи "Шиъро": Ситораи дурахшонест, ки баъзе аз аҳли ҷоҳилият онро дар баробари Аллоҳ таъоло парастиш мекарданд. Тафсири Табарӣ 22/55

Verse 50

ﭫﭬﭭﭮ ﭯ

50. Ва ҳароина, Ӯст, ки Оди нахустин, қавми Ҳудро ҳалок кард.

Verse 51

ﭰﭱﭲ ﭳ

51. Ва Самуд аз қавми Солеҳро ҳалок кард ва аз онҳо ҳеҷ боқӣ нагузошт.

Verse 52

ﭴﭵﭶﭷﭸﭹﭺﭻﭼﭽ ﭾ

52. Ва низ пеш аз онҳо қавми Нӯҳро, ки ҳароина, ситамкортару саркаштар буданд, ҳалок кард.

Verse 53

ﭿﮀ ﮁ

53. Ва низ шаҳри Мӯътафикаро (қавми Лутро) нобуд кард.

Verse 54

ﮂﮃﮄ ﮅ

54. Пас онҳоро ба он чӣ сазовор буданд аз азоби сангин ва дарднок пӯшонид.

Verse 55

ﮆﮇﮈﮉ ﮊ

55. Пас, ба кадом як аз неъматҳои Парвардигорат эй инсони нобовар шак
мекунӣ?

Verse 56

ﮋﮌﮍﮎﮏ ﮐ

56. Ин Муҳаммад саллаллоҳу алайҳи ва саллам бимдиҳандаи барҳақест монанди бимдиҳандагони пешин. Пас паёмбари навпайдо шуда нест.(1)
____________________
1. Тафсири Саъдӣ 1/822

Verse 57

ﮑﮒ ﮓ

57. Қиёмат наздик гардидааст. Ҳеҷ касе ба ҷуз Аллоҳ таъоло онро дафъ карда наметавонад.

Verse 58

ﮔﮕﮖﮗﮘﮙ ﮚ

58. Касе ба ҷуз Аллоҳ таъоло ошкоркунандаи он нест ва надонад вақти воқеъ шудани қиёматро.

Verse 59

ﮛﮜﮝﮞ ﮟ

59. Оё эй мушрикон, аз ин Қуръон таъаҷҷуб мекунед, ки рост бошад?

Verse 60

ﮠﮡﮢ ﮣ

60. Ва масхаракунон ба Қуръон механдеду ва аз тарси азоб гиря намекунед?

Verse 61

ﮤﮥ ﮦ

61. Ва шумо дар ғафлат мондаед.

Verse 62

ﮧﮨﮩﮪ ﮫ

62. Пас, Аллоҳро саҷда кунед ва Ӯро танҳо бо ихлос бипарастед ва тамоми корҳоятонро ба Ӯ таслим кунед!(1)
____________________
1. Баъди хондани ин оят, саҷда бояд кард.

Тарҷумаи سورة النجم

سورة النجم

Тарҷумаи сураи НАҶМ ба الطاجيكية аз الترجمة الطاجيكية

الترجمة الطاجيكية

الترجمة الطاجيكية